رواية زهرتي الفصل التاسع عشر19بقلم شيماء الجندي
"سمعت الباب بيخبط وانا برص الشيشه، فقومت بزهق وبفتح لاقيت حسنات في وشي رسمت ابتسامة علي وشي بالعافية وقبل ما اتكلم دخلت
وقفلت الباب وابتسمتلي وحضنتي فورا كان نفسي ازقها بعيد عني بس قولت يلا احسن من مفيش وحضنتها انا كمان من ورا قلبي وقالت:-وحشتني يا قلب سوسو بقي كده شهر بحاله مبتسالش عليا
" خرجت من حضنها وقولت بمكر:-مشاغل ياسوسو، بس انتي عارفة اني مستحيل انساكي ابدا وانك في قلبي من جوا
"ضحكت بميوعة ودخلت علي الصالون:-اه يا كداب انا عارفه اني مجتش في بالك اصلا وانك مش طايقني كمان
" نفخت بضيق وقولت:-ولما انتي عارفه جايه ليه؟
:-عشان احنا شبه بعض يا غالي بنموت في الكدب والخيانة في دمنا وزي ما انا خونت صالح الاهبل انتي خونت اخته الهطلة زهرة
"مسكت دراعها بعنف وانا بهزها جامد وصرخت :- متجبيش سيرتها علي لسانك ومتحطيش نفسك انتي وجوزك العبيط ده في جملة واحدة انا اه خونتها مع طوب الارض وياما اذيتها وضربتها وكمان اتبريت من ابني عشان مدفعش مليم بس هي اشرف منك الف مرة ومني انا كمان
" واضح ان كلامي جننها وزقت دراعي بغضب وعينها احمرت وزعقت:- ولما هي شريفه اوي كده يا خويا طلقتها ليه ياحنين وخلتني اقنعت اخوها انها خاينة ليه وليه جيت البيت وزعقت لصالح ورميتها تحت رجليا وهي شايلة ابنك وعمرة يوم وقولت انها ماشيه في الحرام وان اللي في بطنها مش ابنك ليه وفضحتها قدام الشارع كله خليت اخوها قتلها من الضرب وطردها وهي لسه والده
:-ملكيش فيه انا حر
:-يبقا متعملش فيها حنين وانت آس المصايب وهترجعها لعصمتك وهتجبهالي تحت رجليا تاني اذل فيها وقت ما احب
:-والمقابل!؟؟
"رمت في وشي ظرف مليان فلوس فتحته فورا لاقيتهم 5تلاف،، قعدت علي الكرسي ببرود":-دول مينفعوش انا عايز 10
" كزت علي سنانها بغيظ وقالت:-ماااشي المهم تخلص
"شميت الفلوس باستمتاع وشوفت علي وشها نظرة نصر لانها عارفة ان نقطة ضعفي هي الفلوس والستات جت شدت الحجاب من علي شعرها الاسود وابتسمت بخبث:-مستنياك جوا
" وطبعا مقدرش ارفض....
«شيماء حمدي الجندي»
"دخلت بيت خالي وانا متغاظ منه يعني مش كفاية انه قعد حاضنها يجي ساعتين لا وكمان خدني بيته وهي فضلت هناك ومش هشوفها!!
رميت شنطتي بتعب علي الكرسي وقعدت جمبها وهو قعد فرحان:-ايه رايك اغير دهان الحيطان قبل ما زهرة تيجي وكمان هنزل اشتري اوضة ليها وسرير لادم وستاير جديدة ومطبخ جديد عشان تتحرك براحتها و..
:-بس بس حيلك حيلك ايه كل ده هو انت معاك كام لكل ده؟؟
:-فرحان اوي يا يوسف حاسس ان قلبي طاير من الفرحة انا من يوم ما طلقت فاطمة مفرحتش لحظة ونفسي افرح بجد وفرحتي متحوشة من 21سنة وبجد مش مصدق اني لاقيت بنتي وكمان عندي حفيد
" قومت قعدت جمبه ومسكت ايديه بحب وفرحان عشانه اوي لاني عارف ان عمرة ما فرح:-انا مبسوط عشانك اوي ربنا يعوض صبرك خير يارب
:-ربنا يخليك ليا يارب وانت ابني زيها بالظبط،،، بس انا مشوفتش جوزها لحد دلوقتي هو انت شوفته
"غصه طعنت قلبي لما قال كلمه جوزها بس بلعت ريقي وحبست نار قلبي وقولت:-زهرة مطلقة ياخالو
" اتنفض من مكانه:-ايييه مطلقة وعندها بيبي ازاي لا طبعاً لازم يرجعوا لبعض اومال مين هيربي ادم لازم يستحملوا عشان ابنهم
"كلامه صدمني ووقفت وانا خايف ينفذ قراره:-لا طبعا مش هترجعله!!!!
~~~~~~~~~~~~
طول اليوم قاعدة في البيت وانا حاسه ان دنيتي فاضية من غيرة واللي مصبرني اني قاعدة في اوضته وبليل استنيت ماما تنام هي وادم وفتحت دولابه وطلعت قميص ابيض شوفته عليه يوم ما ضرب صالح عشاني وحسسني ان أخيرا ليا ضهر وسند وشميته وانا مغمضة عينيا بس دقات قلبي سريعة اوي وحضنته وانا
نايمة وبعدها فتحت وبصيت للقميص وانا مبتسمه:-تعرف ان صاحبك وحشني اوي واني حاسه اني يتيمة من غيرة طيب ليه مظهرش في حياتي من زمان وكان وفر عليا عذابي ده كله؟!؟ بس مش مهم اي حاجه المهم اني قابلته وعرفته
وغير حياتي معاه واني مش هنساه ابدا مع اني متاكده انه مش شايفني اصلا بس كفاية اني شوفت الطف واحن انسان في الدنيا
" فوقت من خيالي الجميل علي رنه بصيت للفون بسعادة وانا بحسبه يوسف بس قلبي وقف من الرعب وحسيت بمية مغلية وقعت عليا وايدي ارتعشت
ونفسي ذاد وانا شايفة رنه من سعد فضلت ماسكه الفون بصدمه لحد ما الرنه خلصت ولما مردتش بعت رساله علي
الخاص فتحتها فورا لاقيت صورة من ورقة رجوع وبتثبت انه رجعني لعصمته وكاتب مبروك يا عروسة!!!؛!