رواية ذئاب لا تعرف الحب الفصل السادس والعشرون26بقلم نجمه براقه
بدر
طبيعي ان اول مكان يجي علي بالي هو الموقف ، اكيد كانت هتروح علشان تركب من هناك وتمشي ، وروحت وبالفعل لقيتها اهناك قاعده جوه عربيه واتنين واقفين يتكلموا وعينيهم عليها والتالت بيدخل العربيه وبعد شويه هما بيلحقوه ف قربت وشوفتها وهي قاعده قدامهم مرعوبه منهم وعاوزه حد يلحقها ، بس مكنتش اعرف لو شافتني هتفضل تهرب ولا هتستنجد بيه علشان الحقها ف طلعت المسدس وبقيت واقف ابص عليهم لغيت ما شافتني ، وخلفت ظني كنت فاكرها هتخاف بس له ده انا كنت النجدة بنسبالها ولما شافتني صرخت وقالت
: بدر !!!! الحقني
مردتش وبقيت واقف ابصلها وبفتكر شكلي اللي يضحك وانا بتنازل عن هيبتي ومكانتي وسط الناس، وبحب وابين ضعفي ل واحده انا بنسبالها سجان وعدو ليها ، نسيت انها مش ممكن هتضيع فرصه للهروب مني وهتعمل اي حاجه علشان تمشي حتي لو هتمثل انها مرتاحه بوجودها امعاي وانا بكل غباء افكر انها ممكن تحبني
#وفاء
بقيت اكلمه واقول
: يا كبير الحقني !!! ، ارجوك!!! يا بدر!!!!
ف قال اللي ورايا وهو بيحط ايده علي بوقي
_ بدر وقمر مين اخرسي لا اتويكي
قال التاني وهو بيحط المطوه علي رقبتي
: عاوزه بدر ليه وانتي معاكي تلات قمارات ، اطلع يلا واقف ليه
بقيت ازوم وانا بحاول ارجع ابص لبدر اللي لسه متحركش لدرجه اني فكرته هيسيبني ليهم وزاد يقيني انه فعلاً هيسيبني لما العربيه مشيت وهو لسه مكانه بيبص نحيتي وساكت وفجأه وعلي بعد كام خطوه سمعنا صوت رصاص بيضرب مرتين والعربيه وقفت ف قال الولد اللي ماسك المطوه
_ ايه ده في ايه
رد السواق وقال وهو بيبص من الشباك
: العجله...
قال محدث بدر
_ انت عملت ايه ياض!!! وديني لا اسيح دمك
طلع هو واللي ورايا وفضل بس اللي ماسك المطوه بقيت اشد في نفسي واصرخ ، ف زعق فيه وهو بيغرز سنها في رقبتي ف سكت من خوفي وبقيت ابص لبدر من المرايا وانا شيفاه بيوجه ليهم المسدس ولما بيضرب طلقه الاتنين بيجرو ويسيبوه وبعدها بيجي علينا ف الولد بيشدني ويوقف ورايا حاطط المطوه علي رقبتي وبيكلم بدر بعد ما فتح العربيه علينا وقال
_ لو قربتلي هدبحها ، امشي يلا!!!
قولت وانا ببكي لما فضل ساكت متحركش ولا اتكلم
: متسبنيش ارجوك
قرب المطوه مني اكتر وقال
_ اكتمي لا احش رقبتك
قال موجه كلامه لبدر
: ما تمشي واقف ليه!!!!
حط المسدس في جيبه وقال
_ ماشي بس انت حر مع الحكومه لو سألوني عنها هقولهم عليك
قال كده ومشي وانا وقفت مصدومه لتاني مره مش مصدقه انه سابني معاه وفي اللحظة دي الولد سابني وطلع يجري علي الباب قفله وبعدها راح في مقدمة العربيه علشان يسوق وقبل ما احاول اهرب رجع بدر وفتح الباب وهو مصوب المسدس نحيته وقال
: انزلي!!!
بقيت اضحك وسط دموعي وجريت عليه ونزلت من العربيه وقفت وراه امسك فيه وهو مصوب مسدسه علي الولد اللي رافع ايده لفوق وبيقوله
_ طيب استرجل وبعدين اخطف
شد اجزاء المسدس ف قولت وانا بحاول امسك من المسدس
: بلاش
بصلي بطرف عين وفجأه طلع رصاصه منه جت في رجل الولد ف وقع مكانه وبقا يصرخ جوه العربيه وانا حاولت اطلع علشان اشوفه لا يكون هيموت ف شدني من ايدي من غير ما يقول ولا كلمه ومشي بينا ف قولت
_ بدر اسمعني ، استنا!!!! بدر انا بكلمك اسمعني "
مردش وكمل طريقه وهو قابض علي ايدي ف قولت
: يا كبير!!!! سيب ايدي واسمعني عاوزه اقولك ايه "
كمل شد في ايدي في طريقه لنفس المكان اللي جينا منه من غير ما يرد عليه وكأنه مش سامعني لغيت ما قابلنا مجموعه شباب بيوقفو في وشه ويقول اولهم
_ انت عاوز منها إيه ؟!
