![](https://blogger.googleusercontent.com/img/b/R29vZ2xl/AVvXsEiHqgZXoGgPgwQEkfHT_4YtvymOHXgixUtyj0ajIOk41Vs3jigKfWUrAol6QW4zq8Vnd8noepPEv7bbgkaCvrj5w-d8W3nh72qVAOFGSPKg365BEy_zacpZTL-Lco8rwD9oEGJEAcVyN7_H35OYz6i3MeB-icGyQCe3bqAWydY2zsT3bRBTZvPJhN_-oUfP/s320-rw/FB_IMG_1706561198234.jpg)
رواية قلوب ارهقها نبضها
الفصل التاسع عشر19
بقلم نرمين قدري
وفجاءة طلعت من مطبخ وبحركة لا اراديه قام سحبلها كرسي تحت شهقات الكل واستغرابهم من عملته
التقت هند عينيها بعينة من هول المفجاءة
انتبه ماجد لنفسة انحرج بشدة وقال يخجل
بعتذر اصلها شايلة الاطباق قلت مش هتعرف تسحب الكرسي سوري ثم جلس مكانه و قد احمر وجه من الخجل
قال بيجاد لكي ينعنش جو التوتر
طول عمرك ذوق يا ماجد
هند بأدب مبالغ فيه :
شكرا لزوقك استاذ ماجد
التفتت ليها عطر ومسك ونظروا لها بتعجب
قالت مسك بصوت منخفض:
ونبي ايه ، لا يابت مش واخدين علي الرقة دي من ايه ده ومن أمتي فين جعير وصوتك العالي
عطر وهي تشير اللي الطعام
اتفضلوا بسم الله يا جماعة يارب الاكل يعجبكم انا مش بعرف أعزم اتفضلوا يلا
انهمك الجمبه في الاكل
ماجد /
مشاء الله الاكل تحفة بجد تسلم ايدك يا عطر بلذات المسقعة بجد تحفة جميلة جداا
عطر /
الف هنا بس مش انا اللي عاملة المسقعة بصراحة هند اللي عملتها
التفت لهند وقال بصوت بشبه الهمس
بجد انتي اللي عملها تسلم ايدك
هند /
بابتسامة اه انا اللي عملها شكرا
ماجد/علي ايه بأس دي جميلة خالص حبتها قوي
مروة ميلت علي بيجاد
=الحق اخوك بيتنحنح و هيفضحنا
-هههههههههههه اه شوفتيه وهو عامل ميدو العاطفي فين فاطمة تفوقوا علي صوتها اللي شبه الجرز ثم داس علي رجل ماجد علشان يفوق
ماجد أخرج اه مكتومة من الالم
قال بيجاد بصوت مرتفع قليلا
- تسلم ايديكم بجد الاكل روعة
محمد /الله يخليك أقل واجب
مروة/ بس انتم تعبتوا نفسكم جامد بصراحة الأكل كله تحفة بجد تسلم ايدكم
عطر بحب
طايب كلي بقي انا مش بعرف أعزم اكليها يا مسك
قالت مروة/
انا باكل والله مش محتاجة عزومة والتفت لهند وقالت احكولنا بقي عرفتم بعض ازاي وبقيتوا أصحاب قوي كده
مع ان مسك و عطر عايشين في البلد وانتي عايشة في بلد تانية.
