رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ذئاب لا تعرف الحب الفصل الثامن والخمسون58بقلم نجمه براقه

بدر 

حجزت غرفة في اوتيل وبعد ما قعدنا شوية شبل بقا يوزعني علشان يكلم جميله  ف طلعت وروحت مطرح ما رجليه وخداني لغيت ما وصلني اتصال من رقم غريب ولما رديت قالي 

_ نورت القاهرة يا كبير 

_ انت مين 

_ انا احمد 

_ احمد مين 

_ احمد  

_ ايوه  ،  عرفتك  عاوز ايه 

_ أبداً بس عرفت انك هنا ف اتصلت  ،  إيه رماك علينا 

_ الاول عرفت منين اني جيت القاهرة 

_ بص وراك كده 

بصيت ورايا ف لقيته بعيد بمسافه وبيشاورلي ف قفلت وبقيت واقف لغيت ما وصلني وقال 

_ كنت معدي بالصدفه وشوفتك 

_ بصدفه ولا ممشي وراي حد 

_ لا صدفه  ،  ممكن اعرف جاي ليه 

_ جاي علشان اكشف لاخوي عند دكتور  ،  بس زين اني قابلتك  ،  كنت عايز اشوفك واتكلم معاك 

_ مع اني عارف عاوز تقول ايه بس اوكي انا كنت داخل المطعم اللي هناك ده   يلا نقعد 

_ يلا 

دخلنا ف قالي انا جعان وجاي اكل هتاكل معايا 

_ لا مش جعان 

_ ليه دول بيعملوا لحمه تجنن  

_ معوزش 

_ استنا بس  ،  متر!!! 

جه العامل وطلب منه  وجبتين  وكل ماجي اتكلم يقولي مبعرفش اتكلم وانا جعان استنا ف سكت لغيت ما جه الوكل وقالي 

_ اتفضل  ،  الأكل  حلو قوي 

_ مش هاكل 

_ خساره فاتك كتير 

قال اكده وبدء ياكول بالشوكة والسكينه  ، كانت شهيته مفتوحه  قوي  او جعان بقاله ايام  وبعد دقايق وهو مستمر في الأكل بشراهه  بصلي وقال 

_ دلوقتي تقدر تتكلم 

_ بقيت باصصله وهو مستمر في تقطيع اللحمه والوكل وقولت 

_ خلص وكل 

_ ههههههه انا عارف اني شكلي مستفز وانا باكل  بس بجد جعان واللحمه اللي بيعملوها هنا دي عشقي  هتندم لو مجربتهاش  كل 

_ ملكش دعوة بيه  

ساب الشوكه والسكينه وقال وهو بيمسح يده 

_ اوكي اديني خلصت قول عاوز تقول ايه 

_ عاوز اعرف ليه ساعدت شبل  ، وايه صحي ضميرك وخلاك تعترف علي نفسك وعلي صاحبك وتضيع مستقبلك  

_ اقولك ومتزعلش 

_ قول 

_ عملت كده علشان بحب وفاء  ، وحتي لما ساعدتك ساعدتك عشانها  ، وياريتها تنسي و تقبل تجوزني 

 قولت وانا بحاول مظهرش انفعالي 

_ مش هتوافق 

_ انا بقول ياريت بس طبعا مش هغصبها،  وبيني وبينك مقلق من حامد اكيد مش هيسكت لو اتجوزتها  ،  وخاصه انه خسر كل حاجه حتي اهله زعلوا منه وطردوه 

_ لو انت اخر واحد في الدنيا  مش هتوافق عليك 

_ ما انا عارف  ،  لانها للأسف بتحبك  ،  هتجوزها امتي بقا 

_ مليكش دعوه 

_ ماشي  بس  علي فكره انا اولي بيها منك  لو اتجوزتها هكون بصلح غلطه   ومظنش اصلا ان من العادي عندكم انكم تجوزوا واحده حصلها فضيحه بشكل ده 

_ خلصت كلامك 

_ اه مستني اسمعك 

_ معنديش كلام  ،  بمساعدتك لاخوي خرستني  

_ وانت هتعمل ايه  ما اخوك قام بالواجب معايا وخلي البنات يضربوني 

_ بنات ايه...  

_ بنات  اعـر.... 

