رواية اسمي حياة الفصل الثاني والستون62والثالث والستون63بقلم الاء اسماعيل
قفل الباب بسرعة و دخل وراها الاوضة
كانت هتبعد عنه بس شدها ناحيته و حضنها من ورا
حياة بتعب- حسام من فضلك ..أمك نايمة و انا عايزة أنام 😓
شدد حضنها أكثر لما حاولت تبعد عنه
غمض عينيه بضيق و قالها بشوق - و انا كمان عايز اناااام... بس في حضنك... ارحميني من البعد ده يا حياة ... انا حاسس ان انا ضايع من غيرك ...لا انا ميت مش ضايع... مش عارف أنام ولا أكل ولا اشتغل ...ما تبقيش قاسية للدرجة دي !!
حياة بعدت عنه بهدوء : مش هأكون في قسوتك يا حسام
والدتك امبارح و النهاردة نايمة لوحدها موجوعة و أكيد معيطة لإن بنتها الوحيدة إتجوزت و هي مسجونة بين اربع حيطان و ما لحقتش تفرح بيها ....ولا قادرة تحضر فرحها ولا صباحيتها بسبب مين ؟؟ هاااا
- هي اللي رفضت تحضر الفرح !
همست حياة و هي بتبكي - بسبب مين يا حسام !!!
قرب منها تاني - يا حياة افهميني هي اللي ....
حياة بمقاطعة : جوزها طلقها و حياتها اتدمرت !! حفلة ايه اللي انت عايزها تحضرها !! و فرحة ايه اللي هتقدر تفرحها !! و هي حاسة إنها بقت مجرد ست منبوذة لا جوزهاا عايزها ولا ابنها عايزها ؟؟! انت اللي مش عايز تفهمني يا حسام !!! حط نفسك مكانها و انت تفهم شعورها
امك صحيح قلبها كان مليان سواد من ناحيتي بس مش عاملة جريمة لا تغتفر للدرجة دي عشان الكل يحاسبها عليها بالشكل القاسي ده !!
يا أخي ده ربنا بيسامح العبد العاصي مهما كانت ذنوبه!! تقووم انت ترفض تسامحها ؟؟ دي امك مش اي حد !!
حسام بغضب مكتوم - بس دي حاولت تقتل ولادي ؟ يعني شايفة ان دي حاجة بسيطة بالنسبالك ؟؟؟
- يا حسام الذات السلبية في الإنسان هي اللي بتغضب وتاخذ بالثار وتعاقب ...بس الطبيعة الحقيقية لينا هي النقاء وسماحة النفس والصفاء والتسامح ...دي الفطرة اللي ربنا فطرنا كلنا عليها ...
للأسف فيه ناس شيطانها بيغلبها و بيخليها تنسى فطرتها...و في الحالة دي بتشوف إن التسامح انكسار، و إن الصمت هزيمة، مش عارفين إن التسامح بيحتاج قوة أكبر من الانتقام، وأن الصمت في مواقف كثير بيكون أقوى من أي كلام... انا لو كنت شفت زيك انها شيطان بهيئة انسان كنت كرهتها انا كمان اول ما عرفت بالحكاية من سعاد و كنت قلتلك و قلبت البيت فوقاني تحتاني يوميها ..بس انا اخترت اسكت ياحسام مش ضعف مني ولا خوف منها ...
يا حسام مفيش حاجة أسهل من الكراهية إنما الحب هو اللي صعب اوي لإنه بيحتاج نفس عظيمة تقدر تسامح و تحب حتى اللي اذاها..
لما تقعد مع نفسك و تفكر كويس هتفهم كل كلامي ده و ساعتها هتقدر تفهم موقفي يا حسام ...غير كدة انا مش راجعة معاك و قاعدة معاها ....مش هتبقو انتو و الزمن عليها
- ما اقدرش افهم اي حاجة ... دي حاولت تقتل ولادي و طول م انا مش ناسي الموضوع ده قلبي مش قادر يسامحها...ده كان ممكن يحصلك حاجة تانية!! افرضي كنتي وقعتي على دماغك و بعد الشر رحتي فيها ؟؟
لا يا حياة ... انا هاقدر اسامحها في حالة وحدة بس : اني افقد الذاكرة و انسى كل اللي حصل ...غير كدة سيبيها للزمن هو اللي كفيل ينسيني
حياة :البني آدم صحيح من نعم ربنا عليه إنه بينسى... .بس مش دايما.يا حسام ..البني آدم مننا مش بينسى إلي ۏجعه عشان يتعلم منه مش بينسى غلطه عشان ميرجعش له تاني مش بينسى إلي بيفرحه عشان يرجع له تاني ويديله فرحة اضعاف فرحته
مش بينسى الناس إللي بيحبها حتى لو ما'توا عشان يدعيلهم بالرحمة
إحمد ربنا إنك فاكر و مش ناسي ...عشان كل مرة بتفتكر اللي حصل إبقى على طول ردد الجملة دي مع نفسك
" مهما عملت معايا .. دي أمي و هتفضل دايما أمي "
مش عايزة ولادي يجوا للدنيا دي و ابوهم عاق لأمه ...
ابتلعت غصة و اكملت بمرارة
- مش كفاية أمي انا مش راضية تكلمني لا تقابلني طول المدة دي !! و مهما حاولت اتقرب منها بتصدني ؟؟ مش عايزة تسامحني بس عشان رفضت اخاصم ماما إلهام و اقطع اي صلة بيها ؟؟ مش كفاية الكل فاكرني انا اللي عاقة يا حسام !! مش كفاية محدش عارف الحقيقة ؟؟؟ هتبقى انت كمان مخاصم امك عشان الكل يقول أكيد هي اللي قسته على امه ؟ طبعا !! مش هي مخاصمة امها من سنين ؟؟؟
مسحت دموعها و اتمددت عالسرير بتعب و راح هو اتمدد معاها و اخذها ف حضنه و دموعه بتنزل تلقائي
- أنا بحبك اوووي يا حياة...انتي كنزي و هديتي من الدنيا دي.
انا متأكد انك لو حاولتي المرة دي هتقابلك ...يمكن لما تشوف احفادها قلبها هيلين من ناحيتك يا روحي .
- طب و أمك انت يا حسام ؟؟
- أمي زي امك هي اللي غلطت في حقي و حقك يا حياة مش انا !!
