رواية عذراء الرعد كامله بقلم بسمه ) جميع الفصول حتى الاخير الخاتمه

رواية ذئاب لا تعرف الحب الفصل الخامس والثلاثون35بقلم نجمه براقه

مش بس زيد اللي اختفي ابوي كمان من اول اليوم مشفنهوش ومحدش يعرف راح فين وبعد ما كنا بندور علي زيد بس بقينا ندور علي التنين.

وبعد ساعات وانا بدور عليهم  جاني اتصال منه  ، رديت عليه 

:  الو ، ايوه يابوي أنت فين 

_ في البيت 

:  وه يابوي ده احنا قالبين البلد عليك كنت فين 

_ تعاله وهتعرف 

قال اكده وقفل السكه وانا روحت  ولما وصلت لقيته واقف جمب قفص الديب بيبصله ومركز مع كل خطواته  وقبل ما اتكلم دخل عبيده وجه عندنا وقال 

:  ايوه 

بصلنا وقال 

_ بتدورو علي الواد فين انت وهو 

قولت 

:  بندور في النجع  

_ ياما غلابه نجع ايه اللي بتدورو فيه  ،  الواد مقعدش في النجع 

اتقدم عبيده وقال 

:  انت تعرف هو فين 

_ ايوه  ما انا اللي خدته 

اتقدم عبيده في الوقت اللي انا حطيت دراعي قدامه تحسب لأي انفعال وقولت 

:اصبر... خدته فين  وليه يابوي 

بص لعبيده بنظرات تعند 

_ خدته علشان اربيك يا ولد نفيسه  علشان تعرف ان الله حق 

بقا يصك علي اسنانه ويضم قبضته بغضب و قال 

:  زيد لو مرجعش هـ.....  

سكته بحط يدي علي خشمه وقولت 

_ اسكت!!! 

قال ابوي 

:  خليه يكمل  ،  هتعمل ايه ياد  ،  هتضربني 

بصتله وقولت وانا لسه حاطط يدي علي خشم عبيده 

_ يابوي يضربك إيه  هو ميتجرأش يقول اكده بس العيل ده ذنبه إيه 

:  ذنبه ان أبوه مش متربي  ،  واسمع!  علشان موجعش راسي  هتعمل اللي بقولك عليه ولدك هيرجع  هتقل ادبك وتتفرعن والله العظيم لا اقتله يا عبيده وانت عارف اني اعملها 

#عبيده 

معنديش شك في انه يعملها وده اللي خلاني رغم غضبي وقهري مقدرش اتكلم  ولا اعاند قدامه واسكت وانا مهزوم وعاجز قدام ظلمه ده ف قال 

:  مسمعتش حسك يعني 

مردتش ف قال بدر 

_ هيعمل اللي انت عاوزه يابوي  هيتجوزها 

:  يتجوزها بس قبل هيعمل حاجه تانيه 

بصتله وانا سامع بدر بيقوله

_ يعمل اللي انت تقوله  ،  مش اكده يا عبيده 

طال سكوتي لغيت ما رجع ابوي يكلمني ويقول 

:  قولت ايه 

هزيت راسي بالموافقه ف قال وهو بيطلع المسدس من جيبه 

_ خد 

وسعت عنين بدر وهو بيبص للمسدس ويقول 

:  عاوزه يعمل ايه يابوي 

_ يعمل نفس اللي عملته انت زمان  

:  يابوي كيه ده  مش هـ.... 

قاطعت كلام بدر وانا بمسك المسدس 

_ ماشي  

مسك فيه  وقال 

:  ماشي اييييه!  ماشي إيه  الديب ده أخطر من اللي كان زمان مش هتقدر عليه 

_ مفرقتش  ،  لو مقدرتش عليه يبقا مستاهلش اعيش 

قال ابوي مقاطع حديت بدر قبل ما يتكلم 

:  اسكت انت  ...  يلا ياخوي وريني  ...  سالم!!!!  افتح القفص 

قال اكده ف جه الغفير بالمفتاح وبدر وقف قدام ابوي وقال بترجي 

_ امانه يابوي بلاش  ،  ورحمة جدي بلاش ده ولدك  

قال بهدؤ 

:  اسكت يا بدر  

اتخنق صوته وهو بيقول 

_ يابوي  حرام عليك  بتعمل فينا اكده ليه  

:  بعمل منكم رجاله وبعد بدل ما ارميك ليه من غير مسدس 

قولت مقاطع رجاه لابوه 

_ خلاص يا بدر مفيش حاجه هتحصل  متخافش  

فتح الغفير القفل وانا مشيت تجاه الباب ف مسك فيه  وانا بصتله وقولت وانا حاسس بالخجل من نفسي لأنه خايف عليه  ف قولت 

