![](https://blogger.googleusercontent.com/img/b/R29vZ2xl/AVvXsEiHqgZXoGgPgwQEkfHT_4YtvymOHXgixUtyj0ajIOk41Vs3jigKfWUrAol6QW4zq8Vnd8noepPEv7bbgkaCvrj5w-d8W3nh72qVAOFGSPKg365BEy_zacpZTL-Lco8rwD9oEGJEAcVyN7_H35OYz6i3MeB-icGyQCe3bqAWydY2zsT3bRBTZvPJhN_-oUfP/s320-rw/FB_IMG_1706561198234.jpg)
رواية قلوب ارهقها نبضها الفصل الثامن والعشرون28والتاسع والعشرون29بقلم نرمين قدري
فاطمة يا ولاد ال.. ماشي يابنت كلاف البهايم يا انا يا انتي و حيات ولادي ما انتي مطوله هنا يومك قرب قوي يا بنت كلاف البهايم يا انا يا انتي و هتشوفي فاطمة هتعمل ايه فيكي بس الصبر حلو كله بالصبر يا مسك الزفت وحيات عيالي لا اطلعك من هنا تكلمي نفسك وبكرة تقولي فاطمة قالت
طلعت مسك علي فوق بدون أن تتكلم مع أي حد لامحها بيجاد وهي طالعة علي فوق بعصبية
وشاف ندي و هي خارجة من المطبخ و عمالة تضحك قرب بيجاد من ندي وقال
- انتم اتجننتم صح مسك طالعة متعصبة وانتي خارجة من المطبخ ميته من الضحك في ايه
قربت ندي منه خش ارمي نظرة علي المطبخ بس براحة مد بيجاد راسة من باب المطبخ وفجاءة انفجر من الضحك مقدرش يتحكم في نفسة كانت فاطمة من راسها لرجليها كلها ملوخية
التفت فاطمة ناحية صوت بيجاد وهو بيضحك وقالت بغضب شديد:
بيجاد عجبك اللي مراتك عملته ده اقسم بالله ما هعديهلها بس الصبر حلو انا هوريها فاطمة ممكن تعمل ايه
بيجاد/فاطمة اتكلمي عدل يعني ايه مش هتعديهلها
فاطمة / يعني انت عاجبك اللي عملته فيا ده
ندي/ انتي اللي استفزتيها يا فاطمة بكلامك وكنتي شايفة شكلها انها كانت متعصبة وعلي آخرها بس انتي فاضلتي تستفزني فيها بردو خلاص بقى اخدتي نصيبك انتي اللي. جبتية لنفسك من الاخر كده
بيجاد /خلاص بقي طلما انتي اللي غلطتي ما ترجعيش تشتكي
فاطمة / هنشوف الكلام ده يرضي أبا الحاج و لا لاء
بيجاد/ بطلي بقا هيافا اوف
ونظر لندي وغمز لها بس المهم يعني احنا هناكل ايه الملوخية كده بح في اكل و لا اجيب رغيف و اغمس من علي فاطمة
ندي هتموت من ضحك دخل امجد خير ايه الصهله دي صوتك مسمع لآخر ... وقطع كلامة سلاما قولا من رب رحيم ايه الشيء ده مين دي
ندي خلاص مش قادرة وقعت علي الأرض من كتر الضحك
بيجاد/ ماتاخدش في بالك دي فاطمة بلملوخية
امجد /مافهمتش بردو يعني بدل الارانب بلمولخية كده
بيجاد / مافهمتش ايه فاطمة بس عاملة ماسك ملوخية مافهومة اهيه
امجد /اااه ماسك ملوخية وده بيجلب الحبيب و لا بيعمل ايه
ندي /كفايا بقي هموت من الضحك
فاطمة وقد تملكها غضب السنين وبصوت عالي/
ااايه بس خلاص خلصنا بقااا بس يكون في علمك يا بيجاد مش هعديها لمرأتك بس انا قرصتي و القبر يا بيجاد
بيجاد أدار لها ظهرة كأن لأحد يتحدث و نظر لندي
بيجاد /ندي اطلعي لمسك علشان زعلانه مني طيبي خاطرها
ندي / اخدت بالي وهي في المطبخ كانت متعصبة جدااا والدموع في عينها هو ايه اللي حصل مزعلها قوي كده
بيجاد/ اصل مسك عاوزه تخش امتحانات السنه دي وانا مش عاوز
ندي /برافوا عليها بيعجبني أسرارها جدا رغم الظروف اللي بتمر بيها مافيش حاجة بتوقفها عن مستقبلها
