رواية اسمي حياة
الفصل الواحد والثلاثون31
بقلم الاء اسماعيل
انا عمري ما نسيتك ...و عمري ما اتخليت عنك ...ولا رحت لندن ولا عمري اتجوزت لا بنت عمي ولا غيرها ... أهدي يا عمري
بصيت له و انا مصدووومة و كأني فقدت النطق و بأتعلم الحروف من جديد : بس .. ا...ازااااي ..ام...امك ..امك هي اللي
- هسسس اهدي ...أمي حسابها بعدين ...حياة بنت عمي الوحيدة ندى وقتها كانت 12 سنة ..عايزاهم يسجنوني!! 😂
- طب.... و الست.... اللي . .. !!!
- دي زميلة يا حياة ...زميييييلة مفيش حاجة بيننا
ضحك و كمل : و لو انها بتحاول من سنتين بس انا صارحتها و قلتلها ان قلبي مشغول و حكتلها عنك عشان تشيل الفكرة خالص
رديت بدهشة : يعني انت عمرك ما رحت لندن !! ولا اتجوزت بجد ولا بتاخذني على قد عقلي يا حسام ؟؟
- انا رحت لندن شهر بس عشان تحاليل بابا و رجعت علطول بعدها ...و عمري ما فكرت ولا هافكر ارتبط بوحدة غيرك ..دي الحقيقة يا روحي .. انتي الوحيدة اللي ساكنة قلبي و عقلي و عمري ما نسيتك ...
لمس مناخيري بمشاكسة :.انسى ازاي بس انبوبة البوتغاز المتحركة اللي خطفت عقلي و قلبي من اول نظرة !!
ابتسمت بخجل و كمل هو : ما اتغيرتيش أبدا !! لسة زي ما انتي عنيدة و متهورة ههه
بصلي بنظرة إعجاب و غمزلي ..لا هو بصراحة اتغيرتي حبتين بقيتي اجمد و أحلى 🥰
ما لقتش اي كلمات مناسبة تعبر عن خليط المشاعر اللي كانت جوايا ..
بصراحة مقدرتش اقف و انا كدة بين اديه كنت محتاجة الحضن ده اوي .. قلبي كان موجوع جدا ...وحضنه خلى قلبي يرجع يدق من جديد..أخيرا وجع قلبي خف و فراشات الحب جواي صحيت من جديد....لمسة وحدة منه كانت كافية إني أنسى كل العذاب اللي عشته من غيره...
كلمة حب وحدة منه تكفي عشان تمسح الحزن من جواي و تخليني أسعد ست في الدنيا....الحاجة الوحيدة اللي عايزاها دلوقت ..هي اني افضل كدة في حضنه طول العمر ...و عمري ما هبعد عنه تاني أبدا ولا تهمني أمه ولا رفضها و لا اي حد في الدنيا ..و مستعدة اعمل أي حاجة عشان ما اخسروش تاني..
- وحشتيني اوووي يا حياتي ...ده انا كنت عايش في جحيم من غيرك ..
- و انا كمان 😭😭
- هو احنا هنفضل قاعدين عالارض كدة كثير ؟؟ يالا تعالي ادخلي العربية احسن تبردي ..
ساعدني عشان اقوم و دخلنا العربية
حسام بتذكر : بس ازااي اطلقتي بعد ثلاث شهور !! و انا شايفك معاه طالعين من بيتكم مبسوطين و حاضنااه ؟؟؟ انا مش فاهم حاجة ؟؟
- انت بتتكلم عن مين ؟؟!
- مش فاكر شكله بس هو طويل و اشقر كان حاضنك و شكلك كنتي اسعد وحدة في الدنيا ! ده انا حتى قلت يمكن حامل عشان كدة مبسوطة!
