رواية ذئاب لا تعرف الحب الفصل الثالث والعشرون23بقلم نجمه
عبيده
شوفتها وهي داخله عند ابوي ومع اني عارف انها هترفض بس كنت قلقان قوي انها تسمع كلامه خوف منه او ان يغصبها زي ما غصب شبل وبعد وقت عدا من غير زعيق بدأت ارتاح شويه وعرفت ان مفيش غصب وأنه مش هيجبرها توافق ولما طلعوا التنين ابوي وقف قدامنا يقول ل أحكام
: عيطيلي الواد يا مره
قالت احكام وهي ماشيه ناحية اوضة شبل
_ حاضر يا خوي
قالت شجر
_خير يارضوان مالك بيه فيه حاجه
_ اصبري
_ حاضر ياخوي
كلنا سكتنا لغيت ما جه شبل اللي منزل عنيه ومش قادر يبصله و وقف قدامه وقال
: نعم يابوي
بصله من فوقه لتحته وقال
_ عروستك وافقت شد حيلك هتجوز اهه
نزلت عليه كلمته زي السهم وقوام عيني راحت ليها وانا مش عارف كيه قدرت توافق وهي عارفه انه عاوز غيرها ، وانا وهي عارفين ان في حاجه جوانا تجاه بعض وده مش احساس ده انا سمعت بودني كلام تماضر امعاها ، مكنتش قادر اتحمل وهاين عليه اشدها من شعرها واسألها عملت اكده ليه بس مقدرتش ف مشيت من عندهم بدل ما اعمل حاجه اندم عليها
#شبل
وقفت مكاني مش عارف اقول ايه ازاي وافقت عليه وهو عارفه اني عاوز ليلي قصدها ايه بموافقتها دي مكنتش قادر امسك نفسي ف قولت بغيظ
: و وافقت ليه...
وجهت كلامي ليها وقولت
_ وافقتي ليه يا ورد
نزلت جفونها وقالت
: عشان مش هلاقي زيك
قولت بانفعال
_ بس انا مش عاو.....
قطعت كلمتي خوف من ابوي اللي قال بعلو صوته
: شبل!!!! وبعدين! انا قولت إيه
_ اللي تشوفه يابوي... بالاذن انا داخل جوه
: اسمع الاول
_ نعم يابوي
: بكره هنجيب المأذون يكتب كتابكم
_ اللي تشوفه يابوي .. عن اذنك
قولت كده ورجعت اوضتي وانا حاسس اني هموت من القهر والعجز وقلة الحيله ، كنت هتجنن وانا مش عارف اتصرف ازاي وانا مغصوب علي الجواز من واحده مش عاوزها زيي زي البنات
#ليلي
استعيلته اكتر ما انا مستعيلاه وكرهتهم اكتر منا كرهاهم وحلفت ما هضيع فرصه اقدر آآزيهم فيهم ومأزيهمش واعذبهم ، بس كيه وكل حاجه مقفله في وشي حتي رضوان بعد ما كان بيموت رجع يوقف علي رجليه تاني زي العفريت ..
بعد ساعات وانا باكل في نفسي من الغيظ لقيت الني علي رايي ابوه كان طالع من اوضته وكان جواي كلام كتير اقوله ليه علشان اكده طلعت فوق قدامه وانا عرفاه هيجي وراي بس مجاش واللي جه حد تاني ، جت ورد و وقفت قدامي وقالت
: متزعليش ملكيش نصيب فيه
_ عادي حبيبتي كل حاجه نصيب ربنا يهنيكم
: تعيشي يا غاليه ، بس تعرفي انا مكنتش موافقه ، لكن وافقت علشان حاجه واحده
_ حاجه إيه دي
: علشان متوصليش للي انتي عاوزاه
بهتت ملامحي وانا شايفه التحول اللي حصلها ف قولت
_ يعني ايه ، بتتكلمي اكده ليه انتي
: علشان فاطمه وعشان خيانتك وغدر بيهم"
اتصدمت من كلامها ف قولت وانا بشد علي يدها
_ بتقولي ايه انتي؟!!!!
