رواية ذئاب لا تعرف الحب الفصل الرابع والعشرون24بقلم نجمه براقه
بدر
استغليت وجودها مع " بشر " وزيد " ودخلت الأوضة بتاعتي اخد غيار وقبل ما اطلع دخلت الحمام خدت دوش ولبست اهناك ولما طلعت لقيتها نايمه بعرض السرير و لأنها مخدتش بالها من صوت باب الحمام فكرتها نعسانه ف قربت منها من غير ما اعمل صوت لقيتها مغمضه عنيها ومبتسمه ف بقيت واقف ابصلها وأتأمل شكلها اللي مبقدرش اكون علي طبيعتي لما بشوفه وبيخطف عيني وقلبي ويجذيبني ليها ، وبعد وقت وهي علي نفس الحاله قربت خطوه كمان ومبقاش يفصلني عنها غير اقل من نص خطوه وقتها فتحت عينيها ولما شافتني قامت مفزوعه وخبطت فيه ورجعت توقع تاني وبعدين اتعدلت وقالت وهي حاطه يدها علي راسها
: اااه ، انت دخلت امتي
_ دخلت وانتي قاعده مع العيال انا كنت هقولك بس انتي اتجنيتي ومسمعتيش
: ولو بردو كنت نبهت ينفع تشوفني كده
_ كده ايه ما اديكي بخلقاتك
: بس كنت نايمه
_ مش باين انك كنتي نايمة
: كنت متمدده طيب
_ ايوه متمدده وبتفكري بخيال علشان اكده كنتي ضحكانه
: ماهو ده عيبه حضرتك كان لازم تكح عيب لما تشوفني في خلوتي مع نفسي
_ ايه خلوتك مع نفسك دي هتخليني افهم غلط ليه
: ايوه وفيها ايه دي كلنا بنتختلي بنفسنا ايه الغلط فيها
_ له مانتي متقوليش خلوتي مع نفسي وادخل الاقيكي نايمه النومه دي ومبتسمه عقلي هيروح بعيد
: طيب ما يروح انت شاغلني بعقلك وتفكيرك ليه
_ ماهو لو راح انا هفمك غلط
: لا افهمني متهمنيش في حاجه
_ طيب واحده نااااايمه علي السرير حاضنه يديها ومبتسمه ، يبقا بتفكر في حاجات غلط ولا له
: يااااااسلام
_ ايوه
: لا الحقيقه هي مش حاجات غلط هي حاجات عاوزة الدق علي دماغها ، حاجات معقده
_ متقوليش بتفكري فيه انا
: هههههههههههههههههه يعني انت عاوز الدق علي دماغك ومعقد؟!
قلت بعد ما ظهرت ابتسامتي
_ له بس طريقتك وانتي بتقوليها وصلتلي اكده
: اه ، بس لا وانا هفكر فيك ليه يعني
_ معرفش انا بسأل
: لأ مبفكرش فيك طبعاً
_ اها
طيب حضرتك خلصت اللي جاي عشانه
_ له لسه
: طيب ناقص ايه
_ ناقص.... ناقص ال،.... ال...
: ال ايه
_ مش فاكر بس في حاجه انا كنت جاي مخصوص عشانها وراحت عن بالي
قالت بإبتسامة
: ماشي خد وقت وافتكر
_ اها
: اممم... بقيت كويس دلوقتي
_ من اي ناحية
: كله
_ زين
: انت مبيتش في السرايا النهاردة؟!
_ له
: بيت في المكتب
_ ايوه
: اه ، اسفه اني طلعتك من اوضتك
_ ولا يهمك
: افندم؟!!! لا بجد افندم انت اللي خاطفني وجايبني هنا ، ايه ولا يهمك دي
_ مش انتي اللي بتتأسفي
: ايوه بس الرد المناسب انك تقولي ده اقل حاجه اعملها ما انا اللي خاطفك مش تقولي ولا يهمك
_ ماشي ياستي انا اللي خاطفك واقل حاجه اعملها اني اسيبلك اوضتي عشان انا خطفتك من حياتك وفرحك ، وبوظت سمعتك زين اكده
: اه كده تمام
حطيت يدي علي وشها وزقيتها بخفه ف زقت يدي وقالت
_ ايدك!!!!
: مانتي اللي رغايه
عملت نفس حركتي وقالت
_ طيب اهو
: إيه ده
_ واحده بواحده وبطل تقلدني علشان دي حركتي انا
: له انتي بتعمليها بالعرض وعلي العين زي اكده "
حطيت يدي علي عنيها وبقيت باصصلها بتأمل شكلها اللي بيزيد جمال لما بتتوتر او تتكسف قبل ما تحط يدها علي يدي وتنزلها وتقول بربكه
_ طيب ...
