رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

  رواية ذئاب لا تعرف الحب الفصل الثالث والخمسون53بقلم نجمه براقه

طارق 

: انا كنت عامل حسابي ومستنيك يا صاحبي 

قالهالي حامد قبل ما ادخل العربيه وامشي ب وفاء ف رجعت قفلت الباب وقولت 

_ يعني ده فخ عملهولي 

:  ايوه 

_ اوكي  ، وطالما كده ف انا مش موافق علي اللي بيحصل ده  ،  انهي كل حاجه دلوقتي  ،  التسجيلات اللي عندك  يتحذفوا وتسيبها في  حالها ونقفل علي الحوار ده  بقا 

قال بهدؤ بعد ما وقف قدامي 

: وانا موافق بس بشرط 

_ شرط ايه 

:  تصحيها وتقولها اللي انت عملته 

_ نعم! 

: مسمعتش 

_ لا سمعت  ،  بس مش هقول حاجة  والتسجيلات اللي عندك هتتحذف  

:  وانا بقولك لو عاوز الموضوع ينتهي صحيها وقولها اللي عملته 

_ انت مجنون عاوزني اقولها اتعديت عليكي وانتي مش حاسه بنفسك 

:  ايوووه وتوريها التسجيلات كمان  

قولت بتحدي

_ طيب لا  والموضوع هينتهي يا حامد وهتسيبها في  حالها 

:  ولو منفذتش 

_ هتنفذش  ،  انا مش هسمحلك تكمل اللي انت ناوي تعملة

: غلطان  يا صاحبي  ، مش حامد اللي حد يوقف في طريقه  ، انت لو فكرت تتحداني انا هقدم كل التسجيلات لنيابه واقول انك تعديت علي خطيبتي  وحاولت تخطفها  ويضيع مستقبلك بقا 

_ هي بقت كده 

:  انت اللي خلتها كده  ،  انت اللي جاي تغدر بيه عشان دي 

_ حامد افهم  اللي انت بتفكر فيه ده حرام  ،  انت معاك اخت فكر فيها  

: كله حراااام  ،  قربك ليها بشكل اللي في التسجيلات  ده حتي لو مكملتش للأخر حرام  ،  سهرك ونومك مع البنات كل يوم بردو حرام  ،  خاينتك لعهدك وقسمك قبل ما تكون ظابط بردو حرام  ،  ف متمسكش في دي وتتحمق قوي وانت بتقول حرام  ،  وعلي العموم هريحك لو عجباك قوي  استنا اخلص اللي هعمله وهسبهالك بس يارب تعرف تقنعها انك بتحبها 

_ حامد متخلنيش اتجنن عليك دلوقتي  ،  انا قولت مش هتكمل يعني مش هتكمل  ،  هاخدها وهمشي ولو راجل امنعني 

قولت كده ومشيت ناحية العربيه وقبل ما اوصل لقيت مجموعة من العساكر طالعين وبيحاوطوني من كل جانب  ف فهمت ان حامد كان ناصبلي الفخ ده من اول ما كلمني وقالي انه رايح معاها المول  ، ف وقفت امرر نظري بينهم وبعدين رجعت ابص لحامد اللي بيقولي

_ انت دلوقتي مقبوض عليك متلبس بتهمت خطف خطيبتي  بس علشان انت صاحبي ممكن اخليك تسيبها و تمشي وكأن شيء  لم يكن  إيه رأيك 

:  بقا كده 

_ ايوووه 

:  ماشي يا حامد  خليك فاكر الحركه دي  ، خدها وامشي 

_ ماااشي  ،  شكرا يا ابو حميد  ،  حبيبي انت  ،  بس لو مكنتش بعزك والله ما كنت عدتهالك 

#وفاء 

صحيت لقيت نفسي داخل عربيه ف بصيت حوليه بفزع لقيت حامد  بيقولي 

: متخافيش انتي كويسة 

_ ايه اللي حصل  

:  اللي حصل انك كنتي هتتخطفي تاني من الحقير بتاع السايبر 

شردت بتفكيري في اللي قاله وبعدين فوقت علي سؤال حامد وهو بيقولي 

_ مالو بيكي الواد ده  ليه كان عاوز يخطفك

:  معرفش انا اتفاجات بيه بيخدرني  ومشوفتش شكله حتي 

_ يعني معرفتيش انه هو نفسه طارق بتاع السايبر 

:  لا مشفتهوش  ،  انت عملت معاه إيه 

_ قبضت عليه طبعاً 

:  ليه

_  يعني ايه ليه ده كان هيخطفك 

سكت ف قال 

:  مالك  ،  في حاجه مخبياها عني 

_ لا  ،  انا عاوزه اروح  

:  في ايه يا وفاء قوليلي 

_ مفيش حاجه  مصدعه بس  رجعني  ،  ولو سمحت متجبش سيرة لبابا وبيجاد مش عاوزاهم يقلقوا 

:  مكنتش هقولهم 

_ متشكره  

رجعنا البيت وهناك لقيت بيجاد وبابا ف مشيت من غير ما اكلمهم ودخلت اوضتي وبعد شوية لقيت بيجاد جاي عندي وبيقولي 

:  مالك 

قولت من غير ما ابصله 

_ مليش  

:  في حاجه حصلت  ،  او قابلتي حد كده  ولا كده 

بصتله وقولت بنرفزه 

_ بيجاد انا مش طايقة نفسي  ،  اطلع وسيبني

:  ماشي يا وفاء  هطلع واسيبك ،  ولو بقيتي عاقلة لمعاد الفرح هفضل سايبك 

_ عقل!  انا اول مره اكون من غير عقل عشان خايفه اخسر واحد بيرميني لنار بأديه  ،  اول مره اعرف انك قاسي قوي كده  