وازي علاقتكم رغم البعد ده كله. حلوة قوي كده الله اكبر يعني مش بحسد بصراحة أنا كان نفسي يكون عندي صاحبة كده مشاء الله عليكم
هند/ونفسك ليه ما احنا هنا صحابك وأخواتك
مروة /,شكرا يا قمر قلولي بقي عرفتم بعض ازاي
هند/ لا دي حكاية طويله بس اللي اقدر اقول ان عطر و مسك بقوا عندي اعز من الاخوات كفايا وقفتهم معايا لما جوزي مات عمري ما هنسهلهم
مروة /البقاء لله انا اسفة حببتي فكرتك
هند بضحك :
هههههههههههه ومين قالك أن عاوزه أنسي بلعكس انا عاوزة افضل فاكرة علشان ا تعظ و مافكرش في الجواز تاني
برق ماجد من كلامها
لحقتها مسك بسرعة:
- بس يا نودي الرجاله كلها مش زي بعضها ومش معني أن حد طلع وحش يبقي الكل كده انتي لسة صغيرة وملحقتيش تعيشي
ماجد/ صح برافوا يا مسك هو ده كلام
هند/ كلمك ده علي عيني وراسي بس البنات مش لاقين يتجوزو لما الأرملة هي اللي هتلاقي بزمتك مين يقبل يتجوزني
قال ماجد فجاءة
- اناا
التفت الكل ليه
ماجد وقد أن وجه احمرار
- في ايه يا جماعة خضتوني انا عاوز اقولكم انا شبعت بس معطنيش فرصة اكمل كلامي
ضحك الجميع انشغل الكل في الاكل تحت نظرات الإعجاب المتبادلة بين هند وماجد
انتهي الجميع من الطعام وتوجهت الرجاله علي حجرة الضيوف المسماه بالصالون
وبدأ البنات في نظيف سفره وشيل الاكل
وفي مطبخ كل واحده بتعمل حاجة
مروة/ بصوا يا جماعة في حاجة انا ملاحظها
مسك /بابتسامة وانا كمان
عطر /خير ربنا يستر
الاتنين في نفس واحد ماجد
وتغير وجه هند جاب اللوان وكأنها كانت حاسة
عطر /ماله ماجد خير
قالت مروة/ بصراحة أنا حاسة أنه معجب بهند قوي وانا اتمني انها تكون من نصيبه
عطر/ سابت اللي في أيدها والتفت ليهم
ازاي بقي اللي اعرفة أن ماجد متجوز من فاطمة
قطعت مروة كلامها /
وعايش ميت وأسالي مسك انا عمري ما شوفته مبسوط قد النهاردة عمر ي ما شوفت الفرحة في عينة اتصدقوا بالله أنا عمري ما شوفته بياكل بشهيه زي انهاردة
ماجد اتظلم في جوازاته من فاطمة بابا غصب عليه في الجواز وياريته سعيد معاها و مسك شاهده علي كلامي ده
اقتربت مروة من هند وقالت لها:
بصي يا هند انا مش هغصب عليكي بس لو راضيتي تكوني زوجة تانية لماجد اكون شاكرة ليكي انتي مش هتكوني مراته بس لا هتكوني أمه واخته كمان ماجد فاقد الاحتواء والحنان صدقيني ماجد اطيب قلب فينا
قالت هند بخجل /بصراحة أنتي فاجأتني مش عارفه ارد اقول ايه
جاء صوت من خلفها
- اللي قلبك يقولك عليه يا هند استشيري قلبك
التفت هند الصوت وقالت
بس يا محمد ده متجوز ومخلف وانا مش هخرب بيت علشان أعمر بين تاني عمري ما بصيت لحاجة مش بتاعتي
محمد / متهيقلي هو ادري الناس بظروفه هو لو كان شايف نفسة سعيد مع مراته عمره ما كان هيفكر يعمل كده ثم نظر لعطر وعلي وجة شبه ابتسامة خفيفة
شهقت عطر وقدفاهمت مقصده
- ايه ايه سمعني كده يا محمد بتقول ايه
محمد /وانا مالي يا لمبي انا بتكلم عن ماجد
عطر /اااه بحسب بس
احضرت عطر اطباق الحلويات وخرجوا من مطبخ
طلعوا جميعهم وجلسوا في الخارج تحت انظار ماجد المتفحصة لهند
قال ماجد.وهو يضع الطبق من يده:
بصراحة يا جماعة انا مش قادر اسكت أكثر من كده بصراحة أنا معجب جداا بمدام هند و بطلب ايديها قدمكم كلكم
