رواية احببت اعمي الفصل السابع عشر17والثامن عشر18بقلم سندس محمد
وقفنا المره اللي فاتت لما صفيه كانت هترن على المجهول
كانت لسه هترن عليه بس هو دخل فاجاءه
المجهول بسخريه: ايه اتاخرت عليكوا ولا ايه
صفيه بمكر: نورت نورت يا يامن
يامن بسخريه: بنورك كنتي عايزة ايه بقى عشان انا مش فاضي اصلا
سامر بعصبيه: يامننن اتكلم بأسلوب احسن من كده وبعدين هو ايه اللي مش فاضي انت محسسني اننا بنشحت منك مانت مشترك معانا في كل حاجه ولا ايه
يامن بشر: صوتك ياحلو ميعلاش تاني وبعدين دي مش مصلحتي لوحدي ولا ايه انتو منغيري متقدروش تعملوا حاجه وهقولك تاني لو صوتك علي تاني انت حر
سامر بخوف مخفي: انت فاكرني هخاف منك ولا ايه
يامن قرب منه بشر
يامن بشر وهمس: اتقي شري ماشي عشان انا بيعت صاحبي عادي وهقتله بردو عادي وانت بردو ممكن اقتلك عادي ولا هيفرق معايا ماشي يعني انا مش باقي على حاجه
سامر بصله برعب ومردش هو عارف انه غدار و ممكن يعمل اي حاجه
صفيه بزهق: هتفضلوا تتخانقوا طول اليوم ولا ايه خلينا في المهم بقى
يامن بجديه: كنتي عايزه تقولي ايه عشان انا مستعجل
صفيه: اقعدوا واسمعوني كده
كلهم قاعدوا
صفيه بحقد شديد: احنا لازم نلاقي حل بقى عمر زودها اوي واحنا عايزين الفلوس بقى هو هياخد كل حاجه هو والزفته اللي اسمها رحمه
يامن بشر: يبقى نقتله
يارا باستغراب: يامن انا في سؤال محيرني اوي انت ليه بتكره عمر اوي كده انت صاحبه من زمان اوي وكملت بخبث ولا الفلوس عجبتك
يامن بجمود: دايما بحسه احسن مني كل حاجه شاطر فيها عمل شركه كبيره وانا لا كل حاجه هو بيخدها مني
سامر بشرود: نفس احساسي دايما بحسه احسن مني انا نفسي اقت*له
صفيه بمكر: هنق*تله بس مش دلوقتي اول حاجه هنبدا بمنصور
يامن بسخريه: اخوكي
صفيه بشر: اه اخويا
يامن بسخريه: ماشي ودلوقتي باي بقى عشان ورايا مشوار مهم
مشي يامن وكلهم مشيوا من المكان
*****************************************
عند عمر
لبس بسرعه عشان يروح المستشفى هو الدكتور قاله انه عايزهه في حاجه مهمه بس هو قلق
عمر نزل لقا باباه قاعد
عمر بسرعه: بابا انا رايح المستشفى
منصور بخوف: ليه رحمه فيها حاجه ولا ايه
عمر بهدوء: متقلقش انا رايح وراجع بسرعه خلي بالك على نفسك يابابا
منصور: ماشي يابني ربنا معاك يارب ويشفي مراتك ياحبيبي
عمر خرج من القصر وركب العربيه
بعد مده وصل قدام المستشفى دخل بسرعه اتصل على الدكتور
عمر بلهفه: انا جيت يادكتور اجي لحضرتك فين
الدكتور بهدوء: تعالى اوضه رقم ******
عمر بلهفه: ماشي يادكتور
قفل عمر مع الدكتور وهو مش عارف يوصل للاوضه لقا ممرضه في وشه
عمر بهدوء: لو سمحت ممكن اعرف اوضه رقم***** فين
الممرضه شاورتله على الاوضه: دي الاوضه يا استاذ
عمر بسرعه: ماشي متشكر جدا
وقف عمر قدام الاوضه وخبط بهدوء سمع الاذن دخل عمر الاوضه بخطوات متردده و اول ماعينه وقعت على السرير مصدقش نفسه
عمر بصدمه شديده: رحمهه
رحمه بابتسامة: مفاجأة مش كده
عمر بعدم تصديق: أنا مش بتخيل صح
رحمه بضحك وحب: لا مش بتتخيل
عمر فضل واقف زي الصنم متحركش من مكانه من الصدمه
رحمه بابتسامه: ايه مش هتسلم عليا ولا ايه
عمر جري عليها خدها في حضنه بدموع
عمر بدموع: انا مش مصدق بجد مش مصدق خايف اكون بحلم
رحمه بابتسامة وتعب: لا مش بتحلم انا معاك اهو
عمر بعد عنها بهدوء
