رواية حبي الاول
الفصل السابع7
بقلم ميرفت سعيد
تميم اتنفض من مكانه وقال بغضب: نعم ياختي بتقولي اي
ليلي بخوف:تميم بلاش تتعصب...
تميم بغضب: التعصب اي ده انا هاجي أطر.بق الدنيا فوق دماغك اي اللي انتي بتقوليه ده
ليلي: تميم لو فضلت تتكلم كده هقفل
تميم بعصبية: امال اتكلم ازاي أن شاء الله..انتي فين .
ليلي: في البيت
تميم : البسي وانزلي
ليلي برفض: تميم ....
تميم بغضب: أقسم بالله ياليلي لو مانزلتي لهطلع اجيبك ويبقي جدع اللي يقف في طريقي .وقفل السكه وهو كل غضب وركب عربيته علشان يروح لها .
ليلي قفلت مع تميم وهي خايفه منوا شكلوا متعصب اوي ماهو ليه حق انو يتعصب يعني هي مستنيه لما تقوله كده هيبفرح مثلا ليلي بخوف: ربنا يستر
لبست وفضلت مستنياه واول ما جه استأذنت من مامتها انها هتخرج ونزلت علي طول وركبت العربية وهو طلع بسرعه بالعربية وطول الطريق ساكت وليلي قاعده خايفه مش عارفه تعمل اي
نادر وصل ورد لحد باب بيتها
ورد : شكرا علي التوصيله
نادر وهو مش بيبص لها : العفو
ورد فونها رن نادر نظر لها بحده
رود بخوف: ماما والله
نادر ببرود: أنا متكلمتش
ورد بغيظ وردت: ايوه ياماما ....أنا تحت البيت اهو ....حاضر هطلع...معاذ لا نادر اللي وصلني. تمام أنا طالعه سلام
نادر: هتفضلي قاعده كتير ورايا شغل
ورد بغيظ : اي ده مش عايزه اقعد اساسا معتش توصلني في اي حته ثم قالت بخبث: ده معاذ فضلت قاعده في عربيته ساعه ومتكلمش
نادر بغضب: نعم ياروو.ح امك وانتي قاعده في عربيته ساعه بتهبب.ي اي
ورد بغيظ: اهبب؟!! كنا بنتكلم عادي
نادر: ايوه كنتي بتتنيلو.ا تقولوا اي برده
ورد: اووف يابني انت مش هتبطل الفاظك دي اي اتنيلو.ا وتهبب.ي
نادر بحده وتحذير: ورد....كنت بتتكلموا تقولوا اي ان شاء الله
ورد بخبث : عادي زي ما بتكلم معاك ما هو ابن عمتي برده
نادر : ياسلام ..اطلعي ياورد اطلعي متعصبنيش عليكي علشان مخبطش دماغك في الازاز اطلعي
ورد : طيب ياعم متزوقش ..نزلت من العربية وشاورت له باستفزاز وطلعت
نادر: أنا مالي في أي شكلك مش هتجبيها البر ياورد
تميم خد ليلي للمكان اللي اعترف فيه بحبه لها ووقف
تميم : ممكن اعرف اي اللي انتي قولتيه ده
ليلي: اعتقد أن انت فهمت وسمعت لوحدك
تميم بحده: ليلي في أي مالك من ساعة ما اعترفت ليكي بحبي وانتي متغيرة ...ليلي متخلنيش اندم اني اعترفت ليكي
ليلي: تميم انت مش فاهم حاجه
تميم: لا أنا فاهم ياليلي
ليلي باستغراب: فاهم اي
تميم بغضب: فاهم انك مبتحبنيش وبتتهربي مني لأن انتي متغيرتيش الا لما اعترفت ليكي بحبي
ليلي بلهفه: لا والله ياتميم مش دي الحكاية .
تميم بغضب وصوت عالي : امال اي اللي حصل ..تفسيري بأيه امبارح اعترفلك بحبي وانتي النهارده تقوليلي انك هتتخطبي لواحد تاني .
ليلي بغضب : وانت تفسر بأي أنك امبارح تعترف انك بتحبني وفي نفس الوقت مامتك راحت تطلب ايدك حبيبة صحبتي اللي هي اصلا بتحبك .
تميم بصدمه : انتي بتقولي اي
ليلي بتنهيده: اللي سمعته حبيبة بتحبك ياتميم وانا حاولت ابعد علي مجرحهاش
تميم بصدمه: حاولتي تبعدي ؟!!يعني أنا بالنسبة ليكي ولا حاجه ياليلي علشان حبيبة جت وقالت إنها بتحبني فاانتي علطول تبعدي علشان متجرحيش صحبتك لكن أنا او.لع عادي صح..ثم قال بهدوء: تمام وطلع بالعربية
ليلي بحزن: تميم أنا ......
تميم: لو سمحتي ياليلي متتكلميش مش عايز اسمع حاجه تانيه
تميم ساق بهدوء ظاهري ولكن كان في نار جواه .
نادر روح بيته لقا أمه مستنياه
نادر: ايه يا امي قاعده كده ليه
أم نادر: كنت عيزاك في كلمتين
نادر: خير ياحبيبتي
أم نادر: مش انت طول عمرك عينك علي حبيبة بنت خالتك
فا اي رأيك اكلم مامتها ونروح نخطبها ليك
نادر: ****
سعاد بغضب: هو انت كل يوم هتخرج انت والبت بنت عبير
تميم : معلش ياماما أنا تعبان سبيني انام
سعاد: لا مش هسيبك وبعدين اي اللي قولته لحبيبة ده تروح تقول للبت أن مش بتحبها
تميم بهدوء:ا ولا أنا مقولتس اني مش بحبها ثانيا ده علشان انتي روحتي من روايا واتقدمتي بدون حتي ماانا اعرف ثالثا بقا سيبني ادخل انام علشان علي أخري
سعاد: وانت علي اخرك اي البت ليلي دي عملت لك اي
تميم : كل خير يا امي تصبحي علي خير بقا
سعاد: استني طب خلاص انا باخد رأيك اهو اي رأيك في البت حبيبه بنت حلال ومؤدبه ده غير أن باين عليها انها بتحبك
تميم افتكر لما ليلي قالت له إن حبيبة بتحبه وكلام ليلي علي أنها حاولت تبعد عنه وقال بهدوء : *****
هو أنا ليه حياه أن الطلب علي حبيبة كتير اووي 😂😂