رواية قسوة الحياة
الفصل الخامس والاربعون 45 والاخير
بقلم ريتاج محمد
عتمان بترقب:وانت شوفت سمر فين
تميم بتوتر:احمم احم انا دكتور عند سمر ف الجامعة
وشوفتها هناك
الجد :اممممممممم مشاء الله
جوري بهمس لتميم :هو اي الي اممم هو مش هيوافق ولا اي
تميم بهمس:اسكتي الله يخربيتك هتفضحينا
الجد : بص يابني احنا ميهمناش الشكليات والفلوس والكلام دة لأننا واثقين اننا بنشتري راجل
وانا عن نفسي موافق نشوف رأي اخوها ورأيها
انت اي رأيك ياشادي؟؟
شادي :والله ياجدي من معرفتي لتميم فأنا اتشرف اني اجوزة اختي
بس الرأي ف الاخر رأيها
الجد :تمام هنااااا ياهناااا
هنا جت وهي حطة راسها ف الارض:نعم ياجدي
الجد:اطلعي ناديلي سمر
هنا:حاضر ياجدي
وطلعت جري على اوضة سمر
وفتحت بسرعة
هنا :بسرعة البسي اي حاجة حلوة يلا يابت
سمر:لي في أي
هنا:جايلك عريس
سمر :لا مش موافقة علية
هنا:مش عاوزة تعرفي مين العريس
سمر:مش مهم
هنا:ولو قولتلك انة تميم
سمر بسرعة :احلفى ....وبعدين قالت بتوتر محاولة إخفاء فرحتها:عادي يعني مش هوافق برضو علية
هنا :خلاص براحتك نديلة جودي
اهي م...
سمر بشراسة:دا عندها بقى ...اطلعي برة اما البس
هنا طلعت وهي مبتسمة بفرحة
وسمر لبست دريس كافية ستان ملفوف من فوق بلفة لحد الوسط ونازل على تحت من غير وسع
على طرحة بني ف كافية
وحطت ليب جلوس ومسكرة وبلاشر بس
ولبست هيلز من غير كعب
ونزلت وكانت داخلة عالصالة بس لقت هنا بتشدها
هنا :خدي هنا يابت انتي رايحة فين
سمر:اي رايحة لجدي
هنا:تعالى يختي خدي العصير دا وقدمية يلااا
سمر:اووف لا مش هعرف الموضوع محرج
هنا:يلا يماما بلا محرج بلا بتاع
وبالفعل هنا أخدت العصير
وخرجت وهي باصة في الأرض
وقدمت الصينية للجد وبعدية عدي وبعدية شادي وبعدية سليم وبعدية ايمن وبعدية جوري وبعدية
تميم ووهي بتدي الكوباية لتميم
تميم قالها بهمس وغمزة:لا بس اي القمر دة
سمر اتكسفت جامد راحت قعدت جنب سليم
من سكات
الجد :سمر يابنتي الاستاذ تميم متقدملك وكلنا موافقين
اي رأيك يابنتي
سمر بكسوف مردتش
الجد:اي رأيك يابنتي
سمر بكسوف وراسها ف الارض:رأيي هو رأيك ياجدي
الجد:يبقى على بركة الله بكرة خطوبتك مع سليم وسارة وأيمن وفجر
يلا بينا نقوم ونسيب العرسان شوية لوحدهم
وخرجوا وشادي جاب كرسي
وقعد بعيد نسبيا عنهم
تميم من تحت ضرسة:اي ياجوري
جوري بأستغراب:اي في اي ؟؟!
تميم بابتسامة غيظ :مش هتقومي ولا اي
جوري بسماجة:تؤ
تميم :اممم امممم ووطي عليها وقال بهمس :جوري قومي متقعديلناش زي اللقمة في الزور
مش كفاية الي ٤اعدلنا هناك دة
جوري:اي المقابل.
تميم:اممم هنبتديها حقارة بقى
هجبلك ٣ شيكولاتة
جوري :خمسة
تميم برفعة حاجب:نعم
جوري:اي اتطرشت بقولك عايزة خمس شوكولاتات
تميم بغيظ وعمال بيلعب بلسانة جوا بقة:حاااضرررر
حاجة تانية
جوري بتناكية:اة
تميم:اي هي
جوري:تخليني انا اسوق العربية واحنا ماشيين
ولو اتخبطت او حصلها اي حاجة انت الي تدفع مش اتا
تميم وهو هيتجلط:حاضر غوري بقى
وزقها
جوري :الا مبراحة
ومشيت عند فجر
تميم بابتسامة وهو بيكلم سمر:ياريتني مكانها ياشيخة
سمر رفعت رأسها وبصتلة باستغراب:هي اي دي
تميم:السجادة
سمر برفعة حاجب:لا والله
تميم:اة والله
سمر:امممم هنبتديها كدة ....لا بص يبابا شغل المحن دا مش معايا تمام
ولو هنبتدبها كدة يبقى نفضها سيرة احسن
تميم:اي اي يماما اهدي دنا حيلا في مقام خطيبك
سمر:ولو حتى جوزي محن مش عايزة
تميم :خلاص والله حاضر
بس اب القمر دة
سمر:اللهم طولك ياروح
تميم بغزل :لا ب....
