رواية اسيرتي ولكني اسيرها
الفصل الخامس5
بقلم صابرين سيد
اول ما الاوضه اتفتحت جميله بصت لي احمد عينها فيها مليون سوال احمد مسك ايدها /عارف كل الي عايزة تقوليه تعالي ندخل وهجاوبك
جميله دخلت وبصت لي احمد /اتفضل جاوبني
احمد قعد وولع سيجارة ورجع ضهره لي ورا وحط رجل علي رجل /عايزة تعرفي انتي لي هنا ولي انتي بالذات ولي عملت كل ده معاكي ولا عايزة تعرفي انا ازاي حبيتك في يوم وازاي اتجوزتك بالسرعه دي وازاي قولت انك مراتي وانا كنت لسه عارفك الصبح
جميله ربعت ايدها /ده انت عارف كل الاسئله بقا
احمد بيطفي السيجارة وبيضحك /امال انتي فاكره اي ياحبيبتي جوزك مش اي حد
جميله بتلم شعرها /انا لحد دلوقتي مش مصدقه كل الي بيحصل ده
احمد قام وحط ايده حوالين وسطها وبص في عيونها /عارفه ياجميله انتي كنتي حلم بالنسبالي كنت حاسس ان عمري ما هحققه عارفه يعني اي كل يوم بحلم بيكي ومش عارف المسك حتي ياجميله انتي سحرتيني بجد
جميله بتنهيده كبيره /يعني كل ده مكنش صدفه يعني انت
احمد قرب منها وهمس في ودنها /يعني انا بحبك
جميله بتوتر /وكل ده امتا
احمد بص في عينها /من ساعه اول مره شوفتك فيها جايه تقدمي في الشركه من اول ما اتخرجتي فاكره
جميله /بس انا قدمت في شركة اول ما اتخرجت مكنتش بتاعتك اصلا
احمد بابتسامه /حبيبتي النصيب جمع اشوفك هنا
جميله /وازاي انا مشوفتكش
احمد لف ايده اكتر علي وسطها وقربها منها /المهم اني انا شوفتك ومن ساعه وانا قولت مش هتبقي لحد غيري مهما حصل
جميله بصتله وسكتت
احمد /سكتي لي ندمانه
جميله /قلقانه وده حقي
احمد بعد عنها /وانا مش هعمل اي حاجه طول ما انتي قلقانه بس كل الي اقدر اقولوا ان وعد مني هصونك عمري كله وان احميكي دايما وافضل احبك مهما حصل
جميله /شكرا يا احمد
احمد /تعالي اوريكي اوضتك
جميله بتعجب /اوضتي
احمد /اكيد مش هغصب تنامي معايا في اوضه واحده انا وعدتك طول ما في قلق انا هسيبك لحد ما تحبيني وتطمني
احمد خد جميله ووصلها لي اوضتها وسابها ومشي
ام جميله بترن علي رامي مش بيرد /معقوله يابني كل ده بتوصل اختك
ام جميله رنت علي فاطمه /الو يابنتي رامي لسه معاكي
فاطمه /لا ياطنط رامي وصلني ومشي في حاجه ولا اي
ام جميله /مرجعش لحد دلوقتي ومش من عادته
فاطمه /متقلقيش ياطنط تلاقيه شويه وجاي
ام جميله /ماشي يابنتي سلام
جميله خدت شاور وخرجت من اوضتها تدور علي اكل ودخلت المطبخ وبتبص لقت احمد
احمد بابتسامه /علفكرة انا زوج مثالي
جميله بتبصله وتضحك /بقا هيبتك الي في الشركة هناك تضيعها هنا
احمد قرب منها /ونبي انا قدامك اضعف من اي قطه
جميله بابتسامة /والله بكاش
احمد بضحك /انت قبلتي الحج عز بقا
جميله بابتسامة /شكلك معروف بالبكش
احمد بصلها فجاه /علفكرة شكلك حلو اوي وانت من غير ميكب
جميله بتوتر /قولي عملت اكل اي
احمد بضحك /براااااحتك هتروحي مني فين
جميله /انا جعانه اوي يلا بقا
احمد بضحك /مكنتش اعرف انك طفله كده
جميله /واديك شوفت يلا بقا جعانه
احمد فجاه قرب منها وباسها من خدها /يلا عشان ناكل
جميله ابتسمت وبعد كده /نسيت وعدك ياباشا
احمد /دي بوسه بس
جميله شافت الاكل قعدت تاكل
احمد فضل يبصلها /انتي ملاك
جميله /مش هتقولي برضو اي سر وجودك في حياتي
احمد /مانا حكيتلك
جميله /دي قصه افلام لكن الحقيقه انت مخبيها
احمد /في حاجات في وقتها احلي
جميله /هتفضل مخبي لحد امتا
احمد /قوليلي اي رايك في الاكل
جميله /حلو اوي بجد
ولسه جميله هتقوم تشيل الاكل لقت مسدج علي تليفونها
انتي الي بداتي فقولي ان لله وان اليه راجعون في اخوكي
جميله الاكل وقع من ايدها وبصرخه وحده راااااااااااااامي