وقف وبصلي من غير ما يرد ف قولت
: ده.. ده اخـويـ.... ده جوزي مش خاطفني ، ومشكلتنا هنحلها مع بعض شكرا ليكم "
رجع بصلهم ف بعدو الطريق وهو شدني قباله وحاوط وسطي بدراعه بقيت بصاله وبترجاه يسمعني وهو ساكت لغيت ما وصلنا عند النيل و وقف يستني المركب وهناك رجعت اطلب مني يسمعني وقولت
_ بدر ارجوك!! انا كنت عاوزه ارجع لبابا ومكنش في طريقه تانيه "
مردش ف وقفت قدامه وقولت ودموعي بتسيل
: مكنش قصدي اضحك عليك بس ملقتش طريقه تانيه والله ، ارجوك يا كبير خليني امشي من هنا
فضل ساكت ومنطقش بحرف لغيت ما شاف المركب و شاورلها وانا رجعت اكلمه وقولت وانا قلقانه من سكوته
_ انت ناوي تعمل في ايه ؟!!! بدر رد عليه متسكتش كده ، حرام عليك كلمني "
مردش عليه ولما وصل الريس بالمركب وقف ورايا واستناني اعدي ف بقيت واقفه مكاني بصاله ودموعي مموقفاش و بقوله
: انا اسفه ، مكنش قصدي اخدعك ارجوك كلمني مره واحده وفهمني هتعمل ايه
مسك ايدي وعدي وشدني وراه وهناك ساب ايدي وقعد باصص للميه وانا بعد ما يأست من رده قعدت علي الجانب التاني ابصله واراقب تعابيره اللي فضل ثابته متغيرتش... وللأسف شكلي جرحته بس انا مكنش قدامي حل تاني غير كده والا مكنش هيخليني امشي
#بدر
مش لايم عليها ولا زعلان منها قد ما انا لايم علي نفسي اني صدقت اني ممكن في يوم اعيش احساس مش ليه ورغم مكانتي وهيبتي اللي الكل بيتكلم عنها سمحت لنفسي اعيش مراهقه متاخره مع واحده عمرها ما هتشوفني ولا هكون ليها غير عدو وسجان عاوزه تهرب منه ، وجعت قلبي يمكن اكتر من وجعي زمان لما اتخذلت من امي وابوي ، واكتر من وجعي في معايرة عبيده وهروب فاطمه ، اتوجعت علشان نسيت نفسي ونسيت ان الحب ميلقش عليه ولا مكتوب عشاني، وزي ما رجعت افتكر الضحك امعاها رجعت مطايقش اتكلم ولا طايق حياتي كلها بسببها وفضلت ساكت لغيت ما رجعنا النجع بس المره دي مروحتش بيها علي البيت ، روحت بيها علي السجن ودخلتها في اوضه اهناك بقت تبكي وتمسك فيه علشان مسبهاش وتترجاني وتحلف انها ما هتحاول تهرب وانا بقيت باصصلها وساكت وفي الاخر شديت يدي منها وطلعت وقفلت الباب من غير ولا كلمه وبقيت سامع صوت بكاها ومنادته عليه بس مشيت قولت مش هسمح اني اتعاطف امعاها تاني ورجعت البيت عديت علي امي وسيبتها تتكلم وطلعت فوق دخلت وقفلت الباب علي نفسي ولما امي بقت تخبط وتكلمني مرديتش ، مكنتش قادر ارد ولا كنت عارف اقولها حصل ايه ، مكنتش هقدر اقول ان الكبير مجروح بسبب الحب والكلام الفاضي ده ف سكت ومرديتش لغيت ما فوقتني كلمتها وهي بتقول
: حد حاول يقتل شبل في المستشفي
قومت من مكاني مفزوع وفتحت الباب وقولت
_ بتقولي ايه يامه ، مين ده اللي حاول يقتل شبل
: معرفش واحد دخل اوضته وحاولت يكتم نفسه بس ربنا بعتله ولد حلال ولحقه قبل ما يعملها "
سيبتها ونزلت اجري وروحت المستشفي وقابلت عبيده و واحد تاني كان جمبه ف قولت وانا بتقدم نحيتهم
_ اخوك حصله إيه ، مين ده اللي كان عاوز يموته
: كان واحد مداري وشه دخل عنده وحاول يموته ، ولولا الاستاذ ده شك فيه ولحقه كان زمان شبل مات
بصيت لشخص التاني وقولت
_ انت مين
: انا فارس
_ اهلا وسهلا ، ايه اللي حصل شوفته كيه
: انا كنت جاي المستشفي ف شوفت واحد مداري وشه وبيتسحب حسيت انه ناوي علي حاجه ف راقبته لغيت ما لقيته داخل غرفة العنايه ولما روحت وراه لقيته بيحاول يكتم نفس اخوكم بالمخده ف لما شافني زقني وجري
: شوفت شكله
_ ايوه
: يعني لو شوفته مره تانيه تعرفه
_ اه اقدر
: اه ، انت شكلك مش من اهنه؟!
