رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ذئاب لا تعرف الحب الفصل الخامس والاربعون45بقلم نجمه براقه

طارق 

لما شافتني بقت واقفه ثابته مكانها وبصالي باندهاش وانا نازل من العربية وبقف قدامها واقولها بإبتسامة وانا بحاذر من اي حركة تعملها 

:  انا اللي كلمتك  عرفاني طبعاً 

مردتش وهي علي نفس النظرة ف قولت وبتتقدم نحيتي 

_ سوري وفاء  انا في الاول كنت متصل وهقولك ان انا طارق  بس انتي افتكرتي اني حد تاني وانا كملت سوووري بجد  

ضمت شفايفها بغيظ ف قولت وانا برجع خطوه

_ اااسف جداً جداً اوعدك مش هتتكرر تاني أبداً  

قربت خطوه كمان وهي بتصك علي اسنانها بغيظ ف قولت وانا برجع 

:  اقسم بربي ااااسف جداً  ، انا وعدتك مش هتتكرر  ،  ايه يا وفاء مالك  في ايه  انتي كويسة طيب "

كملت وانا برجع تاني بعد ما زادت سرعتها نحيتي 

:  ورحمة امي انا اسف  اخر مره 

قال بعصبيه 

_ انت حيوان!!!  ورحمة ااااامي انا  لا اوديك في داهيه  

:  قولتلك اسف 

_ اسف ايه يا ابن الهبله  علي الاهبل  ، ده انا هبلغ عنك  ،  هسجنك!!!! 

وقفت وقولت بجدية 

:  طيب لو سمحتي اهدي انا هشرحلك 

ضربتني بالكتاب وقالت بعصبيه

_ تشرحلي إيه؟!!!  تشرحلي ايه؟!!!!  ده انا هشرحك النهارده  ،  عمال تكلمني وتستهبل وانا زي العبيطه مصدقاك وعماله أرغي وتقولي هشرحلك  تشرحلي إيه  ؟!!  انت جبت رقمي منين اساسا 

:  لما نسيتي تليفونك عندي اول مره رنيت علي نفسي منه 

_ كمان!!!  انت بني آدم مريض  

:  ما خلاص بقا انتي هتعيشي الدور عليه   ،  انا غلطت بس انا كنت هقولك من نفسي ف متزودهاش 

_ وكمان بتبجح  ،  انت حيواااان   ، تقدر تمشي من وشي دلوقتي 

:  وفاء والله انا اسف 

_ بقولك امشي من ووووشي  ،  ولا اقولك انا اللي ماشيه 

قالت كده ومشيت وانا مشيت وراها وانا بقول 

:  علي فكره احنا ممكن نكون صحاب  

وقفت فجاه وقالت بعصبيه 

_ صحاب إيه يا حيوان  !!!  ،  دا انا حتي لو هصاحب مش هصاحب واحد زيك  

:  ليه مش احسن من اللي خطفك ومن اللي فارض نفسه عليكي ده   

_ انت ازاي تكلمني كده  مين ادالك الحق تكلمني كده 

:  انا بقولك الصح اللي انتي مش فهماه  ،  اختياراتك كلها  غلط  وتعر ،  حابه واحد خطفك ومستحيل حد هيوافق انه يتجوزك  ، و واحد تاني فارض نفسه عليكي و انتي مش حباه وعندك حق متحبهوش علي فكره  علشان ده اخطر من بدر  اوعي تجوزيه 

يدوب خلصت كلامي الا ولقيت قلم علي وشي وقالت بانفعال 

:  مش عاوزه اشوفك تاني  

مشيت ف قولت وانا حاطط ايدي علي خدي 

_ علي فكره انا بحبك واحسنلك من الاتنين  ،  بحبك ها !!!!  طيب ايه مفيش رد 

مردتش بكلمه وكملت طريقها وهي متنرفزه وانا وقفت مكاني ابصلها وهي بتبعد ودماغي مشغوله باللي حصل  ،  هل اقولها  ولا اسكت  طيب لو قولتلها هيكون مصيري إيه مع خطيبها 

#بدر 

وحشتني قوي ونفسي اكلمها  ومفيش حاجة موقفاني غير اني بفكر نفسي انه مينفعش  ،  وبقول متبقاش اناني  وبلاش تعملها مشكله   انما انا مش قادر ارتاح من غيرها  عامل زي الطفل اللي امه سابته في مكان مقطوع ويخوف وللأسف دي بقت حياتي من بعد ما حبيتها 

_ بدر 

قالهالي شبل وانا قاعد جمبه شارد وبفكر فيها  ف قولت بعد ما انتبهتله 

:  هه  ،  ايوه 

_ مش هنمشي 

:  ايوه بس لما يجي عبيده 

_ طيب مالك 

:  مفيش حاجه  

_ كده مفيش  ، هو انت كلمتها تاني 

هزيت راسي ف قال 

:  قولتلها ايه 

_ قولتلها مش هكلمها تاني  ،  وعملتلها بلوك 

:  طيب وهي قالت ايه 

_ هتقول ايه  يعني  رضيت وسكتت 

:  مقالتلش اي حاجة 

_ زعلت شويه بس هتعمل ايه وانا اللي بطلب منها منتكلمش 

:  والله انت غاوي وجع قلب  ،  فيها ايه لو كنت قولتلها انك بتحبها 

_ مش هقول حاجه  ،  انا اكده مرتاح  

:  متاكد 

_ ايوه  واسكت متتكلمش في الموضوع ده تاني 

:  انت حر  

مردتش وقعدنا انا وهو ساكتين لغيت ما جه عبيده وقال 

_ يلا  

قال شبل 

:  هي الشقة بعيده عن هنا 

_ لا دقيقتين واكون عندك  ،  اصلها في نفس الشارع. 

