رواية احببت اعمي الفصل الثالث3والرابع4بقلم سندس محمد
بصت على شعره وجايه تحط ايديها عليه بس
اتفزعت فجاءة بسبب ايد عمر اللي مسكت ايديها بعنف لدرجة انها كانت هتتكسر
عمر بصوت مخيف: بتعملي ايه
حست بوجع فظيع في ايديها
رحمه بتوتر ووجع: احممم ممكن تسيب ايدي
عمر ببرود وقسوه: انا لو حسيت انك قربتي مني تاني انتي حره
رحمه بوجع: حاضر حاضر
ساب ايديها وقام من على السرير مسك عصيته ودخل الحمام
رحمه مسكت ايدها بوجع: ياربي غبيه يارحمه غبيه
الباب خبط رحمه فتحت الباب لقت فتحيه
فتحيه: منصور بيه بيقولكوا يلا عشان الفطار
رحمه بهدوء: حاضر اتفضلي انتي واحنا جايين وراكي
فتحيه: ماشي ياهانم
رحمه بضحك: هانم ايه بس انا اسمي رحمه وبعدين أنا مش زي بنتك ولا ايه
فتحيه بسرعه: ايوه طبعا ده انا حبيتك والله
رحمه بحب: تسلمي يا داده
فتحيه: بعد اذنك يابنتي بقى
رحمه: اتفضلي ياداده
داده فتحيه مشيت
كل الكلام ده كان سامعه عمر واستغرب إن فى حد بالطيبه دي بس نفض الافكار دي من دماغه
قفلت رحمه الباب ولفت لقته واقف وراها
رحمه بهدوء: باباك بيقول يلا عشان الفطار جاهز
عمر ببرود: طيب
رحمه: هغير هدومي واجي
عمر بجمود: ماشي
خدت رحمه هدوم ودخلت الحمام عشان تغير وبعد خمس دقايق خلصت وطلعت
رحمه بهدوء: يلا ننزل
عمر بجمود: يلا
وجاي يتحرك كان هيقع بس مسكته رحمه
رحمه بطيبه: هات ايدك اسندك
عمر بعصبيه: ملكيش دعوه انا اقدر اعتمد على نفسي
رحمه واتفهمت وضعه: طب خلاص همسك ايدك بس عشان انت شكلك بقالك كتير منزلتش ونسيت المكان شويه
وبعد كده عارفه انك هتفتكر المكان ومش هتبقى محتاج مساعدتي في حاجه
وفعلا سمح ليها تمسك ايده وساعتها حس فعلا لاول مره إن في حد بيساعده بدون شفقه رغم أنه عاملها وحش ولكن وقفت معاه
نزلوا تحت ولحد هنا قالها عمر
عمر بجمود: مش معنى اني سمحتلك بكدا انك تاخدي عليها متنسيش نفسك انتي واحده باعها ابوها عشان الفلوس فاهمه يعني ملكيش اي لازمه وعمري ما هوثق فيكي فاهمه
الكلام ده سمعه منصور والد عمر
منصور بغضب: رحمه اطلعي انتي معلش عشان عايز عمر في كلمتين وفعلا طلعت رحمه والدموع في عنيها من كلامه ليها هو كل مره بيتعمد يوجعها بالكلام
عمر ببرود: افندم
منصور وهو بيمسكه من ياقة القميص
الفصل الرابع
منصور وهو بيمسكه من ياقة القميص: تصدق انا غلطان اني جوزتها لواحد زيك متستحقهاش انا كنت متخيل
انك هتديها فرصه تغيرك وتعوضك وانت تعوضها عن اللي ابوها بيعمله فيها بس انت للاسف جرحتها باللي انت قولته ده حرام عليك وانا عارف ومتأكد انك قولت كلام من ده كتير ليه يابني ليه حرام عليك
عمر وهو بينزل ايده ببرود: خلصت
منصور بوجع عليه عشان عارف انه بيعمل كل ده غصب عنه: انت ايه يابني حرام عليك