قالت بنفس طريقتي
: بس متكررهاش تاني عشان هفهمك غلط
: افندم؟!!!!!
_ هفهمك غلط
: تفهميني غلط كيه ، قصدك ايه بهفهمك غلط دي ، هكون قاصد ايه بحطت يدي علي وشك يعني ، وضحي هتخليني افهمك غلط
_ ايه اييييييه ايه ، انا بقلدك
_ له قلديني في حاجه تتقلد مش لما احط يدي علي عينيكي تقولي هفهمك غلط ، تفهميني غلط ايه ، عيب عليكي انتي بت
_ حضرتك بتقول ايه ، انت ازاي بتقلب الموقف ضدي كده
: علشان حجتي قويه
_ لا هي مش حجتك القويه ، عينك هي القويه
: هههههههه
.........................................................
#شبل
بعد ما جه اليوم التاني وبدؤ يجهزو الأكل وينضفوا انا طلعت من البيت لفيت شويه في النجع وانا بفكر في مليون حاجه حصلت واعيد حساباتي في حاجات كتيره ، حاجات عيشتها من صغري وكان لازم احاول اعيد حسابتها من زمان ، وبعد وقت رجعت البيت ودخلت اوضتي لقيت زيد وبشر هناك وانا كنت مخنوق جداً ومش طايق حد ف قولت بعصبيه
: انتوا ايه دخلكم هنا!!!
قال بشر بخوف وهو مخبي ايديه ورا ضهره
_ مش بنعمل حاجه ياعم
قال زيد
: هو اللي كسره
_ ايه هو اللي اتكسر؟!!! ، ايه ده مخبي ايه ، هات
تراجع لورا وهو بيقول
: مفيش حاجه ياعم
قربت منه ومسكت ايده لقيت معاه تليفون فاطمه وجرابه في الايد التانيه ف شديته منه وقولت
: عملت ايه
دوست علي الباور لقيته شغال ومفهوش حاجه ف فهمت انه بيتكلم علي خلع الجراب ف قولت
_ الله يخربيتك يا زيد ، يلا علي امك انت وهو
قولت كده ف مد ايده بورقه وقال
: هه
_ ايه ده يا زيد
قال بشر
: كانت جوه الجراب
افتكرت جواب بيجاد ف خطفتها منه وقولت وانا بفتحه
_ الله ينصر دينك يا بشر لا كده كسر براحتك
كنت مبسوط قبل ما عيني تشوف اول الرساله اللي مكتوب فيها ....
بعد ما قريت الرساله خرجت زي المجنون علي اوضة ورد من غير ما اعمل حساب لحد وبعد شويه خرجت من عندها زي المتخدر مش عارف نفسي رايح فين ف رجعت اوضتي وقعدت شويه هناك استوعب اللي سمعته من ورد واللي قريته في الرساله
#ورد
بعد ما طلع من عندي قعدت مكاني مرعوبه ومش مستنيه تماضر ترجع علشان تجيبلي باقي الحكاية من فهيم وفي الوقت ده انفتح الباب ودخل عبيده وقفل وراه بالمشكال وجه عندي يقولي وعنيه مبحلقه فيه
: شبل كان بيعمل ايه اهنه ، وليه لغيت دلوك مقولتيش انك مش موافقه ، مستنيه ايه!!! كلها شويه والمأذون يوصل
قولت ودموعي في عيني
_ يا ولد الناس حرام عليك لو حد شافك هتبقي نصيبه ، احب علي يدك اطلع ومتجيش اهنه تاني ، ونبي اطلع "
قال وهو بيقرب اكتر
: حرام عليكي انتي ، كيه هتجوزيه وانا قايلك اني بحبك
_ محدش قالك تحبني انا مالي ، اطلع عاد!!!! امشي من اهنه
زقيته بغيظ ف مسك يدي وقال
: ما انا مش هسيبك غير لما تطلعي وتقولي مش عاوزاه او يجو يلاقوني اهنه وتخرب من اولها ، ورد اعقلي
بقيت اشد في يدي واقول
_ انت اللي تعقل ، عبيده سيب يدي اكده غلط وحرام
: قولي اللي تقوليه انا مش هخليكي تعملي اكده لو هخطفك ونهرب ، والله يابت عمي ما هخليكي تجوزيه ، وانتي في يدك تنتهي بفضيحه او بخطرك
قولت وانا ببكي
: مقدرش ، انت جوز اختي يعني محرم عليه ، امانه يا عبيده سيبني وامشي
مسك وشي بين يديه يمسح دموعي وقال وعينه في عيني
