رواية ذئاب لا تعرف الحب
الفصل الثالث والثلاثون33
بقلم نجمه براقه
كان طموحي من وانا صغيرة اني اكون دكتوره بس محدش كان هيقبل اني اسافر وادخل كليات بره المحافظه ولا حتي بره النجع ولما قلبهم رق عليه بعد محايله ومناهده طويله وافق ابوي اني ادخل معهد تمريض بعد ما خلصت الثانويه وبعدها اشتغلت في المستشفي الوحيدة اللي في النجع وبقالي سنتين شغاله فيها بحضر عمليات وكشف مع الدكاترة واراعي مرضي و بفتح عيني علي كل حاجه عشان اكسب خبرات بعد ما فشلت في تحقيق حلمي وحرموني ادخل كلية الطب مع ان مجموعي كان يسمح.
دي احلامي الصريحه اللي بقولها لأي حد معدي لكن في حلم تاني بحلم بيه من وانا في ابتدائي وافتكر انه من سابع المستحيلات يتحقق لكن عايشاه وبتمنا يجي يوم ويكون حقيقة.
انا جميله وده اسمي وصف لشكلي ، لكن الحمدلله اهو وش الناس يعرفوني بيه وخلاص عاديه يعني
_ جميله!
قالتهالي زميلتي لما كنت في اوضة بشوف مريض تعبان وبعد ما خلصت امعاه طلعت وقولت
: ايه
_ الدكتور عاوزك
: طيب هروحله
مشيت وانا برمي الصباح علي اي حد معدي في وشي ومبسوطه مش عارفه ليه بس هي دي عادتي هايفه وبصنع سعادتي من حاجات مش موجوده وده سبب نبر الخلق عليه ..
وصلت اوضة الدكتور وقولت
_ صباح الخير يا دكتور
: صباح النور ، تعالي اقعدي
قعدت وقولت
_ أمرني حضرتك
: ظروفك تسمح براعية مريض في بيته
_ اباي يا دكتور دي فيها قطع رقبة
: خساره ده انا قولت مفيش غير جميله هي اللي تنفع في بيت رضوان
_ مين؟!! رضوان العربي
: ايوه الممرضه اللي هناك من وقت موت مرات عبيده وهي خايفه وكل شويه تقولي عاوزه امشي ، بس خلاص انا هشوف غيرك...
_ له!!!! انا هشوف وارد عليك هقدر اقنع ابوي
: مش لسة بتقولي فيها قطع رقبة
_ وهما يقدرو يقطعو رقبتي ده انا رايحه في بيت رضوان حامي النجع ، انا هقنعهم
: ماشي ، روحي شوفي ظروفك وتعالي ردي عليه بسرعه علشان اتصرف في واحده غيرك لو مش هتقدري
قولت وانا بقوم
: حاضر
طلعت من عنده وانا فرحتي مش سيعاني وشكل الحلم التاني هيتحقق، جريت علي البيت ودخلت علي ابوي وفي يدي خمسمية جنيه ادتهمله وقولت
_ صباحك نادي يابو جميله
قلب في الفلوس وقال
: هو ده مرتبك فين بقيت الفلوس يابت
_ له يابوي دي فلوس حوشتها من بقشيش وفرايح واكده ، المرتب لسة بدري ما انا جيبهولك من اسبوع لحقو يدوني مرتب تاني
: ايوه زينين اهم يمشو الحال ، بس ايه رجعك
قولت بحزن مصطنع
_ رجعوني علشان رفضت اراعي مريض
: رفضتي ايه؟!!! ليه رفضتي ياست الدكتوره
_ يابوي دول عاوزيني اروح بيت رضوان اراعي ولدهم وكل اللي طالع عليهم اهناك هتكسبي كتير ، رضوان يده فرطه وهيديكي بالالف بس انا قووووولت له مريحاش
: يجيكي قطر ، ما تروحي وهما بعدو طب ده بيتهم اقربلنا من المستشفي ، قومي يابت روحي قوليلهم هروح
_ يابوي ماهووو....
