فرح بصيتله وهي مصدومه و حط ايديها على شفايف هزه راسا وقالتله هركب العربيه
ركبت العربيه واحنا في الطريق كنت قاعده مرعوبه حرفيا هو ايه اللي حصل ده ازاي تسكت على الغلط
ده يا فرح بدل ما تديله قلم على وشه تركبي معاه
العربيه كمان لا كده كتير لسه كنت رايحه اتكلم لقيته هو سابقني في الكلام
احمد انا بعتذر لك على اللي حصل من شويه يا فرح
ما لقيتش طريقه اسكتك واخليكي تركبي العربيه غير كده
بصيتله كان جوايا كلام كتير عاوزه اقوله وازعقله واقوله كده ما يصحش ازاي تستجرى تعمل كده
بس لقيت كان لساني مربوط تفكير مشوش اكتفيت اني ابصله وسكت
بقلم امل شعبان علمتني ازاي احب
احمد ساكته ليه يا فرح ما بتتكلميش ليه
بصيتله وسكت
تليفوني رن كان المتصل محمد ابن خالتي بعتبر اخويا الكبير واخدين على بعض حرفيا يعني اتبسطت اوي اول ما عرفت هو اللي كان بيرن
الو يا ابو الصحاب يا اللي ما بتسالش
محمد ايه يا فروحه غصب عني والله يا فرح الشغل واخد كل وقتي
الشغل بردك يا لئيم
محمد قولي لي يلا عملت ايه اول يوم شغل ليكي
لسه كنت رايحه اتكلم لقيت احمد حط ايده على الدركسيون فضل يزمر بالعربيه وسرع أوي
هقفل معاك دلوقتي يا محمد ولما اروح اكلمك
على فكره الطريق فاضي ما فيش داعي تزمر وهدي السرعه شويه هنتقلب بالعربيه على فكره انا بكلمك هدي السرعه شويه العربيه هتتقلب بينا
بقلم امل شعبان علمتني ازاي احب
بصلي وما اتكلمش كان بان على معالم وش الغضب
هو ماله ده كان من شويه كويس هو عنده انفصام في الشخصيه ولا ايه
لو سمحتي هدي السرعه شويه العربيه هتتقلب بينا انا مش عاوزه اموت دلوقتي انا لسه صغيره
لو سمحت طب نزلني على جنب بعدين سرع براحتك اللي قدرت تطير في الجو طير
ببص لقيت عربيه داخله علينا كنا خلاص هنخبط فيها
ما لقيتش نفسي غير وانا مغمضه عين وكلبشت في دراعه وعلى صرخه واحده قلت خلاص العربيه اتقلبت بينا
بعديها بشويه لقيت العربيه وقفت رفعت راسي ببص لقيت احمد بيبصله ويضحك
هو انا لسه عايشه ما متش ازاي حاسه قلبي وقع في رجلي
بعديها بشويه استوعبت اللي انا ماسكه دراعه حشت ايدي بسرعه وقلتله اسفه ما كنتش اقصد
لقيت بصلي وضحك بصراحه خفت قلت ده باين علي بني ادم مريض مش تصرفات بني ادم عاقل خالص لسه كنت رايحه افتح باب العربيه انزل اجري
احمد اقفلي باب العربيه يا فرح
بصراحه خفت كانت المنطقه مقطوعه وده شكله مجنون رسمي اقعدي بكرامتك يا فرح بدل ما يخبطك بحاجه تروحي فيها قفلت باب العربيه وقعدت وكملنا الطريق كنت حاسه رجليه دي بتخبط في بعضيها
احمد هو مين اللي كنت بتكلميه في التليفون
بصيتلي باستغراب انا
احمد لا مش انتي يا فرح بكلم الكرسي اللي وراكي
نهار اسود يا فرح وكمان بيكلم الكراسي ربنا يسترها ويعدي اليوم ده على خير لغايه ما اروح بيتنا
