رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ودق قلب الحجر الفصل السادس والاربعون46والسابع والاربعون الاخير بقلم ميفو السلطان

اشتعلت صبا وهبت عندما وجدت باب الحجره يفتح فذهبت ورزعت الباب وصرخت ..رايح فين رايحلها صح مش كده مش قادر علي روحك عجبتك اكيد مش كده مانا ساكته وببعد خلاص بقه ماعتش قادر ..كانت تدفعه وتصرخ وهو يرتد من خبطاتها العنيفه ،،،رايحلها انطق قول انت ايه انا بموت وانت رايحلها والله ماقعدالك وهتطلقني دلوقتي انا ماشيه واستدارت تلم حقيبتها وهو يقف محصورا لا ينطق اندفع واحتضنها وهيا تصرخ اوعي ماتحطش ايدك عليا يابو ديل انا عارفه اهوه دي اخرتها  كانت دموعها تسيل وتشهق فادارها وهتف بقوه اسكتي اسكتي وشدد عليها وهيا تبكي .استغفر ربه ...اجول ايه اني عايش مرار وهكمل مرار .

دفعته وصرخت ،،،..ماتعيش مرارات انا عايزه اموتك يا كداب بتكدب ليه احلي مني في ايه السحليه دي والا هو جواك في دمك انا هموت لا انا مش هموت انا هموتك يا بدر وهجمت عليه تضربه وهو يحاول ان يمسكها وهيا تشهق وتصرخ ... روح حضن وبوس واجي اكتبلكو عرفي وارقصلك بالمره عايزني ارقصلك .

تنهد وشدها يعتصرها في احضانه  ،،،دا يوم المني لما جلبي يرجصلي ،،نظرت اليه بغضب حارق فتنهد والله ماكت رايح لحد انت جومتيها حريجه ليه اكده .

صرخت..... امال رايح فين انت .

هتف بقهر ،،،، ،،،رايح اجيب السخماط التلافون نسيته تحت والله نسيته تاجي معايا طيب ،،،نظرت اليه قاطبه فتنهد واحتضنها يمين الله نازل اجيب التلافون لم تنطق شعرت بالخجل ولكن النار كانت بداخلها كانت تشعر بغيره عليه فظيعه فهتفت ،،،انت كداب انت بصتلها بصات مش كويسه انا قفشتك وماقلتش اني  روحك قدامها بطل تكدب   .

تنهد بغلب ...اني ،،يمين الله مابصيت والاهي لو بصيت اعمي ماعت اشوف ها اجول تاني انزل اجيب مصحف عشان تصدجيني طيب ..احنت راسها فاقترب ومسك يدها ،ابص ايه داني جلبي وعيني ماليانين بست الستات والله ست الستات ،تنهدت ولانت ملامحها لم تعد تتخيل ان تراه مع اخري . روجي بقه والله مافيه طين ولا بصيت ،

ابتعدت قاطبه ،،،اقترب وهمس بغلب ،،جلبي والله مافيه حد ولا في عنيا غيرك .

نظرت اليه ،،،بدر انا قررت لو بصيت لحد هقتلك .

ضحك واحتضنها ....واني موافج. بس معني اكده ان حبيبي هيرضي عني ويجعدلي احب فيه ،

تنهدت واحنت راسها ،،هتف ،،ريحيلي جلبي طيب والله ماتهببت ولا بصيت لحد صبا والله يمين اتحاسب عليه انت جلبي ومليا عيني ،

دمعت عيناها وهتفت ،،شفت شفت دي هتبقي حياتنا انا مش هتحمل وعيشتنا هتبقي سواد انا هفضل ابص عليك واقعد افكر يا تري بص لدي عجبته احسن مني لحد ماتجنن وانا ماهتحملش .

تنهد وعلم انها لا تثق به ..هتف ،،،ده عشان لسه جواكي خوف ده عشان اني لسه ماجطعتش روحي عشان توثجي فيا والله يا صبا النسوان ماتت في عيني والله .عارف اني ايه وكت ايه وعملت ايه بس عشجت والعشج بينضف .عشجي ليكي غير مافيش مره بصتلها زيك مافيش مره اتجننت عليها زيك مافيش مره جعدت الف عليها تتراضي زيك مافيش مره بفرح واني بتكلم معاها زيك ،،صبا انا كان خلجي ضيج اعوز المره اخدها لا اجعد اتسامر ولا اتكلم انما اني لو جعدت عمر اتكلم معاكي هفرح بجعدتك اتخيل وانت في حضني راضيه وحابه والسنين بتمر وعيالنا تلف حوالينا بجعد اتخيل نفسي معاكي هناك في مجعدنا واخدك في حضني ونجعد نتسامر ونتفرج عالتلافزيون ونسهر صباحي واخدك في حضني وتنامي علي كتفي اشيلك واغطيكي واطمن انك نايمه سعيده جبت واحد يعملنا مجعد كبير هوسع عشان اعمل ليكي مكان تجعدي فيه براحتك لاني عارف طبعنا غيرك لو عايزه تجعدي لحالك ..والله يا صبا ماهو رغبه ولا حزن وراضي وخايف المسك والله خايف ،

كانت دموعها تسيل وتتاثر من كلامه اقترب واحتضنها ،،،عارف انك شايله مني بس اهو كت حلوف جدرك تحبي بهيمه سارحه كت بتاكل تبن لما دماغها اتعبت حزن ،ابتسمت رغما عنها فابتسم وهتف ،مبسوطه انك متجوزه حلوف ،،فضحكت فاحتضنها يادي الهنا جلبي بيضحك جاري . هموت عليه يا عالم .

هتفت ،،بطل انت ماصدقت .

ضحك ......ايوه ماصدجت وعايز افرح والنبي عايز افرح ،

تنهدت .....اعملك ايه يعني .

شدها اليه وهتف .....طب جولي عن حج حسيتي انك زعلانه اني رحت ،

احنت راسها فهمس ....طب جولي طيب خفتي عليا والا ماعاتش ليا عازه ،

همست ..لا يعني يعني ..حسيت بقلبي بيحرقني وماقدرتش اسيبك تروح لحد تاني 

ابتسم بفرح ،،والا اوعي اعملها يا جلبي والله .

همست .،بدر انا خايفه ،

همس مداعبا وجهها ،،،،،،ليه بس ..

هتفت....عشان عشان ،،،اقترب واحتضنها ،،عايزاني وعايزه تتراضي صوح .

احنت راسها فهمس ولساتك خايفه صوح يا جلبي ،

تنهدت وهزت راسها ،،همس ،،واني هستني حبيبي لحد مايتراضي عارفه لو هجعد تحت رجلك عمر نظرت اليه واحست ببعض الراحه ..همس.طب طب عايزه طلب ممكن .

تنهدت،،،ممكن اخدك في حضني والله هبقي مؤدب ونفسي احس بيكي ،

 احنت راسها تنهد واحتضنها ..طب خلاص انام جارك بس يا جلبي ..ابتسمت وصعدت عالفراش من سكات تنهد وصعد بجوارها يتاملها بحب حتي ارتخت ونامت فمد يده وشدها ..واراحها علي صدر واخذ يدها علي قلبه ،،تنهد وهمس يااااه اهو دلوك هجدر انام وجلبي في حضني ،،وادعي ربنا يجرب الجلوب ماني جلبي خلاص العشج فيه كفه واكفوف ،اندست اكثر في احضانه  ليحس بها ترتخي فابتسم سعيدا ان اخيرا حبيبته راضيه بين يديه ..

ظل الجميع يعيشون الاسبوع في سعاده واغتسلت القلوب بماء البحر الصافيه فكل حبيب يراعي ويطيب ويدلل حتي شبع الحبيب ورحل وجع القلوب بدفيء قلوب وعت وعرفت مقدار الحب ..

كانت الفتيات تجلس معا هتفت اميمه ،،،خواتي اتغيرو خالص انتو خلتوهم ازاي اكده وخصوصا انت يا صبا مامصدجاش ان ده بدر .

ابتسمت صبا ،،،صحيح يا اميمه .

ضحكت تميمه ..صحيح ..دا هينهبل عليكي لما كنا واجفين امبارح بنلعب ركن وجعد الساعه يبص عليكي يبتسم ويصور فيكي اخوي تجريبا انهبل .ابتسمت صبا بسعاده بدر صورني ،

هتفت اميمه ايوه اني شفته .

ابتسمت شكران ..بدر اتبدل ماعرفوش ده بتاع النحانيح .

ضحكت اميمه...... وبدار بتاع ايه يا موكوسه ،،

تنهدت شكران ،،بتاع ايه دا هري جلبي والله .

هتفت اميمه ضاحكه ،،دا ناجص يجبلك فدادين الفاكهه يا بت مررتي عيشته .

خبطتها شكران ..،ال يعني انت اللي مفرحه الحزين دا ناجص يعض في الارض عارفه اني حاسه ان اخرتها هيرجعك علجه سخنه ،

ضحكت اميمه ،،صعبان عليا جوي كل يوم انام علي صدره والعب في صدره وده كاتم واجعد اضحك .