:  متخافش مفيش حاجه هتحصلي  

_ بطل نشفان دماغ ارجع وانا هخليه يتراجع "

قال ابوي بهدؤ يثير الاستفزاز

:  هفضل مستني كتير 

مقدرتش اخفي كرهي ليه وانا باصصله ويمكن لو مكنش ابوي كان رميته لديب   ف بعدت يد بدر عني وفتحت الباب وقبل ما يتحرك الديب ضربته بطلقه  وقع وبقا يفرفط قدامي ومات  ف رميت المسدس وطلعت ل ابوي وقولت 

_ اهه مات  ،  فين ولدي عاد 

: ده طلع راجل صح مع ان المفروض كان القفص يتقفل عليكم بس نمشيها انك طلعت راجل  

_ طيب وبعدين فين ولدي 

:  لسه لما تنفذ اللي هقوله 

_ ايه تاني   مش اديني قتلت الديب اللي مزعلك ده 

: اول حاجه معوذش اسمع كلمه واحده منك غير قدام المأذون  والا اعتبر ولدك ميت 

جيت اتكلم ف قال 

_ اااايه  ،  بقولك كلمه واحده واعتبره مات 

بقيت ساكت ف قال 

:  كلمت جلال هيجيب المأذون ويجي  هتكتب علي البت وتدخل عليها النهاردة  

بقيت ساكت ف قال وهو بيمسك فكي ويغرز صبعته لأخرهم 

_ واعدل خلقتك بدل ما تفضل ملويه حزن علي ولدك  

اتنهدت بغيظ ورجعت عدلت وشي ف سابني وقال 

:  ادخل لما يجي المأذون هبعتلك  ،  اقعد جمب الحريم 

سيبته ودخلت جوه وانا فاضلي ثانيه وانفجر من الغيظ  والعجز  كنت بفكر ادي لنفسي طلقة وارتاح وبعد شويه لقيت بدر بيفتح الباب ويقولي بصوت مهزوز 

_ المأذون جه 

بصتله وانا مش قادر احبس دموعي وقولت 

:  هو انا لو قتلته هتحاسب  

قال بنفس النبره 

_ اسكت يا عبيده عديها  دلوك علشان ولدك  يلا الناس مستنين 

قال اكده وطلع  وانا بعد شويه طلعت وراه ف سمعت صوت ورد بتبكي جوه ومرت ابوي بتكلمها  وانا طنشت ومهتمتش وطلعت وقعدت زيي زي الحريم مستني ابوي يجوزني غصب  وبدء المأذون بكتابة العقد وانا ساكت ساكت لغيت ما قالي هات يدك وخلاني امسك يد ابوي تحت المنديل وبقا طول الوقت باصصلي وبيردد ورا المأذون لغيت ما خلص وجه دوري انا في الترديد وراه والامضاء وبعدها سيبتهم ودخلت جوه مش عارف ايه اللي بيحصل ولا هي قالت ايه،  وعلي قد ما حاولت اتماسك مقدرتش  ،  بكيت بسبب العجز والاجبار  ،  وبقيت شوية علي نفس الحالة لغيت ما جه بدر وقال ودموعه لسه في طرف عينه 

_ المأذون مشي وابوك بيقول....  