احمد اه بكلمك انتي هو في حد تاني غيرك في العربيه مين الشخص ده
ده محمد
احمد اه عارف اللي اسمه محمد علاقته ايه بيكي باين من طريقه كلامكم واخدين على بعض
بصيتله وانا مستغربه هو ماله دوت واخدين على بعض ولا لا يخصوا في ايه
احمد سكت ليه يا فرح
ما سكتش بس مستغربه من السؤال
احمد عادي بندردش مع بعض عقبال ما نوصل
لسه كنت رايحه اتكلم تليفوني رن كانت حنان المتصل قلت الحمد لله لرنيتي يا حنان في وقتك
الو يا حنان
بقلم امل شعبان علمتني ازاي احب
حنان ايه يا فرح وصلت ولا لسه
لسه في الطريق قربت اوصل خلاص
حنان يا لهوي يا فرح فاتك حاجات كتير ما شفتيش ايه اللي حصل لرانيا
خلاص يا حنان لما اروح ابقى اكلمك
حنان مالك يا فرح بتتكلمي كان تحت تهديد سلاح
تهديد سلاح ايه يا حنان بقولك لما اروح اكلمك
حنان في حاجه ولا ايه يا فرح حد جنبك
ايوه استاذ احمد بيوصلني
حنان انتي بتهزري يا بنت اللعيبه استاذ احمد بنفسه بيوصلك اه يا سهتانه انتي طلعت مش سهله
لعيبه ايه يا حنان ده انا قطعت الخلف من ساعه ما ركبت العربيه
حنان ساكته ليه يا فرح
هقفل معاكي دلوقتي يا حنان ولما اروح اكلمك
حنان ماشي يا روحي
الحمد لله قرب أوصل
احمداخش من انهي شارع
اول شارع على ايدك اليمين نزلني في اوله
احمد الشوارع عندكم غريبه اوي
اه غريبه ايوه نزلني هنا بس
لسه بفتح باب العربيه
احمد استني يا فرح في حاجه انت ناسياها معايا
انا ناسيه حاجه معاك هي ايه
احمد طلع السلسله من جيبه اظن دي بتاعتك صح
اه دي سلسله بتاعتي نسيتها عندك في المطبخ اللي انا كسرته كان موقف يعري بصراحه
احمد اه فاكر كنت طالب منك فنجان قهوه كسرتيلي نص المطبخ لو طلبت منك تعمليلي اكل كنت ولعت في البيت كله وضحك بصوت عالي ههههههههههه
بقلم امل شعبان علمتني ازاي احب
بصيتله باستغراب لان الموقف مش بيضحك على فكره مش عارفه بيضحك على ايه بس اضطريت ابدله نفس الضحكه هههههههههه
احمد ما حدش قال لك انك ضحكتك حلوه أوي يا فرح
لا بس ماما على طول بتقوللي اللي انا فيشتاء عايمه بضحك عمال على بطال
احمد يعني ايه فيشتك
فيشتي يعني مش عارفه بصراحه بس هو مثل بيقولوه لما يلقوا الواحد بيفضل يضحك على طول
احمد بصلها باستغراب اه
متشكره اوي على التوصيل يا استاذ احمد استاذن حضرتك
نزلت وانا مكمله طريقي الى بيتنا كان في شارع طويل لسه همشي
وفي نص الشارع شفت كلاب
لا ده كده كتير اوي هش هش امشي يا كلب شكلي هنام في الشارع ولا ايه اخذت طوبه ورميتها على الكلب لقيت الكلاب كلها جايه تجري عليا
مسكت الجزمه في ايديا وطلعت اجري وانا بصرخ ياماما
وما اخديش بالي خبطت في شخص ببص لقيت احمد
انت هنا الحمد لله
احمد في ايه يا فرح بتجري ليه كده انت خايفه من الكلب
ايوه بخاف منهم اوي وبعدين ايه اللي يرجعك