- يعني ايه ؟؟
- يعني هتعتذر منك أولا بعدين مني و ساعتها بس هي أمي و فوق دماغي من فوق .
كانت شهيرة واقفة ورا الباب و دموعها شلال من اللي سمعته
- معقولة بعد كل اللي عملته معاها مخاصمة جوزها عشاني !
طلعت على اوضتها و هي بتفكر في كل كلمة قالتها حياة
و بتسترجع في مواقف كثير معاها طول الليل و دموعها شلال
حسام - بصي انا الصبح بدري هأطلع عالشغل و هأبقى ابعثلك سعاد اوعي تعملي أي حاجة فاهمة !!
- و أمك ؟
- أما ارجع المساء يا حياة ... المهم اوعي تقوليلها اني جيت
- ليه؟؟
- بقولك ايه ؟ مش هنفضل نتكلم عن أمي طول الليل !
حياة ببلاهة - يعني ايه ؟؟
دفن حسام وشه في رقبتها و همس برغبة و هو بيضمها بحب
- هو ايه اللي ايه ...بقولك وحشتيني موووت.... عايزة تفهميني اني ما وحشتكيش كل ده !!
همهمت حياة و هي تحاول مقاومته : حسام ارجوك 😓
- ارجوكي انتي حسي بيا حرام عليكي حارماني منك كل ده عشان ايه ! انتي هتولدي بعد أيام ! ولا نسيتي ده كمان ؟؟
شوقها اليه كان أكبر من أن تكابر .. استسلمت لهمساته و لمساته التي حرمت نفسها منها كثيرا و طالت القبلات و اصبحت اكثر جنونا اغمضت عيناها بشغف و اندمجت معه ليغوصا في عالم العشق اللانهائي
الصبح صحيت بصت قدامها مالقتهوش
افتكرت ليلة امبارح و ابتسمت بحب و هي بتضم وسادتها ليها
- ربنا يسعد قلبك و يريح بالك يا روحي
طلعت من الاوضة لقت شهيرة بتحط في السفرة
اندهشت حياة : صباح الخير يا طنط 😳
شهيرة بإبتسامة - صباح النور ..
- مين اللي حضر الفطار ده ؟؟ 🤨
- هيكون مين يعني ؟ ولا انتي فاكراني عاجزة !
- لا استغفر الله مقلتش كدة !! 🤔
ترددت شهيرة قليلا ثم سألت و هي بتحط الصحون - هو انا سمعت صوت حسام امبارح ولا كان متهيئلي !!
توترت حياة قالت : حسام !!! احم ااه ...هو اصله ...كان ...
- مش عايز يشوفني ...عارفة ...و معاه حق 😓
- لا الموضوع مش كدة ... هو بس ...
-طب هو راجع النهاردة؟؟
حياة : مش عارفة ...يمكن
- بقولك ايه هو انتي في الشهر كام ؟؟
حياة بتعجب : في السابع ...ليه ؟؟
شهيرة : ولا حاجة ...هتفضلي واقفة كدة كثير ؟ ما تقعدي تفطري !
حياة بإستغراب من تصرفاتها : حاضر .. اغسل بس و جاية 🤨
كانت هتدخل الحمام لما رن جرس الشقة ..راحت تفتح و شهيرة واقفة مستنية مين اللي جاي عالصبح
حياة - سعاد !! أزيك ....اتفضلي
سعاد بتوتر و هي بتبص لشهيرة و خايفة من رد فعلها : حسام بيه بعثني اقعد معاكم و اشوف طلباتكم .😥
حياة : لو طنط موافقة انا معنديش مانع. ..قلتي ايه يا طنط ؟
شهيرة بلا مبالاة : عادي
دخلت سعاد بسرعة و راحت حياة معاها توريها المطبخ
إلهام مستنية سند اللي إتأخر عن معاد الغدا
حنان : يعني هي كانت اول مرة يا ماما؟ ماهو متعود يتأخر في الشغل ! خلينا ناكل بقى ! 😓
- لا يا حنان هو مش متعود يقفل موبايله
- يمكن فصل بس .
إلهام : طب هو امبارح دخل الساعة كام انا مشفتوش بالليل
- هو جيه متأخر انا كمان كنت نايمة و ما صحيتش عليه و قمت الصبح لقيته طلع
- يعني مش غريبة شوية ؟! من لما طلع امبارح مع ابوه محدش شافه لا اتغدى و لا اتعشى معانا و كمان طلع من غير فطار !!
- و الله معاكي حق يا ماما
كانت حنان هتكمل كلامها لما دخل سند بتعب
حنان : الحمد لله .... اهو جيه
جريت إلهام عليه - خير يا ابني ؟؟ شكلك تعبان كدة ليه ؟؟
سند : مفيش يا ماما ... شوية ارهاق من الشغل بس
إلهام بشك : متأكد ؟؟
- أيوة يا ماما ..متأكد و يالا عن اذنكم عايز أنام عشان ارتاح
- تنام ايه يا ابني و الغدا ؟؟
- مليش نفس يا ماما كلوا انتو بالهناء و الشفاء
- ده يصح برضو ؟؟ احنا مستنيينك لحد ما معاد الغدا عدى و لما تجي تقولنا اتغدوا انتو؟؟انت ناسي ان مراتك حامل ؟؟
- معلش يا ماما بجد مش قادر
دخل اوضته و همست إلهام لحنان
- بنت يا حنان اجري ورا جوزك تشوفيلي ماله و تجي تقوليلي
- لا يا ماما انا مش فتانة
- فتانة ايه يا عب'يطة هو احنا في المدرسة؟؟ جوزك مخبي حاجة و مكسوف يقولها لي بس انتي مراته مش هيخبي عنك ده ابني اللي مربياه و حافظاه ...يالا شوفيه ماله
حنان بتفكير : حاضر يا ماما .
دخل اوضته بتثاقل قلع الجاكيت و الجزمة و اتمدد عالسرير و هو بيفتكر اللي حصل امبارح
فلاش
- متأكد انك احسن دلوقت يا بابا ؟؟
- انا كويس ما تقلقش... روح انت شوف اللي وراك انا هأدخل البيت أنام ساعة هأبقى احسن
- طب ما تنساش تاخذ دواك بس .