_ انا قولتلك هطلقها ونتجوز
قولت بعد ما هدي انفعالي قدامه
: بردك مينفعش انا هفضل محرمه عليك
_ ما تخلنيش اغلط فيكي دلوك ، متقفلهاش في وشي ، انتي هتقولي مش عاوزه شبل وانا هطلق دعاء ونتجوز
: بقولك حرااام عبيده احب علي يدك بزيادة ، لو حد جه هتبقي فضيحه ومش بعيد يرموني بره او يقتلوني
_ هيقتلونا احنا التنين وانا معنديش مانع ، ارفضي يا ورد ، الوقت بيعدي "
بقيت بصاله ودموعي بتسيل وهو بيكمل كلامه ويقول
: انتي حباني زي ما انا بحبك ف ليه تصعبيها علينا اكتر من اكده مش اكفايه دعاء
قولت ببكا
_ يا ولد الناس والله ما ينفع انا متحرمه عليك وأسأل اي حد هيقولك مفيش مأذون هيقبل يجوزنا
: يبقي نمشي من البلد كلها
_ بقولك محرمه تقولي نمشي نعمل ايه لما نمشي
: هنعيش مع بعض
_ في الحرام
: معرفش المهم نعيش مع بعض وخلاص
_ يعني في الحرام طيب وليه نهرب ما انا ممكن اتجوز اخوك وانت تجوز اختي ونتقابلوا اهنه عادي ماهو كله حرام ولا انت معوذش تخسر اخوك ومش مهم اي حاجه تانيه
: انا معرفش بقول ايه ومقصدش اللي فهمتيه بس انا مش عاوزك تجوزي شبل وخلاص "
_ طيب بعد عني انا مطيقاكش
: وانا مطايقش ولا عاوز غيرك ، ومش هتجوزي شبل ولو مش هترفضي بمزاجك خليها تخلص بفضيحه "
شدني ليه اكتر وقرب شفايفه مني واجبرني استسلم ليه وللحقيقه انا مقدرتش اقاومه كتير وسيبتله نفسي وانا ناسيه كل حاجه حتي دعاء وشبل والفضيحه اللي ممكن تحصل لو حد جه ولقاه عندي ومفيش حاجه فوقتني غير صراخ الحريم في البيت
#وفاء
كنا انا وهو في الاوضه بنتكلم في اي حاجه ونضايق بعض ونهزر وكأننا بنتمهمل علشان نحكي ونقعد مع بعض وقت اكتر وفجأه الصراخ ملي البيت ف طلع يجري وانا روحت وراه لغيت المكان اللي جاي منه اصوات الصراخ واللي هو في الجنينه بره السرايا ف لقينا شبل علي الارض مناطقش وام بدر بتستقبلنا وهي بتقول بصراخ
: اخوك وقع من فوق يابدر الحق"
وقتها سمعت صوت بدر وهو بيجري عليه وبينادي بعلو صوته ويقول
: شبل!!!!
ومن ناحية تانيه كان عبيده بيرفعه عن الارض وهو بيقول بصوت اقرب لصراخ
_ شبل!!! جرالك ايه يا خوي ، بدر الحق شبل مات!!! شبل رد عليه ياخوي
: وسع لازم نلحقه
قال كده وشالوه هما الاتنين وجريو بيه علي العربيه ورضوان جري وراه ودخل معاهم وانا وقفت مع شجر و دعاء اللي ماسكين في امه يمنعوها وهو بتصرخ وتقول ولدي مات
لحظات عدت بين صراخ وبكا من الكل ويمكن اكتر واحده كانت منهاره بعد امه هي ليلي كانت بتبكي بانهيار وتقول
: ليه عملت في نفسك اكده يا شبل ليه نفسك
#ليلي
كنت في الاوضه لما شبل فتح الباب من غير ما يخبط وقالي
' عاوزك فوق ، ثواني وتكوني عندي
قلقت من طريقته وخوفت يكون عرف حاجه وبردك طلعت وراه ولحسن الحظ ان مكنش حد في الوش ولما وصلت عنده بقا باصصلي وساكت ف قولت بقلق
: في ايه يا شبل مالك
فرد ورقه كانت في يده وبدء يقرا ويقول
_ لو ليلي جمبك متقريش قدامها
وسعت عيني وانا سمعاه بيكمل ويقول
: انا جهزت شُنطي ومسافر كان نفسي ممشيش من غيرك يا فاطمه ولو فيها موتي ، بس بعدين اكتشفت ان ده هيكون في مصلحة ناس هما بيسعو علشان يخلونا نهرب ويخلصو من ابوكي علي حسابنا ، والناس دول كتير واكترهم ليلي صحبتك..
