رواية احببت اعمي الفصل التاسع9والعاشر10بقلم سندس محمد
وقفنا المره اللي فاتت لما عمر قال لرحمه انه عايز يقولها على حاجه
عمر: بصي يارحمه انا عايز اروح للدكتوره
رحمه باستغراب وخوف: ليه
عمر: أنا هتابع مع الدكتوره عشان اعمل العمليه
رحمه بذهول: بتهزر صح
عمر بابتسامة وهدوء: لا مش بهزر انا خدت معاها ميعاد تيجي معايا
حست رحمه بفرحه كبيره
رحمه: ايوه طبعا لازم اجي معاك بس هو ينفع اسألك سؤال
عمر بابتسامة: اتفضلي
رحمه بتوتر: احمم هو ايه اللي غير رايك انا عرفت من باباك انك رافض الفكره
عمر: نفسي ارجع اشوف النور تاني ونفسي اعمل حاجات كتير اوي
رحمه حست بخوف انه ممكن يطلقها الفكره نفسها خلت قلبها يوجعها هي خدت عليه كانت خايفه لتحبه بس للاسف ده حصل
عدى اليوم على ابطالنا وجه الليل وتحديدا ميعاد الدكتوره
عمر بصوت عالي: يلا يارحمه
خرجت رحمه من الحمام وكانت خلصت لبس: يلا انا خلصت
عمر بهدوء: يلا
رحمه مسكت ايده ونزلوا سوا
منصور: رايح فين يابني
عمر بهدوء: رايح مشوار انا ورحمه
صفيه بخبث: طب ايه بقى ياعمر مش هنقعد مع رحمه شويه ونتعرف عليها
عمر بسخريه: تقعدوا معاها تعملوا ايه
يارا: خلاص براحتك احنا غلطانين وعلى فكره سامر مش هيجي غير الاسبوع الجاي عشان الشغل اللي هناك كتير اوي ومش هيعرف يجي اليومين دول
عمر ببرود: انا مسألتش اصلا خليكي في حالك وبعدين يجي ميجيش مش فارقه
صفيه بحده: اتكلم بأسلوب احسن من كده
يارا بسخريه: سبيه ياماما اصل هو محدش عجبه
عمر بسخريه: خليكي في نفسك
يارا بصتله بحقد وسكتت عشان الامور متتأزمش اكتر من كده
خرجوا هما الاتنين ركبوا العربيه عشان يروحوا عند الدكتوره
السواق: المكان اهو ياعمر بيه
عمر بهدوء: ماشي يلا يارحمه
دخلت رحمه وعمر وكل ده وهي ماسكه ايده
الممرضه بدلع: اهلا ياعمر بيه نورت المكان
رحمه بعصبيه: هو في ايه ماتخلصي ده ايه الدلع المقرف ده
الممرضه بقرف: يععع انتي بيئه اوي
عمر بعصبيه: خلصي ادي خبر للدكتوره اني موجود
الممرضه: حاضر ياعمر بيه
عمر بجمود: واعتبري إن النهارده اخر يوم ليكي في الشغل هنا
الممرضه بخوف: ونبي ياعمر بيه انا اسفه خلاص مش هعمل كده تاني
عمر بجمود: متتأسفيش ليا اتأسفي للمدام
الممرضه بخوف بصت لرحمه: انا اسفه يامدام
عمر بتحزير: اقسم بالله لو شوفتك كلمتيها تاني هنا انتي حره عشان دي مدام رحمه الجارحي
الممرضه: انا اسفه
عمر مسك ايد رحمه بحب ودخلوا للدكتوره
الدكتوره: اهلا ياعمر بيه اهلا يافندم
عمر بهدوء: اهلا بحضرتك يادكتوره
الدكتوره: اخبار صحتك ايه دلوقتي يافندم
عمر: انا بصراحه يادكتوره وقفت العلاج اللي حضرتك قولتيلي ورفضت اكمل العلاج
الدكتوره: ليه كده ياعمر بيه طب وقفته من امتى
عمر بهدوء: بقالي عشر شهور
الدكتوره: ليه ياعمر بيه كده الموضوع مش هيبقى في صالحنا خالص