 روحنا الشقة التانيه  وبعد ما دخلت شبل  الاوضه اللي هيقعد فيها طلعت  لعبيده لقيته ماسك يدين العيال ف قولت 

_ رايح فين 

_ مروح 

:  ما تقعد شويه لسه بدري 

_ هسيبكم ترتاحوا وهبقا اجيلكم تاني  

:  ماشي  

_ ماشي  

كمل بتردد 

: بقولك صحيح يا بدر 

:  قول 

_ مش عاوزك تفهمني غلط بس اهنه في دكتور زين لعلاج العقم ومشاكل الانجاب ف بقول يعني... 

قاطعته بتحذير

:  اسمع!  لو مش عاوزنا نزعلوا مع بعض متجبليش السيره دي تاني 

_ يابدر انا عايز مصلحتك 

: ده مش من مصلحتي كفاية الكشوفات القديمه  

_ الطب اتقدم  جرب 

قولت ونظرات الشك في عنيه 

: عبيده انا والله ما فاهمك  واجبهالك من الاخر  انا مش مصدق توبتك دي   ما تيجي دغري ولا متعرفش 

ابتسمت ابتسامه باهته وهو بيقول 

_ له لو اكده ف بلاش  ،  بالاذن يا خوي 

قال اكده ومشي وانا محاولتش اروح وراه  ومش عارف ليه مش مطمنله وحاسس ان في حاجه امعاه مداريها او بيخطط يعمل حاجه بطلبه ده كل شويه   وده الكلام اللي قولته لشبل لما عرفت انه سمعني ف قال 

:  أبداً ياخوي  عبيده بيحبك وعاوز مصلحتك 

_ انت مش فاهم  ده كان يعايرني بعدم الخلفه لسنين  ف يجي دلوك عاوزني اتعالج واتجوز  ليه  ،  الواد ده  نيته مش  صافية في حاجه بيخططلها وانا مش فاهمها  

: حاجة ايه اللي بيخططلها بطلبه انك تكشف او تجوز  انت مزودها  هو بيقولك كده لمصلحتك 

_ شبل ياخوي  بلاش انت عشان انت عارف ان عبيده عمره ما قلبه كان علي حد  وبذات انا   ،  ولا ناسي 

:  ناسي ايه  ،  ماهو اعتذرلك يابني  ده انت طلع قلبك اسود  والله 

_ بردك مش مرتحله  انا مش صغيره علشان مفهمش ولا الحاظ شكله وهو بيطلب مني اتجوز او اكشف   ،  ايه يخلي واحد عاش سنين يعايرني  قلبه يكون عليه فجأه اكده 

: كان في غفلة وفاق بتحصل

_ طيب واللي فاق من الغفله ده مقالش ليه سبب كرهه  ، انا عارف ان عبيده جواه حاجة مقيلهاش  وعشان اكده مقدرش  أأمنله 

قال بربكه

: حاجة إيه يعني 

_ حاجة عملها وانت عارف إيه هي الحاجه دي  ،  ومعوزش اعرفها علشان متقولهاش 

:  مش فاهم حاجه إيه دي 

_ الحاجه اللي كان هيقولها ساعة مشكلته مع دعاء وانت صميت خشمه قبل ما ينطقها 

ارتبك من كلامي ف قولت 

:  متخافش مش عايز اعرفها مهما كان كبرها  ،  بس علشان لما اقولك ان في حاجه تصدق  

_ ماشي بس والله يا بدر عبيده ندمان بجد  وعاوز يكفر عن غلطه باي شكل  ،  حتي الحاجه دي مش عايز يقولها علشان متزعلش منه تاني  ،  اديلوه فرصه يثبتلك انه اتغير 

:  ادتلو  بس موضوع الخلفه ده هيزعلني من اي حد يفتحه امعاي وبذات هو  

_ خلاص محدش هيجيبلك سيرة بس علشان خاطري حاول تشوف حل بلاش تسيب نفسك كده  ولا هتعيش طول عمرك وحيد 

قولت بتنهيده  

:  وايه يعني  ،  انا عمري ما اتمنيت اتجوز حتي قبل ما اعرف اني مش بخلف ولما اتمنيت  ،  اتمنيت اكتر واحد جوازي منها مستحيل  ومش قلت الخلفه بس هي اللي تمنع  ،  له دي كل حاجه تمنع جوازي منها  ،  وانا لو متجوزتهاش هي مش هتجوز غيرها 

_ طيب وده ميخلكش تحاول مره  

:  انت مش فاهمني يا شبل  ،  انا مش هحاول علشان نفسي  وبس   ،  هي يمكن بتحبني بس انها تجوزني  محستهاش منها أبداً  ،  هي نفسها مش عاوزه  ،  ف هحاول ليه   افرض قالت له  

