![](https://blogger.googleusercontent.com/img/b/R29vZ2xl/AVvXsEiHqgZXoGgPgwQEkfHT_4YtvymOHXgixUtyj0ajIOk41Vs3jigKfWUrAol6QW4zq8Vnd8noepPEv7bbgkaCvrj5w-d8W3nh72qVAOFGSPKg365BEy_zacpZTL-Lco8rwD9oEGJEAcVyN7_H35OYz6i3MeB-icGyQCe3bqAWydY2zsT3bRBTZvPJhN_-oUfP/s320-rw/FB_IMG_1706561198234.jpg)
رواية قلوب ارهقها نبضها الفصل العاشر10بقلم نرمين قدري
بيجاد بغضب:
- هو ده اللي كنت خايف منه يلا بينا بسرعة
ركضوا جميعا لاسفل مسرعين
قالت عواطف بزهق:
- انا بردو مش فاهمة انتي عاوزو ايه ام فرح نعمل ايه علشان نرضيكي
فاطمة بعوجان وتكبر:
- وانتي تكوني ايه علشان تراضيني ولا ما ترضنيش انتم يادوب تشتغلوا عندنا وبس اكتر من كده ماتحلميش ومش معني أننا اتنازلنا واخدنا بنتكم يبقي حتيجوا وترحوا في أي وقت لا يا ماما احنا خدنا خدامة ببلاش بدل ما كنا بندفعلكم علشان تيجوا تخدمونا دلوقتي هندفعلكم ونشتريها تخدم عندنا ببلاش
دخل بيجاد بعصبية بعد أن سمع كلامها :
- خير يا ام فرح هي مين دي اللي هتشتريها علشان تخدم انا هاخد مسك زوجه مش خدامة واظن كفايا لحد كده .
ثم التفت نحو أخاه وقال بغضب وحده
- ماجد تعالي علشان هنقعد قاعدت الرجالة ونقرا الفاتحة
قال فايز بقلة حيلة :
-اتفضلوا معايا برا في المندره
طلع ماجد وبيجاد و محمد وفايز إلي الخارج
دخلت مروة و عطر ومسك جلسوا في صمت
ميلت مروة علي امها:
خير ايه اللي حصل وصوتكم كان عالي ليه
اشجان باختناق :
-يعني انتي مش عارفه فاطمة واستفززها
مروة بهمس:
-أيوة يعني عملت ايه علشان تخلي عواطف تخرج عن شعورها كده وكلنا عارفين عواطف عمالة تطبل علشان الجوازة تمشي باي شكل .
اشجان بهمس
- كالعاده فضلت تدوس علي حتة النقص اللي عندهم وانهم مش هيدفعواو ابيض ولا اسود و أن الجوازه سهلة وكده يعني وانهم داخلين على طمع
قالت مسك :
هو ايه اللي حصل هنا صوتكم كان عالي ليه من فضلكم حد يفهمنا ايه اللي بيحصل
عواطف بغضب:
خلصنا يا مسك المهم انتم اتفقتوا علي ايه انتي وبيجاد
فاطمة باستفزاز :
هيكونوا اتفقوا علي ايه يعني المسرحية ماشية زي ما متخطط ليها بلظبط
نظرت لها مسك بغضب وكانت في وضع الاستعداد للانقضاء عليها ماسكت عواطف يدها وغمزت لها تسكت .
اشجان بغضب عارم وقد فاض بها الكيل :
- ما بزياده بقي يا فاطمة محدش جبرك تيجي معانا انتي اللي صممتي تيجي يبقي تقعدي وتحترمي البيت اللي انتي فيه
نظرت عواطف لمسك كأنها بتقولها شوفتي ولسة
صمتت فاطمة ولكنها ظلت غاضبة من زعيق حماتها ليها قدمهم وبتستحلف لمسك
دخل محمد الف مبروووك يا جماعه. قرينا فاتحة وكتب الكتاب والدخله اخر الاسبوع اللي جاي يوم الخميس أن شاء الله
خبطت عواطف علي صدرها وقالت
يالهوي هو احنا هنلحق نعمل حاجة لا صعب طبعا احنا مجبناش حاجة خالص
قالت اشجان مبتسمة
- ما تشيلش هم يا عواطف كل شورها وحاجتها تعتبر خلاص جات وزمان الاوضة بتاعتهم ببتفرش
وقفت مسك وقالت بحده
بس انا مش موافقة يا حاجة انا حاجتي هاجبها بنفسي لو سمحتي الحمد لله ابويا قادر يشورني انا واختي
فاطمة في نفسها ولكن بصوت مسموع:
-ونبي ايه شوف البت وكهنها هتعملهم علينا صدقناكي يابت
احمر وجه مسك من الغيظ وهي غير قادرة علي الرد عليها مما زاد من احمرار وجهها أكثر
قامت مروة وانقظت الموقف مسرعة وقالت بحب :
-وماله يا مسك زيادة الخير خيرين انزلي وهاتي كل اللي نفسك فيه انتي عروسة ومن حقك تنزلي تختاري حاجتك بنفسك ولا ايه يا حاجة مش دي الأصول
اشجان وقد فاهمت ابنتها:
طبعا يا بنتي وربنا يباركلك في ابوكي
دخل بيجاد عليهم ايه ياحاجة مش هنلبس عروستنا شبكتها ولا ايه .
