اتصل هشام بنور.. وطلب منها الحضور..
نور بقلق ولهفة: مالها لين ياهشام..
هشام بضيق: اطلعيلها يانور فوق..
لتصعد الي الاعلي وتجد لين متكورة ولا تتحرك..
نور بخوف بعد ان اقتربت منها : لين..انتي كويسة..
لتنظر لها لين وتسرع بإحتضانها وتظل تبكي بشدة..
لتنظر نور الي هشام شزرا.. ليبادلها
هشام النظرة بضيق.. وينصرف من الغرفة..
نور بأسي: مالك يالينو..ايه اللي حصل..
لتبتعد لين عن نور وتريح رأسها علي قدمها مكملة بخفوت
وصوت متحشرج :مش عايزة اتكلم خليكي معايا بس..
لتمسد نور علي شعر لين وتكمل بإبتسامة: حاضر..بس
تعرفي انا مكنتش اعرف ان بعد السنين ديه كلها تبقي كدة يالينو..
لين بعدم فهم وهي تنظر لها بأعين دامعة: ابقي ايه..
نور بإبتسامة: انك تحبي هشام كدة..
لتشيح لين وجهها وتكمل ببكاء: قصدك كرهته زيادة..
لتضحك نور: اكدبي براحتك بس انا
عارفاكي.. ياسلام ياولاد لين المغربي بتحب..
لين ببكاء وغيظ: انتي فرحانة فيا يانور.. انا هقتله..
نور بضحكة: ومن الحب ماقتل..
لين بخفوت وهي تغمض عيناها: انتي بس حبيبتي..
انتي الوحيدة اللي دايما معايا ومخنتنيش ولا سبتيني..
ممكن اتحمل اي حاجة الا اني اخسرك.. وبرجاء..
اوعي تسبيني يانور.. متبقيش زيهم..
نور وهي تميل عليها وتقبل وجنتها وتكمل: عمري
يالينو.. وبعدين انتي مش هتسبيني اسيبك مش كدة..
لين مؤكدة: ايوة عمري..انا هفضل قويه علشانك
انتي.. بس خليكي جمبي الوقتي.. وتغمض عيناها وتنام..
لتتنهد نور وهي تهز رأسها وتكمل: حبتيه وبجنون
يالين..انا عارفاكي لما تحبي... بتحبي بجنون..
>>>>>>>>>>>>>>>>>>>>>>>>>>>>>>>>
الهاتف..
هشام بضيق:ايوة ياسامي..خير..
سامي:ايه ياهشام مختفي ليه..وبقلق..عملت ايه مع لين..
هشام:معملتش..اهي قاعدة في اوضتها فوق..
سامي بتوجس:ازاي يعني..طب من ساعة ماخرجت ومجتش عندي ليه..
هشام بضيق:مش فاضي..شكل حاله الجنان هترجعلها..مش هسيبها..
سامي:هشام..وحياه ابوك بلاش تتهور وتعمل
فيها حاجة..انا عارف انك مضايق..بس اوعي..
هشام بحدة:خلصنا ياسامي..وانا كنت
عملتلها ايه..بقولك ايه..اقفل الوقتي وسيبني..
سامي بتنهيدة:حاضر يا اتش..سلام..
>>>>>>>>>>>>>>>>>>>>>>>>>>>>>>>>>>
بعد ان نامت لين هبطت نور..
هشام: هااا يانور عاملة ايه..
نور بعصبية: يااخي انت ايه.. ليه بتعمل فيها كدة..
هشام بضيق: نور.. انا مش ناقصك..
نور بحدة: بلا نور بلا زفت..انت دايما بتأذيها ليه..
اتجوزتها وجننتها..ورجعتلك وعملت فيها كدة تاني..
لما انت مش بتحبها بتعمل كدة ليه..سيبها في حالها بقي..
هشام بغضب وصوت عالي: نووور.. انا مستحيل اسيب لين..
انا بحبها وانتي اكتر واحدة عارفة بده..كل اللي حصل اني
مكنتش في وعيي..وبعدين بعد اللي عملته اختك انا
المفروض كنت قتلتها..ديه قتلت ابني وكانت هتوديني في داهية..