سكت شويه وبعدين قال 

:  ابوك بيقول ادخل علي عروستك دلوك 

_ كمان  ؟!   هيجبرني علي دي كمان  

:  معرفش  اتصرف  

_ اتصرف كيه  

:  معرفش 

قال اكده وطلع وانا بقيت قاعد مكاني متحركتش وفجأه سمعت صوت بكاها وبعدين الباب بيتفتح وبتكون هي ابوي ماسك يدها وبيزقها لجوه وبيبصلي ويقول 

_ محتاج اقولك تعمل ايه في دي كمان  ،  خلص 

قال اكده وقفل الباب وهي بقت واقفه مكانها تبكي وبعدين تبصلي وتقول 

:  اللي ابوك عاوزه ده مش هيحصل لو فيها موتي 

مردتش ف قالت 

_ انا مش موافقه!!!  اتصرف وخلصني من الحكاية دي  

فضلت محافظ علي سكوتي ف قالت 

:  متسكتش وكلمني 

#ورد 

بقا ساكت وبعد شويه قام دخل الحمام وطلع وقف جمب السرير يبص للملايه وبعدها رفع رجله علي السرير وكشفها لاعند الركبه وانا واقفه بصاله وفجأه ظهر موس في يده جرح بيه رجله من ورا جرح صغير ومسح الدم في الملايه ورجع يفردها تاني علي السرير وبعدها فتح الدرج طلع لصق طبي وحطه عليها وجه عندي وقال 

:  خِلصت  اهي  ،  اقلعي العباية دي ،  وشيلي الطرحه اعملي اي حركة  "

بقيت ساكته في قال 

_ خلصي!!! 

:  لما تطلع مش هقلع قدامك 

_ مهبصش  خلصيني

:  طيب 

بعدت عنه وقلعت الطرحه اللي انا مكنتش بلبسها قبل ما اجي اهنه وبعدها العبايه ودخلت في السرير غطيت نفسي وقولت 

_ اهه خلصت اطلع قولهم خلصنا 

قال من غير ما يبصلي 

:  شويه وهطلع اصبري 

_ شويه ليه ما تطلع دلوك 

قال بنرفزه 

:  وانتي يهمك في ايه  سمعتك ولا سمعتي اسكتي خالص 

_ ايه دخل سمعتك في طلوعك اطلع وخلصني 

اتنفس بغيظ وهو بيقول 

:  لو سمعت حسك هقتلك دلوك انا محاملش خلقاتي 

سكت لغيت ما طلع  ، وبعد شويه جت شجر وقالت ودموعها ماليه عنيها 

_ خير يابتي عملتوا ايه 

قومت عن السرير ف بصت للملايه  وقالت 

:  مبروك 

شدت الملايه وخدتها ومشت 

 

#عبيده 

طلعت و وقفت قدامه وقولت 

:  اديني عملت اللي انت عاوزه  فين ولدي 

_ اصبر علي رزقك

سكت لغيت ما جت مرت ابوي بالملايه ف بصلها شويه ورجع يبصلي من غير كلام وهو بيمسك يديه التنين ويفتش فيهم ولما بيتأكد ان مفيش حاجه بيبص ل شجر ويقول 

:  شوفهالي كده فيها اي تعوير ولا له

_ حاضر 

دخلت شجر وانا بقيت واقف مبتكلمش لغيت ما رجعت وقالت 

:  مفهاش اي حاجه 

رجع يبصلي وقال 

_ زين  قوي   ،  بكره ولدك هيكون عندك  

:عيل زي ده هيقعد بره البيت لبكره

:  انا قولت ايه!  كلمه واحده وهحزنك عليه 

#وفاء 

بقيت كل شويه افتح اشوف اذا في رسايل منه ولا لا وملقتش اي حاجه  وده خلاني مخنوقه قوي  ، مخنوقه من نفسي قبله  ازاي ادور واطلب اهتمام من واحد مفيش بيني وبينه حاجه وكمان كان خاطفني.