قالت فاطمة فجاءة :
-وايه لازمتة دلوقتي مش لما تكتب كتابك اضمن
مسك بخجل وقد حبست دموعها بأعجوبة:
+ صح ام فرح عندها حق بعد كتب الكتاب وانا ما طلبتش شبكة اصلا
اشجان:
- في ايه يا بنتي ده حقك وليه يعني بعد كتب كتاب دي لاصول .
هاتي يا مروة علبه الشبكة من الشنطة بتاعتي
ايه مافيش زغروطة للعرسان ولا ايه
زغرطت عطر وعواطف
ناولت اشجان علبه لبيحاد
- لبس عروستك شبكتها يلا
مسك بيجاد علبة وفتحها وكانت عباره عن طقم الالماظ زي اللي جه لندا مرات امجد
شاهقت فاطمة اول ما فتح العلبه ثم نظرت لماجد نظرة هو فاهم معانها .
امسك بيجاد الشبكة ولبسها لمسك وهي في حالة خجل شديدة و مبهورة بجمال شبكة
عواطف مبرقة وفاتحة بوقها عنيها هتطلع من مكانها علي ابشبكة وجمالها .
عطر بحب
بسم الله مشاء الله ربنا يسعد ايامك يا قلب اختك لمحت نظرة كسرة في عيون محمد
جرت علية وماسكت ايده وقالت بحب:
-محمد انت عندي اغلي من كل الماظات العالم وهمست له بحب :
بحبك يا بن عمي وأهلي كلهم
حضن محمد يدها في حب شديدة وكأنه بيث لها مدي حبه واشتياقه ليها وامتنانه
انتهي بيجاد من لبس الشبكة لمسك وقال وهو يغمز لها
- مبروك يا اجمل عروسة مبروك عليا انتي
ثم قبلها من راسها
قام ماجد واقف وقال:
طيب الف مبروووك ياجماعة ربنا يكمل بخير تستأذن احنا بقي ثم نظر لولدته مش يلا يا حاجة بينا بقي علشان الحاج لوحده ولا ايه
اشجان وهي تستعد للنهوض/:
يلا يا بني بينا الف مبروووك يا جماعة
ثم التفتت لمسك وقالت
وانا هخلي مروة تجيلك كل يوم تخلصوا اللي فاضلكم علشان الوقت يادوب يا زينة البنات وحضري نفسك مروة تعدي عليكي بكرة وتنزلوا تشتروا فستان الفرح اللي يعجبك
مسك بأمتنان:
تمام يا حاجة اشجان والله يبارك فيكي
فاير /شرقتوا نورتوا وربنا يتمم بخير
ذهبت عائلة العمده وفرغ البيت
قالت عواطف بجدية:
مسك تعالي عاوزة اقولك كلمتين قدام ابوكي وابن عمك وتسمعيهم كويس
مسك بملل :
- خير يا مرات ابويا في ايه مينفعش الكلام يتأجل لبكره
عواطف :
لاء مينفعش ولازم كل يكون شاهد علي كلام ده علشان مترجعش تقولي محدش قالك تعالي اقعدي جامب ابوكي هنا
فايز:
خير يا عواطف سيبتي ركبي
عواطف:
خير. في سلامة و سلامة في خير خالي بالك الحرباية اللي اسمها فاطمة مش ناوية علي خير وحطاكي في دمغها جامد والغيرة وكلها من ناحيتك قوي و البني ادم اللي بيغير ده تحرصي منه جدااا خالي بالك منها قوي. نيتها ليكي مش خير وهتفضل وراكي لحد ما تخرب عليكي اوعي فاهمة اوعي تديها الفرصة أنها توقع بينك وبين حماتك لأنها هتحاول وبكرة تقولي عواطف كان معاها حق
مسك بخوف وقد بدأت الدموع تعدد في الانهيار :
- انتي هتخوفيني ليه بس انا رايحة عندهم خايفة خلقة
قال محمد مؤكدا:
- مرات ابوكي عندها حق يا مسك الست دي الكره والغل واضح جداا عليها احذري منها و اوعي تبيني ليها انك خايفة منها اوعي تحس في يوم انك ضعيفه وخالي بالك هتحاول تقلب كل اللي في السرايا عليكي
نظرت لها عطر وقالت :
- انتي ما اخذتيش بالك منها شهقت ازاي لما شافت شبكتك وبصت لجوزها حته بصة
عواطف:
- انا اخدت بالي طبعا ، المهم خالي بالك منها وخلاص وابعدي عن أي حوار معاها يجيب مشاكل لأن متزعليش من كلامي هيكون تقيل بس اسمعية مني احسن ما تسمعية من غيري صحيح بنا مشاكل انا وانتي علطول بس انا مهما كان اللي ربتكم ودخلت عليكم وانتم لسة قطط مغمضه يعني اللي يجي عليكم أكله بسناني اسمعي مني يا مسك كويس الكلام ده وحطية حلقة في ودانك