تنهدت صبا ...هتفت اميمه ،شيلي خوفك يا خيتي وافرحي والله ماهواش اخوي ده ده واحد تاني ماتعشيش حياتك تحاسبيه عاللي فات بهمه انسي وعيشي وافرحي بدر مش زي اي حد بدر لما عشج العشج علاه وخلاه حاجه تاخد العجل ربنا يسعدكو جولي يا رب وانوي خير واطلبي سعادتك من ربنا .سمعا خلفهم الشباب يضحكون ..هتفت اميمه اخر ليله لينا اهنه هنسيب الحزن اهنه هنسيب كل حاجه وجعتنا وهنبتدي نبص لربنا وجلوبنا اتغسلت بميته الصافيه مسكت يدهم افرحو يا خواتي باخواتي اني ادري بيهم واعرفهم زين .ابتسمت الفتيات واتي الشباب وجلسو بعض الوقت ،،

همست شكران .....جلبي اني تعبت نجوم بقه والا تسهر واجوم اني .

قام .....،،لا اسهر من غيرك هبله اياك قام وهتف اسيبكو بقه تصبحو علي خير .

ضحك كرم..... اخوكي ده واجع ماجادرش يجعد من غيرها خفيف جوي .

قطبت جبينها ،،امم خفيف طيب اجوم اني بقه واجعد يا تجيل ..جعده يا بدر وسهره يفرح بجعدتك وقامت مسرعه تنتظره بالاعلي وهيا تعلم انه سياتي خلفها ،

جلس كرم ياكل حاله وبدر ينظر اليه بخبث ،،هتف اجبلك شاي يا كرم ،

هتف كرم ،،هاه شاي ،،لاه ماعايزش اصل اصل .....،

هتف بدر .....يابني الليل لسه اوله اجبلك تشرب امال هتسهر معانا ازاي ...

احس كرم بالغيظ ولم يعلم كيف يتصرف ..فهب ،لاه بص اصلي بكره هنصحي بدري وانت عارف السفر واكده .

ضحك بدر ..يلا ياض يا مفضوح البت لفتك علي صباعها جوم جوم ماتخجلش تجول انك ماجادرش تتحمل جعدتك من غيرها ابقي لم لسانك ده ،

تنهد كرم .....حلوف اعمل ايه هو طبع البهايم انا اروح لاختك هتسود عيشتي واستدار مسرعا وبدر يضحك وصبا مبتسمه فاقترب ،،ايه هتجعدي والا نطلع فوج ،

تنهدت .....زي ماتحب عشان ماتقلش عليا لفيتك علي صباعي ،

اقترب واحتضنها .....مين ده انت لفتيني علي صباعك اني بدر العابد .

رفعت حاجبيها وربعت يدها فضحك وشدها ،،انت مش بس لفتيني دانت ربطيني بسلسال وكلبشتي جلبي وغميتي عيوني بتفتح بس عليكي ماشي مهبول ماجادرش اشيل عيوني من عليكي .

ابتسمهت .....بجد يا دودي .

تنهد..... بجد يا دودي اني بقيت دودي حاسس اني هبقي اهبل. 

تنهدت وهمست بدلال..... ليه هو الحب هبل في نظرك .

نظر اليها بعشق..... الحب نعمه لجلب العابد دخل عليه الفرح بالكوم .اقترب وهمس ماتاجي نطلع فوج اخدك في حضني. 

تنهدت ،،انت بقيت طماع مانا بنام جنبك اصحي الاقيك مكلبش فيا يا قليل الادب ...

ضحك ..ماتخليني ساكت .... هجل ادبي اكده احنت راسها هتف ،،عارف ما هشفش جله ادب في سنتي واحتضنها وظلا يتمشيان .

*********

عند شكران لبست وتزينت كعادتها وجلست تاكل من الفاكهه التي وصي عليها بدار اقترب واحتضنها ،،همست كل ده هناكله ميته احنا ماشين بكره .

تنهد بسعاده ،،اللي جلبي نفسه فيه ياكله اني مني عيني تاكلي وتتهني .

كلت وقامت وجلست عالفراش اقترب  احتضنها تعالي في حضني ..اندست في احضانه فهمس مبسوطه يا جلبي .،همست بحب مبسوطه جوي وفرحانه رفعت وجهها وقبلت خده ...شدد عليها فهمس شكران ،،

همست ....نعم يا جلب شكران .

هتف .....هتتراضي امتي جلبي انهري ،،

نامت علي صدره وهمست ....ماني راضيه يا جلبي ،

هب ونظر اليها.... والنبي صوح حبيبي اتراضي خلاص .

هزت راسها بخجل فشدها يعتصرها ..يااااه اخيرا جلب حبيبي راضي احنت راسها وهزت بخجل همس يا فرحي يامه ،،طب وحبيبي خلاص ماعتش نافر مني 

هزت راسها نفيا..

اندفع وشدها.... يعني هحضن وابوس خلاص 

ضحكت ،،ايه جله ادبك دي اختشي .

هتف ،،اختشي اعملها ازاي دانت هتشوفي جله ادب ماشفهاش مخلوج هبله انت ال اختشي فشدها وبدا يداعبها تعالي يا جمر اما اهريك بوس .خبطته لا انت جليل الحيا هجوم فشدها واتحامل عليها ،،عارفه تسكتي خالص .

نظرت اليه بحب تنهدت وهمست بدار عايزه اجولك حاجه .

تنهد ايه يا جلبي ،،

نظرت اليه ،،صوح والنبي فرحان بيا وبجوازتي وعايزني .

هنا اندفع وحملها فصرخت ،،هتف ،لاه اني هنهبل يا جلب بدار هموت علي حبيبي ونازل رط كيف الاهبل واني انهريت بعاد .

همست بطل اني عايزه انام في حضنك واشبع من حنيتك .

هتف ...تعالي يا جلبي واحتضنها وبدا يداعبها فهمست بدار انت بتضحك عليا،،هتف لاه بدار طار وعجله اتلحس يشبع هو بقه من حبيبه اللي خد جلبه وهراه والله ماعت متحمل وما مصدج ان حبيبي سامحني مش سامحتيني يا جلبي ،،

حاوطته لتهتف انا.. انا خلاص مسمحاك يا جلب شكران هنا احس بان الدنيا قد انفتحت بجمالها وزال سوادها وانهالت عليه المشاعر ليحتضنها بقوه وهتف ....حاسس اني طاير والله طاير..

هتفت.... بجد يا دوري.

هتف يا لهوي يامه.. اجول ايه.. داعبها بحب نورتيلي حياتي ودنيتي 

همست..... بس اوعي تزعلني والله اموتك ....حملها لتشهق فهتف.... ازعل ايه انهبلت اياك وضعها عالفراش وداعبها لتهتف بدار بطل اني تعبانه

ليهتف. اني خلاص الحصره خلصت عليا تسكتي خالص ايام بعدك موتني

لتهمس.. لا بطل اني عايزه حاجات

هتف .....حاجات ايه دي دا وجته.

همست بخجل ......ايوع عايزه عايزه..

تنهد .....انت مش عايزه حاجه.

هتف.... لاه هاتلي  .....نفسي اكل شهد   ومسكر كمان.

هتف.... طب ماتسيبني اكل الاول الشهد بتاعي واجبلك بعديها احلي شهد ليداعبها هتفت بطل بقه.. هتف.... لا تبطلي انت عشان ويمين الله ماعت مبطل في ايامي دا حبيبي سامحني خلاص دانا عايز اصرخ من فرحتي.. لينزل عليها ويهيم بها عشقا وقد زالت كل مخاوفها بدقه قلبه لها والتي كانت دقه تصرخ بالعشق لتتوه تلك الجميله الطيبه في ذلك القلب العاشق. الذي عاد ينبض وينبض برجوع حبيبه اليه.

دخلت اميمه وتزينت واتجهت الي الفراش وتصنعت النوم وقفلت النور الا من نور خافت  مر الوقت دخل كرم ليبهت ..يا مري دي نامت وسابتني احسن تستاهل عشان حلوف ال ايه عيل خفيف امال انت ايه يا حزين تنهد ودخل وغير ملابسه كان يتعمد ان يصدر صوتا الا انها لم تستجب اتجه الي الفراش ونظر اليها ،،يا مري نامت ليه دي هنحصر هو كل يوم منوره اكده واخرتها تنام زي الاهبل حاضنها وبس طب ليه ماهحضنهاش حتي حضنك جطر يا بعيد ماتبجاش تتفرد وتتمطع وانت هتموت علي طرفها ..اقترب والتصق بها ،ماعارفش اسيبها قبل كتفها ،،،حبيبي حبيبي انت نمت ،،تملمت وهمست امممم

هتف ،،،طب فوجي بس هبابه يعني مالحجناش بكره هنسافر ،

تنهدت وفتحت عيونها ،،طب نام مش هتسافر وهمت ان تستدير فكلبش فيها لاه ماتناميش اصحي بس ،

هتفت ،،،ايه عايز ايه دلوك ،

هتف بغلب ،،عايز اخدك في حضني ،

هتفت ،،لاه ماهنامش في حضنك مش بتتريج علي اخوي وال ايه خفيف طب خليك تجيل ونام بقه واستدارت فركن عليها مين جال اني تجيل داني اهبل انا وايامي الطين مابعرف اتكلم يا جلبي مش انت واعيه ،

ادارها وهمس اني اجدر اتجل علي جلبي والله انحصر ،،قامت وجلست بعد يدك دي وتجعد اكده عشان اني ماهكلمكش مع اني يعني كنت كنت ،،والا خلاص بقه يلا نام ولملمت روبها ..

هتف ..طب استني بس مش جولتلك اهبل وابعد يدي كيف مش هاخدك في حضني والله ماهعرف انام ..

تنهدت وهمست هتبطل تجول حاجات ،

التصق بها...... هبطل كل اللي يزعلك ،

تنهدت .....وتلفلف ورايا وماتخجلش .