نور وهي تضيق عيناها وبحدة: انت
بتقول ايه..ابنك ايه اللي بتتكلم عنه..
هشام بعصبية وهو يجذ علي اسنانه: ليه
متعرفيش ان اختك كانت حامل وسقطت نفسها..
لتجحظ عينا نور بصدمة :ايه.. مش ممكن..انت بتقول ايه..
هشام بغضب وحزن: ايوة موتته.. قتلته علشان جنانها..
نور بحزن: مش ممكن.. معقوله..
هشام لين مش طبيعية وانت السبب..
هشام بضيق: بسببي ليه ان شاء الله..طول عمر اختك نفوخها ضارب..
نور بأسي: لين بتحبك ياهشام.. يمكن الاول مكنتش كدة..
بس الوقتي بتحبك..ولين لما بتحب بتدي كل اللي عندها..
وبتتوقع ان اللي بتحبه يديها الامان والحب وميخونهاش..
هشام وهو يزفر في ضيق: عارف..انا بحبها وعملت
اللي عملته غصب عني..بس هعوضها.. ومش هسيبها تاني..
نور بتنهيدة: اتمني ياهشام.. وياريت متسبش لين مهما قالت..
هشام بشبه ابتسامة: عمري ماهسيبها..متقلقيش يانور..
نور: طيب انا همشي الوقتي..
>>>>>>>>>>>>>>>>>>>>>>>>>>>>>>>
ذهبت كوثر الي سعد واعطاها السم وعادت سريعا الي المنزل..
وهناك دلفت الي المطبخ وكادت ان تضع السم في الطعام
ولكن فجأة دلفت ام جميل فأرتبكت كوثر وقامت بإلقاء السم في الحوض..
ام جميل:ست كوثر بتعملي ايه هنا..
كوثر بإرتباك:هه..ابدا ..ولا حاجة..انا كنت جاية اشرب..
ام جميل بنظرات ضيقة:امال ايه اللي كان في ايدك ده..
كوثر بتوتر:هه..مفيش..وبحده,, وبعدين انتي
مالك..انتي هتحاسبيني..وسعي من سكتي..
ام جميل بتعوج وقلق:طيب..بس ديه كانت ناويه علي ايه..
كوثر بخوف لنفسها:يخربيتك ياسعد وبيت افكارك..
كنت هروح في داهية..انا مش هموت حد..هي لين
هتخلص علي هشام بنفسها..عارفاها مجنونه وهتعملها..
>>>>>>>>>>>>>>>>>>>>>>>>>>>>>>>
عادت لين لشخصيتها السابقة وحالة الجمود..
وعدم المبالاة بأحد وعادت الي الشركة وحاول هشام
ان يتقرب منها مرة اخري..ولكنها كانت تصده..وفضل
هشام الابتعاد عنها قليلا ريثما تهدأ..ولكن لم يبعد ناظريه عنها..
>>>>>>>>>>>>>>>>>>>>>>>>>>
بعد فترة اتصل مازن علي صافي
وردت صافي وكان معها سامي..
مازن: ايوة ياصافي..انتي فين..
صافي: ليه يامازن..خير..عايز ايه..
مازن بحدة: يعني هعوف ايه.. الشغل اللي متعطل..
صافي: صرف نفسك يامازن..انا مش راجعة..
مازن بعصبية: انتي هتستهبلي ياصافي..
انتي عارفة الشحنة اللي جايه مهمة قد ايه..
صافي: واعملك ايه يعني.. انا بقيت اوت..
شوفلك غيري.. وزعها بمعرفتك سلام..
ليلقي مازن هاتفه في غضب ويكمل: اه يابنت ال... ماشي..
ولشوقي اتصل بالرجاله خليهم يتصرفوا ويبلغوا العملا ياشوقي..
شوقي وهو يمط شفتيه: طيب.. اوامرك..يعني صافي مش راجعة..
مازن بعصبيه: عنها مارجعت هو شغلنا هيتعطل بسببها.. هنتصرف ياشوقي..
شوقي: هدي اخلاقك يادك بلاش تتعصب..انا هتصل بيهم..
