![](https://blogger.googleusercontent.com/img/b/R29vZ2xl/AVvXsEiHqgZXoGgPgwQEkfHT_4YtvymOHXgixUtyj0ajIOk41Vs3jigKfWUrAol6QW4zq8Vnd8noepPEv7bbgkaCvrj5w-d8W3nh72qVAOFGSPKg365BEy_zacpZTL-Lco8rwD9oEGJEAcVyN7_H35OYz6i3MeB-icGyQCe3bqAWydY2zsT3bRBTZvPJhN_-oUfP/s320-rw/FB_IMG_1706561198234.jpg)
رواية قلوب ارهقها نبضها
الفصل الرابع والعشرون24
بقلم نرمين قدري
مسك بصوت ضعيف من تعب
مسك /هات اللي عندك يا ماجد عاوز تقول ايه اخلص
ماجد./انتي علطول فقساني كده يا مرات اخويا
مسك /عيب عليكي عنيك بنتكلم
طبت عليهم زي القضا المستعجل
قالت فاطمة بسخرية:
- وانتي مالك ومال عنين جوزي يا مسك ولا انتي واخداهم بالدور بيجاد وشركاه
صمت العالم علي صوت صفعة مدوية قدام الكل علي وجه فاطمة من ماجد
قام الكل واقف من مفجاءة الغير متوقعة من ماجد
قال ماجد بغضب
اقسم بالله كلمة تانية الاكون مطلقة بلا راجعة
فاطمة/
وانت مين قالك أن انا قاعدالك فيها يا ماجد انا هههههههههههه في نبرة تهديده والله والله ما هعديهالك ولا هعديها للحربايه اللي. مجمعاكم حوليها دي وعمالة تتسهوك للكل
نزلت فاطمة طول السلم تزعق بصوت. عالي بكلام غير. مافهوم
لاحظ محمود غضبها أوقفها وسألها وقال
في ايه يا فاطمة نزله صوتك عالي ليه
فاطمة بحقد
- انا عاوزة اطلق يابا الحاج وحالا انا هتصل علي بويا يجي يا خدني دلوقتي
محمود بفزع :
ايه انتي اتجننني ولا ايه طلاق ايه اللي بتكلمي عنه ده انت عندك عيالك استهدي بالله كده واحكيلي اللي حصل ايه
فاطمة بمكر شديد خلاص مش عاوزني اطلب الطلاق هاتلي حقي من مسك وانا هسكت
محمود /مالها مسك تاني عملت ايه مش كانت بتموت من شوية
فاطمة/وانت بتصدق الكهن ده بردو. اوعي تكون دخلت عليك يا عمده دي حركات ستات و كلنا عارفنها
قال محمود وهو يتصنع الفهم :
لاء لااء طبعا خالت علي مين انا العمده و مش حتة بنت هتضحك عليا
فاطمة /خلاص هاتلي حقي دلوقتى مش انت كبرنا بدل ما اجيب ابويا و توسع الحكاية
محمود/هي علمت ايه دلوقتي بنت كلاف البهايم
فاطمة/ بمسكنه وقعت بيني وبين ماجد و خالت ماجد يضربني بالقلم قدام الكل يرضيك كده يابا الحاج بنتك فاطمة نتضرب و تتهان بسبب بنت لا راحت و لا جت
محمود/الواد ماجد اتجنن ازاي يسمع لكلام واحده زي ديه خدامة عندنا
فاطمة /هو ماجد بس اللي الكل واقف جنبها زي ما تكون سحرالهم كلهم شكلها مش سهلة خالص
طلع العمده وهو في قمة غضبة زق الباب كان الكل عند مسك وبيتكلمو في الي عملوا ماجد مع فاطمة
بيجاد / بس ما كنش يصح تعمل كده مها كانت مستفزة
فجأة الباب أتزق و دخل والدهم في قمة غضبة
قال محمود بصوت رج اركان الاوضة مما أثار الزعر في الجميع :
بيجاد انت ازاي تسمع امرأتك تعمل كده مع مرات اخوك ايه خلاص قلت الحيا وصلت لدرجة دي اهو بيت اخوك هيتخرب بسببك
بيجاد بعصبية
بسببي انا بيت ماجد هيتخرب بسببي انا ومراتي
شاهدين ثم وجه نظره لاخواته كلهم سامعين الحاج محمود عمده البلد بيقول ايه ماجد وفاطمة في منتهي السعاده و انا اللي هخرب عليهم أنا ومسك مراتي ويا حرام هنهي علي الحياة السعيدة دي
امجد/براحة يا بيجاد اهدي شوية مش كده
بيجاد بحرقة أنه راحة أنه راحة يا امجد اللي هرتحها وأبويا بيقول عليا كده وهو اكتر الناس عارف فاطمة و العبها حافظها صم
ماجد/بابا هي فاطمة قالتلك ايه طالع متعصب كده علي بيجاد .
