رواية عذراء الرعد كامله بقلم بسمه ) جميع الفصول حتى الاخير الخاتمه

رواية ذئاب لا تعرف الحب الفصل الثلاثون30بقلم نجمه براقه

بدر

مكنتش هسيبها تمشي غير لو هي عاوزه تمشي واسمعها منها  ومكنش في حل ل اخوها اللي عاوز يدخل  في  عداوه امعاي غير اني ابعته مشوار صغير لغيت السجن  

:  تعاله هنتكلموا بره 

_ مفيش حاجه اتكلم معاك فيها ،  اتفضل اطلع 

:  انا بكلمك براحه وبطلب منك نتفاهموا بالعقل 

_ مفيش بينا تفاهم  انا هاخد وفاء ونمشي وده  اخر كلام عندي 

:  طيب  انت اللي اختارت

 قولت كده وطلعت تلفوني واتصلت ب جلال اللي قاعد بره وقولتله يجيني باتنين من الغفر وقفلت ف قال 

_ هتجيبهم يضربوني؟! 

:  انت المفروض تتقتل مش تضرب بس لكن انا هراعي حالتك   ، اصبر دقيقتين 

_ انا لو حد اتعرضلي ولا اتعرض لاختي هقلبها عليكم كلكم ولا يهمني حد 

مردتش واستنيت لغيت ما جه جلال  و قولتلهم يخدوه يحبسوه في السجن يكون فضيناله  وخدوه وسط زعيق وصراخ في المستشفي  وانا رجعت قعدت  استناها تفوق  ،  ومع اني عارف رأيها من اول يوم جت فيه بس عندي امل يكون في حاجه اتغيرت تخليها تكمل امعاي 

ـــــــــــــــــــــــــــــــــــــــــــــ

#تماضر 

عدا اربع ايام من وقت ما سابني شحاده وطول الأيام دي وانا احاول اكسر الباب اللي  ويدوب اتشالت منه حتة خشبه مطلعش اكتر من دراع  وفي الفتره اللي قعدتها سمعت مرتين صوت عربية معديه بس مكنتش  تسمعني ف بقيت مستنيه اسمع صوتها لغيت ما أخيرا سمعته بيقرب  ف طلعت دراعي وبقيت  احركه يمين شمال  واخبط بيدي من جوه واصرخ علشان يسمعوني  ، واخيراً بعد  ما اتاكدت اني هموت في المكان ده سمعوني  وجالي واحد شباب يجي اكبر مني بشويه بصلي من الفتحة وقالي

:  انتي بتعملي ايه هنا 

_ محبوسه زي مانت شايف  افتحلي

فكر شويه وهو بيبص يمين شمال وبعدين قال 

:  انتي لوحدك اهنه؟! 

_ ايوه  ،  افتحلي عاد 

:  طيب تديني إيه لو طلعتك 

_ ياخوي لو لقيت عندي حاجه خدهاااا  ،  كلام ايه اللي بتقوله ده 

: لا انا هديكي  ،  بس تيجي امعاي انا والسواق

_ اجي فين 

:  طالعين فوق بنحرس زرع ناس حبايبنا  وانتي تيجي تسلينا شويه واحنا راجعين نجيبك امعانا  ،  هما ساعتين تلاته ونرجع

سكت افكر وانا ببصله ف قال 

_ خلاص خلاص انتي هتشتمي 

:  له مهشتمش طيب افتح وهاجي امعاكم  بس تدفعوا  

_ بتتكلمي صح يابت ولا عاوزه تضحكي علينا 

:  ياخوي ودي وقت ضحك  ،  افتح قبل ما يجي الفقر

فتحلي وطلعت ف لقيت نفسي في الجبل والشمس كانت هتعمي عيني من شدتها وقبل ما اعرف افتح زين لقيته بيشدني من يدي ويجري بيه علي عربيته وياخدوني لحته بعيد ويعملوا اللي يعملوه وهما مكتفيني بقيت ازعق واقولهم 