قاطع كلامه رنة تلفونه ف رد وقال 

_ ايوه  ...  اها... طيب انا جاي 

قام وقالي 

_ مُطر امشي بس لما تقابل بيجاد قول يهدي  علي نفسه وغلط قوي اللي هو بيعمله  مش هيأذي غير نفسه 

قال اكده ومشي وانا فهمت من كلامه انه يقصد القضية والهشتاج  . 

وبعد ما مشي قعدت شويه وبعدين اتصلت ب وفاء ف ردت وقالت 

_ ايوووه

_ عامله ايه 

_ تمام  ايه فينك 

_ في القاهرة 

_  القاهرة نورت  

_ منوره بصحابها 

_ طيب ايه مش هشوفك 

_ اكيد بس هرجع اجيب شبل ونتقابل 

_ ماشي  بس امتي 

قولت بإبتسامة خفيفه 

_مستعجله؟ 

_ ايوه نفسي اشوف شبل 

_ ايوووه  ،  طيب هوصل اجيبه وارجع واقولك نتقابل فين  

_ لا قول دلوقتي وانا هروح استناكم 

_ ليه 

_ مستعجله اشوف شبل 

_ طيب  نتقابل في نفس الكافيه اللي علي النيل اللي اتقابلنا فيه المره اللي فاتت 

_ اوكي هتلاقوني هناك 

_ ماشي وانا هجيبه واجي علي طول 

#وفاء 

من اول اليوم  وانا  جاهزه ولما قفلت معاه خدت شنطتي وطلعت ف قابلت بابا في طريقي ف قالي 

_  رايحة فين 

_ رايحة مقابلة شغل 

_ شغل ايه دلوقتي 

_ شغل  

_ لا مفيش شغل 

_ لا في انا هشتغل

_ وفاء انا مراعي حالتك ومش عايز ازعلك

_ تزعلني ليه امال انا درست ليه لما مش هشتغل 

_ اشتغلي بس لما الفضيحه تهدي شويه 

_ الفضيحه عمرها ما هتهدي  ،  وانا مش عاوزه اكتر من ان الحق ظهر 

_ والناس 

_ مليش دعوه بالناس  

فضل يعترض وقت كبير لغيت ما جه بيجاد  وقال 

_ مالكم 

قال بابا 

_ رايحة مقابلة شغل قال 

بصلي شوية وقال 

_ طيب ما  ده عظيم  ،  خليها تروح 

_ حتي انت 

_ ايوه ياعمي هتفضل حابسه نفسها لامتي خليها تروح  وتشوف حياتها  

كلامه محاولة منه لتصليح علاقتنا ببعض ورغم اعتراضي بس نفعني وبفضله قدرت اروح  وطلعت بسرعه وروحت الكافيه وقعدت استنا علي احر من الجمر وعدا الوقت ببطئ شديد لغيت ما شوفتهم داخلين وبين ربكتي وانا في انتظار  بدر وفرحتي بشوفة شبل فضلت واقفه مكاني افرك في ايديه لغيت ما وصلوا وقال شبل بإبتسامة 

