رواية ملاك في رداء الشيطان الجزء الثاني2
الفصل التاسع9
بقلم ايزيس
في قسم الشرطة
دخلت للظابط وقالت : احم انا أنا جيت أبلغ عن شخص
الظابط : سرق منك حاجة
انجل : لا لا قبل ما اتكلم لازم توعدني أنه مش هيتعا*قب ابدا ، توعدني ؟؟؟
الظابط بصلها من فوق لتحت وقال : انتي هب*لة يا بت
انجل كانت ندمانة علي تصرفها المتهور
قالت للظابط : لا لا خلاص انا رجعت في كلامي
وخرجت بسرعة من المكتب والظابط وراها بينادي : يا آنسة يا أستاذة انتي استني عندك
سابها ورجع مكتبه وهو مستغرب من تصرفها
رجعت انجل البيت وكانت متوترة لقت مارد قاعد مستنيها وحاطط رجل علي رجل أول ما دخلت بص لها بغض*ب وقال : كنتي فين ؟
كانت مرتبكة وقالت : لا أبدا بس حسيت اني م مخنوقة قولت اتمشي شوية ، فكرت شوية وقالت بنوع من العصبية : ثم انت مالك بتسألني ليه احنا مش متخاصمين
وقف مارد ومشي ناحيتها بغض*ب كأنه هيق*تلها غمضت هي عينيها من الخو*ف ، مسكها من دراعها وقال : لو خرجتي مرة تانية م البيت من غير اذني هاق*تلك انتي فاهمة
انصدمت من كلامه وقال : تقت*لني
ساب ايدها بعصبية ومسح وشه بإيده وقال بهدوء : انجل أنا بجد فيا اللي مكفيني اليومين دول ما تبقيش عنيدة ، أنا خايف عليكي عشان كده لازم اعرف كل خطوة بتخطيها فاهمة
انجل بصت له بتحدي وقالت : خايف عليا عشان انت مش ماشي بما يرضي الله، لو مش بتغلط مش هتخاف
كور إيده وغمض عينيه وسابها وخرج وهو خارج بص لها تاني وشاور بصوباعه السبابة وقال : كلامي يتنفذ ، مافيش خروج م البيت اليومين دول فاهمة
خلص كلامه وخرج علي طول
وهو سايق كلم واحد وقاله : السلا*ح جاهز للتسليم
@ تمام خليك علي اتفاقنا ولو جدت حاجة بلغني فورا
مارد : تمام
*****************
وصل مارد المصنع لقي اسلام في مكتبه دخل عنده وقال
_ كلم ماركو وبلغه إننا هنسلمه السلا*ح بعد بكرة الفجر علي حدود سينا تمام
اسلام بصدمة : نعم يا خويا سينا ؟؟ انت مجنون صح
مارد : ليه
اسلام : قولي بقي علي ما السلا*ح يوصل سينا هنمر بكام كمين تفتيش
مارد : ما تقلقش انا مظبط كل حاجة هنعرف نعدي
اسلام بشك : ازاي
مارد أدار ضهره ببرود شديد وهو بيقول : مالكش فيه
وخرج م المكتب
اسلام اضايق جدا من مارد وفضل يفكر في قرار بيدور في دماغه
خلص مارد شغله وركب عربيته ورجع ع البيت
طلع اوضته يغير هدومه
انجل وجميلة كانوا قعدين تحت والأولاد بيلعبوا
وفجأة موبايل انجل رن كان جدها
ردت بفرحة : جدو عامل ايه اخبارك ايه
جدها : أنا بخير يا بتي انتي عاملة ايه يا 《تالية 》
انجل : ياااه يا جدو انت الوحيد اللي بتفكرني اني كان اسمي 《تالية 》
ضحك جدها وقال : اخبارك ايه واخبار عيالك ، وعيلة جوزك
_ الحمد لله كلنا بخير يا جدو
_ أنا كنت متصل عازمكم تشرفونا في فرح بت عمك الخميس اللي جاي ، ياريت تشرفونا كلكم
ردت بفرحة: اكيد يا جدو هنيجي
مارد كان نازل ع السلم وسمع كلامه
انجل ردت علي جدها : لا سلامتك يا جدو مع السلامة
قفلت وسمعت مارد بيقولها : هتروحي فين
انجل : فرح بنت عمي ، أنت اكيد هتخليني اروح صح
مارد شرد شوية وبعدين قال : اكيد هتروحي حضري شنطتك وخدي الاولاد معاكي
انجل نسيت م الفرحة اتفاقها مع مارد وبا*سته في خده بفرحة وقالت : إنت أحلي مارد
ابتسم لها وحط ولمس مكان البو*سة وهي افتكرت اتفاقها عض*ت شفا*يفها بكسوف وجريت علي فوق ضحك هو وهز راسه بعشوائيه يمين وشمال