عمر بهدوء: خلاص يادكتوره انا هرجع اتابع مع حضرتك تاني
الدكتوره: بس ياريت ياعمر بيه تلتزم بالعلاج عشان يكون في اقبال على العمليه
عمر: تمام يادكتوره بعد اذن حضرتك
الدكتوره: طب معلش ياعمر بيه انا عايزه مدام رحمه في حاجه
عمر بهدوء: ماشي هستناكي بره يارحمه
وخرج
الدكتوره: بصي يامدام رحمه عمر بيه بسبب قلة العلاج ممكن العمليه يبقى فيها صعوبه شويه
رحمه بخوف: يعني ايه يادكتوره وضحي كلامك معلش
الدكتوره: ٠٠٠٠٠٠٠٠
رحمه بخوف شد*يد: ايههه ازايي
رواية احببت اعمى البارت العاشر
وقفنا المره اللي فاتت لما عمر ورحمه راحو للدكتوره
الدكتوره: بصي يامدام رحمه عمر بيه قعد فتره كبيره ميخدش العلاج ف للاسف حالته اتاخرت بسبب اهماله للعلاج وكمان ده للاسف اثر على حالته
رحمه بصدمه: ايه طيب يعني مش هيقدر يعمل العمليه ويرجع زي الاول ولا ايه
الدكتوره: لا هيقدر يعملها بس نسبة نجاحها هتكون قليله مش عاليه للاسف
رحمه بقلق: يعني يادكتوره كده مفيش امل انه يعمل العمليه ويرجع يشوف تاني
الدكتوره: لا طبعا في امل بس لازم ينتظم على العلاج واه اهم حاجه حالته النفسيه هتساعدنا جامد وهتخلي نسبة نجاح العمليه تزيد اكتر
رحمه: اكيد هحاول اخلي حالته تبقى احسن
الدكتوره: ياريت
رحمه: تمام يادكتوره استاذن انا
الدكتوره بابتسامة: اتفضلي واه اتفضلي ده رقمي عشان لو احتاجتي اي حاجه
خرجت رحمه وهي بتفكر في كلام الدكتوره وقد ايه الايام اللي جايه هتبقى صعبه وإن حالة عمر اتأخرت اوي
لقت عمر واقف مستنيها مسكت ايده
رحمه بابتسامة: يلا نروح
عمر باستغراب: اتاخرتي جوا اوي اتكلمتوا في ايه ده كله
رحمه بتوتر: احمم ولا حاجه كانت بتعرفني نظام العلاج مش اكتر
عمر بشك: متاكده يعني مفيش حاجه تاني
رحمه: لا طبعا حاجة ايه يلا نروح بقى
عمر: يلا
رحمه بتوتر: ممكن اقولك على حاجه
عمر بابتسامة: اتفضلي
رحمه بتوتر: ممكن منروحش القصر
عمر بابتسامة: ليه بقى
رحمه: عشان عشان احمم انا بصراحه محبتش اللي اسمها يارا دي وحسيتها بتبصلك يعني بص يعني
عمر بمقاطعه وضحك: خلاص خلاص ياستي بس انتي بتغيري بقى
رحمه بتوتر: اغير اغير ايه لا طبعا
عمر: متأكده
رحمه بتوتر: اه اه طبعا مش يلا بقى ولا ايه
عمر: طب عايزه تروحي فين بقى
رحمه: اي مكان غير القصر
عمر بابتسامة: طيب ايه رأيك نروح على الشركه
رحمه بتعجب: هو انت عندك شركه
عمر بابتسامة: ايوه طبعا
رحمه: خلاص يلا نروح هناك انا اتحمست
عمر: انا عندي ليكي مفاجأة
رحمه: مفاجأة ايه
عمر بهدوء: لما نروح الشركه هتعرفي
********************** في قصر الجارحي وتحديدا في اوضة يارا
قاعدين يدبروا هيعملوا ايه
صفيه بحقد: هنعمل ايه
يارا: مش عارفه أنا جبت اخري شيفاهم هما الاتنين رايحين جايين مع بعض حاسه اني هولع المفروض انا اللي ابقى مكانها مش هي
