رواية بائعة المتعه
الفصل الحادي عشر 11
بقلم حنان حسن
وبالرغم من أن ياسر كان نايم على السرير المقابل ليا
وفضلت ارتعش وأنا بسأل نفسي
وأقول ...
ياترى العقربة هتقتلني دلوقتي ولا كمان شويه
ومن حلاوة الروح حاولت أقوم ...
وأبعد عن السرير... واهرب.....
وولكن.......العقربة اعترضت طريقي
بالمسدس... أللي في ايديها
ومنعتني من مغادرة السرير
وكل ده كان بيحصل .. وهي ساكتة... ومش بتتكلم
على شان ياسر مايسمعها...
ولا يعرف .. أنها موجوده معانا في الغرفة..
وفضلت ارتعش من الرعب وماكنت عارفة اتصرف إزاي..
بس أللي فهمتو
هو..
أن العقربة كانت منتظرة أن ياسر يخرج من الغرفه
ولو الدقايق..
عشان تخلص عليا
وفعلاً ...
بعد شويه ... ياسر قام ...ودخل للحمام
فا عرفت أنها هاتستغل الفرصة دي
وتدوس على الزناد
فا غمضت عيوني، على شان ماشوف الرصاصة
وهي بترشق في دماغي
وبسرعة نطقت الشهادتين
وبعدها..قلت لها.. أضربي وخلصيني
وفي اللحظة دي
سمعت العقربة وهي بتقولي ..
افتحي عنيكي أنا مش هاقتلك بالمسدس
وفعلاً ..فتحت عنيا...
وفي اللحظة دي
طلعت من جيبها
سرنجتين.. 💉💉
سرنجة منهم فيها فيها سائل أحمر
والثانية فيها سائل أزرق...
ولقيتها بتحقن القطة بنقطة واحدة من السائل الأحمر
فا استغربت من اللي هي بتعملوا ...
لكن تجاهلت تصرفاتها المجنونة
وحاولت أفهمها أني خلاص مش هاطالب بميراث أخويا...
ولا ناوية أفكر في الإنتقام لأمي ثاني
لكن ...
العقربة ماركزت معايا .. ولا ردت عليا
ولقيتها بتشاورلي على القطة اللي حقنتها بالسائل الأحمر..
وقالت لي...
أنتي عارفة أنا حقنتها بأيه كده؟
قلت .. بأيه ؟
قالت...حقنتها ب (فيرس)
فيرس قاتل... لأنه ( فيرس مخلق ومطور)
يعني فيرس جديد
ومحدش يعرف المصل اللي بيشفي منه
غير ...(أنا )...واللي اخترعوه
واسترسلت العقربة في كلامها
وقالت..
أنا زي ما أشتريت منهم الفيرس..
أشتريت منهم المصل برضوا
بعدما سمعت كلام العقربة
فضلت أنظر على القطة
بعدما اتحقنت بالفيرس
ولاحظت أنها بدأت تستكين وتهدي
بعدما كانت مفعمة بالنشاط
وشوية.. شوية
لقيت القطة عجزت تماما عن الحركة
وأصبحت جثة هامدة
والنفس بقى يخرج منها بصعوبة
وبعدما بقت القطة على مشارف الموت
في اللحظة دي
حقنتها العقربة بنقطة واحدة من السرنجة الزرقاء
فا بدأت تتماثل القطة للشفاء
وبدأت تستعيد قوتها و توازنها من ثاني
لغاية ما قامت وقفت على رجلها
في اللحظة دي...
حسيت أني غبيه لأني مافهمت حاجة من أللي حصل ده كلوا...
فا بصيت للعقربة
وسألتها
وقلت...
فهمت أنا أيه كدة بقى ؟
فا رفعت العقربة أيديها
بالسرنجة الحمراء
وقالت لي ..ده الداء
وبعدها رفعت ايدها بالسرنجة الزرقاء
وقالت لي...وده الدواء
وأنتي هايحصل لك زي اللي حصل للقطة بالضبط
بس أوعدك أني هاحقنك بالمصل
قبل ما توصلي لمرحلة الاحتضار
فا نظرت لها بتعجب..!!
وسألتها ..
وقلت لها..مصل أيه.. ؟
أنا مش مصابه بأي فيروسات
فا أبتسمت العقربة
وقالت لي...لا أنتي مصابة بالفيرس فعلاً
قلت..
اتصبت أمتى ؟ ... وازاي؟
فا ردت العقربة ببرود
وقالت : أمبارح باليل
دخلت عندك ممرضة وحقنتك بحقنة ...صح؟
قلت...أيوه حصل
فا كملت العقربة
وقالت ..الممرضة دي تبعي...
وأنا اللي أرسلتها لك أمبارح
عشان تحقنك بالفيرس بالإمارة ..الممرضة
قالتلك... يا (قطة)
فا بصيت لها بذهول
وقلت...يعني الحقنة دي كانت.....؟
فا كملت العقربة
وقالت...
أيوه ......يعني أنتي دلوقتي مصابة بالفيرس بالفعل
بس الجميل في الموضوع بقى
أنك لما هاتموتي هنا في المستشفى
هايقولوا المريضة اتصابت بعدوي من المستشفى
وفيرس ما قضي عليها
يعني محدش هيشتبة في حالت الوفاة...
