حمزه قاعد بيفتكر اول مره شاف فيها جميله لما كان راكب عربيته في يوم والدنيا كانت بتشتي وفجأة العربيه وقفت لأن السواق كان هيضرب بنت نزل السواق يجري يشوفها وحمزه نزل من عربيته لقاها واقفه وحاطه أيدها علي وشها من الجعزه
جمال السواق بلهفه: جميله يا بنتي انتي كويسه
نزلت جميله أيدها من علي وشها اللي أسر قلب حمزه من جماله
جميله: بابا
وراحت حضناه
حمزه: دي بنتك يا جمال
جمال: ايوه يا باشا الحمد لله ربنا ستر كنت هخبط بنتي
وانتي يا جميله مش تخلي بالك
جميله: معلش بقا يابابا
حمزه: انت كويسه يا جميله
جميله: الحمد لله يا عمو كويسه
اضايق حمزه من كلمه عمو بس كان مبسوط انه شافها واتعرف عليها
يقاطع تفكيره : حمزه بيه حمزه بيه
حمزه: ايه يا عثمان
عثمان الطباخ: الغدا جاهز
حمزه: ماشي
وراح حمزه يتغدا
حمزه بعد ما خلص اكل
حمزه لنفسه: ايه ده انا كلت كل ده انت فتحتي نفسي للدنيا يا جميله بعد ما خلاص كنت هفقد الأمل أن الاقي البنت اللي أحبها واسعدها وتجبلي ولد منها زي القمر يشيل اسمي ااه صحيح في فرق سن بس اوعدك اني هخليكي سعيده وعمري ما هزعلك وهانكون مع بعض في الوحشه والحلوه وهكون سندك........
جهز حمزه نفسه عشان يروح يقابل ابو جميله زي ما طلب منه وركب عربيته ورايحلهم
عند جميله
جمال دخل علي جميله وقالها: حمزه بيه مش لازم يعرف حاجه عن اللي في بطنك ده فاهمه
جميله: ازاي وانا حامل في شهرين هنخبي ده ازاي وبعدين انت بتقول أنه إنسان كويس عايز تخدعه وتبني حياتي علي كذبه
جمال بعصبيه: وانتي فاكره أنه أن عرف هيتجوزك ولا هيبصلك
جميله: انا اسفه يا بابا بس انا مش ناقصه مشاكل عشان اجيب مشكله جديده انا هقوله علي كل حاجه وهوا أن عجبه يجوزني يجوزني ماعجبوش خلاص
جمال : بتتنكي علي ايه دا انتي قليله الربايه واللي في بطنك ابن حرام
جميله بضيق: انا قلتلك أنه كان جوزي وماكنش في الحرام
جمال ما مسكش أعصابه ولسه هيضربها لقي جرس الباب بيرن
وقف جمال: حمزه بيه اجي
راح جمال فتح الباب
جمال: اتفضل يا حمزه بيه
دخل حمزه مع جمال وقعد
جمال؛ ناهد خلي العروسه تجيب الشربات
اجت ناهد ومعاها جميله شايله الشربات
حمزه مبهور من جمالها وحلاوتها
جمال،: زغرطي يا وليه
حمزه: استني يا ام جميله انا عايزه اتكلم مع جميله شويه
جمال وشه جاب الوان يا تري عايز يكلمها في ايه وعارف أنه لو سابهم لوحدهم جميله هتتكلم وتقول كل حاجه والجوازه تبوظ بس هيعمل ايه قام جمال وخد ناهد في أيده ودخلوا جوه وسابوهم لوحدهم
بدأ حمزه كلامه مع جميله: اذيك يا جميله
جميله: الحمد لله ووشها في الأرض
حمزه: ايه من ساعه ما جيت مش بتبصي في وشي ووشك في الأرض مش عايزه تشوفيني ولا ايه
جميله: لأ مش كده ورفعت وشها تشوفه
حمزه: ايه رأيك راجل عجوز مش كده
جميله: بالعكس حضرتك مش باين عليك اي سن ما شاء الله اللي يشوفك يقول عندك 30 سنه
حمزه:شكرا يا جميله عالمجامله وبعدين ايه حضرتك دا انا هبقي جوزك قوليلي يا حمزه المهم عاوز أسألك سؤال مهم
جميله: اتفضل حضرتك
حمزه: حضرتك تاني
جميله: اسفه يا حمزه
حمزه: تمام السؤال هو انتي وافقتي تتجوزيني ليه
جميله بتفكر تقوله بس خايفه من ابوها
حمزه: قوليلي عايز اعرف السبب وعايزين نبدأ حياتنا علي ميه بيضه زي ما بيقولوا قوليلي كل حاجه وماتخبيش
جميله فكرت أنه لازم يعرف كل حاجه وبدأت تحكيله
عن علاقتها بأشرف وأنها حامل منه وأنها كانت متجوزه منه وإن ده ماحصلش في الحرام
حمزه بيسمع ليها
جميله: انا كده قلتلك كل حاجه وانا كنت متجوزاه وهوا مجاش يتقدملي وغدر بيا وبابنه وانت في ايدك القرار دلوقتي ...
