رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ذئاب لا تعرف الحب الفصل الرابع والثلاثون34بقلم نجمه براقه

 

في وسط صراخي وحملهم ليه  لقيت واحد بينزل من عربيته وبيجي جري ويسدد ضربه لواحد منهم  وقتها بيسيبوني ويشتبكو معاه وانا وقفت 

مكاني اصرخ واصرخ علشان الناس تلحقنا وفجأه واحد منهم بيخرج مطوه من جيبه 

ويضربه بيها  في دراعه ويجروا هما الاتنين  وانا قربت من الشاب ده وانا لسه بصرخ  ف قال وهو بينهج من التعب 

:  متخافيش انا كويس مفيش حاجه  

قولت وانا كلي بترعش من الخوف 

_ انت بتنزف كتير  ،  يلا نروح المستشفي 

: لا بسيطة  

_ لأ لازم نروح من فضلك يلا  

خدته وروحنا المستشفي بعربيته وبعد ما عملوله اللازم مشينا ف قولت بعد ما وصلنا العربية 

:  انا متشكره قوي  مش عارفه من غيرك كان ممكن يحصلي ايه 

_ الحمدلله  ،  المهم انتي كويسه؟! 

:  اه الحمدلله كويسه 

_ الحمدلله 

مدلي ايده وقال

_ انا طارق  

:  اهلا وسهلا  انا وفاء 

_ تشرفنا انسه وفاء ،  طيب يلا هوصلك في طريقي 

:  لا ملهوش لازمه انا هطلب اوبر 

_ معقول الكلام ده  ،  تطلبي اوبر وعربيتي موجوده  ،  اتفضلي هوصلك 

:  معلش  مش هينفع ،  عن اذنك ومتشكره علي مساعدتك 

_ زي ما تحبي و انا معملتش حاجة تشكريني عليها  

:  ميرسي  قوي  ،  مع السلامه 

سيبته ومشيت وروحت علي طول ل بيجاد ف لقيته قاعد لوحده والحزن غالب علي ملامحه ف قولت 

:  ايه ياحبيبي مالك بس قلقتني عليك 

_ انا كويس 

: كده  كويس 

_ مفيش حاجه يا وفاء انا تمام 

:  طيب بقولك ايه  ما تيجي تقعد معانا في البيت بدل ما تقعد وحدك  انا قلقت عليك قوي وطول الليل منمتش 

_ لا 

:  طيب بلاش علشانك انت  ،  خليها عشاني انا  ،  انا كنت هتخطف والله وانا جيالك

بصلي وقال

_ إيه 

:  اه والله اتنين طلعوا عليه وشالوني لولا ان في واحد لحقني منهم حتي بص الدم ده 

وريتله الدم اللي جه علي هدومي من دراع الشاب اللي ساعدني ف اتعدل وبصلي بقلق

_ بتتكلمي جد 

:  اه والله والدم ده من جرح الولد اللي ساعدني  ، هما ضربوه بالمطوه قبل ما يهربوا 

_ هي ايه الحكاية هو مفيش حد غيرك في البلد يتخطف 

:  شوفت بقا  يعني انت لازم تيجي تعيش معانا 

_ اجي فين يابنتي مينفعش 

:  ينفع   ،  علشان خاطري يا بيجاد  انا هفضل قلقانه عليك وكمان هفضل خايفة اني اتخطف تاني  و وجودك هيطمني 

_ ماشي يا وفاء بس انتي عارفه ان... 

:  بابا مش هيقول حاجه  انا هقوله اللي حصل ف هيوافق 

_ يابنتي لو ابوكي عاملني بلطف مره ف ده مش معناه انه هيفضل طايقني كتير

:  يابني اسمع الكلام انت بس  ،  بابا عرف اني محتجالك جمبي وعمره ما هيبعدنا عن بعض  علشان خاطري يا بيجو 

