رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ذئاب لا تعرف الحب

 الفصل الثالث والاربعون43

بقلم نجمه براقه

سلوى 

بعد ما رجع بابا من الشغل جت هبه وجوزها قعدوا شوية يبصوا لبعض ومفيش حد فيهم عاوز يحكي اللي جاين عشانه ف قولت لتوفير الحرج عن بابا  

:  طيب إيه  

قالت هبه 

_ إيه انتي 

:  مستنين نسمع هتقولوا إيه بابا بيتعب من السهر وانتي عارفه  

_ انتي بنت قليلة الادب 

:  طيب ما تخليكي انتي كتيرت الادب وتحكي  ،  في ايه يا سعد  ما تتكلم انت 

_ شوف بنتك يا بابا 

:  عيب يا سلوي  ،  عيب 

بصلها وقال 

_ قولي يا هبه انا عايز انام وانتوا معطلني 

قام سعد وقال 

:  لا كده احنا نمشي شكلنا بنطرد 

قولت بقرف 

_ تطردو منين مانتوا كده كده هتناموا فوق  في بيتنا بردو 

قال بابا 

:  بس يابت  ...  في ايه يا سعد  اقعد دي بنت قليلة الادب  ،  اقعد متبقاش زيها محدش رباك ونطع 

خرجت ضحكتي غصب ف قالت هبه بنرفزه 

_ في ايه يا بابا احنا بنتهزق ولا ايه  

قال سعد 

:  انا ماشي لما تخلصي ابقي تعالي  ،  ومتشكرين قوي ياعمي كتر خيرك 

قال كده ومشي  ف قالت هبه بنرفزه 

:  إيه ده يا بابا  ما براحه انت ليه بتعامله وحش ده سعد طيب وغلبان 

قولت بتريقة 

_ غلبان قوي قوي 

بصتلي بحده ف سكت وبعدها بصت ل بابا وقالت 

:   ارجوك يا بابا بلاش كل ما تشوفه تحسسه انه تقيل علي قلبك  كده 

_ وانا اتكلمت يابنتي  ،  انا اتكلمت يابت يا سلوي 

:  ولو اتكلمت ما تتكلم ماهو بيتك  انت حر تتكلم فيه زي مانت عاوز 

برقتلي بعنيها ف قولت 

_ بطلي تبريق في عنيكي  وقولي عاوزه ايه لأما تأجليها لبكره ابوكي بياخد دواه وينام وانتي كده هتتعبيه 

:  استني يا سلوي  ،  قولي يا هبه  عاوزه ايه 

_ ماشي يا بابا انا هدخل في الموضوع علي طول بس الاول لازم تعرف اني خايفه عليك مش طمعانه زي ما الحيوانه دي بتقول 

:  اهو انتي 

قال بابا 

_ قومي يابت شوفي مذكرتك 

قولت وانا بقوم 

:  علشان خاطرك بس  

قولتها ومشيت و وقفت عند الباب اسمعها وهي بتقوله بعد ما اتنقلت في قعدتها للكنبه بتاعته  

_ ممكن حضرتك تفهمني الراجل اللي فوق ده لامم عيلته في بيتنا ليه  هو ناوي يمتلك الشقة ولا ايه 

:  وانتي مضايقك في ايه يلم عيلته ولا يلم اي حد هو عاوزه  دي شقته وهو دافع ايجارها 

_ يا بابا انت تعرفهم منين  تضمن منين ان مفيش حد منهم يجي يتهجم عليكم او علي سلوي وهي لوحدها  ،  طيب والله سعد ما جايبه قلبه يمشي خوف عليها 

:  سعد قاعد علشان خايف علي سلوي 

:  وعلي حضرتك 

_ خايف علينا من ايه يابنتي  ،  الراجل واخواته ولاد ناس ومشفناش منهم حاجه 

:  وانت لسه لحقت تشوف 

_ طيب وانتي لحقتي  تشوفي 

: يوووه  ، يابابا افهمني  ، انت لازم تحرص انا مش قصدي اضايقك بكلامي وخلاص 

_ بقولك ايه يابنتي قومي شوفي جوزك  انتي ليكي شقتك لما حد يجي يخبط بابك ابقي تعالي اشكي  ،  قومي معاد نومي جه 

:  بتطردني 

_ لا بطردك ولا نيله بس انتي بقالك شهور مشوفناش خلقتك لا انتي ولا جوزك وجايه دلوقتي تصدعيني علشان حاجه ملكمش دعوه بيها 

:  كده يا بابا 

_ كده  وقومي لجوزك عاوز انام  قومي  

:  كتر خيرك يا بابا ومتشكره قوي  

#ورد 

كنت قاعده وسط العيال علي سريرهم بحكيلهم حدوتة ف لقيت عبيده بيفتح الباب ويوقف عنده  يبص علينا وبسمه خفيفه علي وشه  ف انا بقيت الخبط في الكلام بسبب وقفته دي لغيت ما قال بشر 

