رواية حياة الياسين
الفصل الاول1
بقلم يارا علاء
هي بدموع:ارجوك يا بابا مش عاوزه اجوزه ده قاسي اوي انت مشفتش هو عمل اي في مراته الاولي.
ابوها بقسوه:لا هتتجوزيه هو عمل معاها كده عشان هي خانته يبقي حقه يقتلها ويدفنها حيا كمان .
هي بخوف:لا مش هتجوزه عشان خاطري مش عاوزه بالله عليك انا بخاف من نظرته وبخاف يعمل فيا كده.
ابوها بزعيق:انتي ملكيش خاطر عندي وخايفه لي انتي لو عملتي حاجه لازم تخافي بس انتي مش كده ف كتب كتابك بليل فاهمه يا حياه.
حياه بخوف: فاهمه.
ابوها بعد ما خلص كلامه مشي أما حياه انهارت وهي بضم نفسها بخوف وبتقول:اعمل اي يارب أنا مش بحبه وبخاف منه يارب ريحني يارب.(قالت كده وقمت دخلت اوضتها ونامت من غير ما تحس)
(بليل)
كان ابوها بينادي بصوت عالي عليها وحياه وهي نائمه انتفضت وقامت بسرعه وخرجت:نعم يا بابا .
ابوها بص عليها واتعصب جدا وضربها قلم وقال:انتي لسه مجهزتيش ده ابن عمك علي وصول.
حياه بخوف:والله نمت من غير ما احس انا اسف والله هخش اجهز نفسي بسرعه والله.
ابوها:طب بسرعه.
حياه هزت دماغها ودخلت علي الاوضه وفتحت الدولاب لاقت فستان شكله شيك ف راحت اخدته ودخلت الحمام تاخد شور وبعدين لبسته وحطت ميكب خفيف وخلصت وقعدة تستناه.
برا كان أبو حياه قاعد لغايت لما سمع صوت خبط علي الباب راح فتح ولاقي ياسين ابن اخوه والماذون وشاهدين معاه.
ابو حياه:ادخل يا ابني.
ياسين دخل وسلم علي عمه وقال:اكتب يا شيخنا.
المأذون:طب مش نسأل العروسه.
ابو حياه:العروسه موافقه .
المأذون:يبقي علي بركة الله .
المأذون بيدء يقراء قران وخلص وبعدين قال(بارك الله لكم وبارك عليكم وجمع بينكما في خير أصبحتم زوج وزوجه)
ابو حياه:الف مبروك يابني.
ياسين:الله يبارك فيك يا عمي .
ياسين بص لواحد من ال كان واقفين وقاله يوصل المأذون وبعدين دخل لحياه ال كانت قاعده بخوف .
ياسين دخل من باب الأوضه وعينه بدور عليها لاقها قاعده علي السرير وباين عليها الخوف ف قال:اي يا عروسه لي الخوف ده.
حياه انتفضت برعب وبصت ليه وسكتت وهو قرب وقال:في عروسه تخاف في ليله زي دي يلا بق عشان نروح بيتنا.
حياه فضلت واقفه متحركتش ف يصلها بصه تخوف خلها تجري وهو طلع وراها وراح عند ابو حياه وقال:استأذن انا يعمي .
ابو حياه:اتفضل يا بني.
ياسين :يلا انتي كمان.
حياه بصت لابوها وكانت خايفه ف ابوها قال:روحي مع جوزك يلا.
حياه بصت بحزن ومتكلمتش ونزلت مع ياسين وركبوا العربيه ومشيوا .
في العربيه حياه كانت بتبص علي البيت بتاعها بحزن ودموعها بتنزل.
ياسين ببرود:بكره تتعودي (قال كده وفتح موبايله وبدء يكلم فيه عن الشغل)
حياه في نفسها:ناسي أنه عريس وبيكلم في الشغل شكلي هعيش معاه ايام ما يعلم بيها الا ربنا.(قالت كده ورجعت راسها لورا وغمضت عينها ونامت)
_____
(تعريف الشخصيات)
ياسين الدمنهوري شاب وسيم عيونه رصاصي زي الصقر بشرته قمحي شعره اسود قاسي بس مع ال بيحبهم بيكون شخص تاني عنده ٣١ سنه ذكي عنده أكبر شركات غزل ونسيج)
(حياه الدمنهوري فتاه جميله جدا بشرتها بيضه عيونها خضراء محجبه بتحب كل ال حواليها وطيبه بزياده امها اتوفت لما ولدتها عندها ٢٥سنه )
(محمد الدمنهوري ابو حياه اناني وكل همه الفلوس عنده ٥٣ سنه)
_______
ياسين وحياه وصلوا وياسين قال:حياه قومي انزلي يلا.
حياه فتحت عينيها وبصت من شباك العربيه لاقت بيت كبير وفي جنينه كبيره وفيه ورد وكان شكله حلو راحت نزلت وياسين كمان أحدها ودخلوا واول ما دخلوا لاقوا الكل مجمع.
ابو ياسين(مصطفي):اهلا يا ولاد ازيك يا حياه يا بنتي عامله اي.
حياه:انا بخير يعمي انتي عامل اي.
مصطفي:بخير يا حببتي.
ياسين بعصبيه:روحي بوسي ايد ابويا وامي انتي لسه واقفه.
حياه راحت بخوف ومشكت ايد عمها وجات تبوسها عمها شال أيده بسرعه:بتعملي اي يابنتي.
ياسين:سيبها يا ابوي.
مصطفي بزعيق:........