رواية مدرسة البنات الفصل الثالث3بقلم منه محمد
سحر : دعاء دعاااء
افاقت من شرودها علي صوت المعلمه : نعم
سحر : مالها ندى؟
دعاء : اييييه بتغيب كتير انا بس كنت بقترح لو حد من المدرسين يقعد معاها و يعرف اسباب غيابها يمكن عندها مشكله و هي محرجه تقول
سحر : هي طلبتك منك تقولي كده؟
دعاء : لا بس انا لاحظت كده
سحر : طيب يا دعاء هابقى اشوف الموضوع ده
دعاء : بس ممكن اطلب من حضرتك طلب
سحر : اتفضلي
دعاء : ممكن متعرفيهاش اني جيت قولت لحضرتك كده
سحر : ماشي يا دعاء تقدري تروحي لفصلك
نزلت من غرفه الاخصائيه عائدة إلي الفصل تحدث نفسها : اللي عملته ده الصح لو كنت
قولتها انها هربت كنت هابقي فتانه و مكنتش هتستفيد حاجه لانها اكيد هتهرب تاني لكن لما مس سحر تتكلم معاها ممكن تساعدها بطريقه غير مباشره
انتهى اليوم الدراسي و خرجت البنات للرحيل، كانت "ندى" تمشى بسرعه حتي اوقفتها "رقيه" : انت بردو رايحه
ندى ببرود : اه
رقيه : طب متلغيها مره و احضرى الدرس حللي الفلوس اللي بتدفعيها حتي عشان خاطر اهلك
ندى : انت مش بتبعتيلي الحاجات اللي بتاخدوها ف الحصه
رقيه : اه
ندى : طب خلاص، يلا باي
رقيه : طب استنيييي
لم تعطتها فرصه و اختفت من امامها، نظرت لها "رقيه" بحزن علي حالها، ثم ذهبت لمنزلها
كانت تجلس تذاكر في مكتبها فجائتها رساله
دعاء : السلام عليكم ازيك يا رقيه انا دعاء زميلتك ف الفصل
رقيه : و عليكم السلام ازيك يا دعاء
دعاء : الحمد لله، كنت عايزه اتكلم معاكي بخصوص ندى
شعرت فجأه بالتوتر : انت بلغتي عننا و الله ما هربت معها و لا اعرف المكان هي اللي وريتهولي و انا حذرتها (باعتها في ثانيه 🤦🏻♀️)
دعاء : اهدي اهدي مقولتش لحد حاجه
تنفست الصعداء ثم ارسلت لها : طب انت عايزه منها ايه؟
دعاء : مش هاينفع اقولك ف التلفون ينفع نتقابل بكره ف الفسحه و هاقولك كل حاجه بالتفصيل
رقيه : ماشي
في اليوم التالي لم تحضر "ندى" المدرسه بل هربت منها بعد ان نزلت امام اهلها بزي المدرسه، ثم بدلت ملابسها ف حمام المطعم الذي ستلتقي به مع "احمد"
اتت الفسحه و ذهبت "رقيه" لمقابله "دعاء"
دعاء : ازيك يا رقيه
رقيه : الحمد لله
دعاء : بصي انا هادخل ف الموضوع علي طول عشان انت شكلك متوتره
رقيه : ياريت
دعاء : انا من ساعه ما شوفت ندى و هي بتهرب من المدرسه و انا مركزه معاها و لاحظت انك مش عاجبك حال صاحبتك
رقيه : اه بس هي عنيده و مبتسمعش الكلام
دعاء : انا فهماكي انت عايزه تنصحيها بس ف نفس الوقت مش عايزه تجرحيها
رقيه : بالظبط
دعاء : انا بقى هاساعدك تغيرها لحد احسن من غير ما حتى هي تاخد بالها انها اتغيرت
رقيه بحماس : ازاى !!
دعاء : ده بقي اللي انا جيبتك عشانه