:  له انا عايز الحدوته الاولانيه 

_  ما انا بحكي الحدوته الاولانيه اهو 

:  له مش هي دي  

قال عبيده وهو بيقرب مننا ويقعد علي طرف السرير 

_ منيمينش ليه انت وهو 

قال بشر 

:  بنسمع حدوتة خالتي 

_ ايووه  ، و بتحكيلكم حدوتة ايه عاد 

قال اكده ورجع يبصلي وانا بتهرب من نظراته ف قال بشر 

:  بتحكيلنا حدوتة جبل العجايب 

ابتسم وهو بيقول 

_ مش دي الحدوته اللي الاخت بتروح تدور علي اخوها بعد ما الساحر حوله لحجر 

قولت 

:  ايوه  

_ طيب كملي انا عايز اسمعها 

حاولت امنع ابتسامتي وانا برجع ابص ل بشر واقول وانا بلخبط في الحديت 

: ف بعد ما مسكتها وقالتها هدبحك لو مقولتيش فين اخوي  قالتها هقولك  ،  خدي الميه دي  ورشي علي كل حجر تقابليه لغيت ما تلاقي اخوكي  ،  ف خدت منها الميه وراحت تكب منها علي كل  حجر  ،  مره يطلعلها بت مره يطلعلها واد ومره حيوان  لغيت ما وصلت لاخر حجر  و...  و

قال عبيده وابتسامته علي وشه

:  خلصت الميه ولا ايه 

قولت بعد ما رجعت ابصله 

_ له  مخلصتش بعد ما كبت علي اخر حجر اتحول لاخوها 

:  ايوه طيب وبعدين عملوا ايه 

_ خدها ورجعوا 

:  له خلصت كيه مش المفروض بيقابلوا اسد 

_ معرفش هما حكوهالي  اكده 

:  حكوهالك غلط  

❤❤_ طيب ما تحكي انت 

:  احكي  محكيش ليه 

_ طيب قول  

:  له مش هقول دي  انا اصلي مش فاكرها زين  بس انا هحكيلكم حكاية الولد الشجاع والارنب 

قاموا زيد وبشر وقعدوا جمبه في حماس لسماع القصة ف قال وهو بيوزع نظراته بينهم

:  كان يا مكان  ، كان في ولد صغير  شجاع قوي وبيحب يساعد اي حد محتاج مساعدة  ،  و في يوم خرج بالحصان بتاعه وطلع يجري بيه في حديقه كبيره  ترجن ترجن ترجن  لغيت ما فجأه وقف  لما سمع صوت ارنب بيصرخ  ف نزل عن حصانه وبقا يدور علي الارنب ده. 

  دور في كل مكان حواليه وهو بينادي ويقول  ،  متخافش يا ارنب هساعدك  والارنب يرد عليه يقوله الحقني انا  خايف  ، قاله انت فين  ف رد الارنب بخوف و قاله انا اهنه في البير الحقني قبل ما اغرق  ف رجع الولد تاني علي ضهر حصانه وكمل جري ترجن ترجن ترجن لغيت ما وصل البير ونط عن ضهر حصانه  ونزل الحبل  ، ربط طرف من الحبل ده في شجرة جمب البير والطرف التاني مسكه في  يده  وهوب نط جوه البير  وشال الأرنب من الميه وطلع  وبعدين خده  للبيت  وقال لامه بشجاعه وبفخر شوفي يامه انقذت الارنب  من الغرق خدي اطبخهولنا علي حلة ملوخيه  ، نفسي في الملوخيه بالارانب  قوي 

#عبيده 

مجرد ما خلصت القصة لقيتها وقعت من كتر الضحك بقيت باصصلها وابتسامتي علي وشي لغيت ما شافتني و وقتها سكتت وبقت تتهرب من نظراتي  ولما طال تركيزي امعاها ارتبكت وطلعت من الاوضه  وانا رجعت العيال مكانهم وقعدت جمبهم لغيت ما ناموا وبعدها روحت اوضتها و قولت 

:  ادخل  ؟! 