سكت ف قولت بالحاح 

:  ونبي يا بيجاد وافق 

طال سكوته وبعدين قال 

_ طيب لما تشوفي رأي ابوكي الاول  يمكن موافقش

:  هيوافق انا متأكده

_ طيب 

:  يلا بينا 

_ بقولك لما تشوفي رأي ابوكي الاول انا  مش هحرج نفسي عشانك  

:  طيب مش هتوصلني ولا عاوزني اتخطف تاني 

_ اه صحيح  ماشي بس اقعدي شويه لسه بدري 

:  لا يدوب ارجع اغير والحق الكُليه  

#عبيده 

طلعت الصبح بدري علشان اشوف مكان تاني اسكن فيه انا والعيال  ،لأني مكنتش طايق اقعد في البيت ده دقيقة بعد اللي حصل  ، وبعد ما وصلت الباب لقيت ابوي بيكلمني ويقول 

:  رايح فين ياد 

قولت من غير ما ابصله 

_ رايح مطرح ما رايح  

اتقدم نحيتي و وقف قدامي وقال 

:  اه  ،  طيب هعديلك عنجرتك دي  ، ميت هتجيب المأذون علشان تكتب علي اخت مرتك 

ديرت ليه بكل جسمي وقولت بتعند

_ مش هيحصل  ، انا مش هتجوز  وبيتك سيبهولك  اهو

:  امانه؟!  طيب والله زين  ،  روح 

_  رايح بس هاجي تاني اخد عيالي  

:  طيب روح 

جيت اطلع ف لقيت زيد طالع من اوضته وبيقولي 

_ يابوي  ،  انا جعان 

بصيتله وقولت وانا بفتح الباب 

:  قول لجدتك تجهزلك  

قولت اكده وطلعت وقفلت الباب ورايا  وبقيت ادور وأسأل علي مكان ملقتش وبعد بحث وتفكير جه علي بالي بيت عمي عبدالستار  ف قولت مفيش غيره هو عايز تنضيف وسقف وحاجات كتير بس اهي حاجه يكون رتبت اموري وقدرت ابني بيت جديد او يمكن اخد العيال وامشي من النجع  

#بدر 

صحيت الصبح  ومسكت التلفون اشوف اذا كانت وفاء فاتحه ولا له ولما لقيتها قافله رجعت سيبت التلفون ونزلت لأني كنت ناسي اني ارجع ل عبيده بعد اللي حصل   وعلي طول دخلت اوضته بس ملقتهوش ولما سألت امي قالت طلع  ف دخلت ل شبل اطمن عليه لقيته قاعد والممرضه بتشربه لبن فف قولت بنرفزه وخوف انه يتعب 

:  إيه اللي انتي عاملاه ده 

قامت وقالت بربكه 

_ بشربه لبن 

:  لبن ايه؟!!!  افرضي جراله حاجه  وكيه مقعداه اكده  

:  يا كبير مش هيحصله حاجة  ده لبن كويس عشانه والقعده مش هتضره "

كنت لسه هزعق بس شوفت شبل بيبصلي وشكله مرتاح في القعدة دي ف قربت منه وقولت 

_ مرتاح اكده 

رمش بعنيه ف قولت 

:  واللبن مش تاعبك 

قوس فمه بقرف ف وقولت 

_ ده أنت بتكره اللبن صح 

بصيت للممرضه ف قولت 

:  شربتهوله غصب؟ 

_ له له والله انا قولتله  ومبدأتش اشربه غير لما وافق بمزاجه

رجعت بصتله ف رمش بالموافقه ف قولت 

:  طيب زين قوي  ،  معلش تعاله علي نفسك واشرب "

 بقا يحاول يتكلم ويقول حاجة بس حروفه مكنتش طالعه سليمه  ف قعدت جمبه وقولت 

_ايه ياحبيبي عاوز ايه 

بقا يحرك في عينه ويتهته ف قالت الممرضة 

:  عاوز تطلع من الاوضة صح؟! 

رمش ف بصتلها وقولت 

_ ايوه بس هنطلعه كيه من الاوضه وهو تعبان 

:  بكرسي متحرك او حد يشيله ونريحه علي كنبه بره  يشوف الدنيا والناس ده هيساعده في تحسين نفسيته  

بصتله و وقولت 

_ عاوز تطلع 

رمش ب عينه ف قولت 

:  طيب بس شويه اكده هروح مشوار وارجع ونطلعك قولت إيه 

وافق ف قولت وانا بقوم 

_ ماشي ياحبيبي  ، مش هتأخر عليك 

سيبتهم ومشيت وروحت للمأذون علشان انهي الجوازه الوهميه بيني وبين وفاء  وعلي قد ما كنت حابب انها ترجع ومتمشيش من الاساس بس كان لا بد منه  

