رواية حب من اول رسمه
الفصل الرابع4
بقلم مني احمد
يارب لي مكتوب عليا اشوف المعاناه إلي شافتها امي
لي ادفع الثمن
أنا راضيه ب قضائك وقدرك يارب بس خليك معايا وفجاه انفجرت في العياط
وفجاه لقت ايد بتتحرك ع وشها ورقبتها
روح ب خضه لقته ربيع ولا اراديا ادته قلم ع وشه
ايدك لو لمستني تاني هدفنك
وقبل ما تكمل لقت الاقلام إلي نازله عليها ومسكها من شعرها جرجرها جوا البيت قدامهم كلهم ومحدش حاول يحوش ولا يعمل اي حاجه وكله بيتفرج
روح ب صراخ والم سيبني ي حيواااااااان تفو عليكم كلكم عيله بنت كل*ب بكرهكم كلكم بكرهكم
سابها ربيع وهي كانت منهاره جدا وهتموت من الخوف وفجاه بقت بتترعش وبتقول فينك ي امي محتجاكي ونامت زي الطفل الصغير إلي خايف من كل حاجه ومفتقد حضن أمه
تاني يوم صحت روح وبتبص ف المرايا لقت وشها وارم ومبهدل
روح خدي نفس عميق واهدي
مسكت الفون لققت رساله من صقر اي المعاناه إلي ممكن تواجها طفله ف سنك دي ما هي إلا حجه عشان نلاقي تبرير ل فشلنا
روح شافت الرساله وشردت
وبعدين لقت نفسها بتكتب
أنا عمري ما حبيت اكون فاشله إلي حواليا هما إلي اصرو اني اكون فاشله والموضوع خارج إرادتي
أنا شخص كل احلامي اني اعيش في امان وسلام بعيد عن الصراعات كل يوم لما بجي أنام بتمني من ربنا أن يكون آخر يوم أنام فيه ولكن بيبدأ يوم زي الي قبله وابشع
اه اي نعم سني صغير ١٨ سنه ولكن عمري ما عشت طفوله عاديه ولا حاضر طبيعي كل يوم بقول لازم اكون اقوي ولكن بضعف أنا متمسكه ف حلمي جدا بس خلاص ع وشك الاستسلام
عند صقر كان ف مرسمه إلي محدش يعرف بيه عباره عن مرسم كبير جدرانه زجاط وبيطل ع منظر طبيعي خيالي
كان قاعد بيرسم ومشغل ك عادته موسيقي كلاسيكيه وبيبدع ب فرشاته ولكن فجاه أتوقف وهو حاسس بضيق
مسك فونه ولما قراء الرساله دي شعر ب خفقان ف قلبه
صقر اي إلي اتعرضت ليه مخليها متمنيه الموت اي إلي ممكن يحصل ف حياه البني ادم
رن ع اسماء
اسماء بخضه ربنا يستر
الو صقر بيه
صقر الغي النهاردة جميع المواعيد والجدول النهاردة ملغي
اسماء بس......
صقر مبسش إلي بقوله يتنفذ
اسماء مفهوم ي صقر بيه سلام
صقر ارد اقول اي مش من عادتك متلاقيش كلام تقوله
رد وهو بيقول ممكن احكيلك قصه ؟
ف الوقت دا رحمه كانت ك العاده بتحضر فطار وبتروق وكله بيبص ل وشها وشمتان ومبسوط
مرات ابوها
تستاهلي عشان تقصري ايدك ولسانك
مرات عمها ب خبث دا احنا قولنا نجوزك ل ربيع قلنا فا*جره زي امهها بس معلش تتغيري مع الوقت بس لو متربتيش واحترمتي نفسك احنا هنربيكي بمعرفتنا
روح ب تعب خرجت وسابت المطبخ مرات ابوها ب صوت عالي غوري اغسلي الغسيل والنهاردة هتخبزي
وبعد تعب وكانت خلصت من شغل البيت الي مش بيخلص
مرات ابوها شققي شويت عيش وحمصيهم
روح جت توقف وفجاه لقت الدنيا سودت ف وشها واغمي عليها
مرات ابوها واد ي سيف هات ازازه ميه من التلاجه
سيف حاضر ي ماما
مسكتها ونشلتها ع روح
روح ب رعشه وهي بتاخد نفسها هااااا
مرات ابوها فوقي ي عينيا حمصي العيشتين وابقي موتي براحتك ع الأقل نرتاح من سحنتك دي
روح حاولت تقوم ب صعوبه وهي بتقولها وبتعيط اقتليني ع الأقل هرتاح من العذاب دا صدقيني هتكوني عملتي فيا معروف ي ي شي يخه تخيلي ع عندك بنت هتستحملي أن يحصل فيها كدا ربنا رحيم ع الكافر وانتم الرحمه منزوعه من قلوبكم
مرات ابوها بمقاطعه ايوا لما تكون بنتي انا مش بنت منال
اكمل روح وهي بتحاول تهدي وبتمسح دموعها
ومالها منال عملتلكم اي منال اخدتي مننا ابويا واتجوزتيه وهي مقالتش حاجه
ازيتوها بالسحر وجبتولها المرض اخدتو منها صحتها وفرقتونا عملت اي منال ليكم
كنتم تأكلوا وتدوها بواقي الاكل وهي ف بيت عيلتها كانت بتاكل لقمه وترمي عشره
وكل دا وكانت صابره ومستحمله عشاني وعشان ابويا لحد ما انتم ضعفتو الازي وماتت وسابتني
روح والدموع بتنزل من عيونها عملنالكم اي نفسي اعرف اذيناكم في أي كنا عايزين بس نعيش ف بيت بعيد ف امان كانت عايزة تربيني ف سلام ونعيش حياه طبيعيه
مرات عمها
غوري غوووووري يقطعك ويقطع سيرت امك
دخلت روح اوضتها وهي منهاره ومسكت المصحف فتحته ع ايه بسم الله الرحمن الرحيم
{ولا تحسبن الله غافلاً عما يعمل الظالمون إنما يؤخرهم ليوم تشخص فيه الأبصار }صدق الله العظيم
قراتها روح وقالت يارب خليك معايا وجنبي عيني يارب مسحت دموعها وفتحت فونها لقت رساله صقر
روح اكيد اتفضل
صقر فتح فونه ع طول اول ما الرساله وصلت
صقر ......