- ماشي
طلع مراد من العربية و اتجه ناحية الباب بيحاول يفتحه مش بيفتح
لسة سند هيدور مفتاح العربية لقى ابوه بيخبط عالباب
وقف سند و طلع من العربية
- خير يا بابا ؟؟ فيه مشكلة ؟
- المفتاح مش راضي يفتحلي !! مش عارف ليه
مسك تلفونه و أتصل بيها
- الوو ... مفتاح البيت مش راضي يفتحلي ؟؟ عملتي ايه!
- أنا هقولك .. لإني غيرت الكالون يا روح أمك و أحسنلك تلم اللي فاضل لك من كرامتك و تغور من هنا لإني عاملالك محضر بعدم اعتداء هوما البوليس ما بلغوكش بيه؟
ضحكت بإستفزاز و كملت : ااه نسيت ...ماهو انت ملكش عنوان هيلاقوك فين ؟؟ 🙄😂
بص مراد لسند بدهشة و قال لها : انتي بتقولي ايه !! افتحي الباب لأكسره على دماغك يا وا'طية 😤😤
- لا يا روحي ... كان فيه من ده و خلص....مش هتكسر حاجة تاني بعد النهاردة ...مش كفاية ايدي !!
مراد بحدة - يعني ايه ؟؟؟ افتحي بقوووولك 😡😤
سند بهمس : بابا ارجووك انت لسة طالع من المستشفى و تعبان
صافيناز ببرود - ده بيتي ومكتوب بإسمي و لا انت ناسي ؟؟ و من النهاردة مش هتعتبه تاني ابقى روح للهانم أم المحروس خليها تنفعك ... أنا رفعت عليك قضية وكدة كدة هأخلعك بقى لو راجل طلقني من غير شوشرة و محاكم و فضيحة
الدم غلي في عروقه و خبط الموبايل بقوة عالأرض اتكسر
- الواااا'طية .... الحقيييي'ييرة !!! أنا هقت'لها بايديا دووول 😤
كان هيقع سنده سند بالعافية
- بابا ارجوك تهدى و خلينا نمشي دلوقت و هنبقى نفهم الحكاية بعدين
-بس ده ...ده بيتي ...نمشي فين ؟؟؟
- يالا بس عشان ما تتعبش احنا ما صدقنا السكر نزل
في اللحظة دي بصت من الشباك و رمت له شنطة و قفلت تاني و هي بتقول بصوت عالي من فوق
- دي حاجته و الدوا بتاعه و شوية فلوس كان حاططها مع هدومه عشان ما تعتبرنيش قليلة أصل
ضحكت ضحكة سخرية و تشفي و قالت له بكل جبروت
- يالا يا اخوي ... المركب اللي تودي
مراد بحسرة : مش هسيبك يا گلبة ....نهايتك هتبقى على ايدي،😤
أخذ سند ابوه اللي كان منكسر حرفياً و مش قادر يصلب طوله و مشي و هو سانده لحد ما وصلوا للعربية ...دخله و رجع تاني أخذ الشنطة و بصلها بإحتقار و تف عالأرض و مشي هو و ابوه
- هنروح فين دلوقت
-ايه السؤال ده ؟ على بيتنا طبعا !!
مراد بإحراج : لا يا ابني ... مش هأقدر اروح بيتك خذني على أي اوتيل دلوقت و بكرة تتدبر
- أوتيل ايه بس و بيت ابنك موجود ؟؟
- معلش يا ابني ... مش هأقدر صدقني ..عشان ... و سكت
سند -عشان أمي مش كدة ؟؟؟
مراد بكسرة : مش هأقدر صدقني ... الموقف صعب جدا عليا
سند بتفهم : أمي مش هتمانع على فكرة
- عارف
سند بإستسلام : طيب خلاص انا هأشوفلك أوتيل محترم و بكرة يحلها ربنا ... عموما بيتي مفتوح لك في أي وقت
مراد ما عرفش يتكلم و انهار في البكاء
- بتعمل معاي كل ده ليه مع اني اكثر حد اذاكم انت و أمك ؟؟
- لإنك في الأول و الآخر ابوي و سبب وجودي في الدنيا
مراد بإنكسار : أنا ما استاهلش ابن طيب زيك...ولا بنت طيبة زي حياة ...ربنا بيعاقبني على ظلمي ليكم ...استاهل كل اللي بيحصل معايا ده 😭💔
- ما تقولش كدة يا بابا .. بالا ادينا وصلنا الاوتيل
باك
مسح دمعة نزلت من عينيه غصب عنه في اللحظة دي دخلت حنان
- خير يا سند ؟ شكلك مهموم اوي مالك يا حبيبي ؟؟
سند بضيق: مفيش يا حنان ..
حنان بقلق : انت كنت بتعيط ولا ايه ؟؟
لف للناحية التانية : ارجوكي يا حنان مش قادر اتكلم سيبيني أنام لي ساعة عشان نلحق نطلع عالمطار ....نيرة هتسافر بعد ساعتين
- لا مش سايباك إلا لو قلتلي ايه اللي شاغل بالك بالشكل ده!
تنهد بحزن و اطلق زفرة طويلة
- هقولك ايه بس ...ماهي حاجة ما تتحكاش
اتمددت جنب منه و حضنته بحب
- و انا مراتك و أم ابنك و ان مكنتش تفتح لي قلبك عشان ترتاح مين اللي هيريحك !؟؟ هااا حبيبي فيه ايه ؟؟؟ و بعدين انت كنت فين كل ده ما شفتكش من امبارح !!!
سند بحزن :كنت مع ابوي لحد ما طلع من المستشفى ..و بعدين اخذته عالبيت و من هناك على أوتيل و قعدت معاه لحد ما اخذ دواه و نام بعدها جيت ..كنتي نايمة محبتش اصحيك
حنان بتعجب - أوتيل ايه ده ؟؟؟ ايه اللي يودي ابوك اوتيلات!!
سند بحزن : الوا'طية مرات ابوي ... رفعت عليه قضية خلع
شهقت حنان: يا نهار اسود!!
سند - إستغلت حكاية الضرب و راحت عملت تقرير طبي عشان تكسب القضية.. أنا خايف على بابا... حكاية زي دي ممكن يروح فيها !
- بعد الشر يا سند ...وبعدين حتى لو حصل يبقى ارتاح منها
- ما انتي مش عارفة عملت ايه !!
- ايه تاني ؟؟
- الحرباية خلته يمضي على تنازل البيت يعني لو حصل كدة هتطرده للشارع... و ده اللي مخوفني !!