قامت وقالت وهي بتتقدم ناحيتي عشان تطلع 

_ ادخل دي اوضتك 

 رجعتها وقفلت الباب  ف قالت بتحذير

:  انا بنبهك انك تقربلي 

_ مش هقربلك بس مش هتطلعي 

:  يبقي اطلع انت 

قربت منها ف تراجعت بارتباك وهي بتقول 

_ بقولك اوعا تقربلي 

مسكت يدها وقولت 

:  طيب تعالي بس  

قربتها مني ف قالت بربكه 

_ انت عايز مني ايه 

:  مش عايز منك حاجه  ،  قولتلك مش هقربلك غير لما انتي تطلبي  

_ امال جاي ليه  ،  وليه ماسك يدي 

:  جاي علشان وحشتيني ونفسي اقعد امعاكي  ،  تعالي 

شديت يدها وقعدنا علي السرير ف قالت بربكه 

_ انت عايز ايه 

:  مش عايز حاجه مالك  ،  مش هقربلك 

_ طيب قوم اطلع او اطلع انا 

: محدش فينا هيطلع هنبيتوا مع بعض  

_ كيه ده  ، بس انت قولت مش هتقربلي 

:  مش هقربلك يابت في ايه  ،  اهدي  هنقعد وبس 

_ طيب وبعد ما نقعد  

: وبعدين ننام  

_ ننام كيه 

:  هقولك 

مسكت يدها ولما عصلجت ضميتها ورميت نفسي بيها علي السرير وقولت وانا بقيد حركتها 

:: هنام اكده  

_ انت مجنون  بعد اكده 

: ورد اتلمي لا اقطفك 

_ إيه 

:  بقولك اتلمي احنا هنام وبس  غمضي عنيكي 

_ اغمض ايه بعد عني

رفعت يدي وانا بقول

:  انتي هتسكوتي ولا  ارزعها في خلقتك 

_ ايوه بس انت قولت مش هتقربلي وانت اديك مقربلي

:  قرب عن قرب يفرق  ،  واسكتي هنام مع بعض يعني هنام مع بعض 

_ لييييه 

: علشان مش عايز ابعد عنك دقيقة تاني  ،  ها هتنامي اكده ولااااا

_ ماشي بس خليك فاكر انك مش قد كلمتك

:  له قدها وده مش القرب اللي اتفقنا عليه ف نامي بدل ما اقل عقلي 

_ هنام وامري لله  علشان  اخلص منك بس انما انا مطيقاكش 

قالت اكتر وخبت وشها في حضني ف قولت بإبتسامة 

:  باين قوي انك مغلوبه علي امرك يا كبدي عليكي يا بنيتي 

#بدر 

بعد ما خلصت مكالمه مع جلال رجعت افتح شات وفاء  واعيد قرايته للمره العاشره وفجأه لقيت شبل اللي نايم جمبي بيقولي 

: علي فكره انت ممكن تتصل بيها من تليفوني 

_ ياولدي ليه الرعب اللي عملهولي ده مش تكح 

:  لسة صاحي  ،  يلا خد التليفون وكلمها مش هيحصل حاجة 

_ له  هي لو عايزة تتكلم هتشيل الحظر علي الأقل  

:  مش يمكن مستنياك انت تتصرف وتكلمها 

_ مفتكرش  هي عارفه اني مش خفيف لدرجة دي 

:  يمكن حصلها مشكله 

_ وانا افتكر أكده   ما اهلها مموفقينش علي كلامها امعاي 

:  يوافقوا ولا يرفضوا هما مالهم وبذات بيجاد  هو ماله مش كان بيكلم فاطمة من ورانا 

_ ايوه  بس انا مش هاخدها عند وتخليص حق  ،  انا كنت بكلمها علشان عايز اكلمها مش علشان انتقم 

:  طيب ما تحاول تكلمها تاني  مش يمكن في حاجه معاها  ،  حاجه كبيره منعاها تكلمك يعني 

_ مقدرش  ،  هي لو عاوزه هتكلمني مهما كان اللي بيحصل  

#وفاء 

كنت ماسكه التليفون بقالي اكتر من نص ساعة مستنيه الاخ اللي مبيقفلش ده انه يكلمني  وبعد ما قولت انه مش هيبعت ولا هيهتم بأني كمان انا فاتحه بعت وقالي 

:  بقالك عشر ساعات فاتحه طيب مسي او حتي ابعتيلي نقطة  لازم انا اللي ابعتلك يعني 

قولت بإبتسامة 

_ وانت متبعتش ليه 

:  كنت عايز اشوفك هتبعتي ولا لا 

_ وانا كمان  كنت عاوزه اشوفك هتبعت ولا  لأ  

:  كده بنعاند في بعض  والوضع ده مش هيمشي 

_ مليش فيه  ، انا مش ببدء بالكلام مع حد  ،  انما برد عادي مش تكبر يعني 

:  بس لو مهم عندك هتبعتي ومش هتقدري تمنعي نفسك 

سكت شويه اتأمل الرساله دي وانا حاسه  اني بنجرف ورا مشاعري  ف قولت 

_ انا لو بقدر كنت عملتلك بلوك هنا كمان  

:  يعني مش بتقدري تبعدي عني 

مردتش ف قال 

_جوابك وصلني  

: واللي هو ايه بقا 

_ مش قادره تبعدي عني  ،  اصدقاء بقا 

قولت وابتسامتي علي وشي 

:  ايوه   ،  طيب إيه الاخبار بقا يا صديقي عامل ايه في النجع ومشاكله

_ زي الفل  

:  المشاكل خلصت  ولا لسه 

_ اه كله خلص 

: الحمدلله  ، طمني علي شبل عامل ايه دلوقتي 

_ تمام  قوي  بقا كويس 

:  بجد يعني اتحرك 

_ ايوه اتحرك وبيجري كمان 

:  واووو ده بجد يعني قام وكده

_ ايوه  بقا كويس  قوي 

: غريبة  ازاي ده  ،  دي الحالات دي بتقعد سنين علشان تتحسن  ،  معقول يقوم بسرعه دي

_ لا هو اتحسن بس لسه تعبان  ،  انا بقول انه بقا احسن من الاول يعني 

:  ايوه  فهمت  ،  طيب والحجه عامله ايه  

_ الحمدلله بخير 

:  هي عارفه انك بتكلمني صحيح 

_  لا مقولتش  

:  احسن   ، هي قالتلي انا وماشيه من عندكم مكلمكمش  ع فكرة 

_  ايه ده  بجد طيب ليه دي مجبتليش سيرة 

:  قالتلي ملهاش لازمه اكلمكم  تاني بعد اللي حصل  ،  يعني علشان كنت خاطفني وكده  وان هيحصل مشاكل 

