رواية اسمي حياة الفصل الستون60والحادي والستون61بقلم الاء اسماعيل
- الو هاا يا هاني طمنني خطتنا واصلة لحد فين مع صافيناز ؟؟
- ما تقلقيش .. الخطة ماشية فل الفل كمان..كلها شهر و اطلقهم و اخذ منها البيت
- حلو اوي .. ابقى بلغني بالأخبار أول بأول و أوعة تلعب بذيلك من ورايا يا روميو ؟! انت وعدتني تتجوز بنت عمك بعد ما تأخذ البيت !
- عيب عليك يا مرات عمي من غير ما توصيني ...دي عرضي و بعدين انتي عارفة اني رايدها من زمان
نفيسة - عرضك و رايدها برضو !! اومال لاهف مني حسبة مئة ألف ذهب بتاع ايه ؟
- كله لزوم الشغل يا مرات عمي ! أومال كنت باصرف على الوا'طية منين طول الوقت ده لحد ما وقعتها ؟؟ ماهي طلعت گلبة فلوس !! و لولا الفيلا و العربية اللي انا مأجرهم عشان اقنعها اني غني مكنتش جبت رجلها أصلا ...لا و ايه !! طمعانة بجد اني اكتبلها الفيلا بإسمها بعد الجواز فاكراني جوزها الغب'ي 😂
- طيب طيب ..انا هاقفل الظاهر عمك جيه ..
-طب سلام يا مرات عمي ...قفل و هو بيضحك بشر
- و الله كل حاجة ماشية زي ما انت عايز بالضبط يا هاني : هيبقى عندك بيت و كمان هتتجوز حبيبتك و تكسر مناخيرها اللي كانت طالعة لك بيها في السماء دي ...قال ايه هي خريجة فنون و انا صايع و شمام ! هتشوفي الصايع هيعمل فيكي ايه يا إيمان الگلبة ..
هتتمني لو انك ما اتولدتيش اصلا من اللي هأعمله فيكي بعد الجواز ...عشان تعرفي إيه معنى إنك ترفضيني و تروحي عشان خاطر الفلوس تسلمي نفسك لواحد وا'طي زي عمر النحاس ده و تحملي منه في الحرام ...
صبرك عليا بس أخلص من الزبا'لة دي و افضااالك
في فيلا سند
خلص العشاء و اتشالت السفرة و قعد الجماعة يتفقوا على معاد الفرح و مين تتجوز الأول ..لو اتعمل فرح نيرة الاول إحتمال حياة ما تحضرش فرح نور لانها هتكون ولدت و العكس صحيح ..و لو اتعمل الفرحين قبل ما تولد هتبقى المدة ما بينهم قصيرة و يبقى ضغط عالعيلتين و تعب كبير خصوصا لحياة ... و غيرها و غيرها من التفاصيل
اختلفت الآراء و إحتد النقاش و اتدخلت إلهام
إلهام : يا جماعة لو تسمحولي انا عندي اقتراح ممكن يرضي الجميع
بصوا لبعض و نطق حسام : حل ايه يا طنط ؟
إلهام وجهت كلامها لنور و نيرة : انتو الإثنين اتفقتوا ان الفرح مش هييقى عالواسع و يا دوبك معارفكم وبس صح ؟
نور و نيرة بصوا لبعض و قالوا بصوت واحد : ايوة صح .
إلهام بصت لحسام و حياة و سألتها : و انتي مش هتدخلي في شهرك السابع بعد اسبوعين و الدكتور بيقول احتمال كبير تولدي قيصري و مش هتستني لحد الشهر التاسع عشان فيه خطر عليكي ؟؟
- ايوة يا ماما ! ليه ؟
- يبقى الحل الوحيد اننا نعمل فرح واحد مشترك نعزم فيه قرايبنا و معارفنا المشتركين و المصاريف هتكون ما بينا احنا الثلاثة سند و رشدي بيه و أيمن و بكدة لا هنكلف نيرة و ابوها و لا هنتعب حياة بفرحين فرح اختها و فرح اخت جوزها
قلتو ايه ؟؟!