قالت هند وكأنها متوقعة الكلام /ومراتك وأولادك
قام ماجد واقفا وقال
/مالهم هي في البلد معززة مكرمة هي والأولاد وانا هطلب من الحاج امسك الشغل اللي في المينا اللي هنا وابقي انزل البلد اجازات و كده ولا كده انا علاقتي بفاطمة مقطوعة من سنين يعني وجودي من عدمة مش فارقة هي شغله نفسها بحاجات أهم واصلا مش عتاخد بالها مني اصلا
ووعد مني هعيشك اميرة مش هيكون ناقصك حاجة بس وافقي
هند/بصراحة مش عارفه اقولك ايه بس انا متاخده شوية وحاسة اني متلغبطة وكل حاجة وعكسها مش عارفه اخد قرار معلش سبني اشاور امي واحكلها كل حاجة وربنا يقدم اللي في الخير أن شاء الله
بيجاد /تمام أن شاء الله لو في نصيب قبل ما نسافر حنكون مخلصين كل حاجة بس انتي استعجلي في الرد علشان نلحق نشتري الشقة
هند/ بسرعة دي طايب نلحق نعرف بعض ونفهم طباع بعض
مسك /هند مش انتي بتثفي في كلامي انا اشهد لماجد بجد راجل ويعتمد عليه
هند/بس ده جواز يا مسك وانا مريت بتجربة قاسية قوي وما عنديش استعدد أفشل تاني كفايا قوي اللي عشته
مسك /لا خالص يا هند ماجد غير المرحوم خالد خالص فرق السما من الأرض
ماجد/انا عاوز اعرف انتي خايفه من ايه انا هأمن لك حياتك هنا هجبلك شقة اللي تشاوري عليها
هند/لا لو سمحت شوية انا الماديات والشقه كل كده مايفرقش معايا خالص انا كل اللي يفرق معايا أنه يكون علي خلق ويعاملني زي ما ربنا قال با لحسنة هو ده اللي انا طلبته غير كده ما يفرقش معايا اصلا
ماجد/وانا اوعدك انك مش هتشتكي مني في يوم بس هي حاجة واحده عاوزك تعرفيها علشان لو كان في ناصيب
هند /خير انا فعلا عاوزة اسمعك واعرف كل اللي في دماغك
قام محمد واقفا /تمام كده احنا نسبكم مع بعض شوية لأن من الواضح انكم عندكم كلام كتير يتقال
قاموا جميعهم وخرجوا و تركوهم بفردهم
هند/خير بقا كنت عاوز تقول ايه
ماجد/بصي يا هند انا زي ما انتي عارفة أن انا متجوز وبصراحة. علشان نكون علي نور انا مش ناوي أطلق فاطمة صحيح مش بحبها بس بحب اولادي ومش اتمني يعيشوا مفارقين بصراحة عيالي عندي بالدنيا
هند /ربنا يباركلك فيهم انا عارفه الكلام ده كويس جدا وما كنتش هطلب منك تطلقها
عاود ماجد لأسلوب الفكاهة مرة أخري و غمز لها بعنية - طايب هنبل الشربات أمتي
انكسفت وخفضت رأسها وقالت بصوت منخفض
لما اخد رأي ماما الاول
ماجد /انتي عايشة مع ولدتك
هند /حاجة شبه كده ساكنين في عمارة واحد بس كل واحده في دور
ماجد وما اقعتيش مع ولدتك ليه
هند /ماكنتش هرتاح هي تعتبر جامبي
دخل بيجاد ايه كلام علي ايه نقول عقبال البكاري
ماجد/ أن شاء الله قريب
بيجاد طايب ايه يا شبح مش يلا بينا اتاخرنا
ماجد/اه تمام يلا
هند/وانا كمان اتاخرت علي ماما
ماجد /خلاص نوصلك علي سكاتنا بدل ما تاخدي مواصلات لوحدك
هند /بشبه ابتسامة. وانا موافقة داخلة اجهز
سلمت عطر علي مسك
عطر /هاتيجي بكره ولا ايه
نظرت مسك لبيجاد
بيجاد/ حضن مسك لاء بقي انا عاوز افسحها في اسكندرية انتم اللي هاتيجوا معانا نخرج كلنا سوا وفرصة ماجد وهند يتقربوا من بعض اكتر
عطر ساكتت معرفتش ترد علشان مش عارفه محمد راية ايه بس كانت متوقعة أنه هيرفض