- الولية دي انا ما ارتحتلهاش خالص شكلها مش سالكة
سند - ربنا يسترها بس ...المهم انا كل اللي شايل همه دلوقت نيرة .... هنقولها ايه ؟؟
- ما تقلقش سيبها على ربنا ... من هنا للمساء هنبقى نألف حكاية
نروح عند الوا'طي و الوا'طية
هاني- يااااه يا روحي ...مش مصدق أنك أخيرا هتبقي ليا !!!
- ولا أنا حبيبي .... عموما لسة جلسة المحكمة و القر"ف ده المهم ان انا طردته من البيت .. لإني حرفياً مكنتش طايقة أبص في وشه
- ايوة ده المهم ..كل حاجة بعد كدة تتحل ...المهم اوعي تطلعي لوحدك ليتهور عليكي !!
- خايف عليا يا نونو؟
- لو مكنتش اخاف عليكي هأخاف على مين يا قلب نونو !؟
- طب بقولك ايه يا هاني ؟؟
- هااا يا حبيبتي
- احنا لو نخف مقابلات اليومين دول لحد ما تخلص الحكاية كلها ...يعني انت عارف ...ممكن يكون بيراقبني ولا حاجة مش عايزة حد يشوفنا سوا ... ساعتها في المحكمة هتبقى حكاية تانية و هأطلق بفض'يحة كمان
- حاضر يا قلبي زي ما تحبي ولو اني ما اقدرش اغيب عنك كل ده بس أحاول
- هااانت يا روحي
( ربنا ياخذ روحك يا بعيدة ) همس هاني مع نفسه
(ربنا ياخذكم انتو الإثنين😤 ...همست آلاء )😂
طلعت حنان و جريت عليها الهام اول ما قفلت الباب
- هااا يا حنان طمنيني ؟؟
اشارت لها بهمس : هسس هو دلوقت نام تعالي ننزل تحت للجنينة و هاقولك كل حاجة
دخلت حياة اوضتها و اتصلت بنيرة
- يا رب ما اكون اتصلت في وقت مش مناسب !
- لا عادي يا حبيبتي انتي تتصلي ف أي وقت
- ليه شايفاني قليلة ذوق ؟؟ 🙄😂 ما انا عارفة اللي فيها
ضحكت نيرة و قالت : عموما فؤاد لسة نازل عشان يتغدى و انا بأجهز الشنط
- ربنا يسهلها ...ها طمنيني عروستنا الحلوة عاملة ايه ؟؟
نيرة : الحمد لله يا حياة انتي اخبارك ايه يا قلبي طمنيني عنك
- الحمد لله ما تشغليش بالك بيا .. اهتمي بنفسك و بجوزك و بس
- ما اشغلش بالي ازاي مش هتولدي الشهر ده ؟؟
- ايوة بس خليها على الله .. عموما انا هأبقى اطمنك عليا
- ان شاء الله ...ألا قوليلي يا حياة ؟؟ يعني محدش جيه ولا بارك ... استنيتهم امبارح الصباحية مجومش بأتصل بأبوي تلفونه فاصل شحن ... باكلم ماما مش بترد عليا و لو ردت بتبقى مشغولة و تقفل على طول !! هي ايه الحكاية ؟؟ 🤨
حياة بقلق : مش عارفة ...انا كمان ما اتصلتش من اول امبارح و مش عارفة حاجة !
- طب يا ريت تسألي حسام او سند يشوفهم يمكن محتاجين حاجة
- من غير ما توصيني ...و عموما النهاردة هنتقابل كلنا في المطار و هتتطمني عليهم ...أنا هأتصل بسند دلوقت و ابقى ارد عليكي بعدين ...
- ماشي .. باي حبيبتي
- يا ساتر !!! دي ولية جبروت !!! معقولة تعمل كدة في ابو ولادها !! ترميه الرمية دي في عز تعبه؟؟
حنان - تقولي ايه يا ماما !! ماهو ده الفرق بين بنت الاصول و الوا'طية ....دي وحدة ما لهاش أصل من فصل هتستني منها ايه غير كدة !!
في هذه اللحظة اتصلت حياة
إلهام - يا خبر دي حياة !!
حنان بمقاطعة : اوعي تقوليلها حاجة ...انتي عارفاها بتخاف عليه اوي
اشارت إلهام إليها بالسكوت بمعنى ما تخافيش مش هقول
فتحت الخط
- ماما ازيك .. بأتصل بسند مش بيرد !! هو مش معاكي ؟؟
بصت لحنان و قالت لها : سند كان تعبان اوي جيه نام على طول
طمنيني عنك يا بنتي ايه الاخبار ؟؟
- الحمد لله يا ماما كله تمام
- يعني ما حاولتش الحرباية تضايقك بحاجة ؟
- لا عادي يا ماما ... ده حتى النهاردة صاحية آخر روقان و حضرت لنا الفطار كمان
- يا مصيبتي! يكونش الهدوء اللي بيسبق العاصفة با بت؟؟
حياة بضحك : لا يا ماما ... ما تخافيش ...لو كان كدة كنت حسيت المهم طمنيني عنكم انتو بخير ؟؟
- الحمد لله كلنا بخير....ما تنسيش بس ان نيرة هتسافر الساعة 6 المساء هتقدري تجي عشان نودعها سوا ؟؟
- أكيد مش ناسية يا ماما ...و عشان كدة كنت بأتصل بسند اصلي باتصل ببابا تلفونه فاصل
إلهام : هااا ...مش عارفة ...عموما سند ما قالش حاجة لما يصحى هنسأله
- لا ملوش لزوم أنا هأطلب من السواق يوصلني عند بابا البيت و اخذهم نروح كلنا سوا
إلهام بمقاطعة - لااااا .... ابوكي تعبان شوية مش هيقدر يروح احنا هنعدي عليكي عشان نروح مع بعض
حياة بقلق : بابا تعبان و محدش يقولي ؟؟
- لا تعب عادي هو بس نسي ياخذ دواه ...والسكر علي تاني الحمد لله بقى احسن
- يبقى هروح ازوره ...
- مفيش فايدة معاكي ...خلينا نودع نيرة الأول و اوعي تجيبيلها سيرة مش عايزين نشغلها بحاجة بسيطة زي دي
- ماهي هتسأل ماجاش ليه .. و بعدين انتي شايفاها حاجة بسيطة؟ ده السكر و اي غلطة منه بعد الشر يعني ..