بيجاد/ و انا اللي كنت متعشم تطلعي تعقليها و تقنعيها تأجل السنة دي
ندي/ بتعجب اعقلها عن ايه يا بيجاد انت عارف. مسك عملت ايه علشان توصل لكده ولا ايه اللي عاشته علشان توصل لاخر سنة عاوزني بعد كل ده اروح اقولها ارمي كل سنين العذاب دي ورا ضهرك و ما تخشيش الامتحان انت بتهزر مش من حق أي حد مهما كان يحرمها من حلمها ده
انت جربت يعني ايه في عز البرد تطلع على السطح تذاكر علشان محدش يحس بيك وأنها تحرم نفسها من كل حاجة علشان تشتري كتاب او انك تتزلل لصديق علشان مرجع أو مذكرة علشان مش معاك فلوس تاخد قرص في الماده جربت احساس انك تجيب مجموع كلية هندسة و تتنازل و تخش تجارة علشان الظروف اجبرتك علي كده حسيت مدي القهر اللي عاشته و انت عاوز بكل بساطة هي تتنازل علي كده بسهولة لا يا بيجاد ما تبقاش اناني انا عارفة انك بتحب مسك و خايف عليها بس اللي انت هتعملوا فيها هيموتها من جوا بلاش علشان خاطري سبها تخش الامتحانات ايه اللي هيحصل
قال بيجاد متحيرا ؛
انا خايف عليها تتعب في اللجنه و لا يحصلها حاجة لقدر الله
امجد/يعني اللجنه دي في صحرا يا بيجاد ماهي هتبقي وسط ناس وانت استناها تحت لو اقدر الله حصل اي حاجة هتقدر تلحقها
بيجاد/ انتم ده رايكم شايفين كده
ندي /طبعا هو ده الصح حرام عليك لما بعد التعب ده كله تحرمها من أبسط حقوقها
بيجاد / ماشي يا جماعة ربنا يخليكم ليا أنا هطلع أراضيها وانتي يا ندي شوفلنا حاجة نأكلها بدل ملوخية
ندي / هههههههههههه ماشي
طلع بيجاد فتح باب الغرفه ودخل وجدها تجلس و قد تركت لدموعها العنان فكانت تبكي بشده
اقترب منها بيجاد وقال بحنان وقد نغزه قلبه علي حالتها / مسكي قلبي خلاص بقا علشان خاطر بيجو حبيبك بقا
رفعت مسك عينيها ونظرت له و ولم تجب عليه
جذبها بيجاد لحضنة وقال وهي يربت عليها بحنان :
حقك عليا يا قلب بيجاد من جوا يا روح بيجاد خلاص يا قلبي انا وافقت تخشي الامتحانات
قات مسك بصوت منهك من كثره البكاء
بجد وافقت اخش الامتحانات
بيجاد/ اه بس بشرط
مسك / وانا موافقة علية
بيجاد/ مش لما تعرفي ايه هوا شرط يمكن ما يعجبكيش
مسك/ انا موافقة علي اي حاجة تخليني ما تخلاش عن الحلم اللي قاعدت عمر بحاله احارب علشانه حتى لو هاكل مع فاطمة في طبق واحد هتنازل و اعملها
بيجاد/و انا استحالة اخليكي تتنازلي عن حلمك ده ومش هقبل غير بامتياز فاهمة
حضنته مسك جامد ودفنت وشها في صدره
مسك / انا بحبك قوي قوي يا بيجو بجد بحبك بعشقك
طلعها بيجاد من حضنة الا قوليلي صحيح ايه اللي عملتي في فاطمة ده منظرها كان مسخره
مسك / يلا رزقها بقي هي اللي لعبت في عداد عمرها بنت حلال و تستاهل اللي جرالها شخصية مستفزه علشان تحرم تستفزني تاني معرفش ماجد استحملها كل ده ازاي
بيجاد/ هههههههههههه هههههههههههه بس شكلها مسخرة و البت ندي مافصلتش ضحك عليها وقاعدت تصورها والتانبة تتنطط زي الكره الكفر فاتك تشوفي المنظر
خبط الباب ودخلت ندي
ندي/ ابتسمت لما شافت وش مسك وعرفت أن بيجاد راضها
ندى/ يلا الغدا جهز انزلوا بقا