#جميله 

بعد ما مشي انا رجعت وحاولت اشربه تاني بس مرضيش ف سيبت اللبن وقُلت 

_ بلاش لبن  تعاله نلعب لعبة 

بصلي باستفهام  ف قُلت 

:  نطلع لسانا لبعض  ههههه "

عقد حواجبه مع ابتسامه خفيفه ف قولت بتوضيح 

_ بتكلم جد بلاش تركن لسانك  ، ودي تمرينات علشان تسهل عليك النطق فيما بعد  ، مع المداومه علي وخد العلاج  طبعاً ،   ، اقولك اعتبرني دكتورة تخاطب و اعمل اكده "

طلعتله لساني ف ضحك ف قولت بنرفزه 

:  مش بهزر بتكلم جد دي حركات هتفيدك  يلا اعمل اكده "

طلعتله لساني علي جمب ورجع يضحك ف قولت بزهق 

_ اسمع! ،  انت دلوقتي  لسانك  قافش لازمله حركه علشان يفك و ياخد ويدي"

رجع يضحك اكتر ف قولت  بعصبيه 

_ مش بهزر!!!   انت لازم تحرك لسانك وتحاول تتكلم ك تنشيط لعضلة اللسان  ، اي حاجه بتتركن بتعطل حتي اللسان "

كأن كلمتي شغلته ف بص علي جسمه ورجع يبصلي باستفهام ف قُلت 

:  انا فاهمه انت بتفكر في ايه  وانا هقولك علي قد فهمي  ، انت مشكلتك مش في جسمك  ، انت جسمك مفهوش مشكله وعضلاتك بتتحرك طبيعي مع عدم قدرة التحكم فيها  ، الموضوع عامل زييييي زييييي  زي ايه..  ايووووه  ،  عارف مفتاح زراير الكهرباء اللي بتكون جمب الباب   ، اهو هو ده بتتحكم منه بفصل الكهربه عن مناطق في البيت  وتشغلها في منطقه تانية  ، انت زي اكده عقلك فصل الاتصال ب اجزاء من جسمك واجزاء تانيه لا  ،  يعني انت بتشوف وبتفكر وبتسمع وصوتك تمام  بس مش مسؤول عن مناطق في جسمك  ف احنا هنعمل حركات وتمرينات علشان لما العلاج يجيب نتيجة يكون سهل تحريك جسمك  بسرعه وبسهوله من غير معاناه ، مش نعالج مخك وبعدين نقول جسمنا مبقاش شغال ليه  ، ماهو من الركنه  فهمت؟!!! 

بصلي بتركيز ف قولت 

: ايوه فهماك  ، دي علاجها سهل،  مش  سهل  قوي قوي يعني  وبياخد وقت  ،  بس بتتعالج بالادويه  وممكن العمليات ومش هقولك ممكن تتعالج بخبطه جديده علشان احنا اهنه مش في فيلم هندي  ، ف بلاش خبطه  و بلاش عمليات علشان ميفتحوش راسك ويلعبوا فيها خلينا في الحاجات الخفيفه  وهي الدوا  مع بعض التمارين ، ايوه مفعولهم بعيد شويه بس هيجي بشوية اراده وانتظام في العلاج والتمارين "

حرك عنيه كأنه بيستفسر اكتر 

_ له  ، بص انت لما تحب تسأل اتكلم  ، بلاش تركن لسانك  حتي لو الكلام مش هيتفهم  ،  تقدر تعتبر نفسك طفل بيتعلم الكلام لسه فهمتني

رمش ف قولت 

:  له احنا قولنا ايه  اتكلم 

طلع صوته بكلام مش مفهوم ف قولت 

_ ايوه تمام اكده  دلوكتي انت محتاج تستحمي 

بحلق بعنيه ف قولت 

:  بتبحلق ليه مش انا اللي هحميك هشوف امك وحد من اخواتك يعملوا المهمة دي 

رمش ف قولت 

_ احنا قولنا ايه  اتكلم  

رد ف قولت بإبتسامة 

:  برافو عليك ،  دقيقه وهجيلك 

طلعت وناديت علي حد يجيني ف جتلي شجر وقالت 

_ ايوه  في ايه شبل زين 

:  ايوه هو كويس بس محتاج يستحمي  

_ طيب بس يجي عبيده او بدر وحد فيهم يسبحوا

:  تمام شكراً  يا حجه

رجعت عنده وقولت 

_" لما يجي حد من اخواتك هتستحمي  ، ايه رأيك لوقتها نعمل حاجه مع بعض "

