رواية انتقام امرأة الفصل العاشر والحادي عشربقلم مريم اشرف
كان بيكسر كل حاجه حواليه بغضب: تستاهلوا كلكم..بس ولو همسكك...يعني همسك!!
_______________________________________________
بعد مده..وبعد ما عرفت ساره ان ضحيتها الأخيره اتسجنت من الجيران اللي جمب شقته..رجعت تاني وقعدت في الصاله وهي قلقانه ..وفي نفس الوقت زعلانه انه اتفلت منها كده من غير ما ياخد جزاته زي صحابه الثانيين..دخلت البلكونه واتكلمت بغل: جبان!!..فاكر انك لو اعترفت ودخلت الحبس هتهرب مني ومن انتقامي..ده انت تبقى مجنون رسمي!!
كانت بتفكر هتعمل ايه..لو اكتشفوا هويتها..لو حكالهم كل حاجه ووصلولها..
: لأ..مش هيحصل..قالتها بثقه...وكملت: هستنى...واختفي شويه لحد ما شوف ايه اللي حصل..
________________________________________________
عند حسام في الڨيلا..وبعد يوم طويل في المستشفى..دخل ولقى خالته وبنتها ليلى قاعدين مع أمه وبيتبادلوا أطراف الحديث..
قامت مروه بسرعه وقالت بابتسامه: الحمد لله على سلامتك يا ابني..سلم على خالتك وليلى..
ليلى بدلع: ازايك يا حسام..أخبارك ايه؟
أجابها من غير مايبصلها: كويس الحمد لله..
وطلع على اوضته من غير مايسلم عليهم..
مروه بحرج: احم...آآسفه جدا يا منال يا اختي..من يوم ما ما*تت ساره وهو في الحاله دي..
منال بحزن: ربنا يرحمها..ده كان بيحبها جدا..
ليلى في نفسها: " أهي ما*تت وخلصنا منها..حسام دلوقتي هيبقى ليا..ليا أنا وبس!!"
رزع حسام الباب وراه بعصبيه من تصرفات أمه اللي بتحاول تقربه من ليلى عشان ينسى ساره..
قرب من صورتها المتعلقه جنب سريره: متقلقيش يا ساره..مش هخونك أبدا..عمري ما هبص لوحده غيرك يا حياتي..
( معلش يا جماعه بس حبيت أقول..يارب..يارب ارزقنا كلنا واحد وفي وحنين ومحب زي حسام ده😅)
وقعت دمعه منه عالأرض وكمل: وحشتيني قوي..
_______________________________________________
بعد 3 شهور..
واقف قدام الزنزانه وبيبصله بقرف والشاويش بيفتحله بابها..
يوسف بفرحه: خلاص هخرج دلوقتي؟
مازن بجديه: متفرحش كثير..لما هنحتاجك هنجيبك..واحنا مش معنى سيبناك يعني انت بريء مية فالميه..أنا بستنى حاجه وحده تبان..البنت!!
هز يوسف راسه بعدم اهتمام..فكره انها اختفت أو هربت..
وطلع وهو مبسوط..شاف عربيه سوده من بعيد وقرب منها وخبط على ازازها بنوع من الغضب:
- اتأخرت أوي يا زفت...مش مستحمل اقعد هنا لحظه وحده تاني!!
ضحك الشاب وكان أخوه اللي أصغر منه بشويه..
: شكلك عشت أجمل لحظات حياتك جوه..
يوسف بنرفزه: بقولك يا ياسين..حط السيره دي على جنب واطلع على أقرب مطعم اصلي جعان اوي..
________________________________________________
كانت هترمي الزبا*له بس وقفها صوت اثنين ستات بيتكلموا..
: سمعتي يا اختي آخر الأخبار؟
: ايه اللي حصل..ربنا يستر!!
: ماهو الولد الصايع اللي خش السجن في قضية الإغت*صاب ياها..مهو طلع النهارده براءه!!
: ولد ايه واغتص*اب ايه يا اختي؟!
: شكلك نايمه على وذانك..تعالي احكيلك..وحكتلها كل حاجه اتقالت في السوشيال ميديا من حكاية ساره..