_ ما انا كنت جايه بمزاجي بتكتفوني ليه بكره التكتيف بيخنقني    وهما بردك ممصدقينش فكريني عاوزه اخدعهم  وبعد ما عتقوني وجم يرجعو خدوني امعاهم وسابوني فوق تله  بعيدة قوي  عن النجع يعني لو خدتها مشي هفضل يوم بليله مشي  ،  بس اعمل ايه مكنش قدامي حل تاني  ف رفعت جلبيتي وربطتها في نصي ونزلت اجري قبل ما يدخل الليل والديابه تتلم عليه  

#عبيده 

رجعت البيت بعد تلات ايام مدوقتش فيهم النوم ودخلت  اوضتي اترميت ونمت مش فاكر قد ايه وبعدين صحتني دعاء وهي بتقولي هتفضل نايم لميته  ،  قوم 

:  الساعة كام دلوك 

_ خمسه المغرب 

:  وليه سيبتيني  نايم كل ده 

_ يعني اكتر من الزعيق  من الصبح  ،  ده انا قولت هتصحي غصب

:  زعيق إيه  

_ شبل تعب قوي  كان بيتشنج وبيأن ومحدش عارف ماله  والبيت كله وقف علي رجل واحده عشان يهدوه

:  اكيد زعلان علي فاطمة 

_ يمكن   

:  هقوم اغير خلقاتي واشوفه 

استحميت وطلعت عنده لقيت الممرضه اهناك وهو ساكت خالص ف قعدت عنده وقولت 

_ مالك يا شبل  ،  قالولي انك زعلان  ، عاوز حاجه اجيبهالك "

مدنيش اي ردة فعل ف قالت الممرضه 

:  واضح ان في حاجه عاوز يقولها وهو ده اللي تعبه 

_ اكيد في حاجات كتيره عاوزه يقولها  بعد اللي بيحصل ده 

:  لا انا اقصد انه عاوز يوصلكم حاجه  

_ ليه يعني 

:  ده اللي انا شيفاه  ،  حتي استنا كده 

شبل  ارمش بعينك  لو موافق علي كلامي 

انتبهت ليه ف قالت 

_ في حاجه عاوزه توصلها 

رمش ب عنيه  ف قالت 

:  حد مضايقك 

رد بالموافقه ف قولت 

_ مين مزعلك يا شبل 

:  لا هو مش هيعرف يجاوب كده  لحظه واحده 

_ الحد ده من البيت 

رجع رمش بعنيه ف قولت وانا مش عارف مين مزعله ولا ليه

_ حد مزعلك يا شبل 

رد برمشه  ف رجعت قولت باهتمام 

:  زعل شكله ايه ،  مزعلك قوي 

بصلي وهو بيرمش ويأن وعنيه بتقول ان في حاجه مهمه  ف قولت 

_ طيب مين مزعلك  ، ابوك....  انا....  بدر....  الممرضه....  امك....  شجر.... دعاء...  ورد... 

مردش ف قولت 

:  يكون زعلان مع ليلي 

رمش مع هزه براسه ف قولت  

_ ايووووه  ... يمكن زعلان انها بعيدة عنه... 

طبطبت علي كتفه وقولت 

:  هخليها تقعد امعاك  متضايقش

رجع  يأن ويتشنج  ف قولت 

_ معلش يا شبل  متزعلش انا هخليها تجيلك وهروح اشوف بدر وارجعلك ونشوف في ايه ومزعلاك في ايه بت الخدامه دي

سيبته واتجهت ناحية الباب وهو زاد ف بصتله وقولت 

:  هجيلك تاني  

طلعت من عنده ف قابلت ورد في وشي  ولما شافتني رجعت تاني اوضتها وقفلت الباب وانا وقفت دقيقة وبعدين ناديت علي ليلي ف جاتني وقولت 

_ ابقي خليكي جمب شبل هو زعلان انك سيباه  

:  حاضر 

#ورد 

. 