: قولت قومي
_ يابووووي والله ما عارفه اقول ايه ، حاضر يابه رايحه بس متزعقش اكده غلط عليك ، ارتاح يابوي ، اجيبلك الشيشه شكلك مشيشتش النهارده
: له قومي الحقيهم قبل ما يودو واحده غيرك
_ حاضر
سبته وطلعت اجري وانا فرحانه ومش معبره حد ولا مديه اهتمام لكلام الناس و وصلت المستشفي انهج من الجري دخلت عند الدكتور وقولت
: وافقوا ، انا جاهزة
_ طيب الحمدلله خلاص اجهزي بغيارين كده علشان تروحي بيهم
: له ملهاش لازمه اصلا بيتنا قريب من السرايا بعشر دقايق مشي ، ف لما أعوز استحمي هروح استحمي اهناك وارجع
_ ماشي بس تكوني متاكده ان وقتك يسمح انك تروحي
: اكيد طبعاً
_ ماشي انا هبلغ بدر وبعدين اقولك تروحيلهم
: ماشي يا دكتور متشكره
طلعت من عنده وانا مش قادره اسيطر علي ابتسامتي وبفتكر شكل اللي معذبني من زمان يابووووي علي جماله
#ورد
مكنش عبيده قاعد في البيت وزيد كان بيبكي ف روحتله وقعدت جمبه العبه والهيه لغيت ما بطل بكا وانشغل بالعب وبردك فضلت جمبه هو وبشر العب امعاهم علشان ميرجعوش يبكو ويحزنوا كتير وبعد وقت واحنا علي الحاله دي عبيده فتح الباب ولما لقاني قاعده وبنلعب والعيال مشغولين امعاي طلع ورزع الباب وراه والعيال خافوا ف قولتلهم يكملوا لعب وملناش دعوه بيه وبعد وقت جه وقال بنرفزه
: اطلعي بره يا ورد
وقفت وقولت بحرج
_ ليه ، في ايه
: انا مش قولتلك ملكيش دعوة بعيالي
_ ايوه بس هما كانوا بيبكوا وعاوزين امهم
: عاوزين امهم مش انتي ، متبقيش تقربيلهم تاني
نزلت دموعي وانا شايفاه بيكلمني اكده ف قولت بعند
_ هقربلهم ، انا خالتهم ومش هسيبهم يبكوا وحزانه علي امهم علشان انت عاوزه اكده
: و انا معوزكش تقربيلهم!!! دول عيالي انا !!
قال اكده ف لقينا عمي داخل وفي يده عصايته ونظراته بتقول يا شر اشتر وقال
_ في ايه ياد بتزعق ليه
: مفيش
بصلي عمي وانا بداري في دموعي
_ ضربك؟!
هزيت راسي بنفي ومشيت من عندهم
#عبيده
بعد ما مشت ورد انا طلعت من الاوضه ف قالي
: وقف عندك!!
وقفت وبصيتله من غير رد ف قال بعد ما جه و وقف قدامي
_ مالك بالبت ، بتزعق امعاها ليه
: بقولها متقربش لعيالي تاني
_ متعملش ايه ياخوي!! ، طيب دي هتقرب منك انت ذات نفسك ، مين هيربي عيال اختها غيرها
قولت بتعند
: ابوهم عايش يربيهم هي ملهاش دعوه بيهم
_ بطل رط لا ازعقك ب العصايه ، انت هتجوز البت دي
: نعم !!!! مين ده اللي يتجوز
قال وهو بيرفع عصايته وانا عارف ان كلامه ده بدايه لمشكله بيعملها علشان يخلص مني زعيقي فيه
_ انت هتجوزها
: انت هتجوزني علي مزاجك؟!!! طيب له ولو فيها موته بردو له
قولت اكده وقلم نزل علي وشي ملحقتش استوعبه وبعدها ضربني في رجلي بالعصايه حسيت رجلي اتكسرت من شدة الضربة ف قال وهو لسه بيضرب و شجر بتمسك فيه وتحلفه يسيبني
_ انا قولتلك هربيك ، بعدي يامره!!!!