بيحاد/ ايه عرفتي تلمي الملوخيه من علي فاطمة
ندي /هههههههههههه لا عملتكم بامية
بيجاد/ نزلين حالا وراكي
ندي /لا يلا قدامي بقي أنا حموت من جوع انا حامل يا ناس
مسك /هههههههههههه يلا يا بيجو بقا
نزلوا كلهم سوا وهما بيضحكوا كل ما يفتكروا شكل فاطمة
اشجان/ خير يا اولاد ما ضحكونا معاكم في ايه ربنا يسعد ايامكم يارب
امجد / مافيش يا امي كل خير بس بيجاد كان مزعل مسك و بيصالحها
جلسوا كلهم علي سفرا ومش قادرين يرفعوا عنيهم علي فاطمة و كاتمين الضحك
فاطمة بتستحلف ليهم من جواها و الغيظ هيموتها
محمود / شكلك عامل كده يا فاطمة
بيجاد. سبق قبلها :
هو انت ما عرفتش يا حاج اصل فاطمة وهي في مطبخ اتزخلقت و حلة الملوخيه وقعت عليها
محمود / اخدت الشر وراحت
امجد/ بضحك مكتوم مين فاطمة
محمود / فاطمة مين حلة الملوخيه
و في اسكندريه
عطر / محمد انا عاوز.ه اروح لدكتور علشان اعرف اتاخرنا ليه
محمد باستغراب / اتاخرنا علي ايه مش فاهم
عطر/حيكون علي ايه علي الحمل طبعا انت مش واخد بالك ولا ايه
محمد/ افندم هو مين اللي اتاخر انتي عارفه احنا بقلنا اد ايه متجوزين
عطر/ عارفه عارفه احنا داخلين علي اربع شهور متجوزين وما حصلش حمل انا خايفة لأكون مش بخلف
محمد / لا حولا ولا قوه الا بالله انتي مجنونه يا بنتي من أربع شهور يبقي اتاخرنا استهدي بالله وخشي ذاكري امتحاناتك خلاص قربت
عطر / محمد انت هتتجوز عليا صح علشان انا مش بخلف قولي ونبي انا مش هستحمل تعمل معايا كده
محمد/ عطر هي الحالة جت صح اتجوز عليكي ايه يا هبله قبل ما تكوني مراتي انتي بنت عمي وبنت عمري وحببتي انا اللي ماربيكي علي ايدي يا عطري انتي حلم حياتي ياما كنت بحلم أمتي هيجي اليوم اللي يجمعني بيكي تحت سقف واحد يا عطر انا بحبك حتي لو ربنا ما كرمناش و ما اردش لنا الخلفة من اصله هنرضي بقضاء ربنا واعيش معاكي العمر كله
عطر / بعياط هو ممكن ما جبش عيال خالص صح انا اكيد مش بخلف
محمد / الله ما طولك ياروح يا بت أنا بقول لنفرض هنعترض علي حكمة ربنا و لا ايه انهدي بقي و اعقلي كده و استهدي بالله خشي صلي وادعي ربنا يكرمك
عطر / يعني انت هتفضل تحبني يا محمد العمر كله
محمد /عمري كله فداكي يا عطر انتي بنت قلبي وحب طفوله وحب عمري ربنا يباركلي فيكي يا حبيبتي
وعند العرسان نزلوا كلهم يفطروا برا وهما مبسوطين جدا واخدوا كتير من الصور. الذكري
قاعدت مروة علي بحر تبعت الصور لمسك وندي
يوسف / حبيب قلبي بيعمل ايه
مروة / ببعت الصور علي تليفون مسك علشان يتفرجوا عليها
ماجد تعالو بقي هنا قاعدين عندكم بتعملوا ايه
وفجأة رن تليفون ماجد
ماجد/ الو أيوة يا بيجو. ايه الوضع عندك أبوك هدا
بيحاد/يعني بس مش عاوز يسمع سيرة مروة خالص ومراتك الصراحة إشعال ذاتي ما تتوصاش عماله تشعللها
ماجد / انت هتقولي ربنا يهدلها نفسها
والتفت ماجد وهند و يوسف علي صوت ضحك مروة بصوت عالي
هند / في ايه ما ضحكيني معاكي
مروه/ ماجد تعالي كده اتفرج
ماجد ثواني يا بيجو لما اشوف المفعوصة عاوزه ايه عمالة تضحك شكل الجواز جنها
راح ماجد عندها خير يا بنتي في ايه