_ لو عرفت انك سيبت النجع هتوافق 

:  بردو في مليون حاجه تمنع 

_ والله ما في غير دماغك اللي بتخترع موانع  ،  انت اللي مش متمسك بيها 

:   بيقولك في بعض التخلي حياه  ،  في حاجات تتحب بس متتملكش  ،  و انا مش من النوع اللي بيحب يتملك حاجة مستحيله  ولا رزل علشان افرض نفسي بالعافيه  والا كان ممكن مطلقهاش واجبرها تعيش امعاي  ، بس له انا اكفايه قوي عليه انها حبتني زي ما حبيتها  ،  عارف يعني ايه حد يحبك وانت اصلا مش حابب نفسك  حد شاف فيك حاجه حلوه في كل العفش اللي انت فيه  

_ ياه يا بدر  طيب ده انت اكتر حد محبوب في النجع كله 

:  ايوه بس محدش جالي من مسافه بعيدة و واجه الموت عشاني وانا مقيد حريته واختار يطمن عليه وبدا ده علي حريته اللي كانت في يده  ،  محدش وقف قدامي علشان ياخد الطلقة بدالي  

جه علي بالي جلال ف قولت 

_ اقولك حاجه  

:  قول 

_ في الفتره اللي فاتت عرفت مين بيحبني بجد ومين اللي مفرقش امعاه  ،  وهي وجلال اكتر اتنين اثبتولي من غير ما يكون مطلوب منهم انهم حبوني  ، الاتنين ضحوا بنفسهم عشاني  

:  فعلاً وجلال كمان حكايته حكاية  ،  واضح انه بيحبك قوي 

قولت بإبتسامة شارده

_ ايوه منسيش اننا كنا صحاب واحنا صغيرين  ،  لما خد الطلقة بدالي وجيت سألته ليه قالي متستاهلش تموت اكده  وكأنه استحرم اني اموت قبل ما يكون ليه فرصه افرح زي الناس  استغربت حديته قوي وقتها  ولغيت دلوقتي مش قادر افهم ليه بحبني لدرجة دي وانا معاملتي امعاه كانت برسميه زيادة  ،  قدمتله ايه مش عارف 

رجعت بصتله لما لاحظت سكوته ف لقيته شارد و وشه عابس ف قولت 

_ مالك 

قال بتنهيده 

:  الناس دي غريبه ياخي  مش عارف بيحبوا الطيب واللي يأذيهم  ،  اديك انت كنت خاطف وفاء  ومهما كانت طيبتك معاها ف انت اسمك  خطفتها وحبستها في السجن وكنت هترميها لديب واتجوزتها غصب ده غير انك بوظتلها حياتها يوم فرحها وبردو حبتك وختمت قعدتها معاك بطلقة خدتها علشان تحميك  ،  وجلال  اديك بتقول معملتلهوش حاجه  عشان يحبك  ، واهو خد هو كمان طلقة بدالك  ، ومش بس كده ده كان هيموت علشان يحافظ علي عهده ليك  ،  جميله مثلا  كانت دائما تتوتر وتتلخبط لما بتشوفني من ابتدائي لأيام ثانوي  مكنتش فاهم ده ليه غير بعدين  ،  فهمت انها  حباني وجت وقفت جمبي ف عز انشغالكم وكانت بتعاملني زي ما يكون ابنها  ومن غير ما اقدملها حاجه  بالعكس انا كنت بتريق عليها  وبكرهها بجد مش كلام ،  انما اللي اتضربت وعيشت عمري اراضي فيها واطبطب عليها في زعلها ازتنا  ازيه كبيرة قتلت فاطمة وعجزتني انا  

كمل بصوت مخنوق 

_ متفهمش اذا الصح ان تاخد متديش ولا تدي ف تلاقي مقابل  ،  حقيقي والله مبقتش فاهم إيه الصح  ،  ومش بس هي  ابوي كمان  ، المفروض ده اب يكون حنين مش قاسي بشكل ده وعادي يموت ولاده  ،  في ايه بجد  الناس دي عاوزه ايه 

قعدت جمبه وحطيت يدي علي كتفه وقولت 

:  ملهاش علاقة بالعطاء او قلته هي قلوب  ،  في قلب بطبعه لين ميعرفش يقس وفي قلوب قاسيه  ،  ارض بور مهما تزرع فيها متنبتش ابدا  ،  وفي قلوب تانيه زي قلب جميله  وقلب وفاء  وجلال  قلوبهم طيبه  ،  قلوب خضره تزيد خير مع عطائك ليهم  ،  عمر الطيبه والين ومد اليد بالخير ما كان غلط  ، و احنا فلاحين اتعلمنا من صغرنا ان نزرع الارض الخصبه نجني خيرها  ،  نزرع الارض البور منجنيش غير الخساره والحسره  ،  ف ملهاش دعوه باللي بتقدمه صدقني  كل واحد ومعدنه 

:  واحنا هنمشي ندور علي الأرض الخصبه ياخوي  ،  ده لو كل ما نقابل واحد وناخد منه خازوق زي خازوق ليلي وابوي  مش هنكمل 