صفيه بخبث: انتي محسساني انك بتحبي عمر اوي يعني مش عامله كل ده عشان الفلوس اصلا
يارا بحقد: اه بحبه عايزهه يبقى ملكي وهاخد كل فلوسه وتبقى ملكي بردو
صفيه بسخريه: قولي كده بقى يعني بردو كل اللي همك الفلوس
يارا برفعة حاجب: انا مش عارفه ايه ليه الموضوع ده شغلك اوي كده احنا في ايه ولا ايه
صفيه بسخريه: ماشي احنا دلوقتي لازم نفوق للبت اللي اسمها رحمه دي
يارا بحقد: انا عايزه اموتها انا حاسه اني هموت وانا شايفاهم رايحين جايين مع بعض
صفيه بمكر: هتموت بس مش دلوقتي لازم نخليها تدينا الامان وبعد كده نوريها الوش التاني
يارا بحقد: ماشي وانا مستينه على نار
صفيه بمكر: واخوكي لما يجي الدنيا هتولع اكتر
يارا: انا مستنياه يجي بفراغ الصبر
صفيه بخبث: هيجي وكل حاجه هتتظبط ودلوقتي اسمعي احنا هنعمل ايه
يارا:ماشي انا معاكي في اي حاجه
صفيه بمكر: ودلوقتي نبدا بي مين
يارا بحقد: نبدأ بخالي منصور
صفيه بصدمه مصتنعه: يلهوي عايزه تموتي اخويا ازاي جالك قلب تقولي كده
يارا بسخريه: اخوكي دلوقتي عرفتي انه اخوكي احنا هنضحك على بعض ولا ايه ده احنا دفنينه سوا وضحكت بسخريه ضحكتيني والله
صفيه بسخريه: ايوه طبعا اخويا ولا انتي شايفه ايه
يارا بسخريه: شايفه كل خير
صفيه: طب نخلص بقى عشان مش هنقعد طول اليوم كده
يارا: طب دلوقتي انا مش عارفه احنا هنعمل ايه
صفيه بمكر: لا طبعا انا هقولك هنعمل ايه انا مخططه لكل حاجه وفي حد كمان هيساعدنا في كل حاجه
يارا باستغراب: حد حد مين ده
صفيه بمكر: هقولك
****************** في شركة الجارحي وتحديدا في مكتب عمر
رحمه قاعده على الكنبه اللي في الاوضه وشايفه عمر وهو بيقرأ الملفات بطريقة برايل استغربت انه يعرف الطريقه دي هي كانت فكره انه مش بيشتغل اصلا
رحمه باستغراب: انت عرفت الطريقه دي ازاي
عمر بهدوء: اتعلمتها اصل مش هفضل طول الوقت قاعد منغير شغل
رحمه بابتسامة: اه
عمر بهدوء: مسألتيش على المفاجأة يعني
رحمه بضحك: كنت لسه هسأل
عمر ضحك: ايوه مانا عارف عشان كده قولت اقولك بصي ياستي ايه رأيك تشتغلي معايا هنا
رحمه بصدمه: اناا
عمر بهدوء: ايوه تشتغلي السكرتيره بتاعتي
رحمه بتوتر: بس انا معرفش حاجه في الشغل هنا
عمر بابتسامة: متخافيش هتتعلمي
رحمه بفرحه: الله انا فرحت اوي
عمر بابتسامة: يارب دايما تبقي فرحانه
رحمه بخجل: شكرا اوي
عمر بابتسامة: على ايه
رحمه: على كل حاجه بتعملها معايا
عمر بابتسامة: متشكرنيش ده واجبي اصلا وبعدين انا اسف على طريقتي معاكي في الاول كان غصب عني
رحمه بتوتر: احمم لا عادي انا عارفه انه كان غصب عنك
عمر بتوتر: احمم رحمه عايز اقولك على حاجه
رحمه باستغراب: اتفضل
عمر بتوتر: احمم اناا
وقبل مايكمل دخل عليهم شخص غير متوقع