حطت ساره ايديها على قلبها بخيبة: خرج؟!!..وانا اللي كنت فاكره ان الحكومه هتاخدلي حقي أخيرا؟!..كلكم زي بعض..كلكم واطي*ين!!
________________________________________________
عند يوسف في بيته العباره عن ڤيلا صغيره..
اتكلم بجديه مقلقه: اسمع يا ياسين..احنا هنفضل أسبوعين كده بالقليله هنا..مفيش خروج من البيت لحد ما نتأكد ان البنت دي سابتنا فحالنا..
ياسين باستهزاء: تسيبنا؟..الله يا جدع..وانا ايش أحشرني..انا معملتش حاجه..انتم السبب واهي بتنتقم منكم انتو!!
يوسف بخبث: متنساش انك كنت بتشاركني في كل حاجه وعندي دلايل..ابقى خد بالك أحسنلك..
ياسين: تصدق انك حق*ير!!
يوسف شلوح بايده: عارف..عارف..
________________________________________________
مرت أيام طويله مليانه أحداث..من ساره اللي هتتجنن وتكمل انتقامها أو يوسف وأخوه اللي رغم اللي حصل لصحابهم معتبروش وكملو فوسا*ختهم و حسام اللي بيعاني كل يوم مع حركات أمه ومياصة ليلى قدامه..
ونيجي لليوم ده..أول أيام فصل الربيع..بس كان الجو بارد نوعا ما..رجعت من شغلها في المكتبه..( طبعا اشتغلت عشان تجيب فلوس تعيش بيها بعدما خافت تروح البنك وتسحب فلوس ليكتشفو أمرها وانها لسه عايشه)..
قعدت قدام اللابتوب بتاعها وبدإت تدور على طريقه تلاقي بيها حساب يوسف وكون أبوها بيشتغل في مجال المعلوميات وكانت بتقضي وقت كبير معاه فصغرها..خلاها تكتسب خبره كبيره..وفعلا قدرت ساره بمساعدة الشريط اللي بيحمل معلوماته الشخصيه توصل للاكونت بتاعه..وبعتتلو ماسدج..
" مساء الخير يا أستاذ يوسف "
بعد دقايق وصلها الرد..
" يا أهلا بالقمر "
ساره بقرف: " مرسي جدا..ايه مش نتعرف؟ "
رد: " أكيد طبعا..اسمك ايه؟ "
كتبت بعصبيه: " معاك نورا."
:"اسمك حلو اوي يا نورا..انا يوسف "
ساره بابتسامة مكر وفي نفسها: والله ووقعت فايدي يا يوسف!!
_______________________________________________
في ڤيلا حسام..
دخلت عليه مروه وهي فرحانه..بس اتخضت لما لقته لسه مجهزش..
مروه: حسام..مش هتقوم بقى الناس بتستناك تحت..أقولهم ايه؟..العريس مش عاوز؟!
قاطعها بغضب: مانتي عارفه اني مغصوب على الخطوبه الزفت دي..ومش عاوز اخطب او اتجوز حد اصلا..
مروه بحزن: بس دي مش أي حد يا حسام!!..دي بنت خالتك وانت أولى بيها من الغريب..عشان خاطري يا ابني متكسفنيش..
حسام حضنها ودموعه على عينيه: بس أنا مقدرش..مقدرش اتجوز بعد ساره..
مروه بدموع زيه: ساره؟!..بالعكس هتفرحلك أوي يا ابني..هي بتحبك وهتحب تشوفك مبسوط..قوم اغسل وشك والبس بدلتك عشان ننزل..
حسام بقلة حيله: حاضر..
دخلت ليلى هي كمان بعدما شافته دخل الحمام ولقت مروه قاعده على السرير..
ليلى بقلق وعصبيه: ايه يا خالتي؟!..حسام اتأخر كده ليه..دي الخطوبه ابتدت من ساعه تقريبا..
مروه بابتسامه: أهو بيجهز نفسه وهينزل على طول..وكملت بألم: ماهو صعب برضو يتقبل فكرة الإرتباط دي بعد اللي حصل..