: ايوه خاينه تنكري
_ شحاده اللي حكالك ، قالك ايه انطقي بدل ما اقتلك ومحدش يعترلك علي جته
شدة يدها مني وقالت
_ إيوه حكالي وقالي علي اللي عملتوه مع فاطمه والدكتور
_ ده كداب .....
وقفت مكملتش لما افتكرت قلقه منها ف خدت نفس وقولت
_ واللي هو ايه ده اللي عملناه مع فاطمه والدكتور
_ انتي عارفه زين
_ طيب مانتي كمان شكلك عارفه ما تقولي
_ مش هقولك انا هحكيلهم هما "
فهمت انها معرفاش حاجه زي ما فهمت ان تماضر كانت بتراقبني لما قابلت شحاده ف قولت
_ طيب روحي قوليلهم واهو بالمره اعرف في ايه "
قالت بغيظ بعد ما خابت قدامي
_ انتي مش ساهله وحربايه باين عليكي ، بس انا غجريه ورقاصه كمان يعني مش هتغلبيني ، اتكلمي يابت و قولي حصل ايه ل فاطمه ودتوها فين انا عارفه زين انها مهربتش وانتو وشحاده عملتوا فيهم حاجه "
: انتي مجنونه يابت انتي ، فاطمه دي صحبتي واختي وكل غلطي اني كنت مرسال بينها وبين الدكتور
_ ايوه صح بأمارة ما فضحتيها في النجع "
قربت منها وقولت وعيني في عينها
: انا معملتش حاجه وانتي شكلك اكده عاوزه تتحديني في اي حاجه حتي لو هتخترعي كدبه وكل ده علشان شبل بيحبني انا واتغصب عليكي انتي ، بس فوقي لنفسك انتي روحتي ولا جيتي غجريه ورقاصه زي ما قولتي ، وانا متربيه اهنه من صغري يعني اقربلهم منك ف حلي عني وبلاش تحطيني في راسك علشان بعمل اصداع
_ بردك هفضحك وهعرفهم إيه اللي بيحصل من وراه ضهرهم واولهم شبل اللي بيحبك
: امممم شبل ، وشبل يعرف انك عينك من اخوه وهو عينه منك ومع اكده وافقتي عليه "
سكتت ف قولت وانا بحوم حوليها
_ ايوووه اكده خليكي ساكته و لمي نفسك انتي مش قدي "
بصتلي وقالت
: كلامك ده ميسواش عندي تعريفه ، انا مفيش حاجه بيني وبين عبيده بس انتي لو دورو وراكي هيلاقو كتير
_ ومين قالك اني قصدت عبيده مش بدر لما هو مفيش حاجه
ضربت علي وشها بيدي وقولت
: فوقي واعرفي انتي بتتكلمي مع مين ، انا تربية رضوان
_ بردك هفضحك وهعرف وهعرفهم عملتوا ايه في فاطمه ، وكل النجع هيعرف ان فاطمه مختفتش بمزاجها وانك انتي وشحاده اللي عملتوا فيها حاجه
مسكت يدها بغيظ وقبل ما اتكلم سمعت صوت شبل وراي بيقول
: ايه اللي بتقوليه ده
#شبل
طلعت فوق ف سمعت ورد اللي انا مش حامل اشوف خلقتها في البيت بتقول
: كل النجع هيعرف ان فاطمه مختفتش بمزاجها وانك انتي وشحاده اللي عملتوا فيها حاجه
وانا معرفش مين شحاده ده ولا عمل ايه بس اعرف ليلي ، اعرف انها لا يُمكن تأذي فاطمه بشكة دبوس ، واعرف ورد اللي رغم علمها اني مش عاوزها وكل المشاكل اللي حصلت بسببها وبردو وافقت عليه ف قربت بينهم وانا مش طايق اشوفها في وشي وقولت
: ايه اللي بتقوليه ده
لما سمعو صوتي وقفو يبصولي ف دخلت بينهم موجه نفسي وكلامي ليها
_ انتي ازاي تتكلمي معاها كده ، فاكره نفسك ايه؟!! ولا صدقتي انك بنت اخو رضوان وجايه تعيشي الدور وتكملي اللي اختك بدأته
نزلت عنيها وقالت