سمعت كلامه مع ليلي ولما عرفت انه مشي طلعت ولحقتها قبل ما تدخل عند شبل وقولت 

:  دقيقه 

_ ايه 

:  ميته هتعملي اللي اتفقنا عليه 

_ دلوك لو عاوزه 

:  طيب قولي فين 

_ له مش هتعرفي فين لو فاضيه نروح مع بعض  

مكنتش مطمنالها ف قولت 

:  ليه مش هعرف انتوا حاطينها فين 

_ بعيد قوي 

:  طيب ما تقولي فين 

_ انتي مش مطمنالي شكلك 

:  له ممطمناش  

_ طيب براحتك لما تطمني  ، انا داخله لشبل 

قالت اكده ودخلت وانا دخلت وراها ولما شبل شافها بقا يأن ويحاول يتكلم  ف قولت للممرضه 

:  شويه وتعالي  

_ حاضر 

طلعت وانا وقفت في ناحية وهي في ناحية وقولت 

:  متخافش انا جمبك  

_ ويخاف من ايه يا ورد 

:  معرفش  بس شكله خايف ولا انتي مش شايفه 

_ ايوه شايفه ومقدره بس انا قولتلك انه وقع بالغصب اكيد مقصدتش اقتله 

:  المهم انه خايف منك 

#وفاء 

فتحت عيني  لقيته جمبي ضامم يديه ونايم علي الكرسي بقيت بصاله شويه وبفتكر كلمته وضعفه وهو حاضني كأني حاجه كبيرة عنده ف ابتسمت  لأني مهمة  لدرجه ان هو بنفسه رغم هيبته ومكانته في النجع ودوناً عن كل اللي حوليه  يطلب مني انا مسبهوش وافضل جمبه   وبعد شويه وانا لسه بصاله حطيت ايدي علي ركبته ف صحي ومال عليه بلهفه وهو بيقول 

:  وفاء؟!!  انتي صحيتي؟!

_ اه

:  عامله ايه دلوك

_ الحمدلله  ،  انت عامل ايه دلوقتي 

رمش بتوتر وهو بيقول بعد ما رجع يتعدل في قعدت 

:  زين  ،  حمدالله علي سلامتك 

_ الله يسلمك   

:  هنادي الدكتور يشوفك 

قام ف قولت بعد ما افتكرت 

_ بيجاد فين؟!  

فضل علي نفس الحاله شويه وبعدين رجع يبصلي ويقول 

:  قال انه هيروح مع صاحبه اللي كان معاه وهيرجع تاني 

_ بجد  ولا حصله حاجه  ،  اوعي يكون قتلتوه

:  لا نقتله ايه  ، هو زين  وهيرجع تاني  بس كان لازم يروح المشوار ده 

_ يعني مفيش مشاكل 

:  له اطمني مفيش اي مشاكل تاني 

_ الحمدلله 

: الحمدلله  ، هجيب الدكتور  

طلع ورجع بعد شويه  ومعاه الدكتور  وبعد ما الدكتور كشف عليه  سأله اذا كان ينفع ارجع البيت ولا لا  قاله  بكره علي الاقل  وبعدها مشي وهو رجع يقعد عندي.

 كان لسه لابس نفس اللبس ف قولت 

_ لسه مغيرتش 

:  مفضتش دقيقة  ،  لما نروح هغيره 

_ اها 

قال بربكه

:   ليه عملتي اكده  افرضي مكنوش لحقوكي 

_ اهم  لحقوني وطلع ليه نصيب اعيش الحمدلله 

:  وانتي كنتي ضامنه يعني 

_ مش احسن ما كان جت فيك 

سكت و وشه ابتسم  ف قولت بتوضيح 

:  انت لو حصلك حاجه مكنوش هيسيبوا بيجاد بس انا اخته مفيش مشكله 

بهتت ملامحه وهو بيقول 

_ اها...  بردك مكنش لازم تعملي اكده  ، وانا كنت هقول متنازل عن حياتي يا ستي 

:  بعد الشر  ، بس اهي جت سليمه  

_ الحمدلله  

رجع لسكوته ف قولت بتردد

: انت بقيت كويس دلوقتي 

_ اهه زين  اهي بتعدي

رجعنا لسكوتنا وهو باين انه عايز يقول حاجه بس متردد ف قولت 

_ في آية 

:  له مفيش حاجة  ،  انتي بقيتي زينة دلوك 

_ اه الحمدلله  بس شكلك عاوز تقول حاجة ومتردد 

: له  مش اكده  بس  يعني  

_ ايوه قول

: هي حاجه مش مهمه  ، بس اخوكي بيقول انه لما يرجع هياخدك وتمشوا من النجع بس انا قولت خليها لما تخف  ،  ولا اية رايك عاوزه تمشي 