ضرب العصايه وقال
: فاكرني عجزت ياد ، ده انا اكسرك واكسر بلدك زيك ، يامره بعدي !!!
زقها ورجع ضربني في وسطي والمره دي صرخت لأن جمبتي وجعتني قوي و وقعت وبقيت اتلوي من الوجع وكان هيضرب تاني لغيت ما لقيت ورد واقفه في وشه وبتمسك في العصايه وتقول وهي بتبكي
_ بزيادة يا كبير امانه اكفايه
بحلقلها وقال
: وسعي يابت!!
قالت وهي بتبكي
_ هيموت في يدك ، ده ولدك حرام عليك
قالت اكده ف نزل علي وشها بقلم حسيتها داخت من شدته ف بعدتها شجر وهو رجع يوقف قدامي وانا بتلوي من الوجع لسة ويقول
: والله في سماه لو ما اتعدلت لا اعدلك
مخوفتش ولا كأني سمعته ف بصتله وغيظي باين في عنيه وقولت
_ بردو مش هعمل اللي انت عاوزه
: انت موتك حل يا ولد نفيسه ال *****
قال اكده و ضربه تاني نزلت علي ضهري حسيته اتكسر
#بدر
رجعت من بره واول ما دخلت من مدخل الجنينه وانا سامع زعيق ابوي ولما دخلت السرايا لقيت ابوي بيضرب في عبيده وعبيده ماسك جمبته وبيتلوي من الوجع ف جريت عليهم ومسكت منه العصايه وقولت وانا ببعده
: بتعمل ايه يابوي؟! حرام عليك بتضربه قدام عياله ، استهدي بالله وتعاله
بصلي بغضب وقال بصوت صدء في حيطان البيت
_ الواد!!! فاكرني هعديلوه قلت ادبوا عليه في المستشفي فاكرني عجزت ، له ياخوي ده انا المشاكل بتقويني اكتر يا ولد نفيسه ال ****** وهتجوزها غصب عنك ، روح نادي الشيخ يابدر هيعقد عليها دلوكتي
قال وهو بيتوجع
: مش هتجوزها لو هتموتني
شد مني العصايه وقال
_ يبقي هتموت
قال اكده وكان هيرجع يضربه بس وقفت قدامه ومنعته وانا بترجاه يسيبه ف قال وهو بيرفع العصايه عليه
: انت هتوسع ولا ارقدك جمبه انت التاني
_ يابوي الله يخليك بزيادة واللي انت عاوزه هيكون انا هخليه يوافق
: وانت هتخليه يتربي اكيد له ، هو مش هيتربي غير بالشمروخ لما ينزل علي راسه يكسرها
_ يابوي هيتربا يابوي!!! بزيادة احب علي يدك مشيفهوش بيموت والا شبل اللي بيأن جوه ده من الخوف ، بزيادة يابوي بزيادة!!!!
: ماشي بس لو متعدلش هكسر جسمه
قولت بانفعال واعصابي مضغوطه ودموعي بتنزل من الضيقه
_ انا اللي هكسرهولك يابوي بس حرام عليكم دي مبقتش عيشه دي !!!!