رشدي بإعجاب : و الله فكرة حلوة اوي ..ايه رأيك يا مراد ؟؟
مراد - اللي تشوفوه انا عن نفسي معنديش مانع ... و ما اعتقدش ان فؤاد و أهله هيعترضوا
إلهام :حتى لو اعترضوا فيروز صحبتي و انا اقدر اقنعها و هي عموما بتسمع كلامي
حياة : و الله عن نفسي موافقة اوي ...قلتو ايه يا بنات ؟؟
نيرة و نور بصوا لبعض و قالت نور : شكلها فكرة لطيفة
رشدي : انا هأكلم أيمن و اعرض عليه الفكرة
سند : و احنا كمان هنكلم الجماعة و لو الكل وافق يبقى هنبتدي التحضيرات من بكرة
تسريع احداث
بالفعل الكل وافق عالفكرة ما عدا شهيرة اللي رفضت رفضا قاطعا انها تحضر في مكان فيه رشدي ... و بدأت التحضيرات فعلا كل واحد من ناحيته
حسام بيحاول يصلح العلاقة بينه و بين حياة بس طول ما هو مش راضي ياخذ خطوة في حكاية أمه هي مش قادرة تسامحه .. رجع تاني لفيلتهم و نقل حاجته للأوضة اللي جنب اوضتها عشان ما يبقاش بعيد عنها و هي تعبانة
في الفترة دي رشدي كان بيحاول يتقرب من إلهام بأي طريقة بحكم تحضيرات الفرح المشترك و خصوصا إن إلهام هي اللي بتصمم لنور فستانها .. مرة يوصل نور الاتلييه و مرات بيروح مع حسام بحجة شغل مع سند و مرات بيعرض على حياة إن هو يوصلها في طريقه لبيتهم لأنها مبقتش قادرة تسوق لوحدها و بتتفادى تطلع مع حسام أغلب الوقت ...
و الموضوع اتكرر لدرجة ان إلهام لاحظت إهتمامه الزايد ....ومش هي بس اللي لاحظت ده ... حياة و حنان و حتى نور و حسام كانوا ملاحظين التغيير عليه
العلاقة ما بين صافيناز و مراد كانت في أسوأ حالاتها بتطلع كثير بحجة مشاوير و شوبينج يخص فرح نيرة
خصوصا مع انشغال نيرة بترتيبات فرحها كان مراد في حالة يرثى لها محدش بيهتم بأكله ولا بعلاجه
يوم الفرح
كان بسيط نوعا ما مقارنة مع فرح حياة كل عائلة عزمت اقرب المقربين بس .... مع كدة كل حاجة كانت مثالية و أنيقة
العرايس وصلت القاعة مع عرسانهم و ابتدت الحفلة
نيرة و نور كل وحدة منهم كانت متميزة بفستانها و الميكب بتاعها بس الإثنين كانوا قمر ...
حياة بعثت حنان مخصوص لمحل في باريس عشان تجيبلها فستان سهرة للحوامل شافته عالنت باللون البيج مع الاكسسوارات بتاعته
حنان بتميل للطلات الطفولية و تألقت بفستان ازرق ملكي منفوش زي اميرات ديزني خصوصا ان بطنها لسة ما برزتش
إلهام زي العادة متميزة في طلتها بفستان ذهبي مع أنه محتشم بس خلاها تأخذ كل الانظار ناحيتها
رشدي بيحاول ما يلفتش انتباه حد بس مش قادر للأسف يخبي اعجابه الشديد بيها و هي بتحاول تتفادى نظراته قدر الامكان عشان ما تتحطش في موقف محرج قدام ولادهم .
مراد مع صافيناز بيحاول يفتح اي باب حوار بس هي بتقفله على طول و كل شوية تبص في تلفونها بزهق
وصلت رقصة السلو و كل واحد اخذ مراته و راح يرقص معاها
حسام اخذ حياة بعد الحاح شديد ... و أخيرا جات الفرصة و بقى قريب منها ليهمس لها
حسام: حياة عشان خاطري حاولي تخففي من الوقوف و الحركة كثير انتي تعبانة و ما ارتحتيش خالص من لما ابتدى الفرح
حياة بجدية: انا كويسة ما تقلقش
- طب افردي وشك على الأقل احنا مش في حفل مدرسة ده فرح اخواتنا !
ما ردتش عليه و كملوا رقص ...قرب منها تاني و همس
- على فكرة طالعة قمر اوي في الفستان ده
- ميرسي
- مش باجاملك على فكرة عشان تردي بميرسي
- اقولك ايه مثلا ؟
- ولا حاجة
و قرب شفايفه من وذانها و همس برغبة : و ريحة البرفان دي هتموتني عمري ما شميتها عليكي قبل كدة
حياة كانت مشتاقاله موت بس بتكابر و قربه و منها خلاها تفقد سيطرتها على نفسها
غمضت عينيها بتستمتع بهمسه و انفاسه على رقبتها و جاوبته بصوت مبحوح
- احم البارفان ده جديد ...وصيت حنان جابتهولي من باريس مع الفستان ...اسمه بابيون اكستريم
- مخليكي شهية زي حتة حلويات
- احم ...انا تعبت عايزة اقعد
بعد عنها بصعوبة و حمحم : حاضر تعالي نقعد .
احيانا كثيره تجبرنا الظروف الصعبة على اتخاذ قرارات سريعه لا تكون فى صالحنا ولكن تكون من اجل الاشخاص الذين نحبهم رغم أننا لا نستطيع ان نراهم يشعرون ولو قليلا بالالم لكننا مجبرون على التضحية بين الحين و الآخر لنرجعهم إلى الطريق الصحيح
صحيح كان أصعب قرار في حياتها يوم ما فكرت تبعد عنه و تعارضه بس كانت عايزة تديه فرصة يفكر في موضوع والدته تاني لانها ما لهاش غيره خصوصا دلوقت بعد ما نور اتجوزت .