_ صحيح مسير الحي يتلاقي ،  ازيك يا دكتوره

قولت بإبتسامة وانا بمد ايدي واسلم عليه 

_ الحمدلله  ،  وانت عامل ايه،  القاهرة كلها نورت 

قال وهو بيسلم عليه 

_ منوره بيكي  ،  عامله ايه بجد ،  والله ليكي وحشه  

راحت عيني لبدر اللي بيبعثر نظراته وبيتنفس بنرفزه ف قولت بإبتسامة 

_ وانت كمان ليك وحشة كبيره قوي 

_ ايوه ما انا عارف  ،  ولا ايه يا بدر 

_ ايوه  

قولت بعد ما رجعت ابصله 

_ ازيك 

_ زين  ،  وانتي 

_ بخير  ،  طيب ايه مش هنقعد 

قال شبل 

_ انا قاعد 

_ هههههههه كلها شوية وتقوم تقف زينا اتفضلوا

قعدنا كلنا ف قولت وانا مش عارفه ابعد عيني عنه كتير

_روحتوا لدكتور ولا لسه 

_ لسة 

_ هتروحوا امتي 

_ بكرة  يكون ارتحنا من المشوار 

_ احسن بردو   ، طمني عليك يا شبل

_  انا تمام  ،  مش كده يا بدر 

_ هه 

_ بقولك مش كده 

_ ايوه كده 

_ طيب كده ايه 

منعت ضحكتي علي قدر ما اقدر ف قال 

_ تشرب ايه يا شبل

_ اطلبلنا عصير موز باللبن  

قولت بضحك 

_ انا كمان بحبه 

_ لا انا عادي بس بقول علشان بدر كمان بيحبه قوي 

قال وهو بيبصله بطرف عين

_ اسكت 

_ لا بقولك ايه مبحبش اكون تقيل علي قلب حد  ، انا هتمشي شوية بالكرسي  

_ اقعد بلا تتمشي 

_ مش هبعد هوصل لسور ابص للنيل 

' ماشي بس متبعدش 

_ قدامكم اهو  

مشي وانا وهو قعدنا شوية مش عارفين نقول ايه  وفي النهاية قولت 

_ مالك 

_ مفيش حاجه  ،  ايه اخبارك  

_ بخير 

_ نفسيتك اتحسنت 

_ يعني 

_ باين عليكي بقيتي احسن دلوقتي 

_ أبداً والله  ،  بس هعمل ايه يعني ،  لازم اخرج من الأزمة دي 

_ صح  ،  لازم تخرجي منها وتواجهي الناس وتبدئي من جديد 

_ ما ده اللي انا بحااااول  اعمله   ، بس الصراحه  خايفه  قوي من مواجهة الناس 

_ يولعوا الناس  ،  ملكيش دعوه بحد طالما مغلطتيش 

_ مغلطتش بس اللي حصل واللي اتشاف صعب يتنسي...  اممم بالمناسبه انا عاوزه اعرف حاجه بس تجاوب بصراحه 

_ ها 

_ شايفني ازاي دلوقتي 

_ المفروض اشوفك ازاي يعني 

_ بسألك 

_ شوفي يا وفاء  ،  ك صديق ليكي  ،  ف حاجه زي دي طالما عارف ان ملكيش ذنب فيها ف انا نظرتي ليكي متغيرتش  ،  مش هقولك مفارقش لا فارق قوي قوي بس اني احملك ذنب ف لا 

_ وك حاجه تانيه غير صديق 

بص لنيل وقال 

_ بقولك ايه  ،  وقتك يسمح نركب يخت 

_ بتغير الموضوع 

_ يسمح ولا لا 

_ يسمح  

_ طيب يلا 

_ يلا 

ركبنا اليخت  وشبل طلب سناره ف جابله الراجل اللي معانا وقعد يصتاد  وانا وبدر وقفنا علي بعد مسافة صغيرة ف قولت وانا ببص لنيل 

_ شكل الميه حلو بس يخوف 

_ مبتعرفيش تعومي ولا ايه 

_ لا بخاف وانت 

_ بعرف ومش بخاف

_ مش باين عليك 

_ ليه ما النيل ده واصل عندنا  وكنت بعوم فيه 

_ قصدي ان شكلك ميقولش انك غاوي اي لعب 

_ له غاوي  ، بحب السباحه  والملاكمه 

_ وبتعرف تلعب ملاكمه 

_ ايوه بس مبلعبهاش 

_ هههههههه امال بتعرف ازاي 

_ بتابع مباريات وعارف كل الحركات 

_ طيب وبتعرف تعمل ايه تاني 

_ بعرف انفخ علي الناي كان عندي ناي زمان كنت باخده وارح اوضة الجبل وازمر بيه 

_ حلو قوي انا كمان بحب الناي 

_ طيب وانتي عاد عندك ايه هوايات 

_ لا معنديش اي هوايات  ٠بس بحب الطب 

_ حلو بردو 

_ اها 

قولت كده ورجعت ابص للميه واشرد بتفكيري واقول حتي لو هتجراء واطلبها منه تاني  ف انا مش عارفه هو ممكن يقول ايه بعد الفضايح اللي حصلت وبعد وقت دام في شرودي قال 

_ بتفكري في ايه 

_ ولا حاجه  

دار ليه بكل جسمه وقال 

_ قولي 

_ ولا حاجه،  عادي

_ يبقي اكيد بتتخيلي وتوهتي في عالم الخيال بتاعك 

قولت بإبتسامة باهته 

_ مبقتش افكر اكده  الواقع صعب ومش مساعد علي التخيل 

_ مكنش ده كلامك  ،  قولتيلي قبل اكده ان الخيال حلو بيخرجنا من الواقع اللي احنا عايشينه لحياه رسمينها بنفسنا حتي لو دقايق وهتعدي  