>>>>>>>>>>>>>>>>>>>>>>>
عند سامي..
سامي: شغل ايه اللي كان عايزه منك مازن...
صافي: بضاعة اصرفهاله..
سامي بتساؤل: بضاعة ايه..
صافي: بضاعة.. منبهات وادويه منشطة..
سامي وعيناه جاحظتان من حديث
صافي: يعني مازن بيشتغل في المخدرات..
صافي بتهكم: ليه اول مرة تعرف ياسامي..
سامي بشرود: ايوة..ديه وقعة سودا..
صافي بتعجب: وليه يعني عادي.. ماكتير من الدكاترة بيعملوا كدة..
سامي وهو يمط شفتيه: مش عادي ابدا.. لين هتخرب الدنيا..
صافي بضحكة: اهي ديه اللي
مش عارفة اشكرها ولا اكرهها..
سامي برفعة حاجب: ليه يعني..
صافي: علشان عرفتني عليك ياسمسم..
سامي بتهكم: ماكنتي تعرفيني قبلها ايه اللي جد..
صافي وهي تطوق رقبته بذراعيها:
لأ كنت اعرفك من بعيد لبعيد.. لكن الوقتي..
سامي: الوقتي بقيتي معايا مش كدة..
صافي: ايوة.. وبدلع.. سيبك بقي من ده كله وركز معايا..
سامي بضحكة: وهو انا مركز مع غيرك يا صافي..
>>>>>>>>>>>>>>>>>>>>>>>
اتصل سامي بلين..
سامي: ايوة يالين..
لين: خير ياسامي عايز ايه..
سامي بتوتر: بصي انا عرفت
حاجة كدة وقولت لازم تعرفيها..
لين: قول..
سامي: مازن يالين..
لين بترقب: ماله ياسامي حصل حاجة..
وبقلق.. نور حصلها حاجة..انطق...
سامي بسرعة: لأ اهدي مفيش
حاجة.. بس عرفت انه بيتاجر في المخدرات..
لين بعيون جاحظة: ايه.. مش ممكن انت بتقول ايه ياسامي..
سامي: زي مابقولك كدة يالين..
لين بعصبية: انت جبت الكلام ده منين ياسامي..
سامي: من صافي هي اللي قالتلي..كانت بتشتغل معاه..
لين بغضب: طيب اقفل انت ياسامي الوقتي.. يلا..
سامي: طيب..
لين بغضب: بقي كدة..يعني طلعت يامازن تاجر مخدرات..
انا فعلا غبية اتكلت علي كلام نور..ومخدتش
في بالي.. بس لاااا..مش هسبها معاه..لازم يطلقها..
>>>>>>>>>>>>>>>>>>>>>>
اتصلت لين علي مازن وطلبت مقابلته.. وتقابلا في الشركه..
مازن: خير يالين..ايه الموضوع المهم اللي عايزاني فيه..
لين بغضب: عايزاك تطلق نور يامازن..
مازن بصدمه وعدم استيعاب: نعم..
انتي بتقولي ايه..مش ممكن.. انتي اكيد بتهزري..
لين بجديه: وانا عمري هزرت معاك..انا بقولك طلقها..
مازن بعصبية: ازاي يعني..وليه..
لين بعصبية مماثله: علشان اختي
مينفعش تعيش مع تاجر مخدرات يامازن..
مازن وقد الجمه كلام لين..لتكمل هي..
ايه يعني سكتت.. ايه بتبلي عليك ولا حاجة..
مازن بتوتر وهو يبتلع ريقه: انتي..انتي جبتي الكلام ده منين..
لين بثقة: مش مهم منين..المهم انه حقيقي..
مازن بتكذيب: لا طبعا كدب مش صحيح..
لين بتهكم: وان قلت صافي..برضو كدب..
وبعصبية ..اسمع متلفش وتدور.. هي كلمه
تطلق نور بالزوق والا هوديك ورا الشمس يامازن..
>>>>>>>>>>>>>>>>>>>>>>>>>>>>>
البارت الرابع والاربعون
لين بعصبية مماثله: علشان اختي
مينفعش تعيش مع تاجر مخدرات يامازن..