_ بتبكي يا مدلدل بتبكي انتوا رجاله انتوا ، ماشي وعزة جلالة الله لو ما عرفتكم كيه تسترجلوا لا البسكم طُرح واقعدكم مع الحريم في البيت
قال اكده ودخل وانا روحت ناحية عبيده اللي لسه واقع وبيتألم من جمبته وضهره ورفعته عن الارض وخدته لأوضته وانا ببص ل امي و ورد اقولهم يسكتوا العيال اللي بيبكوا وبعد ما ريحته علي سريره قعدت جمبه وقولت
: تعبان قوي
قال ودموعه ماليه عنيه
_ تعبان ولا ميت عاد مفرقتش
_ تروح الدكتور
: له
_ طيب في ايه عاد ليه المشكله دي
قال بصوت متحشرج
: وهي دي فيها ليه مانت عارف ابوك بيخترع اسباب يعمل منها مشكله
_ هو عاوزك تجوز مين
مردش ف قولت
: مين ما تقول
بعد عينه عني وقال
_ ورد
: ورد؟!
_اه
: طيب وانت مش موافق ليه ، علشان مرتك لسه ميته يعني
مردش ف قولت
_لو اكده دي حلها سهل ، اكتب الكتاب دلوك والباقي بعدين ، مش انت كنت عاوزها
: معوزهاش لو هي اخر واحده في الدنيا مش هتجوزها
_ ايه ده لييييه مش هي دي اللي حبيتها علي مرتك ومقدرتش تنساها حتي لما عرفت انها اختها
: ايوه
_ ايوه إيه ، مالك يعني هي حلوه في الحرام ولما النصيب يسمح تجوزها انت اللي ترفض
قال بصوت مخنوق
: دعاء...
_ مالها
: كانت عارفه وانا قولتلها هنساها وحاولت وفعلا بقيت اتجاهل ورد لأخر دقيقة بس....
_ طيب ما اديك حاولت لغيت ما ماتت في ايه عاد
: كلمة قالهالي بشر خلتني مش عايز ولا قادر افكر فيها دقيقه واحده... دعاء قالت قدامه اني مش مستنيها تموت علشان اتجوز اختها ، الكلمه نفسها خلتني اخاف افكر اتجوز ورد ، مع اني والله ما اتمنيت ولا جه علي بالي ان دعاء تموت علشان اتجوز اختها ، انا مكنتش عايز ولا اتمني اني ايتم عيالي ، ف كيه ممكن اتجوز ورد بعد اكده مش هقدر
قدرت احس باحساسه ف قولت بعد ما زاد أنين شبل وصوت الممرضه اللي بتهديه
: طيب روق دلوك وانا هرجعلك بس اشوف شبل
سيبته وروحت اوضة شبل لقيته بيتشنج وبيأن بصوت عالي ودموعه بتسيل منه بغزاره والممرضه وامه مقدرينش يهدوه ف قعدت جمبه ورفعته لحضني وقولت وانا بطبطب عليه
_ اهدي ياحبيبي مفيش حاجه خلاص المشكله اتحلت روق مفيش حاجه
هدي تشنّج جسمه بس كان لسه بيبكي ف قولتلهم يطلعوا وطلعوا وبعدين ريحتوا وقولت
: متخافش مفيش حاجه هتحصل تاني ابوك بس كان متضايق ودلوك هدي
فضلت دموعه تسيل وفكه يرتجف ف قولت وانا بمسك يده
_ متخافش انا هقعد جمبك
قعدت جمبه وهو نايم ساند راسه عليه لغيت مت هدي شويه وبعدها الباب خبط ودخلت الممرضه و واحده تانيه امعاها وقالت قبل ما اتكلم
: دي جميله الممرضه الجديده اللي كلمك عليها الدكتور
_ ايوه عرفتها تعالي
قربت مننا وهي مرتبكه ومش علي بعضها ف قومت وقولت
: هو ده شبل اللي هتراعيه
_ ايوه عارفاه
: هتعرفي تراعيه ولا جديدة في الشغلانه دي
_ له مش جديده ولا حاجه جنابك
: طيب شوفي شغلك
#جميله
بعد ما مشوا انا بقيت باصه ل شبل ومتوتره قوي مش عارف اتصرف وكأنها اول مره اشتغل في التمريض واتعامل مع مرضي ف قولت بربكه
: عامل اية؟!