هتف ،،هلفلف لحد مايزفوني بصاجات ،ضحكت وابتسمت هتف ايه حبيبي هينام في حضني هزت راسها  شدها اليه تنهدت وخلعت روبها كانت قد انتقت قميص حضرته مخصوصا له ليشتعل ..يا دين النبي يا فرحك يابن الشواتفه ،،

هتفت بخجل.... ايه يلا نام ،

هتف ،ايه يا جلبي فاكراني جبله حجاره حته خشبه لابسالي ايه داني هفطسك. 

همست ،،ماني ماني ،

شدها..... ايه انطجي 

همست لابسهولك مخصوص ،،

نظر اليها ببلاهه.... ده ليا والنبي هزت راسها ...همست ....عشانك بس انت وحش .

همس.... لا مش وحش اهبل وهينهبل والله هنهبل .......اميمه 

همست ......نعم ..

هتف ،دانت هتفطسي دلوك يمين الله كرم خلاص هيدوس ويطحن 

هتفت بخجل ،اختشي ،

ضحك ،،ماسمعش حسك لسنه جدام دانا انطحنت وهطلعه عليك دلوك. 

نظرت اليه بعشق واني تحت يدك فرحانه بحييبي يعمل مابداله راجلي ودنيتي اللي علاني ورفعني ومحسسني اني حاجه كبيره ،

دمعت عيناه ،،انت مش حاجه كبيره انت روح كرم من جوا انت دنيتي اللي هعيش عمري سعيد بيها عهد عليا لاكون ليكي كيف ماتريدي حبيبي عاشج ،.صفحه حكايات ميفو.

حاوطته وعهد عليا لاسعدك سعاده وهصب عليك جلبي وعشجي كلياته تاخده وتتهني بيه 

لتنظر اليه لحب وتهتف.. انا رايده حبيبي العمر كله

..ظل ينظر اليها وقلبه سينفجر فهمس واني راضي اتهني واحمد ربنا ان حبيبي راضي وشدها اليه وتاها معا وذابت اي فوارق فالروح عاشقه  والجسد واحد  وذاب كرم الشواتفه في حب بنت العابد اقترب وداعب جسدها .. ليظل يدغدغها لتضحَك ضمها بقوه واراحها علي الفراش ويتوه معها حبيبا عاشقا تنازل عن عنفوانه وطيحته واعراف وتقاليد من اجل ان يركن اليها وينام قريرا بجوارها محبا لا يفكر الا بالقرب لا يفكر الا بالعشق.. لتذوب اغلال القلوب ويحل محلها سلاسل تربط العشيق بمعشوقه  طالما هناك قلب يدق ويراعي.

*******

ظل بدر وصبا يطوفان الشاطيء احست صبا انها امتلات بالعشق واحست بالسكينه تدخل قلبها كانا يسيران بلا هدف والصمت حليفهما 

فهمست ،،نطلع بقه ..تنهد وقبل يدها ،،اللي حبيبي يامر بيه اقترب واحتضنها ،،،حبيبي ساكت ليه اكده اصحك تكوني بتفكري في حاجه وحشه ،

تنهدت وهمست لا يا بدر انا نفسي افكر في كل حاحه حلوه ....تنهدت واستدارت فجاه وهمست ،بدر انا بحبك قوي ومش هقدر اسيبك ،

تجمد مكانه واحس بقلبه يخفق بقوه ،،واستدار ومسكها ونظر اليها بعشق ،،،صبا جولي تاني اكده ،

تنهدت وهمست ،انا عايزه اكمل حياتي معاك عشان بحبك .

هنا شدها اليه بعشق وهمس ،،جلبي هينفلج نصين مامصدجش ،،شدها واندفع بها الي الاعلي وما ان دخلا حتي شدها بعنف لصدره واعتصرها وهيا محاوطاه ايضا ظلا هكذا لا ينطقا فتره ،،تنهدت وابتعدت وهمست بس بس ،،

هتف بعشق ،بس ايه يا جلب بدر اللي تامري بيه كفايه عليا ان حبيبي جال انه جاعدلي بس نورتي دنيتي وحياتي كلها والله ،،

ابتسمت بعشق ،،انا مش هقدر اسيبك انا شايفه في عيونك الحب والعشق بس ..

هتف.... لساتك خايفه اني عارف ماعايزانيش المسك ،احنت راسها فهتف ،،صبا اني خلاص عليا اكده موافج بوجودك جنبي بس ...ويمين الله موافج نظرت اليه بحب همست هتصبر عليا يا بدر انا مش عارفه خوفي هيروح امتي وانت انت ،

تنهد بعشق ،،اني بتاع نسوان صوح وضحك ،،يا بت والله خلاص بدر الجديم راح ،

اقتربت وهمست ،،خالص خالص ماعتش منه حاجه ،

نظر اليها بعشق ،،فاضل منه بدر اللي انكوي بحب صبيه جابلها عالزراعيه خطفت جلبه .

همست طب ممكن اطلب منك طلب ،

اقترب واهتف ،،انت تامري بس طلب ايه ،،احنت راسها بخجل ،،يعني انا حسيت انك بقيت حلو خالص يعني وكنت عايزه انهارده اني يعني ..ااني يعني اطلب اني انا اللي اطلب منك ..

شدها وقد احمرت خجلا ..كانت تريد هيا ان تطلب حضنه تريد ان تقدم علي خطوه تخطيها بان تخطو اليه وتنام في احضانه كبدايه لعلاج روحها والسيطره علي مخاوفها  ..

قبل يديها .،جولي يا جلبي مالك عايزه ايه ،،لتكوني عايزه جله ادب يا فرحي يامه.. مالك محمريه كده ،،

ضربته ،،ايه قله ادب بطل مفيش كده ،

ضحك ..ماني عارف ماهشوفهاش لحد ماجلب اهبل ..،،

هتفت ،،،يعني انا حاسه اني خلاص بقرب ليك وعايزه اقرب منك واسيطر علي خوفي وواحده واحده يعني هنبقي كويسين فنا عايزه انام في حضنك ينفع ،انت كل مره بتطلب وتترجاني وانا بسكت ببقي عايزه انام في حضنك بس خايفه بس انا دلوقتي اللي  عايزه حضنك يحاوطني برغبتي فرحانه بقربك المسك وتلمسني عايزه اتخطي مخاوفي ..،.ظل ينظر اليها ولا ينطق احست بالخجل مما طلبت ورات وجهه لا يتحرك خافت ان لا يقدر ويشعر بالوجع من قربها ولا يلمسها  كانت اول مره تطلب هيا القرب  فهمست ،،طب خلاص خلاص ماتجيش علي روحك ،،واستدارت فاندفع وحملها و ..

الفصل السابع والاربعون الاخير 

ما ان استدارت صبا تعتذر عن طلب قربه خوفا عليه حتي هجم عليها بدر واحتضنها وكلبش فيها وهمس يا فرحي وهنايا في الدنيا مامصدج ان حبيبي هو اللي طلب جربي ،،كان يعتصرها .

فهمست ،،لا خلاص ماتجيش علي نفسك مش عايزه اعذبك .

رفع وجهها.... تعذبيني تعذبيني بجربك انت مامتخيلاش جلبي بيعمل ايه دلوك ..حملها ودار بها حبيبي طلب حضني اني حاسس اني هنهبل .ماعتش بيخاف من حضني طلبه حبيبي طلبه يا ناس ...اقترب يحتضنها ،،يااااه كت فين كت في النار مامتخيلش انها هتاجي منك اني اطلب واموت وانت كتي بتاجي علي روحك انما طلبك ده حياني وتمزيعتي راحت ان حبيبي حضني مش امانه ،،دمعت عيناه فهمس ....صبا بالله عايزه حضني بجد ،

نظرت اليه وتلمست خده بحنان ،....دانا عايزاك كلك يا بدر ،

هنا احس بنفسه عشقه يكويه فشدها وهمس.... بس ماعتيش تنطجي يمين الله هموت يا رب يا رب حبيبي جلبه يتراضي يا رب ادهولي طالبه منك يا رب في حضني شيل خوفه شيل خوف حبيبي يا رب ماعايزش حاجه ..يا رب وسعلي دنيتي وفرحني بروحي انت كريم يا رب بحج دعوه امي وعمل ابويا الصالح يا رب خف وجعها تحس باماني وتحس بنضافتي ..كان مع نفسه يناجي ربه ودموعه تتساقط عليها .

رفعت نفسها ونظرت اليه بعشق ولمست كلماته وجهها احست بمشاعرها تنساب لا اراديا مسكت وجهه ومسحت عيونه وهمست.... بحبك وحبك ملا قلبي وخوفي بيقل والله بيقل اقتربت ومست شفتاها شفتيه بهدوء وهو مشلول فهذا كثير عليه كانت لمستها كانها نار سرت بداخله اوقفت قلبه اغمض عيونه لا يتحمل كم المشاعر التي ضختها اليه من فعلتها ،،ابتعدت فوجدت ملامح وجهه تتشنج ابتسمت ولامست وجهه بحنان اما هو فلم ينطق اغمض عيونه ومسك يدها علي قلبه  يسيطر علي نفسه حتي لا يهلكها بعشقه فهيا لم تطلبه بعد ولكنه رضي وانفلق صدره بما جادت عليه همست ....بدر فيه ايه ،

شدها لصدره ،،ممكن ماتتكلميش عشان والله هعمل نصيبه اللي عملتيه ده مامصدجوش ظلت ساكنه الا انه لم يحتمل فقام مسرعا ودخل الحمام وفتح عليه الماء البارد علي جسده بملابسه كان مشتعلا يقف يشعر بلسعات في جسده تكويه ليحس اخيرا جسده ينساب وتتغلغل راحه بداخله ويحس بالخدر .