حياة بتذكر : قدام بيتنا ؟؟ ده اليوم اللي اتطلقت فيه يا حسام ...و اللي بتتكلم عنه ده اخوي مش هو
افتكرت حكاية والدته و سألته بمقاطعة
-و انت قلتلي انك سافرت لندن شهر بس ؟؟ و انا اللي فكرتك عايش هناك ؟؟
- على فكرة كان فيه اختراع اسمه التلفون.. لو استعملتيه كنتي عرفتي ...انا ممعيش رقمك و نيرة رفضت تدهوني و بطلت ألح عليها خفت اعملك مشاكل معاه ...انتي حجتك ايه بقى ؟؟
- اتصلت كثير ...بس لما ملقيتش رد صدقت بجد إنك مستقر هناك
- كنتي تقدري تتصلي بيا تاني و ثالث و عاشر و خمسين و انتي تعرفي ساعتها اني هنا ...انا مغيرتش رقمي عشانك.. و على فكرة طول الوقت ده عندي أمل انك ممكن تتصلي بيا و اسمع صوتك و لو دقيقة وحدة
- كنت فاكراك متجوز افهم يا نطع 😤
- نطع !!! و ماله ...مقبولة منك 😂
- يا حسام افهم ..انا و الله فكرت أتصل بدل المرة ألف تفتكر اني ما فكرتش ف كدة !! بس انا كنت خايفة اعملك مشاكل معاها !
اي وقت افكر أتصل فيه أقول يمكن تكون معاه دلوقت ، و بعدين هاتصل عليك اقولك ايه هااا ؟؟ انت كويس و المدام اخبارها ايه سلملي عليها ! مفيش نونو في السكة؟؟
-خلاص مش هنرجع نتكلم في الماضي خلينا في اللي جاي المهم اني عمري ما رحت لندن ما عدا الشهر اياه .
ضحكت على نفسي و انا بافتكر كلام امه و شايفة نفسي اغبى وحدة في العالم ! ازاي بس وصلت للمكانة دي ؟ و انا اي حد يضحك عليا بكلمة اصدقه !!
- بتضحكي ليه ؟؟
- بأضحك على غبائي طبعا !! و انا اللي كنت فاكرة ان مامتك كانت رايحة تزوركم و راجعة لما اتقابلنا انا و هي !
- اتقابلتي انتي و ماما ؟؟؟ امتى حصل الكلام ده ؟؟
- من شهر في لندن...اتوقعت انها مش هتقولك ..زي ما خبت عليك مقابلتنا من ثلاث سنين لما اتطلقت .
حسام بغضب : مع اني انا اللي استقبلتها في المطار هنا !! مش فاهم هي ايه هدفها من كل ده !!
حياة بحزن : خايفة نتقابل و نرجع لبعض.. معاها حق برضو
انت اتعذبت معاي كثير ...مشاكلي مكانتش بتخلص و ...
قاطعني بحب :اوعي تكملي ... انا اتعذبت في بعدك اكثرررر
' يا حسام امك شايفاني دلوقت مطلقة ...بس صدقني الوضع مش زي ما هي فاكرة خالص ... انا حياتي معاه كانت جحيم حقيقي....خلاني أتمنى الموت في اليوم اكثر من مئة مرة...لقب المطلقة بالنسبة لي ارحم مليون مرة من اني افضل على ذمة واحد مريض نفسي زيه . .حتى لو فضلت طول عمري من غير جواز ...اهم حاجة اني خلصت منه ...ده كان...
قاطعني و هو حاطط ايده على بوقي : ششششش خلاص مش عايزك تحكي لي عنه....كل ده بقى ماضي و راح
اوعدك هانسيك في كل حاجة وحشة عشتيها من غيري
قلت بتوتر : بس انت لازم تعرف ..
قفل بوقي بإيده تاني : مش عايز اعرف حاجة حياة...
لو كنتي اتصلتي بيا وقتها كنت جيتلك و نهيت حياته حتى و خلصتك منه ..بس دلوقت اي حاجة هتحكيهالي هتخليني اتعذب و قلبي يتحرق مش اكثر .... لإني ما عملتش حاجة اساعدك بيها و سبتك تعيشي كل العذاب ده لوحدك
' بس في حاجات لازم تعر...
مسك وشي بكفيه ...و بصلي بكل حنية....و قالي: مش عايز اعرف حاجة ...انسي كل حاجة ...انسييييه ...اهم حاجة اني لقيتك...