_ ايوه انا مش من هنا فعلاً
: طيب انت هتشرفنا شويه يكون عرفنا مين ده
_ معلش يافندم انا الحقيقه لازم ارجع لأن والدي تعبان ومش هقدر اسيبه بس انا ممكن اجيلك تاني
: طيب تمام ، ممكن تديني رقم تلفونك
_ اه طبعا هات اكتبهولك
ادتله التليفون يكتب الرقم وبعدين سيبته ودخلت عند شبل وشوفت شكله وهو نايم في ملكوت ربنا مش داري بحاجه ولا ضايق حد ومع اكده في اللي مش عاوزه يعيش بس مين وليه مش عارف لكن باين الأيام الجايه هنتصدم كتير
#عبيده
بعد ما مشي فارس انا كنت داخل عند شبل لكن وقفني صوت بشر ولما بصيت عليه لقيته جاي مع مرت ابوي ودعاء و ورد ، ورد اللي انا مبقتش عاوز يجمعني بيها اي مكان ولا اشوفها
ازيك يا ولدي
قالتها مرت ابوي ف رديت وانا بتجنب البصه ل ورد
_ نحمد ربنا ، مقولتوش ليه انكم جاين
قالت دعاء
: انتوا كلكم مشغولين ف قولنا نيجو نطمنو
_ طيب اقعدو في الاستراحه او ادخلو الاوضه اللي هناك دي ابوي فيها
قالت مرت ابوي
: عاوزه اطمن علي شبل الاول
_ شبل دلوكتي نايم والدكتور مانع عنه الزيارة لاكتر من واحد بس ، روحي دلوك ويكون فاق ادخلي اطمني
قالت دعاء
: طيب احنا هندخل يلا يا مرت عمي ، يلا يا ولاء
مشو و ورد بقت واقفه تبصلي ومتحركتش ف مشيت من قدامها وقعدت جوه في الاستراحة بعيد عن نظراتها وعنها كنت عايز اهرب من اي كلام بيني وبينها وبعد شويه جت و وقفت عندي وهي عاوزه تقول حاجه بس متردده ف قومت وقولت وانا ماشي
_ هجيب دوا لشبل
: استنا
_ بعدين
قولت اكده ومشيت وانا مش راضي عن نفسي وقلقان من انها تاخد تجنبي ليها علي انه بُعد بسبب اللي حصل بيني وبينها في الاوضه
#ورد
كنت فكراه بيتجنبني لأنه مشغول بس طلع قاصد ميكلمنيش وبيهرب مني حتي البصه مش بيبصها في وشي وده ليه ، اكيد لأني قبلت بقربه مني ، او كان بيقربلي من الاول علشان يوصل لحاجه ولما وصلها مبقتش ليه قيمة عنده ، ملهاش تفسير تاني غير اكده .
كنت هتجن بسبب تصرفه ده وبعد ما كنت محتاجاه يوقف امعاي بقيت محتاجه اللي يفوقني من صدمتي فيه
: واقفه عندك ليه
قالتهالي دعاء قبل ما ابصلها واشوف حقارتي في عينيها ، بكيت واترميت في حضنها من غير ما اقول حاجه بقت تسألني مالك وانا مكمله بكا مبردش معرفتش اقولها إيه ، اقولها زعلانه ان جوزك بيبعد عني في وقت ما انا محتجاله ولا اقولها انه بعد علشان قدر يوصلي
: في ايه يا يا ولاء خوفتيني
بصتلها وقولت وانا ببكي
: انا عاوزه امشي ، هرجع مكاني انا مليش مكان في حياة الكبار دي
_ طيب اسكوتي لو سمعت كلامك ده تاني هزعل منك ، بقا عاوزه تسيبيني بعد ما لقيتك اخص عليكي
: انا مش منكم ، انا غجريه ومليش مكان وسطكم
_ تاني رجعتي للكلام ده!!!