احمد نسيت السلسله جيت اديهالك شكل جيت في الوقت المناسب وايه اللي ماسكه في ايدك ده
دي الجزمه
بقلم امل شعبان علمتيني ازاي احب
احمد بصلها وهاتك يا ضحكه ههههههههههه
هو الموقف مش بيضحك خالص على فكره لان فعلا بخاف منهم اوي بس اضطريت ابدل نفس الضحكه
احمد تعالى اوصلك ليه ما خلتنيش اوصلك لغايه البيت جوه خليتيني انزلك بره على الشارع
خفت لحد يشوفنا بصراحه يقولوا مين ده اللي راكبه معاه في نص الليل
احمد ما يقول اللي يقولوه بدل ما انتي ما بتعمليش حاجه غلط
بس الناس ما بتشوفش غير الظاهر وكلام الناس بيوجع مش هيوجعني انا اكتر ما يوجع مامتي
احمد فضل بصصلها وهو مستغرب عارفه بتفكريني بمين يا فرح
بمين يعني
احمد بمامتي الله يرحمها نفس طريقه كلامك وبتتصرفي على طبيعتك مش متصنعه عكس البنات اللي انا اعرفهم يمكن يكون ده اللي شدني اليكي
تعرفي يمكن ما ضحكتش في حياتي قد النهارده
بصيتله وانا مستغربه ليه ده هو شايفني اراجوز ولا ايه قدامه
احمد ساكته ليه يا فرح
لا مش ساكته بس بسمعك اهو وصلت اهو ده بيتنا يا استاذ احمد
كان نفسي اقولك اتفضل اشرب حاجه بس الوقت متاخر زي ما انت عارف
استاذن حضرتك
احمد ابتسم وقال لي تصبح على خير يا فرح
بصيت لي وانا مبتسم وحضرتك بخير
الفصل السابع
احمد تصبح على خير يا فرح
وحضرتك بخير
ا احمد راكب عربيته ومشي وهو متجه الى المنزل رنه تليفونه المتصل كريم الو
كريم ايه يا احمد مشيت من الحفله من غير ما تقول رنيت عليك كذا مره تليفونك كان مقفول
احمد معلش يا كريم اضطريت اروح نتقابل بكره في الشغل ونتكلم
كريم اوكي يا احمد
كريم دخل جوه وصادف رانيا قدامه ايه يا رانيا حاسك متضايقه في حاجه ولا ايه
رانيا اه متضايقه يا كريم احمد مشي مره واحده كده حتى من غير ما يقوللي حتى ما اعرفش راح فين برن عليه تليفونه مقفول
كريم احمد لسه مكلمه روح على البيت مش عارف النهارده حسيته متغير مش احمد اللي انا اعرفه
رانيا اه وانا كمان لاحظته اللي هو متغير هو في حاجه مضايقاه يا كريم بانكم اصدقاء واسراركم مع بعض
كريم لا خالص
وحنان واقفه بص على رانيا وكريم هم بيتكلموا
كل ده بيتكلموا في ايه اوف يا ربي الفضول هياكلني
اروح اشوفهم بيتكلموا في ايه
راحت حنان ناحيتهم وهي متصنعه ابتسامه على وشها
هاي يا رانيا لقيتكم واقفين قلت اجي اقف معاكم بتتكلموا في ايه
بصيتلها رانيا بقرف وما ردتش عليها وعدلت وشها تاني ناحيت كريم وقالتله بنبره صوت مايصه باي يا كريم بكره نكمل كلام ومشيت بكل تناكه كانها تقول يا ارض اتهدي ما عليك قدي
حنان بصلها وهي شارده في افكارها هي مالها دي بتتكلم ليه كده فعلا ليها حق ترفع مناخيرها لفوق بس ان شاء الله هكسرها لها قريب ما بقاش انا حنان
حتى اشتفاقه من شروده على صوت
كريم حنان مالك شارده في ايه