حمزه:...............
.....
الفصل السادس
جميله بتنتظر رد حمزه هل هيتجوزها ولا لأ ايه قراره
جميله: انتي عرفت كل حاجه والقراار قرارك دلوقتي
حمزه: ..........
جميله؛ انا عارفه أنه قرار صعب انا مش هافرض نفسي عليك انا هدخل اقول لبابا اني انا مش موافقه لو انتي محرج تقولها
وقفت جميله ودخلت عشان تقوله
حمزه : موافق
جميله لفت ليه : بتقول ايه
حمزه: أنا موافق
جميله: مش هتندم
حمزه: لأ مش هندم
جميله: بس انا مش هكون ليك زوجه زي اي زوجه انا هبقي مراتك علي الورق بس
حمزة: هخليكي تحبيني زي ما بحبك
جميله: مش هقدر احب حد تاني
حمزة: هتحبيني اد ما انا بحبك
جميله: وابني انا مش هنزله
حمزة: هيبقي ابني
جميله: هتندم يا حمزه ما تصعبش الأمور علي نفسك
حمزة: انا بحبك وهاستحمل اي حاجه عشانك
سكتت جميله
حمزه : يا جمال يا ناهد
خرج جمال وناهد وعلي وشهم القلق من قرار حمزه أو أن تكون جميله قالت له حاجه
حمزه؛ زغرطتي يا ام جميله بقا مش دي قري فاتحه ولا ايه
انبسط جمال وزغرطتت ناهد وقروا الفاتحه وحددوا ميعاد الفرح ...
جميله بتفكر مع نفسها: يا تري منتظرك ايه لسه يا جميله
حمزه صمم أن كل حاجه تكون زي اي عروسه لأول مرة
جميله: ليه كل دا فستان فرح وفرح كبير وكوافير
حمزة: عايز افرحك يا جميله
جميله: كل اللي انت بتعمله مش ليه لزمه
حمزة زعلان من كلامها وبيقول لنفسه: لازم اخليها تثق فيا الأول وبعدين هتحبني اللي عمله أشرف خلاها تفقد ثقتها في اي حد ....