بصلي باستفهام ف قُلت 

:"  هات يدك "

مسكت يده  وانا حاسه بتوتر شديد ف قولت بربكه بدأت تخف واحده واحده وانا بكلمه 

_ هنعمل تمارين خفيفة تساعد علي تنشيط الدوره الدمويه في جسمك وتنشيط اعضائه علشان ميتأقلمش علي وضع واحد  ، لأن زي ما قولتلك المشكله مش في جسمك ف خلينا نحركه علشان لما تخف متواجهش صعوبه في الحركه  ،   يلا  واحد  ،  اتنين... 

بدأت اعمله تمارين في ايديه ورجليه وشويه ل لسانه ودي اكتر فقره هو تعبني فيها وبقا يضحك لغيت ما خلصنا ف قولت 

_ ههههه هو تمرين اللسان ده هيتعبنا كتير ولا ايه  ،  انا عاوزاك تنشط كل أعضاء جسمك  علشان تسرع في التعافي ولما تخف تلاقي سهوله في الحركه من جديد فاهمني 

رد بصوت ف قولت 

:  طيب انت اكده تمام النهارده  لازم تنام "

نظراته كانت معترضه ف قولت 

_ طيب اتمدد لو النوم غلبك هتنام غصب  ،  يلا 

ساعدته يتمدد ورفعت عليه الغطا وبعد شويه بقا يحرك عينه لجهة الكوميدينو ويأن ف قولت 

_ عايز حاجه من الجهه دي 

قال اه لأن دي مش بتحتاج تحريك لسان ف قولت بإبتسامة 

:  له ده تمرين السان جاب نتيجة بسرعه  اهه "

قولت وانا رايحه ناحية الكوميدينو 

:  عايز ايه؟! ،  التلفون؟! 

_ اه 

:  طيب اي واحد فيهم  ده ولا ده 

اشر بعينه علي واحد منهم ف قولت 

_ تمام اهو  ،  افتحه ولا ايه 

:  اه 

فتحته وقولت 

_ عايز تشوف رسايل صح 

:  اه 

_ طيب  انا هفتحلك الرسايل  وانت أقرأ ومتخافش مش هتطفل  انا مش حشريه "

ابتسم ف بدات بفتح تطبيقات الرسايل واحد واحد لغيت ما خلص قرايه وبعدين حرك عنيه بأمتنان ف قولت وانا برجع التلفون مكانه

: علي إيه ده شغلي 

سكتنا شويه وبعدين بصلي وكأنه بيستفهم عن حاجة بس المره دي مفهمتش 

_ ايه 

حاول يتكلم ف قولت 

_ عايز حاجه اجبهالك

بقا يحاول يحرك ايده ويأشر بعينه للخلف وبردو مفهمتش ف قولت 

: انا مش قادره افهمك  ،   بس الحاجات الصعب اني افهمها ومش ضروريه أجلها بلاش تضغط نفسك 

خد نفس وهدي ف قولت 

_ معلش دلوقتي تعرف تتكلم وتقول كل اللي انت عاوزه 

: 

ابتسمتله ورجعت قعدت علي الكرسي وطلعت تلفوني ابو زراير قلبت فيه شويه بملل وبعدين دخلته تاني  في  جيبي ولما رجعت ابص ل شبل اشرلي بعنيه علي الكوميدينو ف قولت بإبتسامة 

:  العب في تلفونك؟! 

_ اه 

قولت بإبتسامة 

:  له انا مبحبش تليفونات التاتش اصلا بس كنت بشوف حد اتصل ولا لا 

سكت وبعد شويه رجع يبصلي نفس البصه وكأنه بيسأل عن حاجه ف قولت 

_ عايز تعرف حاجه 

:  اه 

_ عايز تعرف اخواتك فين 

رد برفد ف قولت 

:  عاوز حاجه معينه طيب...  اجبلك حاجه... 

