![](https://blogger.googleusercontent.com/img/b/R29vZ2xl/AVvXsEjRCKzm90d2V3ZhsFoUVbQu5WZM6zjyGpokA-Z1nsFssh4SEpqTRpcQsiYMMu4ClPui12mFFboBHVcnMWC0dXWR6XGPszi2Be1lATYbL3CZx-K-xskGLzk1VJBje83gE2tyBv1znkiYD3cJQkOgdhenKh1QbT9FzFVxQyKDQMTzaChovogToqxeAC7_fBwC/s320-rw/FB_IMG_1694719559506.jpg)
الفصل السابع والعشرون27
بقلم هدي محمد
دخل شخص اوضة مراد وفي ايدو حقنة وقرب منو بهدوء وحطها في المحلول بس وهو بيحطها دخلت الممرضة لكن معملتش صوت وخرجت بسرعة قالت للدكتور عن البيحصل وطلبت الأمن كلو جري على اوضة مراد والدكتور شال المحلول من ايدو بسرعة وبعت المحلول لدكتور التحاليل عشان يعرف ايه المادة الاتحطت في المحلول أو ايه نوع الدوا وركب لمراد محلول غيرو واتصلو على مالك لكن فونو مقفول اضطرو يسكتو لحد تاني يوم وبلغو البوليس طبعاً
....................عند ام تلين
ملك كانت نايمة وصحيت مفزوعة شكلها شافت حلم لالا دا كابوس صرخت بلا وعي لحد ما دخلت عليها ام تلين
الام:بسم الله الرحمن الرحيم في ايه يا حبيبتي مالك بس باسم الله الذي لا يضر مع اسمه شيء في الارض ولا في السماء
ملك فاقت وشربت شوية ماية
ملك:ماما أنا قلبي مقبوض اوي ...انا مرعوبة حاسة أن مراد مش كويس
الام:تفائلي خير يا قلبي تفائلو بالخير لتجدوه
ملك ببكاء:استر يا رب ليه بيحصل معايا كدا أمي سابتني وتلين كل شوية في مشكلة واتبهدلت معايا في المستشفى حتى جوزي بين الحيا والموت أنا تعبت يا ماما ولله تعبت
الام:ارضي يا روحي خير ان شاء الله قولي اللهم اني رضيت بقضائك فراضني وارضني وارضى عني
ملك: الحمدلله
فضلت ام تلين جنبها لحد ما نامت وتلين اخيرآ فونها اتفتح
وامها اتصلت عليها
تلين:أيوة يا ماما اخبارك ايه
الام:لسة فاكرة أن ليكي ام دانا كنت هتجنن عليكي فونكو انتي وجوزك مقفولين
تلين:معلش يا حبيبتي كان مالك عندو شغل كتير وكنا بنخلصو
الام:وخلصتو ولا لسة
تلين:لا احنا احتمال نتأخر اتعشي انتي وملك ونامو
الام:ماشي يا قلبي حاولو تخلصو شغل وربنا يعينكم أن شاء الله
وقفلو وتلين بصت لمالك الخارج من التواليت بعد ما خد شاور
مالك:اتطمنتي عليهم؟
تلين:اه الحمدلله
مالك حضنها بتملك ونامو
..................................تاني يوم مالك وتلين خرجو من الاوتيل ومالك فتح فونو اخيرآ لقى مكالمة من المستشفى ف اتصل بالدكتور
الدكتور حكى لمالك كل حاجة ومالك راح على المستشفى وبعت الحرس جابو ملك
ملك لما عرفت الحصل انهارت
ملك:طيب هو وضعو ايه يا دكتور
الدكتور: الحمدلله لحقناه وهو دلوقتي احسن كتير
ملك:ممكن ادخلو
الدكتور:ممكن بس متتعبيهوش
دخلت ملك عند مراد وفضلت تعيط وبس
مسكت ايدو وهو شدد عليها
ملك بصتلو بسرعة لاقيتو فتح عينو وباصصلها بتعب
مراد بتعب:دموعك دي متنزلش لأي سبب .. فاهمة ؟ انتي حرم فهد المخابرات
ملك مسحت دموعها وباست خدو وقالت:انت كويس لحظة هنده الدكتور
وخرجت جابت الدكتور وكشف على مراد
الدكتور:هو كويس جداً الحمدلله احسن كتير وعدا مرحلة الخطر وان شاء الله هيتنقل غرفة عادية
مراد:أنا هخرج امتى
الدكتور:زهقت مننا ولا ايه يا حضرة الظابط دا لسة بدري على خروجك
مراد سكت والدكتور خرج
مراد:بس اي القمر دا انا موت وروحت الجنة ولا اي ملاك يا ناس
ملك بكسوف:بس يا مراد احنا ف مستشفى عيب كدا
مراد بغمزة:طيب لما اخرج نشوف الموضوع دا
وخرجت ملك لحد ما ينقلوه غرفة عادية ......
ام تلين اتصلت على مالك وطمنها لكنها أصرت تيجي تطمن علي مراد بنفسها ومالك مع إصرارها وافق وبعتلها الحرس يجيبوها
........................مراد اتنقل اوضة عادية وملك دخلت عندو وفضلو يتكلمو ومراد مبطلش معاكسة في ملك
مراد:ما تجيبي بوسة
مالك فتح الباب ودخل وسمعو
مالك:طب اصبر لما تروح حتى دانت كنت بتحتضر امبارح
مراد بغيظ:انت اي جابك دلوقتي دانت رخم
مالك:اخرج؟
مراد:ياريت
مالك:لا قاعد على قلبك
ملك اتكسفت ومراد اتغاظ من مالك لحد ما دخلت تلين وسلمت على مراد
مراد بمكر:يرضيكي يا توتة اجي ابوس مراتي يجي هادم اللذات دا يبوظ اللحظة
تلين بصدمة من جرئتو:مين قصدك مالك يعني
مراد:هو في غيرو
مالك بغيرة:اسمها تلين يا شاطر اي توتة دي
تلين لما فهمت أن مراد بيغيظو حبت تضايق مراد
تلين:حبيبي براحتو يعمل اليعجبو وباست مالك في خدو
مراد :انتو متفقين
عليا بقا في الوقت دا دخلت ام تلين
الام:مين دا المتفق عليك وانا اديلو بالجزمة محدش يضايق الولا دا تعبان حبيبي سلامتك
مراد:بنتك وجوزها يا طنط وكمل بتمثيل التعب:مالك خبطني في الجرح وتلين بتشكيلها بتقولي براحتو
الام: يعني ايه براحتو وبتلف تواجه تلين ومالك لاقتهم بيهربو من باب الاوضة
مراد بضحك:احسن اهم هربو
الام:لينا بيت يلمنا