مراد حس أنه تعب شوية استأذن و راح يرتاح و أصرت صافيناز أنه ياخذ الولاد معاه رؤى و يوسف
سند لحياة : شايف عمتك نفيسة ماجاتش لا هي ولا بناتها
حياة : ما لناش دعوة بيهم يا سند ...الدعوة كانت متوجهة للناس كلها و هوما أحرار يقبلوا او يرفضوا
- على رأيك ...ربنا يهديها و يستر على بناتها
- يا رب يا سند
شوية و جيه واحد في منتصف الثلاثينات طويل و شكله مش من إسكندرية فضل يدور بعينيه لحد ما شافها راح لها و فضلوا يتكلمو و يهمسو مع بعض بطريقة ملفتة
نيرة كانت في نص هدومها قدام فؤاد جوزها و عيلته و هو شايف تعامل والدتها مع الشاب ده
فؤاد : مين الراجل ده يا نيرة !!
نيرة بإرتباك - راجل مين؟
- اللي قاعد مع امك ده
نيرة بإحراج : اااه ..ده ..ده واحد قريب ماما من البلد
- مش شايفة أنه بيتعامل معاها بطريقة اوفر شوية ؟
- اصله... هو متربي معاها من زمان يعتبر زي اخته الكبيرة
إلهام بهمس لحياة : بقولك ايه يا حياة ؟! اللي واقف مع صافيناز ده انتي تعرفيه ؟؟
حياة بتعجب : لا و الله اول مرة اشوفه !
- نظراته مش مريحاني و كمان تصرفات مرات ابوكي مريبة
- معاكي حق يا ماما. ..ان مكانتش تحترم ابوي و سمعته قدام الناس كانت تحترم سنها على الأقل ...لبسها و تصرفاتها كلهم غلط في غلط و اي حد مهما كان غبي هيفكر ان فيه حاجة ما بينهم.... مش عارفة ليه مصرة تحط بنتها في موقف بايخ زي ده قدام جوزها و اهله !!
إلهام - ربنا يهديها يا بنتي
خلص الفرح و كل واحد اخذ عروسته و طلع
أيمن اخذ نور و راح عالفيلا بتاعته و فؤاد أخذ نيرة عالاوتيل اللي هو حاجز فيه
فضلت الهام و حياة و حسام وسند و حنان و رشدي و شوية من اصدقائهم المقربين و عيلتهم و راحت صافيناز مع هاني قالت هيوصلها البيت وسط دهشة و استنكار الكل و اولهم سند
حياة : الحمد لله كل حاجة كانت زي ما هوما عاوزبين ربنا يهنيهم
حنان : الفرح كان شيك و كل حاجة راقية بس فرحك كان احلى يا حياة
إلهام : ده كان عوض ربنا ليها يا حنان ..عموما البنات النهاردة كانوا قمرات ربنا يسعدهم و يبارك لهم مع اجوازهم
رشدي : آمين يا رب ... الحمد لله إن ربنا طول في عمرنا و اتطمنا عالولاد قبل ما ربنا ياخذ امانته
حياة : ربنا يطول لنا في عمرك يا عمي..و بعدين بتفول على نفسك ليه ما انت لسة في عز شبابك اهو
- شباب ايه بس يا بنتي ده احنا هيبقى عندنا احفاد قريب !
حياة بمزاح : جرى ايه يا عمي رشدي اللي يسمعك بتتكلم يقول عجزت بجد...و انت حتى ما عديتش 58 سنة !!
سند - حياة معاها حق يا عم رشدي ده انت النهاردة كنت ولا كإنك العريس ...مش أبو العروسة !
بص حسام لإلهام و سند و قال بمزاح - طب قول بسم الله ما شاء الله يا عم سند العين حق ولا ايه رأيك يا طنط؟
إلهام بإحراج : ربنا يطول في عمره و يخليه ليكم
سند بحدة مصطنعة :طب و مالك اتحمقت اوي يا سي حسام ! ما القمر دي كمان هيبقى لها احفاد مع إن اللي يشوفها مش بيديها أكثر من 30 مش خايفين إحنا من العين ليه ؟ 🙄😂
رشدي : ربنا يحميها ما شاء الله كانت منورة الفرح كله
إلهام حست بالخجل و قالت بلجلجة : مش هنروح يا ابني ؟ مراتك تعبانة محتاجة ترتاح ...و انتي كمان يا حياة تعبتي اوي النهاردة روحي مع جوزك الوقت متأخر .