- بعد الشر عليه ...ان شاء الله هيبقى كويس ...
- طيب ماشي ... يالا سلام
- اوووف ...شوية و كانت تفقسنا !!
حنان - تفتكري عدت عليها ؟؟؟ دي حياة يا ماما .. و انا اكثر واحدة عارفاها ! مش بتقتنع بسهولة الا لو اتأكدت بنفسها
حياة : الو عمو محمود ...ممكن تجيلي دلوقت لو فاضي عايزة أوصل مشوار لحد بيت ابوي ..و بلاش تقول لحسام من فضلك ..
بارت 63 🔥
لبست هدومها بسرعة و هي بتبص للساعة
- لسة معاي وقت على ما يعدي سند عليا .. هكون رجعت ندهت على سعاد
- بقولك ايه يا سعاد ...انا رايحة خلي بالك يمكن تحتاج لك
سعاد برعب- يا مصيبتي هتسسبيني معاها لوحدي ؟؟
- هي كانت بعبع ؟؟؟
- طب ما تاخذيني معاكي؟؟
-اخذك فين ! لا طبعا ...خليكي يمكن تطلب اي حاجة
سعاد بقلق : حاضر ربنا يستر
وصل محمود السواق و رن عليها
- طيب يا عم محمود نازلة حالا
طلعت من الاوضة لقت شهيرة في وشها
- معلش يا طنط انا طالعة مشوار بس لحد بيت ابوي...عايزة حاجة اجيبهالك معايا و انا راجعة ؟؟
- لا مش عايزة ..
- طيب اهي سعاد معاكي
طلعت من البيت و ركبت مع السواق و هي بتتصل
- الو حسام
- ايوة يا روحي فيه حاجة ؟؟؟
- كنت عاوزة اقولك اني رايحة مشوار لغاية بيت ابوي اتطمن عليه و راجعة تاني
حسام بتوتر - رايحة ؟؟؟ رايحة مع مين ؟؟؟
- مع عم محمود السواق
- طب ما قلتليش ليه اجيلك انا !!!
- مش عايزة اعطلك عن شغلك و ما قدرتش استنى لغاية ما تخلص دوام ..اصله رجع تعب و السكر علي معاه
همس حسام - عموما حسابي مع محمود مش معاكي
-سمعتك على فكرة ...و حرام عليك هو ملوش ذنب انا اللي طلبت منه ما يقولكش
ما انا عارفة انك اول ما تسمع هتسيب كل حاجة و تجي
- طب أبقي طمنيني عنك
- حاضر .
- بحبك
بصت للسواق و قالت بهمس عشان ما ياخذش باله:
-و أنا كمان .
قفل و هو بيتنهد
- اوووف منك حياة .. لما تصممي على حاجة محدش بيقدر عليكي .. أكيد كلمت سند أو إلهام .
ساب المكتب و هو بيتصل
- استاذ خالد مضطر اطلع دلوقت انت عارف ان مراتي حامل و ممكن تولد في أي وقت
خالد - طيب مفيش مشكلة .
نيرة - انتي بتقولي ايه يا ماما ؟! مش جايين ازاي ده كلام برضو ؟؟
صافيناز - و الله مش هأقدر عشان كدة اتصلت عليكي قلت اودعك بالتلفون و خلاص
- تودعيني بالتلفون ازاي و احنا يا عالم هنقدر نتقابل تاني امتى ؟؟ كنت عايزة اسلم عليكي انتي و بابا اخواتي قبل ما اسافر .. و بعدين كل اهل فؤاد هيكونوا هناك هيقولوا عليا إيه ؟ مقطوعة مش شجرة ؟؟ مش كفاية خليتو موقفي بايخ قدامهم و ماجيتوش يوم الصباحية زي ما كل الناس جات و باركت !!! 😓💔
صافيناز -جرى اي يا نيرة الله !! ما تافوريهاش اوي كدة ..انتي قوليلهم بابا تعب شوية و ماما قاعدة معاه مش مشكلة كبيرة يعني !
نيرة بخضة - ايه اللي انتي بتقوليه ده يا ماما !!! بابا تعب !!! عشان كدة تلفونه فاصل من امبارح !!
- لا طبعا ...انا بس بقول كدة عشان عيلة فؤاد ..
لوت بوزها و قالت بسخرية : عموما اهي اختك و اخوكي و أمه هيجوا يودعوكي و هوما الخير و البركة ولا انتي ايه رأيك ايه ؟؟؟
نيرة بضيق - ده كلام برضو يا ماما ؟؟ يعني انتي شايفة ان هوما هيقدروا يحلوا محلكم ؟؟
- معلش يا نيرة ... ما تزعليش يا حبيبتي ... بس و الله ما هأقدر اجي ..هو تعبان شوية و خايفة المشوار يتعبه اكثر
- طب ايه رأيك اخلي فؤاد يبعثلكم سواق عالبيت يوصلكم ؟؟
- لالا اوعي !! ابوكي في كل الاحوال مش جاي و مش هيرضى اني اطلع مع واحد غريب
نيرة - يبقى مفيش غير حل واحد ...اجيلكم انا ..
صافيناز بتوتر - لااااا تجيلنا ايه انتي كمان !! طيارتك بعد ساعة مش هتلحقي
بصت نيرة للساعة بحزن - فعلا ..مش هنلحق ... طب ماشي اديني بابا اكلمه ..
صافيناز بتردد - ماهو ... ماهو نايم .. لسة نايم من نص ساعة مش هأقدر اصحيه
- مش عوايده ينام الوقت ده !!!
- ما نامش كفايته بالليل ...عشان كدة ...
سمعت خبط عالباب
- بقولك ايه. يا نيرة. الباب بيخبط يالا انا هاقفل يا حبيبتي خلي بالك من نفسك توصلي بالسلامة .
نيرة بإنكسار - و انتي كمان يا ماما 😓
قفلت الخط و هي تهمهم
- على الله بس الز'فت ابوها ما يروحش المطار و يبوظ الدنيا ... نادت بصوت عالي طيب طيب يا اللي بتخبط !!
طلعت صافيناز تفتح بصت الاول من العين السحرية و لوت بوزها و هي بتفتح و قالتلها ببرود
- مين !! حياة 😏 أهلا ...خير !!