ابتسم محمد و قال
و انا موافق شوفوا هنتقابل فين و فرصة افسح عطر قبل ما ارجع الشغل من ساعة ما اتجوزنا ما خرجناش من البيت خالص
تتفاجأت عطر بكلام محمد ودعوهم ونزلوا
ماجد فتح باب عربية لهند اتفضلي يلا علشان نوصلك معانا
نظرت له وضحكت شكرا انت كدا وصلتني سلام
اتفاجاء أن البيت في وش البيت جيران
ماجد /يا سلام وانا اللي عمال اقولك علشان المواصلات ماشي ماشي ليكي واحده
طلعت هند بيتها علي وجهها ابتسامة فرح
صعدت هند علي شقة مامتها علطول تركت الباب فتحت والدتها
هند/مساء الورد والفل والياسمين علي عيون ست الحبايب يا حبيبه
ولدت هند/مدرسة القرع اشتغلت هاتي ما عندك
قصت هند علي ولدتها كل حكاية بادق التفاصيل كلها
ولدت هند /بس انتي هتقبلي تكوني زوجة تانية يا هند بصراحة أنا مش موافقة علي الكلام الفارغ ده
هند ليه بس يا ماما
والدتها /هي كلمة واحده لاء يعني لاء مش نطلع من حفره نقع في دحديرة كفايا اللي شوفناه من المرحوم جوزك خلص الكلام لاء يا هند
وعند عطر دخلت عطر لبست قميص بروب جميل وضعت قليل من المكياج وقليل من عطرها المفضل وخرجت لمحمد
محمد في نفسة
هو احنا ليلتنا نادية ولا ايه ولكن عامل نفسة مش واخد باله
عطر /محمد محمد
محمد /رفع عينه قليلا واجاب عليها :
نعم في حاجة يا عطر
عطر بخجل
لاء بس اصل كنت عاوزة اقولك يعني
محمد وهو يتصنع الجديه /
خير قولي بسرعة اصل متابع الماتش
انحرجت عطر و شها احمر
عطر/لاء لا لا خلاص مافيش و سابتة و ماشيت
قام نط محمد ماسكها من دراعها هو ايه اللي لا لا لا مافيش،هو دخول الحمام زي خروجه دا انا لما صدقت حنيتي عليا بس قولي بقي ايه الجمال الرقة دي كلها
ابتسمت عطر
محمد/ اموت انا في الحلو ابو غمزات تعالي بقي عاوزك في موضوع مهم جدااا لا يحتمل التأجيل أو حتي التفاوض موضوع حياة أو موت والتقت شفتيها في قبله طويله انستهم دنياهم واخدتهم لدنيا عالمهم الخاص ولم يتركها حتي أصبحت زوجته امام الله
وفي الاوتيل (الفندق ,)
ماجد /ايه ياجماعة تفتكروا مامتها هتوافق ولا ايه انا بصراحه خايف متوافقش علشان موضوع جوازي ده
بيجاد/بصراحة يا ماجد مش عارف خايف تكون اتسرعت
ماجد/لاء يا بيجاد انا متسرعتش وكلكم شايفين انا عايش ازاي وبصراحة أنا معجب بهند من ساعة فرحكم البنت شدتني قوي
مسك/ هي بصراحة تنحب بس عاوزه اقولك علي حاجة مامتها مش هتوافق بسهولة طنط زيزي شخصيتها قوية هي اللي ربت هند وكانت اب وام بعد والد هند ما اتوفي
ماجد/يعني انتي شايفه. ايه يا مسك طمنيني
مسك /مش عارفه بقي يا ماجد سبها علي الله انا صبح هتصل بيها واعرف ايه اللي حصل اهدي بقي شوية
بيجاد/ ها تحبوا تروحوا بكر. فين
ماجد/ تعالي نوديهم المنتزة ونتغدي هناك الجو هيكون تحفة ايه رايكم. وعندي فكرة تعالو تشتري شواية وفحم ونشوي هناك فراخ ولحمة
مسك / كفك وخبطت أيدها في ايده هو ده كلام يا سلام
بيجاد/ انا معنديش مشكلة. اي مكان مش هتفرق اسكندرية كلها حلوة
مسك وانا طبعا مقدرش اعتراض علشان انا اساسا معرفش الأماكن هنا بس اسمع علي كوبري استانلي نفسي اشوفه ونبي ياىبيجو
بيجاد/يا عيون بيجاد وقلب بيجاد اجبهولك لحد عندك هنا .