_ ايوه  هي كده بتقلق شويه 

:  فعلاً  ،  بس طيبة قوي علي فكره  ياريت علاقتكم تتصلح وترجع تكلمها 

_  ابقي اكلمها أكيد مش هنفضل زعلانين كتير  

:  هههههههههه اه فعلاً  ده انت واحشها وانت قدامها بسبب جفاك ليها من صغرك حرام عليك  ،  معقول قلبك محنش وفكرت تقولها اللي في قلبك مره 

_ قلبي اسود تقولي ايه  ، المهم طمنيني عنك انتي  ،  المشكلة اللي عندك اتحلت 

:  لا  بابا وبيجاد حذروني تاني اكلمك مع اللاسف

_ يعني انتي دلوقتي بتكلميني من غير ما يعرفوا

:  اه طبعاً مانت عارف 

_ ايوه عارف بس مش عارف حجم غلاوتي عندك  عشان تكلميني بعد ما خطفتك وبعد  تحذيرهم ليكي 

ابتسمت وانا بقول 

:  مش صديقي لازم تكون غالي 

_ وحتي بعد ما خطفتك 

:  قولتلك اني مكنتش حاسه اني مخطوفه انا كنت في فسحي 

_ لو كده اخطفك تاني   ،  بس المره دي هخطفك في مكان متعرفيش ترجعي منه أبداً 

زادت ابتسامتي وانا بقول 

:  فين  ،  في اوضة الجبل 

_ علي جزيرة  ميكونش عليها حد غيرنا 

:  امممم انا بتعاكس ولا ايه 

_ اه انا بعاكسك  ،  عندك مشكله 

:  ههههههه حتي دي فيها اجبار 

_ ايوه  عندك مشكله 

:  هههههههههه لا هتخطف وهتعاكس  وانا ساكته 

_ طيب خليكي جاهزة احتمال تلاقيني بخطفك في اي وقت 

قولت بإبتسامة وانا بتمني انه بجد يخطفني 

: جاهزة 

بقينا نتكلم  لساعات طويلة   ، اتكلمنا في  كل حاجه  وكلامنا مخليش من التلميحات والغزل اللي متداري ولا خلي من ذكر المواقف اللي حصلت بينا وانا قاعده عندهم   كلام كتير قوي قولناه  ومحستش بالوقت  غير لما النور دخل الاوضه وملاها   وبعد ما قفل  انا قومت جهزت الفطار  وفطرت مع بابا انما بيجاد مكنش  في  البيت  وبعد ما خلصنا فطار خدت شنطتي ونزلت وانا شارده وبفكر في كلامي مع بدر  ، شارده لدرجة اني مكنتش واخده بالي من الناس اللي بيمروا من جمبي  وفجأه سمعت طارق بيكلمني ويقولي

:  طيب مش نركز عشان العربيات 

انتبهتله ف وقفت وقولت 

_ سوري  ،  صباح الخير  

قال بإبتسامة وهو بيجي نحيتي

:  صباح الورد  شايفك سرحانه وانتي ماشيه  مش تركزي في  الطريق 

قولت بإبتسامة 

_ لا ابدا  ،  بس كنت مشغوله في الامتحانات اصلها قربت 

:  ماشي   ، بس ركزي في الطريق عشان العربيات افرضي حاجه حصلتلك دلوقتي 

_ عندك حق  ،  ماشي   عن اذنك 

: اتفضلي

 مشيت وعلي بعد مسافة لقيته جاي ورايا ف وقفت وقولتله 

:  ايه ده انت ماشي ورايا ولا ايه 

قال بإبتسامة 

_ لا أبداً بس رايح مشوار من نفس الطريق 

: طيب  

_ امتي الامتحانات علي كده 

: بعد عشرين يوم  

_ بتوفيق 

:  متشكره  

_ العفوا يا دكتوره ويلا شدي حيلك علشان في العاب جديده نزلت  عاوزك تيجي تشرفينا انتي وصحابك اللي وعدتيني بيهم  وموفتيش 

:  العاب إيه يا بشمهندس والله ما عندي وقت اهرش 

_ انتي هتقوليلي كان الله في عونك ما انا  عارف ومجرب الزنقه دي 

_ اه طبعاً  ،  طيب  اتفضل شوف رايح فين متمشيش ورايا علشان منظري قدام الناس 

:  اوكي بس خلي بالك من نفسك بلاش سرحان في الطريق  

_ ههههه خلاص يا طارق يا ابن زياد ده انت خايف عليه جداً ياخي 

:  ههههههه اه انتي مش ساهله فهمتيني  مع اني مهندس 

_ ههههههه ما انا دكتوره بقا وبعرف المهندسين بيفكروا ازاي 

:  هههههههه ماشي  خلي بالك من نفسك  بجد  ،  يلا باي 

_ باي

كملت طريقي للكلية وبعد ما خلصت المحاضرات وانا مش مركزه فيها بالمره  مشيت ف لقيت حامد مستنيني  اتنهدت بزهق وقولت 

