رواية احببت اعمي الفصل السابع7والثامن8بقلم سندس محمد
في اوضة رحمه وعمر
قاعد عمر على السرير
عمر في سره: ياترى راجعين ليه اكيد مش ناوين على خير انا متاكد انا بجد مش عارف هما عايزين ايه
قاطع افكاره صوت رحمه وهي بتقوله
رحمه بحنان: متعصبش نفسك ممكن
عمر بهدوء: انا كويس
رحمه بحنان: لا انت شكلك مش كويس اهدى ومفيش حاجه تستاهل زعلك
عمر بحزن: انا موجوع اوي الوجع بيبقى صعب اوي لما يجي من اقرب الناس ليك انا مش عارف عملوا فيا كده ليه انا موجوع اويي
بصتله رحمه بحزن شديد عليه: اهدى كل حاجه ليها حل وبعدين انت تستاهل كل خير
عمر بحزن: يارب
رحمه باستغراب: انا شوفت إن علاقتك وحشه اوي مع عمتك وبنتها ليه ده كله عملوا ايه للدرجاتي
عمر: رحمه انا بجد مش عايز اتكلم انا محتاج انام
رحمه بهدوء: طيب يلا نام وانا كمان هنام عشان بجد اليوم كان مرهق اوي
نسيبهم يناموا
ونروح عند صفيه و يارا
يارا بعصبيه: انا مش عارفه اعمل ايه كنت هضحك عليه بكلمتين وكان هيرجعلي تاني
صفيه بسخريه: مين قالك انه كان هيرجعلك تاني انتي بعد اللي عملتيه كان هيفكر حتي يرجعلك انتي مش متخيله انتي عملتي ايه
يارا بعصبيه: يعني ايه عمر ضاع من ايدي وبعدين انا ليه حاسه انك بتلوميني
صفيه: انا مش بلومك ولا حاجه انا بفكرك انتي عملتي ايه عشان متفكريش انه هيرجعلك
يارا بعصبيه: طب اعمل ايه دلوقتي بقاا
صفيه بخبث: ممكن تهدي عشان نفكر عشان الموضوع ده عايز هدوء وهرجع اقولك متنسيش انتي عملتي ايه
يارا بحقد: لا مش ناسيه بس بردو عمر هيرجعلي يعني هيرجعلي
صفيه بدهاء: لا طبعا عمر مش غبي للدرجاتي وبعدين انتي مش واخده بالك انتي عملتي معاه ايه احنا مقدمناش غير اننا نفكر بهدوء عشان نخلص منهم وناخد الورث كله بقى
يارا بجشع: عندك حق وكملت بجنون في سرها بس برود عمر ملكي مهما يحصل مش هسيبه مش هسيبه
صفيه: بس مراته دي شكلها غلبانه يعني نعرف نضحك عليها بكلمتين
يارا بحقد: بس ممكن تكون بتمثل وهي في الاخر تطلع شيطانه اصلا
صفيه بخبث: عادي هناخدها لصفنا وتبقى معانا
يارا بضيق: بس لو هي فعلا خبيثه زي ما احنا بنقول يبقى هتقعد تتأمر علينا بقاا وانا بصراحه مش هديها الامان
صفيه بمكر: عادي مش هتغلب معانا هنقتلها احنا في الحالتين هنقتلها اصلا
يارا بخبث: الله على الدماغ دي
صفيه بغرور: طبعا يابنتي هو انا اي حد ولا ايه
يارا: لا طبعا
وضحكوا بشر
*****************************************
"في صباح جديد على ابطالنا"
صحيت رحمه زي كل يوم قبل عمر و ادت فرضها وقعدت تقرأ قران زي كل يوم بعد شويه صحي عمر وسمع صوتها الجميل
وكلمات القرأن اللي دخلت الراحه لقلبه
وبعد شويه
رحمه بهدوء: صدق الله العظيم
عمر: بجد انا منبهر بصوتك صوتك حلو اوي
رحمه بكسوف: شكرا
عمر بهدوء: هقوم اخد شاور ماشي
رحمه بهدوء: ماشي
دخل عمر الحمام وهي فضلت قاعده بتفكر في حياتها الجايه ياتري هتبقى عامله ازاي وياتري هتطلق من عمر وعند الفكره دي حست قلبها وجعها