:  وانا اول مره اعرف اني مليش قيمة عندك وممكن تبعيني في لحظة  ،  انتي اللي بدأتي  ،  وعلي العموم انا بجوزك لاكتر واحد بيحبك وهيحافظ عليكي وهتعرفي قيمة اللي عملته ده بعدين 

#ورد 

كنت عند سلوي في بيتهم عشان اطمن عليها وبعد ما قعدت معاها شوية الباب خبط ف روحت فتحت بدالها ولقيت واحد في وشي لملمت نفسي بسرعه ف قال 

:  عم محمد هنا 

_ لا مش اهنه

:  طيب انتي مين 

_ انا ورد  ،  انت مين 

:  انا اكرم جوز بنت عم محمد 

_ ايوه 

: طيب سلوي موجوده 

_ ايوه  دقيقة هندهالك

دخلت قولتلها وكنت همشي ف قالتلي اقعد معاهم بدل ما تقعد معاه لوحدها ف قولت له من خوفي من ان عبيده يزعل او  ان حكاية سعد تتكرر ف قالتلي 

:  متخافيش اكرم محترم  هو معيد في الجامعة علي فكره  ،  ونبي خليكي معايا  مينفعش اقعد معاه لوحدي 

_ ماشي ماشي  ، بس يلا عاد عشان اروح قبل ما يجي عبيده والعيال 

:  طيب 

طلعنا وقعدنا معاه وبقا يحكي معاها ويسألها عن حالها ويعتذر عشان مقدرش يجي من الاول وبعد كلام كتير بصلي وقال 

_ دي صحبتك 

:  ايوه  ، انا نسيت اعرفك دي ورد مرات الساكن الجديد 

بصلي بتعجب وقال 

_ مرات  ،  انتي متجوزه 

:  ايوه متجوزه 

_ شكلك صغيره  ،  انتي صعيديه صح

قالت سلوي

:  ايوه صعيديه وهي مش صغيره ولا حاجه دي عندها 20 سنه 

_ بردو صغيره  بس تمام طالما هي مبسوطه  

:  لا مبسوطه اصلها بتحب عبيده قووووي ههههه

بصيت لسلوي ف سكتت ورجعت تكلمه وتقول 

_ انت عامل اية في الكليه  

:  تمام ،  يلا شدي حيلك عشان ادرسلك واساعدك في المحاضرات 

_ يااارب يا اكرم لما ادخل الكليه تكون انت دكتور 

:  يااااه لسه بدري  بس ربنا يسهل واقدر اخلص 

_ ان شاءلله  هتقدر 

:  يارب 

بصلي وقال

_ وانتي درستي ولا... 

:  له  مدخلتش مدارس 

_ خالص 

:  خالص 

قال اكده ف دخل علينا بشر وسمعه وهو بيقول 

_ حرام والله  ،  طيب مفكرتيش تتعلمي 

قومت ومسكت يد بشر وقولت 

:  له 

بص لبشر وقال

_ متقوليش ده ابنك 

:  له ده ولد اختي 

_ اهاااا  ،  تعاله 

سلم علي بشر وبقا يتكلم معانا كلنا  ،  وانا كنت عاوزه امشي بس سلوي كل شويه تشد طرف عبايتي عشان اقعد لغيت ما سمعت صوت عبيده بينادي علي بشر ف قومت مفزوعه وبشر طلع يجري وفتح الباب ف ظهرنا كلنا ليه  وشافنا وبقا يتنقل بنظره بيني وبين اكرم ده وبعدين بيتقدم عندنا ويسلم عليه ويتعرف وبعدين يبصلي ويقول بنظرات ثابته وترعب

:  زيد وحده فوق وبيدور عليكي 

جيت اتكلم ف قال اكرم 

_ زيد ده ابنكم 

بصلة وقال 

:  ابننا اه  ،  ماهي مرتي  ،  يلا عاد  اجري وانا جاي وراكي 

عنيه كانت بطلع شر وهو بيقولها ف طلعت بسرعه وخدت الطريق جري لفوق وبقيت قاعده علي اعصابي وسط العيال اللي بيطلبوا مني اجهزلهم وكل  وبعد ما زادوا زن زعقت فيهم ف بكا زيد ف قولت  بعد  ما شيلته

:  وحيات ابوك اسكت دلوك  ، يامورك يا ورد 

قولت اكده ونزلته وطلعت اجري علي  المطبخ لما سمعت صوت فتح الباب وبقيت واقفه رجليه بتخبط في بعض  وبعد ثواني لقيته داخل عندي زي الزعابيب  وفجأه بيشد شعري ويقولي 

_ تعاليلي اهنه  ،  كييييه تقعدي امعاها  ،  هاااا  

قولت ببكا 

:  امانه يا عبيده  والله جه علي غلفه وسلوي حلفتني ما اسيبها 

قال بانفعال 

_ عملتي حساب لسلوي ومعملتيش حساب ليه!!!  رايحه تقعدي وتحكي امعااااه  ،  طيب اعمل فيكي ايه دلوك 