سند : ايوة يا ماما الوقت اتأخر فعلا .. يالا يا جماعة تصبحوا على خير
حسام : و انتو من اهل الخير ...يالا يا حياة
مشيت معاه من غير ولا كلمة وصلوا الفيلا و طلعوا كانت هتقفل باب الاوضة لما لقت رجله اتحطت و منعتها
دخل من وراءها و حضنها
حياة : حسام من فضلك عايزة اغير هدومي و أنام
- هتفضلي بعيدة عني لحد امتى بس انا مبقتش قادر على بعدك اكثر من كدة ...ارجووووكي فهميني انا غلطت ف ايه
- ارجوك انت يا حسام مش وقت النقاش اللي مامنوش فايدة انا تعبانة و عايزة أنام
بعدت عنه و دخلت الحمام
اتنهد بحزن و طلع على أوضته
تجلس وحيدة في غرفتها تمسك بإحدى الصور لها مع نور حين كانت تبلغ من العمر تسع سنوات و تبكي حالها و فراق ابنتها و هي تتذكر حين التقطت لهما هذه الصورة في زفاف شقيقتها فاتن ؛
- الله يا ماما فستان خالتو فاتن حلو اوي !!
- بس فستانك احلى يا نوري
نور بزعل طفولي : بس هي احلى مني لإنها حاطة ميكب كثير و انتي مش راضية تخليني احط حتى روج 😣
- ابوكي قال ممنوع و لو حسام لقاكي حاطة نقطة وحدة هيزعقلك و يزعل منك ...لما تكبري و تبقي عروسة ابقي حطي ميكب انتي كمان
نور بفرحة: يعني أنا لما هأبقى حلوة زي خالتو كدة ؟؟
- و هتبقي احلى منها يا قلبي 🥰 عارفة يا نور !!
هزت نور دماغها بتساؤل و فرحة
- لما تتجوزي هأعملك فرح خرافي ما اتعملش لأميرة حتى ! فرح هتفضل مصر تتكلم عنه سنتين لقدام
نور بفرحة طفولية : بجد يا ماما ؟؟
- أكيد يا روح ماما ...
- و تشتريلي فستان حلو زي بتاع خالتو كدة ؟؟
- هاشتريلك فستان احلى منه بكثير ...هو انا عندي كام نور في حياتي ؟ هي نور عيني وحدة
نور : ربنا يخليكي ليا يا ماما
شهيرة : و يخليكو ليا انتي و اخوكي و ما يحرمنيش منكم أبدا
باك
وقعت الصورة من ايدها و هي بتبكي بحرقة
- و الله و بقيتي لوحدك زي البومة يا شهيرة ... بنتك اللي حلمتي سنين و سنين بفرحها اهي .. اتجوزت في غيابك لا فرحتي بيها ولا بعريسها و لا بفستانها ولا الميكب ولا بتفاصيل الصالة ولا الكيكة اللي كنتي متخيلاها .... كل احلامك اتبخرت يا شهيرة ...مش فاضل ليكي غير اربع حيطان هتقضي اللي باقيلك من عمرك ما بينهم ... شايفة أخذتي ايه من ورا حقدك ؟؟ كل الناس موجودة في فرح بنتك و مبسوطة و مستمتعة بوقتها الا انتي ...هتمو'تي وحيدة بقهرتك
فضلت تعيط بحسرة لحد ما نامت
الصبح
صحيت الصبح و حزمت شنطتين و طلبت من سعاد تنزلهم لها
سألت عن حسام و رشدي و عرفت انهم طلعوا ..فطرت بسرعة و طلبت من السواق يوصلها على مكان
سمعت خبط الباب ....قامت بتثاقل و تعب كبير ندهت على صفاء الشغالة و محدش رد عليها ، قامت فتحت و انصدمت لما لقت اللي واقفة بشنطها قدام الباب
شهيرة بدهشة - انتي !!! بصتلها من فوق لتحت و قالت
- انتي جاية عندي تعملي ايه ؟؟؟
بارت 61،🔥
شهيرة بدهشة - انتي !!!
بصتلها من فوق لتحت و قالت بحدة - انتي جاية عندي تعملي ايه ؟؟؟
حياة : معقولة بتستقبلي ضيوفك بالشكل ده يا طنط ؟
- ضيوف مين اللي بتتكلمي عندهم دول ؟؟ و بعدين ايه الشنط دي ؟؟
جرت الشنطتين وراها و دخلت و سابت شهيرة واقفة على صدمتها
حطت الشنط في اوضة من الاوض و رجعت و هي مبتسمة
- أكيد ما فطرتيش ...و انا كمان اكلت عالسريع يا دوب بيضة وحدة و كوباية عصير
كانت شهيرة هتتكلم بعصبية بس حياة ما استنتهاش تقول حاجة و قاطعتها بسرعة : ثواني و يكون الفطار جاهز
طلعت حياة بسرعة عالمطبخ تحضر الفطار و فضلت شهيرة مصدومة و بوقها مفتوح شبرين مش فاهمة هي ايه اللي جابها و ازاي بتتحرك بحرية في الشقة كإنها شقتها ؟؟
دخلت المطبخ و طلعت حاجات من الثلاجة و حطت الشاي عالنار و هي بتفتكر
فلاش
- مالك يا نور مهمومة كدة .. اللي يشوفك حزينة بالشكل ده ما يقولش فرحك بعد يومين يا حبيبتي !
