رواية خداع نفسى
الفصل الثاني والثلاثون 32
بقلم الاء هاني
لجين بعياط : انا السبب انا السبب
محمود باستغراب : انت السبب ازاى
لجين بعياط : انا اللى فبركت الصور و انا اللى خليت رحيم يتعصب عليها انا السبب فى طردوا ليها من البيت
كرم غمض عينه بشده من اللى هيحصل دلوقتى الكل بصلها بصدمة
محمود بغضب : انت اتجننتى ازاى تعملى كدا انت عارفة انت عاملتى ايه انت دمرتى حياتهم هما الاتنين تقدرى تقوليلى هتعيشى ازاى و انت مدمرة حياتهم انت ايه يا شيخة مخفتيش يتردلك مخفيش من ربنا
لجين كانت بتعيط بانهيار و صوت شهقاتها بيعلى
محمود بزعيق : ردددى عليا هتعيشى ازاى بعد كدا
لجين بتدأ تتنفض و انهيارها بيزيد
كرم اتكلم بخوف عليها و حالتها اللى رجعت للصفر تانى : عمى لو سمحت هى اه غلطت و غلطها كبير بس كانت مخدوعة فى امها عارف يعنى ايه امها و انا هجاوبك على اسئلتك اللى سألتهالها هى اه مخافتش يتردها وقتها بس اترد الدين اترد يا عمى اترد فى ابنى ابنها مات قدام عنيها دى لوحدها كفاية انتم عارفين هى تعبت قد ايه فى الحمل دا و صدمتها فى امها كانت كبيرة زى صدمة طيف فى رحيم بالضبط و كمل بحزن شديد و هو بيبصلها و حتت هتعيش ازاى بعد اللى هى عملته احب اقولك انها من بعد موت يزيد و صدمتها فى امها و هى ميته اصﻻ مش عايشة لجين اول مرة تطلع من الاوضة او تقوم من على السرير اصﻻ انا عارف و بعترف ان احنا غلطنا مش غلطتها لوحدها انا كمان غلط احنا الغلط التام بتاعنا بسبب ثريا انما موضوع رحيم وطيف هى كانت احد الاسباب بس رحيم هو اللى غلطت مش مراتى كان ممكن يبقى عاقل و ياخدها لدكتورة انما رحيم اتجوز لجين علشان ميقربش لطيف الدافع اللى خليه رحيم يعمل اللى عمله هو انو حابب و عايز قربها و معرفش اتحكم لا فى نفسه و ﻻ فى عصبيته و محبش ان حد يزعل مراتى و يزود وجع على وجعها كفاية اللى هى فيه انا خايف انزل و اسيب البيت ارجع الاقيها عاملة فى نفسها حاجة فلو سمحت يا عمى بلاش تعاتبها كدا هى عرفت غلطها و ندمها كفيل انو يكون عقاب ليها
محمود بهدوء : يﻻ يا ميرا روحى لطيف و خدى سندس معاك
سندس بدموع : انا عايزة افضل مع لجين
محمود : معلش حبيبتى روحى معاها و ابقى تعال للجين بعدين
ميرا بتفهم : طب يلا يا سندس سﻻم يا لوجى هنجيلك تانى
سندس حضنت لجين و قالت : هجيلك تانى علشان اتغدى معاك يا حبيبى
لجين هزت رأسها و هى مازالت بتعيط
سندس بدموع : بالله عليك بلاش عياط كفايه خلاص
محمود : يﻻ يا سندس
ميرا شدت سندس و مشيوا
محمود بتنهيدة : انا مش قصدى ازعلك يا بنتى بس انت بنت زى طيف المفروض كنت هتفهمى احساسها هيبقى ايه
لجين بعياط : انا عارفة احساسها ايه احساس وحش اوى بس وقتها ماما كانت مفهمانى انى ﻻزم اوجعهم و ادمرهم تماما بس انا والله ندمانة و زعلانة من نفسى اوى علشان طيف و رحيم ان كان علشان اللى عملته فى رحيم او اللى رحيم عملته فى طيف بسببى
محمود بتنهيده : هنشوف موضوعهم هيرسى على ايه و هبقى اجيلك تانى عن اذنكوا
كرم : اذنك معاك يا عمى
محمود مشى
رحيل و عطر دخلوا لطيف
عطر بحب : اختى حبيبتى عاملة ايه
طيف بابتسامة : الحمد الله بخير
عطر : طب الحمد الله يا ست البنات
طيف باستغراب : واقفة بعيد ليه يا رحيل تعالى رحيل قربت عليها ببطئ و قالت بدموع : أنا أسفة
طيف باستغراب : على ايه
رحيل بعياط : على اللى رحيم عمله انا م...