من فتره صغيره في بنت غجريه بتضرب الودع جات عندي وبقت تلمح وتحذرني من اننا نهرب مع ان فكرة الهروب دي مذكرتهاش غير قبل مقابلتها بساعات وقبل ما تمشي قالتلي ان ريحتنا فاحت وفي ناس بقت تحكي عننا ، وانا وانتي عارفين ان مفيش حد في النجع يعرف حكايتنا غير ليلي ورغم كده استبعدتها مع اني عارفها مش سالكه من اول ما جيت النجع وبقت تحوم حوليه وتحاول باكتر من طريقه تلفت انتباهي ليها ده غير زهقها مني لما كنت ببعتلك رساله علي لسانها وكانت كتير متبلغكش رسايلي بس بردو استبعدتها لغيت ما جت البنت الغجريه تاني وقالتلي ان ليلي نفسها هي اللي بتتكلم علينا وحكت كل حاجه حصلت بيني وبينك وزودت عليها وقالت اننا بنتقابل في الجبانه وبنعمل ونسوي وبدون ذكر تفاصيل بس انتي اكيد فهمتي اقصد إيه.. ، وقالتلي كمان يا فاطمه ان اللي بعتها واحد اسمه شحاده كبير في منطقة الغجر ، و بعتها علشان تحلي فكره الهروب في عيني لأنه بيخطط علشان يمحي رضوان و ولاده من النجع كله والناس تتقلب عليه وانه اقرب طريقه ليه علشان يحقق ده هي اننا نهرب ومش مهم بعد كده نتقتل ولا لا المهم يوصل للي هو عاوزة وانا لما فكرت فيها لقيت ان عندها حق ، لو احنا هربنا مش هنكون مرتاحين وهنفضل طول الوقت قلقانين ومش بس كده ده احنا هنضر ناس كتير معانا اولهم بدر اللي انتي كنتي خايفه عليه ، ف انا همشي وهسيب النجع ومش محتاج اقولك انا حاسس بأيه دلوقتي انتي اكيد فاهمه ، بس خلي بالك من نفسك وحرصي من ليلي بلاش تأمني ليها تاني ، و بلاش تواجهي ولو حد قالك حاجه كدبيهم انا وانتي مغلطناش ولا تجاوزنا في حاجه... انا كتبتلك كل اللي عرفته يمكن متقدريش تيجي عشان تسمعيه مني ، وانا ماشي دلوقتي ولكن هستناكي ساعه جمب الجبانه ولو مجتيش همشي... ولو مجتيش ومعرفتش اقولهالك وش لوش بقولك دلوقتي هتوحشيني قوي واوعدك ما في واحده غيرك هتدخل حياتي ولا قلبي يا فاطمه خلي بالك من نفسك "
خلص قرايه وبصلي وقال بصوت مهزوز
: لو علي الرساله دي بس مكنتش صدقت ، بس انا شوفت بعيني بُعدك عني من اول ما سافرت وده الوقت اللي جه فيه بيجاد هنا ، وانا بردو شوفت بعيني كلامك اللي مسمعتلهوش صوت مع شحاده اللي انا كنت ناسيه وافتكرته لما شوفته بيلم معاكي الخضار
قولت بتوتر
_ يا شبل انت فاهم غلط دول عاوزين يوقعو بينا
قربلي وقال وهو متوتر قوي وشويه هينهار
: ضربتيها بالحجر امتي؟! في اخر يوم صح ، اكيد في اخر يوم مفتكرش ان الضربه دي كانت قبل كده والا كان بان وكنتو زعلتوا مثلا
_ حجر ايه انا مشوفتهاش واضربها بحجر ليه انا
قرب مني اكتر وقال
: يوم ما مشيت فاطمه انا دورت عليكي ف لقيتك في الزريبه ومكنتيش طبيعيه وباين ان فيكي حاجه ولما قولتلك انها مش في البيت اتفاجأتي واتخضيتي معانا ، بس رجعتي تقولي امبارح انك روحتي وراها لغيت المعديه وبعدين رجعتي حبستي نفسك في الاوضه طول النهار لغيت ما بدر جه سألك ، مخبيه يا ليلي
صرخ في وشي وقال
_ و فاطمه فين!!!! عملتوا فيها ايه
قولت بتوتر وانا برجع لورا
: معرفش يا شبل انا....
_ قولتي امبارح انك روحتي وراها ولا لا
: قولت بس انا....
_ قولتي انك فضلت في الاوضه ولا لا
: قولت
_ ويومها انا لقيتك في الزريبه صح ولا لا
: صح بس...
_ كدبتي ليه غير لو مخبيه حاجه ... فاطمه فين وعملتي فيها ايه ، وليه ابوي ممكن يدبحكم لو عرف اللي عملتوه انتي وشحاده ، اتكلمي فاطمه فين!!!! ، قتلتوها صح ؟!
