رواية القاسي والقوية
الفصل الثالث عشر13
بقلم مريم هاني
عندما وصلوا فهد وسيف الى القصر وجدوا سوزى جالسة بأريحية
فهد:اى اللى جابك هنا ممكن افهم
سوزى:اى جاية بيتى اقعد فيه مالك
سيف: بيتك من انهى زاوية دة بيت فهد
سوزى: تؤتؤ لا يا سيف ركز كدة دة بيت ابو فهد اللى انا ليا فيه نصه
سيف: الكلام دة فى حالة ان فهد مارضيش ينفذ شرط عمى الله يرحمه بس هو وافق عليه وهينفذه
سوزى: مش لما يبقي ينفذه الاول احنا كنا شوفنا منه حاجة لا اتكلم على عروسة ولا غيره
سيف بغضب: انتى واحدة...
قاطعه فهد:خلاص يا سيف وانتى يا سوزى اتفضلى خدى راحتك على الاخر دة انتى نورتينى والله
وتركها وصعد الى غرفته وسيف ورائه اما سوزى ف كانت في موقف لا تحسد عليه ف هى توقعت ان يثور ويغضب ويقلب الدنيا على رأسها ولكن حدث عكس هذا تماما ف هو كان مثل الثلج
سوزى:هو اى اللى حصل دة انا مش فاهمة حاجة ولا اتعصب ولا اى حاجة لاوكمان رحب بيا مش مرتحالك يا ابن السيوفى
اما عند فهد وسيف كان سيف فى حيره من امره بسبب تصرفات فهد الغير منطقية
سيف:لحظة بقى ممكن افهم اى اللى حصل تحت دة
فهد:اى اللى حصل مش فاهمك
سيف:لاااااا انت فاهمنى كويس انت هتعمل نفسك غبى ولا اى انت تطيق العمى ولا تطقش الست دى تقوم بسهولة كدة تخليها تقعد ف بيتك وكمان بترحب بيها ولا كأنها من بقيت عيلتك فاهمنى بقى
فهد بملل:تعرف انك رغاى اكتر حتى من لمار اى يبنى كل دة اذاعة
سيف بضيق:اووووف اة انا اذاعة ممكن بقى تفهمنى
فهد:اسمع يا اذكى اخواتك هى اكيد جت وقعدت هنا لسببين الاول هو انها تستفزنى وتخلينى اتصرف اى تصرف غلط وتمسكه عليا ومش بعيد تلبسنى تهمة وتجبلى البوليس انت عارفها ثانيا بقى ودة الاهم اكيد عايزة تشوف البنت اللى هتجوزها وتحاول تعمل اى حاجة عشان تفركش الجوازة فهمت
سيف:ااااة صح ازاى مأختش بالى دة انت داهية يلا
فهد بسخرية:لا ياخويا دة انت الاهبل
سيف:تشكر يعم بس المهم هتعمل اى مع الولية اللى تحت دى انا مش عارف انت هتستحملها ازاى بس
فهد:ولا اى حاجة هعمل نفسى عبيط وهلعب معاها نفس لعبتها بس ماتبقاش ترجع تلومنى ف الاخر
سيف:اوباااا شكلها لعبت ف عداد عمرها يامعلم
فهد بأبتسامة خبيثة:هى اللى اختارت اللعب مع الفهد تبقى تستحمل اة بالمناسبة المناقصة اللى داخلنها اى اخبارها عرفت مين داخل قصادنا
سيف:اة عرفت كل اللى داخل مافيش فيهم واحد يقدر يقف ف وش الفهد ابدا بس فى واحد كدة....