_ اظن يومين كفاية قوي علشان اخف  ف اه نمشي 

:  اه  ،  طيب تمام  لما يجي تقدري تمشي لو عاوزة 

قولت بإبتسامة وانا شايفه توتره 

_ ولو مش عاوزة اقعد عادي 

:  لو مشالتكش الارض نشيلك فوق راسنا "

حسيت بأنه عاوزني اقعد بس أنا مش هينفع أقعد هنا ولا ينفع اكون جزء من عداتهم رغم  اني مش عاوزه امشي واسيبه بعد ما للأسف اتعلقت بيه قوي  ف قولت 

_ متشكره  والله كلك ذوق   ، بس تمام  لما اجي زياره مره تانية ك ضيفة مش ك أسيره  اقعد بقا براحتي 

بهتت ملامحه وهو بيقول 

:  تشرفي في اي وقت  

_ متشكره يا كبير  ،  او يا مصر  ههههه 

:  العفو يا اسرائيل 

_ ههههه بردو اسرائيل؟! ، مع اني كنت مسالمه ومحتلتش حاجه  

:  ايوه طبعاً  كنتي مسالمه ومحتلتيش حاجه خااالص  

#بدر 

مش عارف كيه اقدر اقولها اني مش عاوزها تمشي وتسيبني وانها احتلتني انا كلي علي بعضي  واني بتعذب من دلوك وانا عارف انها خلاص هتبعد ومش هشوفها تاني  

:  بدر! 

جاني صوت  عبيده بيقولي اكده  زي نجده تنجدني قبل ما ارجع اضعف قدامها واستسلم لمشاعري واطلب منها تاني انها متسبنيش  ف قومت روحتله وطلعت من الاوضة وقولت وانا مش عارف اكون طبيعي 

_ في ايه 

:  مالك 

_ مفيش حاجه  ،  انا زين

:  اه  ، طيب انا كنت جاي اشوفك انت والبت عاملين اية  ، هي فاقت صح 

_ اه  فاقت 

:  طيب زين  ،  امال فين اخوها 

_ في السجن 

:  ليه اكده  

_ ماقعدش علي حيله 

:  عمل اية 

_ عاوز ياخدها وهي تعبانه  

:  اممم  ، اهااا  ،  طيب انت زين دلوك؟! 

قولت بنرفزه 

_ ايوه زين في ايه؟!!! 

:  لا ولا حاجه   بسأل بس  ،  والله  شكلها البت مضيقاك بس متضايقش اهي هتمشي وترتاح من همها ومش هنشوفها تاني 

_ احسن  

: ايوه احسن خليها تغور  "

حاولت امسك نفسي ومضربهوش ف قال وهو بيدور في عنيه 

: بس انت شكلك لسه تعبان  ما تدخل ترتاح 

_ له  ، انا متقندل مرتاح  مليكيش دعوه  انا زين   ،  ابوك عامل اية دلوك 

:  تعبان وراقد  

_ طيب 

:  اها... بس في ايه مالك 

قولت بانفعال 

_ ايه!!!!  قولت مفيش!!!  

:  طيب في ايه انا بسأل  ، انت شكلك تعبان 

_ له انا زين يابوووي...  روح شوف ابوك  

:  وانت مش هتيجي امعاي  ،  هي معاها الممرضه مش هتسيبها 

بصتله بصه سكتته ف بص بعيد وقال 

_ طيب  ، انا كنت جاي اشوفك  لو تقدر تيجي تشوف شبل  ،  اتشنج وشكله زعلان قوي  

:  ماله  ،  علشان فاطمه؟! 