قالهالي عبيده اللي دخل علينا فجأه و وقف قدامي وكمل بعصبيه
: انا مش قولتلك مش عايز كلام في الموضوع ده ولو رجعتيلوه هزعلك
بصتله وقولت وانا كرهاه
_ انا معرفكش يا جدع انت ، انت ملكش دعوه بيه اروح مطرح ما اروح
حاولت امشي ف مسك يدي ورجعني وقال
: هضربك من صح ، اعقلي وبلاش جنان
بقيت بصاله وانا مش طيقاه قدامي ف قالت دعاء
_ خلاص يا ولاء اسمعي الكلام
: له مسمعاش وده بذات ملهوش كلمه عليه
اتقدم ليه خطوه وقال وعينه في عيني
_ ده؟!!! ده لو سمع حسك هيحبسك في السجن لغيت ما تموتي او تعقلي
بقيت بصاله وساكته ف قال
: سامعه بقولك ايه
مردتش ف مسك فكي وقال وهو بيشد عليه
_ ما تردي ولا نفسك تتحبسي
قالت دعاء وهي بتمسك في يده
: كفايه يا عبيده سيب البت ، بقولك سيب
شدة يده عني وانا كنت لسه واقفه وبصاله مش مصدقه انه طلع اكده وكلام تماضر كان صح واعفش كمان
#عبيده
كنت شايف كل اللي بتفكر فيه في نظراتها ليه كانت شيفاني استغليتها وبعدت بعد ما وصلتلها وكان نفسي اقولها انه ده محصلش وبعدي عنها لسبب تاني بس مقدرتش خوفت مقدرش ابعد وارجع اقربلها
..... ........................... .. …………….
#فارس
رجعت عند بيجاد ولقيته مستنيني علي احر من الجمر ولما شافني حاول يقوم بس انا وقفته وقولت
: خليك!!
_ اتاخرت ليه ، ده انا قلت حصلك حاجه
: لا الحمدلله عدت ، بس كنت بشوف الناس اللي قولت عليهم علشان كده اتاخرت
_ طيب حصل ايه طمني
مكنتش عارف اجبهالوا ازاي ف ابتديت ب شحاده وفهيم وقولت
: شوفت شحاده وفهيم ، هما لسه هناك و واضح ان مفيش حد كشفهم ولسه عايشين حياتهم وسط الغجر ومحدش في النجع عرف اللي عملوه
ظهرت دموعه وهو بيقول مترقب اجابتي
_ يعني صح فاطمة ماتت وهما عملوا اللي عاوزينه
مقدرتش ارد ف قال
: قالوا هربت معايا صح؟!
_ ايوه للاسف النجع كله ملهوش سيره غيركم ، بيقولو هربت وجابت لأهلها العار "
قال بصوت مخنوق
: يعني صح قتلوها ودفنوها
بقا يبكي بحزن شديد حاولت اهديه بس مقدرتش واستمر في بكاه وهو بيقول
_ قتلوها!!!
