رواية اسيرتي ولكني اسيرها
الفصل الثاني2
بقلم صابرين سيد
فجاه جميله اتصدمت لما بصت علي تليفونها
فاطمه لحظت /في اي يا جميله مالك
جميله سكتت لحظات
فاطمه /يابنتي بكلمك مالك
جميله /ها لا مفيش انا كويسه
فاطمه /قولي ياجميله في اي
جميله فجاه دموع نزلت منها /بيرن عليا تاني
فاطمه بدهشه/عارفه لو الي في دماغي انا الي ههزقه بجد
جميله /لا انا الي ههزقه المره دي
فاطمه /بقولك اي ردي عليه وافتحي الاسبيكر
جميله عملت الي فاطمه قالت عليه وفتحت الاسبيكر
جميله /هو انت مبتحسش عايز اي مني تاني
علي /جميله ارجوكي اسمعيني
جميله /انا استكفيت ابعد عني مش عايزة اسمعك
علي /انا ندمت وعايز نرجع اديني فرصه نتقابل ونتكلم
جميله /عارف ياعلي الوقت بتاعي غالي اوي والغالي ميضيعش علي الرخيص وانت ارخص بني آدم عرفته في حياتي
علي /انا مقدر كلامك كله بس محتاج فرصه
جميله /اسفه لقد نفذ رصيدكم ولو لمحت رقمك تاني علي تليفوني انا هزعلك بجد.
وراحت قفلت التليفون في وشه
فاطمه /شابووووووة يابت شابووووووة
جميله بصتلها وضحكت ضحكه صغيره كده
فاطمه /اي مش مبسوطه
جميله /للاسف مبسوطه بس لي كل ما افوق يرجع يفكرني بالوجع لي
فاطمه /ودي حاجه حلوة انك تفتكري الوجع عشان تكرهيه اكتر
جميله لسه هتتكلم لقت رقم غريب بيرن
فاطمه /يادي النيله مين تاني
جميله /ده برايفت نمبر
فاطمه /ردي يمكن عزوز
جميله /هولاكو قصدك
فاطمه /يخربيتك فقر
جميله ردت /الو
احمد /الساعه ٧ونص تكوني في المكان الي هبعتلك اللوكيشن بتاعه دلوقتي لو اتاخرتي دقيقه هيبقا في تصرف تاني وقفل الفون
جميله /اي الراجل ده ياربي بجد
فاطمة /هيربيكي يابنت محمد
جميله /ادي اخرت الي عايزة تشتغل
فاطمه /طيب قومي نمشي عشان تلحقي تروحي وتجهزي وتمشي
في الشركه
رامي بيضحك/عندي سوال انت بتعاملها معامله العبيد كده لي
احمد بصله /اي اعتبرها سوال ولا عايز واسطه
رامي /يا احمد بيه مقصدش بس البت غلبانه
احمد بيضحك وبيخبط علي كتفه /ياحبيب قلبي اختك قد عقله الاصبع اه لكن وربنا قادرة ومستقويه
رامي في سرة /عندك حق وربنا
احمد /المهم قولي المنشاوي كلمك
رامي /اه
احمد /ومقولتليش لي ولا لازم اسال
رامي /مش كده بس الاخبار مش حلوة وبصراحه محبتش اقولك
احمد بعصبيه /ماهو مش بمزاجك يا استاذ رامي انت هنا نائب مدير وانا هنا المدير وصاحب الشركة يعني كل خطوة لازم اعرفها سوا حلوة او وحشه مفهوووووم
رامي /ماهو المنشاوي مش ناوي علي خير لو ناوي كنت قولت
احمد بعصبيه /وهو من امتا رضا المنشاوي بيجي من وراه الخير
رامي /يا احمد باشا يعني اجي اقولك انه نص الكميه بتاعت الاجهزة كسر وتلفانه ورغم كده خد كل فلوسوا
احمد بعصبيه /انت بتقول اي بضاعه اي الي نص التمن يعني هو استوردلنا نص بضاعه بايظه
رامي /بالظبط
احمد بيخبط علي المكتب /انت ازاي تخليهم يديلوا الفلوس
رامي /انا للاسف عرفت ان اديلوا الفلوس قبل الاستيراد كمان
احمد بعصبيه /انتوا خلاص اتجننتوا كل واحد يعمل الي علي كيفه وصاحب الشغل كيس جوافه هنا
نده احمد علي السكرتيره /ناديلي الزفت الي اسمه فاروق
هند السكرتيرة /بس يافندم فاروق بيودي بضاعه
احمد /بضاعه اي دي كمان بقولك ابعتهولي اتصرفي
هند /امرك يافندم
رامي /ممكن تهدي عشان نعرف نتصرف
احمد بعصبيه /اهدي ده انا النهاردة هوريكوا الشغل علي اصله وقال اي احنا قد الشغل يافندم كتكوا نيله حتت واحد زي رضا المنشاوي يضحك عليكوا
رامي /ماهو مش هنخون راجل بنشتغل معاه بقالنا سنين
احمد /لا ياحبيبي نخون عارف لي عشان واحد زي رضا المنشاوي بيسكر وبتاع حريم تاخد منه اي حاجه وشغلنتنا دي اه نخون مفيش حاجه اسمها ده صاحبي لااااا صاحبي وصاحبك علي القهوه انما هنا شغل وبس مفهووووم وخبط جامد علي المكتب