قاطعه فهد:خلاص عرفته بس دة مايتخافش منه دة حتة حشرة لا راحت ولا جت واقدر افعصه برجلى ماتشلش همه خالص
سيف:انا واثق من كدة بس هو خبيث انت عارف
فهد:حتى لو خبيث محتاج ذكاء وهو ذكائه معدوم
سيف بضحك:هههههه معاك حق يلا هروح انا بقى
فهد ببرود:هدومك ف الاوضة بتاعتك هنا اتفضل روح غير وتعالى عشان نتعشى سوا
سيف بصدمة:هدوم مين انت بتقول اى
فهد:انا امرت انهم يجيبوا هدومك هنا عشان هتقعد معايا ف القصر كام يوم كدة
سيف:بس انت مأختش رأيى افرد انى مش عايز
فهد بنظرة مخيفة وتحذيرية:بتقول حاجة ياسيف مش سامع سمعنى صوتك
سيف بغيظ:مابقولش دة انت بيتهيألك مش اكتر
فهد:طب كويس يلا على اوضتك
سيف:ماشى عن اذنك(ف سره)ربنا على الظالم وعلى المفترى انا مالى انا بيك زمبى اى اكل بمعاد وانام بمعاد كأنى ف الجيش ينتقم منك يا سوزى انتى السبب ماهو اكيد مش هيقعد معاكى لوحدك فدبسنى انا كمان معاه
فهد:سامعك على فكرة بطل برطمة بدل ما اجيلك
سيف بزهول:يخربيتك عليك ودان ولا ودان الفيل يجدع😹
فهد:طب غور من وشى ياحيوان
ذهب سيف وتوجه الى غرفته وفهد يظل يعمل على بعض الملفات الى ان جاء وقت العشاء فنزلوا جميعا لتناول الطعام وطبعا سوزى كانت موجودة
سوزى:ياريت مكنش مضايقاك بوجودى يافهد
فهد بأبتسامة صفراء:لا ابدا لان ف الحقيقة انا مش شايفك اصلا ولا فارق معايا وجودك لانه زى عدمه الصراحة
سوزى بغضب:انت ازاى تتكلم معايا كدة هااا
فهد:هو انتى صوتك على عليا عشان لو دة صح انتى عارفة رد فعلى هيبقى اى
سوزى بتوتر:اا لااا انا بس صصوتى هو اللى ععالى
فهد:طب اتحكمى فيه شوية احسنلك دة اولا ثانيا انا اتكلم بالطريقة اللى تعجبنى وتريحنى انتى فاهمة مش عاجبك ماتتكلميش معايا او سيبى البيت احسن
سوزى:ااااة دة بعينك يافهد قاعدة على قلبك
فهد بضحك:هههههه واضح انك لسة متعرفنيش بس عادى احلمى براحتك سيف انا طالع اوضتى نفسى اتسدت كمل اكلك انت واطلع نام عشان عندنا شغل مهم بكرة
سيف:تمام يا فهد هخلص واطلع على طول
بعدما رحل فهد نطقت سوزى:عاجبك كدة ياسيف الى بيعمله صاحبك دة يصح
سيف:بصراحة مش عاجبنى دة عاجبنى اوووى وباسطنى كمان وبعدين انتى اللى بدأتى وياريت تتجنبى فهد عشان انتى مش قده اصلا مفهوم كلامى وقبل ماتتكلمى تانى انا طالع اوضتى نفسى اتسدت انا كمان عن اذنك
وتركها ورحل بينما هى جالسة تكاد تنفجر من الغيظ بسبب هؤلاء الاثنان:طب انتوا الاتنين اما وريتكوا مابقاش انا سوزى(بأمانة انتى بوق على الفاضى😹)
•~•~•~•~•~•~•~•
#بقلم مريم_هانى🖋✨
عدى اسبوعين وحالة فريدة تحسنت كثيرا وخرجت من المستشفى وذهبت للمنزل هى واسيل ولمار ايضا كانت معهم
اسيل:حمدلله على سلامتك البيت كان مضلم
لمار:حمدلله على سلامتك يا طنط
فريدة:الله يسلمكوا ياحبايبى بت يا لمار انتى انهاردة هتباتى معانا ولو على مامتك انا هكلمها وهى مش هتقولى لا
لمار بهزار:يافرى من غير ماتقولى انا اصلا كنت ناوية ابات معاكوا انهاردة بقولك اى تيجى نطرد اسيل ونقعد انا وانتى وبس