- فرح ايه بس يا حياة !! فرح ايه بس و أمي رافضة تحضر فرحي ..كان نفسي اوي تكون معايا في يوم زي ده بس هي مش راضية مهما اتحايلت عليها 😭😓😫
- اللي حصل معاها مش هين يا نور ... امك مجروحة اوي من ابوكي ...يعني معقولة يهون عليه بعد عشرة العمر دي كلها يطلقها كدة بكل بساطة !!!
- و الله غلبنا معاه ... رافض اي كلمة بخصوص الموضوع ده
بيقول حصل ما بينهم تراكمات و دي كانت القاضية ..
انا بس اللي هاين عليا انها هتبقى لوحدها 😣.. تعبت و انا بحاول اقنعها تجي تعيش معايا بعد الجواز بس هي رافضة ...حاسة انها هتنتهي لو فضلت في البيت ده اسبوع بس لوحدها يا حياة 😓
- يا سااااتر يا رب !!
نور بحزن - اه و الله يا حياة ...أمي مش متعودة غير على بيتها الواسع و الجنينة و الخدم.. ده حتى و انا معاها كانت حاسة انها في سجن و طول الوقت مخنوقة .... صعبانة عليا اوي و مش متخيلة هتعيش ازاي لوحدها بعديا؟ ده حتى الشغالة سافرت عند اختها 😣
- مين قال انها هتبقى لوحدها ؟؟!
نور بتساؤل : تقصدي ايه يا حياة ؟؟
حياة : اقصد اني هأروح أعيش معاها لحد ما اخوكي يرجع لعقله و يبطل جنان .
نور : بتتكلمي بجد يا حياة ؟؟؟
- هي الحاجات دي فيها هزار يا نور ؟؟
-طب و ايه اللي هيضمنلك ان ماما هتوافق انك تقعدي معاها يوم واحد حتى !!
- لا ما تقلقيش من الناحية دي ...انا بس عايزة اطلب منك طلب واحد ....توصفيلي الشقة بالتفصيل و تسيبي الباقي عليا
- حاضر يا حياة ...و لو اني مش متطمنة للفكرة ...انتي هتولدي قريب و محتاجة حد معاكي يساعدك !
- ما تشيليش هم ... عارفة ان حسام مش هيتخلى عنا لا انا و لا هي.
بااك
خلصت تحضير و رصتهم في الصينية و طلعت حطتهم عالسفرة
- الفطار جاهز ...اتفضلي يا طنط
وقفت شهيرة و بصتلها بغضب - انتي ما جاوبتنيش ... بتعملي ايه هنا ؟؟ مش اخذتي اللي انتي عايزاه ؟؟ مش اخذتي ابني و رجعتي فيلتك ؟؟ عايزة مني ايه تاني !!!
- مش واضحة ؟؟ جاية أقعد معاكي طبعا
- و مين قال اني عايزاكي تقعدي معايا اصلا !!!!
حياة ببرود - هو احنا هنقعد نتكلم و نسيب الفطار يبرد يا طنط ؟؟ بصي انا حامل في اثنين و ما اقدرش افضل من غير اكل لو مش عايزة تفطري فانا مضطرة اكل عشان اروح ارتاح شوية اصلي مش بأنام بالليل كويس و مش بأقدر أنام غير بالنهار الفترة دي مش عارفة ليه !!!
قعدت تاكل عادي و اتغاظت شهيرة من طريقتها و برودها
دخلت الاوضة بتاعتها و رزعت الباب و هي بتهمس بدهشة
- هي عبيطة ولا بتستعبط ولا ايه حكايتها دي كمان ؟؟؟ و بعدين جاية تعمل ايه عندي بشنطها دي!!! معقولة ناوية تقعد بجد ؟؟؟
في فيلا سند
إلهام : مالك يا حنان ؟؟
حنان : خايفة على حياة اوي ... قلبي مش متطمن من اللي ناوية تعمله يا ماما ...دي مهما كان حامل و مش قد شهيرة و شرها !!!
إلهام : ما تخافيش عليها. ...حياة أقوى مما تتوقعي ...هتقدر تغيرها .... واثقة منها زي ما هي واثقة من حب حسام ليها و انه مش هيتخلى عنها
- يا رب يا ماما ....يا رب
- ما تقلقيش انتي و يالا مش النهاردة معاد الكشف عند الدكتورة ؟؟ روحي البسي بسرعة عشان نلحق على المعاد السواق مستني
سند قال هيقابلنا هناك
-حاضر يا ماما
كانت شهيرة في اوضتها و بتحاول تسمع اي حركة برة مفيش
فتحت الباب بهدوء و طلعت
شهيرة بتساؤل - راحت فين دي ؟!
