![](https://blogger.googleusercontent.com/img/b/R29vZ2xl/AVvXsEhnKUl2FytBN2r2uovhMgqV1nuztDc_BDBcGNsOuygbhS9pkX56Up6zfBWMYHifcS60DaTRRMrkUPyAKxbR82ktM46KWi4jltJXk8LE9LkPRKzd2MSmeh30ns6Qzx62HOtuj_X5osv-IWWzyrN9Wve6LtyircE20tkDrxuIFzNICNIOU8l6npu6mzysGnZ6/s320-rw/FB_IMG_1706804990546.jpg)
رواية عشق الفهد
الفصل الثلاثون30
بقلم شيماء ناصر
فهد وشه اتغير من قلق لي سعاده:اب ااانا... انتي متاكده
الدكتورة: طبعا متاكده اومال انا دكتوره ازاي انا كتبتلها علي مقويات وفتامينات وياريت تلتزم بالمواعيد وتاخدهم في وقتهم هستاذن ومبروك مره تانيه
فهد دخل لي عشق وقعد جنبها علي السرير وباس راسها.... انتي خلتيني اسعد انسان انهارده
عشق بحب: ربنا يبسطك كمان وكمان يارب وانا مبسوطه عشان هحقق حلمك وهجيبلك الولد... العشاء جاهز يلا عشان ننزل
فهد باصرار: مفيش الكلام ده انتي هتفضلي في السرير ومش هتتحركي
عشق بتكشير: الدكتوره قالت اني لزم اتحرك ولزم اتمشي كمان
فهد: وانتي بق هتسمعي كلامي مفيش نزول تحت هخليهم يطلعو العشاء هنا
عشق: حور جت هنا
فهد بغضب:جت تعمل اي
عشق: اهدا هي بس جت تاخد حاجتها
فهد:اياكي تدخليها تاني انتي فاهمه ولا لا
عشق هزت راسها: حاضر
فهد بتمالك اعصاب:شويه وجاي انتي استريحي شويه وانا هقولهم يطلعو الاكل
مروان كان بيعمل مكالمة وقفل لما شاف فهد قدامه....
ممكن تقولي بق اي الي خلاك تعمل كده في سيف انا عرفت انك طلقت حور هي تستاهل علي كدبها بس ده مهما كان في مقام عمك ويعتبر الي مربيك يافهد اول مره اشوفه مكسور كده
فهد: بابا هو يستاهل الي حصله هو بنته خدعتني وانا خلاص خدت حقي
مروان: طب ازاي خدت كل حاجه ملكه
فهد بابتسامة خبيثه:ده انا ابنك برضو تربيتك معقول حاجه زي دي مش هقدر اعملها دي قرصت ودن ليهم انا سبت ليهم الشقه الي في التجمع اما كل حاجه بقت ليا خلاص واعلي مافخله هو وبنته
مروان بمكر:فعلاً طالع لي ابوك....
فهد:عندي خبر حلو ليك.... هتبق جدو
مروان بدهشة: بجد انت بتهزر يالا ولا اي
فهد: لا ياحج ده مفهوش هزار ٩شهور وهتشيل حفيدك
مروان بفرحه حضن فهد: هي دي الاخبار ولا بلاش هكلم اختك وهخليها تيجي....
في المستشفى 💜✨
يوسف دخل الاوضه...
مش كفايه كده يلا عشان نروح البيت الوقت اتاخر
سارة باعتراض: لا انا هفضل هنا روح انت
يوسف بحنيه: مينفعش ياحبيبتي انتي مكلتيش حاجه من الصبح لزم تروحي وتستريحي وبكرا هنيجي تاني
سارة: لا يايوسف مش هقدر اسيبه لوحده
يوسف: قعودك هنا مش هيعمل حاجه ومتخفيش عليه في هنا دكترة وانا نبهت علي الممرضه تاخد بالها منه
سارة: حاضر....
سيف: عجبك عمليك دي
حور قاعده وحاطه رجل علي رجل وبتشرب عصير
سيف بغضب: انتي بارده لي كده مبقاش حلتنا حاجه غير الشقه دي وكله بسببك اسمي وسمعتي وسط السوق راح بسببك خسرت كل حاجه في يوم وليله
حور:بابا حبيبي اقعد وريح نفسك علشان اعصابك ومتخفش كل ده هيرجعلنا تاني
سيف: هيرجع ازاي ياناصحة
حور:اممم انا عرفت ان المدام حامل
سيف:لو كنتي انتي الي حملتي فعلا كان زمان كل حاجه بقت باسم ابنك اهي هي الي هتجيب الولد وكلهم بيحبوها بسبب كده فهد مبقاش شايف غيرها قدرت تسيطر عليه
حور: وانا حولت بس جسمي مش هيستحمل الحمل وكنت بتعالج بس نسبة نجاح الموضوع ده ضعيف وبعدين انا كده مبسوطه اني معنديش عيال ده وجع دماغ وكنت هنشغل ومش هشوف صحابي ولا اخرج
سيف:خليكي انتي كده مشيتي وراء عقلك لحد ما خسرتي وخسرتيني معاك
حور بتوعد: بابااا انا بوعدك ان كل حاجه خدها مننا هترجع انت بس اتفرج....
