رواية احببت اعمي الفصل الخامس5والسادس6بقلم سندس محمد
عمر بجمود: متخافيش انا مش هاذيكي على فكره
بصتله رحمه بابتسامة: انا مش خايفه اصلا
عمر باستغراب: رغم اللي عملته معاكي
رحمه: آه
عمر بابتسامة: غريبه
رحمه بابتسامة خفيفه: لا مش غريبه ولا حاجه
و حاولت تغير الموضوع احمم هو احنا هنقعد هناك كتير
عمر بهدوء: لا كام يوم بس مش هنطول
رحمه: ماشي
وبعدين بصت من الشباك وبعدين بصتله تاني
رحمه بطيبه: علي فكره انا مش بعمل كدا شفقه عشان تكون عارف يعني عشان بتكلم معاك عادي رغم اللي قولتهولي
عمر بهدوء وحزن: انا كل اللي حوليا بيعملوني شفقه اصلا
رحمه: ليه بتقول كده
عمر: امال هيتعاملوا مع واحد زيي ازاي
رحمه باستغراب: واحد زيك
عمر بحزن: اه واحد زيي اعمى
رحمه: انت ايه كمية اليأس اللي عندك دي كل حاجه بتحصل لينا في حياتنا بتبقى مكتوبه وبيبقى اختبار من ربنا ليك وانت المفروض تصبر
عمر بابتسامة من كلامها اللي طبطب على قلبه: الحمدلله
بصتله رحمه بابتسامة وبعدين رجعت بصت للشباك
وبعد مده وصلوا الساحل
السواق: وصلنا يا عمر بيه
عمر بهدوء: تمام هات الشنط يلا يارحمه
دخل عمر ورحمه الاوتيل
عمر بجديه للعامل: جناحي جاهز
العامل: اه ياعمر بيه اتفضل
عمر مسك ايد رحمه وطلع الجناح الخاص بيهم
عمر: خشي ارتاحي انتي بقى
رحمه بهدوء: طب هو في مطبخ هنا
عمر بتعجب: ايوه بس ليه
رحمه ببساطه وعفويه: عشان اطبخ انا مش بحب اكل بره ده
عمر بابتسامة خفيفه: ماشي ياستي المطبخ عندك ابدعي بقا
رحمه بضحك: ده انا هبهرك
عمر: لا انا كده خوفت اكتر
رحمه بضحك: لا متقلقش ده انا عليا شويه اكل تحفه
عمر: ماشي ياستي
رحمه بضحك: انا حاسه انك بتاخدني على قد عقلي صح
عمر بضحك: اناااا ايه الظلم ده
رحمه بابتسامة: ماشي اما تدوق هتحكم وتشوف وبعد كده هتقول الطباخه جت الطباخه راحت
عمر بضحك: انا مشوفتش قد تواضعك
رحمه: يلا اي خدمه هروح انا بقى عشان ابهرك
عمر: ماشي وانا مستني
بعد شويه كانت واقفه في المطبخ
دخل عمر عليها
رحمه بهدوء: ارتاح انت وانا هعمل ولا اقولك اقف معايا بدل متحس بملل ايه رأيك
عمر بابتسامة: ماشي ياستي وكمل بحزن كان نفسي اقولك اساعدك في حاجه بس انا مش هعرف اعمل حاجه عشان عشان
سابت اللي في ايدها وبصتله
رحمه بحزن: عمر متقولش كده
وهنا عمر قلبه دق لما نطقت اسمه
عمر بهدوء: بس هي دي الحقيقه
رحمه بعصبيه: ياعمر انا قولتلك قبل كده ده اختبار من ربنا وانت لازم تعرف ده
عمر خد نفس عميق: الحمدلله
رحمه بابتسامة: بس كده خلي عندك ايمان بالله
عمر بهدوء: الحمدلله انتي طيبه
رحمه بخجل: شكرا
عمر: انا بتكلم بجد انتي طيبه اوي
رحمه غيرت الموضوع: انا دلوقتي هكمل و روح انت ريح عقبال مخلص
عمر بابتسامه خفيفه: ماشي
طلع عمر من المطبخ وهي كملت الاكل
رحمه حطت ايديها على قلبها: ايه بتدق كده ليه مينفعش مينفعش احبه مينفعش
عند عمر برا تليفونه رن وكان باباه
عمر: الوو
منصور: عاملين ايه
عمر بهدوء: الحمدلله يابابا وحضرتك عامل ايه
منصور: الحمدلله يابني هتيجي امتي
عمر: كام يوم كده
منصور طب بقولك
عمر: نعم يابابا
منصور:......