_ له زعلان من ليلي انها سيباه 

:  هو قالك زعلان من ليلي انها سيباه 

_ ايوه بقيت أسأله ويرمش بالموافقه ويسكت لو مش موافق  واكده 

:  ايوه  طيب قولها تقعد جمبه

_ قولتلها 

_ طيب اديك فهمته وقولتلها تقعد جمبه اعمل انا إيه 

:  ولا حاجة انا بقولك بس 

_ ماشي  ،  انا داخل 

:  جاي امعاك

_ تيجي امعاي فين البت نايمه 

:  ما انا عارف  هدخل اطمن 

_ بقولك نايمه!!!! 

:  ايوه انا عارف انها نايمه  ، هدخل اطمن زيك 

بصتله بغيظ ف قال 

_ خلاص ممطمنش انا راجع   

    مشي وانا رجعت عندها وقولت 

:  كان بيطمن 

قال بتردد

_ اها....  هو كده... 

:  ايه قولي 

_ كده المشكله اتحلت ولا لسه هتواجه مشاكل وكلام الناس

:  معرفش بس الاكيد ان مبقاش ينفع نبقو كبار تاني   مين هيلجأ لينا واحنا مقدرناش نحموا اختنا وحتي اللي قتلوها واحد تاني قتلـ..... 

مكملتش كلمتي لما افتكرت كلمة بيجاد وهو بيقولي ليه قتلتوه  وبقيت شويه افكر يقصدها ولا له   ، لو كان يقصدها يبقا حد تاني قتله  

:  له  معقول 

_ ايه 

:  مفيش حاجه  ،  جايلك تاني 

_ رايح فين 

:  نص ساعه وهجيلك 

_   انا 

:  إيه 

_ مفيش خلاص بس متتأخرش 

:  خايفه 

_ بصراحه اه  

رجعت قعدت وقولت 

:  خلاص قاعد 

:  لا روح خلص مشوارك وتعاله 

_ لا مفيش حاجه مهمه  انا قاعد 

:  متشكره 

قعدت ورجعت اتكلم امعاها شويه ونسكت شويه 

#ورد 

مسبتش شبل دقيقة واحدة وهي امعاه وبعد ما مشت طلعت انا كمان وبقيت اتمشي في الجنينه مش عارفه اقول اللي بيحصل وتماضر ربنا يتولاها ولا اسكت شويه يمكن تقولي هي فين كنت محتاره قوي وهتجن ومش راسيه علي حل  . 

وانا و بفكر ورايحه جايه شوفت عبيده واقف وعنيه متابعني بعنيه ف نزلت عيني وروحت لأبعد زاوية في الجنينه هروب منه مكنتش عاوزه اشوفه بسبب تصرفاته اللي انا مش فاهماها ومش مريحاني  وبعد شويه وانا باصه بعيد  جاني صوته بيقول 

:  ازيك يا ورد  

خدت نفس وقولت بعد ما بصتله

_ زينه يا ولد عمي  

:  جرحك خف 

_ له الحقيقه مخفش  ،  لسة واجعني بس يخف مفيش حاجه بتفضل علي حالها 

:  اه صح .... طيب اسيبك 

مشي كام خطوه ف قولت وانا مش قادره اتحكم في نفسي 

_ عبيده!!!!

بصلي وقال 

:  ايوه يا ورد  محتاجه حاجه 

_  محتجالك انت!!

رمش بعنيه تهرب من نظراتي وقال 

:  ايوه يابت عمي انا موجود   عاوزه فلوس  او اي طلبات 

قربت منه وقولت 

_ بتكلم صح  ، انت قربتلي بمزاجك ولما احتجتك بقيت تبعد  ،  انسي  اللي حصل  واي كلام يخصه  ،  بس شوفني في ايه مش يمكن بموت وعاوزه مساعدتك  

:  ما انا بقولك عاوزه فلوس ولا اي طلبات  ،  اي احتياج تاني مينفعش تقوليلي عليه  ،  شوفي بدر 

:  بدر؟!!!  اه  ،  صح  هنشوف بدر لأنه راجل  مش عيل  زيك

_ انا عيل يا ورد 

:  ايوه  ،  بتبعد بمزاجك وتقرب بمزاجك ولما احتاجلك تختفي  ،  واخرها رايح تقول ل ليلي خليكي جمب شبل!!!  