اسيل:يلا ياجزمة قديمة ماما يستحيل توافق صح
فريدة:انا بقول انك تتكلى يا اسيل من هنا
اسيل:اهو شوفتى ماسكة فيا ازاى بس للاسف انا عندى شغل سلاموز يا حبايبى
وتركتهم وذهبت الى عملها بينما لمار وفريدة كانوا يضحكون عليها
فريدة:لمار حببتى عايزة اسألك على حاجة وتجاوبينى بصراحة ماشى
لمار:اكيد يا طنط اتفضلى
فريدة:صحيح اسيل جابت فلوس العملية من الشغل وصاحب الشغل هيخصمهم منها بس
لمار بتوتر حاولت ان تخفيه:ااة يا طنط فعلا
فريدة بشك:انتى مش بتكذبى عليا صح
لمار:انا عمرى كدبت عليكى برضه يا طنط
نظرت لها فريدة مطولا مما اثار ارتباك لمار وبعدها قالت:انا هروح اجهزلك الاكل عشان دواكى
فريدة:ماشى حببتى معلش تاعبينك معانا
لمار بحزن:اخص عليكى يا فرى هو انا مش زى بنتك
فريدة بنبرة ذات مخزى:بالظبط انا زى مامتك وانتى زى بنتى كويس انك عارفة
لمار بأرتباك اكتر:طططب انا هروح اعملك الاكل..وهرولت مسرعة الى المطبخ:هى متأكدة انى بكدب عليها بس مقدرش برضه اقولها حاجة سامحينى يا طنط غصب عنى صدقينى
•~•~•~•~•~•~•~•~•
#بقلم مريم_هانى🖋✨
اما على الجانب الاخر كانت اسيل قد وصلت الى الشركة وتوجهت الى مكتبها فورا جلست تعمل قليلا وبعدها شعرت بأحدهم واقف امامها نظرت كان فهد
فهد:جيتى لى انهاردة كنتى قعدتى مع مامتك هى لسة خارجة انهاردة
اسيل بصدمة:انت عرفت ازاى انها خرجت انهاردة
فهد بأبتسامة:بتتكلمى بجد
اسيل بتذكر:ااااة الحراسة صح بس انا ماشوفتهومش خالص الاسبوعين اللى فاتوا
فهد:لا هما كانوا حواليكى بس انتى ماتعرفيش
اسيل:اهااا بس لى كل دة يعنى انت دفعت فلوس العملية واهتميت بكل التكاليف لى بقى كل الحراسة دى يعنى انت مش ملزوم انك تاخد بالك مننا على الاقل لحد دلوقتى وكمان دة مش من ضمن الاتفاق
فهد وهو يقترب منها:مش يمكن بعمل كدة لسبب تانى غير الاتفاق
اسيل بتوتر:ااا سبب تانى طب اى هو مش فاهمة
فهد بضحك:هههههه واضح ان فهمك بطئ خصوصا ف الامور دى صح
اسيل بتوهان:انت لى مش بتضحك على طول
فهد بخبث:ولى عايزانى اضحك على طول هاا
اسيل بتوهان:عشان ضحكتك حلوة اووى وتسحر
فهد بخبث اكبر:اعتبر دى معاكسة
اسيل واخيرا انتبهت لنفسها:اا لاا اانا ممقصدش ببس
فهد بضحك:ههههه خلاص خلاص قلبتى طماطم كدة لى اعتبربنى مسمعتش حاجة يستى انا داخل مكتبى
اكتفت اسيل بهز رأسها وعيونها بالارض بينما هو كان يضحك على اسيل ومنظرها وبعدما دلف لمكتبه
اسيل:اى اللى انا هببته دة ازاى اقول الكلام دة بس انا اتهبلت ولا اى بس لحظة لحظة هو التانى ماله متغير كدة ومش طبيعى انا خلاص حاسة انى اتجننت خاااالص
سيف:اسيل سلامتك انتى اتجننتى خلاص
اسيل بغيظ:كله بسبب صاحبك ربنا ياخدك انت وهو
سيف بضحك:الله وانا مالى يالمبى انا عملتلك حاجة
اسيل:مش صاحبك اشرب بقى
سيف بمرح:وحياتك ياجميل ولا اعرفه اصلا
وظلوا يضحكوا هما الاثنين الا ان سمعوا صوت من خلفهم......