حاول يغير الموضوع : مقلتليش انتي ساكنة فين ؟ عند باباك ولا عند مامتك ؟
' لا ده ولا ده ...انا ساكنة مع اخوي
' اخوكي !!! اااه ايه حكاية اخوكي دي كمان ؟؟
' فاكر الولد اللي بابا خلفه قبل ما يتجوز ماما ؟؟ و اللي بسببه اتطلقوا !!
- اه فاكر طبعا ..
' اهو ده اللي انت شفته حاضنني : اخوي الكبير سند
تخيل ولا واحد من اهلي رضي يساعدني...و الولد اللي ابوي رماه زمان هو و امه فتحولي بيتهم و ادوني الحماية و الامان و الحب !! امه اللي بتحبني اكثر من ماما يا حسام
- الحمد لله ..بس لو تعرفي انا كرهته و دعيت عليه قد ايه !!
ضحكنا سوا : حرااام عليك !!! ده اخوي اللي مليش غيره
- طب تعالي هنا !! هو انتي اتقابلتي انتي و ماما ازاي مش فاهم !
- قلتلك في طيارة لندن
'انتي ايه اللي وداكي لندن ؟؟
' ما انا دلوقت مضيفة طيران يا حسام
حسام بذهووول : انتي اييييه ؟؟
' و مالك اتصدمت كدة !! ما اشبهش ؟؟ ولا ما أستاهلش ؟
هو: ههههه مش هتتغيري ..بالونة عصبية متحركة باهزر يا قلبي .. انتي تستاهلي احسن من كدا كمان ...انتي تستاهلي بجد لقب warrior
' مممم تقدر تعتبرني محاربة ايوة ...اللي يعيش وسط عيلة مريضة زي عيلة اللي ما يتسمى يبقى بجد محارب و مصارع كمان
' خلينا في حكاية المضيفة دي ...افهم من كدة انك لفيتي العالم كله ؟؟
' تقريبا ...و على فكرة لو عايز تسجل في أي رحلة انا في الخدمة
' أكيد ...جات في وقتها. ...عايز اطلع رحلة شهر عسل
'مع مين ؟؟
- وحدة مجنونة و متهورة و لسانها مبرد ...بس جدعة و بنت بلد اتحدت الناس كلها و وصلت لوحدها من غير مساعدة حد ...ست حديدية عمري ما قابلت وحدة في صلابتها و قدرتها على التحمل ست يشرفني اكمل حياتي معاها
فضلت ابصله و هو يبصلي و احنا ساكتين...بعدين لقيته بيقرب مني بشويش ...فضلت جامدة زي الصنم.... وهو قرب خالص من وذاني وقالي بهمس : عارفة انا عايز ايه دلوقت ؟؟
غمضت عينيا و اتوترت و بلعت ريقي...اا.. ايه ؟؟
لقيته همس في وذاني : رقم اخوكي ده 😉
بعد عني و فتحت عينيا بإحراج و دهشة
ضحك هو بصوت عالي- تفكيرك لسة زي ماهو 😂 ..يعني هعوز ايه ؟! ما انتي عارفاني ! وبصراحة عايزك اه و مش هاقدر استنى اكثر من كدة ...بس في الحلال ..انا هأكلم اخوكي عشان أحدد معاه موعد
فرحت و وشي نور : بجد يا حسام !!
اختفت الضحكة لما افتكرت : بس مامتك؟؟ انت ناسي اني ...
' هسسس اوعي تنطقيها تاني
انا فخور بيكي...انتي عملتيها و نجحتي في الحياة لوحدك ...كافحتي و اتحديتي الظلم و قلتي لا ... و واجهتي اهلك و عملتي اللي انتي مقتنعة بيه... و اديكي شايفاني فضلت زي ما انا . نفس الشغلانة .. عايش مع اهلي ...أعزب ...اوعي بعد كل ده تخلي ماما او اي حد تاني يحبطك ...احنا هنتجوز غصب عن اي حد ... انتي إتطلقتي اه ..بس دي مش نهاية العالم ..