- جاية اشوف ابوي
كانت هتدخل و هي بتحاول تتجاهلها بس صافيناز وقفتها بحركة من ايدها
- اوعي كدة رايحة فين !! هي وكالة من غير بواب ؟؟
- بقولك جاية اشوف ابوي ابعدي من وشي 😤
- ابوكي مش عندي يا اختي و اتفضلي هوينا ...و ما ترجعيش هنا تاني لانه من النهاردة ما بقاش بيت ابوكي ولا بقى ليه حاجة عندي... الحمد لله اخذ هلاهيله و غار
- مش فاهمة!!ابوي راح فين ؟؟ اتكلمي !!!
- و انا ايش عرفني ما يروح في أي داهية انا مالي ؟؟؟ هو انا كنت ولية أمره ؟؟
- انتي بتتكلمي كدة ازاي !!!!
- انا اتكلم بالشكل اللي يعجبني يا عينيا ...ابوكي بح ...ما بقاش عنده بيت و انا قريب اوي هأخلعه و اخلص من قرفه و قرفكم كلكم...و يالا اوعي من وشي كدة !
قفلت الباب في وشها
كانت حياة مصدومة صدمة عمرها و شوية و كانت هتقع لولا ايد سندتها بسرعة و حطها في العربية و هي على صدمتها
بص للسواق و قاله: انا معاها ....
- يعني ارجع البيت با بيه ؟؟
- لا انا هقولك تعمل ايه
همس في وذاانه أشار محمود بالإيجاب : حاضر يا حسام بيه
انطلق محمود لوجهته و مشي حسام بعربيته لحد ما وصل بيت سند و هي لسة على صدمتها
نزلها بالراحة و هي مش قادرة تنطق حرف حتى
حسام - حياة... حبيبتي !! انتي كويسة !!! احنا وصلنا بيت اخوكي .. يالا تعالي يا روحي ... بالراحة
كانت إلهام و حنان و سند طالعين من الفيلا جريوا عليهم بخضة اول ما شافوه ساندها
حنان - دي حياة !!! يا ساتر !
إلهام بخوف : مالها بس ما انا لسة كنت بتكلم معاها قبل شوية !
مسكتها إلهام مع حنان قعدوها جوة و مسك سند ازازة مية و اداها لحسام و هو بيسأله؛ هي مالها يا حسام ؟؟
رشها حسام بلطف بالمية و هو بيهمس له : راحت عند مرات ابوك
شهقت لما لامست المية الباردة وشها و كأنها أخيرا فاقت من شرودها
- بابااااا.. بابا يا حساااام !! باااباااا فين ؟؟
سند - ما تخافيش بابا بخير ... المهم انتي ..
حياة بحزن : بخير ازاي و الحقي'رة مراته رافعة عليه خلع و رامياه في الشارع و يا عالم بايت فين يا سند 😓😣
سند - هيبات فين يعني انا وصلته بنفسي عالاوتيل
حسام : ابوكي كويس يا حياة ..و هو دلوقت في مكان آمن ما تخافيش عليه
بصت إلهام لسند بإستفهام ..رد سند بتأكيد : ايوة يا حياة انا اتصلت الصبح بحسام و قلتله اللي حصل و هو عدى عليه بدري للاوتيل و أخذه
حياة بتعب : على فين يا حسام ؟؟
حسام - هو دلوقت في الفيلا بتاعتك... و بخير ما تقلقيش انتي .
بص سند في الساعة : طب يا جماعة مش شايفين اننا اتاخرنا !!
إلهام لحياة : هتقدري تروحي معانا للمطار ولا هتكلمي نيرة في التلفون ؟
كانت هتقوم مسكها حسام و قومها : لا انا رايحة معاكم
- طب يالا بينا
اول ما وصلوا المطار وصلت وراهم عربية رشدي و طلع محمود و معاه مراد و الولاد رؤى و يوسف
حياة بدهشة ؛ بابا!! ..راحت عنده و حضنته و هي بتعيط
فضل يبصلها و يبصلهم و هو مصدوم !!
- انت بخير ؟؟ مفيكش حاجة !!
مراد : الحمد لله بفضلكم انتو ...و بصلهم هوما الثلاثة
مسح مراد دموعها بحنان و هو حزين : دموعك غالية اوي اوعي تعيطي عشاني او عشان اي حد تاني
طلع سند علبة و اداها لمراد : ده تلفون جديد بدل اللي اتكسر و عليه شريحة عشان نفضل على تواصل
اشار حسام لمحمود يستناهم برة و هم الكل بالدخول
سند : استنو لحظة ...
بص الكل لسند و كمل هو : اوعة حد فيكم يقول كلمة كدة ولا كدة قدام نيرة ...مفهوم ؟؟؟
اومأ الكل بالايجاب
يوسف ( 9 سنين ) : هي ماما فين مجاتش معانا ليه ؟؟
همست له حياة : حبيبي ماما تعبانة عندها كورونا محبتش تجي عشان نيرة ما تتعديش و هي مسافرة ...
رؤى ( 12 سنة ) : طب ايه اللي انتو مش عايزين نيرة تعرفه؟؟ قرب منها سند و قالها بصوت واطي : اوعي تقوليها ان مامتك تعبانة هتزعل عليها و ما ترضاش تسافر و هي عندها عقد عمل و مضطرة تسافر ... فهمتي دلوقت ؟؟
رؤى : فهمت ...
- طيب يالا بينا..
وصلوا لحد المكان المخصص للإنتظار كانت نيرة بتبص يمين و شمال لحد ما شافتهم !
قربت عليهم و من وراءها جوزها فؤاد
حضنت حياة الاول بعدين إلهام و جيه بعدها سند و مراد
سلمت على سند و وقفت قدام ابوها مصدومة ؛
بابا انت كويس !!! اومال ماما ليه قالتلي انك تعبان و ما تقدرش على مشوار المطار ؟؟
بصوا لبعضهم و ما عرفش مراد يجاوبها
بصت يمين و شمال لكل الموجودين و كملت : و مادام انت بخير اومال هي فين !! ماجاتش معاكم ليه ؟؟؟
بصوا لبعض و محدش عرف يتكلم ...مراد قرب منها و قال
مراد - أصل ماما تعبانة شوية مش قادرة تجي
نيرة بشك : تعبانة ازاي !! و هي مكلماني من ساعة عشان تودعني و بتقول انت اللي تعبان و هي اللي قاعدة معاك؟؟
يوسف بمقاطعة ؛ لا ماما هي اللي تعبانة و لو جات هتتعدي و مش هتسافري
- اتعدي !!! هي تعبانة اوي كدة و انا سايباها و مسافرة !!