: اهدا علشان خاطري مش كده هتتعب تاني
_ مش ههدا!!! مش ههدا غير لما يدفعوا التمن ، كلهم لازم يدفعوا التمن ، مش هسيبهم ، انا رايحلهم
قال كده وقام ف وقفته وبقيت اكلمه واهديه لغيت ما رجع يوقع علي السرير ويسكن انفعاله شويه ويكمل بكا ويقول
: كل ذنبها انها حبتني ، هي دفعة تمن عدوتهم مع الناس
_ ارجوك اهدا انت كده هتتعب واحنا عاوزينك تخف علشان ترجع وتثبتلهم انها مهربتش
بصلي وقال بعد ما حد من نظراته
_ مش عايز اثبت حاجه لحد ، اللي عملوا فيها كده هيموتو وده اللي انا عاوزه ، مش عاوز حاجه تاني غير اني اقتلهم
#وفاء
جه الليل والديابه بقت تعوي في كل مكان وانا من كتر الخوف بقيت قاعده في زاويه ضامه نفسي وجسمي كله بيترعش ، وبعد وقت وانا اللي بيفصلني عن الجنان ثانيه واحده اتفتح الباب ولما بصيت لقيت بدر، مش عارفه جبت منين القوه اللي خلتني اقوم رغم ربط جسمي بسبب الخوف وجريت اترميت في حضنه مطوقه رقبته بأيديه ومخبيه وشي بكتفه وقولت وانا ببكي وبصوت مهزوز
: سيبتني هنا ليه انا كنت هموت من الرعب ،
قولت كده وسكت شويه وانا لسه حضناه لغيت ما لقيته بيبعدني ويبصلي بسكوت ف قولت بحرج بعد ما استوعبت اللي عملته
_ اسفه بس كنت خايفه "
استمر في سكوته ف قولت
_ بدر... ارجوك افهمني انا ملقتش حل تاني عشان امشي .. انا عارفه انك زعلان مني اني ضحكت عليك بس ملقتش طريقه تانيه
بقا مكمل في سكوته ف قربت وقولت وانا بمسك في دراعه وابصله
: طيب رد عليه فهمني بتفكر في ايه ، انت كده مخوفني ، طيب قول هتعمل في ايه ، هتموتني ولا ترميني لديب "
مردش ف قربت منه ناهيه اي مسافه بيني وبينه وقولت
_ رد عليه ان شاءلله تضربني لكن متسبنيش كده
مسكت ايده وقولت
: بدر! انت اكيد سامعني؟!
بعد ايدي عنه ودار علشان يمشي ف جريت وقفت قدامه مسكت في دراعه وقولت بترجي
_ ابوس ايدك متسبنيش هنا ، ارجوك انا دمي نشف من الخوف ، ونبي متسبنيش "
مردش ف قولت وانا بشد علي ايده علشان يتكلم
: ارجوك رد عليه ، طيب انا اسفه والله عمري ما هفكر اهرب تاني وهفضل هنا علي طول لغيت ما انت ترجعني بنفسك ، طيب قول اي حاجه ، اضربني حتي بس متسكتش كده "
طال سكوته قبل ما ينطق اخيرا ويقول
_ في الوقت اللي انا سيبت كل حاجه وروحت معاكي حد حاول يقتل شبل ولولا ستر ربنا كان مات وكان هيبقا بسببك
شهقت بصوت عالي وانا بقول
: يقتله؟!!! مين ده وليه
رجع لسكوته ف قولت ودموعي في عيني
'انا اسفه حقك عليه ، اسفه والله ، ارجوك مترجعش تسكت ، رد عليه ، طيب اضربني لو عاوز بس متسكتش ، سكوتك مخوفني
مسكت ايده وضربة بيها وشي وقولت وانا ببكي
_ ارجوك ، انا اسفه
لمعت دموعه ف قال وهو بيبعد ايده عني
: العيب مش عليكي ، انتي من حقك تحاولي تهربي بأي طريقه ، الغلط مني انا علشان نسيت انا مين ورايح اصدق ان ممكن تنسي اني خاطفك وجايبك من فرحك غصب
قولت وانا مش قادره اسيطر علي دموعي
_ والله كنت هستنا ترجعني بس خوفت
: مش مهم اي كلام دلوك ، بس من الدقيقة اللي هربتي فيها رجعتي كل واحد فينا لمكانه الطبيعي انتي السجين وانا السجان وهتفضلي اهنه لغيت ما اخوكي يرجع ده ان رجع
قال كده وحاول يمشي ف مسكت فيه وقولت
_ لا لا ارجوك يا كبير متسبنيش هنا ، ارجوك رجعني معاك واحبسني هناك في اي اوضه ، ارجوك ، ونبي متسبنيش انا ممكن اتجنن هنا ، علشان خاطري"
حسيت ان علشان خاطري مش مناسبه ف قولت
_ اقصد علشان خاطر اي حد غالي عليك ، متسبنيش هنا واعمل فيه اللي انت عاوزه ان شالله تضربني ، بدر رد عليه مترجعش تسكت
: متاكده
_ متاكده من ايه
: انك عاوزة ترجعي السرايا
_ اه متأكده
: تمام يا دكتوره "
مسك دراعي ومشي بينا من هناك ف قولت وانا ببتسم وسط دموعي "
: انا متشكره قوي
مردش وكمل بينا لغيت السرايا وشدني للاوضه فوق وقفل علينا وقال
_ لو معجبكش السجن ف انتي هتقعدي اهنه
بصتله بأمتنان قبل ما تبهت ملامحي لما كمل وقال
_ هتقعدي امعاي في نفس الاوضه ومش بعيد كمان علي نفس السرير ، مانتي قانونياً مرتي
وسعت عنيه وانا بقول
: انت بتقول ايه
_ بقول هتبيتي امعاي
: لا مش ممكن.....