لقيت نفسي مش فهماه ف قولت 

_ والله بجد مش فاهمه ف لو مش ضروري أجلها 

: اه  

رجعت يسكت وانا مليت من القعدة وبعد وقت عيني راحت علي كتبه اللي علي مكتبه ف قومت وقولت 

_ ممكن اشوف الكتب بتوعك

:  اه 

روحت نحيتهم وبقيت ادور ف لقيت كتاب مختلف بعيد عن كتب الدراسه ف خدته وقعدت مكاني اقلب فيه لغيت ما لقيته واصل لجزء ومعلمه بتني طرف الورقه ف قولت 

_ وصلت لغيت اهنه في القرأة

:  اه 

_  طيب ايه رايك اقرالك 

:  اه 

قولت بإبتسامة 

_ تمام 

بدأت اقرا لغيت ما لقيت نفسي بتشد للكتاب وبقرا بصوت مسموع وهو بيسمع لغيت ما خلصت  120 صفحة  وقتها الباب اتفتح ودخل بدر والكلام ده كان بعد خروجه يجي بتلات ساعات ف قرب منه وقال 

:  ايه يا استاذ شبل  جاهز 

_ اه 

بصلة بتعجب وهو بيسأله

:  اه  ؟! 

ابتسم وقال 

_ اه 

بصلي وقال 

:  بيقول اه عادي  

_ ايوه لأنه مش بيحتاج يحرك لسانه فيها 

رجع بصله وقال 

:  زين قوي بداية مبشره  ، طيب يلا عاد غمض عينك علشان محضرلك مفاجأة 

غمض عينه ف طلع ودخل ب كرسي متحرك وبعدين قال فتح  ولما فتح وشافه بهتته ملامحه بحزن ف قال اخوه وهو بيقعد جمبه 

_ متزعلش ده لفترة مؤقته لغيت ما تقدر تقوم وتتحرك وحدك  ،  واهو حاجه تتنقل بيها وقت ما تحب 

هدي ف قاله وهو بيقوم 

:  طيب يلا عاد علشان اطلعك في الجنينه 

قولت 

_ اسفه يا كبير بس هو محتاج يستحمي الاول 

:  ايوه صح  ،  طيب انا هسبحه 

_ طيب عن اذنكم 

سيبتهم  ودخلت المطبخ عند واحده اسمها تماضر والتانيه اسمها ورد  وقولت بحرج 

:  اسفه بس الكبير بيحمي شبل ف سيبتهم 

قالت اللي اسمها تماضر 

_ نورتي ياخيتي  ،  الا انتي اسمك ايه 

:  اسمي جميله 

_ ايوه  انا اعرفك علي فكره بس مكنتش متاكده من اسمك  

:  تعرفيني منين 

_ من النجع ما انا كمان من النجع واعرف الكل اهنه  ، وعارفه انتي بت مين وساكنه فين  

:  ايوه  اهلا بيكي  تشرفت بمعرفتك 

_ ونبي انتي سكره  وانا وانتي شكلنا هنبقوا صحاب ونحكوا لبعض كل حاجة  

  ههههه اكيد يشرفني 

بصيت ل ورد وقولت 

_ مال الجميل زعلان 

انتبهتلي وقالت 

:  مفيش ياخيتي تعيشي 

قالت تماضر 

_ ركبها الفقر لاويه خلقتها من الصبح  ليه معرفش  ،  سيبك منها واحكيلي  البت بت عبدالصمد اللي ساكنه جمب بيتكم متعرفيش هتجوز مين  ،  سمعت ان اللي هيجوزها لسه راجع من السعوديه وشايل علي صدره مكاتيل فلوس 

:  هي اتخطبت؟!  ميته ده 

_ من يومين اكده  قالوا عليها  ،  سمعت مره بتقول انها قالت للعريس عليها  بس معرفتش هو مين 

:  له معرفش والله  اول مره اسمع منك 

_ طيب والله شكلك عارفة ومعوذاش تقولي  ،  كيه يعني متعرفيش طيب ده امها انا لسه امبارح شيفاها بتحمل بط و وز وحمام   والنجع كله شافها  وبيقولوا انها هتطبخ لأهل العريس وعازمه جيرانها واهلها كمان ف كيه متعرفيش 