يا حياة إحنا ضاع من عمرنا 3 سنين بحالهم ...مش ناوي اضيع يوم واحد كمان ..
اتنهد و كمل بعبوس : بس لو اخوكي وافق هتفضل مشكلة وحدة بس
رديت بخوف : هي ايه ؟؟
- هآخذ اهلي على فين ؟؟
- مش فاهمة!!
ضحك و هو بيلمس وشي
: مالك اتخطف لونك كدة !! ما تركزي يا بنتي ؟؟
ما انتي اللي مقلتيش ساكنة فين أنا مالي ي لمبي ؟؟ 🙄😂
- حرام عليك وقعت قلبي 😓
- سلامة قلبك يا روح قلبي ...ها بجد انتي ساكنة فين؟
- انا اشتريت بيت الست سميحة
-الله أكبر !! انتي بتتكلمي بجد !! ده اللي هو ازاي ؟؟
-رديت بثقة ؛ عادي ..اتعرض للبيع و انا اصلا كنت مأجراه اسيبه لغيري ليه ؟ حوشت ثلاث اربع ثمنه و ساعدني سند بمبلغ كدة و الباقي بادفعه من مرتبي على اقساط لمدة سنة
- هاااايل و الله !! بس أكيد المبلغ كبير حسب مساحة البيت و موقعه ...و ازاي وافقوا على الاقساط ؟؟
' كثر خيرها ست ناهد .. وقفت معايا كثير . هي اللي ساعدتني في الوظيفة اصلا لولا واسطتها مكنتش بقيت هنا. ...و كمان اجرتلي البيت بمبلغ معقول على ما وقفت على رجليا ، و لما حبيت اشتريه وافقت من غير مناقشة لما عرضت عليها الاقساط ...اصلا مش فاضلي كثير قربت اخلصهم
-و الله فيها الخير الست دي ..بس عملت كل ده ليه؟.
- مش ناسية معاملة مامتها ليا و تحملي لطلباتها اللي محدش استحملها غيري ..
- يعني في الاخر طلعنا منها بفايدة الست سميحة ! سبحان الله!! يعني لو مكنتيش اشتغلتي عندها عمرك ما كنتي هتبقي مضيفة ؟
- في دي معاك حق .. عشان كدة عمري ما هأخجل بماضيا و لا شغلتي ولا فقري
- انتي بجد ست قوية ...انا محظوظ بيكي بجد
مسك ايدي بحب و دور مفاتيح العربية
.يلا بينا هآخذك على عربيتك ..خذي الفون اكتبي رقمك عندي عشان اكلمك بعدين
' ماشي . .يالا بينا 🥰
كان اجمل يوم في حياتي..
دخلت البيت و انا حاسة ان رجليا مش لامسة الأرض من الفرحة....كانت ماما و سند قاعدين في الصالون فرحانين هوما كمان !
- تعالي يا حياة ...تعالي تسمعي الخبر ده !!
حياة بفرحة : خبر ايه ؟؟
- اخوكي طلب ايد حنان
حياة : طلب ايدها !!! هو انت كنت رايح تتكلم معاها ولا رايح تتجوز على طول يا سند بيه !!
سند - لا انا كلمتها بس و قلتلها اني عايز اخذ رايها عشان نزورهم في اقرب فرصة ..قامت المجنونة صحبتك وقعتني و قالتلي ان عندها اجازة يوم الاربعاء و انتي كمان قلتلها تمام ...
رديت بمزح - مش بتضيع وقت ..، البنت دي تربيتي 😂
ماما بتريقة: تربيتك ؟؟ بصراحة أشك ف كدة 🙄😂
- ألف مبروووك يا حبيبي 🥰🥰🥰
حضنته جامد برقت عيني لماما من غير ما سند يحس
- الله يبارك فيكي ...عقبالك انتي كمان
ابتسمت بخجل و عينيا لمعت بفرحة و حب
و طلعت على اوضتي
مسكت تلفوني و بصيت عليه لقيت 34 مكالمة فائتة من المجنونة ...نسيت التلفون صامت لما كنت مع حسام
ماما دخلت ورايا : خيييير !!! شايفة فرحة مش طبيعية في عينيك؟ أكيد مش فرحانة للدرجة دي بخبر سند ..
