رواية خداع نفسى
الفصل السادس 6
بقلم الاء هاني
طيف بخضة : انت بتعمل ايه هنا
رحيم بضحك : يﻻ يا حلوة قومى و فوقى كده صباح الخير
طيف : هو صباح النور و كل حاجة بس انت هنا لييه
رحيم بسخرية: ذاكرة سمكة و انا عارف و اكمل بجدية يلا قومى علشان اسرحلك شعرك و تروحى امتحانك
طيف و هى بتشد الغطاء عليها بغيظ : قولتلك ﻷ و يﻻ اطلع برا مش هخليك تعمل حاجة غير لما اعرف انا من محارمك ازاى
رحيم : يعنى دا اخر كلام
طيف بعند : آآآه
رحيم شد الغطاء من عليها و شالها
طيف و هى بتحرك رجليها : نزلنى يا رحيم
= ايه الا بيحصل هنا
طيف بخوف : الله يخربتك يا بن مرفت
رحيم لف بثبات و هو شايلها : صباح الخير يا جدى
سعد بسخرية : صباح النور يا اخويا و كمل بحده : انت شايلها كده ليه
رحيم : مش عايزة تقوم علشان تجهز جاية على اخر يوم فى امتحانات الثانوية و تتدلع
طيف بشهقة : آآآه يا كداب
سعد بحده : بت عيب كده
طيف بضيق : خليه ينزلنى يا جدو و هو عمل كده علشان عايز يسرحلى شعرى و انا بقوله ﻻ و هو بيقولى انا من محارمك و مش عايز يقول انا من محارمه ازاى
سعد بسخرية : شعرك انت مش شايفة منظرك وﻻ ايه يا هانم انت بلبس النوم و كمل بحده وانت
رحيم : نعم
سعد : ايه حكايتك
رحيم : انا قولتلها هقولك لما تمى ال18 انا ازاى من محارمها و مش عايزة تفهم كلامى هى اه لازم تعرف بس مش دلوقتى
سعد بتنيهده بعد ما فهم دماغ حفيده : ماشى خليها تجهز علشان تفطر قبل ما تروح الامتحان و قفل الباب و نزل على تحت
طيف بصدمة : دا دا نزل و سابنى و بصت لرحيم بتوهان : انا معدتش فاهمة حاجة
رحيم بحب : هفهمك كل حاجة فى وقتها اوعدك
دخل بيها الحمام و نزلها و جهزلها الحمام علشان تاخد دش و هى قاعدة تايهه و مش فاهمة حاجة
و كانت متابعة رحيم الا بيجهزلها البانيو باهتمام كبير من درجة حرارة المياه لمستلزمات الشاور
رحيم : خلصت هجيب لك هدوم عقبال ماتفكى شعرك
طيف هزت رأسها بهدوء و بدأت تعمل الا قاله بهدوء
رحيم دخل تانى وحطلها الهدوم و باسها من خدها و قال يلا حبيبتى خدى الدش بتاعك و انا برا لو احتاجتى حاجة ناديلى
رحيم طلع و قفل الباب و وقف امام الدوﻻب يطلعلها هدوم المدرسة طلع ادناء بنى و خمار بيج و رتبلها السرير و نام عليه و هو مستنيها تطلع
فى الاسفل
سعد و هو نازل من على السلم :صباح الخير
الباقى : صباح النور
مرفت : رحيل اطلعى شوفى اخوك منزلش ليه لحد دلوقتى
رحيل بتوتر : حاضر
سعد : تعالى يا بنتى رحيم فوق مع طيف زمانهم نازلين و اهدى يا رحيل كده مالك دا امتحان فداكى اى حاجة
رحيل بخوف : انا خايفة اوى يا جدو اوقات بحس ان انا غلط لما دخلت علم رياضة
سعد بهدوء : تعال يا حبيبتى اقعدى جمبى هنا
رحيل: حاضر
سعد : بصى يا ست البنات مهما حصل خليك واثقة فى ربنا و انه مش هيخذلك و مش هيضيع تعبك خليك ماسكة فى حلمك يا باشمهندسة و اطمنى احنا كلنا معاك و عارفين انتم تعبتوا قد ايه السنه دى فاهدى كده و بلاش خوف وتوتر و ركزى فى امتحانك ماشى وكمل و هو بيبص لعطر سمعتينى انت كمان
عطر : وصلت ياجدو
سعد و هو بيفتح ايدو : تعالوا فى حضنى يا وﻻد
عطر و رحيل جريوا عليه و هما بيضحكوا
نرجع لطيف و رحيم
طيف طلعت من الحمام
رحيم قعدها امام المرايه و شال الفوطة من على شعرها و بدأ ينشفه و يسرحهولها وهو مركز فى تفاصيل وشها و شاف قد ايه هى تايهه و مستسلمة
رحيم بهدوء : طيفى
طيف بصتله بمعنى نعم
رحيم : ممكن ماتشغليش بالك بأى حاجة فكرى فى امتحانك و بس و وعد منى هقولك كل حاجة فى وقتها ماشى يا روحى طيف بابتسامة : ماشى
لملها شعرها و باس خدها بعمق و هو بيقول بهدوء قومى كملى لبسك يﻻ علشان اتأخرنا عليهم تحت
تحت بقا
رحيل و عطر و هما بيحضنوا سعد
= يا خاونة حضن من غيرى اخث عليكم بجد اخث
رحيل : انت الا اتأخرتى فوق
عطر بخبث : كنت بتعملى ايه كل دا فوق انت و رحيم
طيف بصتلهم بتوتر