: انا مقولتش غير الحقيقه البت دي هي السبب في غياب فاطمه والكلام اللي اتقال عنها"
مكنتش مصدق ولا شكيت للحظه في ليلي وخاصه ان الكلام ده قالته واحده زيها وقبل ما ليلي تبرر وهي بتبكي انا سكتها وقولت
_ بتبكي ليه انتي مش محتاجه تثبتي حاجه انا عارفها ، انا مش ممكن هشك فيكي ، انتي مكنش في اقرب منك ل فاطمه
رجعت ابص ل ورد وقولت
: وانتي امشي من هنا وخلي عندك دم وقولي مش عاوزاني
بصتلي وقالت
_ مش قايله قول انت لو عاوز
قالت كده ونزلت وانا لحقتها بعنيه وانا نفسي امسكها ارميها من فوق وبعدين بصيت ل ليلي اللي بتبكي وقلت
: بتبكي ليه؟! انا مصدقش حاجه هي تقولها ، بطلي بكا
قالت وهي بتبكي
_ انا مزعلني ان ملقتش حد تتهمه بأذيه فاطمه غيري طيب ده انا من الدقيقة اللي اختفت فيها لا بقدر انام ولا باكول ولا بشرب ، يومها لما شوفتها طالعه وحسيتها ريحالوا طلعت وراها علشان ارجعها ومترحلهوش من خوفي لحد يشوفها
: ايه ده ، يعني انتي روحتي وراها يومها
_ ايوه روحت وراها بس ملحقتهاش
: بس انتي مقولتليش انك روحتي وراها
_ ما انا خوفت اقول
: اه....
سكت شويه وبعدين بصتلها وقولت
_ احكيلي حصل ايه يومها
_ حاضر هحكيلك ، يومها انا جيت من السوق ف قابلني الدكتور واداني ورقه ليها ولما ادتهالها قالتلي اطلع اشوف لو حد جه اقولها ، بس انا مقدرتش استنا وروحت لابوي لما نداني من الجنينه علشان الف امعاه الحبل وبعد دقايق لقيتها طالعه من السرايا ، كنت حاسه انها ريحالو ف دخلت قولت لأمي رايحه السوق وروحت وراها لغيت المعديه و ملقتهاش
_ اه وبعدين عملتي ايه
: رجعت البيت علي طول ودخلت اوضتي مطلعتش لأني كنت خايفه قوي حد يجي يسألني وبقيت جوه اوضتي لغيت ما جه بدر وسألني
_ اه فهمت ، بس مشتغليش بالك انا عارف انها كدابه ومش ممكن هشك فيكي
: تعيش يا استاذ شبل "
رجعت تقول استاذ تاني والمره دي معترضتش وسيبتها ومشيت وانا عقلي مشغول بيها و ب ورد اللي مطولتهاش تاني بعد المشكله دي ، كنت عاوز احاسبها علي كل حاجه
#ورد
حسيت نفسي وقعت في مشكله لأني اتكلمت من غير دليل وكنت خايفه ان شبل يتكلم ف يسألوني قولت اكده ليه ، ولكن شبل متكلمش ولا جه عندي زي ما كنت فاكره وبعد وقت لقيت تماضر جياني وقبل ما تتكلم مسكت فيها وقولت
: روحتي ل فهيم ولا له
_ له مروحتش في ايه مالك
: طيب تروحي دلوك توقعيه في الحديت لازم يقولك كل حاجه يعرفها
_ وه إيه اللي حصل
: مشكله!!! ، انا اتجنيت و واجهة ليلي وانا معنديش دليل عليها وشبل سمع
_ سمع ان هي اللي فضحت اخته وانها بتقابل شحاده
: معرفش سمع ايه بالظبط بس سمعني انا وبكلمها.. اجري يا تماضر ، خليكي مع فهيم شويه واساليه براحه يمكن يقولك حاجه
_ طيب افرضي مقالش
: وهو يقدر ده انتي تماضر ولو حطيتي حاجه في راسك هتعمليها
ابتسمت وقالت
_ صح ، ماشي رايحه وهجيبلك كل اللي عنده
طلعت وانا قعدت علي نار استناها وبعد وقت
الباب اتفتح ف قولت وانا بدور
: لحقتي تيجـ..