_ قولت قبل ما اتصدم بالحقيقة 

قرب ايده من عنيه ف ميلت لورا بدماغي وقولت 

_ إيه  

_ تعالي متخافيش  ،  قربي 

زادت ضربات قلبي وانا برجع ف بيحط ايده علي عنيه ويقول  

_ خدي نفس وخرجيه براحه  

ابتسمت وانا بقول 

_ ايه ده بقا 

_ اعملي زي ما بقولك 

خدت نفس وقولت وانا بخرج زفير 

_ اهو 

_ ايه رأيك تروحي رحله خياليه من خيالي انا 

قولت بإبتسامة خفيفه 

_ ماشي  

قال بخفوت 

_ انتي دلوكتي قدام مستشفي كبيرة وفخمه  

_ ايوه  شوفتها هههههه

_ من غير ضحك 

_ ماشي وايه تاني 

_  وعربيه كبيرة وفخمه بردو  جايه وبتوقف قدام المستشفي دي 

_ اه 

_ وانتي بتخرجي منها  

_ هههههههههه وبعدين 

_ قولنا من غير ضحك 

_ ماشي  

_ وبتوقفي تبصي للبناء العظيم اللي قدامك واللي هو في الاساس ملكك 

ابتسمت وانا بقول 

_ يااااه كل ده ملكي انا  لا انا طموحي حتة عيادة صغيره  

_ تخيلي قولنا 

_ ماشي  تخيلت مستشفي كبيرة  وعربيه بتوعي انا  ،  وبعدين ادخل ولا هفضل كده 

_ اتقدمي  وبصي يمينك وشمالك علي مدخل الشركه هتلاقي كلبين 

_ ايوه شوفتهم دور مسعورين 

_ صح مسعورين  تبقي شوفتيهم صح 

بهتت ملامحي وانا بقول 

_ وبعدين 

_ هينبحوا  ويحاولوا يعضوكي  بس طبع الكلاب لما حدش بيديلها اهتمام بتسكت  وانتي اعملي اكده  وسيبيهم وكملي طريقك 

_ اه بس هما عضوني يا كبير 

_ ده لانك ادتيلهم الفرصه وعبرتيهم  قبل اكده،  بس  علي  العموم  دي عضه مش بتموت بس هتخليكي تحرسي من الكلاب بعد اكده 

_ وبعدين 

_ هتدخلي المستشفي  وكل الدكاتره والممرضين والتمرجيه حتي الفراش اللي شغالين تحت رأستك هيحيوكي وهتطلعي فوق  في اعلي دور 

_ وبعدين 

_ هتبصي من الشباك 

_ اها 

_ هتلاقي الكلبين وكلاب تانيه كتير بتبصلك وتهوهو وانتي فوق فوق  بعيدة عن كل حاجه وعن هوهوتهم  ،  وده مكانك فوق بعيد عن الكلاب دي لمكان انتي وصلتيله بنفسك مستنتيش حد يوصلك ليه  ولا تسمحي للكلاب توقفك مهما نبحت 

بعدته ايده وقولت 

_ كلام جميل  وتقريبا قولته ل بابا قبل ما اجي علشان يخليني اخرج  بس الحقيقه عكس كده  ،  ده انا كنت قادره اسمع افكار الناس فيه وانا معديه من جمبهم وشيفيني   ،  للأسف في دنيتنا دي مش سهل بنت تعدي فضيحة زي اللي حصلت حتي بعد ما الحقيقه بانت  ، اللي حصل واللي ناس كتير شافته دمرني  ،  ومش بس دمرني ده خسرني اكتر اتنين المفروض يكونو سند ليه  ،  انا مش قويه ولا هقدر اوجه بسهوله  ،  انا مخرجتش غير عشان اشوفك  ولما ترجع هرجع لاوضتي مش هخرج منها  

_ اكده غلط  ،  لازم تكملي مش هتهتمي بحد  ولا هتضيعي مجهود سنين علشان حد  

_ يمكن اقدر بس اكيد مش دلوقتي خالص  يمكن سنه يمكن اتنين يمكن عشره علي ما الناس تنسي

' او علي مانتي تموتي 

_ ايوه 

_ طيب ما تنتحري وتوفري الأيام اللي ممكن تعيشيها  ،  لا وتنتحري ليه   ،  ما الموت هو  التخلي عن حلم  انتي قادره تحقيقيه 