رفع ايده وقال بمقاطعه
_ انتي اللي اختارتي متقعديش في السجن ف انا اختار الحل اللي علي مزاجي بعد اكده
قال كده وسابني
#ليلي
كنت هتجنن لما عرفت ان شبل نفد منها ف كلمت شحاده وانا مش طيقاه وقولت بغيظ
: حتت عيل مقدرتش تموته امال فالح بس اتهددني وعامل فيها سبع رجاله في بعض
_ بت انتي....
: بلا بت بلا واد انت تسكت بدل ما ادور عليك واقتلك قبلهم ، كيه الواد ينفد منها امال لو كان صاحي كان حصل ايه
_ مش انا اللي روحت انا بعت واحد تاني
: نعم ياخوي!!! واحد تاني ليه ، وانت اتشليت لما تبعت واحد تاني
_ انتي زودتيها قوي
: ياشيخ اتربرب ، هنروح في داهيه وفاضي وانت تتقندل ، غور خليني اعرف افكر "
قفلت امعاه وبقيت ادور حولين نفسي افكر في حل لغيت ما لقيته وهو ان مفيش حد هيقتل شبل غيري ف طلعت من الاوضه واستنيت لغيت الليل وشوفت بدر داخل بالبت وطالع بيها فوق وبعد دقيقتين رجع ف وقفت قدامه وانا ببكي واقول
: شبل عامل ايه جنابك ، طمني
_ بتبكي ليه
: قلقانه عليه قوي ، محقوقالك بس انا...
_ خلاص ، هو زين محصلهوش حاجه
: طيب اروحله ، اشوفه مره واحده ونبي يا كبير ، قلبي واجعني عليه
بقا باصصلي وساكت ف قولت
_ عارفه ان ميصحش اقول اكده بس هو لو يقدر يتكلم كان قالي تعالي ، خدني ليه احب علي يدك
كمل في سكوته شويه وبعدين اتنهد وقال
: اجهزي مستنيكي
_ ربنا يخليك يا كبير ، ربنا ينصرك علي مين يعديك ، انا جاهزة اهه
: طيب يلا
مشي قدامي وانا اتنفست براحه ومشيت وراه وانا ناوياها ومش هرجع غير لما يكون ميت المره دي وروحت ولما وصلت اهناك شوفت عبيده قاعد بره و بدر قالي ادخلي دقيقتين واطلعي قولت حاضر ودخلت وقربت منه بس اتصدمت لما لقيته مفتح وبيبصلي ومبقتش عارفه اذا حد شافه ولا لا وهل اتكلم مع حد وقاله اللي حصل ، ف قربت منه وقولت
: شبل انت فايق ؟!
بقا باصصلي وساكت وفي عوجه في راسه ورعشه في جسمه كان شكله غريب ف قولت وانا بميل عليه
_ انت سامعني؟!
بقا يأن ومش عارف يقول كلمه واحده ف قولت وانا بمسك يده اللي اتنفضت اما لمستها
: انت شليت ولا ايه
مردش وبقا خايف مني ف فهمت انه اتشل ف قولت بإبتسامة
_ يعني اتشليت ههههههه متزعلش انا كنت بهزر امعاك بس انت اللي طري وطرت في الهوا ، لكن انا هريحك خالص
قولت اكده وقبل ما اشد المخده من تحته وانا شايفه الخوف في عنيه دخل عبيده ف سيبت المخده قوام ورجعت احط يدي علي كتفه
#عبيده
بعد اللي حصل جبت كاميرا لاوضه شبل و وصلتها بالتلفون ومفكرتش ابص عليها غير لما شوفت ليلي داخله ولما بصيت لقيتها واقفه جمبه وبتكلمه في الاول مفكرتش كتير وقفلت الكاميرا بس رجعت فتحتها تاني عشان اركز في حاجه ف قومت من مكاني مفزوع لما شوفته مفتح و جريت ودخلت عنده وقبل ما اتكلم بصتلي ليلي وقالت بفرحه
: الاستاذ شبل فاق
مردتش عليها و وقفت جمبه حاطط يدي علي راسه وقولت
_ حمدالله علي سلامتك ياخوي