:  مش هتتكرر بس امانه سيبني  ،  والله ما هتتكرر 

_ ما اتكررت  ،  ما دي  تكرارها  ، ورحمة امك لا اربيكي 

قولت ببكا 

: والله ما هعملها تاني  بس  سيبني وحيات عيالك تسيبني انا مش حملك 

زقني وقال 

_ ماشي يا ورد مااااشي

 وسابني وطلع وانا وقفت مكاني ابكي من الخوف منه ومفارقتش المطبخ لساعات 

#عبيده 

كنت هتجن اما لقيتها واقفه امعاه و واخده راحتها وكان هاين عليه ادبحها دبح وبعد ما دخلت عندها وانا ناوي اسود عيشتها لقيتها خايفه وبتحلفني اسيبها  ، ف  سيبتها ومشيت والا كنت خلصت عليها لو استسلمت لغيظي منها وعدا الوقت وهديت شوية وهي مكنتش طلعت من المطبخ  لسة  ، وقعدت شوية كمان من غير ما احاول اروحلها بس لما طالت قعدتها اهناك روحت واول ما شافتني قامت بفزع وركنت في زاوية عند المطبخ ف خدت نفس وقولت

:  قاعدة عندك ليه 

قالت بخوف 

_ قاعده 

:  ليه يعني 

_ اكده  

:  طيب ارجعي اوضتك 

_ له 

:  ليه له

_  خايفه منك 

:  له خافي صح  ،  بس اطلعي خلاص  مش هضربك هربيكي بطريقة تانيه  

قولت اكده ورجعت الأوضة وجه الليل وانا لسه اهناك ف قولت اقوم اشوف العيال  وروحت اوضتهم لقيتهم نايمين وهي قاعده وسطهم ف حسيت بالخجل من نفسي علشان مخوفها وهي مهتمه بالعيال   ولكن بردو عملتها ميتسكتش عليها ف طلعت وسيبتها ودخلت غيرت خلقاتي وقبل ما البس التيشرت لقيتها بتفتح الباب وتقولي 

:  عبيده 

_ عاوزه إيه 

:  حقك عليه  ،  بس والله غصب عني  سلوي خافت تقعد امعاه وحدها 

مردتش عليها ف جت عندي وقالت 

_ والله كانت خايفة  مكنتش هقدر اسيبها وهو كمان راجل مأدب 

وسعت عنيه والشر طلع منهم لو كان نار كانت حرقتها ف قالت 

:  قصدي يعني انه مغلطش في حاجه  

_ روووحي يا ورد 

:  طيب متزعلش 

_ بقولك روحي يا ورد

:  امانه انت قولت اننا مش هننزعلوا تاني 

_ مانتي اللي غلطتي  ازعل ولا مزعلش 

:  مش هتتكرر تاني 

مردتش ف قالت 

_ والله ما هتتكرر 

قولت بتنهيده 

:  خلاص  انسي 

قولتها ورجعت لدولاب عشان اجيب التيشرت ف اتفاجأت بيها بتحاوطني بيديها من ورا وبتسند رأسها عليه  ابتسمت ابتسامه راحت بسرعة وانا ببعدها واقول بعد ما ديرت ليها 

_ بعد عني معوذش اكلمك  

ابتسمت وهي بتقول 

: قولتلك حقك عليه اعمل ايه تاني 

مردتش ف قالت وهي بتقرب 

_ اخر مره  

:  له 

قربت اكتر ناهيه اي مسافة بينا 

_ عشان خاطري 

:  له 

بصت لعنيه ويدها ملامسه صدري وصوت انفاسها بيعلي بتوتر وبعدها بتقرب وتحبني في خدي وتطول في ملامسة شفايفها لوشي وبعدها بتبصلي بربكه 

_ اها 

هزيت راسي وانا بدوب من قربها اللي هيخليني ارجع في كلمتي ده ف رجعت تقرب تاني وتلمس رقبتي بشفايفها وبعدها وشي وتدوب زعلي منها مع كل لمسه بتعملها ف مسكت شعرها  وحطيت يدي ورا ضهرها وقولت وانا عيني في عينها 

:  انتي عاوزه ايه دلوك  ، مالك 

_  عاوزاك متزعلش 

:  ودي طريقه يعتذروا بيها  

ابتسمت وحركت جفونها بدلع خلاني مش قادر اتحكم في نفسي ف قولت بانفاس متسارع 

_ ورد  اختصريني دلوك  

ابتسمت ابتسامه زودت رغبتي اكتر ف قربت منها وضغطت بشفايفي علي شفايفها ويدي بتزيد في  ضمها وبتتحسس كل جسمها  وتشق الفستان اللي مانعني من الوصول ليها 

 وبعد وقت من القرب الشديد فوقت من الحاله دي وانا علي السرير وهي تحتي ودايبه من قربي منها ف بعدت وشي وقولت وانا بمسح جبهتي 

_ إيه ده  انتي عملتي ايه   

: عملت إيه  انت اللي عملت

قومت وسيبتها وانا بقول 

_ طيب  تقدري متصالحنيش تاني  بعد اكده سيبيني اتفلق 

قامت و وقفت قدامي وقالت 

:  ليه 

_ إيه هو اللي ليه مش هو ده اتفاقنا 

قربت مني وقالت بإبتسامة 

:  وانا مالي انا حبيتك في  خدك علشان اصالحك انت اللي زودتها 

_ واللهي 

:  واللهي  

ابتسمت وانا بقول 

:  طيب اطلعي قبل ما ازودها اكتر  معوذكش تدخلي عندي طول ما انا وحدي  

_ له  انا هنام اهنه  ومعاك علي نفس السرير كمان  

:  وكيه دي  له مينفعش  

قالت بدلع 

_ ليه مش هتقدر تمنع نفسك  

:  والله شكلك ناوياها وما هتسكتي غير لما  تعمليها 

_علي فكره انت جوزي مش عشيقي 

:  ماشي بس انا قولتلك اللي فيها 

_ مووووت يا حمار  مش يمكن يقعد سنين يرفض وانت تقعد سنين اكتر علشان تعترف 

حاوطت رقبتها بدراعي وقولت 

:  له  ،  علشان اليوم اللي هيجمعني انا وانتي هحدد شهر بالكتير لو مقدرتش  اقنعه بالجواز والكشف هقوله اللي عملته 