_ ما بلاش انت 

_ خلينا فيكي 

_ لا مش عاوزه نصيحه من واحد مبيطبقش نصايحه علي نفسه  

_ خلاص برحتك انتي خسرانه كام حكمه 

_ هههههه  اممم طيب دوري انا بقا 

_ إيه 

_ تروح رحله خياليه من خيالي انا  

_ مبحبش خيال البنات 

_ ولا انا بحب خيال الرجاله بس زي ما جربت تجرب انت كمان 

_ ماشي اتحفيني 

_ اممم،  تعاله معايا 

_ اجي معاكي فين

_ تعاله بس 

_ لا مقدرش اسيب شبل 

_ شبل مش هيحصله حاجه تعاله 

مسكت ايده وخدته الجهه التانيه وقفت قدامه وقولت 

_ جاهز 

_ جاهز لايه  ، ما كنا قعدنا اهناك احسن.. 

قاطعت كلامه بحطت ايدي علي عنيه وقولت وانا بقرب خطوه 

_ اششش  ،  صفي زهنك 

خد نفس وسكت ف قولت وانا بتأمل شكله 

_ انت دلوقتي في يخت علي النيل 

ظهرت ابتسامه خفيفه علي شفايفه ف قولت 

_ ومفيش حد غيري انا وانت 

تلاشت ابتسامته ف قولت وانا بقرب اكتر 

_ تايهين ومحدش لاقينا  ،  انا هربت من كل اللي حصل وانت كمان  ،  وعايشين مع بعض 

شال ايدي وقال وعينه في عيني 

_ خيالي زيادة عن اللزوم  

_ بس سهل يكون حقيقه  ،  مفيش حاجه تمنع  ،  بدر انا بحبك   ،  وانت بتحبني  ف ليه تعذبني وتعذب نفسك 

حاول يبعد ف مسكت فيه وقولت بعد ما نهيت اي مسافة بيني وبينه 

_ انت بتحبني ولا لا  

مردش ف قولت بعد ما نزلت دموعي 

_ إيه 

قال وهو ماسك ايديه بيحاول يفلتهم من هدومه 

_ خلاص يا وفاء 

قولت بصوت مخنوق 

_ بدر... 

فلت ايدي وقال وهو لسه ماسكهم 

_ متخلنيش اندم اني قابلتك 

_  بدر  ،  انا بحبك  

_ مينفعش!!!! 

_ ليه ماينفعش  

_ انا مبخلفش!!  هتعملي ايه بيه من غير عيال  

_ انا مش عاوزه عيال  ،  مش عاوزه غيرك  هفضل اقولهالك انا مش عاوزه غيرك 

_ له يا وفاء  ، له وكفايه اكده  ،  انا غلطان اني جيت اقابلك  وغلطت لما كلمتك بعد ما مشيتي  ،  وغلطت لما خطفتك  ،  كفايه غلط  

جه يمشي ف مسكت فيه وقولت 

_ اكبر غلط اللي انت بتعمله ده  ،  انت بتعذبنا وخلاص  ،  مخترع اسباب في دماغك عشان منكونش مع بعض  

_ ايوه  انا مخترع اسباب  ،  وكفايه يلا هنرجع 

قال كده ومشي وسابني وانا وقفت مكاني ابكي واكتم صوتي بايدي علشان ميتسمعش وبعد ما وصلنا الشط جه وقالي 

_ يلا 

وقفت مكاني ابصله ودموعي لسه بتسيل ف مسك ايدي وشدني خرجنا من اليخت وسابني ومسك كرسي شبل وقال 

_ هتعرفي تروحي وحدك؟! 

مردتش ف بصلي وقال 

_ يبقا  هتعرفي  

#شبل 

قدرت اسمع كلامه معاها ورفضه الجواز علشان الخلفه  وبعد ما رجعنا الاوتيل قولتله 

_ ليه يا بدر حرام عليك 

قالي بعصبيه 

_ ولا كلمة متفتحش الموضوع ده  ،  يلا عشان تنام 

 ساعدني اقعد علي السرير وبعدين قعد علي الكنبة شوية لغيت ما جاله اتصال  ف قالي 

_ هرد عليها وارجعلك 

_ بدر 

_ إيه 

_ مش يمكن ربنا يفرجها وتخلف  

_ نام يا شبل  

قال كده وسابني ف اتصلت ب عبيده  ف رد وقال 

_ ايوه يا شبل 

_ عبيده  بالله عليك تقول ل بدر الحقيقه انا لو محلفتلكش كنت قولتله 

_ في ايه يا شبل  ايه فكرك بالموضوع ده دلوكتي 

_ بدر رافض يتجوز وفاء مع انها هي اللي طلبت   ،  رافض علشان الموضوع ده  ،  اخوك تعبان ومفيش حاجه هتريحه غير كلمة منك  ،  علشان خاطري يا عبيده  