حمزة اخد جميله وجبلها فستان الفرح
جميله حزينه
حمزة لنفسه: شكلك هتتعبيني جدا
الفرح في قاعه كبيرة علي مستوي عالي من الرقي
الفرح فيه رجال أعمال ومشاهير
حمزة راح يجيب جميله من الكوافير
طلعت جميله زي الأميرات حمزة وقف مبهور من جمالها
حمزة: طالعه زي القمر يا حبيبتي
جميله ببرود: شكرا
مسك حمزة جميله من أيدها وركبها العربية ووصلوا لقاعه الفرح
نزل حمزة وجميله واول لما دخلوا الورد الأحمر وقع فوقهم
دخل حمزة وجمال وناهد مبهورين من جمالها ورقتها
قعد حمزة وجميله عالكوشه
الأجواء دي تعجب اي بنت لكن جميله قلبها مجروح
اجي وقت رقصه السلو رقصت مع حمزة كأن عقلها مش موجود كانت بتفتكر أشرف
اشرف: فرحنا هيكون في قاعه كبيرة وشيك وهيكون فيها ناس مشهورة
جميله: هلبس فستان فرح تحفه كل البنات هتموت عليه وهطلع زي القمر وانت هتكون زي القمر ببدله سودا شيك وانيقه وبرفن ريحته تشد اي حد والبنات تبقي هتموت عليك واقعد اغيظهم اني هتجوزك
اشرف: وانا كل الناس هيحسدوني عليكي واول لما ندخل من باب القاعه ينزل علينا الورد وكل اللي في الفرح يسقف لينا وهنبقي مبسوطين وهيبقوا معانا أصحابنا اللي بنحبهم وهيصولنا ويفرحولنا
جميله: هيبقي جميل يارب حقق حلمنا وخلينا علطول مع بعض
اشرف: يارب يا حبيبتي انا مقدرش اعيش من غيرك بس هنقضي شهر العسل فين
جميله: في فرنسا نفسي اروح لها
اشرف: طلباتك اوامر يلا نروح لها بقي
جميله: هههههههه اتجوزنا خلاص وبنفكر في شهر العسل
يقاطع تفكيرها حمزة وهوا يحملها ويدور بيها وسط رقصه السلو ولما نزلها داخت فحضنته
حمزة اول مرة يحس الأحساس ده بس مبسوط من قربه ليها
فضلت كام دقيقة لما الدوخه راحت وخلصوا رقصه السلو وقعدوا عالكوشه والناس بتتصور معاهم ومبسوطين وبيرقصوا
اصحاب حمزة وجميله بيتصوروا معاهم
بس بيتهامسوا بين بعضهم أن جميله متجوزاه عشان فلوسه
وحمزة متجوزة عشان صغيرة
حمزة عارف الكلام ده لكن مش بيهمه كلام الناس
انتهي الفرح وروحوا البيت
اتفاجأت جميله من جمال فيلا حمزة ولكن حياها هتبقي زي السجن .......
حمزة: اتفضلي برجلك اليمين يا عروسه
دخلت جميله وبدون اي كلام
جميله: فين اوضتي
حمزة: اوضتك هيا اوضتي
جميله: قولتلك أناا هبقي مراتك علي الورق بس انا مش بحبك
حمزة بحزن: خلاص تعالي وانا اوديكي
ودخلها اوضه
حمزة: دي اوضتك وفيها حمام
جميله: ماشي
حمزة طلع وسابها وراح أوضاع
جميله قفلت الباب ونامت عالسرير وقعدت تعيط لحد ما راحت في النوم
حمزة في اوضته غير هدومه وخد شاور ااه صحيح متضايق بس عالأقل جميله بقت مراته
اجي الصبح واشرق نور الشمس يوم جديد على الجميع
صحي حمزة فهو متعود يصحي بدري خد شاور وعمل رياضه وبعدين راح لجميله عشان يشوفها
بيخبط عالباب مش بترد دخل لقاها بفستان الفرح
حمزة؛ جميله جميله اصحي جميله
جميله مش بتصحي
حمزة: دا انتي نومك تقيل اوي
حمزة شال جميله وقلعها فستان الفرح ولبسها بيجامه وعملها شعرها ضفيرة كل ده وهيا نايمه
وخرج يقول للخدم يجهزوا الفطار
جميله وهيا بتتقلب على السرير وقعت وده اللي صحاها
جميله: ااااه هوا كل يوم ياربي بقا
قامت جميله من علي الارض ماسكه ضهرها من الواقعه
جميله: ايه ده انا فاكرة امبارح اني ماغيرتش هدومي ونمت ايه ده شعري ما كنش ضفيرة اكيد حمزة اللي عمل كدة دا شاف كل حاجه هبص في وشه ازاي ثم إنه ازاي يدخل عليا ويقلعني هدومي كدا
الباب خبط
جميله : ادخل
حمزه: يلا تعالي افطري
جميله:بغضب انت ازاي.......................