حاولت إلهام تصلح الموقف : جرى ايه يا نيرة هانم يعني كل الناس اللي جاي دي عشان تودعك مش مالية عينك ؟؟ و بعدين ما انتي بتقولي انها كلمتك بالتلفون ! يبقى هي كويسة مش تعبانة للدرجة دي يعني !! و اهي رؤى معاها مش كدة يا رؤى !؟؟
- ايوة يا نيرة انا بقيت كبيرة كفاية و اقدر اساعدها في كل حاجة .
نيرة بإستسلام : ماشي ... اول ما أوصل و اشتري خط جديد هأكلمها و اتطمن عليها .
سلمت عليهم كلهم وسط بكاء و احضان نيرة مع اخواتها و ابوها ...و راحت تركب الطيارة و طلع الكل من المطار
سند :الحمد لله عدى الموقف و خلص الموضوع على خير
حسام - يالا بينا يا حياة انتي تعبتي اوي النهاردة ...
بص لمحمود : يالا يا محمود وصل انت مراد بيه للفيلا و خذ الولاد عند امهم تاني ...أكيد بتكون دلوقت هتتجنن عليهم
مراد : و انت الصادق .. ولا على بالها اصلا .. نيرة هي اللي كانت بتراعيهم اكثر منها.
حياة : ربنا يهديها ..يالا بينا .
في شقة شهيرة
شهيرة : هي ايه حكايتها مش قالت راجعة بعد شوية !! اهو وقت العشاء عدى و لسة ما رجعتش !!
سعاد : مش عارفة يا هانم .. هتستني كمان ولا تتعشي ؟
بصت للساعة بيأس - طب خلاص روحي انتي حطيلي العشاء
- حاضر
همست شهيرة لنفسها : تكونش رجعت في كلامها و رجعت بيتها تاني ؟؟ يعني كانت بتمثل ولا ايه حكايتها بالضبط 🤨 ؟؟
في اللحظة دي رن الجرس
طلعت سعاد من المطبخ بسرعة تفتح
دخلت حياة بتعب
- آسفة يا طنط إتأخرت عليكي ..الطريق كان زحمة اوي من المطار لحد هنا لدرجة اني حسيت نفسي هأولد في السكة
شهيرة بإستفهام : مطار !!!
حياة و هي بتشيل الجاكيت
- أصل نيرة سافرت النهاردة و رحنا كلنا نسلم عليها ..
بصت حياة لسعاد : و النبي يا سعاد تحطيلي اتعشى احسن واقعة من الجوع
- حاضر أصلا كنت لسة هأحط لشهيرة هانم
بصت لها حياة بدهشة : ما اتعشيتيش لحد دلوقت !! ليه ؟؟
سكتت شهيرة ما عرفتش تقول حاجة و قالت سعاد بإبتسامة بتحاول تخفيها - كانت مستنياك بس لما. ..
قاطعتها شهيرة بحدة : خلاص يا سعاد روحي شوفي اللي وراكي بلاش رغي كثير 😤
حياة بمزاح : كنتي فاكرة اني مش راجعة صح ؟؟
شهيرة بتوتر بتحاول تخفيه : و انا مالي ؟؟ انتي حرة ..و بعدين انا مكنتش مستنية حد كل الحكاية ان انا اتغديت متأخر و مكنتش جعانة 🙄..
حياة بإبتسامة : ماشي .. اصبري كمان 5 دقائق هأغسل و أصلي و جاية نتعشى سوا
شهيرة بتردد : هو حسام اللي وصلك ؟؟
- ايوة يا طنط بس عنده حاجات هيجيبهم من البيت و راجع و قال ما تستنونيش عالعشاء .
عدت ساعتين و شهيرة مستنياه و حياة قاعدة معاها بيتفرجو على فيلم و سعاد نامت
- الله يا طنط قصة حبهم جميلة اوي ..مش كدة
شهيرة بآلية- أيوة ... حلوة .
- مالك مش حاساكي مندمجة مع الفيلم خالص !
- هو حسام مش أتأخر اوي !
- يا ستي الغايب حجته معاه
- طب ما تتصلي بيه ...يمكن مش جاي ؟؟
- لا ما اعتقدش .. كان قالي
- معلش كلميه بس
حياة لسة هتتصل رن الجرس
-اهو وصل ...
كانت حياة هتقوم تفتح بس وقفتها شهيرة
- إستني انا اللي هافتح
فتحتله و وقفت قدام الباب و هي بتبصله بشوق
فضل واقف و قالها بجمود : مساء الخير
- مساء النور
حسام بتوتر : مكنتش متوقع ان انتي اللي هتفتحي !
- سعاد نامت و مراتك تعبانة مين هيفتح يعني ؟؟
كان هيدخل من غير كلام وقامت حياة ناحيتهم
فجأة وقفته شهيرة : استنى يا حسام !!
وقف حسام من غير كلام قربت منه و طلعت من جيبها حاجة
- كنت مستنياك عشان اديك نسخة من المفتاح... تصبحوا على خير
حطت له المفتاح و دخلت اوضتها بإنكسار
شاورت له حياة عشان يكلمها ما رضيش و دخل الاوضة على طول
دخلت وراه و قالتله بغضب
- ايه اللي انت عملته ده !!
- عملت ايه 🙄
- يعني تبقى مستنياك لحد الساعة 12 بالليل و لما تدخل تقابلها بالوش الخشب ده ؟؟؟
- اومال عايزاني اعمل ايه ؟؟
- مش اتفقنا انكم هتقعدوا و تتكلموا ؟؟
- الساعة 12؟؟
- ما انت اللي اتأخرت انا مالي ؟؟
- مش وقت كلام يا حياة ... نامي انتي تعبانة .
هزت راسها بقلة حيلة و راحت للسرير و فضل هو واقف قدام الباب بضيق و بيهمس مع نفسه : غصب عني و الله العظيم مش ب ايدي 😓 دي حتى ما فكرتش تتنازل و تعتذر !