: وبعدين طيب هتفضل تجيني كل شويه كده 

قال بنرفزه  وبدون مقدمات 

_ في ايه بينك وبين الواد ده  

ارتبكت من كلامه لما حسيته بيتكلم عن بدر وقولت 

:  واد مين 

_ الواد بتاع السايبر   ،  كل شويه يوقفك وتمشي معاه  هو في ايه بالظبط فهميني 

:  انت بتراقبني ولا ايه  

_ مش براقبك  انتي عارفه ان السواق بيستناكي تحت وهو اللي شافك وقالي  ،  فهميني بقا ايه اللي بيحصل بدل ما اجيبه واقرره في القسم 

:  تقرر مين وليه!!  انا قولتلك مش عاوزاك هي عافيه 

_ اه عافيه  انا مش هسيبك بعد كل السنين دي  ،  والواد ده لو مبعدتيش عنه هحبسه 

:  انا مفيش بيني وبينه حاجه  واحبسه لو عاوز    هو ميخصنيش في حاجه  ، وارجع واقولك اني مش عاوزه اتجوز يا حامد ارتاح مني بقا

#حامد

مش ناسي تجاهلها المقصود  بحجة الدراسه   ،  ولا ناسي اهانتها ليه قدام  بدر  ،  ولا ناسي ان كان بأيديها تهرب وفضلت قاعده  هناك  ،  ولا ناسي الاهانة اللي حصلتلي قدام الكل بسببها  وده اللي مخليني اكمل معاها  مع اني عارفها مجبوره عليه  .. 

بعد ما مشيت طلعت بالعربية وفي طريقي عملت اتصال مهم  وبعدها روحت محل هداية اشتريت هديه لماما ورجعت علي البيت لقيتهم كلهم قاعدين وبعد ما سلمت عليهم قعدت جمب ماما وادتلها الهديه وقولت 

:  كل سنه وانتي طيبه يا ست الكل 

كلهم بصولي ف قال بابا 

_ بمناسبة إيه  

قالت ماما 

:  إيه ده يا حامد 

قال اخويا 

_ اعترف عاوز منها إيه 

قالت اختي 

:  عملت عمله وجاي تجر ناعم علشان متضربش صح 

قولت بقرف

_ قد ايه دمكم  خفيف يا عاق انت وهي  ،  عيد ميلاد ماما بعد اربع ايام وانتوا محدش فيكم افتكر 

كلهم بصوا لبعض ف قالت ماما 

:  عيد ميلادي انا 

_ اه يا ماما 

قال بابا 

:  وانت من امتي بتفتكر عيد ميلاد حد  ولا  بتحب تحتفل

قالت ماما 

_ يفتكر إيه  استنا انا عيد ميلاد لسة باقيلو خمس شهور اصلا 

:  لا ياماما عيد ميلادك بعد اربع ايام انا اعرف اكتر منك 

قالت اختي 

_ مش بقولكم عامل عمله 

قال بابا 

: في ايه يا حامد  

_ في اني  انا عايز اعمل حفله ومش لاقي سبب 

قالت ماما 

:  طيب ما نعمل حفله من غير سبب  ،  ليه تقول انه عيد ميلادي  انا 

قال اخويا بخبث 

_ ناوي علي ايه

قولت بعيون شارده وانا مفيش حاجه في دماغي غير اني انتقم من وفاء واندمها 

:  ناوي اعزم وفاء  وهي مش هتيجي غير لو في سبب مهم  ومفيش اهم من زعل ماما ان خطيبة ابنها  مجتش حفلة عيد ميلادها

قالت ماما بعصبيه

_ خطيبتك تاني يا حامد  ،  بعد اللي حصل بتقول خطيبتي  

قال بابا 

:  استني  ،  ايه الحكاية يا حامد  

_ مفيش حكايات بس انا عايزها خطيبتي يا ماما  انا مش هسيبها   ،  انا فهمتكم اللي حصل وقولتلكم انها اتخطفت واضطرت تكدب وتقول انها هربت 

قامت ماما وقالت بنرفزه 

:  حتي لو اتخطفت  انا مش موافقه انك تجوز البنت دي 

قال بابا 

_ ليه مش موافقه  البنت كويسه واهلها محترمين 

قولت بسخريه 

:  وعمرها ما مشت مع حد  ف ليه لا يا ماما 

_ انتوا هتجنينوني  ازاي يتجوزها بعد اللي حصل  وشكلنا قدام الناس 

قومت وحطيت ايدي علي كتفها وقولت 

:  ياماما دي حاجه مش بأيديها  هي اتخطفت وقالت انها هربت تحت تهديد   ده بدل ما تقوليلي متتخلاش عنها

_ ومنظرنا قدام الناس  نعمل في ايه 

قالت اختي

:  يا ماما منظر ايه ابنك بيحبها وهي مغلطتش في حاجه  خليكي فرش بقا وبلاش دور جرنال هانم الدرملي اللي عايشه فيه ده 

بصتلها بحده ف سكتت وبعدين بصتلي وقالت 

_ يابني لو علي الجواز ف في مليون واحده تتمناك محبكتش دي 

قولت وانا ببوس دماغها 

:  ابوووس دماغك توافقي انا بحبها يا ماما  ،  علشان خاطري متكسفنيش معاهم وكمان تستقبليها حلو في الحفله