حنان بصيتله وهي بتتكلم بمياصه ولا حاجه يا حبيبي بقولك يا كرومي محدش قالك انك حلوه اوي النهارده
كريم بصلها وهو متصنع ابتسامه على وشه كل اللي يجي الحفله يا حنان قالي اني حلوه اوي
حنان بس انت يا حبيبي حلو في كل وقت وبما ان المعازيم مشو ما فيش غير كم واحد ما تيجي نلف شويه بالعربيه
كريم بصلها مش قادر والله يا حبيبتي روحي انتي وانا كمان هروح عشان هموت وانام ونتقابل بكره في الشركه
حنان بصيتله وهي متضايقه اوكي يا كريم ومشيت
كريم ايه اللزقه السوداء اللي انا وقعت نفسي فيها دي
ناخد لفه عند فرح بدا صباح جديد
المنبه رن يووووووه الساعه كام دلوقتي ببص في الساعه كانت 7:30 يوووووه ما لحقتش انام
مش هيجرى حاجه لو انام خمس دقائق بس لسه
رايحه انام تليفوني رن مين اللي بيرن اكيد حنان الزنانه
ببص بشوف مين المتصل طلع محمد ابن خالتي
الو يا حموده
محمد صباح الخير يا فروح
صباح النور يا محمد غريبه يعني بتصل الصبح كده
محمد يا بت انتي مجنونه يعني ارن عليك مش عاجب ما ارنش مش عاجب بما ان النهارده اجازه قلت اوصل فروحه الشغل........
فرح غريبه يعني من امتى الحدايه بتحدف كتاكيت
محمد تصدقي يا بنت انا غلطان قلت اكسب فيكي ثواب ووصلك بس طلعت ما تستاهليش
فرح اه اكل بعقلي حلاوه كل على اساس انا صدقتك كده خش في الموضوع على طول يا محمد انت جاي عشان تشوف حنان
محمد بدل ما انت عارفه يا ام 44 ليه مخلياني عمال اهري في الكلام
فرح انا قلتلك يا لوحه اعترف لها بمشاعرك وعلى فكره حنان بتحب الراجل الجريئه بس حنان بترن اهي اخش البس على السريع تكون انت جيت
اخذ لفه عند حنان
واقفه تحت البيت بترن على فرح لمحت عربيه محمد
ملحوظه محمد عندي 27 شاب وسيم وجسم رياضي ومكافح من صغره معجب بحنان جدا
محمد ازيك يا حنان عامله ايه
حنان بصيتله وهي مبتسمه الحمد لله كويسه يا محمد انت عامل ايه ما بنشوفكش كتير زي الاول
محمد ممما هو انا اغلبيه وقت في الشغل قلت النهارده بدل ما انا اجازه اوصلكم اهي فرح نزلت
فرح بصه لمحمد وضحكت اش اش من لقى احبابه نسى اصحابه
محمد هو نظري على حنان ويرسم ضحكه على وشه
يلا اركبي عشان ما تتاخروش على الشغل
حنان بصيتله بدلته نفس الضحكه
محمد بصرلها وفتح الباب العربيه اللي حنان وركبها من قدام
فرح بصه لمحمد وهي بتضحك وترقص حواجبها ايه يا محمد مش هتفتحلي باب العربيه انا كمان
محمد بصه لفرح وضحك اركب يا حاجه خلصي
فرح انا حاجه انا الملكه فرح
ركبنا واحنا في نص الطريق محمد شغل اغنيه ام كلثوم عن الحب
حنان بصه لمحمد وهي بتتكلم بصهوكه الله بحب الاغنيه دي اوي يا محمد
محمد بجد انا من عشاق ام كلثوم بسمع كل اغانيها
فرح في ايه يا جماعه هو انا طرطور قاعد ورا ولا ايه
محمد وحنان بصه لفرح وهاتك يا ضحك هههههههههه