_ له ما احنا نفكر عاد منديش ولا نزرع غير لما نشوف الأرض دي اخبارها إيه  ،  وبيبان  ،  التجارب  والحياه بيعلموا  والشاطر اللي يتعلم 

قال بخيبه 

:  للاسف من اول تجربه عجزنا مفتكرش اني هيكون ليه فرصه اعيش تجارب تاني  ،  خسرت مستقبلي وصحتي وحياتي بدري  ،  مفتكرش اني هرجع امشي تاني ولا اقابل ناس جديده اطبق عليهم نصايحك دي  

_ ليه متفتكرش ما اديك رجعت تتكلم وتحرك يديك  

:  بس مش حاسس بنصي التحتاني ولا قادر اتحكم فيه 

_ مع الوقت هتحس وهتجري جري

:  مش باين يا بدر 

كمل والدموع في عينه 

_ اقولك حاجه ومتفهمنيش غلط 

:  قول 

_ ياريتني سمعت كلامك واتجوزت جميله  ،  حاسس ان لو هي معايا دلوقتي كانت دورت واهتمت انها تلاقي حل يخليني اخف  

:  طيب وافهمك غلط ليه 

_ يعني يمكن تقول بحبها 

:  واذا بتحبها وفيها إيه 

_ لا مبحبهاش بس هي بتحبني ف لو هي هنا دلوقتي كانت اهتمت باني اخف  ،  انا مش بقول انكم مقصرين بس في حالتي دي محتاج حد كل همه انه يشوفني كويس قدامه  

:  فاهمك  ،  كله اكده  دايما في حد معين وجوده بيفرق  ،  حتي لو الكل حولينا مش هنرتاح غير ل ده وبس 

كملت بشرود وانا بفتكر وفاء 

_ هو الوحيد اللي بنحس اننا في امان معاه  بنحس كأننا في مكانا 

:  طيب وبعدين هنفضل متشردين لامتي 

_ لو عليك ف ساهله ممكن دلوكتي نجيبلك جميله 

:   هقولك نفس كلامك  ،  انا مش هكون اناني واجيبها علشان محتجلها وانا مش هقدر احبها  ،  للأسف لو جبتها هجيبها علشان مصلحتي

_ طيب انت عارف ان اسمي معاني الحب هو الراحه مع شخص  ،  حد اكده بنرتاح معاه  ،  لا تقولي جماله ولا ذوقه ولا قوته  له هي الراحه والاطمئنان وبس  ، طالما ده موجود  خلاص يبقي هو ده الحب  وطالما انا مطمن مع حد وراحتي معاه  هرضيه  وههتم بوجوده في  حياتي  وهقدمله اللي يخليه يكمل امعاي  فاهمني طبعاً 

:  ههههههه فاهمك بس انا هقدملها إيه  ،  مشلول مفيش في ايدي اي حاجه  اقدمها  ومش بعيد لو خفيت علي ايدها ورجعت استعيد صحتي مبقاش طايق وجودها 

_ لو اكده تبقي ندل وحقك تخاف تجيبها 

:  شوفت بقا،  طيب انا جعان 

_ يابوي  لا والله باين اكده لازم نجيب جميله انا مش بعرف اطبخ ولا اجهز  كانت نافعه ورد 

: انا بعرف خدني معاك واقولك تعمل ايه  

#عبيده 

رجعت من عند بدر موجوع  و محتاج اللي يهديني ويبعد عني نوبة الزعل دي علشان  انا  عارف  نفسي في اي لحظة زي اكده  ممكن  ابوظ كل حاجه  وانا لو بوظت علاقتي مع بدر المره دي عمرها ما هترجع زي الاول  ومكنش قدامي غير ورد اللي انا نسيت اني مزعلها وروحت البيت بس عشان اقابلها واقعد امعاها ولما روحت لقيت بت الحج محمد و ولدها عندنا ولما شوفتها رميت السلام ودخلت ومش عارف ايه خلاني اقف لثواني اسمع بيقولوا إيه  ف سمعتها بتقولها 

:  متزعليش نفسك هما كلهم كده  وقفت شويه مش فاهم بتتكلم عن ايه  واستنيت يكون مشت وبعدها طلعت ودورت علي ورد لقيتها في المطبخ  والعيال جمبها ف قولتلهم يدخلوا اوضتهم ولما مشوا وقفت عندها وقولت