سكت شوية وبعدين 

_ اقفل دلوقتي يا شبل  

_ هتقوله 

_  هكلمك تاني  

قفل وبعد شوية رجع بدر قعد علي الكنبة وفضل ساكت ف قولت 

_ كلمتها 

مردش ف قولت 

_ طيب عبيده كلمك 

بردو مردش ف قولت 

_ بدر في ايه 

طال سكوته قبل ما يقولي بصوت مخنوق 

_ رنت وباين انها ندمت ف بقت تقفل عليه وفي النهاية عملت بلوك  ،  مش من حقي ارجع اكلمها تاني صح 

_ لأ  مش من حقك تكلمها بعد ما رفضتها 

_ انا رفضتها لمصلحتها هي مش هتعرف معني اللي عملته ده غير لما تتحرم من احساس الامومه 

_ طيب بقولك ايه يا بدر  ،  ما تجرب تكشف مره واحده بس  ،  مره واحده يا بدر  ولو طلعت نفس النتيجة بلاش  ،  احنا كده كده هنروح لدكتور  في مستشفي كبيرة ليه متحاولش مش يمكن تطلع خفيت وتقدر تخلف 

سكت مردش عليه ف قولت 

_ علشان خاطري  يا بدر 

_ نام يا شبل  

#بيجاد 

_  ضامن نجاح القضية دي كام في الميه 

_ ميه في الميه  ، ممكن نكسبها في اول جلسه  

_ الجلسه بعد بكره ولا اتغيرت؟ 

_ بعد بكره علي طول 

_ وهما هيكونو حضرين 

_ اه الاتنين هيكونوا حاضرين 

_ تمام  هكلمك تاني 

قفلت معاه وعملت اتصال تاني  وقولت 

_ فارس  

_ حبيبي عامل اية 

_ انا تمام  ، عملت ايه  

_ انسحبت احمد خد باله مني ف رجعت 

_ يا خايب  ،  معقول ياخد باله منك 

_ اه بس متشغلش بالك انا هروح قدام بيتهم واستنا علشان ناخد الطريق من اوله 

_ تمام  ،  قولي  حامد ظروفه إيه  

_ الواد بيقولي في الشقة بتاعته مبيخرجش 

_ ولا حد بيروحله 

_ لا مفيش غير واحد بس  اسمه علاء وهو ده اللي شهد في القضيه 

_ صاحبك مشفش احمد رايحله 

_ لا مقاليش بس هسأله 

_ ماشي يلا ورد عليه  

#احمد 

    

كنت ماشي ورا آيه لغيت السنتر  ف شوفت الواد واقف هناك ولما شافني عمل نفسه مش عارفني ومشي وانا استنيتها لغيت ما دخلت السنتر  وبعدين مشيت وفي طريقي اتصلت ب علاء

_ إيه الاخبار 

_ تمام  ،  وانت 

_ كويس  بتعمل ايه في ايامك 

_ ولا حاجه 

_ بتشوف حامد 

_ اه لسة جاي من عنده 

_ وبيعمل ايه بقا 

_ ولا حاجه قاعد في البيت مبيعملش حاجه 

_ يا حبيبي تحسه ملاك

_ ملاك إيه بقا ده ممشي ورا كل إنسان واحد يراقبه

_ اه ما انا خدت بالي  واكيد وصله اللي حصل النهارده وزمانه هيطق من الغيظ 

_ إيه اللي حصل النهارده 

_ قابلت بدر  ،  اول ما عرفت انه جه القاهرة رحت اقابله مخصوص علشان حامد يعرف ويتضايق اكتر ومش بس كده ده انا هروحله كمان بكره علشان اشوف هيعمل ايه،  فاضي تروح معايا انت وفهمي وكام واحد تاني  هههههه  حاسس لو روحت لوحدي ممكن يقتلني 

_ هههههه وانا اظن ممكن يعمل كده ف تمام معاك   

_ طيب ضروري تجيب فهمي معاك  

_ ماشي هجيب فهمي وابراهيم اهو نلحقكم لو قتلتوا بعض  

_ ماشي مستنيكم بكره  

#بدر 

جه تاني يوم وبعد ما خلصت كشف لشبل  خدته علي مركز للعلاج الطبيعي  وسيبته اهناك  ورجعت المستشفي كشفت والدكتور طلب مني تحليل ف روحت عملته وقالولي اجي اخده بعد خمس ايام. 