 وبعد ساعات مرت وانا لسه بأنب نفسي طلع النهار ف قومت جهزت الفطار وفطرنا وطول قعدتي علي السفره شارده ومش مركزه مع بابا لغيت ما لمحت ايده بتتحرك قدام عيني ف انتبهت وقولت 

_ ايه؟!  ايوه يابابا 

:  من ساعة بكلمك وانتي مش هنا سرحانه في ايه 

_ هيكون في ايه  في المذاكره ودوشتها فاتني كتير ومش عارفه هقدر اعوض قبل الامتحانات ولا لا 

:  تقدري انتي قدها 

_ شكرا حبيبي  ،  طيب اقوم انا علشان الحق اشتري كتاب قبل معاد المحاضره 

:  ماشي حبيبتي  ،  حامد بعت السواق وهو مستني من بدري 

اتنهدت بزهق وقولت 

_ بردو يا بابا  ليه هو انا عيله علشان حد يوصلني 

:  تاني يا وفاء تاني 

_ لا يا بابا  ، حاضر بس دي اول واخر مره بعد كده بيجاد هو اللي هيجيبني و يوديني  

:  هو هيجي النهارده؟! 

_ ايوه قالي جاي النهارده  

:  تمام لما يجي يستلم هو المهمة دي  ، يلا علشان متتأخريش 

سيبته وجهزت نفسي ونزلت علي طول لسواق وطلعت معاه وانا مش فايقه ومخنوقه من الحصار اللي معمول عليه وبعد مسافه صغيره وانا ببص من شباك العربيه لقيت طارق واقف عند سايبر العاب فيديو ف قولت لسواق يوقف ونزلت روحت عنده وقولت 

_ انت بتعمل ايه هنا 

بصلي ف قال 

: انتي؟!  انا شغال هنا   ، وانتي؟! 

_ انا ساكنه في العماره اللي هناك دي   ،  بس انت شكلك جاي هنا جديد مشوفتكش قبل كده 

:  ا ايوه من يومين بالظبط استلمت السايبر وبقا بتاعي رسمي  ،  تقدري تشرفينا في اي وقت انتي وصحابك وكل معارفك

_ ههههههه ماشي هعملك داعيه  ،  الشارع نور  

: ميرسي ربنا يخليكي 

_ طمني جرحك عامل ايه 

:  احسن  دلوقتي  ، وانتي تمام ولا لسه قلقانه 

_ لا الحمدلله تمام مفيش قلق  ، ومتشكره مره تانيه  

:  العفوا مره تانيه  

قولت بإبتسامة 

_ طيب بلا امشي انا  

:  ماشي مع السلامه وخلينا نشوفك انتي واي حد تعرفيه  واي حد تقابليه في الشارع 

_ هههههههه حاضر  هجبلك كل اللي اعرفهم باي 

سييته ومشيت وبعد ما خلصت محاضراتي وجبت الكتب اللي محتاجاها رجعت وبدل ما الاقي السواق لقيت حامد واقف جمب العربيه ومستنيني  قربت منه وانا متضايقه من اللي بيحصل ف قولت وانا بحاول مبينش حاجه 

_ ازيك 

قال بإبتسامة 

:  تمام  ،  ينفع اقول وحشاني 

قولت بإبتسامة مجاملة 

_ متشكره 

:  ده  رد يناسب كلمة وحشاني بردو 

_ اسفه بس النهارده تعبت قوي ومش مركزه 

:  ولا يهمك  ،  طيب يلا عشان اوصلك

_ ملهاش لازمه انا عاوزه امشي شويه 

:  اذا كده ف نمشي مع بعض  

قولت بإبتسامة باهته وانا مش راضيه عن ده 

_ ماش  ، يلا 

مشينا  وطول الطريق بيتكلم وانا برد علي قد الكلمه لغيت ما وقف وقالي

:  مالك يا وفاء 

_ مفيش حاجه انا تمام 

:  حاسس انك مضايقه من حاجه 

_ لا أبداً بس دماغي مدوشه بالمذاكره 

:  حقك  ، مانتي فاتك كتير بسبب ولاد الكلب دول  بس افضالهم وانا هعرف ازاي اقضي عليهم

قولت باندفاع 

_ لا!!  