انتبهلي و وجه نظري ليه ف قولت بربكه
_ انا اسمي جميله الممرضه بتاعتك من دلوكتي
رجع يبص بعيد ف سكت شويه لغيت ما خف توتري وبعدين قولت
: المحلول لسه فيه كتير و باين اكده انك مش محتاجه دلوك اكيد طول النهار معلقلك اكده، ايه رأيك نريحك منه شويه
بصلي من غير اي تعابير ف قولت بإبتسامة ناسيه اي ربكه وكأني اعرفه من زمان زي عادتي
_ انا عارفه انه مضايقك ، اصل انا في مره تعبت ف علقولي محاليل يومين كاملين كنت متضايقه قوي منه لغيت ما شالوه ف انا فاهم انت حاسس بأيه دلوك
قولت اكده وشيلت المحلول عنه وبعدين قعدت علي الكرسي اللي جمبه سريره وقولت
: اعرفك علي نفسي اكتر
اسمي جميله ، عرفاك هتقول انتي جميله انتي و انا امعاك ان ده مش منظر جميله ، لكن نعمل ايه خلقة ربنا واهو شكله الناس تعرفنا بيه وخلاص مش هندقق ، جبت مجموع في الثانويه العامه 99٪ وكان حلم حياتي من وانا وفي اللفه اطلع دكتوره بس تقول ايه محدش وافق وقال ايه!!!! عيب ، بزمه ده كلام ده انا كنت هشرفهم وهكون اول دكتوره في النجع
كملت بانفعال وانا ناسيه نفسي
: بس تقول ايه هما كل اللي عليهم معندناش بنات تبيت بره معندناش بنات تسافر علشان مفيش كليات طب في المحافظه يعني ، وضيعوا مني حلم سهرت ليالي علشان احققه ، يضيع فرد شرابهم فرده فرده البعده هههههههههه ، انا عارفه اني رغايه بس انا اكده ابلع لساني لو محركتهوش.
بقا باصصلي وشكله صدع ف قولت
: خلاص سكت ، طيب بقولك ايه انت اكيد بقالك شويه مدوقتش حاجه ، بس انا جيبالك حاجه حلوه ومش هتأزيك ، خد البناااااات اللي بيدوب دوب ده اكيد كلته انت وصغير دقيقه هوريولك
طلعت حلاوه اسمها مارشيملو لكن عندنا بنسميها خد البنات ف وريتهالوه وقولت
: اهي هي دي خدت البنات هتاكل حته صغيره علشان متتعبش
قربت منه وانا متوتره لأني جه اليوم ومش بس اكلمه ده انا هوكله كمان ف رفعته وخليت يدي ورا ضهره علشان مكنش مسؤل عن حركة جسمه وقولت وانا بقدمله علشان ياكول
: اتفضل
بقا باصصلي وساكت ف اشارتله بحواجبي وقولت
_ دي حلوه قوي ومش هتضرك
رجع يبصلها ف قربتها منه وداقها بلسانه مكنش يقدر يقطم ف قولت
_ دقيقه
قطعت منها حته وحطيتها في خشمه وقولت
: هي هتدوب متتعبش نفسك بالمضغ
بعد ما دابت رجع يبصلي ف قولت
: شكلك عاوز تاني ماشي بس حتي صغيره.
قطعتله حتي تاني وادتهاله وبعد ما دابت رجع يبصلي ف قولت
_ ههههههه له بزيادة ، بس طالما بتقدر تبلع ف انا هعملك شربه اكيد محدش دوقهالك مش اكده
رمش بعنيه ف قولت
: انا هدوقهالك اصل انا فاهمه كل حاجه وطول ما انا في المستشفي مفنجله عيني وبقرا كتير في حاجه تخص الطب عموما ف تلاقيني فاهمه اه امال ايه بيقولو عليه زكيه وبلقطها وهي طايره
دور عنيه بزهق ف قولت
: ورغايه فهمت قصدك ، خلاص ارتاح انا مش هتكلم تاني "
بصلي بضجر وعدم راحه ف قولت
_ عاوز تفضل قاعد؟!