_ حفلة ايه ياحبيبي انا لسه عيد ميلادي بدري عليه

قال بابا 

:  ما تعديها  ابنك واخد عيد ميلادك حجه علشان يجيبها خلاص بقا  وافقي واهو نلاقي سبب نحتفل بيه 

_ حتي لو وافقت  ، طيب وصحابي اللي عارفين انه مش معاده دلوقتي 

قال اخويا 

:  متعزمهمش ساهله  او فهميهم ان دي حجه  علشان سي روميو بيحب  

قولت 

_ بطل استظراف وقوم شوف مذاكرتك 

:  مذاكرت إيه  ،  حامد فكك لحسن والله اكلمها واقولها انك بتحور عليها 

_ وسخ...  ها قولتي ايه يا ماما 

قالت بزهق

:  ماشي بس خليك عارف اني مش عاوزاها ولا هرتاح لو اتجوزتها 

قالت اختي 

_ ليه يا ماما وانتي ناويه تجوزيها معاه ولا ايه  هههههههههه  ده هو اللي هيتجوزها وانتي مالك  

قالت بنرفزه 

:  هضربك  

فضلت معانده لساعتين وانا وبابا واخواتي بنقنع فيها لغيت ما اخيراً اقتنعت  وبعدها طلعت وكلمت صحابي كلهم وبدات في تجهيز الخطة اللي ناوي عليها  

#جميله 

مشوا وانقطعت عني اخبارهم حتي رضوان وحريمه انقطعت اخبارهم عن الكل  مفيش غير اخبار النجع  ،  واول اخباره كانت عركه  بين اتنين وقت توزيع المواشي   اختلفوا علي بهيمه  وضربوا بعض  منهم اللي راسه اتفتحت ومنهم اللي هرب من اهل التاني علشان بيدورو عليه وحالفين ما يسيبوا حق قريبهم  بعد ما كل واحد بقا كبير نفسه  وبيجيب حقه بنفسه  ميروحش لحد عشان يجيبهوله 

#ورد 

بعد ما طلع عبيده هو وبدر علشان يشوفوا الشقة اللي هيسكنوا فيها الباب خبط قولت مين قبل ما افتح ف جاني صوت واحده بتقولي هبه فتحت وقولت 

:  اهلا بيكي اتفضلي

_ شكراً حبيبتي  انا  بس كنت جايه اتعرف عليكي وجايبه كريم يقعد شوية مع الولاد علشان قاعد لوحده وزهقان  ،  انا اكون  هبه بنت الحج محمد  مش غريبه يعني 

: اهلا وسهلا بيكي    تعاله يا حبيبي   ،  سيبيه يدخلهم 

سابت يده ودخل وانا ناديت علي بشر و زيد يجوا ياخدوه وبعد ما دخلوا رجعت اكلمها وقولت

_ طيب تعالي ادخلي

:  مش عاوزه اضايقكم 

_ تضايقينا ايه  تعالي البيت بيتك 

:  تسلميلي حبيبتي 

دخلت خطوه ف لقيت جوزها بيوقف قدام الباب فجاه ويقول 

_ ايه ده يا هبه انتي اتعرفتي علي السكان الجداد

:  لسه هتعرف اهو انت رايح فين 

_ نازل لابوكي في المحل اطمن عليه 

بصلي وقال 

:  ازيك  

_ الحمدلله زينه 

قال وعينه عليه 

: دائما يارب  ،  انا سعد نسيب الحج محمد  

_ اه ماهي عرفاك اتفضل ومتنساش تجبلنا زيت  يا سعد 

ابتسم وهو بيقول 

:  ماشي حبيبتي  

رجع يبصلي وهو بيقول

_ السلام عليكم 

ردينا السلام وبعد ما مشي خدتها ودخلنا جوه  وقعدنا نتكلم مع بعض ونتعرف  ،  كانت رغايه قوي وبتسأل كتير كأنه تحقيق  وانا  بجاوب لغيت ما رجع عبيده و بدر ولما شافوها رموا السلام ودخلوا عند شبل وهي قامت وقالت 

:  طيب حبيبتي هبقا اجيلك تاني  اندهيلي كريم 

_ والله أبداً  اقعدي اتغدي امعانا 

:  مره تانيه  انا لازم امشي قبل ما يرجع سعد  ،  وابقي خلي العيال يجوا يلعبوا مع كريم بدل ماهما محبوسين طول الوقت كده 

_ حاضر  هشوف ابوهم لو وافق هبعتهم 

:  تمام حبيبتي  اندهيهولي بقا علشان امشي 

خدته ومشت وانا دخلت المطبخ  وبعد دقيقة لقيت عبيده جاي عندي بيقولي 

_ مالها 

:  جايه علشان تتعرف و ولدها يلعب مع العيال 

_  حصل حاجه تاني 

قولت بزهق 

:  له محصلش وانا مش عيل عشان تعمل اكده 

_ وانا ميته قولت عيله انا بطمن بس 

:  اطمن  مفيش حاجه غير ان هي عاوزه العيال يروحوا يلعبوا مع ولدها  قولتلها هشوفك وبعدين ارد عليها 