ماجد /لا يا شيخ ونبي ايه بطل يلا نحنخة وخد مراتك واطلعوا ناموا علشان هنصحي بدري
بيجاد /ماشي يا رخم فصلتني ولا ايه رايك يا مفعوصة ساكتة يعني و ما قلتليش ايه رايك في خروجت بكرة
كل ده و مروة في عالم تاني مليان بتبادل النظرات الحب و الغرام و الهيام
بيجاد لما مروة مرضتش عليه التفت ليها و كأنها كالمغيبة تابع نظرتها و شافها باصه علي ايه
بيجاد قام بهدوء وبدون عصبية راح لشاب اللي وافق بينظر لأخته وهو كمان كأنه انفصل عن العالم اللي حوله
وحط ايده علي كتفه
بيجاد /ايه عجباك صح
انخض الشاب وفاق لنفسة
بيجاد بعصيبة و بصوت حاد منخفض عجباك بتحبها
اوما يوسف براسة اه اه
بيجاد شد ايده علي راسه ولما هي عجباك مدخلتش البيت من بابه ليه ها انطق
يوسف /اه سيب راسي طايب ليه خلينا نعرف نتكلم
بيجاد /و لما انت بتعرف تتكلم ما جاش اتكلمت مع الرجاله ليه ها ها وشد علي راسة
مسك /ماجد قوم شوف بيحاد
ماجد/لا سبية بيجاد هيعرف يتصرف كويس وعنيه علي مروة اللي هتموت من الخوف ومسك ماسكه أيدها عماله تهديها
مسك اهدي يا مروة. بالله عليكي ما تخافيش ببجاد حنين مش هيعمل حاجة
ماجد/ انتي تعرفي احنا لو مش في مكان عام أقسم بالله كنت عرفتك شغلك اخوكي يرجع بس ونشوف عمل ايه انتي يامفعوصة ماشي ماشي
مسك/ ماجد بس بقي اهدي شوية و خلينا في بيجاد خايفة يعمل اي تهور
وعند بيجاد ويوسف
بيجاد سحب يوسف علي أقرب كرسي اتفضل اقعد هنا واحكيلي كل حاحة بالتفصيل
يوسف عدل نظارتة الطبية وقال بارتباك .
بس استاذ بيجاد قبل كل حاجة اختك من اكتر البنات المحترمة اللي قبلتها في حياتي
بيجاد/ عارف طبعا هو انت هاتيجي تعرفني علي اختي واللي يقول عكس كده ليلته مش معديه اصلا
يوسف/ تمام تمام أنا معيد في الكليه بتاعتها بقالي 3سنين متابعها من بعيد لبعيد بس السنة دي بصراحة ما قدرتش وكنت ملاحظ أنها كمان بتبادلني نفس الشعور رحت من شهر وصارحتها بالي جوايا اعترضت في الاول بس حبها كان باين عليها ماقدرتش تقام وتصدني اكتر من كده
احنا معملناش حاجة غلط يا استاذ ببجاد احنا حبنا بعض واظن أن الحب لا عيب ولا حرام انا بجد بحبها
بيجاد /انا مقولتش أن الحب عيب بس من ورا اهلها هو ده العيب
يوسف /اقسم لك اني ما قبلتهاش ولا مرة برا كل كان في إطار الجامعة مش اكتر ولما عرفت انها رايحة اسكندرية قلت فرصة اشوفها
بيجاد/انت منين انت نزلت من البلد مخصوص علشان تشوفها هنا
يوسف هههههههههههه:
لاء طبعا مش لدرجة انا اصلا من اسكندرية وبروح الكليه عندها انتداب 3ايام في الاسبوع
انا الحمد لله متيسر الحال عندي شقتي و مستوي اجتماعي كويس و معيد في الجامعة وطالب القرب منك
بيجاد / ده كلام سابق لأوانه لان الكلام مش هيكون معايا الكلام مع الحاج هو اللي ليه الكلمة أنا بس اللي اقدر اعمله اني ارشحك ليه وهتطر اكدب و اقول انك واحد صاحبي علشان مينفعش اروح أقوله بنتك بتحب يا حاج يطب ساكت مننا الراجل و الجوازة تبوظ
يوسف /انا بجد اتشرفت بمعرفتك مروة حكتلي كتير عنك بس موافتكش حقك بصراحة راجل بجد
بيجاد /شرف ليا أنا يا دكتور
يوسف بيحسس علي رقبته لاء دكتور ايه بقي هو بقا فيها دكتور اسمي يوسف ارفع الألقاب
بيجاد وخبط علي كتفة جامد ماشي يا يوسف اديني رقمك ولا علي ايه ما هو مع المفعوصة ماشي سلام ورجع بضهره. تاني لورا . اه بلحق احنا رايحين بكرة المنتزه يقولك بدل ما هي تقولك وانا اعلقكم انتم الاتنين تعالي و قضي اليوم معانا واهو تحت عنينا
يوسف قرب عليه وحاضنه و باسه يا سلام انت اجمل بيجاد في الدنيا
بيجاد طايب اجري امشي احسن اغير راي
يوسف لاء وعلي ايه سلام
ماشي بيجاد راجع عندهم وغير ملامح وشه و واصتنع العصبية وكشر و نزر لمروة بغضب شديد قدامي يلا علي فوق من غير ولا كلمة
مسك /بيجاد نتكلم بالعقل تعالي بس اقعد واستهدي بالله
قطع كلامها بيجاد مسك مش عاوز حد يدخل والتفت لمروة اتفضلي قدامي علي فوق حالا