عملته ك اخر امل ليه قبل ما انوي ابعد بشكل كامل  ومع اني فاقد الامل ومتاكد اني مش ممكن اخلف بس عملته يمكن ربنا يرضيني المره دي ومقولتش لحد ولا كنت هقول أبداً  .... 

#حامد 

تخفيف الاحمال  اسؤ قرار  اتخذوه   ، ساعتين يوميا بتقطع فيهم الكهربا وبسيح من كتر الحر فيهم  ،  وبعد ما قطعت الكهرباء الباب خبط ولما فتحت اتفاجأت ب الشباب داخلين عندي وبما فيهم فهمي اللي كان زعلان مني  ف بصتلهم بأستغراب وقولت 

_ ايه 

قال إبراهيم 

_ ايه هو اللي ايه جاين نزورك ايه البخل ده  عدينا 

دخلوا ف قفلت الباب ودخلت وراهم ف قال علاء 

_ بتعمل ايه 

_ قاعد  ،  ايه فكركم بيه 

قال إبراهيم 

_ منسنكش اصلا  ،  وجاين نتغدا معاك 

_ يا سلام  بتفاجؤني يعني  ،  طيب انا معنديش اكل  

_ ما احنا بعتنا شوية وهيجي 

_ طلبتوا ديليفري؟ 

_ اه 

_ طيب هعمل عصير يكون وصل 

دخلت عملت العصير ورجعت وبعد شوية الباب خبط ولما فتحت لقيت احمد  جاي وفي ايده اكياس ف قولت 

_ إيه جابك هنا 

_ دخلني وبعدين هقولك  

دخل من غير ما اسمحله وحط الاكياس علي التربيزه ف روحت عنده شديته من كتفه وقولت 

_ ايه قلة الادب  دي  ،  بقولك  إيه جابك  

قاموا كلهم ف قال إبراهيم 

_ حامد اهدا  احمد جاي يتكلم معاك 

قال احمد 

_ زي ما قالك  

_ يتكلم معايا بعد ما ودانا في داهيه 

_ وانا جاي اتكلم معاك علشان نلاقي حل لداهيه دي 

_ بعد إيه  !!!! 

_ كل حاجه ليها حل وانا اسف  يلا ناكل علشان يبقا عيش وملح وبعدين نتكلم 

_ انت بتقول ايه؟!!!! 

طنشني وحط الاكل علي التربيزه وقال وهو بيقعد

_ اقعد زي بيتك 

_ انت عبيط ولا بتستعبط 

_ انا بحبك يا صاحبي اقعد حل المشكلة عندي اقعد  

قال علاء 

_ خلاص اقعد يا حامد  عيب عليك ده احنا في بيتك

_ ماشي اما اشوف اخرتها

قعدت  لغيت ما خلصوا وبعدين قام وقالي 

_ هعمل الشاي 

_ اييييه العبط ده 

_ روق دمك بكره ورانا جلسه هتفلسنا كلنا نشرب شاي بقا 

دخل يعمل الشاي وانا بقيت واقف ومش مستوعب البرود اللي بيحصل  ،  ف قال علاء 

_ احمد جاي يصالحك اسمعه يمكن يعرف يحل المشكلة 

سكت واستنيت لغيت ما جه وحط الشاي وقال بكل بجاحه 

_ اشربوا يا شباب 

بدؤ يشربوا ف قال 

_ ايوه يا حامد قول

_ اقول ايه  

_ قول ايه اللي مزعلك 

_ انت عبيط يابني 

_ لا مش عبيط 

بصلهم وقال  

_ بقولكم ايه قوموا استنوني في الكافيه القريب ده شوية وهجيلكم  ،  عايز اقعد مع حامد شوية 

قولت بنرفزه 

_ ايه اسمه ده  ،  !!!! 