دورت ليلى عينيها بملل: تاني يا خالتي؟!!..مش قلنا ننساها بقى؟!..الحادثه دي عدى عليها 6شهور واحنا لسه بنجيب في سيرتها..الله يرحمها بقى..تعبت من سيرتها دي..اوووف!!
كانت لسه هتطلع من الأوضه..بس لقت كف نازل على وشها وكان من حسام اللي عينيه خارجه من كثر الغضب..
دمعت وحطت ايدها على خدها: بتمد ايدك عليا يا حسام؟!!
بعصبيه رد: وأكسر دماغك كمان!!
وقفت امه مابينهم واتكلمت بضيق وصدمه: حسام!!
ليلى: بتضربني عشان وحده مي*ته و شبعا*نه م*وت؟!
لسه هيمد ايدو تاني بس مسكتها مروه بعصبيه: بس!!!..انت اتجننت يا حسام؟!!!..تعالي معايا يا ليلى يا بنتي وانت جهز نفسك وانزل..بلاش فضايح أكثر من كده ولا أقسم بالله لخرج من البيت ده ومتعرفليش طريق..
حسام بحزن: بتلوي ذراعي يا ماما؟
مروه: آيوه وحساب اللي عملته في بنت خالتك ده هتدفعه بس مش دلوقتي..
وخرجت بعدما قفلت الباب..
ليلى بتمثيل: شفتي ابنك وعملته يا خالتي؟..قلتلك بلاش اتربط بيه وانتي أصريتي عليا..
مروه: حقك عليا ياليلى..بس خلي الليله دي تعدي على خير..
وفعلا تمت الخطوبه وحسام مش طايق نفسه ولا طايق يبص لحد لكنه بيحاول يبان طبيعي عشان مامته..وليلى طبعا كانت بتستغل كل لحظه معاه..
________________________________________________
مر أسبوع على تعرف ساره ويوسف..لبست هضومها وحطت ميكاب كثير يخفي معالمها ونزلت..
أما عند يوسف فكان بيجهز نفسه للقاء حبيبته اللي اتعرف عليها وهي ساره طبعا..
دخل عليه ياسين وصفر: إش..إش عالناس المتشيكه..رايح فين كده على الصبح؟
: رايح أقابلها..
: مين دي..زبونه جديده؟..وضحك
يوسف: لأ..اه...ولا اقولك بصراحه البنت نورا اللي بكلمها..
ياسين: تصدق أنا كمان رايح أقابل وحده..
يوسف: كده يا ياسين بتخبي عليا..
ياسين: أخبي عليك ايه يا خويا..دي كلمتني الصبح على التيليفون..معرفش جايبه رقمي منين بس..والغريبه انها بتقلي انها عايزه تقابلني ضروري وتعترفلي بحاجه كان مخبيها أبونا الله يغفرله من زمان أوي..
يوسف: هههههه..شكل بلاوي أبوك هتطلعلنا من جديد يكونشي كان متجوزها على امك!...هههه
ياسين خبطه على كتفه: بس يله ده مهما كان أبونا..
يوسف: طب يلا روح جهز نفسك نروح مع بعض..
وصلت ساره ولبست نظارتها السوده وقربت من العربيه بتاعتهم المركونه جمب البيت..عرفتها من مراقبتها المستمره من يومين لتحركاتهم...نزلت على ركبها بحذر ولعبت بفراملها بعدها بعدت بسرعه بعدما سمعت صوتهم بيقرب..
ركبو العربيه وانطلقوا ناحية قب*رهم..احم..اقصد مشوارهم..
مسكت بطنها بعدما مشيو وبكت وهي بتفتكر كل حاجه ونفسها بيخرج منها براحه وانتصار..ووصلت بذاكرتها ل:
فلاش باك: " نفضت ساره الغبار عن هضومها وجريت في الطريق زي المجنونه لحد ما وقفت عربيه لواحده ست وطلبت منها توصلها لقسم الشرطه...دخلت واتوجهت ناحية العساكر..
العسكري باستغراب: ايه يا آنسه في حاجه؟
ساره بدموع:.....