انا اللي ضربتها اش دخل بيجاد ومراته في الموضوع
محمود/ ,مش مرات بيجاد هي اللي وقعت بنكم و خاليتك تمد ايدك عليها ولا انا غلطان في دي كمان انت ازي تسمح لنفسك تسمع لحرباية زي ديه
زفر بيجاد انفاسة بغضب شديد وقال :
بص يا حاج علشان انا خلاص تعبت انت تاخد عيالك كل واحد لوحده واسأله ايه الحصل و هتعرف ان مراتي ملهاش دعوه خالص بالي حصل
مروة /بابا اللي فاهمك أن مسك السبب غلطان فاطمة واحده قليلة الادب وانت للاسف مش شايف غيرها حتي عيالك مش شايفهم ما بتسمعش غير اللي فاطمة بتقوله وبس
بيجاد /تمام كده يا حاج شيل ده من ده انا سايب السرايا و ماشي علشان لا اخرب علي حد ولا حد يخرب عليا خلينا اخوات و حبايب احسن
ندي /ما تزعلوش مني انا كمان انا عاوزة امشي ماهي كده خلصت من مسك مش قدمها غيري و انا حامل واخاف علي نفسي دي واحده بتكدب من غير ما يرفلها جفن وعندها اللي بيصدقها معلش يا عمي انا عندي حق اخاف علي في بطني انا كمان
ثم التفت لامجد بعد اذنك يا امجد انا مش هجبرك تيجي معايا بس علي الاقل وصلني لبيت بابا
ماجد/ تمام كده وانا راجع اسكندرية يا راتني ماجيت من اصله
وفقت مروة بعياط هستيري و انا انا كل واحد فيكم خطط حياته و هياخد اللي يخصة ويمشي و انا محدش فيكم فكر فيا محدش قال هتعمل ايه والعريس اللي جاي اخر الاسبوع يجي و ما يلاقيش اخواتي ضهري وسندي جانبي انا هعيش ازاي هنا من غيركم
محمود/ ليه يا مروة هنا بيت ابوكي عريس جاي لمين ومحدش قال
بيجاد/ليه ياحاج هو انت كنت سايب فرصة لحد يقول حاجة احنا كل ما نتجمع نتعكنن كانك بتعاقبهم كلهم معايا علي جوازتي
محمود/والعريس ده من عيله مين واسمها ايه
جاء صوت من وراه بيصرخ
بس بقا بس ارحمنا بقا مش مهم من عيله مين المهم هو مين خريج ايه بيعرف ربنا ولا ايه هيخاف ربنا في بنتي ويتقي ربنا فيها مش بكبر العيلة المهم تكون عيله تعرف ربنا بطل نظريتك السطحية دي للناس خلاص تعبنا منها دمرت عيالك كلهم بسبب العيله الكبيره وكأنهم عبيد عندك اللي يخرج عن طوعك يفضل ملعون و تنغص عليه عشته
محمود /بس ده مبداء مش هغيرة
قطعته اشجان بغضب و لاول مرة تثور علي هذا الوضع :
مبداءك انت حر فيه ماتفردهوش علينا انت حر فيه احنا مش مجبرين نعيش كلنا علشان انت ماشي بمداء غلط كفايا مررت عيشة ابنك الكبير مع واحده مش بيطقها لمجرد أن اسم عيلتها كبير ودلوقتي عيالي كلهم هيسبوا البيت ويمشوا لاء بقي لحد هنا واستوب يا عمده بجد استكفينا
محمود/اشجان انتي اتجننني انتي اول مرة من ساعة ما تجوزنا وصوت يعلي في البيت ده ايه اللي حصل لكل ده كل ده علشان بنت كلا..
