![](https://blogger.googleusercontent.com/img/b/R29vZ2xl/AVvXsEhnKUl2FytBN2r2uovhMgqV1nuztDc_BDBcGNsOuygbhS9pkX56Up6zfBWMYHifcS60DaTRRMrkUPyAKxbR82ktM46KWi4jltJXk8LE9LkPRKzd2MSmeh30ns6Qzx62HOtuj_X5osv-IWWzyrN9Wve6LtyircE20tkDrxuIFzNICNIOU8l6npu6mzysGnZ6/s320-rw/FB_IMG_1706804990546.jpg)
رواية عشق الفهد
الفصل الثامن والثلاثون38
بقلم شيماء ناصر
شهد باستسلام: تمام... ومسكت صورة الشخص تشوفه وبصدمة.... اممم
مالك واقف كدا لي ممكن تخرج عاوزه انام... سبها وخرج وقفل الباب من برا
شهد قعدت علي السرير وبضم حواجبها...
=انا متاكده اني شوفته قبل كدا بس مين دا افتكري انا واثقه اني اعرفه ملامحه مش غريبه عليا...
سارة بتتقلب علي السرير...
اي بق انا مش هنام لي بطلي تفكير... طب هو بابا معقول عنده حق وان هو نصيبي فعلا طب وقلبي انا لسه بحب مراد.... ونزلت من عنيها دموع غصب عنها.... لي مش بناخد الي بنحبهم المفروض الي بيحب ده يكون عايش في سعادة اي العذاب ده بس يارب انا مش عارفه اقرر افضل مع يوسف ولا لا انا مش بحبة ومفيش اي مشاعر جوايا ليه.... وقامت تتوضاء وتصلي استخارة...
يوسف: لي بس حبتها كنت فاكر اي هتحبني مثلا.... ابدا الحب ده مش مكتوب ليا...وبتنهيدة تعب... هههووف
لي محسبتهاش قبل ما احبها كدا فاضل شهر وهطلقها وكدا خلاص مش هشوفها تاني....
عشق راحت تنام وكل تفكيرها في ابوها الي هيتجوز بعد شهر
اليوم التالي 💜💫
عشق في المطبخ بتساعد جنة وعمله فطار وحطوه علي السفرة نزل فهد باستعجال
عشق: حبيبي رايح فين كدا استنا افطر الاول
فهد: معلش هفطر في الشغل خلي بالك على نفسك كويس وهكلمك لما اجي عشان اخدك للدكتور
عشق: حاضر خلي بالك على نفسك انت كمان...سلام
وشافت نور نازلة علي السلم.. انتي بقيتي كويسه
نور: الحمدلله احسن من الاول
عشق: اومال اي الترجيع والتعب ده
نور: هروح اكشف انهارده وهشوف ده بسبب اي انا مكلتش حاجه تقلب معدتي كدا عشان ارجع
عشق بحب: ماشي ياحبيبتي يلا عشان تفطري عمو مروان معاه مكالمه هيخلصها ويجي
نور بتنده علي حازم: حااازم ياحااازم
دخل بسرعه القصر وهو شايل قطه...
نور بزعيق: قطه تاني مش انا قولت لا روح سبها بره يلا
حازم ببرائه: يامامي انا لقتها في الجنينة لوحدها خليها معاياا ش شويه
عشق: سبيه هو مبسوط بالقطة اهو اهم حاجه متجريش وراها زي المره الي فاتت
حازم حرك راسه بي ماشي وراح يحطها علي الارض ويملس علي شعرها.....
بليل ...
هااا خلصتي
شهد: ممكن بس اطلب حاجه
اخلصي قولي
شهد: ممكن تجبلي فستان غير ده قصير قوي وضيق مش هقدر اخرج بيه قدام الناس اعتبرني زي اختك حتي الله يخليك انت برضو مش هترضي بكدا بلاش تيجي عليا زيهم انا يتيمة
=وانا كمان يتيم زي زيك
شهد:طيب الله يوفقك اتصرف في اي فستان غير ده مش هقدر اخرج قدام حد كدا
خد منها الفستان... حاضر هتصرف...
شهد بسخرية وهي ماسكة التلفون الي هما ادهولها: معايا تلفون ومش حافظه ولا رقم حد حاجه تزعل قوي لما اكون وحيده في الدنيا دي.... طب لي كدا اهلي يتخلو عني انا كان ذنبي اي معقول يتخلو عني كدا بكل بساطه في اي ملجا ويسبوني لوحدي.... للحظه فكرت في مراد واكملت
ياترا هو كويس... او حتي لسه باجي علي باله
حور: امسك يابابا
سيف: اي ده؟
حور: دي واحده من علبة الدهب بتوعي اتصرف فيهم وادفع حق الكهرباء انا مش قادره استحمل من غير التكيف
سيف خد منها العلبة: ماشي لما نشوف اخرتها معاكي اي......
سيد: ها قررتي اي؟
سارة: هفضل يابابا مع يوسف
سيد بفرحه: بجد اه هو ده الكلام الصح طب يلا من بكرا تجهزي نفسك وترجعي بيتك
سارة:حاضر
في العيادة🦋💫
الدكتوره: ممكن حضرتك تيجي لحظه
فهد باستغراب راح معاها لجوه الاوضه
عشق بابتسامة: تعال يافهدي اسمع كدا اتفضلي يادكتوره
فهد بعدم فهم: اسمع اي!
الدكتوره حطت السونار علي بطن عشق وعلت الصوت وفهد بق سامع صوت دقات قلب صغيره
فهد بيحاول يستوعب: ده بجد
عشق: ايوا يا حبيبي ده صوت قلبه
فهد بابتسامة حط ايده علي بطنها وهو بيسمع صوت نبض الجنين... ده ولد ولا بنت
الدكتوره:صعب نعرف دلوقتي
فهد لي عشق: انا مبسوط قوي
الدكتوره:انا كتبتلك علي مقويات ياريت تاخديهم في معادهم.......
وصلت شهد علي The club 💫🦋
(بقلم/شيماء ناصر)
انزلي وخلي بالك انتي تحت عنينا
شهد: عرفت ......... ونزلت ودخلت المكان وهي قرفانه من نفسها وكانت لبسه فستان دهبي طويل وشعرها طويل لحد ضهرها ومكياج خفيف شكلها جميل جداً
=كان يوم اسود يوم ما الناس دي اتبنوني... وهو فين ده كمان
-هاي نتعرف
شهد: حل عن دماغي يالا
-مالك متعصبه لي خليكي cold..... وهيحط ايده علي وسطها
شهد بعصبية: ايدك بدل ما توحشك ياروح امك هي سايبه ولا اي
-يالا متفوقي لنفسك يابت عامله فيها شريفه علي اي نصيبه انتي زيك زي اي واحده هنا ر*خيصه
شهد ضربت قلم علي وشه..... اتعصب بعدها وهيمد ايده عليها لسه جه هو ووقفه
=ما تحترم نفسك يابرنس في اي هتضرب واحده عشان ضربتك.... يلا ياعم امشي
شهد بتوتر: انا متشكره ليك يا....
لف ليها... لا شكر علي واجب
شهد بخضة: نهار اسود ده انت وووو