فرجته علي صورة فاطمة بلمولوخيه ندي صورتها وبعتتهلها
ماجد/ينهار اسود ايه اللي عمل فيها كده
مروة / زي عادتها استفزت مسك و حظها الاسود أن مسك كانت متخانقة مع بيجاد و متعصبة جدااا
ماجد / هههههههههههه احسن بس فاطمة مش هتعديها لمسك خالي بالك
بيجاد / هههههههههههه هي الصورة وصلتلكم ندي دي مشكله و فاطمة تعمل اللي تعملة بقا المهم انكم كويسين واختك عاملة ايه مبسوطه
ماجد/ اه جدا الحمد لله
بيحاد /ربنا يسعدها
وفي البلد قاعده مسك وندي جانب بعض بيتفرجوا علي الصور اللي بعتها مروة و مع صور صورة لماجد وهند
ندي ومسك باصوا لبعض ولونهم اتغير
لاحظت فاطمة تغير و شهم كانت هتموت وتتفرج علي صور
مسك بسرعة مسحت الصورة وبعت لمروة ماتبعتش تاني
علشان متراقيبن
فاهمت مروة وقفلت الموبايل
ماجد/ خلاص قاعدتي علي كل الاخبار
مروة / طبعا بس بابا لسة زعلان قوي و شكله كده مش هيرضي عني
ماجد / كله بالصبر يا مروة سبيها للأيام. وكله بيتعالج متقلقيش
مروة / يارب يا ماجد يارب واللهي يوسف حد كويس قوي بجد
ماجد كل شيء قسمة ونصيب الحمد لله أن ربنا جمعكم يا حببتي
مرت الايام وجه معاد امتحانات مسك
بيحاد / ها يا مسك جاهزة علشان اوصلك يلا بقي اطلعي من الحمام حنتاخر
مسك/ طلعت مسك وبدأت بطنها تكبر والحمل يبان عليها و بخوف بلا يا بيجاد جاهزة
حضنها بيجاد ليطمأنها
بيجاد/ ممكن بقي ما تتوطريش انتي قدها و شطورة وذاكرتي كويس
نزلت مسك وهي ماسكة ايد بيجاد
ندي كانت في شهر التاسع وتعبانة
مسك / ندي امسكي نفسك علي ما اخلص اوعي تعمليها وانا بمتحن
ندي/ بضحك هههههههههههه ماشي يا مسك ححاول
فاطمة خرجت من مطبخ وعمالة تبصلهم بغل
فاطمة / هي ابله تلميذة اخيرا حاتمتحن ولا زي قلته انا مش عارفه ايه لازمة وجع القلب ده ولا هي مصاريف وخلاص
طلع محمود علي صوتها من اوضة المكتب
محمود/ علي فين عصبح كده بدري
بيجاد/ مسك عندها امتحان ورايح معها
محمود / وايه لازمته افهم نعطل اشغالنا و مصالحها علشان انت تويها الامتحان اللي مالهوش لازمة من اصله
خالي مراتك تطلع على فوق وبلاش هبل بلا امتحانات بلا كلام فارغ ناقصنا احنا شهادات لتكون فا كره انك حاتسبها تشتغل يلا فض المولد ده و هات اخوك وتعالى علي مكتب علشان تشتغل عندك.سفر لألمانيا وحتقعد ست شهور هناك علشان تطمن علي المكن الجديد قبل ما يتصدر عندنا
بيحاد/ ست شهور يعني مش هحضر مسك لما تولد
محمود/ و انت هتعملها ايه هي أول ست تولد
بيجاد / معلش يا بابا تأجل الكلام لما ارجع من امتحان مسك
محمود/بردو مصمم توديها
كل ده ومسك ساكته كل اللي شغلها موضوع سفر بيجاد
بيجاد معلش انا وعدتها وهما كلهم اسبوع وتخلص امتحانات
يلا يا مسك بينا اتاخرنا قوي ماشت مسك مع بيجاد من غير. كلام
بيحاد القمر بتاعي ماله بس
مسك / بيجاد انت بجد ممكن ما تحضرش الولاده بتاعتي
بيحاد / سبيها علي ربنا يا مسك نخلص بس من امتحاناتك و ربنا ييسر الحال
عدت امتحانات مسك بسرعة بين شد وجذب و خوف
وجاء معاد ولادت ندي
ندي / مسك لو جرالي حاجة بنتي أمانة معاكي خالي بالك عليها يا مسك