: بتقولي وز وبط وحمام؟!!  له يبقي انا لازم اخد اجازة واحضر حرام يفوتني الوز والحمام بس يارب يحشو الحمام فريك ههههه  معرفشي يابتي  مش بهتم 

#ورد 

حاجات كتيره وجعاني  ،  ضرب رضوان ليه  ،  احساسي بالذنب تجاه دعاء  ،  حبستي في السرايا ومنع الغفر ليه من الخروج بعد ما قالهم رضوان امبارح علشان يجبر عبيده يتجوزني ويجبرني انا كمان  ،  بس كل ده هين جمب رفض عبيده ليه وحاسه اني اضحك عليه  ومخدوعه  ،  مش حابه اتجوزه بس رفضه بعد ما بقا مسموح هو اللي واجعني وليه رافضني مش عارفه  ،  معقول يكون نزلت من عينه بعد ما قبلت بقربه يوم حادثة شبل 

:  ورد،  فين زيد 

قالتهالي شجر مرت عمي وانا واقفه جمب البنات ساكته مبتكلمش ف روحت عندها وقولت 

_ في اوضته مع بشر يامرت عم 

:  مقعدش اهناك 

_ يكون بيلعب بره في الجنينه دقيقه هشوفه

طلعت ادور عليه في الجنينه وفي كل السرايا فوق وتحت وملقتهوش رجعت تاني لشجر لقيتها قلقانه وبتقولي

:  يامراري الواد فين يا ورد  

قولت وانا قلقي ميقلش عنها حاجه 

_ معرفش يا مرت عم  ،  فين بشر

سبتها و روحت ل بشر وقولت وانا بميل عليه 

:  اخوك فين يابشر 

_ معرفش  

:  متعرفش كيه مش كان امعاك

_ له انا كنت نايم وسامعه بيبكي وبعدين طلع وانا رجعت نمت 

:  يادي الغلب  هيكون راح فين 

مشيت ف لقيت عبيده بيدخل ويقولي

_ فين زيد؟!! 

:  معرفش 

سيبته ومشيت ف جه ورايا يزعق يقولي 

_ كيه متعرفيش  مش انتي اللي طول الوقت قاعده عندهم 

كلامه ضايقني في قولت بغيظ

:  له مقعدتش عندهم من وقت ما انت قولتلي ملكيش دعوة بيهم 

#عبيده 

مردتش عليها وطلعت اسأل الغفير عنه قالي مشفتهوش ف طلعت ادور في كل النجع وانا خايف يتوه وملقهوش تاني  وده زاد احساسي بالذنب تجاه دعاء اللي لو كانت قاعده دلوك مكنش ضاع  ..  

بقيت ادور واسأل اي حد اقابله 

:  مشوفتش عيل صغير عمر تلات سنين 

ومفيش غير رد واحد مشفنهوش  مرت ساعتين وانا لسه بدور لغيت ما لقيت بدر في طريقي بيقولي 

_ لقيته 

قولت وانا حاسس عقلي هيشت

:  له ملقتهوش في اي مكان  

_ طيب متخافش  اكيد هنلاقيه  ، يلا ندورو تاني 

راح هو من طريق وانا من طريق وبقينا ندورو لغيت ما جاني اتصال من رقم غريب واول ما رديت لقيت زيد بيبكي ويقولي 

:  ابوي  ،  تعالي خدني انا خايف 

_ زيد!!  انت فين ياحبيبي 

قولت اكده ف اتقفل الخط ولما رجعت اتصل لقيت التلفون مقفول بقيت ادور حولين نفسي وهتجن ف اتصلت ب بدر ورد عليه بعد ثواني 

:  الووو

_ ايوه يا عبيده لقيته 

:  الواد شكله مخطوف  ، حد اتصل بيه وزيد رد وبيقولي اجي اخده  ،  زيد اتخطف 

_ كيه يعني مين اللي كلمك

:  معرفش معرفش  ،  قفلوا التلفون  ،  اعمل ايه يابدر 

_ طيب ارجع البيت هنتقابلوا اهناك 

#وفاء 

بعد ما رجعت من المحاضره قعدت علي المكتب اذاكر ف عيني جت علي كتاب بدر مسكته وانا ابتسامتي علي وشي ورجعت أقرأ الاهداء لاكتر من عشر مرات تقريباً  وبعدين سيبته ومسكت التليفون فتحت الواتس اب علشان اشوفه فاتح ولا لا  ولقيته قافل من ساعات  بقيت افكر ابعت ولا لا  وبعدين بعتله وقولت 