•~•~•~•~•~•~•~•
#بقلم مريم_هانى🖋✨
بعدما ترك فهد اسيل ودلف مكتبه كان مازال مبتسم على منظر اسيل وعلى خجلها:اللى يشوفها وهى بتعاندنى وبتتحدانى من غير ماتخاف مايشفهاش دلوقتى.....الواد سيف اتأخر لى دة نازل معايا
لم يهتم وظل يعمل على الملفات امامه الى ان سمع صوت ضحك اسيل مع احد ف خرج يرى ماذا يحدث وعندما خرج وجد اسيل وسيف يضحكون
فهد بغضب:ممكن افهم اى اللى بيضحك بالظبط
سيف:عادى كنت بهزر مع اسيل شوية
فهد:لا بجد طب خش يلا عندنا شغل اتفضل ادامى
سيف بخبث:ماشى يلا يا اسيل نكمل كلامنا بعدين(الله يرحمك يبنتى😹)
دلف سيف الى المكتب بينما فهد فأمسك اسيل ودفعها على الحائط وأسرها بينه وبين الحائط وقال بغضب:حسك عينك اشوفك بتضحكى مع اى راجل فاهمة
اسيل:لى بقى انشاء الله انا حرة اعمل اللى انا عايزاه انت مالكش حكم عليا
فهد:لا ليا حكم عليكى انتى خطيبتى ولا نسيتى
اسيل:لسة مبقتش خطيبى وبعدين انت هتصدق نفسك ولا اى ما احنا عارفين انها تمثيلية ومتفقين ان كل واحد هيعيش حياته بحريه ومالوش دعوة بالتانى ولا نسيت
فهد بغضب:اة نسيت يا اسيل وانا بحذرك اهو حسك عينك اشوفك بتكلمى او بتضحكى او واقفة مع اى راجل ساعتها انا همحيه من على وش الدنيا وهتصرف معاكى تصرف مش لطيف خااالص فاهمة انتى تخصينى انا...وتركها واقفة مذهولة من كلامه ودلف الى المكتب
فهد:كام مرة اقولك بلاش الكلام دة ف الشركة هااا
سيف:يا اخى انا مش فاهم انت متضايق لى لتكون واخد الموضوع بجد ومعتبر نفسك خطيبها فعلا
فهد ببرود:ميخصكش يا سيف وياريت تخاف على صداقتنا لانى مش هتردد لحظة انى اقطعها لو فضلت كدة مع اسيل
سيف بأبتسامة:اول مرة اعرف انك غيور اووى كدة
فهد:تانى نفس الموضوع قولتلك مليون مرة انا مش بغير على حد لى مش مقتنع
سيف:لان ببساطة كلامك غير مقنع بالمرة
فهد:انت حر صدق او متصدقش دة يخصك ممكن بقى نركز ف الشغل
سيف:انت حر خلينا ف الشغل الواحد بيعرف يقنعك ويتكلم معاك اكتر فيه
وظلوا يعملوا الى ان انتهوا من العمل فقال فهد:خلاص كفاية كدة واة بخصوص شركة يونيك انا هقول لاسيل تحدد معاهم معاد بكرة نعمل اجتماع نتفق فيه على ميعاد التسليم عشان نخلص بقى انا اتخنقت من الصفقة دى وفكرنى منعملش معاهم تعاقدات تانى اصلا
سيف:مش طايق الصفقة ولا صحاب الصفقة
فهد ببرود:الاتنين فى حاجة
سيف بضحك:ههههه لا ابدا مافيش يلا سلام
تركه سيف وخرج جلس فهد يفكر قليلا فى ما فعله مع اسيل وبعدها قرر شئ وخرج من مكتبه
•~•~•~•~•~•~•~•~•
اما عند اسيل ف عندما ذهب فهد جلست هى بضيق تفكر فيما قاله وماقصده منه:ياترى هو قال كدة لى وقصده اى من الكلام دة واصلا اضايق لى معقول يكون بيغير بس لالا معتقدش دة مش بيطقنى اصلا يحبنى ازاى بس اووووووف انا دماغى هتنفجر من التفكير انا احسن حاجة اركز ف شغلى احسن
ظلت تعمل قليلا الى ان خرج سيف القى عليها السلام ورحل قليلا وخرج فهد ورائه
فهد:اسيل حددى معاد مع شركة يونيك بكرة عشان نعمل اجتماع نتفق فيه على ميعاد التسليم
اسيل ولم تنظر له حتى:تمام يافندم هتصل بيهم وابلغ حضرتك بالمعاد بالظبط
فهد:تمام
وتركها ورحل فقالت:صحيح قليل ذوق حتى معتزرش على اللى عمله معايا من شوية انا مش عارفة مستحملاه ازاى اصلا على رأى لمار