قطعت كلمتي لما لقيته عبيده بيدخل ويقفل الباب وراه جريت عليه علشان اطلعه وقولت وانا بمسك في دراعه
_ كيه تدخل عندي اكده ، اطلع
مسك دراعي وزقني قدامه وبقا باصصلي بغيظ وهو بيقول
: انا قولتلك ان شبل عاوز ليلي كيه وافقتي
_ انت جاي اهنه تقولي الكلام ده مستنيتش اطلع ليه ، افرض حد جه دلوك هيصدقو انك جاي عشان اكده ، اطلع يا ولد الناس متجبلناش نصيبه
: مطالعش يا ورد ، وانتي اللي هتطلعي تقولي مش موافقه
_ بس انا موافقه ، هلاقي زيه فين
: ورد مطلعيش جناني عليكي ، شبل مينفعش!!!
_ ينفع!!! انا عاوزاه وهو عاجبني ، ملكش دعوه بينا ، خليك في نفسك واطلع من اهنه
قرب مني وقال
: يعني مش هترفضيه وهو عاجبك
قولت بتوتر من قربه
_ ايوه
قرب اكتر وقال وعينه في عيني
: بس انا مش مصدق ، انتي وافقتي علشان حاجه تاني ، مش ورد اللي شافت من الرجاله كل صنف تحب شبل في الآخر
_ انا مقولتش اني حبيته قولت عجبني ومناسب وبعدين مالو شبل شاب زي الورد معجبكش في ايه
: انا مقولتش فيه حاجه ، بس ده مش ذوقك
_ ايه مش ذوقك دي هو فستان ده راجل ، وعجبني وهتجوزو انت ايه مزعلك
دار حولين نفسه وفجأه بصلي وقال
: مزعلني علشان اناااا بحبك... اهه جبتهالك من الاخر وخدي دي كمان ، وانتي كمان مياله ليه
بقيت بصاله بصدمه ومتكلمتش لغيت ما مسك يديه وقال
_ ورد اسمعيني ، حتي لو مش هينفع نتجوز بس علي الاقل مبقاش بفكر في مرت اخوي
شديت يدي منه وقولت وانا دموعي في عيني
: اطلع بره يا عبيده قبل ما الم عليك الناس ، امشي !!!
_ لميهم انا مخايفش من حد وانتي هترفضي شبل وهو دلوك هو مش عاوزك وهيفرح لو رفضتيه احسن ما بعدين يحس بحاجه
: يحس بايه!!! مفيش حاجه يحس بيها ولو انت عينك طايره علي كل حاجه ف دي حاجه تخصك بس انا له ، انا عمري ما قلبي مال لراجل علي وش الدنيا عشان يميل لجوز اختي
_ مال ليه يا ورد ومن قبل ما تعرفي اني جوز اختك ، انا سمعت كلام تماضر امعاكي وهي بتقولك ان كان لازم اجي عشان تفوقي كانت عارفه انك حباني
بكيت وانا بقول
: يا ولد الناس امشي متجبلناش نصيبه بحديتك ده ، امشي
زقيت يده ف مسكني وقالي
_ ماهو انتي لو مروحتيش قولتي مش عاوزاه انا مش هبطل وهتبقي انتي السبب في خسارتي لاخوي
قولت ببكا
: وانت هتبقي السبب في خسارتي لاختي ، امشي احب علي يدك امشي وسيبك من الكلام ده ، انا مفييش حاجه من ناحيتك
قال وعينه في عيني
_ ماشي بس انا ف قلبي حاجه من ناحيتك ، انا حبيتك من اول مره شوفتك فيها وانتي شغلاني وكنتي بتشغليني في كل مره اشوفك فيها اكتر من الاول .