قولت وانا برجع لورا ناحية السور المحيط بالدور التالت وانا ناويها بعد ما خلاص مش هعرف اخبي تاني
: ايوه قتلناها ، انا قتلتها بيدي ، مسكت حجر كبير ودفنته في راسها ، وشحاده وفهيم دفنوها وبعدين راحوا قتلوا بيجاد
فكه بقا يرتجف وهو بيبكي ويقولي
_ فاطمه!! ماتت؟!
: ايوه والله ماتت وانا اللي قتلتها ، وصوح كنت بحاول الفت انتباه الدكتور ليه لأنه عجبني كان راجل ملو هدومه مش عيل زيك ، شبل! انت عمرك ما مليت عيني ومن صغرنا وانا شيفاك بس حاجه هطلعني من الحياة اللي انا فيها دي ، وفاطمه كمان كرهتها كره العمي لأنها كانت عايشه حياه احسن مني ، وكرهت الكل اهنه علشان زلوني واكترهم دعاء .. ومش بس اكده ده انا حاولت اموت ابوك بس مقدرتش لكن ملحوقه هقتلكم واحد واحد
كان بيبصلي وهو مصدومه وجسمه بيرتجف وبيبكي ف وقفت شويه لغيت ما بدء يستوعب وجه عندي وهو بيصك علي أسنانه بغضب ويقولي
_ هقتلك ، محدش هيقتلك غيري وياخد حقي وحقة فاطمه منك
وقفت مكاني بكل هدؤء وادتله الأمان أني مش هتحرك وقبل ما يلمسني وهو جاي مندفع بعدت فجأه وهو بقا في وش السور وانا في ثواني قبل ما يدور بشكل كامل ليه زقيته ولأن السور قصير وقع من فوقيه لتحت و اتضرب في الأرض ومنطقش خالص بعدها وبعد ثواني شوفت ابوي جاي يجري عليه ويقول شبل بصوت عالي ف وطيت قبل ما يشوفني وبعدها جريت بسرعه وانا ونازله السلم صوت الصراخ اشتغل ف جريت وقبل ما اعدي اوضة ورد لقيتها هي وعبيده طالعين من اهناك يجرو وعديتها لأن دلوك في الأهم وهو اني اروح اصرخ امعاهم
#دعاء
بعد ما راحو بيه علي المستشفي رجعت ولاء علي اوضتها وبقت تبكي كتير وانا بقيت اهديها ولكن مقدرتش وبعد وقت وهي علي الحاله دي بصت حوليها وقالت زي المجنونه
: فين تماضر !!
قامت تجري وانا وراها احاول افهم فيها ايه وقبل ما تخرج مسكت فيها وفاء وقالت وهي بتحاول تهديها
: انتي رايحه فين ، اقعدي انتي تعبانه
قالت ببكا
_ عاوزه تماضر ، سيبوني اشوف اختي فين
#تماضر
بقيت ساعة واكتر ازن عليه علشان يحكيلي ومفيش فايده وفجأه لقيت شحاده داخل علينا وبيقولي
: اقولك انا
وسعت عنيه لاخرهم وانا حاسه ان موتي قرب ف قومت وقولت وانا ببلع ريقي
_ شحاده ! تقولي ايه
قرب مني وقال
: اللي انتي عاوزه تعرفيه واللي الحمار ده قالك نصه بعد ما وقعتيه بالكلام ، هو جه قالي علشان يلحق نفسه بدل ما يدبح ، وانا كنت عارف انك هترجعي تاني
زاد خوفي ف قولت
_ انا مـ...
: انتي جايه تعرفي اللي حصل علشان تقوليه لعيلة رضوان وانا هقولك
سكت وانا بصاله مبتكلمش ف قال
_ اليوم اللي اختفت فيه فاطمه البت ليلي قتلتها وبقت واقف محتاسه مش عارفه تعمل ايه ف انا والواد فهيم دفناها وروحنا قتلنا الدكتور وبس وادي كل الحكايه يا ستي
قال اكده وانا وقفت قدامه ابلع ريقي بصعوبه وقبل ما اصرخ ولا اجري كتم نفسي ومش عارف كيه خلاني يغمي عليه وبعد ما فوقت لقيت نفسي في اوضه مدخلهاش النور في عز النهار ويدوب واعيه خيال الحاجات حوليه ف قومت زي المجنونه وكأني محبوسه ف قبر وفجأه خبطت في حد كان شحاده مسك فيه وقال
_ اقعدي
قولت وانا ببكي
: هتعمل في ايه يا شحاده ، احب علي يدك ما تموتني انا معملتش حاجه
_ هتموتي بس مش دلوقتي
: ليه ليه ، ليه اموت انا مقربتلكش
_ يابت!! ، بقا بتدوري ورايا انتي واختك وكده مقربتيش
: والله ما عرفت حاجه احب علي يدك يا شحاده متقتلنيش...