فتحت باب الاوضة التانية بالراحة ...لقتها نايمة !
همست لنفسها: دي نامت بجد ؟؟ 🤨
طلعت و قعدت على السفرة بصت عالاكل بتعجب ازاي حضرت كل ده في خمس دقايق !!
مسكت التلفون و اتصلت على صفاء
- الو ...صفاء انتي فين من امبارح ؟؟
- شهيرة هانم ... انا في الشرقية عند اختي ولدت و مالهاش حد غيري ...ما أنا قلت لنور هانم اني هأقعد عندها اسبوع هي ما قالتلكيش؟؟
- مش كان المفروض تقوليلي انا ؟؟؟
-آسفة يا شهيرة هانم ... لو مكانتش نور هانم موافقة مكنتش سافرت
- طب خلاص خلاص ..
قفلت الخط و هي بتتذمر ...يعني انتي طابخاها معاها يا نور مش كدة !!! طيب صبرك عليا أما اشوفك
فضلت تبص عالاكل و كانت جعانة فعلا لإنها ما اكلتش حاجة من امبارح
أخيرا اخذت عيش و عملت سوندويشات بيض و جبنة و اخذتهم لاوضتها .
كانت قاعدة عالسفرة بتفطر لما دخل مراد و عينيه بتطق شرار
- ممكن اعرف الهانم المحترمة رجعت إمبارح الساعة كام !
صافيناز ببرود و هي يتأكل في حتة جبنة
- الناس عادة بتقول صباح الخير الاول 🙄
- صباح ايه و احنا داخلين عالظهر !! طبعا ....ما الهانم جايالي وش الفجر أكيد هتنام للظهر ...ولا كإن عندها بيت و زوج و ولاد تراعيهم !!
- جرى لك ايه عالصبح !! هو انت عاوز تتخانق و خلاص !! كل
الهلمة دي عشان ما صحيتش الصبح !! ما انت عارف اني كنت في فرح بنتك و طلعت من الفرح متأخرة ...لم الدور و سيبني اخلص فطاري عشان نروح لبنتك نبارك لها على صباحيتها
- صباحية ايه دلوقت !؟ و بعدين تعالي هنا ؟؟ هو مين اللي وصلك هنا امبارح ؟؟
- هيكون مين يعني ؟ حياة و جوزها طبعا
- وصلتك ازاي و انا لما اتصلت بيها قالتلي انك روحتي!!
- يووووه بقى هو خناق و عكننة و خلاص !! انا داخلة احسن مزاجي رايق و مش عايزة اتخانق
كانت هتقوم تمشي مسكها من ايدها و شدها جامد لدرجة انها كانت هتنكسر في ايده
- بقوووولك لتاني مرة يا صافيناز ...ميييين اللي وصلك !!😡
- اوعة ايدك لاقطعهالك هي حصلت تمسكني بالشكل ده !!
مراد بغضب جحيمي و هو بيشدها من شعرها : و اكسرهالك كمان يا زبا'لة !! بقى تكذبي عليا و تقوليلي حياة وصلتني و هي مروحة مع جوزها من بدري ....مين اللي جابك بالعربية ده !
- ابعد عني يا وا'طي و الله لأوريك ازاي تمد ايدك عليا
- انا اللي هوريكي الوا'طي هيعمل معاكي ايه يا تربية الشوارع
رماها عالأرض و نزل فيها ضرب لحد ما دخل الجيران لما سمعوا صوتها و بعدوه عنها بالعافية و هو بينهج و فجأة وقع عالأرض في نوبة سكر
أتصل الجيران بالإسعاف اللي جات و اخذته المستشفى و
طلعت هي من البيت بسرعة و راحت عملت تقرير عند دكتور وطلعت على القسم قدمت بلاغ بحادثة اعتداء
طلعت من القسم و هي مبسوطة و هي بتهمس لنفسها
- الحمد لله انها جات من عندك ... أخيرا هأخلص منك
اتصلت بهاني : أيوة يا حبيبي ...أتصل لي على المحامي اللي قلتلي عليه عشان ارفع قضية الخلع ..
سند كان مستني حنان تطلع من عند الدكتور لما جاله اتصال
- الو ...ايوة يا بابا
- انت سند ؟ انا عمك بهجت جار الاستاذ مراد
سند بقلق- و تلفون ابوي بيعمل معاك ايه يا عم بهجت؟؟
- ابوك يا ابني جاتله نوبة سكر و نقلناه عالمستشفى و محدش معاه
- و مراته فين؟
- مراته هي السبب مش عارفينها راحت فين
- طب يا عم بهجت اديني عنوان المستشفى جاي حالا
في اللحظة دي طلعت حنان و إلهام من عند الدكتورة
حنان بفرحة : الدكتورة بتقول ان البيبي كويس اوي يا سند
- طب يالا عشان تروحوا البيت
حنان : مش عايز تعرف برضو ايه جنس الجنين ☺️
سند بتوتر : بعدين يا حنان بعدين ..