مسك / بس يا ندي ما تقوليش كده ربنا يقومك بسلامة يارب
ولدت ندي بنوته زي القمر سماها امجد لوچين و كانت فرحة للبيت كله
بداو يجهزو اسبوع البنوتة وحضروا كل مستلزمات السبوع
سمعت مروة بمعاد السبوع من ماجد
مروة ماجد خدني معاك ونبي احضر سبوع بنت امجد و اشوفها
ماجد بلا يا مروة الزعل وحش علشانك و انتي حامل رد فعل بابا مش متوقع
مروة مش حا قدر يا ماجد بجد مش قادرة
يوسف / ولو قلتلك علشان خاطري انا بلاش
ماجد/ اسبوعين كده ندي تشد حيلها واخلي امجد يجبها ويجي تشوفي النونو. وتقعدي معاه زي ما انتي عاوزة ايه رايك
استلمت مروة قدمهم وراجعت في كلامها ولكن دموعها موقفتش
وصل ماجد البلد ومعاه هدايا كتير
دخلت علي ندي و عطاها هدية مروة و كانت سلسة دهب لنونو وهو كان جايب اسورة دهب هديته
فرحت ندي للهدايا ولكنة لاحظ دموع في عيون مسك
بص ماجد لا امجد وغمزله عليها
شاورله امجد يخرج يتكلم برا
ماجد/ مالها مسك يا امجد فاطمة بردو مزعلها
امجد/ لا الموضوع اكبر من كده بيجاد لازم يسافر المانيا الصبح
ماجد / و اية المشكله هو بيجاد اول مرة يسافر ما هي عارفه ان شغل بيجاد كله سفر
امجد/ بس المرة دي غير بيجاد لازم يقعد ست شهور هناك كده مش هيقدر يحضر ولاده مسك
ماجد/ اووووو عندها حق صعبة قوي الصراحة
امجد / عارف وملهاش حل متقفله
ماجد/ هو بيجاد فين دلوقتي
امجد/ فوق بيحضر الشنط علشان طالع مطار كمان ساعتين السفر بكرة بدري
ماجد/ الله يكون في عون مسك البت دي حظها علطول كده ربنا يعنها بقي
نزل بيجاد وفي ايده شنطة السفر و عنيه كلها حزن
دخل في حضن ماجد
بيجاد/ ماجد انت اخويا الكبير. ومسك امانه في رقبتك انت أسألك عليها قلبي واجعني مش عارف ليه حاسس ان في حاجة كبيرة هتحصل
ماجد/ وحد الله كده يا بيجو هو انت اول مرة تسافر في ايه بس نزلت مسك من عند ندي ومش قادرة تتحكم في دموعها
مسك / خلاص يا بيجاد هتتوكل علي الله
بيجاد / اه يا مسك يادوب علي ما اوصل المطار
انهارت مسك و اترمت في حضن بيجاد
البارت التاسع والعشرين
انهارت مسك و اترمت في حضن بيجاد
مسك / علشان خاطري ما تسبنيش روحي بتروح مني يا بيجاد بلاش تسافر وتسبني قلبي مش مطمن مش يمكن اموت وانا بولد
بيجاد/ بحزن شديد مسك بالله عليكي ما تصعبهاش عليا انا مسافر و فيا اللي ماكفيني كفايا قلقي عليكي بجد مش قادرة
مسك / كفايا أن انا هولد من غير ما تكون جامبي يا بيجاد
بيجاد/ روحي هتكون معاكي يا حببتي ربنا يخليكي ليا ويقومك بسلامة بحبك يا مسكي
ماجد / ما خلاص بقي ياعم بيجاد ده كلهم ست شهور مش مهاجر يعني
طلعت مسك من حضنه وودعته و دموعها علي خدها خرج بيجاد من باب السرايا و عيون مسك عليه
قالت فاطمة بشماته:
- ما خلاص ياختي مشا بطلي الشويتين بتوعك دول و اجري علي المطبخ شوفينا هنتغدي ايه اخلصي
نظرت لها مسك من أعلي لاسفل و تركتها و مشت
جرت فاطمة جابتها من شعرها
مسكت مسك بطنها وقالت بألم :
اه اه سيبي شعري انت بتعملي كده ليه في ايه يا فاطمة
فاطمة بغل :
- انتي هنا مسك بنت فايز كلاف البهايم الخدامة اللي جاية تخدمي علينا فاهمة.