مر الأسبوع بنفس الروتين مع حسام و حياة و شهيرة
حياة علاقتها كانت بتتحسن مع شهيرة و رغم دهشتها من التغيير المفاجيء و اللطف غير الطبيعي من شهيرة إلا إنها ما حاولتش تستفسر منها ولا تعرف ايه اللي اتغير ! كانت بتبادلها اللطف و بتضحك و تهزر و لا كإن فيه حاجة حصلت ما بينهم قبل كدة
حسام طول الاسبوع كان زي العادة بيطلع بدري و بيدخل متأخر و بيتفادى اي كلام بينهم.. ساعات قليلة بيتغدى معاهم و كانت شهيرة بتحاول تفتح معاه مواضيع عادية بس هو كان بيقفلها بنص بكلمة .. المهم محدش كان قادر ياخذ الخطوة الاولى و يبتدي حوار الاعتذار ، حسام معتبرها غلطت غلطة كبيرة و لازم تعتذر و هي بتتعامل معاهم عادي كإنها ما عملتش حاجة
اتحددت جلسة صافيناز و مراد و مقدرتش حياة تحضرها عشان تعبها و إلهام كان عندها شغل بس سند و حنان حضروا مع مراد عشان ما يبقاش لوحده
في شقة شهيرة
كانت حياة في اوضتها بتتكلم مع إلهام في التلفون بخصوص القضية
شهقت حياة بصدمة لدرجة ان التلفون وقع من ايدها
- انتي بتقولي ايه يا ماما !؟؟ هي وصلت بيها لكدة الوا'طية تربية الشوارع !!
إلهام : و الله زي ما بقولك كدة يا حياة ...حتى انا اتصدمت زيك لما قالتلي حنان اللي حصل !!! ده حتى سند اللي اسمه راجل كان في نص هدومه قدام مراته لما المحامي قرأ العريضة و قال السبب من دعوى الخلع و اكدت هي الكلام ده
حياة بصدمة : بس ازاي قدرت تعمل كدة في ابو ولادها !!!
إلهام - ولية جبروت .. هو اللي خلاها استقوت عليه و اهو دفع الثمن و غالي اوي
- طب و الحضانة ؟؟
- الغريبة إن الوا'طية اتنازلت له عن حضانة الولاد !!! بتقول مادام هو عايزهم يتربوا قدام عينيه يبقى مش هتحرمه منهم ! و القاضي وافق لها على الخلع مقابل تخليها عن الحضانة
حياة بعصبية - يعني تأخذ منه البيت و ترميله ولادها في عز ما هو و هوما محتاجينها !! و بحجة ايه ؟ أنه عايزهم يتربوا عنده !!
إلهام : بصراحة حقا'رة اكثر من كدة ما شفتش !!! دي حتى القطة بتبقى أحن من كدة على ولادها ..ازاي طاوعها قلبها !! لسة ما شفتش أم اتخلت بكل سهولة عن ضناها كدة
ضحكت حياة بإنكسار : ما شفتيش ازاي ؟ نسيتي ليلى ؟؟
- بس انا فهمتك موقف ليلى ..كانت زمان صغيرة و ضحكت عليها عمتك و عبت قلبها كثير لدرجة انها ما بقتش تفكر بعاطفتها كأم و حطت كبريائها فوق كل حاجة
- طب و دلوقت ؟؟؟ مش راضية تكلمني ليه ؟؟؟ هي مش صغيرة ولا عبي"طة .... ليه رافضة اي تواصل ؟
إلهام - احنا مش في موضوع امك دلوقت .. هتعملي ايه مع ابوكي ؟؟
حياة - هأبقى أكلم سند....أكيد هنلاقيله حل يرضيه مش معقولة نسيب بابا و اخواتنا في الشارع .
إلهام - الحمد لله ان محدش قال لنيرة .. اهو على الأقل تتعود على شغلها و تستقر في حياتها مع جوزها الاول .
حياة - طب هنبقى نتكلم بعدين يا ماما معدتش قادرة .
قفلت و هي بتتنهد بضيق : عملتيها يا وا'طية 😤
طلعت من الاوضة متضايقة و مش قادرة تأخذ نفسها حتى
كانت شهيرة بتحط في السفرة مع صفاء بعد ما رجعت من عند اختها و راحت سعاد القصر تاني
صفاء بقلق - مالك يا هانم شكلك مخنوقة اوي ؟؟ خير !!
حياة بتعب : مفيش يا صفاء
شهيرة - تعالي الغدا جاهز و حسام أكيد مش جاي زي العادة
- لا يا طنط اتغدي انتي انا مليش نفس
شهيرة بدهشة : هو انتي فيكي حاجة ؟؟ أتصل بحسام ؟!
حياة : لا لا ... مفيش داعي انا بخير
- بس انتي كنتي كويسة قبل ما تدخلي الاوضة !! حصل ايه ؟
قعدت حياة في الصالة و اتفتحت في العياط تلقائي
اتفاجأت شهيرة ..و بصت لصفاء: طب روحي انتي المطبخ .
قعدت قدامها و قالتلها بتساؤل : خير ؟؟ كنت سامعاكي بتتكلمي و شكلك متعصبة بس ما فهمتش ايه الحكاية
- صافيناز يا طنط 😭
شهيرة بتساؤل : مالها ؟؟
- رافعة قضية خلع على بابا و كسبتها
- طب و فين المشكلة ؟؟ ما تغور ف داهية 🤨
- المشكلة انها اتخلت عن حضانة الولاد بعد ما اخذت منه البيت و رمته برة ...لا و فوق كل ده الوا'طية واقفة بكل وقا'حة في المحكمة بتقول انها عايزة تخلعه لانه مبقاش قادر عليها و لا بيكفيها بحكم مرضه و هي ست لسة بصحتها و ليها احتياجات !!
انهارت حياة بالبكاء و شهقت شهيرة : أما ولية بجحة و قليلة أدب بصحيح !! بقى ده كلام يتقال !!! لا ده ربنا بيحبه لإنه خلص منها !
حياة ببكاء : انا اللي صعبان عليا كسرة نفسه بعد الفض'يحة و الكلام اللي اتقال ده !!؛ تلاقيه اتحطم حرفياً 😭
- فعلا موقف صعب اوي ربنا يكون ف عونه ...طب هتعملي ايه دلوقت ؟؟
حياة بضيق - مش عارفة. . مخنوووقة و مش قادرة افكر حتى !! هوما دلوقت في بيتي بس أكيد مش هيرضى يفضل هناك
شهيرة بتفكير : طب بقولك ايه....انا عندي فكرة تطلعك من الحالة دي