بصلي و مردش وكان في رعشه في جسمه وميله في راسه ودموعه ماليه عينه اللي بيبصلي بيها مره و ل ليلي مره مكنتش عارف مالوا بس قلقت شكله اكده قلقني ف قولت وانا بميل عليه
: في ايه يا شبل انت زين
بقا يتهته بالكلام ومفيش حرف طالع منه مظبوط ف بصيت ل ليلي وقولت
_ مالوا
: معرفش انا دخلت لقيته اكده
ميلت عليه وقالت
_ سلامتك يا استاذ شبل ، انت سامعنا ، عارف بنقولك ايه
بصلها ودموعه ماليه عينه ورجع بصلي وبصلها تاني كأنه مضغوط وعاوز يقول حاجه بس مش قادر وبعد ثواني نام او اغمي عليه مش عارف ف سيبته وطلعت انادي علي الدكتور ولما شوفته جاي رجعت تاني وبعد اقل من دقيقة دخل علينا بدر وابوي والدكتور ف قولت
_ شبل فتح بس مكنش قادر يتكلم وفي رعشه في جسمه يا دكتور
قال بدر
: يعني فاق
قرب منه الدكتور وقال
: طيب اتفضلوا دلوقتي
قولت
_ طمنا عليه الاول
شاورلنا علي الباب وقال
: لو سمحتوا
طلعنا وبقينا علي اعصابنا لغيت ما جه
ف وقفنا كلنا قدامه و قال ابوي
_ ولدي عامل اية دكتور
اتحمحم وهو بيعدل نضارته ويقول
: احنا لسه هنعمل تحاليل تثبت شكوكي او تنفيها بس الواضح ان حصله شلل نتيجه لخبطه في دماغ
#ليلي
بعد ما قال انه اتشل الكل اتصرعوا وانا اتصرعت قدامهم بس كنت مبسوطه لأن الشلل طايل لسانه ويده يعني لا هيقدر يتكلم ولا يكتب لغيت ما الاقي الفرصه واقدر اخلص عليه ..
وبعد ما خلص الدكتور كلامه قال بدر
: طيب نقدر ناخده البيت يا دكتور
_ لا لسه
قال عبيده
: هنعمله في البيت كل اللي يحتاجه اهنه
قال بدر مكمل علي كلام عبيده
_ ان شاءلله نجبله العنايه المركزه في البيت
: حضراتكم قلقانين ان اللي حصل يتكرر تاني ؟!
قال رضوان
_ ايوه في البيت آأمن من اهنه
: طيب ممكن ننقله بس يكون حد جمبه يراعيه انا ممكن ابعت معاكم ممرضه تاخد بالها منه ومن علاجه والمحاليل اللي هياخدها
بعد ما وافق الدكتور رجعوه في عربيه اسعاف لغيت البيت ودخلوه اوضته والكل اتجمع حوليه وانا منهم ومن بين الكل مبصش غير ليه والكل خد باله بس مفهموش نظراته دي معناها ايه واستمر في بصته ليه دوناً عن الكل لغيت ما دخلت ورد وقتها بصلها هي وبقا يحاول يتكلم وعنيه طالع منها سيل دموعه وهي بقت تبصله ودموعها موقفتش هي التانيه
#ورد
كان عاوزني اتكلم بس انا مقدرتش خوف علي تماضر اللي هيقتلوها لو اتكلمت ، ف سكت وطلعت من عندهم روحت الجنينة وبعد شويه لقيت بدر جاي عندي وبيوقف قدامي يقولي
: مال شبل
ارتبكت وانا بداري وشي عنه واقول
_ ماله كيه ، مش فاهمه
: لما شافك بقا يأن ويبصلك وشكله كان عاوز يقول حاجه وانتي اكيد عارفه ايه هي الحاجه دي
بصيت بعيد وقولت
_ حاجه ايه معرفش
: امال مشيتي ليه
_ مشيت
: انا بسألك براحه اهو قولي في ايه بدل ما اغير طريقتي
رجعت بصتله وقولت
_ تغير طريقتك كيه مفهماش ، هتجلدني ولا تقتلني
: انا مبتهمكش بحاجه بس شبل حد حاول يقتله في المستشفي ومش عارفين هو مين ولا ليه ، ويمكن تعرفي حاجه تساعدنا ده لو كنتي معتبره نفسك واحده مننا مش غجريه "
حسيت بضغط ف قولت وانا ببكي
: ايوه انا اعـ.....