بعد شويه طلع عمر
عمر بابتسامة: طبعا مفطرتيش صح
رحمه بابتسامة: اه
عمر: تمام عشان نفطر سوا
رحمه: ماشي
الباب خبط راحت رحمه تفتح الباب لقت داده فتحيه
داده فتحيه بابتسامة: صباح الخير يابنتي
رحمه بود: صباح النور ياداده في حاجه ولا ايه
داده فتحيه: في حد عايزك تحت
رحمه باستغراب: حد مين
داده فتحيه: بصراحه معرفش هو مقالش
رحمه بهدوء: ماشي ياداده أنا نازله اهو
كان عمر سامع كل كلامهم ولما قفلت الباب سألها
عمري باستغراب: مين ده اللي عايزك تحت
رحمه بجهل: معرفش هنزل اشوف
عمر: استني هاجي معاكي
ونزلوا سوا داخلوا الصالون
وبصت رحمه على الشخص ده وحست بصدمه كبيره اوي
رحمه بصدمه: انت
الفصل الثامن
رواية احببت اعمى البارت التامن
وقفنا المره اللي فاتت لما عمر ورحمه نزلوا عشان يشوفوا مين عايز رحمه ولما رحمه شافته حست بصدمه كبيره
رحمه بصدمه: انت
محمد بخبث: ايه ياحبيبة بابا مش هتسلمي عليا ولا ايه
ردت عليه رحمه بشجاعه مش عارفه اكتسبتها منين: جاي هنا ليه
محمد: تؤتؤ في حد يعامل باباه كده
رحمه بهدوء زائف: حضرتك جاي هنا ليه
عمر بعصبيه: انت جاي هنا ليه
محمد بخبث: جوز بنتي في حد يعامل حماه كده لا عيب مينفعش كده هو الواحد ميعرفش يزور بنته ولا ايه
عمر بعصبيه: لا بجد انت عايز ايه
محمد بمكر: عايز كل خير طبعا
عمر بعصبيه: امشي اطلع بره
محمد بص لرحمه بمكر: شوفتي يارورو بيعامل باباكي ازاي
رحمه: انت عايز مني ايه
محمد: عايز فلوس
رحمه بحزن وكسره: يعني انت جاي عشان الفلوس بس
محمد: امال جاي عشان سواد عيونك
عمر بعصبيه وقرف رماله رزمة فلوس: مشوفش وشك هنا تاني فاهممم
محمد بجشع: حاضر حاضر يابيه
وبص لرحمه بخبث وخرج
بصتله رحمه وهو خارج وهي موجوعه اوي ازاي يعمل كده هي مش بنته
عمر بحزن عليها: رحمه انتي كويسه
رحمه بحزن مخفي: احمم اه بعد اذنك هطلع انام شويه
عمر: اطلعي يارحمه
طلعت رحمه وهي حاسه بوجع الدنيا كله في قلبها دخلت الاوضه و اول مادخلت انهارت في العياط
رحمه بعياط: اه يارب ليه يعمل معايا كده ده ابويا ازاي ازاي يعمل معايا كده يارب خفف وجع قلبي يارب فضلت تعيط لحد ما نامت
وبعد شويه طلع عمر وفتح الباب بهدوء
عمر بهدوء وصوت واطي عشان عارف انها ممكن تكون نامت: رحمه رحمه
لما مردتش عرف انها نامت قرب من السرير وحسس علي السرير لقاها نايمه غطاها
وقعد على الكرسي الهزاز اللي في الاوضه يفكر في حالة رحمه
عمر في نفسه: انت حبيتها ولا ايه بس ازاي مينفعش هي مش هتقبل بيك انت اعمى وهي لسه في عز شبابها بس انا مش هقدر اتخيل انها تتجوز حد تاني يارب حلها من عندك يارب بس انا عرفت هعمل ايه مفيش حل غيره
عدى اليوم بدون احداث وجه الليل على ابطال روايتنا
عمر بهدوء وهو بيصحي رحمه: رحمه رحمه اصحي يلا عشان تاكلي
رحمه بضيق: سبني ياعمر انا عايزه انام