_ عبيده انا مش عشان حاجه  بس انت جوزي وعايشين مع بعض في نفس البيت وانا عاوزاك وانت عاوزني ف هنعذبوا نفسنا ليه 

قولت بتنهيده 

:  انا فاهمك  بس معلش  انا لو قربتلك هقوم متضايق من نفسي  ولو حملتي كمان هتضايق اكتر  ،  خلينا شوية  

:  ماشي بس بردو هنام جمبك 

_ بلاش  ،  خليها بعدين علشان كل حاجه تكون مظبوطه 

:  اممم ماشي هرجع الاوضه التانيه 

_ متزعليش 

:  مش زعلانه  تصبح علي خير

_ وانتي من اهله 

#شبل 

من وقت ما جيت وانا عندي رغبة اعرف جميله عامله ايه  ،  نفسي اعرف عملت ايه لما مشيت  وحياتها ماشيه ازاي  وكان نفسي اتواصل معاها ك اصدقاء  وبعد ايام تجرأت وطلبت من بدر يكلم الدكتور ويجبلي رقمها منه  ف قالي بمكر انا فاهمه كويس 

:  اجبلك رقمها  اه،  حاضر  بس ليه  

_ عاوز اكلمها 

:  تكلمهااااا اه  ،  بس ليه

_ اطمن عليها في ايه 

:  تطمن ااااه  ،  بس ليه 

_ بدر حبيبي مالك طالبه معاك عبط ليه 

برقلي بعنيه ف قولت 

:  بهزر يا كبير  بس عاوز رقمها اتصرف 

_ اعرف ليه الاول 

:  ووالله مش اللي في دماغك  كل الحكاية اني عاوز اطمن عليها  واشوف اخبارها  ، اصل انا بصراحه معجب بطموحها وشاطرتها يعني لا بحبها ولا بحب غيرها 

_ ماشي لو معجب  ف... 

قولت بماقطعه 

:  معجب بطموحها يا بدر 

_ ما انا اقصد اكده   ، ادم معجب بطموحها  اجبلك رقمها  دقيقة وجاي 

قال كده ومشي وبعد شوية رجع يقولي بوش عابس 

:  فقري  سألته قالي اتجوزت وغيرت رقمها 

بهتت ملامحي وانا بقول 

_ اتجوزت 

:  ايوه  

شردت بتفكيري وانا مستغرب ازاي اتجوزت  معقول حبتني من صغرها ولا انا اللي كنت غبي وحكمت غلط  ف قولت 

_ خلاص مش مهم 

:  متزعلش نفسك بكره يجيلك ست ستها 

_ بدر خلاص   ،  انا كنت عايز اطمن عادي. مردش وبعد وقت  مسك تلفوني عمل فيه حاجه وادهوني وقالي  

:  هي متجوزتش ولا حاجه انا كنت بهزر معاك  ادي رقمها 

_ والله انت بتستعبط 

: انا بستعبط يا ولد العبيطة  امسك 

قال كده وطلع وانا بقيت باصص لرقم شوية ومتردد اتصل ولا لا  وفي الاخر تجرات واتصلت وحطيت التليفون علي ودني وبقيت ساكت لغيت ما ردت وقالت 

:  الو  ،  الوووو  ،  الو  ،  طيب اخر نداء  الو  ،  له مانت لو معاك رصيد مضايقك ابعتهولي ايه قلت الذوق دي

_ دايماً كده  مفلسه يا ام شرطان 

سكتت شوية وبعدين قالت 

:  مين؟ 

_ هو في حد لسة بيقولك يا ام شرطان غيري  

:  له الكل دلوقتي بيحترمني مفيش غيرك 

_ يعني عرفتيني 

:  ايوه  ،  عامل ايه  وجبت رقمي منين 

_ انا كويس وجبت رقمك من....  لا مش عارف انا خليت بدر يجبهولي  ،  اخبارك ايه 

:  زينه  ،  بس إيه فكرك بيه  

_ منستكش أصلا  كنت طول الوقت اقول ياربي ام شرطان عامله اية  ،  لسه هبله ومتخلفه ولا عقلت 

:  هههههه متشكرين يابوي  ،  بس صوتك اتعدل اهو  ،  خفيت خالص ولا لسه 

_ لساني وايديه ونصي الفوقاني شغالين انما التحتاني مش حاسس بيه 

:  ليه اكده المفروض ان طالما بدات تخف ف كله يخف مع بعضه 

_ مش عارف يمكن عقلي فاصل الجزء التحتاني عنه زي الزراير اللي جمب الباب  ،  فكراها دي 

:  هههههههه فكراها وتحليلك صح 

_ طيب إيه استنتاجاتك هيخف ولا هفضل زي العيل اللي لسه مش عارف يسند نفسه  انا لو ميلت بقع مبعرفش اتعدل 