عمر بصدمه: ايهههه
الفصل السادس
رواية احببت اعمى البارت السادس
عند عمر برا تليفونه رن وكان باباه
عمر: الوو
منصور: عاملين ايه
عمر بهدوء: الحمدلله يابابا وحضرتك عامل ايه
منصور: الحمدلله يابني طب بقولك
عمر: نعم يابابا
منصور: عمتك جت من لندن واتصلت عليا وقالتلي انها جايه على القصر
عمر بصدمه: ايهههه
منصور: بص يابني انا مقدرتش اقولها متجيش هي مهما كان اختي الوحيده أنا عارف اللي عملته هي وبنتها مكنش سهل بس دي في الاول والاخر عمتك
عمر بضيق:طب ما انا ابنك
منصور:يابني اسمع ده موضوع عدى عليه كتير
عمر بضيق: أنا عمري ماهنسى اللي عملوه يابابا عمرى ماهنسى
منصور:يابني
عمر بعصبيه: اقفل يابابا انا جاي
قفب عمر مع باباه وهو مش شايف قدامه من العصبيه
عمر بعصبيه: رحمه رحمههه
جت رحمه من المطبخ بخضه
رحمه بخضه: ايه في ايه
عمر بعصبيه: قومي اجهزي عشان هنرجع القصر تاني
رحمه: هو في ايه ايه اللي حصل
عمر بزعيق لدرجه انه افزعها: يلاا بقولك
رحمه بخوف: حاضر حاضر
وبعد مده
عمر بعصبيه للسواق: يلا اخلص بقاا هنفضل طول اليوم في الطريق
السواق بخوف: حاضر حاضر يابيه خلاص قربنا اهو
وبعد مده وصلوا القصر دخل عمر بكل غضب
منصور بتوتر: حمدالله على السلامة يابني انت وصلت تعالى عمتك صفيه جت هي ويارا
استووووب
صفيه عمت عمر عندها 55 سنه كتله خبث ومكر ماشيه على الارض بتكره عمر ومنصور اوي ونفسها يموتوا عشان تاخدت الورث وللاسف طلعت عيالها زيها
يارا الصاوي بنت عمت ايهم عندها 27 سنه زي مامتها بظبط خبيثه اوي ومكاره جدا بتعشق الفلوس
سامر الصاوي ابن عمت عمر عنده ٣٠ سنه بيكره عمر بطريقه غريبه ودايما شايف ان عمر احسن منه خبيث اوي وممكن يعمل اي حاجه عشان الفلوس بينه وبين عمر عداوة كبيره
عمته صفيه بخبث: عمر حبيب قلبي عامل ايه
عمر بقرف: الحمدلله
يارا بنت عمته: عموري عامل ايه ياروحي
بصتلها رحمه بغضب وهي عايزه تجبها من شعرها تقطعه في ايدها بس مسكت نفسها عشان لو سابت نفسها عليها هتاكلها
عمر بعصبيه: هو انتي محدش علمك إن من الادب نتكلم باحترام ولا ايه
يارا باحراج: ايه ياعموري انا متعوده اقولك كده وبعدين بصت لرحمه هي دي مراتك يععع ذوقك بقى وحش اوي ياعموري انا مكنتش اعرف إن ذوقك هينزل بالشكل ده
رحمه بصتلها والدموع في عنيها من كلامها بس صدمها عمر لما قال
عمر بعصبيه: اولا انا اسمي عمر فهمتي يعني بطلي كلمه عموري عشان طالعه منك سم الصراحه ثانيا بقا مراتي دي ضفرها برقبتك اسمعك تتكلمي عنها بنصف كلمه هوريكي وش احب انك تشوفيه الصراحه عشان مراتي اللي بتتكلمي عليها كده احسن مليون مره منك ف ابعدي عنها احسنلك
منصور: ايه ياحبيبي دي يارا بتهزر صح ولا ايه يا يارا
يارا بتوتر: ايوه طبعا ياخالو انا بهزر
صفيه: ايه ياعمر واقف ليارا على الكلمه يعني هو ده استقبالك لينا
بصلها عمر بسخريه
عمر بسخريه: معلش بقى ياعمتو انا قليل الادب
صفيه بصت لرحمه من فوق لتحت بقرف: ازيك
رحمه بخوف وتوتر: احمم الحمدلله
عمر بقرف: امال فين الاستاذ سامر
صفيه بخبث: هو هيجي بعد يومين بيخلص شوية حاجات في لندن و ييجي انا عارفه انه واحشك و قد ايه هو نفسه يشوفك
عمر بسخريه: وأنا كمان نفسي اشوفه واكيد طبعا واحشني اوي وبعدين كمل في سره يارب مايجي ده ايه القرف ده
عمر لرحمه: يلا ياحبيبتي نطلع الاوضه بتاعتنا
حست رحمه بتوتر عشان كلمة حبيبتي حتى لو مش حقيقه
رحمه بتوتر: احمم اه يلا
وطلعوا هما الاتنين
يارا بحقد في سرها: انا هوريكم ماشي عشان تعرف تفضلها عليا كويس مبقاش يارا الصاوي لو محسرتكش عليها ياعمر وهترجعلي تاني بردو
صفيه بخبث لمنصور: مرات عمر شكلها غلبانه اوي
منصور بطيبه: اه اوي ربنا يحميها يارب
صفيه: طيب ياخويا احنا هنطلع نستريح بقى
منصور بطيبه: ماشي ياصفيه
وطلعوا هما الاتنين وكل واحده جواها خبث ومكر يكفي بلاد
في بيت محمد والد رحمه
محمد بيكلم شخص مجهول بخبث: ايوه ايوه هو اتجوزها
المجهول: ٠٠٠٠٠٠٠٠٠
محمد بخبث: لا مش هيموتها ولا حاجه
المجهول: ٠٠٠٠٠٠٠٠٠
محمد بصدمه: ايه انت بتقول ايه