_ هنشوف
جه يمشي ف جريت ومسكت يده وقولت بترجي
: امانه ما تسبنيش اهنه ، احب علي يدك
زق يدي وقال وهو ماشي
_ ابعدي ، و مش هكتفك انتي في ابعد مكان في النجع ولو موتي محدش هيسمعك
قال اكده وطلع وسابني اصرخ واضرب في الباب ، بقيت انادي كتير واصرخ لغيت ما تعبت ومحدش رد وكأني فوق جبل محدش واصلي وبعد شويه بدأت الدنيا تضلم اكتر والديابه بقت تعوي وانا دمي نشف من الخوف لغيت ما حسيت ان هيجيني صرع
« قبل وقت»
#عبيده
وصلنا بيه وهو ميت تقريبا قعدو اكتر من ساعتين جوه محدش طلع يطمنا وطول الساعتين دول وانا هموت من قهري عليه وحاسس كأني انا اللي وقعته و بقيت شايف نفسي عفش قوي وبتمنا ادي لنفسي طلقه واخلص لأن في الوقت اللي هو كان بيوقع انا كنت امعاها امنعها تجوزه ، كنت بخونه امعاها وهو دلوك بيموت ، وانا كنت زي المجنون رايح جاي لغيت ما سمعت ابوي بيشتم عليه كان بيشتم من خوفه وقلقه بس انا مكنتش شايف قدامي ولا طايقه ف روحت ليه وانا ساكت وبسمعه باستحقار وكره وفجأه انفجرت في وشه وقولت بعلو صوتي
: اهو هيموت يا بوي!!!! شبل هيموت وانت السبب ارتحت دلوك اهو سمع كلامك وقال هيتجوزها واهو هيموت علشان ترتاح!!!!
بحلق بعنيه وقال
_ بتزعق لمين ياد
: بزعق ليك انت !!!! ايه هتضربني ، متقدرش!!!
قام بدر اللي منطقش من وقت ما جينا ومسك فيه وقال وهو بيرجعني
_ عبيده!!! اسكوت
زقيت يده وقولت بانفعال
: مش هسكوت!!! هو السبب لولاه مكنش ده كله حصل ، طيب والله ما بعيد يكون صح رمي نفسه قصد
كملت ببكا
_ شبل رما نفسه بعد ما قلل منه قدامنا كلنا ، ياخي ربنا ينتقم منك ، ربنا ياخـد...
حط بدر يده علي خشمي وقال
: اسكت!!!! هتقل ادب علي ابوك يا عبيده انت اتجنيت
بعدت يده وقولت وانا دموعي في عيني
_ متقولش ابوك انا مليش ابهات هو السبب في كل حاجه بتحصل ، هو اللي قتل امي وحرمني منها وشبل هيلحقها بسببه بردو "
قولت اكده ف رجعت ابصله لقيته بيتهز وبيقبض علي قلبه ف قولت بسخريه
: ابوك بيموت يا بدر ، الحقه انا مليش نفس الحق حد
رجع بدر يبصله ولما شافه طلع يجري عليه وينادي علي الدكتور لغيت ما جه هو والتمرجيه ودخلوه في اوضه اهناك وانا وقفت مكاني مش طايق اقربله وكل اللي وجعني ان شبل حصله اكده بسببي وبعد وقت جه بدر وزق كتفي وقال
_ انت ايه اللي عملته ده ، ابوك هيموت بسببك
قولت ببكا
: خليه يموت احنا مش هنرتاح غير لو مات ، بكرهه يا بدر ، من صغري وانا بكرهه ومش مستنيه يموت ، يارب ما يقوم منها.، يارب يموت!!!!
_ طيب بس!!! اكفايه اللي احنا فيه
: لو شبل مات انا مش هسامح نفسي ، والله ما يموت لا اموت نفسي وراه ، انا كنت بـخـ.....
مقدرتش اكمل وسندت علي الحيط مداري وشي بيديه وببكي لغيت ما لقيت بدر بيشيل يدي عن وشي ويحضني وده خلاني ازيد في بكاي اكتر
#بدر
عدا الوقت ببطيء شديد واخيرا طلع الدكتور ياخد نفسه بتعب ف قال عبيده
: طمني يا دكتور شبل عامل ايه
هز دماغه وقال بأرهاق
_ ادعوله
قولت
: يعني ايه يا دكتور شبل هيموت
_ ربنا كبير ، بس يعدي اول 24 ساعه علي خير وقتها هنعرف
قال عبيده بصوت مهزوز
_يعني ممكن يموت
: قولت لحضرتك نستنا ال 24ساعه الاولي يعدو وقتها هنعرف ، هو حالته خطيره دلوقتي
: طيب ممكن اشوفه يا دكتور
_ لا الزيارة ممنوعه ، عن اذنكم
قال اكده ومشي ف قال عبيده ببكا
: شبل هيموت؟!