رمش بعنيه ف قولت
: ماشي بس نرجعك شويه ونريحك زين "
سبت الحلاوة من يدي وحاوطته بالمخده والبطانيه من كل جانب وبقيت سانداه بيدي وهو بيبص للمكان حوليه كأنه طفل صغير ف لقيت عيني شارده فيه وفي شكله اللي من وقت ما شوفته وهو خاطف قلبي ومش مصدقه اني عنده وبراعيه...
حكايتي معاه بدات من زمان لما كنا في المدرسه من صغرنا بس هو كان سابقني بسنه وعمره ما شافني مع اني كنت قدامه طول الوقت في الفسحه ، كنت معجبه بيه لأنه كان احلي واحد في النجع كله ولطيف وطيب بشهادة الكل ، كنت بكبر ويكبر اعجابي بيه لغيت ما خلص ثانوي وسافر ومشوفتهوش تاني من وقتها غير لما حصلت مشكله فاطمه وابوه تعب وجابوه المستشفي ساعتها انا كنت براعي ابوه وهو بيت ليلتين اهناك وبردو مخدش باله مني وللاسف الشديد لما تعب هو ودخل المستشفي كنت اجازه ومشفتهوش ورجعت اسمع زي زي بقيت الناس انه تعب و واحده تانيه راحت امعاه بيتهم ف كنت هنجلط لأن حاجه زي اكده فاتتني
#بدر
اعصابي ونفسيتي باظوا كل حاجه بتضغط عليه لغيت ما بقيت حاسس اني بهلك من التعب وبعد ما طلعت فوق و حبست نفسي اول حد جه علي بالي وفاء ف مسكت التلفون وفتحت الواتس اب لقيتها فاتحه وبقيت متردد ابعتلها ولا لأ وبعد ساعة تقريباً وانا مش متجرء ابعت هي اللي بتبعتلي وقالت
: يا مصر
وقتها حسيت بسعاده نستني كل حاجة حصلت ف رديت في اقل من ثانية وقولت
_ ايوه
: ايه الاخبار ، في حاجه معاك ولا ايه
_ لا مفيش ليه
: بقالك كتير فاتح ودي مش بعاده انت مكنتش تمسك التليفون لاكتر من وقت المكالمه
_ لا عادي كنت قاعد ف فتحت ، وانتي بقالك ساعة فاتحه في حاجه؟!
: لا بس كنت في جروب الدفعه وبراسل زملائي عشان المحاضرات وبشوف ايه اللي حصل في غيابي
_ لقيتي كل حاجه بايظه صح؟!
: يعني مش قوي بس انا قدها هعوض كل اللي فاتني
ابتسمت وانا بكتبلها
_ قدها
: متشكره ، انت ايه اخبارك ، في حاجه معاك
لقيت نفسي بتكلم امعاها واحكيلها ف قولت
_ العادي بتاع كل يوم مشاكل ورا مشاكل
: كان الله بعونك والله ، طيب طمني شبل عامل ايه
_ من شويه اتشنج ودخل في حالة هياج عصبي بطلوع الروح هدي شويه
: ياقلبي عليه
مسكت نفسي بالعافية علشان مغلطش فيه ف قالت بعد ما اتأخرت عليها
_ طيب ليه حصله كده
: نصيبه هنعمل ايه
_ الف سلامه عليه والله شبل ده طيب وجميل ميستاهلش اللي هو فيه ده
كتبت بنرفزه
: طيب وجميل ازاي يعني ، ايه طيب وجميل دي
_ ايوه شاب كويس
سكت ومبعتش تاني علشان مقولش حاجه عفشه ف قالت
: اقولك يا مصر
_ ايه
: من وقت ما كلمتك المره اللي فاتت وانا عاوزه اكلمك واسألك عن حاجه
_ اسألي
: هتنهي ازاي الجواز
كنت ناسي وهي فكرتني ف قولت
_ ده انا كنت ناسي بس ساهله انا هروح للمأذون واخلص الاجرأت ويومين ولا حاجه والورقه تكون عندك
: هههههههههه معقول ياربي هطلق ربنا يسامحك
بهتت ملامحي بحزن وقولت
_ مريحتنيش بقا ف هطلقك انا زهقت منك
: انت اللي مفتري ومبيملاش عينك غير التراب ، هبهدلك في محكمة الاسره
_ باين عليكي معوذاش تطلقي
طال سكوتها قبل ما تبعت تاني وتقول
: هي كلها لعبه بس حقيقي توجع اني استلم ورقة طلاقي
_ طيب ايه مش عاوزاها توصلك؟!