كانت هيا بالخارج تفرك ....دايه يا زفته قله ادبك دي ماتحملش هتموتيه هو اصلا بيحب قله الادب احترمي نفسك يوم ماتتراضي ابقي حضني وبوسي حبيبك صابر عليكي اتلمي بقه ،،ابتعدت وانكمشت تحترم صبره خرج هو اخيرا وجدها منكمشه وقف عالباب يتاملها ولا ينطق وهيا تفرك بخجل ابتسم واقترب فهمست ،،انا اسفه تصبح علي خير انا انا هنام عالكنبه ..استدارت وذهبت للكنبه فشهقت عندما حملها ،،،بدر اوعي انت اتجننت ،

هتف ،لاه بدر انساب علي روحه مامصدجش وكنبه ايه يا جلب بدر انت هتنامي في حضني وهكلبش فيكي اهرسك دا حبيبي عايز حضني وباسني ،

خجلت وهمست ....بطل بقه انا غلطت ماينفعش اعذبك بقربي كده وانت انت .

هتف ضاحكا ،،واني اجعد محصور وكابت حالي صوح ،،مين جال.... اني مبسوط انك هتبقي في حضني بكيفك  ،،ده لوحده اميال عديتها من اهنه ورايح حبيبي في حضني بكيفه ويسمحلي ابوسه لما افطسه ،

خبطته ....انت بطل هنبتدي قله ادب .

ضحك ،،ايوه ماهي بدات تندع دلوك بوسه بكره لمسه بعده يا مري مامتخيلش اني سحت بفكر في ليلتنا شكلها هتبقي ايه ،احنت راسها ....بطل بقه بتكسف ،

قبل راسها ،،يا جلبي ياني بموت فيه وهو جمر اكده ،،تنهد وهمس يخليكي ليا يا واخده روحي من جوا ،،احتضنها فاندست بين احضانه سعيده اخيرا بتخطيها حاجز القرب وقررت ان تضغط علي خوفها لتنسعد اخيرا ...

في الصباح استيقظ الكل وبداو رحله العوده عاد الكل في حال غير الحال عادت شكران واميمه وصبا ....حبيبه طيبه تحن علي من هلك قلبها عشقا عادا وتركا هموما غسلها ماء البحر وعادا بالخير خير الحب والعشق ،، ..دخلا علي بهيه فرات النور يشع منهم ،،يا فرحي اللي دخل عليا بالكوم ايه ده حبايبي اتراضو والنور بيهفهف في عيونهم ،،ابتسم الكل واحنت صبا راسها تنهدت بهيه .....طب اني هدبح خير لله عشان لساتنا عايزين الخير بالكوم والكل يفرح كانت تقصد بدر.

هتف كرم ،،هتدبحي ايه يا مرت عمي .

هتفت ....هدبح عجل يكفي ناس الغلابه تفرح ،

هتف ....ومن عندي عجل يا مرت عمي فدا حبيبي برجوعه ليا وفرحه جلبي ،نظرت اليه اميمه بعشق ،،استدارت تندفع اليه فاحست بدوار فمسكها مسرعا والرعب يجتاحه مالك يا جلبي فيكي ايه ،

شعرت براسها تسقط .....ماخبراش حملها وصعد بها لحجرته واستدعي بدر الطبيبه ..ظل الكل يشعر بالقلق الي ان خرجت الطبيبه وهتفت ،،لازمن تخلو بالكو منيها هيا دلوك شايله عيل ومحتاجه تتغذي عشان ضعيفه ،،وقف الكل ينظر لكرم الذي دمعت عيناه ،مرتي حامل اميمه حامل مني ،اندفع ودخل عليها وقد انطلقت الزغاريط من بهيه سعيده بخلف ابنتها ..واستدارت تعد وليمه لله لعل الله يعيد السعاده لقلب ابنها وكبيرها.

اقترب  كرم من اميمه ومسكها ،....حبيبي هيجبلي عيل يا جمالو واندفع يحتضنها ويقبلها بعشق ابتسمت له وهمست .....فرحان يا كرومتي ،

هتف .....فرحان داني هنهبل ايه الفرح ده مامصدجش. 

هتفت ،،اهو جبت من بت العابد عيال .

نظر اليها بعشق ...بت العابد...  ،شد اميمه....بت العابد دخلت الفرح لجلبي وداري .بت العابد ربنا بعتها ليا حب وفرحه .ايه ده كرمك واسع يا رب علي كرم الشواتفه مامتخيلش كيف راح الغل وحل الفرح ،الحب دوا لجلوب ينزاح الغل بامر من الله اني كرم انجلبت من كره لولاد العابد لحب مالوش وصف .كنت اكره بدر ولا اطيجوش لا في سما ولا في عما .كنت اجل منه جدام الخلج لانه كان واعر وجوي واني الغل ناحيته بتكويني .بس عارفه يمين الله اتحاسب عليه بقي اعز من اخوي وعندي حبيب وسند يوم ماصرخ انادي عليه عشان عارف انه كتف وضهر لكرم. خال ولادي وابوهم التاتي عارفه يا اميمه بجعد وسط الخلج اتباهي بنسب بدر وبدار واللي يتمجلت اجوله انجهر لو تعرف تطول طرفهم اني طولت طرف الجنه ومكلبش فيها واضي وحابب يجوم ربنا يديني من وسع ما الدود راح وجه مكانه خير الدنيا ،،عارفه لو جت بت هسميها نور لو جه واد برضك هسميه نور ،دنور من بنت العابد جابته بالكوم لابن الشواتفه ،،بحبك يا جلبي وهفضل عمري كله احب واعشج .

ابتسمت بحب ،،واني فرحانه بيك يا كرم فرحانه براجلي اللي شرفني قي كل حاجه مابتسيبش حاجه الا وتشرفني يا حبيبي وماعايزاش من الدنيا حاجه خلاص ،قامت وهتفت ،تعالي نفرحهم ونفرح معاهم ،،ونزلا معا فوجدا بهيه بعثت لام كرم وقد اتت ومعها عجل فد الذي طلبه كرم وتعالت الزغاريط ،احتضنت ام كرم اميمه ،....يادي الفرح مرت ولدي هتجيبلنا العزوه ...تعالي يا جلب امك واحتضنتها ووقف الكل سعيدا ،،

هتف بدار شالله ناخد من عيالك يا كرم لعيالي .

هتف كرم ،،شرف ليا يا بدار اناسبك يا اخوي .

كانت صبا تقف مبتسمه وكلهم سعداء لتقترب شكريه وتهمس حتي لا يسمعها احد ،،اممم كلهم جابو عيال يلا معلهش عجبال ما الكبير يتراضي بس يتراضي ازاي اللي عليه العين حرنان ،ضحكت ،يلا مسكين جوي بس العزوه ما بتتوخرش واستدارت وقفت صبا غاضبه لاول مره ،اندفعت لبدر وشدته بعيدا ،،نظر اليها فيه ايه يا جلبي .

هتفت ،.....انت عايز تخلف صح زيهم ،

نظر اليها مذهولا .....اخلف ....اخلف ايه ،

نظرت اليه وهتفت..،بدر ماتنرفزنيش انت عايز تخلف صح هما كلهم خلفو وانت لا وزمانك مقهور وزعلان والعزوه مابتتوخرش مش كده ،،كانت خائفه عليه ان يفكر في الخلف ،،ويفكر باخري 

هتف ،،ايه يا جلبي ايوه عايز طبعا ،،

نظرت اليه بغضب ،،بقي عايز ماشي يا بدر واستدارت وصعدت تشعر بالقهر ،ظلت تدور وتدور بقهر.... ما تتراضي يا زفته الطين وخلفي هيبص ليهم جتك مصيبه اعمل ايه قلبي بيوجعني خايفه موت ،والتانيه جايه تكيدني اه عارفه الخلف عندهم روحهم ،طب انا عايزه اخلف اعمل ايه ،،كانت تاكل روحها ولم تحس ببدر وهو يقترب ،،اخلف ازاي طيب دلوقتي اعمل ايه هموت منك لله يا شكريه ،،اعمل ايه دلوقتي اجيب عيال ازاي انا ،،اجيب باللاسلكي والا اهبب ايه اشمعني هو يقف كده يبص عليهم مصيبه تشيلك انت هتطفشي الواد. 

ضحك بدر فاستدارت غاضبه ..انت جيت.... جيت امتي .

ضحك ،،من ساعه ماجلبي كان عايز يجيب عيال باللاسلكي ..

نظرت اليه قاطبه وهتفت ..هنجيب عيال علي فكره كتير. 

ضحك ..يوم الهنا يا جلبي اني مني عيني .

ابتلعت ريقها ،،ايوه هجيب يعني ماجيبش ليه بس بس نتاخر شويه ،،اندفعت ...يعني شويه مش كتير اكيد يعني واياك تزعل ان ماعندكش عيال فاهم ،ضحك فصرخت انت بتضحك علي ايه .

اقترب واحتضنها ،....علي جلب حبيبي اللي خايف عليا ..بطلي خلف ايه يا هبله ويلا عاملك مفاجاه حلوه ،،

قطبت ....مفاجاه ايه دي ،

هتف ....هنروح في فندج نجعد يومين ننبسطو .