مقدرتش امنع دموعي اكتر من اكده وقولت
_ ان شاءلله لا ، ادعيلوه
قولت بتهرب قبل ما أبكي
: انا داخل اطمن علي ابوي "
سيبته ودخلت عند ابوي لقيته نايم ف قعدت جمبه بصتله ودموعي بتسيل حزن علي شبل وقهر علي حالنا كلنا وبقيت اكلمه في نفسي
: عبيده مكدبش في اي كلمه قالها وانا كمان حاسس ان شبل رما نفسه قصد بعد اللي عملتوه فيه ، ازيته يابوي ودمرت ثقته في نفسه قدامنا كلنا ، انت دمرت الكل مخلتش حد فينا سليم ، من كبيرنا لصغيرنا ومش عارف لسه هتعمل فينا ايه ، وياخي سبحان الله كبير واللي في سنك كلهم ماتوا وانت معمر ما شاءلله ، زي ابوك وجودودك كان بيعاصرو المية سنه والميه وعشرين ، يعني خير باقي يجي خمسين سنه اكده تلحق احفاد احفادك تعقدهم هما كمان
#ليلي
بعد اللي حصل دخلت الأوضة حكيت ل شحاده كل حاجه وبعد وقت اتصل بيه وقالي انه تماضر امعاه ولما قولتله يقتلها قالي له لما اللي عندك تموت ولوقتها هنخوفها بيها علشان متتكلمش وتقول للباقين اللي حصل وقالي اقولها اكده وفعلا اول ما قفلت امعاه روحتلها اوضتها لقيتها قاعده ودموعها غاسله وشها ف قولت وانا بقرب منها
: بومه! الواد هيخسر حياته بسببك شوفتي من اول ما كان هيعقد عليكي رمي نفسه ومات
بصتلي بكُره وقالت
_ انتي اللي زقتيه
قامت وقالت
: وانا هجرسك وهعرفهم عمايلك
_ عمايل ايه ولما انا ليه عمايل وهتجرسيني ساكته لغيت دلوك ليه ولا خوفتي يسألوكي كنتي بتعملي ايه وقتها
نزلت عنيها بربكه ومردتش ف قولت
_ ولا يكون مستنيه تمااااضر ترجع
بصتلي وقالت
: تماضر؟!!! عملتي فيها ايه
_ معملتش انا بسأل بس
: عملتي ايه في اختي!!! اختي لو جرالها حاجه انا مش هيكفيني فيكي عمرك كله
_ انا معرفش حصلها ايه بس يمكن يحصلها مين عارف ماهي عيال الحرام كتير ادعيلها "
بكت وهي بتقول
: اختي لو جرالها حاجه هفضحك والله
_ انا مقربتلهاش بس لو عاوزاها روحيلها
: اروحلها فين
_ مكان ما جيتوا
: عملتوا فيها ايه
_ انا معملتش بس سمعت انه هيتعمل فيها لو مبطلتيش لت وعجن في الكلام ، و بالك انا لو منك اجري اروحلها احسن
قالت بغيظ
: ماشي يا ليلي ، رجعالك تاني وهصفي حسابي معاكي
#ورد
سيبتها وطلعت اجري عشان اشوف عملوا فيها إيه ف لقيت دعاء جايه وراي وبتلحقني وتمسك فيه وبعدها جت وفاء وهما التنين مسكوني
: سيبوني هشوف اختي فين؟!!
قالت دعاء
_ له مريحاش مكان ، تعالي
قالت وفاء
: انتي تعبانه مينفعش تخرجي تعالي
بقيت اشد في نفسي وازعق بعلو صوتي واقول
_ بقولكم سيبوني انا عاوزه اشوف تماضر فين
زقيت يديهم وطلعت اجري ف لقيت الغفير بيمسكني بعد ما قالتله دعاء ويدخلني السرايا غصب ويقفلوا الباب
#وفاء
بعد ما بالعافية هديت ورجعت اوضتها ، جه بدر وحزن الدنيا في عنيه ف قالت امه بقلق
: شبل جرالوه ايه يا بدر
طول سكوته قبل ما يقول
_ بيموت يامه ، ادعولو
قال كده ف طلعت ام شبل تصرخ وتقول ولدي جراله ايه ف سابها تصرخ وام بدر راحت عندها تهديها وهي تزيد في صراخها لغيت ما اغمي عليها وبعد ما دخلناها انا وهما اوضتها طلعت وبقيت واقفه ابص لاوضة شبل اللي دخل فيها بدر بتردد كتير قبل ما ادخل عنده والاقيه قاعد وماسك صورته يبصلها ودموعه بتسيل منه ف قربت وقولت
: ربنا يصبرك ، عمره كده
بصليّ وقال بصوت مخنوقه وهو بيهز دماغه
_ مماتش بس هيموت
: مماتش؟!!! طيب الدكتور قال ايه
_ قال ادعولو وان اول 24 ساعة لو عدو وقتها هيشوف اذا كان هيعيش ولا لا
خدت نفس وقلت
: حرام عليك ماهو في امل انت ليه قولت بيموت امه هتموت قبله من صدمتها
قال بحزن
_ لأن هو هيموت ، انتي شوفتي شكله كان عامل كيه
قعدت جمبه وقولت
: في اصعب من كده بكتير وبيعيشو بس انت ادعيلوه وان شاءلله هيقوم ويبقا زي الفل
قال بصوت مخنوق
_ انا ....