بيجاد بحده :
خلاص يا حاج ملهاش لازمة الاهانه انا هاخد مراتي وماشي و التفت لمروة من فضلك يا مروة ساعدي مسك أنها تلبس و وانتي ياندي تعالي حضري معايا الشنط علشان تخلص
امجد /بابا ده مش حل أن بيجاد يمشي مسك حامل في ابننا يا بابا يعني حته مننا معاها
وقعت الكلمة كالسهم اللي غرس في قلب محمود كلمة زي الصاعقة
محمود /هو ده اللي كنت خايف منه انا حفيدي جده كلاف بهايم حفيد عيلة العمده يكون فايز كلاف البهايم
مسك بوهن شديد / كفايا بقا اهانات ليا من فضلك ياعمي كفايا هو كلاف البهايم مش بني ادم زيكم انا تعبت بيجاد من فضلك خدني من هنا خلاص انا مش قادرة استحمل زل اكتر من كده واهانات كده كتير عليا
محمود /ما عدتش ينفع تمشي دلوقتي انتي في بطنك عيل من عيالنا خلاص معدتش ينفع علي الأقل لحد ما تولدي
مسك بخضة /يعني ايه مش فاهمة يعني ايه لحد ما أولد حد يفهمني كلمة دي معناها ايه
اشجان /ما تقلقيش يا ضانيا والف مبروك يا حببتي بيجاد اهدي كده واقعد معلش يا بني حقك عليا انا ما تزعلش
خرجوا كلهم و كلمة بترن في ودان مسك علي الأقل لحد ما تولد
مسك /بيحاد العمده نيته مش خير صدقني ابوك في دماغه حاجة من ناحيتي انا مش مطمنه
بيحاد /ازاي يعني مش فاهم
مسك /مش عارفه دماغة فيها حاجة من ناحيتي انا حاسة قلبي حاسس
بيجاد مسك /اغزي الشيطان و استهدي بالله كده و أن شاء الله خير يا قلبي والف مبروووك يا حببتي تعالي بقي احضنك شوية رحتك وحشتني قوي
ضمها بيجاد لحضنة يعتصرها جواه
مسك / وحياتي يا بيجاد تعالي نمشي من هنا انا قلبي واجعني حاسة أن في حاجة كبيرة حا تحصل
بيجاد/ما تقلقيش يا قلب بيجاد ده ابويا و استحالة يأذي ابني ما تقلقيش
قطع كلامهم خبط علي باب ودخول ماجد ومروة
ماجد / بصوت واطي ايه نمتوا ولا جينا في وقت غلط
بيحاد / تعالوا تعالوا خشوا يا عصابة خير ولسة حيقفل الباب بعد ما دخلو اتزق الباب قبل ما يتقفل ولقي امجد وندي متسحبين
بيجاد/ ابتسم بيجاد علي منظرهم انتم بتتسحبوا ليه كده زي حرامية
امجد/ابدا انا شوفت مروة وماجد ماشين متسحبين و داخلين عندك انا قلت اكيد الموضوع في أنه لأن ماجد كان ناوي يقول حاجة قبل البومة ما تطب علينا رحت متسحب انا وندي و ماشي وراهم غلطتش انا
بيجاد / بضحك لا غلطتش خالص خشوا يا خويا منك ليها خشوا
ماجد/انت ايه اللي جابك هنا ياض
امجد / علشان اعرف ايه اللي جابك تتسحب هنا ودلوقتي بعد المولد ما انفض
ماجد /طايب مش حاكي حاجة بقي ايه رايك
امجد/عادي ما تحكيش سهله وبسيطة خالص قومي يا بنت يا مفعوصة روحي نادي علي مرات اخوكي الكبير تحضر السهرة معانا
مروه /هوا طيران دقتين وتكون الساحرة الشريرة هنا
ماجد /انهدي بقي انتي راخره عاوزة جنازة اترزعي مكانك احسن أقوملك
امجد/ تبقي زي الشطور كده تحكي الكلمتين اللي
هيموتوك و تقولهم
قالت مسك قبل ما يتكلم
ماجد هو الشربات بقي أمتي يوم الخميس ولا الجمعة و غمزتله يعنيها
ماجد /لا بقي اكيد عطر قالتلك صح عطر ولا هند