:  طيب ما شوفتش دكتور تاني 

_ لا متابع علي الادويه بتاعتكم وبس

:  يخرب مطنك  طيب ليه مروحتش  اي علاج  بيديلو وقت ولازم يتوقف 

_ وانا ايه عرفني 

:  اديني عرفتك قوم دلوك روح لدكتور وتابع معاه 

_ اقوم 

:  قصدي يعني خلي حد يوديك  ،  المفروض دي حاجه بديهيه تعرفوها وحدكم متستنوش حد  يقولهالكم

_ ما انا مدخلتش تمريض ولا طب قبل كده ف مش عارف 

:  والله يا ولد الكبير ماليها دعوه بطب وغيره ده اهمال انت مهمل 

_ بتشتميني 

:  له انا بوصفك  ،  ايه عدم المسؤؤليه دي قووم شوف دكتور  

_ طيب ياست الدكتوره اروح لدكتور عظام ولا دكتوره ايه 

:  مخ واعصاب  ،  يخرب مطنك  عظام إيه  انت عضمك مفهوش حاجة  

_ طيب ومتعصبه ليه دلوقتي 

:  من اهمالكم وقلت مسؤليتكم

_ انتي مجنونه؟ 

:  له انت اللي  مهمل 

_ ماشي متشكر  انا استاهل الضرب عشان عبرتك 

:  تستاهل الضرب عشان مهمل  

_ جرا ايه  ما تلمي لسانك 

:  ملمهوش لساني وانا حره فيه  

قولت بإبتسامة 

_ طيب اقفلي علشان مقلش ادبي عليكي ، يا هبله يا متخلفه يا ام شرطان  

جاني صوتها ضاحك وهي بتقولي 

:  اهو انت   ،  ابقي قولي الدكتور قالك ايه 

_ مش هقول 

:  طيب متقولش  ،  عنك ما تقول  اقفل 

_ اممم طيب انا هقولك عشان صعبتي عليه بس  

:  ميصعبش عليك غالي  ،  معوذاش اعرف حاجه عنك  اولع

_ يخربيت امك  لسانك عاوز قصه  

:  ههههههه ماشي  يلا وابقي قولي عملت ايه  

_ ماشي   غوري

:  جيك غوره تاخدك ما ترجعك

_ يجيكي الشلل  غوري  ابو ام اللي يعبرك  قفلتيني منك 

    جيت اقفل في وشها ف قالت 

:  دقيقة 

_ عاوزه ايه 

:  سلامتك بس ابقي قولي عملت ايه 

_ بعد ايه   ،  انتي بهدلتي ام اللي خلفوني 

:  هههههه اصلي متوتره ف مش عارفه اقول ايه 

_ وايه موترك 

:  وحدي  

قولت بإبتسامة 

_ ماشي  نعديها  ،  لما ارجع هكلمك    

قفلت معاها وناديت علي بدر وقولتله عاوز اروح لدكتور  وكأنه كان ناسي وانا فكرته ف قال 

:  طيب والله ما جه علي بالي  ،  كيه نسيتها دي 

_ عادي  كلنا نسينا 

:  جميله اللي فكرتك؟! 

_ اه 

:  اهاااا  ،  ماشي  نوديك لدكتور 

_ بدر متهزرش البنت ممرضة وفاهمه ف قالتلي 

:  ايوه ما انا عارف  يلا هساعدك تغير 

_ ماشي  

 روحنا لدكتور وكشف عليه وقالي انه حالتي مش وحشه وهتخف بالادويه والعلاج الطبيعي ورجعنا البيت وبدر قعد جمبي نظرات المكر في عنيه وهو قاعد ومش راضي يطلع وبيقولي 

:  متزعلش مني اني سيبتك وحدك لغيت ما وقعت  ،  مش هسيبك تاني خالص  وهفضل قاعد جمبك وهنام جمبك كمان 

_ مش لدرجه دي  ،  اطلع شم شوية هوا هتفضل محبوس جمبي كده علي طول 

:  فداك ياخوي  ،  اشغلك حاجه يمكن متضايق 

_ لا شكراً هقلب في التليفون 

:  طيب  ،  وانا هقلب كمان  اشوف ايه الدنيا  

_ طيب  

قعد وقت كبير وكل شويه يبصلي ويقولي 

:  في حاجه يا شبل 

_ لا مفيش 

:  امال حاسك متضايق من حاجه  ،  قولي 

_ مفيش حاجه 

:  طيب 

قالها ورجع يقلب في التليفون  واول مره اتخنق منه كده  ف قولت 

_ بدر

:  نعم ياخوي

_ اطلع بره شوية 

:  ليه 

_ هكلم جميله يا بدر 

:  اهاا طيب مش تقول  

_ انت فاهم وبتستعبط 

:  وانا هعرف منين  ،  ماشي 

قالها وفضل قاعد مكانه لوقت كبير ف قولت بنرفزه

_ في ايه يا بدر

:  ايه؟!  

_ مش هتطلع

:  ايوه ايوه  ،  سامحني نسيت  ،  دقيقة وهطلع 

استنيت لغيت نص ساعة ف مسكت المخده وكنت هضربه بيها لكن تراجعت لما بصلي وسيبتها جمبي ف قال 

_ طيب راجل واضربني بيها 

:  اسف بس انا عايز اتصل بالبنت قبل ما تنام 

قال وهو بيقوم 

_ اخص علي الرجاله  تضربني علشان بت  يلعن اللي رباك

:  انت اللي ربتني ع فكرة 

_ يلعني بردك  

:  هههههههههه بعد الشر عنك من اللعنه يا كبيرنا  ،  اتطرق بقا متبقاش.... 