إلهام : مالك يا ابني مش على بعضك ليه!؟
سند : بابا تعب و اخذوه عالمستشفى ..
إلهام - يا ساتر !!!
سند : بقولك ايه يا ماما روحوا انتو دلوقت انا رايح له ...ااه افتكرت ...اوعي تقولي لحياة او نيرة لو اتصلوا ...مش عايزين نقلقهم عالفاضي ... انا هأفضل معاه
- طيب يا ابني ابقى طمننا عليه .. يالا يا حنان .
رجع حسام من الشغل لقى والده لسة واصل و غير هدومه
حطت بهية السفرة و نادت عليهم
قعدوا سوا يتغدوا و نادى حسام بأعلى صوت
- سعااااد ...
جات سعاد جري و هي بتتهته - ايوة يا حسام بيه
- اطلعي نادي حياة عشان تنزل تتغدى
سعاد : هااا ...أصل ...
حسام - مالك يا بنت ؟؟! بقولك نادي على حياة ...قوليلها ان احنا رجعنا .... يالا!!
سعاد بلجلجة : أصل ... أصل ...ست حياة
حسام : أصل ايه و فصل ايه يا بنت انتي ما تنطقي !!
- أصل حياة هانم مش موجودة يا بيه
- مش موجودة ازاي يعني !!؟ راحت فين ؟؟؟
سعاد بخوف : راحت عند أم حضرتك
حسام بغضب : ايييه !!!! ازااااي !!! و امتى ؟؟؟
- الصبح يا بيه ...طلبت من السواق ياخذها
خبط حسام ايديه الإثنين على التربيزة بغضب واضح
- ااااااه منك يا حياااااة ااااااخ ؟!!!! هتجلطيني أكييد !!!
بص لسعاد بغضب : و هو انا مش كنت نبهت عليكي اي حاجة تخصها تبلغيني !!!
سعاد بخوف : آسفة يا بيه...و الله حلفتني ما اقولكش حاجة 😓
كان هيقوم مسك فيه رشدي : رايح فين يا ابني !!
- هروح فين يعني !!! رايح اجيبها طبعا
- لا يا ابني ....اصبر شوية مش دلوقت !!
- اصبر ازاي يعني مش فاهم !!!؛ و بعدين ايه البرود الغريب اللي انت فيه ده و ازاي ما اتفاجئتش بالخبر !! تكونش عارف بالعملة المهببة دي !
- ايوة عارف
- يعني كنت عارف انها رايحالها برجليها و مع كدة وافقتها و كمان قاعد بكل برود ولا على بالك يا بابا ؟؟؟ دي شهيرة اللي كانت هتسقطها يا بابا ولا انت نسيت !
- معلش يا ابني اديها فرصة يمكن تنجح معاها و تعمل اللي انا ما عرفتش اعمله في ثلاثين سنة ... ارجوك بلاش تروح لها دلوقت
- بس مراتي حامل و اعصابها تعبانة يا بابا !!! و مش حمل ضغط !!
- مش هيحصل حاجة صدقني ... خليها كمان شوية و لو عايز تروحلها يبقى بالليل عشان ما يفضلوش لوحدهم ما دمت خايف عليها
بصله حسام بتوتر و اومأ له رشدي : اقعد نتغدى يالا 🙂
صحيت حياة من النوم و طلعت تدور عليها لقتها قاعدة بتتفرج
- آسفة اخذتني نومة هأحضر حاجة للغداء ...عندك ايه في الثلاجة ؟!
- مش عايزة منك حاجة و ما طل.....
- بس انا عايزة آكل مكرونة بالبيشاميل يا رب الآقي عندك النوع اللي بحبه ☺️
دخلت بسرعة المطبخ و سابتها لذهولها
- هي عايزة توصل ل ايه بالضبط ؟؟ 🤨
دخلت جري وراها
- انتي يا بنت انتي ما بتفهميش ولا ايه ؟؟؟ بقولك مش عايزاكي معايا عايزة توصلي لايه المرة دي ؟؟؟
حياة و هي بتطلع المكارونة : ولا حاجة يا طنط ... انا اتحرمت من أمي و عارفة معنى ان الواحد يحس باليتم و أمه عايشة
عشان كدة مش عايزة حسام يعيش الشعور ده ... عندك موزاريلا ولا ....خلاص مفيش داعي لقيتها ☺️
كملت تحضير الاكل و فضلت شهيرة بتبص لها بغموض بعدين طلعت من المطبخ و سابتها
- خير يا دكتور ؟؟
- الحمد لله انكم لحقتوه ... السكر علي معاه بشكل مخيف ... شكله مش واخذ علاجه ولا منتظم في اكله عشان كدة !!