عمر بصوت عالي مليان وجع: انا اللي فقد بصره في يوم وليله انا بقيت شخص الكل بيشفق عليه وكأني بقيت حد تاني وفي الاخر قولتلي اتجوز وانت عارف اني رافض الفكره دي بس وافقت عشان متزعلش مني عايزني اتقبلها ازاي
منصور: يابني اسمعني
عمر بعصبيه: انا خلاص مش عايز شفقه من حد ولا عايز حاجه من حد ابعدوا عني كلكم
منصور: تمام ياعمر بس لو مسيت شعره من رحمه انا اللي هقف في وشك
سابه عمر ومردش عليه وطلع وبيفتح باب الاوضه سمع صوت عياط رحمه
عمر بجمود: في ايه بتعيطي ليه
رحمه بعياط: انا اسفه
عمر بتعجب: بتتأسفي ليه
رحمه بشهقات: عشان انا السبب انك تتخانق انت وباباك
عمر في نفسه بأستغراب: هي فعلا طيبه وبريئه كده ولا بتمثل عليا يارب
عمر وهو بيتصنع الجمود: احمم انتي ملكيش دعوه متعيطتش خشي خدي شاور وانا هقول لداده فتحيه تجيب الغدا عشان انا جعان ونتي اكيد جعانه بردو
رحمه بهدوء وصوت متحشرج من العياط: حاضر
دخلت رحمه تاخد شاور وسابت عمر غرقان في افكاره
عمر لنفسه: انا ليه بقيت كده بقيت بخاف من الكل ليه مش عايز اقرب من حد ليه بقيت شايف الكل بيشفق عليا انا بقيت وحيد والكل بعد عني انا نفسي ارجع زي زمان ليه بقيت كده وبعدت عن ربنا اوي
قطع تفكيره صوت الباب فعرف انها خرجت
رحمه بتردد:احمم هو انت قولت لداده فتحيه تجيب الاكل عشان بصراحه انا جعانه اوي
عمر بهدوء: اه
بعد خمس دقايق الباب خبط
راحت رحمه تفتح الباب
داده فتحيه: اتفضلي يابنتي الاكل اهو بالهنا والشفا لو احتاجتو اي حاجه تاني قوليلي
رحمه بهدوء: شكرا ياداده تس
خدت منها الاكل وقفلت الباب حطت الاكل على التربيزه
رحمه بهدوء: احمم يلا الاكل جه
اتحرك عمر ناحية التربيزه وقعد بهدوء كل ده وهو ماسك العصايه
عمر بهدوء: حضري الشنط عشان هنسافر
رحمه باستغراب: هنسافر فين
عمر: الساحل
رحمه باستغراب: طب امتى
عمر بهدوء: بكره الصبح إن شاءالله
رحمه بهدوء: ماشي
خلصوا غدا وقامت رحمه جهزت الشنط وكل حاجه تخص السفر
وناموا عشان هيسافروا بدري
*****************************************
"في صباح جديد على ابطالنا"
صحيت رحمه قبل عمر وخدت شاور وادت فرضها وقاعدت تقرأ قران لحد ما عمر يصحى
بعد مده صحي عمر من النوم بصلها وسمع صوتها الجميل
لحد ماخلصت
رحمه: صدق الله العظيم
عمر بهدوء: صباح الخير
رحمه بهدوء: صباح النور
عمر: يلا اجهزي عشان هنسافر كمان ساعه كده
وسابها ودخل الحمام منغير ميسمع ردها
رحمه بضيق: ياربي على البرود
ووبعد ساعه جهزوا
رحمه وهي بتودع منصور
منصور: سلام ياحبيبتي ولو عملك اي حاجه اتصلي عليا علطول
عمر بمقاطعه: متخافش يابابا مش هاكلها وبعدين هي مراتي يعني مش هضرها
رحمه: متخافش ياعمو طول مانا مع عمر
منصور: ماشي ياحبيبتي ربنا يحميكي يارب
عمر: مش يلا ولا ايه
رحمه بهدوء: اه يلا
ركبوا العربيه وبعد مده من الصمت بصلها عمر وقالها اللي صدمها
عمر بجمود:.....