:  مش انا كنت هتخطف تاني النهارده  ،   واضح ان وشي جاذبيه للخطف   ،  بس يا خساره واحد انقذني ربنا يسامحه كان زماني عملت مغامرة جديدة 

بعتها وبعدها بقيت افكر اذا كان يصح اللي عملته ده ولا لا  وبعدين قولت وفيها ايه  ممكن نكون صحاب ونتواصل بأحترام  ولو علي بيجاد ف هو اكيد مش هيعرف ف فيها ايه  .. 

ده كان كلامي مع نفسي ك تبرير لتواصلي معاه رغم كل اللي حصل واللي ممكن يحصل لو بيجاد عرف  ده غير اني من جوايا متأكده ان مستحيل هنكون صحاب عادي  وبعذب نفسي وخلاص  

: وفاء 

قالهالي بابا وهو بيفتح الباب عليه 

_ نعم يا بابا 

:  حامد بره وعاوز يسلم عليكي 

_ يييييي  ،  يا بابا حرام عليك  ،  يسلم عليه ليه 

:  وطي صوتك هيسمعك  ، قومي وبعدين نتكلم 

اتنفست بغيظ وقولت

_ حاضر يا بابا جايه  جاااايه

:  وبعدين يا وفاء 

_ حاضر يا بابا حاضر  جايه وراك 

طلع وسابني وانا قعدت مكاني انفخ بزهق وبعدين قومت وروحتله ولما شافني قام واللهفه في عنيه 

:  وفاء!  انتي كويسه 

_ اه انا كويسه الحمدلله  ليه 

: بيجاد بيقولي كنتي هتتخطفي تاني  صحيح الكلام ده 

قال بابا 

_ كلام ايه ده يا وفاء  ،  الكلام ده حصل بجد 

:  اه بس بسيطه  انا كويسه ومقدروش يخطفوني الحمدلله  

_ يعني ايه بسيطه  ازاي متقوليليش  

:  محبتش اقلقك عليه يا بابا 

قال حامد 

_ مفيش حاجه اسمها محبتيش تقلقيه  ، تاني مره حد يوصلك الجامعه   ولو تسمحلي ياعمي انا هخصصلها سواق بعربيه يجيبها و يوديها كل يوم 

:  لا طبعاً  ،  انا تمام مفيش حاجه هتحصل

قال بابا 

_ انتي تخرسي  ،  بقا تخبي عليه حاجه زي دي مش كفاية اللي حصل 

:  يابابا... 

_ خلاص يا وفاء  ،  انا موافق بيجاد يجي يعيش معانا وهو يوصلك ويجيبك بعربيته لأما حامد هو اللي يوصلك او يخصصلك حد زي ما قال 

جيت اتكلم ف قال حامد 

:  وانا مستعد من دلوقتي هتلاقي عربية بسواق تحت البيت يوديها ويجيبها 

_ يا جماعه انا مش.... 

قال حامد بمقاطعه 

:  بطلي نشفان دماغ  المرتين اللي فاتوا عدت علي خير المره الجايه مش هنعرف ممكن يحصلك ايه  

حسيت بضغط شديد علي اعصابي ف قولت بزهق 

_ ماشي اللي تشوفوه  ،  عن اذنكم هكمل مذاكره 

سيبتهم ورجعت الاوضه 

وانا هنفجر من الغيظ وبعد شويه دخل عليه بابا يزعق ويعاتب وانا بقيت اقول حاضر حاضر حاضر  لغيت ما خلص وسابني وبعدها قعدت علي المكتب ولسه مش قادره اهدي ف مسكت

 التليفون اشوف اذا بدر رد ولا لسه بس لقيته لسه قافل كنت هبعتله تاني لكن تراجعت وقولت ميصحش  وبعد شويه فتحت تاني ف لقيته شاف الرساله ومردش  وده خلاني

 اتضايق اكتر معقول ميهتمش لما اقوله كنت هتخطف  ...  

             الفصل الخامس والثلاثون من هنا 

   لقراءة باقي الفصول من هنا

تعديل المقال