بصلي بشك ف قولت بتلعثم

:  اقصد يعني الموضوع انتها  ملهاش لازمه ندخل معاهم في مشاكل ملهاش لازمه 

_ انت خايف منهم لسه  ،  متخافيش انا اقدر عليهم 

:  وانا مش عاوزه كده  من فضلك متعملش حاجه ولا تقربلهم  ، كفايه اللي حصل 

_ طيب ومالك زعلانه كده 

:  مش زعلانه بس ملهاش لازمه انك تعملهم حاجه  هما في حالهم واحنا في حالنا 

_  ماشي اذا كانت دي رغبتك مع اني كنت ناوي اوديهم ورا الشمس وبذات بدر ده اللي اتجراء واتجوزك غصب وكمان حضنك قدامي 

ارتبكت من كلامه ف قولت وانا ببعد وشي عنه 

: اهو خد جزائه اللي حصله هو وأهله مكنش قليل خلينا ننسي اللي حصل وننتنبه للي جاي

_ فعلاً عندك حق  ونركز في حياتنا سوا بقا 

:  حياتنا سوا؟

_ ايوه ولا ايه 

:  اه بس بيجاد قلك هنأجل اي كلام لغيت ما اخلص السنه دي 

_ وانا وافقت وهسيبك براحتك  ،  انا بتكلم علي بعدين 

:  اه

_ مالك انتي مش مبسوطه ولا ايه 

:  لا مش كده  ،  بس الدراسه مش مخلياني مركزه  ممكن نمشي عشان تعبانه 

_ اه طبعا اتفضلي 

مشينا وطول الطريق بفكر اقوله اني مش موافقه لكن مقدرتش  خوفت بيجاد يزعل مني ولما وصلت البيت لقيت بيجاد قاعد مع بابا ودخلنا انا وحامد وبعد ما سلمنا استأذنت ودخلت جوه وفتحت الواتساب اشوف اذا بدر رد ولا لا  ولما ملقتش اي رد ولا اهتمام عملته بلوك وكنت عاوزه ادي لنفسي قلمين علي وشي 

#جميله 

_من وقت ما بدر جاب الكرسي مرجعش  تاني لا هو ولا عبيده وده خلاني اشوف الحزن في عيون شبل ؛ كان حزين ان محدش اهتم بيه رغم علم بدر بأنه نفسه يخرج  ولأن كان واضح جداً ان في توتر في البيت وعدم سؤألهم بسبب التوتر ده حاولت اهون عليه ف قولت 

:  متزعلش هما اكيد مش فاضين وعندهم اسبابهم اللي مخلتهمش يجولك 

مردش وفضلت تعابيره سابته ف قولت 

_ طيب ايه رايك اشيلك انا واخرجك 

بصلي ف قولت 

:  مش اشيلك اشيلك  ، هشدك براحه لغيت ما اريحك علي الكرسي ومتخافش مش هوقعك 

حرك جفونه برفض ف قولت 

_ متخافش انا ياما ساعدت قبلك كتير  ، يلا"  

انزعجت ملامحه رفض للي بقوله بس انا مردتش عليه وقربت الكرسي من السرير وقولت وانا بشيل عنه الغطا 

: قولت متخافش مش هتوقع ولا  هتتعبني "

قولت اكده  ف دخلت علينا امه وقالت 

_ بتعملي ايه

هقعده علي الكرسي عشان يخرج يشم شوية هوا 

:  وانتي هتقدري تشيليه وحدك  

_ كنت هشده شد 

:له متشديش انا هساعدك بس براحه لا يوقع

_ متخافيش  ليها عدل  

شديناه براحه وقعدناه علي الكرسي ف مالت عليه امه وقالت 

:  مرتاح اكده 

_ اه 

ابتسمت ابتسامه باهته وقالت 

:  يا حبيبي اتوحشت حسك 

قولت 

_ هيخف قريب ويرجع زي الاول واحسن كمان يا حجه 

:  امين يارب  ،  يلا يا ولدي انا هطلعك 

زقت الكرسي وانا روحت وراها وطلعناه في الجنينه وقعدناه اهناك وبعد شوية دخلت امه وانا بقيت قاعده اتكلم امعاه وانا ماسكه يديه بعمله تمارين 

_ بطل ولدنا بطل  ،  ايوه اكده  ،  وريني هتقدر تحرك صوابعك ولا له

حاول يحركهم بس مقدرش ف قولت 

:  خير خير  دلوقتي العلاج يجيب نتيجة وتقدر تحرك كل جسمك زي ما تحب  ،  يلا عاد فقرة اللسان اعمل اكده 