رحيم : خليك فى حالك و كمل باستفزاز يا صغنن
عطر بصتله بغيظ
طيف بغيظ : انت لسه حاضنهم بردو
سعد بضحك : تعال يا لمضة
طيف و هى بتجرى عليه : قلب اللمضة والله
رحيم : ما يﻻ خليكوا تمشوا
فطروا و رحيم و ادم وصلوهم المدرسة و راحوا على الكليه
امتحانهم خلص و طالعوا لقوا يحيى ورحيم و ادم مستنينهم
رحيم : هااا عملتوا ايه
الباقى : الحمد الله
ادم : ماتنطقوا الديناميكا و الاحياء كانوا عملين ايه
رحيل و ميرا : الديناميكا كانت سهلة و حلينا و ان شاء الله خير
يحيى : و الاحياء
عطر وطيف : الحمد الله كويسة
رحيم : اكيييد محدش فينا احنا التلاتة بيحب الاحياء وﻻ بنفهم فيها حاجة و كنت بتذاكروها لوحدكوا
طيف : متقلقش الحمد الله الا الاستاذ قالوا كله كان فى الامتحان
يحيى : طب الحمد الله وانت يا عطر كله تمام
عطر من غير نفس : اه يلا يا آدم علشان عايزة اروح
الشباب فى نفس واحد : ﻷ تروحوا ايه هنخرج
راحوا على كرنيش البحر يتمشوا و ياكلوا غزل بنات و ذرة و يشربوا حلبسة مشطشطة (فكرونا نشربها لما نرجع الدروس يا جماعة 😂)و يهزروا و يلعبوا
يحيى : عطر ممكن ثوانى
ادم : ليييه
يحيى : معلش يا ادم عايزها فى كلمة
خدها و بعدوا
عطر : خير
يحيى بحده :مالك يا بت ما تظبطى كده
عطر بغيظ : بت ما تبتك و ملكش دعوة بيا
يحيى : طب ممكن اعرف مالك من اول اليوم و انت مش بتكلمينى و طرقتك مش حلوة معايا لييه
عطر بدموع : احنا اتفقنا مرة انك مش هتقول لحد ان بشوف كرتون لسه و انت وعدتنى بدا صح
يحيى : صح و انا مقلتش لحد
عطر بعصبية : ﻷ قولت
يحيى : قلت لمين و كمل بسخرية يا صغنن
عطر بنفس العصبية : لرحيم
يحيى بهدوء : رحيم ابن عمك الا هو معاك فى البيت اكيد هيبقى عارف انا الا برا البيت و عارف ما بالك بالا جوا
عطر : ﻻ انت الا مش بتحفظ الوعد و قولت لرحيم ان انا صغنن محدش بيقول صغنن دى ليا غيرك و مش بتقولها قدام حد رحيم عرف منين
يحيى بعصبية : انا مقولتش لرحيم حاجة و بعدين حتى لو قولتلوا ايه الغلط
عطر : ان انا مش صغيرة انا كبرت و هدخل كليه
يحيى : ﻻ صغيرة و الا انت بتعمليه دا اكبر دليل انك صغيرة و عقلك صغير و عيلة كمان اعقلى شوية بقا و انا الا كنت هخطبك هجيب لنفسى بلوة زيك
عطر بصدمة : بلوة و كملت و الدموع بتلمع فى عيونها : انا بلوة و عيلة
يحيى بندم : عطر انا انا مقصدتش انا بس كنت متعصب انا اسف والله
عطر و هى بتمسح دموعها : لا عادى و ﻻ يهمك انت معاك حق عن اذنك
ومشيت و سابته
عطر : ادم ممكن نروح علشان تعبت شوية
ادم بقلق : مالك يا حبيبتى
عطر : مفيش انا كويسة بس عايزة اروح ممكن
ادم : طب هشوف رحيم و طيف و هجى
عطر : تمام
عند رحيم و طيف
طيف : رحيم
رحيم : عيونه
طيف بابتسامة : مش هتقولى
رحيم بتنهيدة : هقولك بس لما تتمى 18 سنة ماشى
طيف : اشطا و كملت بفكرك هقدر احقق حلمى
رحيم : اكيييد ووعد منى هقف معاك و هدعمك علشان توصلى لحلمك و تعملى برند خاصة بيك
طيف : شكرا
رحيم : على ايه انت كل حاجة فى حياتى
و كمل بحرج هو بابك و مامتك كلموكى
طيف بتنهيدة : اه امبارح و قالوا انهم هيجوا كمان 4 شهور
رحيم : لسه مدايقه منهم
طيف : شوية بس اكيد لما هشوفهم هنسى و كملت بدموع عارف يعنى ايه هما علطول بعيد و سفر و سيبنى لوحدى هنا انا حاسة ان انا يتيمة
رحيم و هو بيحضنها : لييه كده لوحدك ليه مااحنا معاك و بعدين ايه يتيمة دى هما مش بيكلموكى على طول و بيطمنوا عليك
طيف و هى دافنه وشها فى صدره : امممم
رحيم : يبقى متفكريش كتير على فكرة هما بيحبوك اوى لانهم كل يوم تقريبا بيكلمونى يطمنوا عليك
طيف : بجد
رحيم : امممم وكم........
ادم :رحيييييييم
رحيم : نعم
ادم : تعال يﻻ
رحيم : يﻻ يا طيف
وروحوا
عدت الايام بين مشاغبة رحيم لطيف و زعل عطر من يحيى و محاولة ادم انه يقرب اكتر من ميرا و قلق البنات علشان النتيجة و امتحانات الشباب و ضيق يحيى من نفسه ومن الكلام الا قالوا لعطر
يوم النتيجة