جهزت انجل شنطتها وحطت هدومها وهدوم عيالها وهدوم مارد و سلمت علي جميلة وعزيز وركبوا العربية وانطلقوا ع الصعيد
بعد ساعات سفر طويلة وصلوا الصعيد
ونزلوا م العربية و مارد سلم علي جد انجل واعمامها وهي سلمت علي كل عيلتها
كان جدها مجهز لها وليمة هي وجوزها
جدها قال بترحيب حار : اتفضلوا دانتوا نورتونا
قعد مارد ع السفرة وانجل كانت هتقعد جمب جدها بس جدها قال : لاه اقعدي جمب جوزك يا تاليا
انجل ابتسمت وقالت : حاضر يا جدو
قعدت انجل جمب مارد ومارد ابتسم بخبث بدأوا ياكلوا وهو نزل إيده تحت الطرابيزة ومسك ايدها اللي كانت ساندة علي الكرسي اتفاجئت و حبت تشيل إيده بس هو رفع حواجبه بتحذير وهمس : تؤ اهدي عشان شكلنا قدام الحاج
أنجل كانت بتبتسم وجازة علي أسنانها وقالت : فرصتك واستغلها
مارد همس لها بجد ومسك خص*رها ضغ*ط عليه برقت عينيها وهو ضحك باستفزاز عليها
جدها بص لمارد وقال : إنت مكسوف يا ولدي ولا د ايه ، ايه يا تاليا جوزك مش بياكل ليه
مارد : أنا باكل اهو يا حاج
انجل بغيظ : أصله مركز في حاجة تانية
بصت لمارد : بطل مح*ن وكل
مارد قرب إيده من ايدها ع السفرة ومسكها وهمس لها : اصلي بعشقه
سحبت ايدها يعنف من إيده ومن غير ما تقصد الشربة اندلقت علي إيده كانت سخنة بس مش لدرجة أنها تحر*قه لكن لما شاف رد فعل انجل قرر يمثل ايده بتوجعه جامد
انجل مسكت ايده بلهفة وفضلت تنفخ فيها وقالت : ايدك بتوجعك ، حاسس بإيه
مارد فرح من خوفها عليه وقال : ااااه ايدي اتحر*قت جامد مش قادر
قام جد انجل بقلق ونادي علي حفيدته عشان تجيب مرهم حرو*ق حفيدته مسك بنت نهلة جابت المرهم اخدته انجل وحطت لمارد في إيده وهو كان بيرجع لها خصل شعرها اللي بتوقع علي عينيها بصت له ورمشت كذا مرة وبعدها اتنحنحت وسابت إيده
جدها قال لها : تاليا اكلي جوزك يا بتي مش هيعرف ياكل بيده الشمال
انجل هزت راسها يعني تمام
فضلت تأكله في الأول كان عامل نفسه مؤدب بس بعد كده بقت كل ما تقرب ايدها لبقه يع*ض صوباعها ويبتسم بصت له بتحذير بعينيها الخضرا القمر دي وقالت بابتسامة بتحاول تخفيها وتمثل الجدية : تؤ
بص لجدها وقال: أنا خلاص شبعت مش قادر ، سفرة دايمة يا حاج
الحاج : يدوم عزك يا ولدي تعالي نشربوا الشاي في الجنينة وانتي يا تاليا روحي اقعدي مع البنات جوه
انجل: حاضر يا جدي
مارد شرب الشاي وصلي العصر مع جد انجل وقاله : اسمع يا حاج انا عندي شغل مهم ولازم ارجع ، مش هوصيك علي أنجل واحفادك
ابتسم الحاج وقاله : دول في عيوني يا ولدي ، مع اننا هنزعلوا لأنك مش هتحضر الفرح ، بس ربنا يسهلك امورك
مارد ابتسم وقال : ربنا يسهل يا حاج استأذن انا
واخد عربيته ومشي
****************
في قسم الشرطة
خبط الصول علي الظابط معتز اللي كان عنده ضيف وقال : يا سعادة الباشا الب*ت المجن*ونة اللي جات امبارح سابت بطاقتها وما جاتش اخدتها امبارح
الظابط مد ايده وقال : وريني يا إبني اهي عاهات بتتحدف علينا قال ايه هبلغ عن واحد بس ما تعاقبهوش
ضحك الضيف اللي كان معاه وقال : بجد قالت كده وسيبتها تمشي عادي
الظابط : هاعملها ايه يعني انا فاضي لها تلاقيها كانت ضار*بة حاجة ع الصبح
مسك الظابط البطاقة وقال : انجل عبد الحميد الأمين
قلب البطاقة وقال : اسم الزوج مراد عزيز سلطان المالكي