جذبت مسك نفسها وقالت لها بغضب شديد وبصوت عالي
: حسد عينك ايدك تمد عليا تاني اوعي تكوني فكراني ضعيف لا انا مش ضعيفة خالي بالك
و بصي بقا يا فاطمة علشان انتي زوديتها قوي معايا انا هنا زي زيك زي ندي مافيش حد احسن من حد الله يكرمك عدي ايامك. معايا بصي يا ستي اعتبرني مش موجود خالص ماشي
فاطمة:
لا يا ماما انتي بتحلمي اصلا انتي هنا خدامة عارفة يعني ايه خدامة و خلاص اللي كان بيدافع عنك بح مافيش طار
سابتها مسك وطلعت غرفتها ودموعها سبقاها
وبعد ساعة طلعت روحية تناديها علشان العشاء
روحية/ ست مسك يا ست ادخل
مسك / تعالي يا روحية وانا قلتلك أن اسمي من مسك وبس
روحية / ابتسمت لها طايب يلا. بقا انا حاطيت الأكل تحت وقلت اطلع انادي عليكي
انتي ما اكلتيش حاجة من امبارح ده غلط علي النونو يلا بقي انزلي كلي قبل ما يخلصوا علي الاكل
مسك / هما قاعدو ياكلوا
روحية / اه من بدري
مسك/ ما حدش كلف خاطرة يطلع ينادي عليا
روحية / بصراحة استاذ ماجد.كان طالع بس انتي عارفه حكم القوي عليه
ابتسمت مسك شبه ابتسامة يلا بينا يا روحية
نزلت مسك كان الكل متجمع علي ابسفره و بياكل
دخلت مسك / مساء الخير و قاعدت ماكنها من غير ما تبص لحد
نظر لها محمود نظرة ليس لها معني ولكن انقبض قلب مسك منها
تعمدت مسك تجاهل نظراته و انشغلت في الاكل
اشجان/ عاملة ايه دلوقتي يا بنتي
مسك / الحمد لله يا امي
اشجان بيجاد ما اتصلش بيكي يطمنك عليه
مسك / لاء لسة ملحقش يوصل
اشجان/ يوصل بسلامة يارب
بصت مسك لندي وقالت لها/ ندوش اخبارك ايه دلوقتي واخبار البيبي
ندي/ مش بنام خالص يا مسك نفسي انام
مسك / خلاص هاتيها عنك شوية ونامي انتي
ندي/ بفرحة ونبي يا مسك كتر خيرك طول عمرك جدعة
نظرت فاطمة لمسك وقالت :
بنت مين اللي هتخديها
مسك باستغراب
بنت ندي انتي ايه مشكلتك
فاطمة/
ياسلام امال مين اللي هيشيل وينظف مطرح الاكل ده كله و يغسل المواعين
مسك
وروحية فين يا فاطمة انا تعبانه و حامل
فاطمة /
اخدت اجازة من بكرا يكون في معلومك انتي هتقومي بشغلها لحد ما هي تيجي
رفعت مسك حاجبها
و ما تقوميش انتي بشغلها ليه علي ايدك نقش الحنا علي الاقل انتي اللي الوحيده اللي فاضية فينا لا ليكي شغله و لا مشغله اشغلي نفسك بقا بشغل البيت
نظرت ندي لمسك و ابتسموا
فاطمة اتغاظت من كلام مسك و قالت لها /
لما انا فاطمة بنت كبير البلد تشتغل في البيت بنت كلاف البهايم تعمل ايه
ردت مسك بكل هدوء انا هنا مش مسك بنت فايز انا هنا مسك مرات بيجاد ابن العمده يا فاطمة يعني كرامتي من كرامته ولا ايه يابا العمده كلامي في حاجة غلط
انتبه العمدة ليها / اه عندك حق انتي هنا مرات بيجاد صح بس مؤقت هانت
ركزت مسك في كلمة هانت
مسك / يعني ايه مؤقت انا مش فاهمة
بصلها محمود نظره خاليه من التعبير و قام من علي الاكل
التفت مسك لاشجان وقالت بزعر:
ماما كلام العمده يقلق قاصده ايه باللي قاله يعني ايه مؤقت و هانت هو ناوي يعمل ايه
اشجان/ كبري دماغك يا مسك ما تقوفقيش عند كل كلمة كده اهو كلمتين بيفك بيهم عن نفسة اعملي نفسك ما سمعتيش وخلاص
مسك / ماشي يا امي ربنا يستر قلبي مش مطمن
وقامت مسك طلعت علي أوضتها وكلام محمود برين في اذنها
فجاءة رن تليفونها اتخضت مسك
جرت علي تليفون افتكرتوا بيجاد لكن طلع المتصل عطر
مسك / الو أيوة يا عطر اخبارك ايه يا حببتي و محمد عامل ايه يا قلب اختك
عطر ببكاء:
شوفتي يا مسك محمد و عميله انا مش حاسكت
مسك بخضة :.