_ ايوه!!!  ايه دخل دي في دي  ،  في ايه مالك  

_ مفيش حاجه  روح مطرح مانت رايح 

:  ما انا كنت رايح انتي وقفتيني  ،  كلامك مش ماشي مع بعض  بتقولي ببعد واقرب بمزاجي ولما احتجتيني اختفيت  ،  ده ماشي انا اقدر افهمها بكذا طريقه  بس ايه دخل قولي ل ليلي تقعد جمب شبل  ،  كنتي عاوزاني اقولك انتي تقعدي جمبه يعني ولا ايه 

_ معوزاش حاجه  

:  ماشي وانا مش هحاول افهم   ،  بس اخر مره تتكلمي امعاي اكده  

#عبيده 

اكتر حاجه ضايقتني و حسستني اني عيل صح اني مقدرتش اسألها ولا اعرف هي محتجاني في ايه  ،  اكيد مكنتش محتاجاني اقرب منها  ولو شايف حد غيري هيفهمها مكنتش لجأتلي انا ،  لكن انا خوفت ارجع اقرب تاني بعد ما بعدت  انا وعدت دعاء ان مش هيكون في غيرها  ومينفعش اخلف ب وعدي وبذات لأنها اختها

#دعاء 

رجع من بره ساكت وشكله فيه حاجه ف قولت ده عادي علشان اللي بيحصل معانا ومهتمتش قوي بس عدا الوقت وهو قاعد شارد  ف قعدت جمبه وقولت 

:  مالك يا عبيده 

_ هه...  له مفيش  ،  العيال عاملين ايه بقالي شويه مشفتهمش 

:  العيال بخير  ،  انت اللي مالك فيك حاجه 

_ تؤ مفيش  سلامتك  ، هروح اشوف شبل  هقعد جمبه الليله علشان ميضايقش 

وقفت قدامه وقولت 

:  مالك يا عبيده  

قال بنرفزه

_ مالي يا ورد ما انا زين اهه  !!!! 

:  اسمي دعاء يا عبيده  ،  دعاء مش ورد  ،  روح لشبل 

مشيت من جمبه ف مسك فيه وقال 

_ حقك عليه  دماغي مدوشه شويه ومقصدش 

:  عادي  ربنا يعينك  انا مزعلانش..  هروح اشوف العيال 

سيبته وروحت اوضة العيال لقيتهم نايمين قعدت عندهم وانا مش قادره احبس دموعي ولا اوقف وجعي اللي زاد عليه بعد كلمته دي  ، حتي في عز حزنهم وكسرتهم منسهاش 

#بدر 

كنت قاعد جمبها لغيت نص الليل وهي لسه صاحيه مش عارفه تنام  ف قولت 

:  مقدراش تنامي ليه 

_ مش جايني نوم وراسي وجعاني من البينج ونفسي غامه عليه من ريحة المستشفي والاهم اني هموت من الجوع وانت مفكرتش تعزم عزومة مركبيه حتي 

:  ابااااي  طيب والله راحت عن بالي  ،  دقيقه هجبلك

طلعت قوام ادور علي دكان فاتح  بس النجع زي الفروج بينام من المغرب  والدكاكين بتقفل  وملقتش طريقة غير اني اروح البيت اجيب وكل واجي  و اول ما فتحت شوفت ليلي واقفه جمب باب شبل وشكلها بتتسنط بس لما سمعت صوت الباب بصتلي وقالت 