مازن وقد الجمه كلام لين..لتكمل هي..
ايه يعني سكتت.. ايه بتبلي عليك ولا حاجة..
مازن بتوتر وهو يبتلع ريقه: انتي..انتي جبتي الكلام ده منين..
لين بثقة: مش مهم منين..المهم انه حقيقي..
مازن بتكذيب: لا طبعا كدب مش صحيح..
لين بتهكم: وان قلت صافي..برضو كدب..
وبعصبية ..اسمع متلفش وتدور.. هي كلمه
تطلق نور بالزوق والا هوديك ورا الشمس يامازن..
مازن بغضب: لأ..انتي بتحلمي يالين..
انا لايمكن اسيب نور.. واثبتي اللي بتقوليه..
لين بعصبية: هتطلقها يامازن ورجلك فوق رقبتك وهتشوف..
مازن بسخريه: ابقي قابليني.. احلمي انا لايمكن اطلق مراتي..
ويخرج ويتركها غاضبه في مكتبها في الخارج يقابل هشام..
هشام: اهلا ابو نسب خير كنت بتعمل ايه هنا..
مازن بضيق: شوف مراتك ياهشام شكلها اتجننت..
هشام بغضب: فيه ايه.. لم لسانك يامازن..
مازن بحدة: لما تقولي طلق مراتك يبقي ايه..
هشام: بدهشة ايه.. طب علشان ايه..
مازن بضيق: اسألها..انا ماشي..
ليدلف هشام اليها بتساؤل: ايه الكلام اللي
بيقوله مازن ده ..صحيح عايزاه يطلق نور..
لين بحدة:وانت مالك..انت اصلا بتعمل ايه هنا..
هشام بغضب:ردي عليا..ايه اللي بيقوله
مازن ده..هي لسعت عندك ع الاخر..
لين بعصبيه: ايوة امال عايزني اسيب نور معاه..
هشام بتعجب: ليه.. ايه اللي حصل..
لين بغضب: البيه بيتاجر في المخدرات..
يعني الاخباريه اللي كانت عنه صحيح..لكن نور هبله
معرفتش تثبت كدة.. وانا بغبائي مشيت وراها وجوزتهاله بإيدي..
هشام بدهشة:ايه..يعني الكلام اللي كان ده صحيح.. طب وبعدين..
لين بتوعد: هيطلقها..هو بيتحداني وبيقول لأ..بس انا مش هسيبه..
هشام بإستنكار: طبعا هيقول لأ امال عايزة تقولي
لواحد طلق مراتك وهيوافق علي طول..ده جنان رسمي..
لين بعصبية: وانا مش هسيب اختي..
هشام: طب ونور عارفة..
لين: لأ..بس انا هعرف اتصرف..
هشام: بلاش جنان..وتهور..
لين: هنشوف..
>>>>>>>>>>>>>>>>>>>>>
في المنزل عاد مازن وعلي وجهه علامات الغضب والضيق..
نور بقلق: مالك يامازن..
مازن بإقتضاب: مفيش يانور..
نور بعدم تصديق: مفيش ازاي يامازن..انت وشك مقلوب..قولي..
مازن بعصبية: اختك يانور..شكلها اتجننت...
نور بقلق: لين..مالها يامازن..
مازن بغضب: الهانم متصله بيا..
ومقبلاني علشان تقولي اطلقك..
نور وقد جحظت عيناها من المفاجأة: ايه..ازاي طب وليه..
مازن: معرفش.. انا مش مصدق ازاي تقول كدة..ليه عايزة تبعدك عني..
نور بتساؤل: طب ليه..قالتلك ايه..
مازن بعصبية: اختك بتتهمني اني بتاجر في المخدرات..
نور بصدمه: ايه..مش ممكن..
مازن: طبعا مش ممكن ديه بتتبلي عليا..وانتي عارفة
كدة انتي اشتغلتي معايا وشفتي شغلي..ليه تقول كدة..
نور بدموع: مش ممكن.. انا متأكدة انك
برئ..بس ايه اللي يخلي لين تقول كدة..