- طب اقدر اشوفه يا دكتور ؟
- اتفضل هو بقى احسن بس بلاش ترهقه بالكلام دلوقت و كمان ساعتين هأكتبله على خروج
- شكرا يا دكتور .
في الوقت ده اتصلت إلهام : طمني يا ابني ايه الاخبار ؟
- الحمد لله بقى احسن .. انا هاستنى معاه لحد ما اخذه عالبيت اتغدو انتو بلاش تستنوني ... عايز اتطمن على اخواتي
- عايزة الحلاوة ☺️
- طمنيني ... ايه الاخبار ؟؟!
- زي ما خططنا ... أخيرا طلبت الخلع 😁
- هاااايل .... عقبال ما يحصل اللي ف بالي
-هيحصل قريب اوي 🙂.. هاني مش مقصر أبدا البركة في فلوسك طبعا
- المهم ان احنا الإثنين كسبانين يا نفيسة ...ابقي بلغيني بأي جديد
قفلت الخط و هي بتبتسم بخبث :
- هانت يا صافيناز ....مش فاضل كثير و هأرجعك للشارع اللي جبتك منه يا حق'يرة...لا و ايه !! بفضيحة كمان 😁.. و لا انتي كنتي فاكرة اني هسيب حق ابني اللي اتسجن بسببك !
(أعتقد عرفتو مين دي )
كانت حياة بتاكل و شهيرة بتبص في الطبق و فيها
- الله .... المكرونة بجد تجنن !! مش بتاكلي ليه يا طنط ؟؟
مش حاطة فيها سم ولا حاجة ... و لو مش عايزة تاكلي انا اقدر اكمل الصينية كلها على فكرة 😁🙄
- مش جعانة
- ماشي ...انا هأسيبها في الفرن لو جعت بالليل هأرجع لها ..
بصت للساعة : يا خبر !! ده المسلسل بتاعي هيتبدي !! تحبي نتفرج عليه سوا !!
شهيرة بتذمر : لا تعبانة
دخلت اوضتها و ضحكت حياة : هتفضلي تهربي لحد امتى ؟؟
بالليل
- طنط انتي برضو مش عايزة تتعشي ؟؟ 🤨 ده انتي حتى ما اتغدتيش !!
شهيرة بإصرار : قلتلك مش عايزة
- تمام ...براحتك ... انا تعبانة محتاجة انام ...لو عوزتي تاكلي الاكل في البراد سخنيه بس في المايكرويف
تصبحي على خير
- استني هنا !! هو انتي بجد هتنامي هنا ؟؟
بصت حياة للساعة و ضحكت : اومال عايزاني اروح فين الساعة دي !!! طبعا هأنام هنا ... قلتلك هأفضل معاكي !
شهيرة بتهكم : بتعملي كدة ليه ؟؟
- لإنك ام جوزي
- عايزة تقنعيني انك طيبة للدرجة دي ؟؟ اومال مش بتروحي لأمك انتي ليه يا حنينة ؟؟
تغيرت ملامح حياة و ابتلعت غصة حاولت تخفيها
دخلت اوضتها و فضلت شهيرة واقفة بتفكر بعدين دخلت اوضتها هي كمان
نص الليل كانت حياة بتتقلب في مكانها بتحاول تنام و دموعها مغرقة الوسادة
- هأرد أقول إيه بس ؟؟ هقول للناس ازاي إن انا حفيت و انا بحاول احصل على رضاها طول المدة دي بس هي اللي مش عايزة تشوفني و لا تسمع اسمي الا لو قطعت صلتي تماما بمامة سند !! هقولك انا واقعة بين نارين ! إما اقطع صلتي بالانسانة الوحيدة اللي مدت لي ايدها في عز ضعفي يا إما اتحرم من رضا أمي عليا😭
رن تلفونها كان حسام
- يوووه نسيته .... دي المرة الخمسين اللي بيتصل فيها .. لو ما رديتش عليه قبل ما أنام مش هينام عارفة ..
حسام بقلق - الووو حياة انتي فين كل ده !!
حياة بتعب - ايوة يا حسام .
- ايه اللي انتي بتعمليه ده يا حياة !!! هتجلطيني اقسم بالله
- ليه هو انا عملت ايه ؟؟
- افتحي الاول مش هأفضل واقف قدام الباب زي الحرامية
حياة بدهشة - باب ايه ؟؟؟
- جرى ايه يا حياة !! باب الشقة طبعا
حطت التلفون و طلعت بسرعة للباب فتحت و لقته ساند عالباب بتعب
- هو انتي فاكرة بجد اني هسيبك لوحدك هنا ؟
حياة بسخرية - بس كنت هتسيب امك لوحدها عادي يعني !
دخلت الاوضة و سابته
قفل الباب بسرعة و دخل وراها الاوضة