رواية تمن الخيانة
الفصل السادس عشر 16
بقلم هبة أحمد
مهند / هى هتلبس البيجامه بتاعتي
حور / طب ازاى دانت ماشاء الله طول بعرض عامل زى هركليز
شهد / تعالى يا عبايتى اتحطى جنب اخواتك و دخلت المطبخ تغسل المواعين
حور / فى اكل ايه هيتحضر
شهد / انا حطيت الفراخ فى فرن البوتاجاز و عندك الرز بيتسخن قلبيه
تحية / خدى يابنتى يارب ذوقي يعجبك و عطيتها شنطة فيها عبايتينى استقبال و بيجامتين و قميص نوم بروبه و طرحتين
حور / ايه د كله منحرمش منك يارب
شهد / فرجينى ابت
حور / اتفضلى
شهد / مبروك هيكونوا جمال عليك روحى غيرى وتعالى
ادم / خدى يا خالتى
شهد / ادم حط الطبليه وتعالى خد منى
ادم / عيونى للغاليه
تانى يوم بعد العصر تم نقل عفش شهد لشقتها اللى فى نفس الشارع اللى فيه امها و وتم فرش الشقه و تجهيزها فى الشارع تم عمل الحنه تانى يوم وبعد الفرح اللى اقتصر على حضور العروسه من الكوافير وسلمت على امها ومنها على شقتها وبدأ حياه جديده
فى أسيوط
سلمى / انا خايفه اوى
الحاج عنتر / احنا جاين و قلوبنا مليانه خير متخفيش
عماد / مش كنا بلغنا المركز
لواحظ / المفروض كنا بلغنا المركز فعلا
الحاج عنتر / بأمر الله هنرجع بالسلامة و مبسوطين كمان قولوا يارب و شاور لراجل ماشى لو سمحت فين بيت الحاج حمدان محمود الصياد
الراجل / الحاج حمدان واقف على الباب بتاعه هناك و شاور بايده
الحاج عنتر / تشكر
الحاج حمدان / يا مليون مرحب نورتوا اتفضلوا
الحاج عنتر / انا عنتر والد
الحاج حمدان / اتفضلوا هو احنا هنتعرف على الباب الحاجة تحية خبرتنى بكل شيئ
الحاج عنتر / تكرم يا ابن الاصول
سلمى / بخوف ازيك ياعمى وباست ايده
الحاج حمدان / اخدها فى حضنه وباس دماغها مبروك يا بنت الغالى يا حاجه تعالى سلمى على الجماعة
شاميه / يامرحب نورتم
الحاج حمدان / خدى بنتك وست الناس معاكى و حضروا الغدا
شاميه / من عنيه اتفضلى ياحاجه
بعد الغدا الشاى
الحاج عنتر / احنا كتبنا كتاب الولاد بس انا قولت لازم انت تبارك الزواجه
الحاج حمدان / مبروك علشان أتم الزواجه و اوافق عليها ليه شروط
الحاج عنتر / تحت امرك رقبتى سداده
الحاج حمدان / بنتى مش قليله بنتى لازم كل الناس في النجع تعرف انها هتتزوج يعنى لازم اشهار زواج و لعلمك انا بعت اللى يسأل عليكم ابنك طلع من زينه الشباب و انت راجل محترم
الحاج عنتر / تسلم و انا تحت امرك
عماد / بس احنا اتزوجنا وخلاص
الحاج حمدان / الكلام ده هناك إنما هنا لازم نعمل اشهار لزوجكم بنت اخويه مش قليله فلازم كل الخلق تعرف انها هتتزوج
عماد / يعنى ايه احنا كتبنا كتابنا وهى بقت مرأتى
الحاج عنتر/ مش عاوز اسمع صوتك طلباتك اوامر ياحاج حمدان
الحاج حمدان / بكرة نعمل اشهار لزوجكم و نجيب المأذون يكتب كتابهم
الحاج عنتر / طب ازاى دوصل القسايم اهو
الحاج حمدان / عارف المأذون هيكتب كتابهم من غير ما يسجل العقد يعنى قدام الناس و بعد كده تاخدو واجبكم وبينا ود متصل
الحاج عنتر / كلامك زين انا موافق على اى شيئ
الحاج حمدان / ولد يا هريدي تعالى روح لعمك مهدى قوله كتب كتاب بنت عمى صالح بكرة بعد العصر و روح لعمك عبد المعطى بتاع الفراشه خليه ياجى يعمل الصوان و فوت على عمك مسعود الطباخ خليه ياجى و انا هاكلم على الجزار ياجى يدبح العجل ويجهز الاكل
هريدى / حاضر يابوى
عماد / مكنش عارف يرد يقول ايه
الحاج حمدان / انا كل اللى يهمنى أن بنت اخويه تعيش سعيده
عماد / افهم انتم هتعملوا ايه
الحاج حمدان / هنعمل فرحكم هنا و بعد الفرح نوصلكم لحد بيتكم
الحاج عنتر / احنا معندناش مانع ياحاج
سلمى / عمتى شامية انا خايفه لعمى يقتلنى انا و زوجى
شامية / ليه بتقولى اكده ليه عمك كان قتال قتله متخفيش يابنتى افرحى فرحه البنت بتكون مره واحده ربنا يسعدك
سلمى / انتى بتتكلمى بجد يعنى هو مش هيطلقنى علشان يزوجنى ابنه هريدي علشان الأرض متخرجش بره العيلة
شامية / علشان تطمنى تعالى بصى
.
سلمى / بخوف بتبص لتحت لقت الشارع مليان ناس اللى بينصب الصوان و اللى واقف يتفرج
شاميه / قعدت تزرغد لولولولى لولولولى لولولولى
سلمى / قعدت تبكى جامد انا طول عمرى كنت خائفة منكم
شاميه / احنا أهلك سندك و انتى لحمنا يلا تعالى البسى حاجة حلوة ستات البلد هتاجى تبارك
سلمى / معايا فستان فى الشنطة
شاميه / فستان فرحك و حنتك عمك بعت جابهم من المركز هنيه خدى اختك ظبطيها منورة يا ام العريس
لواحظ / انا أسمى لواحظ ام عماد
شامية / شرفتى و نورتى هاتوا غدا لخالتكم ياولاد
سلمى / انتى متأكده أن عمى مش هيطلقنى علشان ماتزوجتش هريدي
هنية / الزواج قسمة ونصيب و عمك هيقتلك ليه انتى لحمه هو كل همه عاوز يطمن عليكى وبس افرحى ابت عريسك شكله عسول الا امك تعرف انك جايه تتممى زواجك هنا
سلمى / هى ما ت......