رامي /مفهوم يافندم
احمد خد جاكت البدلة وخرج وهو خارج بيقول لهند
احمد /كلمتي فاروق
هند /بلغته يافندم
احمد /يجيلي علي المكان الي هبعتلك اللوكيشن بتاعه الساعه ٧ونص ولو اتاخر دقيقه هتصرف تصرف تاني معاه
هند /امرك يافندم
في بيت جميله
جميله بتفتح باب الشقه وداخله بصت
جميله /خير يارب
ام حسين /اي ياجميله هي دي اذيك ياخالتي ام حسين
جميله /معلش اصل مصدعه
ام حسين /اه الشغل الجديد بقا وعمايله
جميله بصت لي امها/لحقتي تقوليلها ربنا يستر بقا
فجاه الباب خبط
ام جميله لسه هتقوم
جميله /خليكي ياماما انا هفتح
جميله بتفتح لقت حسين /انت اي الي جابك هنا
ام حسين /انتي بتكلمي ابني كده لي مالك ياختي في اي
جميله /لا ياخالتي ام حسين ماليش بس لما تبقي تربي حسين ابقي قوليلي مالك ياختي في اي
ام حسين /انتي بتردي عليا كمان يابنت حنان
جميله /اه ارد ومالها بنت حنان ارجل من ابنك علي الاققل ابن سهير ننوس عين امه ولا ننوس عين ابوة
حسين /في اي ياجميله ده راي وانا حر فيه
جميله /رايك ده لو بنسالك تلبس اي زي ما بتسالي امك وابوك عن كل حاجه كده لكن ياحلو رايك مش انك تعلق واحدة سنين جنبك علي امل جواز وانت لا تصلح في الاخر
حسين بيزعق /انتي اتعديتي حدودك اوي ولولا وجود خالتي ام رامي كنت زعلتك
جميله قربت منه /اي يادكر طلعلك صوت وبقيت راجل علي اني اشك في حاجه زي دي عارف لي لان الراجل كلمته واحد انما المراه كلمته بتتغير عارف لي عشان بيجلنا ظروف بتغير هرموناتنا انما قولي بتجيلك كام في الشهر متتكسفش احنا اخوات زي بعض
ام حسين /انتي يابت محموقه كده لي يكونش سابك انتي دي صاحبتك وعارفه انتي مشوفتيش تربيه ولو امك مربتكيش هربيكي انا ولسه ام حسين هترفع ايدها مسكتها جميله وبصتله جامد /الي سابها دي اختي مش صاحبتي وانا اقسم بالله الي قولتهولوا ده قليل والي هيجي علي سكتها تاني انا هاكله بسناني سوا انتي او ابنك او دكر البط الي قاعد فوق يتزغط من النسوان ده ولو علي التربيه فانا تربيتي انضف مليون مره من تربيتك للمحروس لو عايزة تاخدي دروس تربية تعالي واعلمك
وجميله فتحت الباب /شرفتوا
حسين /ماشي يابنت عم محمد وربنا لهوريكي
جميله قفلت الباب في وشهم
ام جميله بصتلها /جدعه يابت
جميله /ده انا قولت هتاكليني قلمين
ام جميله /لا مدام صح اشجعك وزياده
جميله /يخليكي ليا يارب
ام جميله /عملتي اي النهاردة
جميله حكت لي مامتها زي ما متعوده
ام جميله /وهتنزلي تاني دلوقتي
جميله/يادوب الحق ياماما الا استاذ احمد ده رهيب
ام جميله /ربنا يقويكي كده انتي واخوكي في شغل واحد
جميله /بالظبط
ام جميله بصت لقت جميله لبسه فستان اسود بيزك واكسسوار هادي وميكب هادي جدا انبهرت بجمال بنتها /ياختي ربنا يحميكي اي القمر ده
جميله /طالعه ليكي ياقمر يلا باي
نزلت جميله وصلت قبل المعاد بربع ساعه
احمد كان قاعد. اول ما شافها جايه من بعيد بصلها وحس بحاله من الانبهار
جميله /جيت قبل معادي اهو
احمد بصلها شويه
جميله /احمد بيه انا بكلمك
احمد باعجاب /زي القمر
جميله باستغراب /افندم
احمد /ياستي اقعدي انا بقول علي البت الي هناك دي
جميله بصوت هادي /ياباي هولاكو وربنا
احمد /بتقولي حاجه ياجميله
جميله /هو انا اقدر
احمد حكي لي جميله هو جايبها هنا لي
جميله /متقلقش يامستر كل حاجه باذن الله هتبقي تمام
احمد /يافرحتي هو انا بحكيلك تواسيني
جميله/قصدي هشتغل وباذن الله كله تمام
احمد /ربنا يستر ده اول شغل ليكي وريني شطارتك بقا
جميله /ثق فيا
احمد /ربنا يستر
وفجاه وهما قاعدين حصل المفاجأة