رواية ما قبل العاصفة
الفصل السابع7
بقلم سمر احمد كاتبة الظلام
_ عدي :- بس انتي عارفة خطورة ده اي
_ قمر :- انت شايف حل غير ده
_ عدي :- ربنا يستر ياقمر
_ جه معاد الصفقة وكان أحمد ونادر وحسنية رايحين يسلموها ، قابلو عمر رحب بيهم جدا
_ احمد :- فرصة سعيدة جدا ياعمر بيه أننا نتعامل مع حضرتك
_ عمر :- انا اسعد يااحمد بيه ممكن نمضي العقود عشان عندي مواعيد مهمة
_ نادر :- اه طبعا
_ وصلت لعمر رسالة عالفون أنه يفتح الواتساب ، فتح الواتساب لقي بنته مر'بوطة على كرسي ومحطوط لزق على بوقها بلم واتجم'د مكانه من الصد'مة بعدها فونه رن برقم غريب رد بسرعة
_ احنا مش بنحب الكلام الكتير عايز تكمل صفقتك انسى بنتك
_ عمر :- يولاد الك'لب
_ وليه الغلط ماهي كدا القمورة هتزعل ولو حد عرف بده كلنا هنزعل انهي الصفقة حالا وبنتك ترجعلك سليمة غير كدا أنسى أن عندك بنت سلام
_ احمد :- هو في حاجة
_ عمر بخو'ف :- لاء لاء مفيش انا لازم امشي دلوقت
_ احمد :- والصفقة
_ عمر :- انسوها
_ حسنية :- هو لعب عيال ولا اي
_ نادر :- هو اي اللي بيحصل هو حد هيديك بسعر ارخص ولا اي احنا ممكن ننزل شوية
_ عمر :- ولو ببلاش مش هاخدها عن اذنكم
_ احمد :- لا انت بتقول اي انت دافع جزء من الفلوس وفي ورق بيقول لو الصفقة متمتش انسى فلوسك
_ عمر :- فلوسي هعرف أخدها ازاي ومن غيرصفقة
__ احمد :- دا تهد'يد
_ عمر :- افهمها زي ماتفهمها سلام عشان مش فاضيلكم
_ احمد :- داا يعتبر كل فلوس الشركة ف الصفقة دي مين هيقبل صفقة كبيرة بالشكل ده
_ نادر :- يعني كدا كل فلوسنا راحت
_ احمد :- لو ملقناش حل هتروح
_ حسنية :- اكيد الز'فتة اللي اسمها قمر دي عملت حاجة دانا هروحلها ابهد'لها يلا بينا
_ احمد :- اهدي لحد ما نشوف هنعمل اي
_ حسنية :- مش ههدى انا رايحة
_ احمد :- رجعوا كل حاجة يارجالة عالمخازن وانت يانادر يلا نشوف امك ناوية على اي
_ نادر :- دي شكلها ناوية على ش'ر
_ مشيو عند بيت قمر بس الأمن منعتهم من الدخول
_ حسنية :- اطلعي ياوش المصا'يب انتي مش هتسكتي غير أما اجيب اجلك ، سيبوني ادخلها
_ قمر عرفت من الصوت أنه صوت حسنية وكانت متوقعة ده طلعت وهي لابسة بيجامة وماسكة تفاحة بتاكلها :- انتو ازاي تيجو تتهج'موا على بيتي بالشكل ده
_ حسنية :- دانا هطر'بقوا دماغك دلوقت
_ قمر :- عذراكي يامرات بابا بس برضو لمي نفسك
_ حسنية :- اكيد انتي اللى ورا اللي حصل من شوية صح
_ قمر ببرود :- وهو مين غيري ممكن يعمل كدا
_ احمد :- هتند'مي
_ قمر :- تهد'يد دا قضية لوحده ده
_ حسنية :- دانا اللي هدخل فيكي السج'ن دلوقت
_ قمر :- منتي كدا كدا هتدخليه دلوقت انتي والأشكال اللي جيباها دي
_ نادر :- لاء بقا انتي زودتيها
_ قمر :- ولسة ....تلاتة .....اتنين
_ حسنية :- هي بتقول اي دي
_ قمر :- واحد
_ فون احمد رن :- الحقنا يااحمد بيه البوليس طب على المخازن والمخازن اتشمعت وحاليا بيحققوا مع كل المسؤولين وبيدورا عليكم
_ احمد بصد'مة :- كملت ، اتشمعت ازاي كل حاجة سليمة
_ الظاهر أن في حد خانا وحط ادوية با'يظة الصلاحية بتاعتها منتهية مع الأدوية السليمة ودي كارثة
_ احمد :- عملتيها ياقمر
_ حسنية :- في اي
_ احمد :- احنا مش بس خسرنا كل حاجة داحنا هند'خل السجن
_ قمر :- يلا خلو البلد تنضف
_ حسنية بصلتها بغض'ب وعصب'ية وقربت منها والأمن بتحاول تمنعها ............