بعدها تكلمت مع شركة يونيك وحددت معهم معاد للاجتماع وكانت على وشك المغادرة ولكن وجدت فهد فى وجهها
فهد:انتى مروحة خلاص
اسيل:لو مافيش مانع يعنى اظن وقت شغلى خلص وكمان كلمت شركة يونيك والمعاد هيكون بكرة الساعة 10 الصبح...كل هذا ولم تنظر له
فهد بأبتسامة:انتى لسة زعلانة منى صح
اسيل:لا مش زعلانة هو حصل حاجة اصلا
فهد بضحك:هههههه باين على وشك انك مش زعلانة فعلا بس انا معتبرك زعلانة وعايز اصالحك ممكن تبصيلى بقى عشان اصالحك
نظرت له اسيل بأرتباك وتفاجأت من الشئ الذى جلبه لها:اى دة😳
فهد:عرفت انك بتعشقى الشيكولاته عشان كدة جبتلك كل انواعها لان بصراحة معرفش انتى بتحبى انهى نوع بالظبط
اسيل:وانت عرفت منين انى بحبها
فهد:مش محتاجة ذكاوة يا اسيل شوفتك كذا مرة بتاكلى منها بطريقة توحى انك بتعشقيها مش بتحبيها بس
اسيل بأبتسامة:واضح انك مركز معايا
فهد بأبتسامة ايضا:لسة واخدة بالك ياهانم على العموم قولى لمامتك انى جايلكوا بكرة الساعة 10
اسيل بأستغراب:والاجتماع
فهد بغيظ:هو انا يعنى هاجى 10 الصبح يا اسيل حد يتقدم لحد الصبح ولا العقل بيقول بليل
اسيل بغضب:وهو فى حد عاقل يتقدم لواحدة 10 بليل لى جاى تبات عندنا احنا بنام بدرى يعم انت الله
فهد:طب ممكن تسهرى عشان خاطرى المرة دى
اسيل بأرتباك:اااا بص اننا هسهر ببس ممش عشانك ععششان الاتفاق وبس
فهد بخبث:اة اة واخد بالى
اسيل بخجل:كويس انك بتاخد بالك سلام بقى
وفرت من امامه هاربة وهى تشعر ان قلبها يكاد يخرج من مكانه بسبب قوة نبضه
اسيل:اى اللى بيحصل معايا بالظبط انا مش لازم احبه ابدا دى لعبة وهتخلص طولت ولا قصرت هتخلص وغير كدة انا مش بتاعة حب وكلام فاضى انا لازم احقق احلامى وذاتى الاول ايوة بالظبط كدة
وذهبت الى منزلها وجدت امها ولمار جالسين سويا فأتجهت اليهم وجلست معهم قليلا
اسيل:ماما فى حاجة عايزة اقولهالك
فريدة:قولى حببتى
اسيل بتنهيدة:فى حد متقدملى وعايز يجى بكرة يطلب ايدى
فريدة بفرحة:بجد لولولولولولولولولوى مين يحببتى
لمار بهزار:مين اى يا طنط بعد الزغروطة دى دة انتى ناقص تقومى تبلى الشربات هههههههه
فريدة:اخرسى انتى يا ام لسانين ها قوليلى يا حببتى مين دة اللى عايز يتقدملك
اسيل بتوتر:المدير بتاعى ف الشغل
صمتت فريدة قليلا فتوترت لمار واسيل من هذا الصمت فقالت اسيل:ها يا ماما قولتى اى
فريدة:متوقعة منى اقول اى يا اسيل او افكر ازاى اصلا واحد قدملك سلفة بالمبلغ دة وانتى مكملتيش حتى شهر ف الشغل ومطلبش منك اى حاجة خالص غير انه هيخصمهم من مرتبك وبعدها بأسبوعين تيجى تقوليلى انه عايز يتجوزك متوقعة منى اقولك اى حطى نفسك مكانى
اسيل:انا عارفة انها حاجة تقلق بس مش يمكن تكونى انتى ظالماه يا ماما وهو نيته كويسة
لمار: وبعدين مش يمكن هو عمل كدة لانه بيحب اسيل اصلا من الاول بس مكنش عارف يقولها ولما حضرتك تعبتى الدنيا اتلغبطت اكتر واستنى اما تخرجى من المستشفي وتتحسنى عشان يطلب ايديها منك
فريدة:انتى بتحبيه يا اسيل
صدمت اسيل من سؤال فريدة ف قالت:عادى يا ماما لا بحبه ولا بكرهة يعنى هو شخص محترم وكويس بس مش اكتر
فريدة بتنهيدة:خلاص يا اسيل خليه يجى بكرة وهشوف
اسيل:ماشى يا ماما عن اذنكوا بقى هخش ارتاح شوية تصبحوا على خير
فريدة/لمار:وانتى من اهله
ذهبت اسيل لغرفتها غيرت ملابسها وتوضأت وادت فرضها وكانت ستنام ولكن.....