مسك /والله ابدا بس الفرحة اللي طلعه من عينك بتقول أن زيزي وافقت وانكم كمان اتفقتوا علي كل حاجة كمان
ماجد /ايه يا بنتي الحلاوة دي أستاذة أقسم بالله و رئيسة قسم كمان
مسك / شوفت بقي أن ولاد كلاف البهايم بيعرافوا يفكروا زيكم ازاي
ماجد./ بس يا مسك والله ازعل منك انتي عارفة كويس أن لا أنا و لا حد من اخواتي عمره فكر بطريقة دي
مروة /المهم بقي متغيروش الموضوع اتفقتوا علي أمتي بقي اخلص
ماجد / بعد ما يوسف بجي يخطبك علي طول
امجد / وحيات امي لو محد فيكم فاهمني ايه اللي بيحصل لكون جايبلكم فاطمة هنا دلوقتي و هي تستفسر بنفسها بقي
ماجد/اعوذو بالله يجعل كلامنا خفيف عليها ياساتر عليك منا حقولك اصبر
بيحاد /اصل اخوك عقبال ولادك كده هيتجوز يوم الخميس الجاي
امجد/ وحيات النبي بتكلم جد ولا بتهزر يا بيجو
ماجد/وانا مش من حقي اعيش يومين بقي هفضل طول عمري في الذل مع فاطمة لا بيتكلم جد يا امجد انا فعلا حا تجوز يا يوم الخميس والدخله علي طول كمان
ندي / و مين دي سعيدة الحظ اللي هتجوز اطيب قلب فيكم
مروة /حته بنوته يا ندي عسل بجد هتحبيها قوي لما تشوفيها بجد سكر
بيجاد / المهم كلنا هتنزل اسكندريه ازاي وهنقول لابوكم ايه سبب النزول واحنا كنا من كام اسبوع هناك
ماجد /هو ده بقي اللي انا عاوز. أقوله والخوف فاطمة تشبط فينا تبقي مصيبة
مسك /حلها عندي علي فكرة. وسهل خالص كمان
الكل التفت ليها
ماجد /قولي يا مسك اتحفينا بقي
مسك /تدفعوا كام و اقولكم علي فكرة
ماجد/لاء انا اللي اروح اجيب فاطمة بنفسي بقي
مسك /خلاص هقول بس مش خوف من ام زبعبع بتاعتك انا كفيله بيها بس دخولك باباك في نص هو ده اللي موقفني
ماجد /يلا بقي يا مسك قولي قبل ما حد يجي
مسك /دلوقتي انا حامل و ندي حامل صح
كلهم في نفس واحد صح
مسك كملت كلامها و انا اصلا تعبانه ومحتاجة دكتور متخصص وبما انا نزلة اكشف عند دكتور نسا يبقي ندي تكشف بالمرة و مش معقول هننزل من غير جوازنا وطبعا مروة هتشبط تشوف البيبي بس خلاص وانت يا ما جد كده ولا كده رايح اسكندرنية علشان شغلك
مروة / يخربيت دماغك دي هاتي يابت لما ابوسك
امجد/ارفع قبعة مدام برافوووو مسك
حضنها بيجاد علشان تعرفوا بس انا بحبها قوي كده ليه دي حياتي وتاج راسي و نبض قلبي
اتكسفت مسك من كلام بيجاد و وشها احمر
ماجد /يلا بقي ونسيب عصافير كناري يغنوا سوا وانا اروح للبومة نفقر علي بعض ربنا يتوب علينا منها
مروة / يوسف وأهله جاين يوم الاربع شوف يا بيجاد هتقول ايه لبابا قبل ما يجوا
بيحادغ /ماشي يا مفعوصة هخلص الموضوع كله بكره أن شاء الله ربنا يتمملك على خير
وفي صباح اليوم التالي نزلت مسك المطبخ الكل كان متجمع ببحضر الفطار مسك دخلت قالت صباح الخير وكانت بتتجنب فاطمة علي قد ما تقدر علشان تهدي المشاكل شوية
وفي المندرة
بيجاد /بابا في واحد صاحبي شاف مروة واحنا في اسكندريه و عجبته وعاوز يجي يتقدملها ويطلب أيدها من حضرتك