:  بقيتوا صحاب انتي وبت عم محمد 

ردت ببرود وقالت 

_ ايوه  ،  فيها حاجه 

:  له بس غريبه تبقوا صحاب بسرعه دي لا وكمان تحكيلها إيه مزعلك 

_ حريم وبنحكي متشغلش بالك انت 

:  كيه يعني مشغلش بالي  ،  تعرفيها منين انتي علشان تحكيلها حاجه 

بصتلي وقالت بهدؤ يسير الاستفزاز 

_ بقولك حريم وبنحكي  ،  نفسك تيجي تحكي امعانا اعمل حسابك المره الجايه 

:  اتعدلي يا ورد 

_ وانت شايفني معوجه  ما انا معدوله اهه  ،  ويكون بمعلومك  انا هطلع ازورها 

:  تطلعي فين 

_ هطلع شقتها فوق 

:  وجوزها 

_ وايه يعني  ماهي بتيجي وانت بتعدي علينا عادي 

:  انا مليش دعوه بيها  بس انا مش هقبل انك تطلعي عندها 

_ ليه 

:  من غير ليه 

_ طيب 

قالتها بلامبالاه ومشت ف روحت وراها وانا دمي فاير ودخلت وراها الاوضه وقفتها وقولت 

:  لما اكون بكلمك متمشيش وتسيبني 

قالت بنفس البرود 

_ ليه بردو  ،  تكونلي ايه علشان اسمع كلامك 

:  مش عارفه اكونلك إيه 

_ له معرفش  عرفني 

:  انتي شكلك حابه تعملي مشكلة صح

عقدت يديها قدامها وقالت 

_ له  ،  مش انا اللي تعمل مشاكل مع اي حد 

:  انا اي حد يا ورد 

_ ايوه انت اي حد  ،  انت ولا حاجه يا عبيده  ،  والاحسن يا ولد الناس كل واحد يخليه في حاله ، اهي اوضتك فضيت خليك فيها وسيبني في اوضتي 

:  ورد  انا عارف انك زعلانه  بس بلاش الطريقة دي  

_ ازعل من إيه  ،  مفيش حاجه حصلت تزعلني  وطريقتي دي هي الصح   اكده بنتعاملوا مع الغرب 

:  انتي معتبراني غريب 

_ ايوه  غريب امال انت إيه 

كلامها زود ضيقتي ف قولت بنرفزه وانا مش مرتب كلامي 

:  انتي عاوزه ايه دلوك  زعلانه علشان مقربتلكش  ،  طيب انا مليش نفس خلاص الدنيا خربت  ،  يمكن عندي مشكله منعاني  ف خلاص هتقفي في وشي وتعندي  

رغرغت دموعها وهي بتقول 

_ هي بقت اكده  

:  امال إيه!!!!  كل زعلك علشان الموضوع ده وبس 

بقت بصالي ودموعها بتملا  عنيها ف قولت بضيق بعد ما فوقت علي معني كلامي 

_ ورد  ،  ورحمة ابوكي  انا والله مخنوق ومتضايق الايام دي  ،  متخديش علي اي كلمه اقولها  واهدي هفوق بس وانا هرضيكي  

حاولت امسك يدها ف زقتني وقالت ببكا

:  بعد!!!  الغلط مش غلطك  انا الغلطانة اني بنسا 

_ حقك عليه  ،  افوق وهنتفاهم 

سيبتها وطلعت من البيت كله  وروحت عند عم محمد 

#ورد 

بعد ما مشوا جت هبه وقعدت امعاي حاولت كتير مبينش حاجه بس هي بقت تسال عني وعن اخباري وعن حكايتي مع عبيده واتجوزته كيه ف قولتلها اني متجوزاه علشان العيال وان مفيش بيني وبينه حاجه    كنت متضايقة منه قوي ومقدرتش  محكيش واطلع سر زي اني انا وهو متجوزين علي الورق بس..  

وبعد ما رجع و ضايقني تاني  وجرحني بكلامه  قعدت شويه مقدراش مبكيش من وجعي اللي سببهولي للمره العاشرة تقريباً وبعد ما وقفت بكا فتحت الشباك علشان اشم شوية هوي بعد ما حسيت نفسي بتخنق ومبقتش قادره اتنفس زين  وبعد شوي وانا ببص لدنيا حوليه لقيت وردة بتوقع من فوق ولما بصيت لقيته سعد واقف وعينه عليه ولما بيشوفني بيبتسملي وبيشاورلي  وقفت دقيقة ابص عليه وانا مش فاهمه مالو ده وبعدين دخلت وقفلت الشباك و طلعت اشوف البيت وانضفه وبعد ما خلصت تنضيف وطبيخ  لقيت نفسي لسة متضايقة ومش حامله البيت ف فتحت الباب ونزلت تحت  وخبطت علي سلوي علشان اقولها تيجي تقعد امعاي بدل ما احنا الاتنين قاعدين لوحدنا  وبعد شوية تخبيط من غير رد لقيته نازل وبيوقف عندي ويقولي 

:  ازيك 

_ زينه 

:  دائما يارب زينه  ،  لو عاوزه سلوي او عمي ف هما مش هنا  دلوقتي عمي في المحل وسلوي في المدرسة 

_ طيب 

قولت كده وجيت امشي ف وقف في طريقي وقال 

:  محتاجه حاجه اقدر اساعدك

_ له

:  طيب لو احتجتي اي حاجه انا موجود متتردديش خالص انك تكلميني  

_ طيب  

قولت اكده ومشيت وانا متضايقة من بروده ونظراته دي  ،  نظراته اللي انا شبعت منها في الخيمه واقدر افهمها زين  

#جلال 

صحينا النهارده علي كوارث تشبه لاهوال القيامة اكده.