ابتسم ف قولت 

_ يلا عاد 

رفض ف قولت

: طيب بلاش اصلا الفقره دي بتتعبني انا مش انت  ، احنا هنكتفي بمحاولة تحريكه بشكل دايم وخلاص  ، واكده خلصنا التمرينات كلها  ،  دلوك جه وقت الشربه  ،  دقيقة هجبلك واجي 

سيبته ودخلت جوه جهزت الشربه ورجعت ف لقيت ابوي قاعد عنده   

_ ابوي؟!  ايه جابك اهنه 

:  جيت اشوفك  بعد ما نسيتينا 

_ ليه بس اكده يابوي  ، منستكمش ولا حاجه انا بس لسه مبداتش

:  طيب اسكوتي  ،  فين الفلوس اللي قولتي عليها  

_ يابوي وانا لحقت اجيب حاجه  ،  حاضر والله اي حاجه هتكون امعاي هدهالك  بس لسه مش معاي 

:  مليش دعوه اتصرفي  ،  البيت مفهوش قرش  

_ حاضر يابوي  ،  هتصرف 

:  اما نشوف يختي  

كمل وهو بيبص ل شبل 

_ هو ده العيان اللي جايه عشانه 

:  ايوه هو بس بيخف  يابوي   بزيادة كلام عاد 

_ طيب ياست الدكتوره  خلصي بكره تصرفيلي في فلوس لأما هخليكي تقعدي في البيت 

:  حاضر  

_ حضرتي يختي  

قال اكده ومشي وانا قعدت علي الكرسي افكر هجبله فلوس منين وبعد شوية وانا علي نفس الحالة سمعت شبل بيعمل صوت ف بصتله لقيته بيسأل بعنيه ف قولت 

:  مفيش حاجه  ده ابوي تعبان شويه مش بيقدر يشتغل ف جاي يقولي علي فلوس "

بقا يأشر بعنيه علي مدخل السرايا ف قولت بعد ما فهمت هو عايز ايه 

_ له انا هقدر اتصرف هكلم المستشفي يدوني سلفه علي المرتب 

بقا يأن ف قولت 

:  الموضوع بسيط مش مستاهل دقيقة وجيالك 

سيبته وروحت بعيد شوية وانا مش عارفه اعمل ايه  وبعد شوية رجعت وقولت 

_ تمام اتصرفت والفلوس هتوصله دلوك 

فضل باصصلي وانا مش عارفه اكون علي طبيعتي ف ابتسمت وقولت 

:  بتبصلي اكده ليه  ،  ابوي بيطلب مني علشان عارفني قدها وبميت راجل  . 

كان باين انه ممصدقش ف بعدت عيني عنه وبقيت افكر في حل عشان لو مجبتلهوش فلوس هيخليني امشي وانا ما صدقت ان حصلت حاجه تخليني اكون مع شبل.. 

وبعد ما خلص قعدته رجعته اوضته وقبل ما احاول احركه جه بدر ولما شافه اكده قال 

_ يقطع الشيطان  نساني والله ياخوي  

بصلي وقال 

:  مين قعده علي الكرسي 

_ انا وست احكام بس هو لازم يرتاح مكانه دلوك  

:  تمام 

شالوه وحطه مكانه وقعد جمبه يحكي معاه وانا طلعت قعدت شويه في المطبخ عقلي مشغول وقلقانه وبعد شوية سمعت بدر بيناديني ف روحتله في اوضة شبل وقولت

_ نعم يا كبير 

طلع فلوس من جيبه وادهاني ف قولت 

:  ايه ده ياكبير 

_ ده علشان تعبك مع شبل  ،  خدي وشدي حيلك مش عايز اي تقصير  

بصيت ل شبل لقيته مبتسم ف خدت الفلوس من الكبير وشكرته وبعدها مشي وانا قعدت وقولت ل شبل 

:  من نفسه اداني فلوس ولا انت عملت حاجه 

ابتسم اكتر ف قولت بتنهيده 

_ انا مكنتش عاوزهم  ولولا زنقتي وخوفي انه صح يقعدني في البيت والله ما كنت قبلتهم 

#بدر 

طلعت من عنده علي الجنينة وطلعت تلفوني من جيبي اشوف وفاء اللي مفضتش دقيقة اركز في رسالتها اللي كانت بعتاها  وقبل ما ادخل الواتساب لقيت ابوي داخل وزيد معاه  ف رجعت التلفون في جيبي وروحت عنده نزلت لمستوي زيد وقولت وانا بدور في وشه وجسمه

:  زيد حبيبي  ،  عامل اية 

قال بحزن طفولي

_ رايق 

خدته في حضني وقولت 

:  الحمدلله انك رايق  ، حمدالله علي سلامتك ياحبيبي  

قولت اكده ف جاني صوت ورد الملهوف وهي بتقول 

_ زيد!!!  