بصلي بصه سكتتني ف قال وهو وماشي 

_ ماشي يا بارد  

مردتش علشان ميقفش تاني ولما طلع رجعت اتصلت بيها وبعد ما ضغطت اتصال قفلت عشان لاحظت ان الساعة متأخره وممكن اعملها مشكله  وبعد دقيقة رجعت ترنلي ف رديت وابتسامتي علي وشي  لقيتها بتقولي بوشوشه 

:  ااااالله يخربيتك  ،  فتحت عليه ليه دول تلات دقايق من الشركة  ،  حرام عليك بصدق ما اسد ديوني 

_ هههههههههه  يابنت المروشه طيب كنتي رنيتي وجريتي  خلاص اقفلي وهرنلك

:  له اصبر يكون خلصوا حرام يروحو علي الفاضي  بس متكررهاش اديني بقولك 

_ انتي هتزليني  ،  هبعتلك كارت 

:  له بس متفتحش عليه وخلاص 

_ حاضر 

:  طيب قولي عملت ايه 

_ كشفت واداني علاج  وقالي ان حالتي مش وحشه وهتخف  

:  طيب الحمدلله  ربنا يتم شفاك علي خير 

_ يارب  ،  انتي صاحيه لدلوقتي ليه

:  ولما انت مستأخر الوقت متصل ليه

_ مخدتش بالي من الساعه غير لما ضغطت اتصال والله 

:  ايوه  ،  انا مش بنام بدري  ،  مبقدرش انعس 

_ ليه 

:  اكده  مش بيجيني نوم بدري 

_ يمكن متعودين تسهروا 

:  له ده انا اهلي ناموا من تلات ساعات  بس انا بفضل صاحيه  اقرا وامارس هواياتي  

قالت كده ف فصل الخط ورجعت اتصلت عشان كان عندي فضول اعرف ايه هوايتها ولما ردت قولت 

_ اديني رجعتلك  ، ايه بقا هوياتك دي 

:  لا بلاش 

_ بلاش ليه هي حاجة عيب ولا ايه 

:  له بس يمكن تقرف

_ طيب ايه قولي  

:  مفيش بس بقرا في علم التشريح واتعمق في احشاء البني ادمين 

_ هههههه حلو بردو  ،  وياترا استفدتي حاجة 

:  ايوه طبعا  ده انا لولا الخوف كنت عملت العمليه بدال الدكتور  

_ ياه ده انتي مجنونه بالشغلانه دي 

:  قووووي  ،  اول مره حضرت فيها عمليه مع الدكتور حسيت برهبه وخوف بسيط بس بعد اقل من دقيقة بقا كل تركيزي مع اللي بيعمله  وبقيت كل مره اركز تركيز كامل للي بيحصل  وبقيت حافظة اللي بيتعمل بالملي ومش هكون ببالغ لو قولت اني اقدر اقوم بعمليه لوحدي 

_ طيب والله انتي تحفة  مش عارف ليه محدش خلاكي تكملي  ، خسارتك 

:  نعمل ايه عاد نجع فقري ولد فقريه 

قولت بإبتسامة 

_ اقولك حاجه ومتفهمنيش غلط 

:  قول 

_ انا معجب بشخصيتك  قوي 

:  وانا كمان 

_ وانتي كمان ايه 

:  معجبه بشخصيتي قوي 

_ هههههه  غرور ده 

:  لا بكلمك جد والله  ،  كل ما الاقي نفسي اختلف عن بنات كتير كل همهم الجواز والحب ومكتفين بالطبيخ وقعدتهم في  البيت  ينتظرو عدلهم اقول  شابوه يابت والله خسارتك في النجع 

_ ياااسلام علي الغرور

:  مش غرور ده فخر وثقة بنفسي  

قولت بإبتسامة 

_ عندك حق علي فكره  ،  استمري  ،  خليكي كده دائماً 

:  ما ده اللي بعمله بس بيني وبينك خايفه اطلع بصبر نفسي  بأمل كداب وفي النهايه كل احلامي دي تدفن امعاي  ،  انا بقول يمكن يجي يوم الحال يتغير وابوي يوافق يخليني ارجع أكمل  بس  ميته مش عارفه  

_ لما تجوزي 

:  هههههه لما اتجوز  ، انت فاكر ان في راجل يقبل ان مرته تنجح  ،  له مفيش راجل ممكن يقبل بكده امال انا مرضياش اتجوز ليه 

_ ليه يعني  ،  في كتير  يقبل علي فكره  

:  وانا بقولك مفيش  ،  طبع الرجاله اكده  ،  نجاح حريمهم في  وجهة نظراهم هي نجاحها في  راحتهم بس  ،  فاكرين ان ربنا خلقها علشان المهمة دي وبس 

_ ده انتي معقده مننا بقا 

:  له أبداً  مش معقده  بس متمسكه بحلمي وخايفه عليه  ،  وده السبب اللي مخليني معوزاش اتجوز  

' عندك حق  جواز في النجع يعني دفن بالحيا  خليكي كده متجوزيش يمكن ربنا يفرجها من عنده وابوكي يوافق 