مكملتش كلمتي الا ولقيت ليلي طالعه تقولي فين تماضر يا ورد مبيناش ليه امي بتدور عليها
سكت وبقيت بصالها وانا فاهمه قصدها زين ف قالها بدر
_ مش وقته دلوك ، روحي دوري عليها
_ حاضر جنابك
بصتلي بصه كلها شيطنه وتوعد ورجعت ف رجع بدر يكلمني وقال
: ايوه قولي
_ معرفش ، انا مشوفتش حاجه ولا أعرف مين عايز يموته
: بس انتي كنتي هتقولي حاجه دلوك
_ كنت هقول معرفش
مكنش مصدقني ف قال بعد سكوت
: ماشي يا ورد بس افتكري اني جيت سألتك
قال اكده ومشي وانا وقفت مكاني خايفه وقلقانه مش عارفه اعمل ايه لغيت ما لقيت عبيده طالع من السرايا ولما شافني وقف يبصلي شويه قبل ما يتحرك من مكانه ويجي عندي ويقولي
: قاعده عندك ليه في الوقت ده
بقيت بصاله من غير ولا كلمه ف قال
_ ادخلي جوه نامي
قال اكده وكان هيمشي ف قولت
: ليه عملت امعاي اكده ، انا ازيتك في ايه
رجع يبصلي وقال
_ عملت ايه انا
: يعني مش شايف انك عملت حاجه
قال بتنهيده
_ عملت بس مكنتش مركز للي بعمله ودلوك افهمت ، انسي اللي حصل وركزي مع شبل هو هيكون جوزك
نزلت دموعي وانا ببصله واقول
: ماهو ده الكلام اللي قولتهولك انت اللي مكنتش عاوز تسمع ، بعد ما قربتلي افتكرت اني هكون مرته
_ قربتلك كيه يعني ، ايه اللي حصل اكتر من حضن و....
سكت وبعدين قال
: ورد انا جوزك اخت وانتي هتكوني مرت اخوي ، ف انسي اللي حصل وركزي في حياتك
_ انا حياتي مش اهنه ، انت جبتني وانت اللي هتخليني امشي ، معوزاش اقعد عنديكم
: تاني هترجعي لسيره دي ، عاوزة تروحي لمين ، عاوزة ترجعي ترقصي لرجاله اهناك ولا في ايه في دماغك انتي
_ مليكش دعوه المهم تمشيني من اهنه ، معوزاش اقعد ، مشيني
قرب مني وقال
: مش هتمشي ويستحسن متفتحيش السيره تاني
قولت بانفعال وانا ببكي
_ له هفتحها مش هسكت غير لما تسيبوني امشي ، لا اكده لا هموتلكم نفسي ، والله اعملهاااا
: طيب وطي صوتك
_ له مش هوطي صوتي ولو مخلتنيش امشي هعملها
: طيب اعمليها وموتي نفسك بس مش هتمشي يا ورد ، مش هترجعي لقلة القيمه اللي كنتي عايشه فيها
قال اكده ومشي وانا بقيت واقف مكاني مقهوره ومش عارفه افكر كأن دماغي وقف عن التفكير ف بصيت فوق وعيت اخر السطح وافتكرت وقعت شبل ف قولت مبدهاش اكده اكده ميته و دخلت وطلعت السلم من غير ما ابص مين شايفني وصلت فوق وروحت ناحية السور ابص لتحت ولكل العلو اللي يقبض القلب ولكن مفكرتش كتير ورفعت رجلي وقبل ما اركب زين لقيت حد بيشدني ولما بصيت ليه لقيته هو بيضربني بالقلم ويقول
: هتعملي ايه!!!! عاوزه ترمي نفسك!!!
حطيت يدي علي وشي وقولت وانا ببكي
_ انت بتضربني، مش من حقك تضربني ، انا قولتلك هموت نفسي لو ممشتنيش وانت مصدقتش ، انا عاوزه امشي يعني عاوزه امشي ، مشيني!!!!!
مسك فيه وهزني وهو بيقول
: اسكوتي!!!!
كمل بتوتر
_ انا مقدرش اسيبك تمشي ولا اقدر اشوفك ميته
_ تقدر ، انت بجيبتك ليه اهنه موتني ولما كدبت عليه بردك موتني انت جبتني اهنه علشان اتعذب بس
طال سكوته وهو يبصلي وبعدين مد يده مسح دموعي وقال وعينه في عيني
: انا عارف انتي حاسه وبتفكري في ايه ، وعارف اني غلطت لما قربتلك بس انا....
_ انت ايه ما تكمل
: انا مش قادر اصدق ان اللي حصل لشبل مكنش بسببي ، وقت ما كان بيوقع انا كنت معاكي ، كنت بخونه
بقيت بصاله ودموعي مموقفاش وقبل ما اتكلم سمعت صوت حد دخل علينا بيقول....