:  حمدالله علي سلامتك يا كبير 

_ بتعملي ايه 

:  أبداً بس كنت معديه ف سمعت صوت بشوف ايه ده  شكله شبل رجع يتعب تاني 

_ ايوه طيب بقولك ايه ،  جهزي وكل وحطيه في العمود   للبت اللي في المستشفي يكون انا شوفت شبل ورجعت 

:  حاضر خمس دقايق ويكون الوكل جاهز 

دخلت المطبخ وانا دخلت عند شبل لقيت عبيده اهناك والممرضه مش عارف راحت فين  ف قال عبيده بعد ما قام 

_ جيت ميته 

:  لسه جاي 

قربت من شبل وقولت 

:  إيه يا شبل  ،  مالك ياحبيبي قالولي تعبان "

قال عبيده 

_ متسألهوش اكده شوف

وجه كلامه ل شبل وقال 

:   انت زعلان من حاجه يا شبل 

رمش بعنيه ف قولت 

_ زعلان من إيه عاد 

قال عبيده 

:  مش اكده  استنا  ...  حد مزعلك يا شبل 

رمش وهز راسه وفي عينه لهفه انه يعرفنا ف قولت  

_ زعلان من مين  ،  قال زعلان من ليلي انها سابتك 

غمض عنيه بضيق ف قال عبيده 

:  هو قال انه زعلان علشان سابته مش كده يا شبل  

مردش ف قربت منه وقولت 

_ ايه يا حبيبي  عاوز تقول حاجه 

بصلي ورمش بعينه اللي بقت مبحلقه فيه وحاسه عاوز يعرفني حاجه مهمه ف قولت 

:  طيب الحاجه دي بخصوص ايه  ،  فاطمه 

رمش ورجع يبصلي بتركيز ف قولت 

:  زعلان عليها 

محركش جفونه بس بصته بتقول ان في حاجه مهمه ف قولت 

_ الحاجه بخصوص فاطمه  ؟! 

رمش ف قولت 

:  لو زعلان وعاوز حقها يرجع ف هو رجع خلاص  واللي قتلوها ماتوا 

حرك حواجبه وبقا يأن ويحرك فمه وشكله بيقول ان في حاجه ف قال عبيده 

_ انت كنت تعرف حاجه عن اللي حصلها 

كلامه فوقني ف قولت وانا ببص ل عبيده 

:  والله ممكن ليه لا  ، يمكن علشان اكده كانوا عاوزين يقتلوه 

بصتله وقولت 

_ علشان اكده يا شبل 

رمش بعينه ولسه نظرته زي ما هي ف قولت 

:  انت كنت تعرف ان فاطمه اتقتلت 

رمش بعنيه ف قال عبيده وهو مذهول 

_ طيب ومقولتش ليه؟!!  ايه سكتك لما انت كنت عارف 

غمض عنيه ورجع يبصلي والدموع ملياها ويأن ف سكت شويه افكر وبعدين قولت ل عبيده 

:  معقول يكون كان عارف وميبنش عليه حتي  ، ده هو الوحيد فينا  اللي كان بيقول انها اكيد واقعه في مشكله  وممصدقش هروبها ،  بصتله وقولت 

_ انت كنت تعرف من الاول  ..  مردش ف قال عبيده 

:  عرفت متأخر 

رمش بعنيه وهز راسه بجهد ولهفته في عنيه وكأننا قربنا نوصل للي في راسه ف قولت 

_ ورد تعرف اللي حاول يقتلك 

مردش ف قولت 

:  تعرف حكاية فاطمه 

رمش ف بصينا انا و عبيده لبعض بصدمه ف قولت 

_ يكون هي ليها يد في اللي حصل  

قال عبيده 

:  له له  ،  اكيد له 

:  امممم طيب  انا هروح  اودي الوكل ومحدش يتكلم معاها في حاجه لغيت ما ارجع  فاهم يا عبيده 