عمر بصوت واطي: ياروح عمر انتي وبعدين كمل بصوت عالي يلا عشان تاكلي انتي ماكلتيش حاجه طول اليوم خالص
رحمه قامت قعدت: اهو صحيت
عمر: شطوره يلا خودي شاور ويلا عشان ننزل نتعشى
رحمه بهدوء: ماشي
قامت رحمه عشان تاخد الشاور وقعد عمر يستناها
وبعد شويه خرجت رحمه وعمر من صوت باب الحمام عرف انها خرجت
عمر: حاسه نفسك احسن
رحمه: اه الحمدلله
عمر بابتسامة: تعرفي اني نفسي اشوف ملامحك اوي
رحمه بخجل: احمم إن تبقى كويس وتشوفني
عمر بهدوء: يارب وفي سره هانت ياعمري
رحمه: يلا عشان ننزل
عمر بابتسامة: تعالي بس اقعدي عشان عايز اقولك على حاجه
رحمه قعدت قدامه باستغراب: في حاجه ولا ايه
عمر بهدوء: بصي انا عارف إن عمتي ويارا بيضيقوكي بس عشان خاطري متحتكيش بيهم ومش عشانهم لا عشانك انتي انا لسه مفوقتش ليهم هفوقلهم بس مش دلوقتي لكن انا دلوقتي بقولك اجتنبي الكلام معاهم ماشي
رحمه بهدوء: حاضر
عمر بابتسامة: حضرلك الخير يارب يلا ننزل
رحمه: يلاا
ونزلوا سوا لقوا الكل متجمع على السفره
رحمه مسكت ايد عمر بهدوء
وقالتله بصوت هامس: انا جنبك ماشي ودلوقتي الكل قاعد على السفره ماشي
عمر بابتسامة وهدوء: ماشي
وقعدوا على السفره
يارا بسخريه: يعني ياعمر مسألتش على عمتك وبنت عمتك يعني شكلنا ضيوف غير مرحبين بينا ولا ايه
عمر ببرود: بتفهمي يعني اهو
يارا بغضب: قصدك ايه ياعمر
عمر ببرود: يعني انتو فعلا مش مرحبين بيكوا
منصور بعصبيه: عمر مينفعش كده
عمر بهدوء: طب احنا هناكل ولا مش هناكل
كل ده ورحمه ساكته ومتكلمتش
صفيه بخبث: لا طبعا ياحبيبي هناكل
كلوا في صمت تام وبعد شويه خلصوا
منصور: تعالوا كلنا نشرب الشاي في الجنينه
كلهم وافقوا وقعدوا يشربوا الشاي
صفيه بخبث: ايه يارحمه ساكته يعني انتي هاديه كده ولا مش عجباكي القعده
رحمه بخجل: لا طبعا احمم انا هاديه بس مش اكتر
يارا بخبث: امممم شكلنا هنبقى صحاب
عمر ببرود: ههه صحاب آه وكمل بتحذير ملكيش دعوه بيها يا يارا فاهمه
يارا: هعملها ايه يعني مش هاكلها يعني
عمر بجمود: انا قولتلك وخلاص يلا يارحمه نطلع
رحمه بهدوء: يلا
وطلعوا سوا بصت يارا ليهم بحقد وقالت في سرها: ماشي افرحوا شويه عشان اللي جاي سواد
************************************************
في صباح جديد على ابطالنا
صحي عمر قبل رحمه وعمل مكالمه مجهوله وبعدين بدأ يصحي رحمه
عمر بهدوء: رحمه رحمه
رحمه بضيق: ياعمر سبني بقا عايزه انام
عمر: لا اصحي عشان عايز اقولك على حاجه
رحمه بهدوء: اهو صحيت في ايه بقاا
عمر بهدوء: خشي خدي شاور عشان بجد عايزك في حاجه مهمه جدا
رحمه: حاضر
دخلت الحمام خدت شاور سريع وبعد شويه طلعت
رحمه بتوتر: في ايه بقى عشان انا اتوترت
عمر بهدوء: بصي اللي هقولك ده ميطلعش لبرا ابدا بيني وبينك بس
رحمه بتوتر: ايوه طبعا بس قول بالله عليك عشان انا اتوترت
عمر خد نفس عميق: بصي قبل ما اقول اي حاجه عايزك تعرفي اني هعمل كده عشانك ماشي
رحمه بخوف: ماشي قول ونبي
عمر: ٠٠٠٠٠٠٠٠٠٠