الضيف بص باهتمام وقال : وريني كده
مسك البطاقة وقال : هي قالتلك ايه بالظبط
الظابط : قالت إنها عايزة تبلغ عن شخص بس بشرط ما نعاقبهوش ونسامحه عشان خاطر سواد عيونها
الضيف : طب انا هاخد البطاقة دي واشطب الاسم دا من عندك خلاص يامعتز
معتز باستغراب : اعتبره حصل انا ايه اللي دخلني الكلية المه*ببة دي بس ياربي
********************
انجل نزلت عند جدها في المندرة وقالت : فين مارد يا جدو
جدها قال باستغراب : هو ما قليكش ولا ايه يا بتي دا مشي عشان عنده شغل مهم
انجل بصت للفراغ وملامح وشها اتحولت للضيق وقالت : شغل
طلعت وهي مضايقة من تصرفات مارد وأنه بيصغرها قدام عيلتها مسكت موبايلها عشان تتخان*ق معاه بس اتفاجئت انه باعت لها رساله
" حبيبتي وبنتي ومراتي الجميلة، اسف لأني مشيت من غير ما اودعك بس دا غصب عني ، أنا لو عليا ما ابعدش عنكم لحظة بس اكيد هتفهميني عندي شغل ضروري ، استني مني مفاجأة حلوة يوم الفرح ، بابا المارد "
ارتاحت شوية لما قرأت الرسالة بس كانت مضايقة لأنها مش هتشوف مارد الفترة دي كلها ، وكانت بتفكر يا تري ايه المفاجأة اللي محضرهالها يوم الفرح
بعد شوية تفكير طلعت عند البنات فوق
نهلة بنت عم انجل الكبيرة : تالية انتي احلويتي قوي يا بت الله يرحم لما كنتي كارتة وشعرك منكوش والله و نضفتي
انجل ضحكت واتفاجئت من كلام بنت عمها وقالت : أنا مش فاكرة اي حاجة إلا الساقية اللي كنا بنلعب عندها والولد دا اسمه إيه اه حامد فاكره لما كنا بنلعب معاه
ضحكوا كلهم وقالت نهلة : اهو حامد دا هو عريس الغفلة
ضر*بتها منار في كتفها وقالت : أحلي عريس يا اختي
نهلة : واه واه اشبعي بيه يا جالوس الطين انتي قال أحلي عريس قال مين يصدق ان حامد ابو بر*بور يبقي ظابط ويتجوز منار الحو*لة
قامت منار مسكت مخدة وفضلت تضر*ب في نهلة ونهلة تصوت وتقول : خلاص بهزر بهزر أحلي ظابط قومي الله يخرب بيتك هتفطسيني
انجل كانت واقعة ضحك عليهم وكانت فرحانة اكتر من رسالة مارد هي فعلا زعلانة منه بس دا مش هيغير حقيقة أنها أضعف إنسانة قدام لمسة من إيده
مالك كمان كان بيضحك هو اولاد نهلة علي جنا*ن امهم
*****************
مارد كان سايق وهو بيفكر ان كده انجل وأولاده هيكونوا في امان اكتر قطع تفكيره رنين موبايله
فتح الخط وكان حاطط سماعة بلوتوث في ودنه وقال : خير
@ انت فين
_ في طريقي للقاهرة راجع من الصعيد
@ بطاقة مراتك معايا ، امبارح جات تبلغ عن شخص ومش عايزاه يتع*اقب
مارد وقف العربية فجأة وقال بصدمة : ايه تبلغ
@ مراتك تعرف حاجة عن شغلك
_ عرفت
@ ماكانش لازم تعرف ، اتصرف ممكن توقعنا وتوقع نفسها
في ورطة كبيرة
_ أنا هاتصرف لما اوصل هاجيلك اخد البطاقة ، سلام
@ سلام
مارد وصل تقريبا الفجر نام علي طول من شدة الارهاق
صحي الصبح علي صوت رنين موبايله وكان المتصل اسلام
مارد بضيق : يوووووووه فيه ايه كل دي اتصالات
اسلام : غريبة دي يا أخي مش انت اللي قولتلي صحيني الصبح بدري
مارد بيمسح وشه عشان يفوق : صحيت خلاص صحيت يلا اجهز
اسلام رد بحزن : أنا جاهز ، يا ريت انت كمان تجهز للي هاقوله
سلام
قفل اسلام ومارد قال بدهشة : بيقول ايه دا
فاق واخد شاور واتصل علي انجل اللي ردت عليه بضيق مصطنع وقالت : نعم عايز إيه
مارد بمشاكسة : صباح الفل نمتي كويس بعيد عن حض*ني
انجل بعصبية : مغرور