وفرح بدلتهم نفس الضحكه هههههههههه
فضلنا نضحك الطريق كله لغايه ما وصلنا
نزلنا من العربيه
حنان ميرسي اوي يا محمد عالتوصيله
محمد وهو واقع في دباديبه هزعل منك اوي يا حنان اللي قلت كده ده اقل حاجه اعملها
فرح يا مراره الطفحه ياني يا امي كفايه يا محمد المراره هتفرقع
حنان بصيتلها وضحكت لمحه كريم جاي
استاذنك يا محمد
وانتي يا فرح اطلعي وانا جايه وراكي
محمد اتفضلي يا حنان
وبص لفرح وقالها بنبره صوت مضحكه اموتك ولا اعمل ايه فيك وامسكها من مناخيرها
فرح لا سيب مناخيري بتوجعني اوي يا محمد اةةة
محمد لسه راح يتكلم قطع شخص بالبونيه في وشه
فرح بتبص لقيت احمد ايه اللي انت عملته يا استاذ احمد ده جريت على محمد انت كويس يا محمد
احمد سمع اسم محمد بصه لفرح وهو بيتجز على اسنانه ومشي من غير ما ينطق باي حرف
محمد مين ده
فرح ده استاذ احمد مديري في الشغل
محمد هو ده مديرك ايدي تقيله اوي
فرح انا اسفه اوي يا محمد على اللي حصل لك بسببي
حنان جات ايه ده انت لسه موجود يا محمد مالك في ايه
فرح حكت لحنان على اللي حصل
حنان عادي ممكن يكون مفكر حد بيضايقك عشان كده ضرب يلا نطلع الشغل قبل ما يعملوا لنا تاخير يا فرح يلا باي يا محمد
واحنا طالعين صدفت شيماء نازله
فرح انتي كويسه يا استاذه شيماء
شيماء لا حاسه نفسي تعبانه شويه عشان كده مروحه هتاخدي انتي مكان النهارده لو في اي حاجه عايزه تسالي عليها رن عليا او ابعتيلي على الوتساب.
واعمل الاستاذ احمد فنجان قهوه اول ما تطلعي على طول
فرح خلاص ماشي يا استاذه شيماء
شيماء في النهارده اجتماع بره الشركه مع رجل الاعمال امجد بيه هتروحي مع استاذ احمد مكاني عاوزاكي ترفع راسي النهارده يا فرح
فرح بصيتلها وتصنعت ابتسامه على وشها وهزه راسها بكل توتر واتجهت الى المكتب بدات شغل بعديها بخمس دقائق افتكرتك القهوه يا وقعتك سوداء يا فرح
نسيب فرح بالقهوه بتاعتها وناخد لفه عند احمد
جالس في المكتبه بيراجع في الاوراق
خبط الباب
احمد اتفضل
دخل كريم جلس على الكرسي امام احمد
كريم النهارده هتمضي العقود انت وامجد وهتبقى شراكه وساعتها بالاسهم اللي هيخش بيها امجد هنوسع في مجال التصدير ساعتها الشركه هتبقى اسمها معروف في انحاء العالم
احمد انت عارف يا كريم انا ما بحبش موضوع ان يكون حد شريك معايا في شغلي ومن الناحيه التانيه هي فرصه حلوه زي ما انت قلت
كريم لسه بيتكلم قطع صوت تليفونه بيرن بيبص بيشوف مين المتصل ظهر على وشه علامه التوتر بلا عريقه بصه لاحمد قاله بنبره صوت متوتره هرد على المكالمه يا احمد وجاي
احمد بص له وقاله اتفضل وهو مستغرب هو ماله اتخض اول ما شاف المكالمه ما حطش في باله احمد وكمل قرايه
بعدها بشويه خبطت فرح على باب المكتب ودخلت
تفضل فنجان القهوه يا استاذ احمد