هتفت ....هنسيبهم. 

هتف.... ماهم اتمرمغو في الانبساط وانا باكل حالي يلا يا جلبي ،،

خفق قلبها من كلامه ولمحه الشوق في كلامه لتذهب وتعد حقيبتها واخذها وذهبا .

كان  بدار يقف ليدخل عليهم خال شكران ومعه سعيد ليقترب بدار ويحتضن شكران هتف الخال ،،ماشاء الله الفرح في بيتكو عالي يا بدار . جاي اطمن عليكي يا شكران الا سمعت كلام اكده ،،

هتف بدار ..الدنيا منوره بوجود جلبي معايا يا خال ،وكلام ايه. 

هتف سعيد ،،بس كت جبر برضك بدار والا ناسي ،

هم بدار ان يتكلم فمسكت يده وهتفت ،،ايوه كت جبر يا سعيد .

هتف سعد ،،وتنجبري ليه يا غاليه مالكيش رجاله اني اول مره اسمع الكلام ده ،

تنهدت وهتفت ،،بحمد ربنا اني انجبرت يا خال نظرت لزوجها ،،حبيبي خلاها جوازه الهنا والسعد صب عليا الحنيه والعشج بالكفه بدار لا له زي ولا له وصف حبيبي اللي مهنيني ومدخل الفرح جلبي ،

هتف سعيد يا سلام عمل ايه يعني ، ضحك عليكي بالفلوس

مسكت يد بدار ،....عمل..لو جعدت عمري اجول عمل ايه ماهيخلصش ،،كفايه اني كت غلبانه وهو جواني جلبي مخلوع ودخل فرحه عليا كفايه ان حضنه امان وعيونه دوا ليا كفايا اني نايمه مافيش يوم الا مافرحت ،فلوس ايه ولا اكفوف دهب الدنيا تعوضني حنيه جلبي ،..بدار جبرني وعشجه مكتوم جواه ولما وعي لحاله كفاه عليا كوم حب وحنيه ،،مافيش زيه والله يا خال ولا اتمنيت حد يعشج اكده ..نظرت اليه بحب ،،واني كمان عشجته موت ،،

كان ينظر اليها بعشق كيف تقف وتتباهي بحبه فاحتضنها امامهم ولم يخجل فهتف سعد واني اكده مطمن يا بتي ربنا يفرحكو يا بدار شيلها في عنيك الطيبه الاميره ،

هتف بدار ،لا مش في عيني في جلبي يا خال ،،ثم استاذن ورحل ووقف بدار ينظر اليها بعشق ،دجلبي انت والله يا شكران كلامك ده غالي عليا جوي ،

نظرت اليه بعشق ،،كلامي ده من جلبي طالع ،،اني شايفه العشج جواتك بيصرخ ليا وابقي ناكره لو ماجولتش اني بحس وحاسه ان حبيبي بقي ليا وبس واني ليه وبس وعيوني عاشجاه رفعت نفسها وقبلت خده ،،فاحتضنها وهمس ،.....شكران تعالي نطلع فوج ماجادرش عايز حبيبي ،

ضحكت ،....اختشي الناس جاعده هيجولو ايه ،،شدها وهتف .....هيجولو هبلتيه وماجادرش يتحمل تجريبا اني واخوي لسعنا ومعانا الحزين كرم تعالي بس ما هو حبيبي مايجوليش اكده ويفورني واسيبه ،،ضحكت وشدها للاعلي يسقيها من شقه .

  

ذهب بدر وصبا الفندق.... دخل الحجره حتي شهقت فالحجره مليءه بالورود والبالونات ظلت تنظر حولها فاحتضنها ،....بحبك وعاشجك .

همست .....انت عملت دا عشاني ،

همس ،،انت يتعملك الحلو كلو ،،ارتعشت بين يديه وهو يحتضنها بقوه ،،تنهد لساتك خايفه ،،،مسكها واجلسها ونزل علي ركبه وقبل يدها ،،،،هيروح والله هيروح عارفه يا جلبي بدر كان عباره عن حجر صوان يا جلب بدر مايعرفش الحب بيستعر َمنه ومتكبر عليه. شخصيتي كت واعره وصعبه اتربيت اخبي واجهر حالي لاجل عيلتي ماحدش يجربلها لو ظهر الحنيه اتاكل بين الناس .مره في التاتيه جيت ادور جواتي مالجيتش ليا جلب بيدج من اساسه.. حجره اللي يدعكها تجرح يده عايش عيشه حزن سواد من دي لدي مابحسش بجطر حنيه جواتي جاسي وفاجد وطايح راجل يجرف حاجه ماتتحبش ولا تتعاز .

لما وعيتلك وجلبي دج حسيت بمشاعر لاول مره عمري َماحسيتها حسيت بغيره عليكي عمري ماحسيتها .حسيت بخوف عمري مادخل جلبي.. جابلت كتير عمري ماخفت الا عليكي واحده واحده انفلج الحجر واندعس تحت رجلك .عارفه يوم المكالمه الغابره دي اول مره احس اني بحس من اساسه واتوجع كت موجوع علي وجعك اني وجعت حبيبي ماكنش هاممني وجعي كنت بتمزع ... كل اللي هاممني انتي ولما لجيتك بقيتي لراجل تاني حسيت بعصره اهنه ....مسك يدها ليضعها علي قلبه ...اهنه كان فيه كلبشه تموت .الحجر كان بيدعس بعضه كنه جطر والا ابور رمل بيندعس تحته واني من كتمتي كت هموت مابعرفش انطج ماتعودتش انطج ماتعودتش حد يطبطب عليا. كت بنزوي وابكي لاول مره بكيت لما وعيت انك بقيتي لراجل تاني بدر العابد دموعه نزلت مالحجاره انفلجت وطلع من جواها عشج اتحسر اني مش هديهولك والله ورحمه ابوي في تربته من يوميها مافكرت فيكي الا صبا وجلبك مافكرت اخد جتتك واصل كل تفكيري انت وبس جلبك وبس لتتنهد وتندس في احضانه قبل راسها...... لما اميمه انطخت حسيت اد ايه مانفعش حد اد ايه جليل بدر العابد سيد الناس بدر العابد السلطان في نفسه مايسواش خفت لاول مره اني اعيشك وجع تاني يوم مامشيتي نفسي راح ودنيتي اسودت. امي جالتلي سيبها تمشي عشان جلبك لما ينخلع صوح هتعرف انك ماهتعرفش تعيش وفعلا مت والله مت لتنزل دمعه لتسقط علي خدها لتبهت وترفع وجهها لتري دموعه لتضع يدها علي وجهه بدر انت بتبكي.

هتف..... ببكي علي حالي واللي عملته فيكي وفي نفسي. ببكي علي حسره جواتي مش عارف اداويها.. ببكي علي وجع اني عارف حبيبي بيحبني ومش جادر يجرب عشان وجعته وخايف مني ببكي علي حبي اللي طايح جواتي َمش عارف اخليكي تحسي بيا وباماني ببكي اني مش عارف اكون ليكي راجل صوح تنامي في حضنه.

ظلت تنظر اليه وتسيل دموعها لتهمس .....بدر انت ....انت اتغيرت قوي.

هتف.. لاه بدر الجديم راح بجرفه َمات وفرحان انه مات وجه مكانه بسببك بدر تاني كل امنيته ان حبيبه يحس بيه.. نفسي تحسي بيا يا جلب بدر.

تنهدت ونظرت اليه بحب لتهتف.. انا حاسه بيك يا بدر والله حاسه..

احس بقلبه يصرخ فهتف.. صبا انت بتجولي ايه..

لتقوم وتشده وتمسك يده لتضعها علي قلبها وتضع يدها علي قلبه.. كلامك طلع من هنا دخل هنا انا سمعتك وانت بتكلم شكران وانك هتعيش معايا من غير ماتلمسني.

اندفع..... يمين بالله لو العمر كله وانت في حضني ماهيهمني.

ابتسمت.... حاسه انك واحد تاني حاسه انك فعلا عايز تديني... صحيح اتوجعت منك بس مش هفضل عمري كله مقهوره اني بحبك وعايزاك ومش عارفه اقرب.. اقتربت وتضع راسها علي قلبه.. عايزه اقرب واحس باللي بيدق ده وافرح بيه وبس

هتف وحاوطها.... واني عهد عليا لاجرب واجرب وافضل جنبك لحد ماترضي اني بحبك وبموت فيكي ورايدك الف مره.

هتفت.... وهتفضل حبيبي طول عمرك والا هتقلبش تاني.

شدها..... ساعتها ادعي علي حالي ربنا ياخدني جبل ماوجع حبيبي.. اني منايا اخدك في حضني وبس احس بيكي وبس مش عايز حاجه تانيه لتحس بمشاعر تجتاحها لتهمس بدلال..بس مش عايز حاجه تانيه..

خفق قلبه فشدها.. يمين بالله عايز حاجات بس كاتمها جواتي لاجل حبيبي مايخاف مني.

هتفت بدلع..... لا ماتكتمش لتدفعه وتبتعد خجوله ليقف مبتسنا كالابله.

لتدخل هيا وتغير ملابسها وتتشج.. خلاص يا صبا حبيبك بقي ليكي افرحي واديله نفسك لتحس بخفقات في قلبها انها اخيرا تجاوزت ذلك الوجع وانها تريده زوجا لتغير وتلبس قميصا ابيضا شفاف ولبست برنسها خجلا لتخرج لتجد العامله تدخل الطعام وهو ينتظرها حتي تنتهي لتقف بجوار الباب تختئ حتي ترحل العامله لتجد الفتاه تهتف.. خلاص كده تمام مش عايز حاجه يا استاذ.. ليخرج مالا ويعطيها اياه لتلمس يده وتنظر اليه وتهتف انا موجوده اي وقت ناديلي.. 