🩷✨
أميرة كانت قاعده بقلق واول ما شافت يوسف وسارة قلبها اطمن...
احكولي هو بق كويس
يوسف: اه ياماما هو كويس
سارة اترمت في حضنها وبعياط: انا خايفه اخسره هو تعبان قوي ياماما مش عارف ينطق حتي
أميرة بتطبت عليها: ان شاءلله هيكون كويس ياحبيبتي... انا مستنياكو من الصبح تعالو يلا عشان تتعشو
سارة: لا مش عاوزه كلو انتو عن اذنكو...
أميرة بصت لي يوسف: مالك واقف لي روح وراها وانا هبعتلك الاكل لفوق وخليها تاكل والا كده هتتعب
يوسف بتنهيده: حاضر
In the club 💜✨
خالد: اي مالك قالب وشك علينا لي
مراد: ملكش دعوه بيا وطلعني من دماغك دلوقتي
معاذ: اه صحيح مش هتحكلنا عن حبك ولا اي
خالد: حب اي ده
معاذ: كان بيقول انه بيحب ودايب
مراد:خلاص مبقاش فيه اسكتوا بق
خالد: معاذ خلاص يابا بق وانت يامراد مالك
مراد: البنت الي بحبها راحت خلاص من ايدي
خالد: يعني اي راحت هي ما*تت
مراد بص بغصب لي خالد... بقت مع حد تاني وخلاص حياتها استقرت وبقت حامل
خالد: اها عشان كده متضايق يابني الي خلقها خلق غيرها وبعدين فك بق قعدين في مكان كله مزز تحل من علي حبل المشنقه اي مش عجبينك
معاذ بخبث لي مراد واكمل: ولما هي عجباك كده مجبتهاش سكة لي وخدت منها الي انت عايزه ورمتها
مراد قام ومسكه من هدومه وبق بيضرب فيه بع*نف ... وخالد بيسلك والبودي جار الي في المكان بيسلكو
خالد: خلاص يامراد سيبه.... وخدوه بالعافيه لي بره.... مالك
مراد زقه: مفيش انا ماشي وركب عربية وساق وهو متعصب
عند يوسف 🩷✨
بطلي تعندي وكلي...
سارة: مش عاوزه اكل مليش نفس سبني في حالي بق انا مش ناقصاك كفايه الي انا فيه
يوسف:تمام براحتك
سارة حست بالقسوه في كلامها: اانا اسفه حقك عليا مش قصدي والله متزعلش مني
يوسف: ولا يهمك
سارة: تعال ناكل انت كمان مكلتش .... وحطت الصنية علي التربيزة قدام السرير ...
يوسف بق بيقطع بايده وبياكلها....
في القسم 💜✨
=دورنا وقلبنا الشقه ملهاش اي اثر يافندم
زين: كده هي هربت عاوزك تدور عليها في المنطقه ودور عند اي حد من قرايبها او معارفها الست دي تكون هنا بكرا انت فاهم
=حاضر يافندم
فهد قاعد علي السرير وبيقلب في الاب توب ومبتسم
عشق بفضول: بتعمل اي وريني
فهد: بصي كده اي رايك فيهم
عشق:الله حلوين بس مش لسه بدري علي لبس البيبي الدكتورة قالت انه ٩شهور وبعدين انت اي عرفك انه بنت ولا ولد
فهد: الي يجيبه ربنا كويس وعلشان كده انا حجزت كل الكمية الي انتي شيفاها دي وهتوصل بكرا
عشق بابتسامة: مش هقدر اعترض علي حاجه وانت مبسوط كده
فهد بحب: بعشقك
عشق: وانا كمان
فهد بغمزه وشدها عنده: طب اي؟
عشق:ها اا انا هروح...
فهد قرب وانفاسه بقت قريبه منها: عايزه تهربي صح... انهارده مفيش هروب في حب وبس..... والتهم شفا*يفها بق*بله طويله عبر بيها عن حبه واشتياقه لي ملكة قلبه
علي الطريق مروح مراد بيتة بس طلع حد قدام عربيتة فجاء فرمل بسرعهه و....