قرب مني وقال
: ارفضيه يا ورد
مردتش ف كمل قرب وقال وهو بيحط يده علي وشي
_ انا بحبك وانتي حباني كيه هتكوني مرت اخوي
نزلت دموعي اكتر وانا بصاله وهو بيقرب ويلمس خدي بشفايفه ويقول وانا تايهه ومش حاسه باللي بيحصل
: انا هطلق دعاء ونتجوز
وقتها فتحت عنيه وزقيته عني وبعزم ما فيه اديته بالكف ف حط يده علي وشه وبصلي وهو ساكت ف قولت
_ اطلع بره يا عبيده لحسن ودين الله ماهخاف من حاجه وهلمهم عليك
مردش ف زقيته وقولت
: اطلع بره !!!! ما تطلع
اتنهد وقال
_ ماشي ياورد بس افتكري اني جيت قولتلك اللي هيحصل وانتي اختارتي
: طيب اطلع ... استنا!!! هشوف لو في حد بره ولا له
وقفته وطلعت وبصيت في المكان ملقتش غير شجر داخله اوضة عمي وبعد ما دخلت شاورتله عشان يطلع وطلع وقبل ما يتكلم قفلت الباب في وشه وبعد دقيقة تقريبا الباب خبط افتكرته هو قبل ما تدخل بوشها الشؤم وتقولي
_ وه وه كل ده حب ههههه وجايه تبجحي امعاي انا يا رقاصه ده انتي وقعتي وانا استلقيتك
: انتي عاوزه ايه ، فاكره نفسك ماسكه عليه زله يعني له متحلميش عبيده ولد عمي وجاي يطمن عليه
_ ايوه ما انا سمعت بودني وهو بيطمن
قربت مني وقالت بتحذير
: انا ايوه معملتش حاجه اخاف منها بس لو ملمتيش لسانك عني هفضحك
_ وانا مخيفاش منك ومش هلم لساني
: ماشي وانا لو اي حاجه منك اتقالت عليه هقولهم اللي سمعته ودعاء هتصدق لانها من قبل ما تيجي وهي عارفه اللي فيها ، ماشي يا رقاصه
مردتش عليها لأني كنت خايفه صح انها تحكي ف سكت يكون تماضر جت يمكن تعرف حاجه من فهيم
#ليلي
مكنتش هقول دلوك وكنت هستنا يكتبو الكتاب وقتها لو حد عرف او زنقوهم هتبقي دي الضربه القاضيه من صح وعشان اكده استنيت شويه وانا اعرف كيه اخليهم يتزنقو..
بعد ما طلعت من عندها روحت السوق و في وسط الزحمة حد خبط فيه وقع مني الخضار وانا بلمهم لقيت اشحاده قدامي بيلمهم امعاي وبيقولي
: مفهمتش منك حاجه في التليفون ، احكي حصل ايه
حكيتله تاني اللي قولته في التلفون وزيدت عليهم اللي حصل لما شوفت عبيده داخل عندها ف قال
_ يعني هي شاكه ان احنا اللي خافين فاطمه
: ايوه وبتدور ورانا هي والبت التانيه
_ يبقا لازم يموتو هما الاتنين
: ملهاش لازمه اكده اكده هي رقبتها تحت رجلي هتخاف تتكلم وكمان معندهاش حاجه اكتر من الشك
_ لا عندها انا قولتلها تروح لدكتور تضربله الودع وتقنعه يهرب يعني عارفه نيتي ومتأكده من اللي بتقولو
: ايوه بس معندهاش دليل ، وانا هعرف كيه اخليهم هما يقتلوها بيدهم لما يعرفو باللي بيحصل بينها عبيده
_ وامتي ده بعد ما تتكلم
: هي معندهاش حاجه تقولها وكتب كتابها علي شبل بكره يعني هتوقع نفسها في المصيده وهتموت والاخوات مش بعيد يقتلوا بعض
_ متاكده من كلامك ده ولا ده رغي حريم
: متأكده
قولت وانا بقوم
_ متشغلش بالك انت سيبهالي انا هسويها زين
