رواية اسيرتي ولكني اسيرها
الفصل الاول1
بقلم صابرين سيد
صاحيه من نومها علي صوت الشارع كالمعتاد صوت الاطفال الي بيلعبوا كورة والست جارتها الي دايما تتخانق مع الناس
جميله وهي بتلم شعرها /اصطبحنا وصبح الملك ليك يارب مفيش يوم اصحي علي المنبه وبتبص للمنبه معلش يابني غطوا علي شغلك
ودخلت عليها مامتها وبتضحك /اي يابنتي انتي اتجننني بتكلمي نفسك ياجميله
جميله /لا وانتي الصادقه ياماما بكلم المنبه
ام جميله /ياضنايا يابنتي ده انتي حالتك صعبه
جميله قامت من علي السرير وباست مامتها /صباح الفل ياست الكل
ام جميله /صباح الفل ياختي بس اي النشاط ده مش من عادتك الصحيان بدري ده
جميله وهي بطلع هدومها /اولا البركه في ست ام حسين الي فوقينا ياباي عليها تموت من غير النكد تموت كده ثانيا بقا عندي انترفيوا في شركه جامده اوي ياماما ادعيلي اقبل فيها
ام جميله /طيب ياختي طلعي هدومك تعالي افطري وانزلي
جميله /ياحبيبتي افطري انتي ورامي انا يادوب هاخد شاور والبس وانزل
رامي /صباح الخير ياماما
جميله /هي امك بس الي صاحيه
رامي /اي ده المفعوصه صاحيه بدري نبخرك والله
جميله بتخبط علي كتفه /حكم القدر بقى
رامي/خير يارب
ام جميله /كفايه كلام وتعالوا افطروا
جميله لبست طقم فورمال وفردت شعرها وحطت ميكب خفيف وخرجت من الاوضه /افطروا انتوا ادعيلي ياماما
رامي /هي متسربعه كده لي
ام جميله /ياخويا بتقول في انترفيوا في شركه كبيره مقدمه فيها
رامي /اه عشان كده يلا ربنا معاها هقوم البس انا وانزل شغلي
ام جميله /صحيح عملت اي مع ساندي
رامي قلب وشه /تمام ياماما تمام انا هقوم انزل
جميله وصلت الشركة اول ما بصت/اي الجمال ده يارب خليني اشتغل هنا يارب انا غلبانه يارب وسمعت صوت عربيه عماله تزمرلها
جميله بزعيق /ايييييي في اييييييي الشارع واسع يعني
وفجاه نزل من العربيه صاحب العربيه
احمد /يعني غلطانه وبجحه
جميله /انت مين انت عشان تزعقلي ها مين انت
احمد بيبصلها /بس يا ميداليه
جميله /هي مين دي الي ميدالية انت عبيط
احمد بيضحك /بس ياشاطرة واوعي بقا مش فاضيلك
احمد سابها ومشي
جميله بتنفخ وبتعدل شعرها /يارب اي الاشكال دي وراحت مبتسمه بس الواد قمر اوي اي ده راحت رجعت في الضحكه اي ده فوقي ياجميله وادخلي شغلك
في الشركة
جميله /صباح الخير
السكرتيره /صباح النور اي خدمه
جميله /حضرتك كنت مقدمه النهاردة معاد الانترفيو
السكرتيره /اسم حضرتك
جميله/اسمي جميله محمد عزت
السكرتيرة/ثانيه واحده وهنادي حضرتك
جميله /تمام
السكرتيره ندت علي جميله /تقدري تتفضلي المستر في استقبالك
جميله دخلت وفجاه وشها قلب
احمد بابتسامه /الميدالية بذات نفسها
جميله بتوتر /هو انت هو
احمد بابتسامه /ايواااا انا هو هو
جميله بتوتر شديد /بص انا هفهمك
احمد /لالالادلوقتي هفهمك مش كان من شويه انت مين انت وانت عبيط
جميله ودموع نزلت من عينها /انا اسفه
احمد بضحكه /دانتي طلعتي ميدالية وكمان هبله 😂😂😂
جميله بصوت واطي /ده انت بارد
احمد بيقرب منها /بتقولي حاجه يا انسه
جميله رفعت عينها وبصتله /ها.لا ابدا
احمد بص في عينها وحاجه خلته سرح وفجاه فاق /اقعدي ياجميله
جميله /عرفت اسمي منين
احمد /الله اكبر ده انتي هبله وغبيه كمان
جميله بصتله وسكتت
احمد /قوليلي ليكي خبرات شغل قبل كده