لتندفع صبا بغيره نهشت قلبها. مين ده اللي هيناديلك يا زباله والله اطين عيشتك لتهجم عليها لتخاف الفتاه احتضنها بدر ليهتف خلاص خلاص اهدي.. 

صرخت.... سيبني اموتها السحليه دي عايزه ايه عايزاك تناديلها البجحه السافله اوعي البت دي لازم تترفد.

هتف..... خلاص روجي راحت لحالها.

وقفت غاضبه تاكل نفسها نظرت اليه..... بدر البت دي عجبتك.

تنهد بغلب.... احنا كنا في ايه وبتجولي ايه.

لتقف قطبه اقترب بحب.. عجبت ايه بس دا حبيبي هموت عليه دلوك مش جولتيلي ماكتمش حاسس اني هطرشج.

تنهدت وهتفت.. لا البت دي عكرت مزاجي يلا روح بقه نصيبه تشيلها لتستدير ليندفع ويشدها لينفتح حزام من برنسها ...لاحظ ماتلبش خفق قلبه ..... يا جلبك يا بدر وربنا جلبي هيجف اكده..

نظرت اليه..... ايه فيه ايه..

ابتسم يشدها...... فيه ايه دا فيه حلويات وفيه هنا وفرح دخل عليا بالكوم دا فيه جلب شاط وماجادرش يسكت

همست.... بدر بتقول ايه.

شدها يداعبها..... مش جولتيلي بطل كتمتك.

هتفت بخجل.... بطل.

هتف .....ابطل ايه بس.. دا حبيبي بينور اعملها ازاي.

هتفت.... بنور ....بدر انت بتقول ايه واوعي بقه انا جعانه 

وقف ينظر اليها بغلب لتقف تاكل ظل يتاملها بحب لتهتف تعالي كل مش هتاكل .اقترب ويحاوطها..... لاه اني رايد بس اشوف حبيبي بياكل وبس لتظل تاكل وهو كل حين يداعبها وياخد منها لتنتهي وتدخل الحمام لتخرج تفرك تحس بالخوف فقررت ان تنام ولا تخلع برنسها وترجع في كلامها لتذهب للفراش وتغطي نفسها ابتسم وهتف ايه يا روح بدر هتنامي اكده.

هتفت..... ايوه مش انت قلت عايزني جنبك وبس اهوه جنبك. اندس بجوارها ليهمس طب اخدك في حضني طيب.. لتندس في احضانه .شدد عليها..... حاسس اني ملكت الدنيا. ابتسمت .... انا حاسه بقه اني كت بحري وقلبي بيوجعني وبطلت جري.

هتف.... جلب حبيبي كان بيوجعه صوح ليمد يده ويتلمس قلبها ليهتف عهد عليا اداويه ولا يوم الا اكون ليه.

تنهدت وهتفت.... بدرقلبي بيدق انا بحبك قوي.

هتف بلوعه....طب اعمل ايه فيكي بروحك الجمر دي.

لتحاوطه وتهمس... حبني وبس قلبك ده ليا وبس.

هتف ،،،احبك بس دانا هغرجك حب ،

تنهدت وهمست دودي عايزه اعرف  يعني يعني...

فشدها اكثر.... جول يا واكل جلبي .

همست ..البت دي عجبتك .

قطب جبينه.... بت مين 

هتفت اللي كانت بتدلع عجبتك يعني عشان انت بتاع ستات وبديل قول ماتكدبش. 

ضحك هو بشده ،،،اني اه كت بديل. 

فهتفت .،ديل كبير يا خويا قادر انت كان يضحك فهتفت انت تقولي اتجوزت كام واحده واسمهم ايه ومنين ومعاك صور ليهم. 

قطب جبينه .،ايه ايه ليه كل ده. 

ابتعدت .،عشان لو قابلناهم اموتهم ولو بصتلهم اموتك انت اي لحظه هقوم مموتاك. 

ضحك هو واقترب .،طب مانا ميت في الجمر. 

هتفت .....بدر البت عجبتك قول والله مين احلي انا والا هيا. 

ضحك هو .،يا بت انت هبله هيا مين اني عيوني ماشافتش غيرك يا جلبي اللي هموت عليه 

ابتسمت سعيده ..،يعني هتموت عليا بجد وعايزني .

شدها اليه ،،داني هنجلط يمين الله وكاتم حالي عشانك. 

احمر وجهها خجلا ،،طب انا انا. 

رفع وجهها وهمس بعشق ....حبيبي راضي عني مش اكده .....فهزت راسها فهمس .....وعايزني مش اكده يا جلبي..... احنت راسها خجلا فرفع وجهها .،شايف في عيونك فرحي كله اقترب وقبلها وهام بها لتنكمش وتبتعد وهتفت .،بدر انا انا 

حاوطها من الخلف وهمس ايه جولي. 

انا خلاص مسمحاك وعايزاك حبيبي شدد علي وسطها ودفس راسه في شعرها ولا ينطق كان يشعر ان قلبه سينفلق. اخيرا نال رضي حبيبته .ادارها وهيا تفرك بشده خجلا وهو ياكلها بعينيه وصدره يصرخ ..حبيبي رايدني صوح اني في فرح مش جادر عليه مسك وجهها وهمس يعني حبيبي هيبقي ليا دلوك ..

احست برهبه وخوف اندفعت واحتضنته وهمست يعني يعني اه بس مش قوي .

قطب جبينه .،اه بس مش جوي اللي هو كيف ..مسكته وذهبت به اللي الفراش وهتفت نام كده قطب جبينه 

فهتفت .،بدررر اسمع الكلام. 

تنهد وامتثل لها ونام فهتفت ....غمض عنيك بقه .

فاغمض عينيه ظل يترقب ماذا تنوي فاحس بها علي صدره تهمس ايوه كده احنا اهوه رايقين ومتصالحين لتقبل خده وتهمس تصبح علي خير يا عشق صبا واندست اكثر وكلبشت فيه فقطب جبينه وفتح عيونه فهتف ..انت بتعملي ايه يا جلب بدر 

همست ..هنام متصالحين مش عايز كده. 

ضحك هو ..انت هبله يا جلبي انا اه عايز مصالحه بس مصالحه البدر غير يا مري داني البدر باينك هبله لينقلب فتشهق .،ايه ايه اوعي غمض ونام .

ضحك هو.... لا هنام بس مش اكده ارتعشت هيا .،بدر بطل اوعي كده انت بطل تبصلي كده. 

هتف ضاحكا .....ابص ازاي يا جلبي. 

هتفت بخجل .....بطل ايه بتبص قله ادب عيب احترمني بقه انا بتكسف .

انطلق ضاحكا..... .،لا ماحبيبي جال انه رايدني ومتصالح يسكت بقه عشان انا هصالح واطلع فيه عشجي اللي هري جلبي من كتمته. 

حاولت ان تبتعد فمسكها رفعت يدها برجاء.... طب استني طيب اصل اصل اه جعانه. 

ضحك .....لاه انت لسه واكله. 

هتفت ..اه وبطني بتوجعني هخش الحمام قامت فشدها فدفعته بدر عيب بقه نام مؤدب قام ونظر اليها برغبه فادحه فهتف ...لاه بدر جله ادبه خرجت لوحدها من ساعه ماحبيبه جال رايد ماتسيبني يا جمر اخد جلبي.

همست بخوف ...طب طب اديني فرصه انا انا اه ماجبتش حاجه بتاعه عرايس كلها هناك في الشنط شوفت بقه يلا روح نام ولما نروح هلبسلك عروسه كانت تقف تفرك وهو يقترب وعيونه تشع رغبه فاضحه فرفعت يدها ..لا لا بطل اوعي ارجع زي ماكت انت قلبت قليل الادب ليه كده... اقترب اكثر فهمت ان تهرب فاندفع وحملها فصرخت .،بدر بطل ..همس بقربها ..بطلي انت اني خلاص حبيبي هيبقي ليا.

هتفت.... اوعي انا مالبستش عروسه .

مد يده الي برنسها وهتف..... واللي بينور جوه ده ايه .

فصرخت وتململت .،لا لا ده عشان ...عشان،،،

شدها وداعبها بحنان ..ده عشاني صوح يا جلب بدر .

همست ..بس بس ...،همست بخوف.... بدر انا خايفه.

احس بخوفها ليدور بها وهمس حبيبي يخاف وهو بين يدي داني اجطع حالي عشانك ليريحها عالفراش فهمست خايفه خالص اقترب منها وهمس ..بدر هيخليكي تنسي اي خوف حبيبه عيونه بس تشع حب وبس سعاده وبس انما خوف لاه ولا يوم هيحصل يا جلب بدر اغمضت عيونها ..همس بجوار اذنها ..بدر حبيبك حاسس ان الدنيا بين يده دلوك جلبك بيدج تحت جلبي بيحيني فتحي عيونك وشوفي بدر عيونه بتجول ايه....... فتحت عيونها لتجد نظرات العشق تصرخ....... لسه حاسه بخوف كان يتلمسها بحنان لتغمض عيونها وتحس به وبانفاسه لتذوب وتذوب فهمس صبا للبدر روحه صبا نواره جلب البدر العاشج والله عاشج يا جلب بدر اقترب ويذوب البدر وتذوب معه اي اوجاع وتتفتت حجاره البدر اخير علي صخره الحب التي تنهال عليها اعتي القلوب الناشفه ..لتبدا حياه جديده لذلك البدر وحبيبته مناره بين يديه تشع عشقا ليصبح ابن العابد عاشق يفخر بذلك العشق بعد ان كان له مذله وعار .