_ يااااارب يوافق ياااارب والله ما هصبح عليك  

:  ايووووه  ،  ليه بقا 

_ مش هتكون قد المقام   ، واخد ايه انت علشان اصبح عليك 

:  طيب ياارب ما يوافق 

_ هههههه  خلاص  هصبح بس قول يارب يوافق 

قولت بإبتسامة 

:  يارب يوافق  ،  انا بدعمكم   ،  خليكي متمسكه بحلمك  وهتقدري توصليله 

_ متشكره  ،  خلصتلك رصيده برغيي؟ 

:  لا في كتير 

_ اه طيب  اسيبك ترتاح؟ 

:  وراكي حاجه 

_ له 

: طيب مدام موركيش حاجه خليكي شوية مستعجله ليه 

_  انا بس خايفه اضايقك 

:  لا مش هتضايقيني  يا ام شرطان 

_ هههههههههه ماشي  

#وفاء  

بدات القرايب تتوافد لبيتنا استعداد لحضور الفرح اللي هو بكره  وانا قاعده في اوضتي مستنيه تنفيذ الحكم  ومستسلمه لقدري مطرح ما يوديني هروح معاه  وبعد ما جت الميكب ارتيست وخلصت اللي بتعمله علشان ليلة الحنه وتجهيزات للفرح  مشيت  وبعدها دخل بيجاد عندي  وقعد جمبي علي السرير وطال سكوته قبل ما ياخد نفس وبعدين يمسك ايدي ويبص لرسمة الحنه ويقول  

:  حلوه  

مردتش ف قال 

_ هتفضلي زعلانه كده كتير  

بصتله بطرف عيني ورجعت بصيت قدامي ف قال 

:  انا عارف انك مجبره علي الجوازه دي  ،  بس خلاص ده بقا امر واقع وحامد مش وحش عشان تفضلي زعلانه كده  

رجعت بصتله وقولت 

_ لو كان احسن واحد في الدنيا  طالما مغصوبه عليه مش هكون مبسوطه  ،  متشغلش نفسك بيه   ،  واطمن لما يجي المأذون يسألني عن رأيي هقوله موافقه  ،  وهحضر الفرح وابتسامتي علي وشي  وهرقص كمان  ،  هعمل اللي انت عاوزه  ،  بس المهم تكون مرتاح  

:  وانتي لازم تكوني مرتاحه وتعملي الحاجات دي بقلبك مش اجبار مني  ،  حامد بيحبك  

_ يعني ايه لازم اكون مرتاحه  ،  ايه؟ ،  ولو مرتحتش هتمشي ونخسر بعض ومحضرش جنازتك ولا ايه  

:  لا بس ده الصح  واللي بيقولو العقل 

_ تاني عقل؟!  ، طيب يا بيجاد انا عاوزه انام  

:  انا جاي اصلح اللي بينا  ،  مش هتنامي غير لما تقتنعي ان محدش هيسعدك غير حامد  

_ لا يا بيجاد  حامد مش هيسعدني  ،  والله ما هيسعدني  

:  امال مين هيسعدك  ،  بدر 

_ ايوووه  بدر  

:  ماشي بعيد عن انك مجبره علي جوازك من حامد طيب وبنسبة لرفضه ليكي  ايه كنتي هتجوزيه غصب 

مردتش ف قال 

_ انا كنت جاي ارضيكي بس باين كده  محدش فينا هيرضا لو قعدت دقيقة تاني  ،  نامي كويس علشان تكوني مرتاحه بكره  تصبحي علي خير 

قال كده ومشي وانا سهرت الليل دموعي مش راضيه تنشف ومش عارفه اللوم علي مين في اللي بيحصلي ده  

#طارق  

من وقت ما خدها مني وانا بقول مليش دعوه بس مش قادر انسا واتجاهل اللي بيحصل  وجه يوم الفرح  والوقت بيعدي ساعه ورا ساعه   ،  الضهر  ، وبعدين العصر،  وكمان  ساعتين المغرب   وكمان اربع ساعات الفرح هيبتدي  ،  كمان اربع ساعات ونص الفضيحه هتحصل  مفيش حلول  غير اني اقولها اللي عملته بس ده مش عارف ممكن يحصل ازاي  بقيت افكر وافكر لغيت ما افتكرت بدر وقولت احتمال يقنعها تهرب معاه  ،  ف طلعت من المكتب جري علي العربيه وروحت شقته خبطت ف فتحلي ولما شافني استغرب وجودي ف قولت 

:  لازم تلحق وفاء 

_ وفاء مين  ،  انت جاي هنا ليه 

:  مش مهم  ،  المهم انك لازم تلحقها قبل ما الفرح يبتدي يلا بسرعه 

مسكت ايده ف شدها مني وقال 

_ في ايه  ،  انت تعرف وفاء منين 

قولت بنرفزه 

:  مش مهم  ،  مقدمكش وقت  ،  لازم تاخدها وتمشي

_ مش هعمل حاجه  قبل ما افهم في ايه  ،  انت مين  

مسحت علي راسي وانا بلف بحيره وبعدين قولت 

:  حامد مجهزلها فضيحه هيعرضها علي كل المعازيم  

وسعت عينيه وهو بيقولي 

_ فضيحة كيه  ، انت بتقول ايه 

:  مش مهم!!!  المهم ان في فضيحه هتحصل 

_ انت ايه عرفك  ،  وتعرف حامد و وفاء منين 

:  يييييييه انت لسه هتحكي خلاص مبقاش في وقت 

_ ما انا مش متحرك غير لما افهم 

قولت بانفعال 

:  اللي حصل ان شربها حاجه في العصير و واحد خدها لمكان تاني وصورها في اوضاع زبالة  ،  واللي ظاهر في الصور دي انه برضاها ومش باين انها  متخدره  ،  وبيعمل كده عشان ينتقم منها  فهمت!!!!  ،  لازم تلحقها  ،  انت لو قولتلها نهرب مش هترفض  وهتروح معاك  

بقا واقف شوية وبعدين مسك فيه وقال

_ انت بتقول ايه  ،  انت مين فهمني  

: يخربيت دماغك  بقولك هتتفضح وانت لسه واقف وبتسال

_ له ما انا مش هروح علشان كلام من غير دليل 

وقفت شوية وانا بتنفس بغيظ وبعدين خرجت التليفون و شغلت فيديو وقفته علي حته باين وشها فيه بوضوح 

:  اتفضل  ، ده اللي هيتعرض كمان شوية  

بص لتلفون بصدمه وبعدين رجع يبصلي ويقول 

_ مين ده  ،  حامد  ، ولا.... 