جميله /اول مره
احمد /يعني هتجربي فينا ربنا يستر
جميله /الله يسامحك
احمد /لا بريئه اوي
جميله /مش هرد علي حضرتك
احمد /احترام واجب برضو
جميله بصت وسكتت
احمد /عندك كام سنه بقا
جميله /٢٣
احمد /ياصغيره
جميله /علفكره انا خريجه ومش صغيره ولا حاجه
احمد بيبصلها ويضحك /طيب ياست الكبيرة انا وافقت علي شغلك هنا بس دورك هتبقي مديره اعمالي
جميله قامت وقفت /انا مديره اعمالك انت
احمد وقفلها /ومالو انا بقا
جميله /مقصدش يافندم بس دي مهمه كبيره اوي وانا صغيره علي كده
احمد /هو انا بقولك يلا نحارب في اي يا جميله
جميله /ولا حاجه يافندم
احمد /حلو الاحترام ده
جميله /هبتدي شغل من امتا
احمد /من بكره او بالليل الله اعلم حسب ما اكلمك بقا
جميله في سرها /عملت اي في حياتي ياربي عشان يحصلي كده
احمد /شايفك مضايقه ياجميله
جميله بابتسامة سمجه /انا ابدا ده انا في قمه سعادتي
احمد /ولسه الي جاي احلي تفائلي
جميله /متفائله مش باين علي وشي ولا اي
احمد /باين جدا تقدري تمشي دلوقتي
جميله وهي بتفتح الباب /اه صحيح هو اسم حضرتك اي
احمد بابتسامه /احمد عز الدين عز ياجميله
جميله مشيت وكانت ماشيه تنفخ ومش طايقه نفسها وفجاه
رامي /اي ده انتي بتعملي اي هنا
جميله /انت هنا لي
رامي /هنا شغلي
جميله /احيه هي كملت بقا
رامي /هي دي الشركه
جميله /اه هي قدري
رامي /اي متقبلتيش
جميله /لا ياحبيبي ازاي ده انا بقيت مديره اعمال الباشا
رامي/معلش ياحبيبتي مش كنتي عايزة تبقي اندبيندت استلمي بقا
جميله /سيبني في حالي بقا متقولوش اني اختك
رامي /لي يعني
جميله /هو كده متسالش كتير
رامي /يابنتي قوليلي لو زعلك ده حبيبي
جميله خبطت علي كتفه /اه حبيبك ماهو الطيور علي أشكالها
رامي /غوري يابت
جميله /ادخل لهولاكو الي جوه ده .
رامي /يارب يسمعك
جميله /لي مخاوي
رامي بيلفها /لا كاميرا اهي اعملي باي باي عشان هو شايفنا صوت وصورة
جميله اتوترت /طيب بالسلامه انا
جميله خرجت وبتبص لقت البيست بتتصل
جميله /اتصلتي في وقتك والله
فاطمه /خير يارب عملتي اي في الشغل
جميله /انا جيالك اصلا اما اشوفك احكيلك
فاطمة /هتيجي البيت
جميله /لا الكافيه بتاعنا
فاطمه /اشطا
رامي دخل لي احمد
رامي /صباح الخير احمد بيه
احمد /معقول دي اختك
رامي /شوفت بقا
احمد /مفيش شبه خالص
رامي /هي الدنيا كده هنعمل اي
احمد /متقلقش عينتها بس مش عشان هي اختك لا عشان شايف فيها حاجه حلوة
رامي /كده كده مبحبش الوسطه ياباشا انت عارف
احمد /عارف كده كده عينتها قبل ما اعرف صله القرابه دي
رامي /بس براحه عليها ياباشا
احمد /اي يا حبيبي مانت كنت لسه مبتحبش الوسطه علي العموم متقلقش دي في عيني
رامي /ربنا يستر
جميله عند فاطمة /انا هتشل يا فاطمة هتشل
فاطمه /لي يابنتي
جميله حكت لي فاطمه الي حصل
فاطمه ضحكت جامد
جميله /انتي بتضحكي يابنتي انتي مستفزة اوي
فاطمه /طيب والله ده سكر
جميله /والله وانتي باردة
فاطمه /انا عايزة افهم انتي اي الي مضايقك اوي كده
جميله /يمكن مثلا مثلا اني كل شويه اعك الدنيا وان كمان هو بارد
فاطمه /مانتي طول عمرك بتعكي الدنيا اي الجديد
جميله /بس ياباردة
فاطمه /ركزي في الجاي هتلاقيه حلو وبعدين فرصه شغل لا تعوض اهي افىرحي
جميله /ربنا يستر
وفجاه تليفون جميله بيرن وبصت بصدمه