محمود / يعني هو شافها مرة عاوز يتجوزها
بيجاد/لا ده طلع معيد عندها في الكليه وما كنش يعرف انها اختي و لما شافها معايا قالي
محمود /وده من عيلة مين عندنا في البلد
بيجاد/ بنفاد صبر بقولك معيد في الكلية يعني مركز مش مهم بقي عيلته كبيرة صغيره مهم هو ايه بس عمتا علشان ما تخشش في جدال ملهوش لازمة هو من عيله كبيرة من اسكندريه و انا سألت عنه بنفسي
محمود/ خلاص خليهم يجوا نتعرف على بعض
بيجاد/تمام انا اخدت منهم معاد يوم الاربع علشان يوم الخميس أن شاء الله هاخد مسك و رايح اسكندرنية علشان اطمن علي البيبي
امجد / بجد يا بيجو طايب ما قلتش و انا يا بيجاد هاجي. معاك علشان اكشف علي ندي بلمرة. عاوز اطمن علي وضع البيي
بيجاد/تمام يا امجد عن اذنكم انا ماشي
ماجد /في ايه يا بيجو ما تقعد معانا علي بال ما يحضروا فطار
بيجاد / الف هنا عليكم يا ماجد انا رايح الشغل بس بالله عليك خالي ندي تطلع الفطار لمسك ما تخلهاش تنزل تحت الدكتور قال الزعل غلط عليها
ماجد/ ماشي يا بيجاد روق انت كده ربنا يروقلك الحال يا اخويا
بيجاد /كله بأمر الله سلام علشان اتاخرت
وفي اليت وضعوا الفطار علي السفرة
مسك اخدت بعضها وطلعت علي فوق
مروة/ علي فين يا مسك مش هتفطري
مسك/ الف هنا يا مرة لا انا هطلع انام
دخل امجد ندي من فضلك طلعي صنية اكل لمسك
ندي بحب : *عيوني يا امجد
فاطمة بغل
وهي السنيوريتا علي رجليها نقش الحناء ما تنزلش تاكل معانا لية وتتعب مراتك وهي حامل وتطلع وتنزل
ندي/ هو انا اشتكتلك يا فاطمة لما اشتكي ابقي اتكلمي
طلعت ندي علي مسك ومعاها صنية اكل
دخلت ندي لقت مسك علي سرير و عنيها مليانه بلدموع
مالك يا مسك بتفكري في ايه اللي شاغلك كده
مسك /هموت يا ندي العمده قال كلمة هموت منها مطيرة النوم من عيني ما ريحتنيش اصلا
ندي / خير يابتي قال ايه شغلك قوي كده
مسك /ما اختيش بالك وهو بيقول تولد بس كلمة بترن يا ندي حموت من الخوف
ندي /استهدي بالله وخير أن شاء الله
عدت الايام وجاء موعد خطبة مروة
مروة/انا متوترة قوي يا بنات خايفة بابا ميوافقش
مسك / أن شاء الله خير اهدي كده و اقعدي
مروة/ منا بحاول اسمع بيقولوا ايه
ندي / و حا تسمعي ازي دول قاعدين في المندرة بعيد عن هنا أن شاء الله خير
جلست فاطمة ووضعت ساق فوق ساق وقالت لأستفزاز :
-اهدي ياختي انا متأكده أن أبا الحاج مش هيوافق علي المسخرة ده شكلهم عيله ماتشرفش، انا هجبك شريف ابن عمي اهي عيلة كبيره و تشرف وانا قلت لا بوكي إلحاج ووافق خلاص ملهوش لازمة تتأملي علي الفاضي انا قاعدت معاه و اقنعته بشريف و شريف خلاص هو كمان جهز حاله وجي يخطبك
مروة بتعجب /شريف اللي متجوز اتنين ده اكبر مني بعشرين سنة
فاطمة
عادي الراجل ما يعبهوش الا جيبه و انا عائلتي تشرف بلد بحالها و احمدي ربنا أنه واقف عليكي انتي ارقصي علي سعدك أن حد تاني من عيلتنا هياخد من عيلتكم
لم تستطيع مروة التحكم في أعصابها قدام استفزاز فاطمة قامت جيبها من شعرها علي الارض