قولت اكده ومشيت علي طول علشان محدش ياخد باله ولما وصلت لقيت شبل وعبيده في الجنينه ولما شافني قال حاجه لعبيده ف قام وهو شاورلي وروحتله
_ نعم يا استاذ شبل
: مخدتيش البنت التانيه تساعدك ليه
_ مش محتاجاها
: اها... طيب انا كنت عاوز اتكلم معاكي
_ ملهوش لازمه الكلام دلوك يا استاذ شبل ، مبقاش ينفع ، ركز مع خطيبتك وربنا يسعدكم
: ببساطة وبسرعة دي قبلتي
_ مفيش بيدي ولا بيدك حاجه مقدمناش غير اننا نقبل ونرضا
: بأيدينا نهرب ونتجوز
_ نهرب؟! حتي بعد الفضايح اللي حصلانه تقولي نهرب ، له يا شبل مش انا اللي اوطي راس اهلي
: ما فاطمه هربت ، ولا حبك ليه اقل منها
_ معرفش ، هي قدرت بس انا مقدرش ، ويمكن مموافقاش لأني مش محتاجه اهرب علشان هكون طول الوقت شيفاك وقدام عيني ومش هتحرم منك زي ماهي كانت هتتحرم منه
: وهو انا لما اتجوز واحده تانيه غيرك كده مش هتكوني اتحرمتي مني
_ يكفيني اني اشوفك واكون مطمنه عليك ، انسا يا شبل وركز ما خطيبتك "
قولت اكده وسيبته
#عبيده
بعد ما طلعت من عند ورد روحت الجنينه وكنت قاعد زي المجنون وبفكر في حل يوقف الجواز دي ف ملقتش غير اني اقول ل شبل يمكن يقدر يمشي وميجيش وقت العقد ، وبعد شويه لقيته طالع ف بقيت انادي عليه بس مردش عليه وطلع بسرعه ف رجعت قعدت وانا بفكر في طريقه اقوله بيها يمشي من غير ما ابينله حاجه ف استنيت لغيت ما جه من بره و قعد جمبي في الجنينه ف قولت بتوتر
: ايه يا شبل مالك
_ مالي ياخوي
: زعلان مني ولا ايه
_ انت شايف ايه ، ازعل ولا مزعلش بعد اللي عملتوه انت وبدر
: حقك عليه انا كنت فاكرها هترفض معرفش وافقت ليه
_ علشان هي رقاصه وغجريه وملقتش حد يربيها هيكون ليه
رغم ضيقتي من كلامه بس معلقتش وقولت
: سيبك منها انت تلم شنطتك دلوك وتروح الكليه وهما يخبطو راسهم في الحيط
بصلي وقال
_ وانت فاكر ان ابوك هيسيبني ، ده قام من الموت عشان يجوزهاني ف تفتكر هيصعب عليه يجيبني من الكليه
: مهيقدرش يجيبك غصب اسمع مني ولم خلقاتك وسافر
_ لا مش ماشي
: ليه مش انت مش عايز تجوزها
_ اه بس احنا امتي بنعوذ احنا بنفذ وبس ، ومش هي وافقت عليه ، هنشوف هتستحمل رزالتي وصدي ليها لامتي ، انا هعرف ازاي اكرها في عيشتها
جيت اتكلم ف قالي لما شاف ليلي
: بعدين يا عبيده ، عاوز اتكلم مع ليلي دقيقة ممكن تسيبنا
قولت بتنهيده
_ طيب
« قبل وقت»
لما روحت ل فهيم لقيته متبهدل والعيال بيلفوا حوليه ويشدو في جلبيته ويضربوه ف جريت عليه وزعقتلهم وبعدتهم من عنه ومسكت يده وهو بيبكي بعجز ف قولت وانا باخده بعيد عن الخيام
: متزعلش
قال ببكا
_ انا علي الحال ده من وقت ما مشيتي ، كنتي فين
: معلش ، تعاله وهحكيلك
خدته بعيد وفي طريقي وقفت اشتريتله حاجه ياكولها وكملت بيه لحته جمب الزرع وقعدنا واستنيت يكون خلص وكل ف قولت
: صحه وهنا
_ تعيشي يا تماضر والله ما عارف انا كنت كارهك ليه مع ان مفيش غيرك سأل فيه