طيف بمقاطعة : هششش انت مشيلة نفسك ذنبه ليه اهدى و ملكيش دعوة باللى هو عمله انت ملكيش ذنب
رحيل حضانتها و قالت : انا اسفة انى مكنتش معاك فى اصعب اوقاتك
طيف لهزار : انت عايزة تعتزرى و خلاص ايه بت دا
رحيل بضحك : طب خلاص اهو
عطر : اسكتوا هو انا محكتش ليكم اللى حصل
رحيل و طيف باهتمام : ايه
عطر باستفزاز : لما ميرا و سندس يجوا علشان احكى مرة واحدة
طيف حدفتها بالمخدة : اومال بتقولى من الاول ليه يا مستفزة
عطر بضحك : علشان ادايق فيكوا
و قعدوا يتكلمى شوية لحد ما قاطعهم صوت رنت الفون بتاع طيف
طيف : ايه يا فضل
فضل : هو انت خلصتى التصميم بتاع الكورال
طيف : فاضل فيه تاتشات بسيطة بس لسه بدرى
فضل : اه بس كنت عايز اشوفهم علشان اعمل الديكور المناسب
طيف : طب لما اخلصهم هبقى اوريهملك بس انا دلوقتى قاعدة مع البنات
فضل : بنات مين
طيف : عطر و رحيل
فضل بلهفة : هى رحيل عندك
طيف و هى بتبص لرحيل المتوترة : اه
فضل قفل فى وشها السكة
طيف بصدمة : بن الهبلة يا بن نادية
رحيل : هى مامته اسمها نادية
عطر : معقول متعرفيش اسم حماتك
رحيل : لسه مش حماتى على فكرة دا الخطوبة كانت امبارح
الجرس رن
عطر باستغراب : مين اللى جاي ليكم دلوقتى ميرا قالت هتتأخر
طيف بضحك : اللى جاى مش جاى لينا
رحيل باستغراب : اومال مين
طيف بغمزة : ليك يا قمر دا فضل
رحيل بتوتر : فضل و انا مالى
عطر بخبث : خطيبك مثلا
هند دخلت عليهم و قالت : رحيل كلمى فضل
رحيل بتوتر : ﻻ ليه حاضر
هند باستغراب : مالك يا بت
رحيل قامت بتوتر و مشيت و قالت : مفيش
طلعت لقته قاعد مع سعد
سعد قاله خدها و ادخل البلكونة اللى فى الوش دى
فضل بابتسامة : حاضر
راح وقف قدامها و شاور بايده و قال : اتفضلى
كرم جرى عليها حضانها اول ما محمود مشى لجين عياطها زاد
لجين بعياط : والله انا اسفه انا وحشة اوى يا كرم انا انسانة زبالة اوى و بعدت عنه و بصتله و قالت انا ربنا مش بيحبنى صح
كرم بحب و هو بيمسح دموعها : مين قال كدا ربنا لو مش بيحبك مكانش خلقك
لجين بعياط : علشان محدش بيحبنى و ﻻ حتى ماما
كرم بلهفة : انا بحبك بيقولك *يقولون لو كان الحب كلمات لنتهت اقلامى لكنه آسر القلوب فهل يكفيكى قلبى * و بعدين انت جميلة اوى يا لجين انت بس بريئة و ساذجة و طفولية
لجين و هى بتشدد من احضانه : * و أنا اخترتك من بين الزحام فلا تتركنى *
كرم طبع قبلة على رأسها : عمرى ما هسيبك
لجين بصتله و هى مازالت بتعيط : ربنا هيسامحنى صح
كرم بحب : اكيد من اسماء ربنا انو غفار هيغفرلنا يا حبيبتى هيغفرلنا ان شاء الله و كمل بهزار : انت دموعك دى مش بتقف ليه شلالات شلالات كدا
لجين مسحت دموعها و قالت بمزاح : عينى فيها بحر
كرم بعشق : عيونك البحر بذات نفسه عيونك بتغرقنى يا لجين وياويلى