استيقظت صبا وجدت نفسها بين احضان ذلك العاشق الذي الهبها حبا واعاد اليها النفس نظرت اليه ورجف قلبها فقد امتلكها حبيبها شعرت برهبه ولكنها ازالتها وقبلت خده وقامت واتجهت للحمام ظلت بالداخل لا تعلم هل داخلها ارتاح ام ان بدر بعد ان امتلكها له راي اخر تنهدت وخرجت ووقفت في الشرفه ساهمه ،،يا تري هيحس بايه يا صبا بعد مابقيتي ليه ،

انتفضت عندما همس وحاوطها ،....حاسس اني طلت السما حاسس اني كملت وبقيت واحد تاني حاسس ان جلبي بيدج كيف الطبل .

نظرت اليه بعشق ......بدر انا انا ،،

همس بحب ،،انت ايه يا جلب بدر انت نور عيوني انت فرحي اللي خدته .

همست بخجل ،،خدته خلاص يعني ،

ابتسم وهتف ،،ايوه خدته وبقي ليا حبيبي العمر كله مفرحني وهيفرحني ،

همست ،،يعني يعني مش بعد اللي حصل يعني ،،احنت راسها خجلا .

هتف ،،جصدك بعد مابجيتي بتاعتي بدر يتغير يا مري ،داني اتمسيت امبارح وحاسس ان حبيبي عايزه كل دجيجه وكل ثانيه جربك دلوك بيكويني ورايدك الف مره ،،

عارفه يا جلب بدر اني ماكتش عايش كت اخد المره من اهنه واحس بجرف اه والله اجرف منها وماطيجهاش واخرها سبوع ،،كت بحس انها جته رخيصه مش غاليه اني ماكتش بجبر حد عمري ولا كت اجهر حد اني كت عاجل وعارف ان اللي رايده جلب ببعد عنيها مهما كت عايزها الا انت كت رايده جلب وماجدرتش اساسا ابعد ولا افكر ابعد كت حابب اللي انا فيه كت حابب اخش ده كت حابب اتحددت معاكي عمري ماتحددت مع مره عرفتها يا دوب اجابلها نتفج واكمل حزن من اللي كت بعمله الا انت لو جعدت ساعات اتكلم كت ببقي مهبول من الفرحه ،،بدر اتغير ونضف حاسس ان ربنا بيحبني دعا امي ليا كت دايما اسمعها تجول يا رب خف حجارته وابعتله اللي تدعس جسوه جلبه امي صالحه وابوي كان راجل صالح مايستحجوش خلفه بالشكل ده وعيت ان الجلب له جيمه وجدر واني ليا جلب كمان لما وعبت ان ليا جلب بقيت حد تاني رايد اجول للعالم بدر بقي بيحس بدر بقي بني ادم والله بني ادم علي يدك جلبي اتملا تجولي لو خدتك طب سيبيني اخدك الف مره رايده تحوشي نفسك وتهبليني اعمليها ماعادت تفرج انت بس اجعد جصادك ابصلك واتملي بيكي يا جلبي ،

نظرت اليه بعشق ،،قلبي بيدق جامد يا بدر مش مصدقه انت بقيت حد تاني انت كنت تخوف في القسوه حتي لما قلتلي عايزني العمر كله كان جواك حاجه كده نشفه ماكنتش شايفه اللين ده جواك ،،

شدها وختف تعالي ،،ذهب للي شنطته واخرج علبه وجدت سلسله من الفضه مربعه كقالب قطبت جبينها فهتفت ،،ايه ده ،،

هتف افتحيها اكده فتحت القالب كان صغيرا لترتجف فبداخلها قلبها التي اعطته لها عندما تركته اول مره شهقت ونظرت اليه ايه ده انت انت ،،

مسك يدها وملس علي القلب وقلبه ..ده كان بتاع ابوكي وجولتيلي اديتك روحي ،،واني من ساعتها مابيفارجنيش عملتله اطار فضه اخبيه وكتبت عليه روحي من بره ،،ومن جوه كتبت عالجلب صبا ،،وحطيتك جواه وعاهدت روحي اني هلبسه لما ترديلي روحي وتبقي ليا بتاعتي ،

سالت دموعها ونظرت اليه بعدم تصديق ،،انت هتلبس دي ليا انا ،

هتف ،،،خايفه الناس تتمجلت عليا اني ماعاش يهمني الا انت وبس هلبسها واتباها بيها واحطها علي جلبي واللي يسالني ايه ده هجلوه روحي جواها لو راحت مني اموت ،،انت ردتيلي روحي امبارح لما ادتيلي حالك ،مش عشان خدتك مرتي لاه عشان امنتي ليا ورجع نور عيونك ولمعتهم عشان حسيت ان صبا امانها اني ودنيتها اني المره ماتديش حالها لراجل الا لللي عشجاه ورايداه عمرها سندها وونسها ...ادم ركن لستنا حوا وهيا ادته نفسها عشان ماكنش فيه غيره هو ليها وبس اني حسيت اني ادم ليكي ربنا تاب عليا كنت جرف وواغش وجوايا جهر كنت متعبي حجاره امبارح حسيت اد ايه الحب حلو واللين حلو ليه مانلينش لجلبنا ليه ماناخدش حبنا ونصرخ بيه لا هو عيبه ولا حرام ،ربنا اداني جلب ليه اهينه .اهانه الجلب الجسوه وان الجلب تلمسه تنشف وتنشف اللي حواليك ربنا ادانا نعم ناخدها ليه لاه مامتخيلش لو كتي رمحتي والشيطان ساجك واتجوزتي خالد كان حالي هيبقي ايه مسك قلبه بالم حاسس بسلخه تجهر مامتخيلش اني كت ليه اكده طيب ايه الخلجه دي سبحان مغير الجلوب ،،نومتك في حضتي دنيا وجبتلي دنيا رايد اجيب عيال تربيهم عالحنيه تربيهم يعرفو جصتنا وازاي الجلب بيسعد بحب حبيبه والله رايد اجول للخلج كت ايه وبجيت ايه ،بس خايف من عيونهم يحسدو العشج ده ماني ماخابرش ان ممكن يكون حد بيعشج اكده ،،

تنهدت وهمست .....وانا من فرحتي نفسي اغرقك حب والله نفسي اعيشك دنيه تانيه بحمد ربنا اني رجعت معاك كنت هعيش ازاي بحمد ربنا انك دخلت حياتي اه اتوجعت بس الاخر خدت عشق ماحدش خده ،الله يرحمك يا تيته كانت حاسه بيك وقالتلي بدر عاشق ويستحق .انت تستحق ارجعلك انت تستحق اسامح وانسي انت تستحق اكون معاك انت تستحق اديك عشقي لانك بقيت حد تاني ،،خوفي راح وجه مكانه امان الدنيا نفسي اجبلك ولاد ياخدو حبك يبقو زيك لانك اتخلقت من جديد حد تاني هعيش حبيبه واموت حبيبه ولحد ما ربنا ياخد نفسي انت اماني انت اللي حضنه مكاني وبس وماعايزاش الا هو وبس . شدها اليه واحتضنها بقوه ،،همست اليه عاشقه ،،نفسي اسقيك من عشق صبا لان عشق صبا غير ..

ابتسم وحاوطها وهمس ..وعشان هو غير بدر بقي غير يا جلب بدر ،،مسك السلسله واعطاها اياها ..ابتسمت والبستها اياها وظلت تتلمسها علي صدره بحنان اقتربت وقبلتها ولمست صدره احس بدقاته تشتعل نظرت للقالب وملست عليه ،،نامي يا صبا وارتاحي نامي بامان انت جوا البدر نامي روحك محوطاكي لا عاد فيه خوف ولا عاد فيه وجع ،روحك لفاكي بالفضه بتلمع علي صدر حبيبك روحك رجعتلك بلمعتها لمعه عيونك. قلبي بيصرخ ويدق ماهو حبيبي حطني في قلبه وعلي قلبه كانت تلمس صدره وتهمس روح بدر انا خلاص بقيت روح بدر ماعاش حاجه تانيه ياخدني الف مره وهفضل روحي يشبع وهشبعه مني وهفضل روحه ،ماللي يتغطي بقالب الحب والروح يفضل حبيب نظرت اليه لتجده دامعا حاوطته فشدها اليه لتشب اليه فرفعها فقبلت عيونه ،عيون حبيبي دي شايفاني بعين تانيه خضارهم بقي يلهب قلبي حاسه بعيونك قوي ونفسي اتوه فيهم وبس وافضل بصالك عمري كله قبلت عيونه ولمستهم بشفايها ليكلبش فيها اكثر .

همس ....صبا ماعتش جادر حاسس اني هموت من عشجي ليكي ايه ده مامصدجش جوايا بينحر عايز اهجم عليكي اخلص عليكي عشجي كله .

داعبت وجهه وهمست وانا عايزه حبيبي زي ماهو عايزني وفرحانه انه مهما كنت معاه لسه حبه مشعلل جواه ،وعشان كده عهد عليا لاسعدك سعاده علي قد حبك ليا واقتربت وقبلت شفتاه ....