_ له  هو يجي بس هما ميروحوش 

قولت بنرفزه وانا بدير ليه ضهري 

:  ماشي  زي مانت عايز  

مسكني ولفني ليه وقال 

_ طيب ومالك متضايقه اكده  ،  مالك 

بعدت وشي عنه وقولت 

:  مليش وبعد عني   ، و اللي عملته امبارح مش هعدهولك  

زاد في قربه وهو بيقول بإبتسامة 

_ من قلبك  

غمضت عنيه وقولت بزهق مصطنع 

:  خلاص يا عبيده بعد  انا مش بحب اكده 

قال مقلدني 

_ مش بحب اكده  امال بتحبي ايه 

:  مبحبش حاجة   ،  بعد بقولك  ،  هجهز الغدا 

قولت اكده ف سابني بجد  وقال

_ ماشي بس شهلي انا جوعت  

:  ايه 

_ ايه 

:  ولا حاجه  

سيبته وروحت لتلاجه فتحتها وانا متضايقه انه محاولش تاني علشان يصالحني  وفجأه لقيته  بيحاصرني عندها ويقولي بإبتسامة 

_ مالك  

قولت بربكه 

:  مليش  ،  واقف اكده ليه بعد 

ضيق عنيه وهو بيقول 

_ متاكده انك عاوزاني ابعد 

هزيت راسي من غير كلام وانا  حاسه بضربات قلبي بتزيد وفجأه لقيته 

  بيطبع بشفايفه في شفايفي بقوه وبعدين يسيبني ويقول  بإبتسامة  

_ اصلي بحب احلي قبل الوكل 

قالها وطلع وانا وقفت مكاني مش قادره اداري بسمتي وفجأه لقيته رجع في وشي وبيقولي 

:  التلاجه هتجمدك بعدي واسرحي بعيد  ولا..... 

ضربته بغيظ وقولت

_ انت زودتها قوي ، ومش هجهز غدا اهه 

قولت اكده ودخلت اوضتي ورجعت ابتسامتي لغيت ما جاني بشر يقولي ابوي بيقولك يلا علشان تتغدي قولتله قوله مجعناش ف مشي وجه عبيده بعد دقيقة ابتسامته علي وشه وبيقولي 

:  معوذاش تاكلي ليه 

ديرت ليه ضهري وقولت

_ موكلاش ومتكلمنيش تاني  

قولت اكده ف لقيته بيحضني من ورا ويقولي 

:  ورد  

حاولت افك يدي من غير ما ارد ف قال وهو بيلمس رقبتي ب شفايفه وانفاسه بتلامسني تخليني احس برعشه في جسمي 

:  بحبك 

قولت بارتباك شديد 

_ طيب بعد 

لفني ليه وقال بإبتسامة 

: تاني ابعد  ،  ماشي هنتكلم بعدين بس دلوك يلا علشان نتغدوا 

_ معوذاش اتغدا معاك 

قال بإبتسامة 

:  انتي هتمشي ولا احلي تاني  ، لو رفضتي هعرف انك عاوزاني احلي 

متكلمتش ف قال وهو بيقرب 

_ يعني احلي 

وقفته وقولت  

:  له  ،  همشي

_ خساره كان نفسي ترفضي  مره كمان  

« السايبر» 

#طارق 

لقيتهم  داخلين عليه وانا قاعد لوحدي قبل الزباين ما تيجي ولما ركزت معاهم لقيتهم هما نفسهم  ف قولت بغيظ وانا ناوي اكسرهم 

:  انتوا!  بتعملوا ايه هنا يا حيوان انت وهو ... 

قولت كده ف لقيت واحد فيهم بيمسك فيه ويديني لكمة في وشي يوقعني علي الطربيزه  وقبل ما استوعب اول ضربه لقيته بيمسك فيه يكتف درعاتي ورايا وهو  بيقول  

_ اهدي يا شبح اعصابك   ،  اضرب يلا دي فرصتنا 

قولت بانفعال وانا بحاول افلت نفسي

:  بتعملوا ايه  يا حيوان  ولاااا هقتلكم يلا...  سيب يلا بقولك 

قولت كده ف لقيت اللي قدامي 

  بيضربني بالبوكس في بطني  وبعدها ضربه تانيه في وشي وهو بيضحك    بقيت احاول افك نفسي منهم وانا بقول 

:  انتوا بتعملوا ايه هوديكم في داهيه....  هبلغ عنكم... 

_ انت لسه  فيك الروح  طيب  خد 

قال كده و لقيت ضربه تانيه في وشي   ودي اللي وقعتني وقعه مفيش بعدها قومه  ويدوب كنت قادر اتحرك واحرك لساني  وانا شايف واحد منهم بيتكلم في التليفون ويقول 

_  كسرنا عضمه  تحب نكمل 

قولت بصعوبه

:  ماشي  ورحمة امي  لا... 