مازن بعصبية: صافي هانم..طبعا انتي عارفة هي كانت
عايزة تقرب مني..لكن لما رفضتها واتجوزتك..حبت توقع
بينا وتفرقنا.. راحت لأختك وقالك الكلام ده..واختك صدقت..
نور: متزعلش يا مازن انا عارفة انك مظلوم..
مازن وهو يحتضن نور: نور انا بحبك
مقدرش استغني عنك.. لو بعدتي عني اموت..
نور وهي تحتضنه بدورها مطمئنه: اياه ووانا بحبك اوي يامازن
وعمري ماهتخلي عنك.. انت جوزي ومش هصدق عليك اي حاجة..
>>>>>>>>>>>>>>>>>>>>>>>>>>>>
في الفيلا اخبر هشام لين انه سيسافر
الي الخارج لفترة وسيأخده معها..
لين بعصبية :وانا مال اهلي..غور في داهية..
هشام بغضب:اتلمي بقي..وانتي فكرك اني
هسيبك واسافر لوحدي..اصلي مش عارف جنانك..
لين بغضب:مش هسافر انا مش فضيالك..
هشام بعصبية:ايوة..اسيبك وتقتلي مازن ولا
تعملي مصيبة زي عوايدك مش كدة..هتسافري يالين معايا..
كاظم بحزم:هتسافري معاه..انا مش حمل جنانك..
لين بغضب:ايه هو انا تحت امركم..اسمع ياهشام
مش هسافر..ومازن انا هوريه..وهطلق نور منه..
هشام بصرامة ونظرات مرعبة:وانا قولت هتسافري
معايا..ومش هسيبك..واما ترجعي نبقي نشوف الموضوع ده..
>>>>>>>>>>>>>>>>>>>>>>>>>>>>>>>
تشاجرت نور ولين عندما علمت بأن لين
ذهبت الي مازن وطلبت منه ان يطلق نور..
نور بغضب: انتي ازاي تعملي كدة.. بتقرري عني..ليه..
لين بهدوء: نور انا عارفة انا بعمل ايه.. انا بحميكي..
نور بعصبية: وانا مش عايزة حمايتك ديه..انا مش
طفلة صغيرة علشان تاخدي عني قرارات.. يعني بتكلمي
مازن من غير ماتاخدي رأيي وكمان عايزاني اسيب جوزي..
لين وهي تحاول السيطرة علي غضبها:
نور انا خايفة عليكي..مازن مينفعكيش..
نور بغضب: وانتي هتعرفي اكتر مني اذا كان
ينفعني او لأ.. ديه حياتي وانا اللي اقررها مش انتي..
.لين بغضب: لأ لما تكوني مش شايفة ومش
عارفة تقرري يبقي لازم انا احميكي حتي من نفسك..
نور: انتي بتعامليني علي اني طفله.. انتي عايزة
تسيطري عليا.. امته هتبطلي الانانيه اللي فيكي ديه..
عايزة كل حاجة تبقي تحت امرك ومزاجك..
لين بدهشة وعدم تصديق: انا انانيه يانور..
انا بعمل كدة علشانك..مازن فعلا مش كويس..
نور بحدة: لأ انتي كدابه انا عملت تحرياتي ومازن طلع برئ..
انتي بس اللي غيرانه مني.. علشان انا سعيدة مع جوزي
وهو بيحبني..وانتي جوزك سايبك مع انه عنده حق انه يطفش منك..
هو خسارة فيكي.. انتي اصلا لاتطاقي..ده حتي ابنك موتيه بإيدك..
انتي مجنونه المفروض مكنتيش خرجتي من مستشفي المجانين..
لتصفعها لين علي وجهها وتكمل بغضب: هي حصلت يانور..
انا مجنونه.. وبعصبية شديدة.. مجنونة علشان بحبك وخايفة عليكي. .
مجنونه علشان ضحيت بنفسي واتجوزت هشام علشان
ميرموكيش ليه.. مجنونه علشان رضيت بالغلب والبعد عنكم
علشان انتي متتحرميش من حضن ابوكي وامك.. هشام
خسارة فيه.. انتي عارفة هشام كان بيعمل فيا ايه...