  الراجل اللي كان هربان بسببه مشكلته مع عيله في النجع لقيوه مقتول ومرمي في الترعه  ،  وبعد ما البلد كلها اتلمت تشوف اللي بيحصل  حصلت مشكله جديده بين العيلتين  ،  ناس اتعورت  ،  اتنين ماتوا   ،  بيتين اتحرقوا  ،  في ساعتين حصل خراب وقتل محصلش أبداً في النجع قبل اكده  ومحدش قدر يوقف اللي بيحصل  ،  مفيش غفر  مفيش حاكم حد يلجأله حتي الحكومه اللي قالوا هنشتكيلها محدش فكر يقربلها  ف اتصلت ب بدر اقوله يمكن الموضوع يهمه ولما كلمته وقولت اللي حصل  قالي 

:  هما حرين  ،  المهم طمني عليك انت عامل ايه دلوقتي 

_ جنابك سمعت قولتلك إيه  ،  بقولك الناس قتلت بعض 

:  سمعتك يا جلال  

_ طيب وجنابك هتسكت

:  ايوه هسكت  هعمل ايه انا 

_ مش هتحاول تعمل حاجه 

:  له  مش هما اللي اختاروا وقالوا معوزنكمش  متشغلش بالك بيهم عاد

_ مشغلش بالي بيهم كيه دول اهلنا وناسنا 

:  ماشي يا جلال اهلنا وناسنا مقولناش حاجة بس دلوك مبقاش ينفع نتدخل محدش هيسمعنا ولا انا مستعد ارجع تاني 

_ وه يا كبير لحقت مصر تغيرك

:  له متغيرتش يا جلال  ،  بس انت شوفت بنفسك اللي كان هيحصل لما ابوي قرر يكمل حكم بالقوي  وانا مش راجع  هما لو متضايقين يبلغوا الحكومه  ،  كفايانا تعب 

_ علي راي جنابك  ،  اللي تشوفه 

:  متزعلش يا جلال  هي الدنيا اكده مش بتدوم لحد 

_ صح  ،  والصراحه علي قد ما انا زعلان من اللي بيحصل علي قد ما انا فرحان فيهم كانوا في نعمة كبيرة  واهي ضاعت منهم  ،  وهتضيع اكتر لما المخزون اللي خدوه يخلص ويطروا يشتروا من بره الحاجه بعشر اضعافها 

:  يعملوا اللي يعملوه  هما حرين  

« بعد يومين» 

#وفاء 

اربع ارقام لغيت دلوقتي حظرته منهم وبدء يدخلي من الفيس بوك لحد ما زهقني ومخليني بفكر ابلغ عنه وبعد ما زهقت منه رديت وقولت 

:  عاوز ايه 

جاني رده بعد دقيقة بيقول فيه 

_ عاوز اقولك اسف 

:  طارق انا والله مخنوقه منك وبجد ممكن ابلغ عنك  

_ مش هتقدري  انتي اساسا خايفه حد يعرف  

:  غلطان  انت متعرفنيش  ،  انا اقتل نفسي لو روحي في ايدك 

_ انا مش ببتزك علي فكره  بس انتي فعلاً صعبانه عليه  

:  لا ميصعبش عليك غالي  

_ مانتي صعبانه عليه اهو  

: ام استفزازك ياشيخ  ، انت عاوز مني  ايه  

_ عاوز اقولك خلي بالك من نفسك  

:  اخلي بالي من نفسي ازاي  ،  ده تهديد 

_ انا اهددك ليه  ،  انا بجد خايف عليكي  وعاوز نكون صحاب  ،  اطمن عليكي  اعرف اخبارك  

:  تتسهوك 

_ اتسهوك صح ههههه 

: ده انت رزل  ، وريني بقا هتكفيني اكونتات منين  

قولت كده ودخلت الاعدادات احظره ورجعت لقيت رساله بيقولي فيها   احنا لازم نتكلم في حاجه لازم تعرفيها 

مهتمتش لكلامه  ولا فرق معايا  وسيبت التليفون بعد ما كنت مسكاه في انتظار اي اتصال او رساله من بدر وبعد ما يأست من انه يبعت رجعت اذاكر علشان انجح وتكون مكفأتي اني اشوفه . كان يوم التخرج يوم عيد بنسبالي و مستنياه يجي بفارغ الصبر وفي نفس الوقت خايفه اني استنا ويطلع بيكدب عليه وميجيش ولا اشوفه   . 

وبعد وقت عدي في المذاكره دخل عليه بيجاد يقولي 

:  انتي لسه صاحيه 

_ بذاكر 

:  كفايه ونامي 

_ مقدرش لازم اركز الامتحانات قربت قوي 

: ياستي مش هيحصل حاجه لو نمتي شوية  قومي علشان تكوني فايقة في حفلة بكره  

_ بتفكرني ليه حرام عليك 

::  علشان عاوزك تكوني احلي بنت في الحفلة  قومي نامي 

_ عاوز الحقيقه الحفله دي تقييييله قوووي علي قلبي  ياريت مروحش 

:  احنا ادينا كلمه لحامد هتكسفينا معاه ،  قومي واعتبريها فسحه 

قولت بتنهيده

_ ماااااشي يا بيجاد ماشي  هنام  

بعد ما خرج نمت علي السرير  بس يجي منين النوم وانا عقلي شارد في التفكير في الكبير وبرسم احلامي علي يوم التخرج.