ولا هاتتصنف على أنها جنائية
يعني جريمة قتل عبقرية
فا أبتلعت ريقي...
بعدما فهمت أنها بتساومني بالمصل...
وقلت ..طلباتك ؟
عايزة أيه في مقابل المصل؟
فا ردت العقربة بكل بجاحة
وقالت...عايزة الواد (أخوكي)
عايزة أعرف طريقة
قلت...استحالة أسلمك أخويا على شان تقتلينه
فا قامت من على السرير
واخذت قطتها وهي بتستعد للرحيل
وقالت لي ..خلاص..
يبقى ألف رحمة ونور عليكي يا هناء
ولما لقيتها هتاخذ المصل وهتمشي
حاولت اترجاها يمكن قلبها يلين
وقلت..
أستني بس ارجوكي .. أخويا طفل يتيم...
وملوش حدا غيري
أنا ممكن امضيلك على اي ضمانات
تؤكد لك أني مش هطالب بميراث أخويا
وممكن كمان أغير اسم أخويا نهائي
وانسب أخويا لشخص ثاني
غير أبوه الحقيقي...
بس ارجوكي سيبي أخويا في حالة
واديني المصل .. عشان أخف و أقدر اربيه..
فا ضغطت العقربة على أيدي بقسوة
وقالت لي أسمعي ...
أنا مليش دعوة بالهري أللي بتقوليه دا كلوا
خذي مني الخلاصة بقى
دلوقتي حياتك بقت في أيدي..
و ادامك مهلة يومين من أيام
يا إما تسلميني أخوكي
و تاخذين المصل
قبل مرور اليومين...
يا إما الفيرس هيخلص عليكي
فكري وشوفي هاتعملي أيه..
ورجعت العقربة وحذرتني ثاني
وقالت لي...وخلي بالك
لو ياسر... أو أي حدا غيره عرف حاجة
عن اللي بيحصل ده
هاتفقدي المصل للأبد وقبل ما أرد عليها
وأقول لها ..ماشي فهمت...
شوفنا ياسر خارج من الحمام
فا عادت العقربة للصمت
وتركت أيدي بسرعة
لكن القطة كانت بدأت تنونو...
وتصدر أصوات
وفي اللحظة دي
اتوترت العقربة وهي بتحاول تمسك بالقطة
ووقع منها السرنجات على الأرض
فا التقطت العقربة السرنجة الزرقاء (المصل) بسرعة
وملحقت تأخذ السرنجة ألي فيها السائل الاحمر
(الفيرس)..
وطبعاً العقربة اضطرت تترك السرنجة ألي فيها الفيرس...
لأنها لو كانت قعدت ثانية كمان في الغرفة
ياسر كان هايشعر بوجودها وهايعرف كل حاجة
المهم......
بعدما العقربة خرجت من الغرفه.
نزلت أنا تحت السرير..
والتقطت السرنجة الحمراء (الفيرس)
وبالرغم من أن الفيرس في جسمي فعلاً بدأ أحس فيه والوهني أللي بحصل لي..
لكن...
احتفظت بالسرنجة معايا برضوا...
لربما يكون في مصل للفيرس
في أي مستشفى..
المهم .. ....
بعدما خرجت العقربة من الغرفه
ياسر أجا لي وقعد على السرير ألي قصادي
وقال لي...
بيتهيئ لي سمعت صوت قطة
وفي اللحظة دي
مردتش عليه
لأني كنت بعيط وببكي في صمت
على شان ياسر ما يسألني عن سبب بكائي
لكن...
بالرغم من أني كنت ببكي في صمت
ألا أني اتفاجئت بياسر وهو بيقترب مني...
وبيمسك أيدي
على غير العادة..
وقال لي...
جملة واحده وهي.....
(ماتخافين أنا جنبك )
وبعدها...
تركني ياسر ...وفضل يتحسس طريقة.
لغاية ما خرج من الغرفة
وأنا فضلت لوحدي بعدها وقعدت أفكر أعمل أيه ؟ واتصرف إزاي ؟
أعرف العقربة مكان أخويا ؟
وساعتها أخذ المصل.... وأعيش أنا ؟
ورجعت أقول لنفسي
مهو لو أنا هاعيش ؟
أخويا هايموت؟
ورجعت قلت ثاني...
خلاص هافضل مخبيه عن العقربة مكان أخويا
وأموت أنا بالفيرس ...
ورجعت فكرت ثاني
وقلت ...
لكن أخويا هايعيش إزاي من غيري؟
وعدت ساعة وأثنين بدون ما ألاقي حل..
لكن كل ما الوقت كان بيمر
كنت أشعر بحالة من الأعياء .. والاجهاد ...والتعب
وكان واضح أن الفيرس بدأ ينشط في جسمي
و أعراض المرض...
بدأت تظهر عليا
ولما لقيت الأمر بيزيد
خوفت أفقد مقدرتي على الحركة تماما
وخصوصا أن ياسر كمان كلمني بالموبايل
وقال لي... أنه مشغول شويه..
لكن بمجرد ما يخلص شغلوا يرجعلي...
يعني في الوقت ده
كنت لوحدي خالص
فا قررت أني لازم أتصرف وأشوف حل وبسرعة
قبل ما الفيرس ينال مني تماماً
وأثناء ما كنت بفكر في حل
فجاءة
ظهر الحل أمامي لو عارفين الحل كان أيه........؟