لجين ابتسمتله
كرم بهزار : و اللؤلؤ بان اهو دا انا كنت نسيت شكله يا جدع
لجين بخجل : ما تسكت بقى وﻻ علشان انا سكتالك من الصبح هتسوق فيها
كرم بضحك : قلبتى فراولة ليه دلوقتى دا انا معملتش حاجة
لجين بطفولية : اسكت يا كرم اسكت
كرم ضحك على اخره و قال : طفلة
لجين : عجبك وﻻ مش عجبك
كرم بهمس : بموت فيه
لجين : الظهر بيأذن تعالى نصلى يلا
كرم بحماس : يلا
فضل و رحيل فى البلكونة فضل بيبصلها و هى بتبص على الشارع و عاملة نفسها مش هنا
فضل بحب : * أيها المعرض عنا حسبك الله تعال *
رحيل : افندم
فضل ببراءة : انا بقول أيها المعرض عنا حسبك الله تعال
رحيل بغيظ : مش جاية
فضل ببراءة : هو انت المعرض عنا
رحيل بغيظ : عايز ايه يا فضل
فضل : يا ايه
رحيل باستغراب : يا فضل
فضل : ايوووه حلو اوى
رحيل باستغراب : هو ايه
فضل : اسمى حلو اوى منك
رحيل خدودها احمرت و اتكلمت بصدمة : والله لو محترمت نفسك لهنادى جدى
فضل بضحك : خلاص خلاص
رحيل : كنت عايز ايه
فضل بجدية : عايز اعرف صليتى استخارة و ﻻ ﻷ و قررتى هتكملى و ﻻ ﻷ
رحيل خدت نفس و قالت : صلتها و حاسه نفسى مرتاحه بس ممكن اصليها مرة تانية
فضل بابتسامة : اكييد طبعا صليها مرة و اتنين و تلاتة لحد متلاقى نفسك فى كامل الراحه و بصلها و اتنهد و قال : او مش مرتاحة و كمل بسرعة : فى كلتا الاحوال انا مستنى ردك مع رحيم او جدى سعد او عمى احمد او عمى سليم اى حد ان شالله مع طيف اى حد بس هستنى ان كان موافقة او رفض
رحيل باستغراب : انت ليه مستعجل
فضل : عايز قلبى يهدى يﻻ سﻻم
و سابها ومشى
=يا ماما بقى علشان خاطرى
-امشى يا رحيم من وشى
رحيم بحزن : يا ماما لو سمحتى انا والله اسف انا عارف انى غلطان و طيف مش بتكلمنى و زعلانة منى و متبقيش انت كمان
مرفت بعصبية : اسمع يلا انا مش هكلمك و ﻻ هسامحك على اللى انت عاملته الا لما صاحبة الشأن تسامحك انت فاهم و كملت بقسوة اول مرة رحيم يشوفها فى عنيها : و لو عدم كلامى معاك هيوجعك يا رحيم فانت تستاهل و مش هكلمك و اتفضل حل عن سمايا مش فاضيالك
رحيم بخرى : حاضر يا ماما
و مشى
منى بحزن : قسيتى عليه كدا ليه يا مرفت انت اكتر واحدة عارفة هو بيحبك قد ايه
مرفت بحزن : عارفة بس مينفعش اسامحه يا منى انا مصدومه فيه دا مستحيل يكون ابنى اللى ربيته على ايدى و موجوعه على طيف
منى بتنهيده : ربنا يهدى قلوبنا كلنا يا رب
مرفت : يا رب
كرم و لجين خلصه صﻻة
كرم لف لها و قال : لها فاكرة دعاء سيد الاستغفار ايه يا حبيبى
لجين بحب : اه مش انت اللى محفظهولى
كرم : قوليه
لجين : اللهم انت ربى ﻻ اله الا انت خلقتنى و انا أمتك و انا على عهدك و وعدك ما استطعت أبوء لك بنعمتك على أبوء بذنبى فاغفر لى أنه ﻻ يغفر الذنوب اللى انت ♥
يوم فرح رحيم و طيف