: لا طبعاً عايزة ده انا بقول يارب تستعجل في انهاء الإجراءات دي
_ ممكن اسالك سؤال؟!
: اكيد
_ الاستعجال ده عشان هترجعي لخطيبك او علشان لو حد اتقدملك ولا علشان ميبقاش في حاجه ربطاكي بيه
طال سكوتها وبعدين قالت
: لا ده ولا ده ، بس عاوزه ارتاح
_ يعني مش هترجعي لخطيبك
: لا مش هرجع
ابتسمت وانا برد عليها واقول
_ ايوه ماهو اكيد مش هيرجع وخاصه اني سمعتك بتقوليله انه دائما يقولك انتي مش بتحبيني ، يعني عارف انك مش حباه
: صحيح ، بس انا مش محبتهوش علشان هو وحش ، محبتهوش علشان مكنش عندي وقت لحب ومشاعر انا كنت عايزة انجح الأول قبل ما افكر في ارتباط
_ودي ليها علاقه ب دي
: يعني ايه مش فاهمه
_ يعني انتي محبتهوش علشان مش فاضيه ولا في رايك ان لو كنتي هتحبيه كنتي حبتيه ف اي حاله
طال سكوتها وبعدين قالت
: مش عارفه ، صحابي بيقولو الحب بيدخل القلب في اي حال حتي لو كنت رفضاه او مشغوله ف افتكر ان حامد مش هو الشخص اللي قلبي ممكن يميل ليه
_ وانتي محدده مواصفات لشخص اللي هتحبيه يعني
: ايوه بصراحه ، زي اي بنت ليه مواصفات خاصه في الشخص اللي ممكن احبه لكن بعدين عرفت ان لا مش بالاختيار هو ممكن اي حد يقدر يحببني فيه غصب حتي لو كل حاجه فيه مكنتش في اختياراتي
حسيت بسعاده من رسالتها دي ومش عارف ليه خدتها علي نفسي ف قولت مكمل لكلامها
_ عندك حق ، افتكر الحب ده ملهوش قوانين وقواعد زي القدر او المرض بيصيب اي حد وملهوش كبير ومفيش قوانين تسري عليه ، ولا بيدنا نقول له مش عايز المرض ده عاوز المرض التاني
: هههههه عندك حق ابلغ تعبير عن الحب هو المرض
كتبت وابتسامتي علي وشي
_ صحيح
: طيب هل اصابك مرض قبل كده ، اكيد اصابك مع مراتك
_ لا الحمدلله لسه بصحتي ، وبنسبه ل مرتي ف هي كانت جوازه عاديه والله يرحمها مقصرتش في حاجه وكانت طيبه لكن مش مرض مرض يعني
: الله يرحمها
كتبت بعد تردد كبير
_ مش هسألك اصابك انتي ولا لا ، اجابتك وصلت من قبل
طال سكوتها وبعدين قالت
: ايوه
_ ايوه ايه
: مأصبنيش
_ ايوه طيب دلوك يصيبك ومتلاقيش منه علاج
: هههههههههه ربنا يحفظنا ، هسيبك بقا علشان انام ورايا محاضرات الصبح
_ ماشي ، بتوفيق
: متشكره ، تصبح علي خير
_ وانتي من اهله
#وفاء
من اول ما شوفته فاتح وانا بمنع نفسي من اني اكلمه لكن فشلت وقولت ك تبرير لنفسي وفيها ايه لما اكلمه ، عادي مفيش حاجه هتغير رايي ، واستسلمت لرغبتي وكلمته شويه ومكنتش حابه اقفل بس لقيت بيجاد باعتلي من رقم جديد ف قفلت مع بدر وراسلته هو