 عدت ساعات وانا لسه بفكر  ولما غفلت صحيت علي صوت بابا وهو بيقولي  ، قومي كل ده نوم 

فتحت وبصيت حولية واتفزعت لما لقيت النور مالي الاوضه وبسرعة مسكت التليفون لقيتها الساعة 12 الضهر ف قومت بسرعه وانا بقول 

_ يا نهار اسود كل ده نوم 

:  احسن  علشان تصحي فايقة  يلا بقا علشان تفطري ولو كان هتروحي الكوافير او هتعملي اي حاجه قبل معاد الحفله 

_ ولا هعمل اي حاجه  

:  مش هتروحي تجيبي هديه؟! 

_ ييييييه هدية؟!  نسيت اني لازم اجيب هديه   ،  والله ده غلب  

:  معلش  روحي اشتري اي حاجه وتعالي  

_ ماشي بس عاوزه فلوس انا مش معايا 

:  خدي الكارد واشتري اللي انتي عاوزاه بس بسرعه الوقت بيجري 

_ حاضر  

دخلت الحمام استحميت ولبست وبعدها دخلت المطبخ خدت رغيفين عيش  وبقيت اقطم فيه وانا رايحه لبابا اخد منه الكارد وبعدها نزلت وانا لسه باكل وفي طريقي لقيت الزفت جاي ورايا وبيقولي 

:  علي فكره انا بعتلك من اكونت جديد وانتي مردتيش 

وقفت وبصتله بقرف وانا بقول 

_ ولا هرد  ،  انت عاوز مني ايه يخربيت اللي خلفوك

:  عاوز اطمن عليكي 

_ يا حنين  ،  وتطمن عليه من ايه بقا 

:  مش عارف بس انتي مطمع لناس كتير  ،  حقهم بصراحه مانتي جميله ويطمع فيكي  انا نفسي طمعان  ،  بس في كرمك عليه وقبولك بالرد علي المسج بتاعتي 

قولت بقرف

_ انت اهبل 

اتنهد بزهق وبعدين قال 

: انا عارف اني رخم ومزودها بس بجد والله انتي تهميني 

_ طيب شكرا 

جيت امشي ف وقف قدامي وقال 

:  انتي رايحه فين 

_ ملكش دعوه وبعد عن طريقي لا اروح فيك في داهيه  

:  رايحه فين بجد  

_ يابني انت عبيط  

قال بضيقه حسيتها في صوته 

:  والله خايف عليكي  ،  بقولك ايه ما تعملي عيانه وتقعدي في البيت  وبلاش خروج  ،  يعني انتي اي حد معدي بيحاول يخطفك ف ليه تمشي لوحدك  

_ طارق  والله بجد واصله معايا لهنا  وعلي فكره انا ممكن ابلغ عنك بس انا عامله حساب لمساعدتك ليه  ف متطرنيش آآذيك 

قال بتوتر

:  وفاء افهميني  ،  انتي....  

بقيت انفخ بزهق  ف كمل بتنهيده  

_ خلاص روحي  بس خلي بالك 

قالها ومشي وانا كملت طريقي لغيت محل الهدايا  جبت هديه ورجعت وبعد ساعات بابا قالي اجهزي  جهزت وبعدين طلعت ولما شافني وقف يبصلي وابتسامته علي وشه ويقول 

:  ربنا يحفظك  جميله قوي 

قولت بإبتسامة 

_ متشكره يا بابا  ،  امال فين بيجاد 

خرج وبتصل بيه مبيردش مش عارف في ايه 

:  ليه كده 

_ مش عارف   يمكن مشغول 

:  طيب دقيقه هشوفه 

اتصلت بيه ورد عليه في الرنه التانيه وقالي 

_ انا اسف يا وفاء  بس انا دلوقتي مشغول مش هقدر اجي 

: مشغول في ايه مش قولنا هنروح مع بعض 

_ عندي شغل مهم قوي مش قادر اسيبه انا اسف روحي انتي مع عمي

:  ايه الهزار ده  جاي دلوقتي تقولي كده 

_ اسف  حقك عليه  روحي والصبح هنتكلم 

: اسف ايه؟!!!  انت ورطتني في الحفلة دي وجاي تتخلي عني 

_ بصراحه كده انا مليش في الحفلات  وهو معزمنيش اصلا ده قالي اخليكي توافقي عشان امه متزعلش هروح ليه

: بقا كده  ،  ماشي يا بيجاد شكرا قوي  

قفلت معاه وانا متضايقه قوي من تصرفه ده ف قالي بابا 

_ متزعليش احنا شويه وهنرجع  ،  يلا بقا العربيه مستنيانا 

:  ماشي  اتفضل  

نزلنا ف لقينا حامد بنفسه مستني ولما شافني وقف يبصلي شويه بانبهار واعجاب ونظرات متعلمها من فيلم هندي  ف تجاهلت نظراته دي وركبت العربيه من ورا وبعد ما مشينا شوفت طارق واقف ولان الازاز كان نازل شافني ولما رجعت ابص ورايا لقيته واقف في نص الطريق وبيبص علينا  ف رجعت ابص قدامي واتصادفت عيني بعين حامد اللي فهمت انه لاحظ بصاتي ل طارق  ولكن  تجاهلت وطلعت التليفون اقلب فيه لغيت ما وصلنا وقتها حطيت التليفون في الشنطة وخرجت من العربية ودخلنا الحفلة  اللي كانت معموله في جنينة الفيلا  ،  كانت حفلة  منظمه بشكل فخم وباين انهم صارفين كتير قوي  وعازمين رتب وهوانم صبغين شعرهم اصفر واحمر وحاجات كتير اوفر مبحبهاش  وبعد ما دخلت وبابا سابني واختفي في الحفلة لقيت حامد بيوقف جمبي ويقولي 