قاموا ف قال إبراهيم 

_ اتصافوا احنا ملناش الا بعض 

قال احمد 

_ ماشي بس متهوش من بعض هخلص واجيبه واجي نسهر مع بعض الليلة 

ضربت كف علي كف وانا حاسس اني هتجنن ف مشي وراهم وقفل الباب ورجعلي وقال 

_ مالك بقا 

_ انا اللي مالي  ،  احمد متجننيش 

_ وانا عملت ايه يابني  ،  انا بس خفت ربنا  وبعد ما اظهرنا الحق هنتصرف وننهي المشكلة  بس في المشمش يا حامد  يا صاحبي   ،  بقا يا واطي تلعب معايا انا  

#احمد 

بعد ما اتكلمت معاه ربع ساعة تقريبا وقولتله كل اللي في قلبي سيبته وروحت  لشباب  ولما لقوني جاي لوحدي من غيره  قالولي ليه مجاش معاك ف قولتلهم مرضيش  ف قال إبراهيم 

_ انا هكلمه 

 طلبت منه يشغل الاسبيكر  ، كنت عاوز اسمع هيشتم يقول ايه بعد ما حرقت دمه ف قال إبراهيم  بعد ما رد عليه  

_ الو  يابني 

_ عاوز ايه انت كمان 

_ مجتش ليه  

_  مش عايز اعرفكم  

_ يا ندل يا واطي  

_ مين!! 

_ انت  

_ مين؟!!! 

_ بقولك انت  

_ مين هنا؟!!!  

كلنا ركزنا معاه ف قال إبراهيم 

_ في ايه يا حامد  

_ ولا انتوا فين  

_ في الكافيه القريب هنا  في ايه مالك  

_ مش عارف  في صوت في اوضة النوم  ،  انتوا كلكم مشيتوا  صح؟ 

خدت التليفون من إبراهيم وقولت 

_ حامد  ، في ايه  

_ معرفش  ، معرفش  ،  استنا 

_ نستنا ايه انت هتعمل ايه  استنا متقربش...  الووو  ،  حامد 

_ اشششش استنا  ،  مين هنا  ،  انت هترد ولا اضربك بنار 

سمعت صوت فتح الباب وبعدها صرخ حامد  صرخه سريعة اتقطعت بسرعه ف قومنا و جرينا علي شقته  نشوف فيه ايه ولما وصلنا بقينا نخبط ولما مفتحش طلعت اجري حولين البيت لغيت ما لقيت شباك اوضة النوم مفتوح دخلت منه  واتصدمت لدرجة اني تجمدت مكاني لما لقيته  واقع عند الباب  ومدبوح بالسكينه في رقبته  جريت عليه وانا بزعق بعلو صوتي واقول 

_ يا إبراهيم  ،  يا فهمي!!!! 

زاد خبطهم ف جريت فتحت الباب ورجعت تاني وهما ورايا ولما شافوه اتصدموا و وسعت عنيهم لاخرها ف قعدت جمبه وبقيت ابص يمين شمال يمكن افهم حاجه  لغيت ما جت عيني علي سكينه واقعه علي الارض ف  مسكتها مش عارف ليه ف زعق فيه إبراهيم وقال 

_ سيبها 

رميتها من ايدي وقومت  وانا كل جسمي بيترجف من الصدمه  وبقينا كلنا نبصله ونسأل مين اللي عمل كده   

وبعد وقت جه البوليس بعد ما فهمي وعلاء بلغوا وبدء البحث ونقل البصمات وتفريغ الكاميرات  وكانت الصدمه ان الكاميرات كانت مكسوره  حد كسرها في وقت قطع الكهربا ومبانش مين اللي دخل  وبعد ما حققوا معانا  وقولنا كل اللي حصل  رجعت البيت وانا متوتر جداً ومش قادر  انام  وجه تاني يوم وجه معاه فهمي ومجموعه من العساكر وقالي 

_ اسف يا احمد بس انت مطلوب القبض عليك

_ ليه 

_ للأسف بصماتك علي السكينه وعلي الشباك ده غير شهادتنا اننا سبناك معاه ومشينا 

_ نعم  ،  يعني ايه  مانتوا شوفتوا اللي حصل  مش كنت معاكم 

_ ايوه  ده اجراء روتيني وهتخرج منها بس بسرعه  ،  يلا من فضلك 

قولت بتنهيده 

_ ايه هو ده  ،  يلا اما نشوف اخرتها 

           الفصل التاسع والخمسون من هنا 

   لقراءة باقي الفصول من هنا

تعديل المقال