قولت كده 

ف لقيت واحد منهم بيضربني في بطني برجله  ويقولي 

_ ما تسكت  

نزل التاني رزعني بلكمه في وشي وقال 

:  ده انا مكنتش مستنيلك  بقا انا تضربني وتعمل فيها شبح  قدام الدكتوره  ، وحيات امك ما انا عاتقك غير وانت منقول علي نقاله علشان تعالجك هي 

قال كده ورجع يرزعني في وشي ف قولت بانفعال 

_ ااااه  وديني لا اوديكم في داهيه  انتوا الاتنين  يا ***** انت وهو 

بص واحد فيهم لتاني وقال 

:  ده لسه فيه الروح  هاتهولي 

قال التاني 

_ سيبهالي انا  دي  ،  والله ما حد ضاربه غيري    ،  بقا انا تضربني يا *****

#وفاء 

طلعت في البلكونة بعد ما زهقت من قعدتي علي المكتب ف شوفت الاتنين اياهم واقفين وبيبصوا حوليهم وبعدها بيدخلوا سايبر طارق بشكل مريب  ويقلق  وكنت متاكده انهم ناوين يعملوا معاه حاجه ف طلعت واتسحبت من غير ما بابا يحس  وكملت الطريق جري لغيت ما وصلت ولقيتهم بيضربوا فيه بعنف وهما بيضحكوا ولا كأنه كيس ملاكمه وسطهم   ف دخلت خطوه وقولت بصراخ

:  طارق!!!  انتوا بتعملوا ايه سيبوه !!!  

وقفوا وبصوا لبعض وفجأه واحد فيهم جري ناحيتي ف سيبتهم وطلعت جري من السايبر وانا بصرخ  ف بدل ما يمسكني طلعوا الاتنين يجروا ورا بعض ويدخلوا عربيتهم اللي راكنينها بعيد  وانا رجعت ادخل عند طارق اللي جسمه متكسر وقولت بقلق وانا بشيل دماغه علي دراعي 

:  طارق  انت كويس 

قال بتعب وبصوت واطي قوي

_ لا 

كمل كلام بصوت مقدرتش اسمعه ف ميلت عليه وقربت ودني من بوقه ف قال 

:  بقولك مفيش حتي سليمه 

رجعت تاني وقولت 

_ انا اسفه قوي  ، دقيقة هنروح المستشفي 

قال بتعب 

:  لا ساعديني بس   ، عاوز اقعد علي الكرسي  

_ طيب يلا 

ساعدته يقوم وانا محاوطه جسمه بأديه  ف قال وهو واقف شويه قبل ما يقعد وساند عليه  

:  متشكر يا وفاء مش عارف لو مجتيش كانوا عملوا فيه ايه 

قولت وانا لسه سانداه ولازقه فيه 

_ هنبلغ عنهم  ويروحوا في داهيه بس تعاله اقعد  

:  لا نبلغ إيه  استني بس اخف وانا هفضالهم 

قال كده ف اختل توزانه وبسببه كنت هقع ف سندت علي الطربيزه ورايا وهو مال عليه وايده بقت ورا ضهري وهو اللي بيسندني بعد ما كنت انا اللي سنداه  وقفت دقيقه بسبب التوتر من قربه بالشكل ده  ومن نظراته اللي كانت مركزه في عنيه ومنسياه الضرب اللي خدو ف قولت بتوتر

:  اتعدل هنقع 

لملم نظراته وقال وهو بيبعد 

_ اسف دوخت بس 

اترمي علي الكرسي وانا جبت ميه وادتله يشرب وقولت 

:  انت لازم تبلغ 

_ ابلغ أيه دول شكلهم مبعوتين ليه مخصوص

:  ازاي يعني مبعوتين ليك  

_ مش عارف  ،  بس سيبك منهم افوق وانا هعرف ازاي اربيهم 

:  انت بتقول ايه   ،  عاوز تبلطج زيهم 

قال بإبتسامة 

_ والله انا بفكر اشكرهم علشان كانوا سبب في التعرف عليكي 

رفعت حاجبي وانا بقول 

:  والله انا اللي بفكر اكمل عليك  ، اتلم.  انا ماشيه 

مشيت خطوتين ف قال

_ انسه وفاء 

قولت من غير ما ابصله 

:  ها 

_ انتي مش مرتبطة  بجد 

بصتله وقولت

:  ليه 

_ يعني بقول  لو مش  مرتبطة ف انا حابب اتعرف  

قولت بجديه عشان اوقفه عند حده

:  وانا مبتعرفش  واحفظ حدودك معايا علشان متزعلش مني 

قولت كده ومشيت وبعد ما وصلت البيت ومسكت التليفون لقيت رسالة من بدر بيقولي فيها 

_ طمنيني عليكي 

:  انا تمام 

_ بجد  يعني مفيش حاجه معاكي 

:  لا مفيش  ليه 

_ مش عارف بس انا حلمت بيكي كنتي بتبكي وتعبانه 

:  حلمت بيه!!!! 

_ اه اصلي من وقت ما قفلت معاكي اخر مره وانا بفكر فيكي ولما نمت شوفتك في الحلم   ،  كنت بتبكي وبتمديلي ايدك  

:  ههههههه كبير! مالك يا كبير  لا انا بقلق  

_ بحبك  

:  ايه؟!!!!!  

         الفصل الرابع والاربعون من هنا 

   لقراءة باقي الفصول من هنا

تعديل المقال