: انت ايه قول
_ انا خايف اول مره اخاف اكده ، خايف قوي لا يموت وهو زعلان مني ، شبل ده انا اللي ربيته علي يدي من صغره
: والله هيعيش ، مش هيحصله حاجه صدقني
_ يارب
قالها ورجع يبص لصورة شبل ودموعي موقفتش ف خدتها منه وقولت
: انت كده بتفول عليه هو هيخف ويكون بخير ، لو سمحت اهدا
حطيت ايدي علي كتفه بعد تردد وقولت وانا قلبي بيوجعني عليه
_ هيخف والله هيخف انا بوعدك
بصلي شويه من غير كلام وفجأه حضني وانا حسيت نفسي بيروح مني من اللي حصل ولكن شويه شويه بدات اهدا ولكن كنت متردده اضمه ولا لا وبعد شويه تجرأت وحاوطته بأيديه والموضوع منتهاش بكده لا ده انا بدأت احس بقربه بيزيد ايديه بتضمني بتملك وبتسري علي ضهري وصول لشعري وبعدها بحس بلمس خده لوشي وانفاسه وشفايفه بيلمسو رقبتي ولقيت نفسي بدوب وانا في حضنه لغيت ما بيبعد شويه ولسه ايديه محاوطاني وبيقرب علشان يبوسني وانا كنت شايفه وحاسه بس موقفتش ولا منعته وغمضت عيني باستسلام وقبل ما يلمسني سمعنا صوت امه بتقول
: احم ... بدر
وقتها فتحت وقومت وبقيت بصاله لثواني استوعب اللي كان بيحصل وبعدها سيبته وجريت علي فوق قفلت علي نفسي الباب وبقيت ابكي بكا عمري ما بكيته في حياتي علشان تنازلت بشكل ده ولمين لواحد عاوز يقتل اخويا وكمان حرم جواز اخته منه ، حسيت نفسي رخيصة قوي قوي وقرفت من نفسي
ـــــــــــــــــــــــــــــــــــــــــ
#حنان
كان بيتمشي وهو ساند علي العصايه بعد ما تعب من القعدة لأيام ، وخرج يتمشي بره البيت و يبص علي المكان حوليه وبعدين بيبصلي ويقولي
: حلو قوي المكان ده ، يشبه لجبال لبنان الخضره
_ ايوه صح بس المكان ده كان كله جبل قبل ما الناس تزرعه ويكون جنه زي ما انت شايف
: فعلاً جميل قوي
بصلي وقال
_ امال فين فارس
_ تلاقيه هنا ولا هنا مع صحابه... اهو اهناك ، يا فارس!!!! اهو جاي... عاوزه في حاجه
: ايوه
وصل فارس بعد وقت وقال
_ في ايه ... ايه يا بيجاد قومت من مكانك ليه دلوقتي
: تعبت من القعدة ف قولت اتمشي
_ الدكتور قال لازم تفضل مرتاح
: هرجع تاني اهو ، انتي فاضي
_ اه فاضي طبعاً ، حنان اعمليلنا شاي
: حاضر
سيبتهم ودخلت اعمل شاي ولما جيت لقيت فارس بيقول
_ تمام انا هروح واجبلك كل الاخبار
_ بس اوعي يا فارس محدش يعرف انك من طرفي ولا يعرف انك تعرفني
_ اه طبعاً متخافش محدش هيعرف
: متشكر قوي يا فارس
_ يا راجل علي ايه ، بس قوم انت بالسلامه لازم تخف وترجع
شرد بعينه وقال
: هرجع لازم ارجع
مكنتش فاهمه في ايه بينه وبين فارس ولا ايه الموضوع اللي مش بلحق اسمعه وكل ما أسأل فارس يقولي ملكيش دعوه وميتكلمش بس حاسه انه موضوع كبير وشكله يخص الناس اللي ضربوه