: احنا اخوات مهما يحصل ، متزعلش نفسك
_ تسلمي
: طيب طمني عليك ايه اخبارك
_ اديني عايش زي الميت العيال بيلعبو بيه زي الكوره
: طيب وشحاده سايبك ليه ده انتو كنتوا طول الوقت مع بعض زي الواد وابوه
_ شحاده؟!! داهيه تجحمه
_ ليه ماله
: مالهوش
_ ما تقول انت خايف مني
: مفيش حاجه اقولها
_ ماشي بس انا هعرف ليه اصلا هو بيكلمني كل شويه يطقس علي اخبار رضوان وعياله وهسأله
: شحاده بيسألك انتي ، ليه
_ هو مقالكش انه بعتني اطقس عليهم بعد ما اداني خاااااتمين وسلسله وبحالهم
: اهااا وانا اقول روحتي فين ، طيب و ورد عارفه كده
_ له هو قالي مقولش و ورد لو عرفت هتطير وراي من اهناك ومش انا بس دي هتطير ورا ليلي كمان
: وكمان تعرفي ليلي ، طيب والست ليلي ايه دورها
_ زيها زيي بس هي طلعت بلوه والله شيبت راسي لما عرفت اللي عملته مع فاطمه صاحبة عمرها وانها متفقه مع شحاده
: دي اه منها ، دي تدخلك البحر وتجيبك عطشانه ومع انها صغيره بس قويه وقادره عملت العملته ولا بان عليها هه وبسببها النجع كلها بتقول فاطمه هربت مع الدكتور ، وبسببها انا عميت
_ انت هتقولي ما انا عرفتها . اممم والا حكاية فاطمه دي كمان انا مصدقتش اللي بسمعه ولغيت دلوقتي بقول لا دي بت غلبانه مش باين عليها
: ما ده اللي انا قولته قبل ما اشوفها بعيني وهي بتخبطها بالحجر في دماغها ، والله اللي انا فيه شكله ذنب فاطمه
شهقت بعلو صوتي وقولت
_ ضربتها كيه؟!
كنت غبيه في الحركه دي وبان اني معرفش ف قال
: ايه ده يا تماضر انت مش عارفه وبتوقعيني
قام وهو بيقول
_ الله يخربيتك شحاده هيدبحني لو عرف "
جه يخطي ف وقع وانا قعدت جمبه وقولت
: لا والله انا معرفش انها ضربتها بس صح شحاده هو اللي موصيني اتجسس عليهم ، احكيلي ومتخافش انا اقدر اخدك بعيد عنه وميطولكش
قام تاني وهو مادد يديه قدامه
_ اسكوتي يا تماضر واحسنلك محدش يعرف ، ليلي نفسها لو عرفت هتقتلك "
بقا ماشي وانا وراه وبقول
: يا حمار افهم لو رضوان عرف هيحميك ويحمينا
_ اسكوتي!!!! رضوان لو عرف هيقتلني معاهم
بقيت اسأله وهو علي نفس الكلام ومفهمتش حاجه ف رجعته عند الخيام وجريت علي ورد حكيتلها اللي قاله بالحرف وقتها شهقت وهي بتقول
: بتقولي ايه ، يعني ممكن تكون فاطمه عندهم دلوقتي ومخبينها ، او مش بعيد يكونو قتلوها ، بقولك ايه انتي تروحي تاني لفهيم متسبهوش غير لما تعرفي حصل ايه
_ الواد خايف ولما قولتله رضوان هيحميه قالي لو عرف هيقتلني امعاهم
: يبقا شكنا في محله هما عملوا حاجه ف فاطمه والدكتور كمان ... تماضر ياختي انتي لازم تروحي تاني ومتسبيش فهيم غير لما يحكيلك كل حاجه طمنيه إن رضوان مش هيأذيه لو هو اللي جه وحكي ، او اديلوه فلوس... دهباتي اللي سيبتهملك امعاكي صح؟! ادهمله خليه يعمل عمليه بس يقول
: وه يا ورد مضحيه فيه ده الواد كان مرعوب من شحاده ولو شحاده عرف هيقتلنا انا وهو