سكت  ف ضم يده ورزعها في وشي  وقال 

:  انت!!!  انت اللي كلمتها علي انك انا  

رجع يمسك فيه وقال وهو بيضربني تاني 

_ انت اللي خدتها السايبر  عملت انك بتساعدها  انت!!! 

قالها وهو بيسددلي لكمة تانيه ف قولت 

:  بدر انا ممكن احبسك دلوقتي  هتروح ولا اخدك بتهمة التعدي عليه  

رجع يضربني تاني ويقول 

_ وانت لسه شوفت تعدي  

بعدت ايده  وضربته  في وشه  وقولت  

: يا غبي  مش وقته دلوقتي  

زقني بايديه وقال 

_ هفضالك  انت وهو  

:  طيب امشي 

بص ليدي وشد المفاتيح من غير ما يقولي وجري بيهم وانا وقفت مكاني اشوف في دم ولا لا وكنت سامع حد بينادي من جوه ويقول يا بدر  دخلت وفتحت الاوضه ف لقيت ولد قاعد وفي كرسي متحرك جمبه ف قالي 

' انت مين 

:  انا احمد  ' انت اخو بدر

_ ايوه  انت مين  ، وفين بدر 

: بدر شوية وراجع  ،  ممكن اقعد معاك يكون رجع العربيه 

#بدر  

سوقت باقصي سرعه وطول الطريق  بزمر علشان العربيه توسعلي  وفي نفس الوقت ببعت ل كاريمان واتصل وهي قافله   ،  حاولت اتصل علي  رقم وفاء ولكن  كان معمولي حظر وبعد عطله كتير واشارات مرور وقفتني لمرات وصلت شقتهم  وطلعت اجري لفوق ف لقيت البيت مقفول  ومفيش حد فيه  ، ف بقيت واقف مكاني هتجنن علشان مش عارف ممكن يكونوا فين وبعد شوية وصلني اتصال من شبل قفلت عليه مرات وهو مستمر في اتصاله ف رديت وقولت 

:  عاوز ايه يا شبل 

_ انا مش شبل  ،  عنوان القاعة اللي هما فيها   ****** 

خدت العنوان وقفلت في وشه وطلعت اجري علي العربيه وروحت علي هناك  ف لقيت مجموعة من العساكر عند الباب  حاولت ادخل ف منعوني  ف قولت 

:  بعدو عاوز اشوف ابو العروسه او اخوها...  طيب نادولي حد منهم طيب  

_ ممنوع الدخول من غير دعوة 

:  دعوة ايه!!!  عدوني

بقيت اكلمهم واقولهم ان الموضوع مهم من غير ما اقول ايه هو لانهم اكيد تبع حامد وهيعرفوه  ف قالي واحد منهم 

:  دقيقة طيب  

دخل وطلع بعد شويه وبيجاد معاه واول ما شافني جه ومسك دراعي وخدني بعيد شوية وقالي 

_ انت ازاي جيت هنا 

:  بيجاد اسمعني  ، حامد ناوي علي نصيبه ل وفاء لازم نوقفه 

_ انت هتمشي ولا اقوله اخليه يحبسك 

:  ياغبي افهم هو هيفضحها وسط الناس 

_ محدش عاوز يعمل فضايح غيرك  ولو ممشته والله هخليهم يقبضوا عليك 

زقني من دراعي ف ضميت قبضتي وادتهاله في وشه وقبل ما اتحرك كان راددهالي وبيمسك فيه  ف قولت 

:  يا حمار افهم هو شربها حاجة  في  حفلة وبعدها خلي حد يتصور امعاها صور عفشه وهينشرها قدام الناس ، هو عاوز ينتقم منها  

_ انت فاكرني عبيط هصدقك  ،  والله ما هطولها يا بدر  

قال اكده وقبل ما اتكلم سمعنا صوت واحد بيتكلم في  مكبر صوت وبيقول 

:  لحظه لو سمحتوا  كله ينتبهلي  عاوز اوريكم حاجه  مهمه  

رجع بصلي ف قولت 

_  ده حامد والحاجه دي صور وفاء  ،  بيجاد اركن اي حاجه دلوك اختك هتروح في نصيبه

سكت وبقا يسمع صوت حامد وهو بيقول 

:  الحاجه دي انا مكنتش اعرفها قبل ساعات  ،  ولما وصلتني قولت لازم كلكم تشوفوها وتعرفوا حقيقة عروستي المصون

رجع يبصلي ويقول وهو بيبلع ريقه 

:  اكيد مش اللي انت عاوز توصلهوني  ،  بردو كداب  

قالها وزقني وطلع يجري وانا جريت وراه لداخل القاعة ف لقيت.... 

          الفصل الرابع والخمسون من هنا 

   لقراءة باقي الفصول من هنا

تعديل المقال