مارد ضحك بصوت عالي : حقي اللي معاه جوهرة جميلة زيك لازم يتغر
انجل ابتسمت بس رجعت بسرعة و قالت : امم برضو مش هغير اتفاقنا
مارد : هيحصل وقريب جدا
انجل : طب اقفل بدل ما اقفل في وشك
مارد : طب اعمليها كده وهتلاقيني قدامك وطظ في اي شغل
انجل بحزن : كداب انت ما تقدرش تخالف اسيا*دك
مارد اتعصب وقال: انجل أنا ماليش أسيا*د وماحدش يقدر يفرض كلامه عليا أنا رئيس نفسي انتي فاهمة ، سلام عشان نا افقدش أعصابي عليكي
انجل قفلت الموبايل وكانت زعلانة
هو كمان سمع صوت عربية اسلام ونزل علي طول قرب عند إسلام وقاله : جاهز هنطلع دلوقتي ع المصنع ناخد السلا*ح ونطلع علي سينا
اسلام بقلق : أنا مش قادر افهم دماغك بجد
مارد : معلش
******************
وصلوا المصنع وكان فيه راجلين تاني واقفين قدام المصنع واحد فيهم ضخم جدا والتاني طويل جدا بس رفيع
اسلام بص لمارد بدهشة وقال : مين دول
مارد : دول اللي هيحملوا السلا*ح
اسلام همس لمارد : واحنا من أمتي بنثق في حد ماكنا حملناه أنا وأنت عادي ايه مستنين بيبي في السكة خايفين ليسقط
مارد ببرود : اهدي يا إسلام
حملوا كلهم السل*اح وكان كمية كبيرة جدا و طلعت الشاحنة اللي ساقها الراجل الضخم ومارد وإسلام اتحركوا ورا الشحنة وكلموا إياد اللي قابلهم في الطريق وركب معاهم
فضلوا ماشين ورا الشاحنة وعدت من كذا نقطة تفتيش وفجأة عند نقطة تفتيش معينة وقفتها الشرطة وطلبت أنها تفتش الشاحنة من جوا مارد وإسلام وإياد كانوا مصدومين وإياد قال بخوف : أنا قلت لماركو مش هينفع الكيمة دي تخرج مرة واحدة قالي اصلي مش واثق في مارد
مارد وإسلام بصوا لبعض بصدمة و إياد حس إنه ثرثر بحاجات مش لازم يقولها فسكت
اسلام اتكلم بسرعة : مارد لف وارجع بسرعة البوليس لو حس ان دول تبعنا هنروح كلنا في شربة مية دا لو ما اعترفوش علينا
مارد بصدمة : مش ممكن السلا*ح دا بملايين مين هيديني حقي انا لازم اتصرف
إياد كان ناقص يلطم وقال : هتعمل ايه يعني اطلع ابو*س ايد*ك اطلع اسلام نزل من العربية ونزل مارد وركب مكانه وساق هو
رجعوا ومارد هيتجنن علي كمية السلا*ح دي كلها اللي اتصادرت
اول ما وصلوا عند عربية إياد قال : باااس هنا يسطا نزلني أنا انا هاركب عربيتي
اسلام بصله وقال : إنت جبان يلا
إياد بص له بضيق وماردش ومشي علي طول
وقف مارد في حتة صحرا كان الفجر قرب يطلع مسك سيجارة حطها في بقه وولعها اسلام بص بصدمة هو مارد اتحول كده ليه كان بيغلي من اللي حصل ايه اللي خلاه هادي كده
اسلام قال لمارد أنا مش فاهمك احنا ما بقيناش اتنين بدماغ واحدة انت مش واضح يا صاحبي
مارد بص له وقال : اممم قضاء وقدر هنعمل ايه
اسلام بجدية : طب اسمع دي يا مراد يا مالكي أنا من اللحظة دي برا الما*فيا مش هكمل في الشغل دا انا هاخد مراتي وولادي ونسافر بعيد عن جو القلق دا وانت لو فعلا بتحب انجل يبقي لازم تبعد أنا لما دوقت الحياة الهادية مش قادر ارجع للمغامرة تاني يا مارد زمان ما كانش عندي حاجة اخاف عليها وانت كمان بس دلوقتي انا مش بعرف انام بالليل من القلق والخوف لو اتس*جنت ايه مصير ولادي لو اتق*تلت ايه برضو مصيرهم
مارد ببرود : خلصت
اسلام بعصبية : مارد انا هابعد و لو انت ما بعدتش اعتبر دا آخر كلام بينا
مارد بص للفراغ وأطلق تنهيدة طويلة وقال : اسلام انا بشتغل لحساب المخابرات المصرية
اسلام :