عمر بحب: رحمه انا بحبك اوي اوي حتى فوق ماتتخيلي انا لو كان جرالك حاجه مكنتش هقدر اعيش انتي كل دنيتي يارحمه مش عارف امتى او ازاي بس كل اللي اعرفه اني بحبك
رحمه: ٠٠٠٠٠٠٠٠٠
رواية احببت اعمى بارت 18
عمر بحب: رحمه انا بحبك اوي اوي حتى فوق ماتتخيلي انا لو كان جرالك حاجه مكنتش هقدر اعيش انتي كل دنيتي يارحمه مش عارف امتى او ازاي بس كل اللي اعرفه اني بحبك
رحمه بحزن: بس احنا مننفعش لبعض
عمر بذهول: ليه
رحمه بوجع: انا واحده ابوها باعها و
عمر بمقاطعه بعصبيه: رحمه انتي ازاي تقولي كده على نفسك
رحمه بعصبيه: ايه قولت ايه مش ده اللي انت قولتوهولي ولا ايه انت فاكرني نسيت اي كلمه
عمر بوجع: رحمه انا مكنتش في وعيي انا بحبك والله بحبك
رحمه بسخريه: طب وانا ايه اللي يضمنلي انك متقوليش الكلام ده تاني
عمر بابتسامة: افعالي هي اللي هتقولك اني بحبك بجد واللي بيحب حد عمر مابيوجعه ودلوقتي بقى نامي يلا عشان انتي تعبانه وانا هعمل مشوار وهاجي تاني
رحمه بفرحه: اه صح انت عملت العمليه الف مبروك انا مبسوطه اوي بجد مش مصدقه نفسي من الفرحه ياههه اخيرا
عمر بصلها بفرحه
عمر بابتسامة وفرحه: اه ياعمري عملتها وكمل بحب وشوفتك اخيرا طلعتي اجمل ماكنت متخيل
رحمه بخجل: شكرا
عمر بضحك: في واحده تقول لجوزها شكرا
رحمه بمشاكسه: مش انا قولت يبقى فيه عادي
عمر بابتسامة: طب انا همشي بقى ياعمري ماشي
رحمه بتعب: ماشي
خرج عمر من الاوضه وبصت رحمه في اثره بحب
رحمه في نفسها بحب: ياههه انا مش مصدقه نفسي وانا كمان بحبك اوي ياروحي بس هزعل منك شويه عشان انا عندي كرامه بس ربنا يخليك ليا يارب
************************************************
عند عمر
مشي عمر من عند رحمه وهو مش مصدق نفسه من الفرحه
ركب عمر العربيه عشان هيروح الشركه
بعد مده وصل عمر الشركه
دخل عمر بكل هيبه كل اللي في الشركه وقفوا احترما ليه
دخل عمر مكتبه وطلب السكرتيره
الهام سكرتيره عمر: نعم يافندم
عمر ببرود: اقعدي يا الهام
الهام قعدت بخوف: نعم يابيه
عمر ببرود: مش عيب لما تلعبي من ورايا يا الهام ده انتي عشره ولا صح الفلوس تعمل اكتر من كده
الهام بخوف شديد: احمم قصدك ايه ياعمر بيه وضح قصدك معلش
عمر ببرود: انتي عارفه انا قصدي ايه كويس اوي انتي فاكره لما تلعبي من ورايا مش هعرف ولا ايه أنا مكنتش متخيل انك تعملي كده
الهام بعياط: انا هقول لحضرتك كل حاجه
عمر ببرود: اممم أنا عارف كل حاجه بس ليه يا الهام بتلعبي من ورايا ومع اكتر ناس بتكرهني تديهم الورق المهم اللي في الشركه ليهه
الهام بتوسل: ابوس ايدك يابيه انا هعمل كل حاجه انت عايزها بس مترفدنيش من الشغل
عمر بجمود: مش هرفدك بس تسمعي كل اللي هقوله ماشي
الهام بعياط: انا مع حضرتك في اي حاجه
عمر بشر: اسمعي بقى
************************************************
عند رحمه نامت شويه لحد ماعمر يجي بس سمعت صوت الباب بيتفتح
رحمه وهي مغمضه عنيها: انت لحقت جيت ياعمر
يارا بخبث: طب مينفعش يارا ولا ايه
رحمه اتنفضت من مكانها: انتي عايزه ايه
يارا بخبث: انتي متعلمتيش من اول مره ولا ايه اتكلمي عدل عشان انتي خلاص جبتي اخرك معايا
رحمه بتوتر: انا عملتلك ايه عشان تعملي فيا كده
يارا بخبث: انا قولتلك ابعدي عن عمر لكن انتي رفضتي استحملي بقى
رحمه بخوف: حرام عليكي انا بحبه وهو بيحبني
يارا بعصبيه شديده: مش بيحبك مش بيحبك فاهمههههه
رحمه بخوف: انتي عايزه ايه
يارا قربت منها بشر: عايزه روحك