انتي داخله عليهم غصب عنهم كلهم وهاتحسي انك اقل واحدة وهما دايما هيحاولوا يفكروكي بأصلك اوعي تباني انك ضعيفة قدمهم أو كلامهم ده بيجرحك عارفه أنه هيجرحك بس من جواكي بس لكن برا عزت نفسك هي اللي بتتكلم جبروتك ورأسك مروفعة واكدلهم أن فخر ليكي ان ابوكي كلاف البهايم عندهم وانتي راسك مرفوعة فاهمة يا مسك اوعي ثم اوعي يكسروكي من الحته دي اوعي يا مسك كل اللي يجيب سيرة ابوكي قوليلهك انا فخورة بيه أنه وصلني انا واختي لحد الجامعة
مسك وعطر في نفس واحد انتي عارفة أننا كلنا في الكلية وساكته
عواطف ضحكت ؛
مش بقولكم انا اللي مربياكم عارفه طبعا من اول سنة و اديكم في آخر سنة مش معني اني بتخانق معاكم كل شوية يبقي بكرهكم لاء يا بنات انتم زي بناتي انا اللي رابيت وكبرت المهم لازم تصميمي تخشي امتحاناتك شهادتك معاك هي سلاحك اللي هتحربيهم بيه فاهمة يامسك اوعي تضعفي اللي انا اعرف أن فاطمة معاها اعدادية بس ضربه ليها لما تعرف انك في آخر سنة في الجامعة وانتي بنت كلاف البهايم وهي بنت الحسب و النسب مكملتش هتكون ضاربه ليها وهتحارب انك ما تكمليش لازم تصميمي علي رايك ولازم تقولي لبيحاد كده بصي هقولك علي حاجة تقولهالوا رج كلام مش اكتر قولي انك عاوزة تأجلي الفرح لحد بعد الامتحانات وشوفي رد فعله
قامت مسك واقفة وعنيها فيها دموع:
انا ما كنتش اعرف انك بتحبيني كده يا مرات ابويا صحيح كان نفسي امي تكون معايا بس كلامك ده علم فيا قوي بجد متوقعتش منك يطلع كلام كده
قامت عواطف وقفت وحضنتها وقالت والدموع في عينيها :
-يابت ياهبله الام اللي بتربي مش اللي بتخلف انا ربنا حرمني من خلفه بي عوضني ببنتين مطلعين عيني بس اقسم بالله حبتكم زي عيالي
عطر بضحك ؛
وكان ايه لزمته بس جر ابشكل معانا كل يوم والزعيق ده ما كان الطيب احسن يا مرات ابويا
عواطف:
وانتم مين قالكم بقي اني هبطل يلا اجري يابت منك ليها علي اوضتكم اتخمدو في شغل كتير لسة ورانا
ثم التفتت اتجاه محمد و قالت
انت يا نحنوح علي بيت ابوك متعطلناش
محمد بضحك:
اهلا عواطف رجعت سالمة يابنات شكل اللي كان بيتكلم من شوية العفريت اللي عليها مش هيا
الكل ضحك في جو جميل
وعند العمده
دخلت اشجان و مروة وفاطمة السرايا وعلي وش فاطمة غضب ربنا
ذهب بيجاد و ماجد المندرة بتكلموا
فاطمة :
هو انا بقي عاوزة اعرف في ايه لما بنت كلاف البهايم يجلها طقم الالماظ وانا فاطمة بنت كبير البلد متتقدرش
مروة بزهق منها:
/لمي يومك بقي وقولي يامسا البيت مولع خلقة مش ناقصك الله يكرمك عدي اليله كفايا اللي عملتيه هناك كان ناقص تقومي تضربيهم كلهم
فاطمة بزعيق وصوت عالي
امال اسكت لحد بنت كلاف البهايم تاخد الجمل بما حمل والله ما يحصل علي جثتي
دخل بيجاد و ماجد علي صوت زعيق فاطمة
بيجاد بقرفة ونفاذ صبر:
انا نفسي اعرف انتي عاوزة ايه بلظبط محدش عاجبك خالص ايه اللي حرقك من مسك كده
التفت فاطمة لماجد وقالت بسخرية:
ماهو اللي جوزها يقولها يا كوده يلعبوا بيها كرة
انت عجبك اللي اخوك بيعملوا مش مقدر انك انت كبير ولا عاملك اعتبار
خالص وطايح فيا كأني مليش راجل بس هتعمل ايه انت اللي سمحت بكده أن اصغر حد يتكلم معايا كده
وانت الكبير بس متزعلش هوا الكل شيفينك هوا ملكش أي شخصية
بيجاد وقد نفذ صبرة فعلا
انتي لا يمكن تكوني بني آدمه انتي شيطانه والله شيطانه
وفجاءة ماجد رفع ايده ونزل علي وجه بيجاد