بعدت عنه وهي شالته وقالت 

:  ياحبيبي   ،  عامل ايه 

_ رايق  

:  ياحبيبي  ،  تعاله 

خدته ودخلت وانا رجعت بصيت لابوي وقولت 

_ شكرا انك جيبته 

:  لو مكنش اخوك اتعدل كنت قتلته ولا يهمني 

_ الحمدلله ربنا سترها  ،  هتصل بيه اطمنه 

:  روح ياخوي 

سيبته وروحت بعيد اتصل ب عبيده اللي رد بعد ثواني 

_ الو 

:  ايوه انت فين 

_ عند الزرع 

:  طيب تعاله زيد رجع 

_ طيب طيب انا جاي 

قفل امعاي علي طول وبعد وقت لقيته داخل وبيجي عندي يقولي 

:  صح زيد رجع 

_ ايوه  هو جوه مع ورد  ،  حمدالله علي سلامته وربنا ما يوجع قلبك عليه ولا علي اخوه تاني 

بهتت ملامحه لسبب انا مفهمتهوش وقال 

:  يارب   ،  هروح اشوفه 

سابني ودخل  وبعد ما جيت افتح التلفون جه جلال جري يقولي 

_الحق يا كبير في عركه في النجع واتنين بطحو بعض 

رجعت التلفون في جيبي وقولت وانا ماشي امعاه

:  ليه اكده   ،  ايه اللي حصل 

_ علي الزرع يا كبير  ، واحد فيهم مد بطاله علي زرع التاني 

:  يقطع الزرع علي اللي بيزروعوا الزرع هو احنا مورناش غير مشاكل الزرع "

روحنا اهناك انا وباقي الغفر  ،  كنت فاكر ان دي زي كل مره ولما يشوفونا هيفضوا العركة بس له  دول فضلوا مكملين ضرب في بعض ولما قولت للغفر يضربوا طلقتين في الهوا اتفضوا  ف قولت 

_ ايه اللي بيحصل ده!!!  بتقتلوا بعض 

قال واحد منهم وكان واحد شباب في سن شبل 

:  ما نتعركوا  ولا ندبحوا بعض  ،  في حكومه نشتكيلها

اتقدم جلال ف وقفته وقولت 

_ ومن ميته بندخلوا حكومه في شؤنا  

قال واحد تاني بعد ما انضم لصفه 

:  من وقت ما بقتوش كبار والغجر قتلوا اختكم  

قال واحد تالت 

_ احنا معوزنكمش كبار علينا 

قال واحد تاني وقف معاهم في نفس الصف 

:  محدش بقا يخاف منكم  ولو هتعملوها عركه  هندفنكم حين 

اتقدم جلال وقال وهو بيمسك فيه 

_تدفن مين حي ياد انت واعي لكلامك 

بعدت جلال عنه وقولت  

:  استنا انت يا جلال  

كلمتهم وقولت  

_ لو اكده ف احنا هنمشيها انتخابات ولو مخترتوناش ابقوا ورونا مين هيحميكم ويحمي عيالكم  

قال الاول 

:  معوذينش حمايه منكم 

_ ماشي  ،  يلا كملوا   لم الغفر يا جلال 

علي قد ما حسيت بالاهانه بس كنت مبسوط وبقول ياريت ده يحصل  فعلاً ومكُنش كبير علي حد وارتاح من المشاكل اللي مليش دخل بيها  ،  بس ياتري ابوي هيكون رأيه اكده   ..

         الفصل السادس والثلاثون من هنا 

   لقراءة باقي الفصول من هنا

تعديل المقال