_ ومن ميته تماضر حد بيغلبها كلنا عارفين انك ناصحه وبتعملي اي حاجه تعوزيها
: ايوه بس انا خايفه
_ يابت وانتي هبله يعني علشان تتكشفي قدام شحاده ولا متكلهوش بالحديت لو شافك ، مانتي قدرتي تاخدي نص الكلام من فهيم ببساطة يعني تقدري تاخدي الباقي وتحطي شحاده تحت عبك ولا يعرفكيش ""
مشكلتي اني غشيمه متعافيه وكلمتين زي دول بيزودو حماسي ف وافقت وقولت
: ماشي بس بكره مش رايحه النهارده
_ اختي انتي وقويه روحي النهارده
: قولت بكره ، خلصي وبطلي تضحكي عليا ، انا رايحه اكول جعانه
سيبتها ومشيت علشان عرفاها هتقدر تضحك عليه لو قعدت تاني
#وفاء
من وقت ما شوفته في المكتب مشفتهوش تاني وتقريبا مباتش في البيت وتاني يوم الصبح نزلت وبقيت ادور عليه بعنيه يمكن اشوفه وبردو ملقتهوش ف دخلت المطبخ لقيت امه وباقي الستات هناك وكله شغال ولما سألت في ايه قالتلي
_ النهارده كتب كتاب شبل و ورد وبنطبخ للمأذون والناس الجايين
: اه الف مبروك
قولت بعد تردد كتير قوي
_ امال فين بدر يا حجه
بصتلي وقالت
: بدر؟! في المكتب يابتي ، في حاجه
_ لا مفيش حاجه بسأل عادي اصله من امبارح مضايقنيش بشكله ده ف بسأل "
ابتسمت وقالت
: في المكتب يابتي ويمكن شكله ميضايقكش النهارده كمان مش باين انه هيحضر
_ احسن بردو ... طيب اساعدكم في حاجه
: ههههه له روحي ارتاحي انتي يكون جهزنالك الفطور
_ لا لا انا هاكول اي حاجه
: ماشي يابتي
جبت رغيف وكلته علي كده وانا وطالعه من المطبخ شوفت العيال بيلعبوا بالمكعبات ف قربت منهم وقولت
: بتلعبوا ايه
قال الكبير واللي اسمه بشر تقريبا
_ بنعمل اتوبيس
: طيب العب معاكم
قال الصغير
_ له انتي كبيرة
قعدت جمبهم وقولت
: انا يبان عليه كبيره بس عقلي اصغر منكم ومتقوليش كبيره اهو انت الكبير وستين كبير كمان
عقد حواجبه وقال
_ له مش انا الكبير جدي وعمي هما الاكبار
: طيب ومالك زعلان ااااكده
_ علشان بتقولي عليه كبير
: خلاص اسفه مش هقول تاني بس ممكن العب معاكم
قال بشر
_ العبي
بوسته وقولت
: ونبي انت سكر مش زي ده
بصتله وهو مكشر وقولت
_ ونبي هو بعينه ، يقربلك بدر ؟!
_ ايوه عمه عاوزه ايه
جاتني الكلمه دي من ورايا ف قومت بسرعه وانا قلبي بيدق ف بصتله لقيته هو ف وقفت لثواني اخد نفسي وقولت
: ولا حاجه بهزر معاه بس
_ بقيت هزار انا
: مش قصدي
_ ولا قصدك ، زين انك اهنه ، خليكي العبي مع العيال اكده يكـ.
قاطعته وقولت بغيظ
: قصدك ان انا عيله طيب ايه رايك هلعب ومش انا اللي عيله انت اللي معقد
قولت كده عشان افتكرته بيستهزء بيه ف قعدت وبقيت العب مع العيال شويه ولما رجعت ابص عليه ملقتهوش ف طلعت فوق ودخلت الاوضه وقعدت علي السرير شويه وبعدين اترميت وغمضت عيني وتلقائي لقيته حضر في دماغي وشاغلني بالتفكير فيه وكل ما افتكر المواقف اللي حصلت بيني وبينه تترسم ابتسامه علي وشي و ....