_ فاهم 

سيبته وطلعت ف لقيت ليلي واقفه وفي يدها العمود ف قولتلها تستنا كان فضولي مش مخليني اصبر ف مسكت مقبض باب ورد وكنت هفتحه من غير ما اتكلم لقيته مقفول من جوه  ف قولت خلاص خليها الصبح ورجعت خدت الوكل من ليلي ومشيت وانا عقلي بيفكر في مليون حاجه  ،  قتل شحاده اللي انا مش متأكد اذا كان بيجاد قتله ولا له  ، و اللي كلم دعاء وقالها علي  ان اختها عايشه  ،  وهروب متولي ومرته بمجرد ما بدء عبيده اتكلم في الموضوع مع دعاء  ،  ومحاولة قتل شبل من غير سبب   ،  ورجعت افكر فيها  لما هو كان عارف من قبل ما يوقع سكت ليه  بقيت افكر وافكر لغيت ما وصلت وحطيت الوكل ل وفاء  وبقيت افكر لغيت ما انتبهتلي وقالت 

:  في ايه  

_ هه لا مفيش حاجه  ، كلي بالهنا

:  في حاجه حصلت 

اتنهدت وانا بقولها 

_ لسة مش عارف في ايه بس في حاجات كتيره انا مش فاهمها 

حكتلها كل حاجه ف قالت معلقه علي كلامي عن شبل 

:  انا من الاول حسيت ان شبل عاوز يقول حاجه بس ملحقتش اعرف   ،  واضح فعلاً انه كان يعرف  ،  اممم مش عاوزه اقول فكرت في ايه بس... 

_ قولي 

_ خايفه ادخل الشك في قلبك  ، بس انا هقولك  ولو عاوز تتأكد روح واسأله ومتعملش حاجه غير لو فهمت منه صح

:  طيب قولي 

_ شبل كان خايف قوي وعاوز يوصلي حاجه  ،  ف ليه الخوف والهلع ده لو مطمن  في وجود الكل  ،  شكل حد بيخوفه من داخل البيت ومش بعيد يكون هو اللي رماه من فوق 

:  معقول!!!  له له  ، اكيد له  وقتها مكنش في حد غريب في البيت   

فكرت في ورد بس رجعت قولت له دي كانت مع عبيده  وكلامها مع شبل ميقولش اكده  ، واضح ان الاتنين عارفين حاجه  هي خايفه علي اختها وهو مقادرش يقول  ف قولت اكده  ل وفاء 

_ طيب وهي تخاف ليه تقولك لما ممكن تقولك وانت تدورلها عن اختها بالمداري من غير ما حد يعرف  

:  معرفش مع اني روحت دورتلها وهي عارفه اني دورت بس ايه مخليها متقولش مش عارف 

_ اقولك!  انت مقدمكش غير شبل استفسر منه واحده واحده  ،  قوله شكنا ف ان حد زقه ولو وافق   ، هاتله كل اللي يجي علي بالك وقتها هتعرف 

:  كأنك متأكد  ان حد  زقه 

_ ده احساس بعد الكلام اللي قولتهولي  واظن ان مجرد ما عرف وحصل مواجهة  اترمي من فوق  ،  ده غير حاجات تانيه  ،  زي معرفة الناس اللي ربو ورد بكشف سرهم وهروبهم  ،  وان اللي حاولوا يقتلوا شبل من نفس  المنطقة   ،  بص هي كل الحكايه متوصله ببعض  ولو صح حد طلع زق شبل من فوق وعرفته هو مين هتلاقي كل حاجه وضحت قدامك 

:  صح صح عندك حق  يبقا لازم نسأل شبل ونفهم منه   

كملت بشرود

_ بس لو طلعت ورد ليها دخل او حد من الغفر  هيكون عقابه واعر قوي 

فوقت من شرودي وقولت

: لسة خايفه تقعدي وحدك

_ يعني مش قوي 

:  طيب انا هخلي الممرضه تقعد جمبك متسبكش وانا هوصل مشوار واجيلك 

_ ماشي  

سبتها وطلعت علي السجن  سألت الغفير حاطط بيجاد فين وروحت عنده اتأكد من حكاية قتل شحاده قبل ما ارجع ل شبل 

              الفصل الحادي والثلاثون من هنا 

   لقراءة باقي الفصول من هنا

تعديل المقال