خير يا عطر محمد زعلك في ايه عمل ايه اخلصي
عطر /
مش راضي يوديني عند الدكتورة
مسك / بلهفة انتي عيانه يا عطر خير مالك يا حببتي فيكي ايه بيوجعك
عطر/ مش عيانه يا مسك بس عاوزة اروح اعرف الحمل اتاخر ليه لحد دلوقتي
مسك / اتصدقي بالله يا عطر انتي هبله حمل ايه اللي اتاخر انتي ما كملتبش سنة جواز
عطر انتي هتتكلمي زي محمد هو كمان بيقولي كده
مسك / بلهفة عطر اقفلي دلوقتي بيجاد بيرن عليا
فتحت الخط علي بيحاد
مسك / حبيبي وحشتني طمني عليك يا قلبي وصلت بسلامة
بيجاد/ عمر بيجاد و روح بيجاد انا في المطار يا حببتي لسة واصل وقلت اول حاجة اتصل اطمن عليكي انتي بخير يا مسكي و النونو بخير
مسك / انا والنونو مشتاقين ليك هتجنن عليك يا بيجو ببجد حته مني ضايعة انا بحبك قوي يا قلبي
بيجاد / و انا بعشقك يا ملكة روحي وحياتي يلا يا حببتي هقفل معاكي علشان الشنط و صلت
مسك /؛ماشي يا حبيبي لا اله الا الله خالي بالك من نفسك يا روح القلب
بيجاد/ محمد رسول الله بحبك و خالي بالك من ابني
قفل بيجاد السكة مسك مش قادرة تتحكم في دموعها
و بعد شوية مروة اتصلت علي مسك
مروة / الو يا مسك اخبارك ايه طمنيني بيجاد وصل بسلامة
مسك بصوت مخنوق / اه الحمد لله يا مروة وصل وكلمني
انتي عاملة ايه ومبروك الحمل يا حببتي ربنا يكملك علي خير
مروة / ويقومك بسلامة هو انتي في الشهر الكام يا مسك
مسك/ انا في اخر السادس كام يوم و واكون في السابع خلاص هانت
مروة /علي خير يا حببتي وندى عاملة ايه كويسة. نونو عسل كده
مسك مشاء الله جميله يا مروة مش بتبطل عياط و ندي يا حرام نفسها تنام
مروة / هههههههههههه معلش في الاول بس
طمنيني الحرباية عاملة معاكي ايه بعد بيجاد ما سافر اوعي تسكتلها علشان لو حاست انك ضعيفة مش هتسيبك في حالك
مسك عيب عليكي حبت تعمل الشويتين بتوعها عليا بس ما سكتلهاش عاطتها فوق دمعها و بزياده كمان
مروة / حلاوتك يا مسك يا جااااااااامد
مسك / بس تعرفي انا الخوف من بباكي علشان لو ادخل هيكون في صفها هي وانا مش هقدر اتكلم و انتي عارفه
مروة/ حاولي يا مسك انجنبيها احسن واتقي شرها بس لو جت جامبك ما تسكتلهاش
مسك / في حاجة تانبة يا مروة بباكي بيتكلم كلام غامض انا مش فاهمة منه حاجة بس قلبي مش مطمن من الكلام
بدأ الشك يتسرب لقلب مروة كمان لأنها اكتر الناس درايه بوالدها
قفلت مروة مع مسك الخط وسرحت في نفسها يا تري يا حج محمود ناوي علي ايه شكلها مش خير انت عمرك ما بترميي كلمة مش قاصدها ربنا يستر بقا