:  طالعه زي القمر النهارده 

_ ميرسي يا حامد 

:  بتكلم بجد 

قولت بإبتسامة مجاملة 

_متشكره  

:  طيب تعالي اعرفك علي صحابي 

_ ما انا عرفاهم هتعرفني عليهم تاني ليه 

:  متعرفهمش كلهم 

_ تصدق صح  انت كان عندك كام صاحب دائما بتجيب سيرتهم وانا مشوفتهمش قبل كده 

:  ايوه ماهما دول اللي هعرفك عليهم  تعالي 

_ طيب ممكن اعيد علي طنط وبعدين اتعرف 

:  اه طيب  احسن برده تعالي  

خدني وروحنا عند مامته وسط صحابها ولما شافتني حسيت بعدم الرضا والزعل في نظراتها ورجعت تبتسم تاني لما حامد وقف جمبها كان واضح انها متضايقه مني ولكني مهتمتش وقولت بإبتسامة 

:  كل سنه وانتي طيبة  

قالت بإبتسامة ظاهريه

_ وانتي طيبة ياروحي  

قدمتلها الهديه وقولت

:  اتفضلي يارب تعجبك

مسكتها مني وقالت من غير ما تفتحها

_ جميله زيك ميرسي يا قلبي 

ابتسمت ابتسامه مجاملة وقولت

:  طيب اسيب حضرتك مع صحابك  عن اذنكم 

قولت كده ومشيت وانا بدور علي بابا علشان  نمشي ف لقيت حامد جاي وبيقولي 

_ رايحة فين  

:  بدور علي بابا 

_ لا بابا ايه ده زمانه قاعد مع بابا وبيتكلموا في السياسة  تعالي هعرفك علي صحابي 

:  اتعرف عليهم ليه يعني  معلش سيبني انا مش بعرف اتعرف علي حد 

_ يابنتي في ايه  هعرفك عليهم وخلاص   ...  اهم جاين اهم  مش هتتعبي وتروحي  ،  تعاله يابني 

بصيت ورايا لقيت خمسة كلهم ببدل و واضح انهم ظباط ف قال واحد منهم 

:  اكيد دي خطيبتك انا قولتلك ان السبب اللي خلاك تسيبنا لازم يكون سبب مهم 

قال 

_ ايوه يافكيك  ، اعرفكم وفاء خطيبتي  ودول بقا صحابي وزملائي  ،  احمد  ،  عمرو  ،  فاروق  ،  ايمن  ،  واحمد بردو  

سلمت عليهم بإبتسامة ظاهريه وقولت

:  اهلا وسهلا   

قال اللي اسمه ايمن 

_ والله يا دكتوره خطيبك سارعنا بسيرتك طول النهار 

قال حامد 

:  بس ياض  ، ايه سرعكم دي  

قال اللي اسمه عمرو واللي نظراته مكنتش مريحاني 

_ ايه سارعنا دي يا عم ايمن اسمها  مأنسنا بسيرة الدكتوره العطره 

قولت بإبتسامة مجاملة وأنا حاسه إني بتخنق

:  متشكره  ،  طيب انا هشوف بابا يا حامد 

_ طيب حبيبتي روحي وجاي وراكي 

مشيت وسيبتهم من غير رد وبقيت ادور علي بابا ف لقيت العامل بيوقف قدامي وبيديني مشروب خدته و وقفت ابص حولية لغيت ما لقيت واحد من صحاب حامد جاي نحيتي وبيقولي 

:  واقفه لوحدك ليه 

بصيت بعيد ف لقيت حامد واقف مع واحد شكله رتبه كبيره وبيسلم عليه باهتمام ف قولت 

_ أبداً بدور علي بابا بس 

:  تلاقيه هنا ولا هنا  ،  اشربي واضح انك متوتره 

_ شويه  

قولت كده وشربت شوية ورجعت ابص حوليه ف لقيته بيقولي 

:  هتلاقيه جاي مجرد ما تخلصي العصير ده  ههه 

_ ايوه  

توترت ورجعت اشرب بعد ما ابتسمت بمجامله من غير رد وبعد شوية وهو لسة واقف جمبي وعينه عليه حسيت ان الدنيا بتلف بيه وعنيه بتزغلل ولأني في طب وافهم شوية في الحاجات دي توقعت ان العصير يكون في حاجه  ف بقيت ابص حوليه وانا بدوخ بسرعه  ،  كنت خايفه  لا ده انا كنت مرعوبه اني اقع وبذات لما رجعت ابص للي واقف جمبي ولقيته بيمسك ايدي ويقولي 

:  انتي كويسه 

حاولت ابعد ايده وانا برجع ابص لحامد اللي كان لسه مشغول مع الراجل اياه ومديت ايدي  وانا بحاول اندهله ويدوب نطقت اسمه وبعدها مبقتش حاسه بنفسي نهائي 

              الفصل السادس والاربعون من هنا 

   لقراءة باقي الفصول من هنا

تعديل المقال