نور بعدم تصديق وصدمة من صفعة لين: انتي بتضربيني
يالين..وبحدة ..ده اخر حاجة مابينا..انا مش عايزة
اشوفك تاني..وملكيش دعوة بيا انا وجوزي..
انا استحملت منك كتير.. انتي عارفة كانوا بيقولوا عليكي ايه في
المزرعة واحدة دايرة علي حل شعرها عاملة نفسها مجنونه
وطفشت جوزها علشان تتسرمح..وكانوا بيبصولي علي
اني زيك..بس انا مكنتش بديهم اهتمام لانك اختي..
لكن عند جوزي ولأ يالين مش هسمحلك..مش هسمحلك
انك تخربي عليا وتبعديني عن جوزي..... وترحل نور غاضبة..
لتهوي لين علي المقعد غير مصدقة لما قالته نور..
لين بحزن: انا عايزة اخرب عليكي..ماشي
يانور.. بس برضو مهما عملتي هفضل احميكي..
وبتوعد غاضب.. وانت يامازن الكلب استني عليا بس
ارجع من السفر وهروقلك.. بتكره اختي فيا.. انا هقتلك..
>>>>>>>>>>>>>>>>>>>>>>>>>>>>>>
في شركة مازن..
مازن بغضب: بقي بنت ال... صافي
تقول للين اني بتاجر في المخدرات..
شوقي: اهدي يا دك.. مش كدة..
مازن بغضب: اهدي ازاي..ولين جاية
تقولي طلق مراتك.. لاااا..ده انا اقتلهم..
شوقي: طب وليه.. صافي تعمل كدة..
مازن بعصبية: يعني مش عارف ليه..علشان سبتها
واتجوز نور.. بقولك ايه تقلب الدنيا علي صافي وتجبهالي سامع..
شوقي: امرك يادك.. طب ولين هتعمل معاها ايه..
مازن بتفكير: لااا..ديه هروقلها بس بعد ماخلص الشحنه
الجديدة واوزعها.. وانت ياشوقي امن المخازن وفتح عينك كويس..
طول عمرنا بنشتغل ومحدش عرف حاجة الوقتي هيجوا ويفضحونا..
شوقي: طب وهتعمل ايه مع مراتك لما اختها تقولها..
مازن: لااااا..نور انا فهمتها وقولتلها.. واتخانقت مع
اختها وسابتها.. نور مش ممكن تصدق عليا حاجة زي ديه..
شوقي: استااااذ يادك.. طيب اسيبك انا الوقتي سلام..
اثناء حديثهم كانت نور قد حضرت وسمعتهم وهم يتحدثون
وعلمت ان كلام لين صحيح.. ولكنها اسرعت قبل ان يلاحظها احد..
نور ببكاء: يعني الكلام ده صحيح يامازن.. وانا كنت مخدوعة
فيك.. واتخانقت مع لين بسببك.. اهئ اهئ.. حرام عليك..
>>>>>>>>>>>>>>>>>>>>>>>>>>>>>>>>>>
لتركض الي فيلا المغربي وتسأل
عن لين ولكن يخبروها انها قد سافرت..
ذهبت نور الي الفيلا..
نور بحزن:لين موجودة..
كوثر:لا..مش هنا..
نور:امال فين..
كوثر بغل:سافرت مع هشام..
نور:طب سافرت ليه..
كوثر:معرفش ياختي..اختك مجنونة..
وهشام مش بيسيبها لحسن تعمل حاجة..
نور بحدة:احترمي نفسك ياكوثر وانتي بتتكلمي
عن اختي..مش هسمحلك تغلطي فيها..
كوثر:ولا تسمحيلي ولا متسمحليش ياختي..يلا طرقينا..
وشوفي طريقك..ولما ترجع المحروسة اختك ابقي تعالي..
نور بغيظ:ماشي ياكوثر..انا هوريكي..بس متنسيش
نفسك..واعرفي انتي بتكلمي مين..ها..وترحل وتتركها..
كوثر بغل وتوعد..ماشي..انا هوريكم..وهربي اختك اللي انتي مستقويه بيها..
>>>>>>>>>>>>>>>>>>>>>>>>>>>