همس بعشق وقلبه يصرخ من غليانه ،،،واني حبي ليك روح وحياه روح البدر انت مالكاها والله مالكها لم يعد يحتمل فشدها لينهال عليها بعشق ويتوها معا كل للاخر روح فهو السند والرفيق والنفس وهيا القلب واللين والعشق ليتوها ويتوها ويتفصلا عن العالم لتمر سنين البدر مهما مرت لا يشبع من حبيبته ترك عشق الجسد واصابه عشق الروح فعشق الروح ابد مهما مر عليه يبقي ويبقي .

في بيت العابد اصبح حال غير الحال..وقفت بهيه تري اولادها التي تعبت عليهم لتذهب الي قبر زوجها وتجثو عليه وتنزل دموعها رضا وحب ..،جايالك يا جلب بهيه اطمنك علي ولادك .كان بيت متعبي حجاره ربك جادر يفتتها ماعملك الصالح جعد لعيالك وجابلهم اللي يفتت جلوبهم مامصدجاش ان ولادي جلوبهم دجت والعشج اتغرز جواتهم افرح يا عابد بولاد العابد اني اهه لو ربنا خد انفاسي هكون راضيه عشان سايبه في بيت العابد جلوب مش حجاره وصنم وتعبي في الدنيا وترملي عليهم مارحش هدر .ربك كريم يا عابد واجفه فرحانه بجلب ولادي عايزه اجف واصرخ ان جلب الحجر دج يا فرحك يا بهيه اصنامك وخلفتك اللي كات سواد انجلب الفرح ودخل الدار هجعد عمري كله اشكر ربنا علي صبايا الخير اللي جابولي جلوب ولادي من عالجبل كت متشاله ليهم اصنام واجفه جت كل صبيه ملست عليهم وجلبتهم حنيه وطيبه ومراعيه عيون ولادي تاخد العجل .العشج لاح يا عابد عشج مابعده عشج .،وخصوصا البدر اللي بقي حاجه تاخد العجل .بدر العابد جلبه دج يا عابد ...كت دعوتي دايما يا رب هاتله اللي يفلج جلبه ويهيل حجره تعالي شوف فرحي ببدر ما مصدجاش.الجلب انفلج وخرج عشج السنين ،،عيون البدر بتصرخ بالعشج ،،ربنا جاب لين ولدي وزرعه كوم حنيه علي جد تعبي ربنا اداني وفرحني ،،بدر يتكتب فيه اشعار يا عابد .. احمدك يا رب انك رجعتلي ولادي وهفضل لحد ماتاخد انفاسي اشكر ربنا علي جلوب اتعبت عشج وفرح .

فكرم ابن الشواتفه الذي كان يحترق بالتار ويكره صنف جنس العابد دخلت عليه جميلته لتفتت اي عنفوان وغل .،غل النفس لانهاء حياه الغير عين بعين وراس براس ولكن ما ان لمحت العين عشق اتي له عنوه وجبر حتي انغرز الحب في ذلك الكرم ليصبح كرما من وسع يصب عليها عشقا ليداوي التار والنزعه الغادره ولم يعد هناك شواتفه ولا عبابده فهناك الضلع والسكن كرم واميمه بنت العابد عاشقه لابن الشواتفه وابن الشواتفه متيم ببنت العابد.تلاحما وزالت العائلات وبقي قلب العائله النابض وزاد عليه نسل ربط العاشق بالمعشوق ربط نسلا كان الغل يعشش بداخله لياتي العشق ليفجر مابداخل القلوب ويهيل ويدعس ويصعد بالحبيب لدنيا العشق.. ليعيشا معا كل في عشق ولا يوم ياتي بينهم غل بسبب الضغينه بين العاءلتين 

وهناك بدار الذي جنح قلبه كان لينا لياتي الغدر اليه ليتحجر قلبه ويخاف عليه ليتشح بحجار اتت من وجع ولكن القلب بين يدي الرحمن يشاء الله ان يعاود القلب نابضا يعود الي فطرته الحب والحنيه فشكران احن خلق الله جميله في كل شي وحنيتها طاغيه لتلمس قلب بدار وتهيل ما بداخله وتدخل وتخطي ذلك القلب وتنام بداخله لينشع ذلك القلب من حبها ويفيض ليمتلئ قلب بدار عن اخره ويدرك ان حنيته لتلك الجميله قدر عليه وان بدار استعاد روحه الشارده اخير التي جنحت من الوجع لتعود ايضا من الوجع ولكن وجعا اخر وجع ادرك فيه ان بعد حبيبه سينهي عليه. ان بعد حبيبه موت واخذ نفس ليعود ويقتل حاله ليزيح مابقلبه من حجاره يرميهم تحت قدم تلك الجميله عاشقا لها تنور دنياه للابد.

واخيرا انه العشق ،،عشق الروح ،،عشق لاح في الافق سطر علي صخره العشاق حكايه عاشق تاه في دنيا الجسد ..عاشق تاه وتاه وتاه ولكن ......اخيرا  رجع البدر من حيث لا ندري .،بدر العابد سيد الناس .بدر العابد غول العبابده رجع بعد ان جنح وجنح وربما فجر في الجنوح ليلتقي بانثاه التي قدرت له .،فابن ادم له نصفه مهما سعي .ابن ادم يمشي دائما ناقصا ضلعا هو ضلع السكن والونس. لم يعلم ابن العابد ان ضلوعه ناقصه فكانت ضلوعه مليءه بالحجار قدت من حديد قابل اضلعا اشكال والوان ولم تلمس داخله . فسبحان الله مقدر له منذ الازل ضلعه الذي سيصيب  لياتي ذلك الضلع ويذيح كل ما وقف امامه اتت تلك الجميله لتاخذ مكانها بين اضلع ابن العابد تسللت بهدوء وتربعت وخطت بداخله والتأم الضلع الشارد بالضلوع المتحجره لتتحول الي هلام ويصبح واحدا من الاضلع ويبدا القلب في ضخ شريان الحياه لبقيه الاضلع شريان الحب ،،حب ابن العابد لتلك الجميله حب ظنه عار وضعف حب جنح وبعد عنه بل واحتقره .لم يعترف بالحب لم يثق في اي انثي او ان يراها بعينيه لتاتي الصبا برحيقها لتنشر في قلبه العشق ،،،انه العشق يا ساده مناره القلوب ونبض القلب الحي كن عاشقا فستحيا بقلب يشع نورا ..رفض ابن العابد الحب فاتاه عنوه اتاه ليدرك فجاه ان بزوال ذلك الحب ينهار البدر من سماءه بعد ان كان مناره في السماء يقف وحيدا لتزيل الشمس التي كانت تضيءه لتكلبش الظلمه في حجاره البدر وتصبح ارض البدر بورا انشف من الحجر ليدرك ان خلعه القلب سببها عشق لو زال سيموت البدر ويتحول الي جثه لينتفض ويعي ان الله جعل له نصفا ليس له مكانا اخر الا ضلع البدر ..كان البدر متشحا بالحجاره قلبا وقالبا سعيد بحجارته بل ويفتخر انه اشد من الحجاره لتاتي نسمه من الرحمن  بدعوه ام صالحه وقلب حبيبه عاشقه،لمسه علي قلب العابد لمسه ألانت الحديد ونزلت علي الحجر فتته ،،هال الحجر وتفتت وكلما تفتت نبض قلبه ووعي ان الحب قدر الحب عيشه الحب فطره من الله واننا ما ان نعود لفطرتنا نسعد بما لدينا لينفض حجارته وتصبح فتاتا ويضعهم تحت رجل حبيبته فالبدر سيد وعالي لتنهار الحجار وتصبح درجا تشكلت من داخل قلبه لحبيبه قلبه. اهالها تحت قدميها وشكلها كيفما ارادت هيا لتخطي عليها الصبا وكلما خطت ناحيه البدر ينير كلما صعدت ناحيه البدر يعلو ويشع ضوءا ويصبح نورا عن حق ،فالعشق يا ساده حياه وتفتيت لحجاره النفس ليقف اخير البدر ودق قلب الحجر الصوان دق القلب وانار قلبا اخر عاشقا يذوب الضلع في الضلع ويصبح السكن والمأوي فانت القوام ونحن القوارير .،خلق الرجل ليكون قواما بنفسه لا بتجبره هو السكن والماوي هو العاشق المحب والانثي هيا الحنان واللين اذا جنحت من حياته يذهب لينك وتقسو سريرتك .،فهنييا لك يا بدر بقلب ينبض وتعود فطره الخالق فطره البدر العاشق لجميلته التي اعدت له الحياه .دخل السرور علي تلك العائله وتشع سعاده ويسمع الكل دقات عاليه انها دقات القلوب العاشقه..دقات قلوب هامت لتلتقي بالحبوب ،،، وهنا نقول واخير فقد دق قلب الحجر ،

 🌹 🌹🌹🌹🌹🌹🌹🌹🌹🌹🌹🌹🌹🌹🌹

         💚 مرحبا بكم ضيوفنا الكرام 💚

هنا في كرنفال الروايات ستجد كل ما هوا جديد

 حصري ورومانسى وشيق فقط ابحث من جوجل باسم 

الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار

 بكل ما هوه جديد من اللينك الظاهر امامك        

  🌹🌹🌹🌹 🌹🌹🌹🌹🌹🌹🌹🌹🌹🌹🌹

                    تمت بحمد الله 

لقراءة باقي الفصول من هنا

تعديل المقال