- هااااا لا مفيش حاجة ...
- عليا يا بنت !! ده انا عمري ما شفتك كدة ؟ وشك نور زي البدر بسم الله ماشاء الله
ضحكت و ما قلتش ولا كلمة ..
-اااه فهمت ... يعني مامتك تعرفيها في النكد و الاخبار الوحشة بس صح؟؟
- ما تزعليش يا ستي ...خلاص هقولك ...انا قابلت حسام النهاردة و اتكلمنا كثيييير اوي 🥰
- الله الله ...دي الاخبار الحلوة بتجي متجمعة بقى !! احكيلي !! ازاي و امتى و فين ؟؟؟
حكينا انا و هي كثير و من كثر حماسي كنت شوية و اطير في السماء ..بعد ما سابتني اتصلت بحنان و حكينا كثير اوي عن حكاياتنا اللي ما بتتصدقش
كنا بنتكلم فيديو كال لما لقيت حسام بيرن
- ده حساااام !!!
- لحقتي توحشيه !؟
- اقفلي يا بنت المجنونة خليكي في سند و ملكيش دعوة بينا
يااااه !! من زمان ما سمعتش صوته في التلفون ...وحشني اوي دفا صوته و حنيته
- حياة ..انا كنت عايز أتصل على اخوكي النهاردة بس حسيت ان الوقت متأخر ..قلت لو اتصل بكرة الصبح يا قلبي ايه رأيك ...و طبعا اول ما يوافق هنحدد معاد الأسبوع ده عشان نجي نزوركم كلنا قلتي ايه ؟؟
-احسن ما عملت ... بصراحة انا مكسوفة منه اوي مش عارفة اقوله ايه... اصبر لحد ما اركب لرحلتي و ابقى أتصل بيه
- حاضر يا قلبي
- ولا اقولك ؟ أجلها لما نروح نطلب له ايد حنان ...خليه الاول يتمم الموضوع بتاعه عايزينه مركز لموضوعنا
- تمام اللي تشوفيه ..بس تعالي هنا !! هو انتي بتتحججي بأي حجة عشان تأجلي الحكاية ولا انا بس اللي متهيئلي !
-بصراحة ..... مامتك يا حسام ...مامتك لسة مش عارفين موقفها و انا ...
حسام بمقاطعة - ماما ملكيش دعوة بيها ..انا هأقنعها ... اهم حاجة اخوكي يوافق
رديت بتوتر - مش عارفة يا حسام ...مش مرتاحة برضو
- بصي انا النهاردة مبسوط عالآخر.. و حاسس نفسي اسعد واحد في الكون ...بقالي سنين ما فرحتش كدة اوعي تبوظيلي ام اليوم ارجوووووكي ...ده انا حتى لسة ما دخلتش البيت عشان محدش يعكنن عليا و يخرب لي اللحظة الحلوة
- زي ما تحب ..انت ادرى
- قلتلك خلاص انا هاتصرف... المهم عايز اعرف امتى هيكون عندك اجازة عشان نضبط مواعدينا على مواعيد بعض ....
- بص الاربعاء انا فاضية بس رايحين نخطب لسند و بعدها معنديش رحلات لغاية السبت
- تمام ...مقلتليش بكرة طيارتك الساعة كام !
- 7 الصبح ليه ؟؟
- و هترجعي امتى ؟!
- بعد بكرة الساعة 3 المساء
- تمام
-هو ايه اللي تمام ؟؟ و ليه الاسئلة دي كلها !!
لما ترجعي هتعرفي 🥰...يالا حبيبي هسيبك تنامي ما دمتي مسافرة بدري..
- ماشي تصبح على خير 🥰
- و انتي من اهله يا قلبي
قفل و هو بيفكر : - سيبيلي ماما انا هاتصرف معاها و أكيد هعرف ايه الفيلم البايخ اللي عملته ده .