•~•~•~•~•~•~•~•
اما عند فهد ظل يتابع اسيل بعينيه الى ان اختفت وبعدها جائه اتصال من سيف استغرب قليلا ولكن رد عليه:الو يا سيف فى حاجة
سيف:تعالى بسرعة للقصر سوزى قالبة الدنيا
فهد:طب انا جاى اهو سلام
سيف:سلام
اغلق معه الخط وتوجه الى القصر وعند وصوله وجد سوزى وفوزى المحامى وسيف وواضح ان الجو متوتر قليلا
فهد:اذيك يا استاذ فوزى اخبارك اى
فوزى:الحمدلله يبنى انت اى اخبارك
سوزى بتدخل:احنا هنقضيها سلامات ولا اى ماتقول كل حاجة يا متر خلينا نفضح الاستاذ
فهد:فى اى يا متر اى اللى بيحصل
فوزى:فى الحقيقة مدام سوزى بتقول انك بتحاول تلاقى بنت تمثل انها مراتك لغاية ما تاخد الورث وتديها قرشين وتنفصلوا ولا كأن حاجة حصلت
فهد:لا طبعا مافيش الكلام دة
سوزى:كدااااب انت بتكدب انا متأكدة من اللى بقولوه كويس اووى
فهد بنظرة صقر:واى اللى مخليكى متأكدة اوى كدة
سوزى بتوتر:اصل انت بتماطل وخلاص انت قولت العروسة انت اللى هتختارها بنفسك معنى كدة انك بتحب وحدة معينة وعايزها هى ف لو هو كدة فعلا لى لغاية دلوقتى متقدمتلهاش هااااا
فهد:ومين قالك انى متقدمتلهاش وفتحتها كمان ف الموضوع الموضوع ومافيه ان حصل ظروف اجلت كل حاجة شوية بس كدة
كانت سوزى ستتحدث ولكن قاطعها فوزى:لحظة يا مدام سوزى تقدر تقولى يا فهد اى هى الظروف دى
فهد:مع انى مش مضطر ابرر حاجة بس معلش هقول وخلاص الموضوع ان مامتها من اسبوعين عملت عملية ف القلب وكانت خطيرة جدا ومخرجتش من المستشفى غير انهاردة واة بالمناسبة انا حددت معاها معاد انى هروحلها بكرة ودة يدل على انى اد اى بحبها لدرجة مقدرتش استحمل شوية لغاية ما مامتها تتحسن على الاخر بالعكس يدوب خرجت وانا حددت معاد معاهم وكنت هقولك يا استاذ فوزى بس الوقت متأخر عشان كدة كنت هقولك الصبح
سوزى:يا سلام والمفروض اننا نصدق الكلام دة انا مش مصدقة ولا كلمة بتقولها
فهد:قول انت يا سيف مش انت كنت معايا
سيف:فعلا كل الكلام دة كان قدامى حتى كمان يومها روحتلهم المستشفى وكان فهد معاها
سوزى:برضه مش مصدقة
فوزى:خلاص بسيطة اتصل بيها قدامنا يا فهد وافتح الاسبيكر نتأكد
هنا توتر سيف ولكن فهد ظل على موقفه ولم يهتز حتى:تمام هتصل بيها
اتصل فهد بأسيل وهو يدعى بداخله ان لا تقول شئ يكشفه ظل يرن الى ان جائه الرد وفتح الاسبيكر:الو
فهد:الو اسيل انا اسف انى بكلمك ف وقت متأخر زى دة بس بصراحة مقدرتش استنى لما انتى تكلمينى عشان تردى عليا بخصوص موضوعنا
اسيل:موضوع اى بالظبط
فهد:يا اسيل الموضوع اللى كلمتك فيه قبل ماتمشى من المكتب لحقتى تنسى ولا اى
اسيل بضحك:ههههه لا منستش بس حبيت اغيظك شوية
فهد بأبتسامة:كدة يا اسيل وقعتى قلبى حرام عليكى
اسيل:سلامة قلبك يا قلبى
هنا صُدم الجميع وخصوصا فهد ف هو لم يتوقع ذلك ابدا من اسيل:على العموم ماما موافقة انك تيجى بكرة الساعة عشرة مستنياك
فهد:ماشى يحببتى تصبحى على خير
اسيل:وانا من اهلك باى
واغلقت معه الهاتف وهو مصدوم منها ولكنه لم يبين وقال:اظن انى مش كداب ولا حاجة وبكرة حضرتك وسيف هتيجوا معايا ممكن
فوزى/سيف:اكيد
اومئ لهم فهد برأسه ونظر لسوزى نظرة مميتة وتركهم وصعد لغرفته اخذ حماما وابدل ملابسه وظل يفكر فى اسيل:هو اى اللى قالته دة اسيل بتتكسف من خيالها ازاى جالها الجرأة تعمل كدة انا لازم افهم منها بكرة....وذهب فى سبات عميق