احمد وهو مركز في القراءه كلمها بنبره صوت مخيفه حطيها على المكتب والساعه 2:00 في اجتماع مع امجد
فرح بصيتله ومستغربه هو ماله بيكلمني ليه كده
اه حضرتك استاذه شيماء قالتلي تامر باي حاجه تانيه يا استاذ احمد
احمد لا يا فرح فيك تخرجي
فرح خرجت وهي عماله تكلم نفسها هو ماله ده بيكلمني ليه كده كاني قاتله له قتيل قعدت فرح على المكتب وكملت شغل بعدها بشويه جت حنان
حنان فروح فروح فروح
ايه يا حنان
حنان جبت لنفسي كابتشينو جبتلك معاي
تعالي تعالي نقف في البلكونه ونتكلم
احكي لي يلا حصل ايه بينك وبين احمد لما وصلك ما عرفتش اتكلم معاك الصبح عشان كان محمد معانا
فرح بصه لحنان فكرت لو قلت لحنان اللي هو بسني
هتكبر لي الموضوع وتعيشني في عالم سندريلاا
الاحسن احكي لها الموضوع من اول ما ركبت لغايه ما وصلني البيت
حنان في ايه يا فرح شارده في ايه
ولا حاجه يا حنان بصي يا ستي اول ما خرجت من الحفله بدات فرح تحكي بحنان من ساعه ما ركبت لغايه ما وصلها
وحنان هيغمى عليها من كتر الضحك
فرح بتضحكي يا حنان كل اللي حصل ده كوم والعربيه كانت هتتقلب بينا دي كوم تاني ما كانش ستر ربنا كنت انتقلت الى رحمه الله
حنان بص لفرح ومن طريقه كلامها عماله تضحك بصوت عالي مره واحده حنان كتمت الضحكه برات بعينيها لفرحه عماله تقولها بص وراكي استاذ احمد
فرح والله زي ما بقولك كده يا حنان ده بني ادم لا لمجنون اللي عنده انفصام في الشخصيه مالك يا حنان بتبري بعينيكي ليه كده في ايه مستغربه ان انا بقول علي مجنون اه مجنون
حنان رفعت ايديها وشوره وراها وبنبره صوت خوف اسكت يا فرح
فرح في ايه يا حنان ورايا بتبص وراها فرح لقيت استاذ احمد برقه عينيها و بلعت رقها بالعافيه اسسسسسسستااااذ اححححمد اشرح لحضرتك كل حاجه
احمد كان ينظر اليها نظره حاده وكان مرسوم على وجهه علامه الغضب كلمها نبره صوت غضب يلا عشان رايحين الاجتماع وخرج
فرح بصه لحنان وهي متوتره ادعي عليك بايه يا حنان وانتي فيك العبر كلها
حنان وانا مالي يا فرح انا كنت عماله ابصلك وانتي ما رضيش تسكتي كانك حنفيه ما صدقت فتحت
فرح انا يا حنان ماشي وخرجت فرح لبسه شنطتها نزلت مع استاذ احمد ركبت معي العربيه واحنا في الطريق مناطقش باي كلمه
بصراحه حسيت ان انا غلطت في حقه مفروض اعتذر له يعني بعد ما وصلني بالليل في لاخر اشتمه واقول عليه مجنون كنت لسه رايحه اتكلم تليفوني رن ببص بشوف مين المتصل طلع محمد مش وقتك
يا محمد كنسلت بعديه على طول رن تاني كنسلت بردك رن تاني ده انت زناني يا محمد
احمد ضرب فرامل وقف العربيه مره واحده تليفون اتنطر من ايدي وقع
لقيت احمد بصلي وبصوت عالي
لا ترد على التليفون او تفصليه خالص
بصيتل و هتزيد براسي وطيت خدت تليفوني وحطيته في الشنطه من سكات وكملنا طريقنا عادي