: هاي ممكن نتعرف؟
_ تبقي مشكله لو بتفكر تشتغلني وانت حاطط صورتك
_ هو انا عبيط لا دي دخله علشان الرقم جديد ، ايه الاخبار صاحيه ليه لدلوقتي
: أبداً كنت بشوف المستدجات
_ وشوفتيها
: ايوة وانت صاحي ليه
بعتلي صوره لبنت اول مره اشوفها وقال
_ ايه رأيك في دي
: جميله قوي بس مين دي اوعا يكون عروسه
_ دي فاطمة
حسيت بالحزن وانا بعيد تركيز في الصوره وبعدين بقول
: الله يرحمها كانت جميله فعلاً ، بس مورتهنيش قبل كده
_ مكنتش معايا
: الله يرحمها ويصبرك
_ انا كلمتك لأني مش قادر اهدا نهائي حاسس اني بموت كل ما افكر في اللي حصلها ، وحشتني قوي يا وفاء
قفلت المحادثه واتصلت بيه ف رد بصوت مخنوق
: الو
_ اه
: متزعلش ان شاءلله تلاقي اللي تعوضك
بقا ساكت شويه وبعدين قال ببكا
_ مش عايز عوض عنها مفيش حاجه في الدنيا هتعوضني عنها بعد ما حرموني منها ، كل ما افتكر اقول مكنش لازم اسيب النجع قبل ما اموتهم كلهم مكنش لازم اسيبهم عايشين
قولت ودموعي بتنزل
: حبيبي ادعيلها بالرحمة هي في مكان احسن دلوقتي
_ ايوه اكيد اي مكان هيكون احسن من بيتهم والقعده وسطهم دول ك*****ره مفيش في قلوبهم رحمة ، آآآه بس لو كنت بقيت هناك شويه والله ما كنت خليت واحد فيهم عايش مكنش لازم ارجع قبل ما اموتهم
_ حبيبي عشان خاطري اهدا ، قوم صلي واستعيذ بالله ، وادعيلها ده اللي هي محتاجاه دلوقتي هي مش محتاجه انك تقتلها حد
قال ببكا
: طيب اقفلي يا وفاء
قال كده وقفل ورجعت اتصل بيه وهو يقفل وبعدين قفل تليفونه وانا بقيت طول الليل قلقانه عليه ولما جه الصبح خرجت وروحت في طريقي ليه وانا في نص المسافه تقريباً اتنين وقفوا في وشي ف قال واحد منه وعينه بتتفحص جسمي
_ هو الحلو رايح فين علي الصبح كده
بعدت شويه وانا بقول
: عديني!!!
وقف التاني ورايا وهو بيقول بعد ما حوطوني
_ احنا عاوزين نتعرف بس ، انا عمرو 25 سنه 190 سنتيمتر 80 كيلو وانتي
زقيت ايده عني ف قال التاني وهو بيقرب
: انتي بقا غزاله 165 سنتميتر ، 55 كيلو مش كده ياض ولا انا معرفتش اقيم
_ صح بس قصدك فرصه مش غزاله
صرخت فيهم وانا بقول
_ ابعدو عني انت وهو !!!!
قولت كده ف لقيتهم بيشيلوني و بقيت اصرخ واشد في نفسي وهما وخدني ناحية عربيتهم اللي بتبعد مسافه عشرين متر تقريباً وفجأه لقيت.....