قاطعة شادي لما قال:مش كفاية كدة ولا اي
تميم بغيظ:اة طبعا طبعا
والعيلة كلها جم تاني وقرأوا فاتحة
وتميم قالهم انة بأذن الله هيعدي على سمر بكرة ياخدها ونزلوا يجيبوا الشبكة
وكان يوم لذيذ خالص
وعدي اليوم والكل راح نام
عند هنا كانت قاعدة تكلم سراج
وكانت بتحكيلة ان سمر بنت خالها اتقرأ فاتحتها انهاردة
سراج كتب:الف مبروك عقبالنا
هنا :افندم
سراج:ها ااااا معلش الكيبورد كتبها غصب عني
هنا:امم طيب
سراج:هنا
هنا:اي!؟؟
سراج:هو انتي مؤمنة ان حد ممكن يحب سوشيال
هنا:لا طبعا
سراج:لية لا
هنا:لان من وجهة نظري ان الشخص الي بيكلم حد سوشيال مخدش كفايتة في انة يعرف الشخص الي بيكلمة
لان هو مبيشوفهوش يدوب بيكلمة
ومش كل الكلام كمان بيطلع حقيقة فاهم
فنت مش بتبقى قادر تحدد الشخص الي قدامك
سراج:اممم
هنا :سيبك من كدة عملت اي النهاردة في شغلك
سراج:امممم عادي يعني زي كل يوم مفيش جديد
........نسيبهم يتكلموا لحد الفرج ملناش دعوة
________________________
تاني يوم
البنات صحيوا بدري وكانوا متحمسين جامد اويي
لليوم
سمر وفجر كانوا في الاوضة وعاملين ماسكات
وهنا وهناء كانوا بيضحكوا على شكلهم
اما جودي فهي كانت قاعدة في اوضتها ميهماش اصلا الكلام دة
وعند سارة في بيتها نفس الكلام
اما الولاد ف هما كانوا نايمين عادي جدا ولا هاممهم حاجة
البنات كانوا قاعدين
لحد الضهر بيضحكوا ويهزروا وياكلوا
ويلعبوا في وشوشهم بالماسكات
وهنا قالت لسمر:بت ياسمر ينهار اسود
سمر:اي في اي
هنا:احنا مجبناش فساتين
هناء:يلهوي
فجر :الحمد لله انا جبت
هنا:ونبي اركني انتي على جنب
سمر :في أي يجماعة كل حاجة وليها حل
هناء:ويترا اي هو الحل يافيلسوفة
سمر:هجبلكوا انا الفساتين وانا جاية
سهلة يعني
هنا:طيب بس وحياة ابوكي متجيبيها وحشة
احنا أملنا كلة فيكي دلوقت
سمر:عيب عليكوا
وقعدوا يتكلموا ويضحكوا
لحد ما تميم جة هو وجوري
سمر جريت لبست
ونزلتلة كانت لابسة بنطلون وايد ليج اسود على بدي اسود وبليزر ازرق وطرحة سودا وكوتش ابيض ومحطتش اي مكياج وكانت قمر
ونزلتلة وخرجوا راحوا جابوا الشبكة
نقت طقم لطيف خالص
وبعدين عدوا على اتيلية
وجابت لنفسها فستان
وجابت للبنات كلهم فساتين زي بعض
وكدة كدة سارة وفجر جابوا فساتينهم فمجابتلهمش
وروحوا
وهي خدتها وخدت جوري وطلعوا
وتميم مشي
وورت الشبكة للعيلة وكانوا فرحانين
كانت قريبة من شبكة فجر وشبكة سارة
وبعدين قعدوا مع بعض لحد ما الساعة جت أربعة العصر ساعتها البنات
راحوا البيوتي سنتر هما وجوري وسارة جت وراهم
_____________
في البييوتي سنتر بعد ساعتين
كانت البنات خلصت لبس وميكب وكل حاجة
والعرسان خدوهم وكانوا مبهورين من جمالهم
[تعالوا بقى اوصفلكم شكلهم
سارة كانت لابسة فستان كافية ستان
نازل بتظريزة خفيفة وكيوت على شكل فراشات من عند الصدر لحد الوسط ونازل بوسع خفيف
والكتاف كان فيها شرايط دانتيل كيوت
وكانت.لابسة الطرحة بتاعت الفستان
ستان ومدخلاها من جوا الفستان
وكانت عاملة ميكب سيمبل وكيوت
ولابسة هيلز سودا كعبها مش عالي
اما فجر فكانت لابسة فستان جولد ستان
علية حبات لولو
مخلية شكلوا جميل أوي
ديق من عند فوق لتحت ومن الجنب فى حتة نازلة لتحت بديل (مش عارفة اوصفة بصراحة بس يارب تفهموا وصفي )
وكانت لابسة تربونة دهبي
وهيلز سودا وميكب سيمبل
اما سمر فكانت لابسة فستان رمادي بجلتر اسود
وكان حرفيا جامد اويييي
من عند الكتفين كان فية زي شرايط رفيعة اووي وبتلمع ومشدود من فوق
ومن تحت ..مش واسع يعني
وكانت لابسة تربونة رمادي بجليتر اسود
وكانت حاطة ميكب هادي وسيمبل
وهيلز سودا
وكانوا قمر اويي
اما بقى جوري وهنا وهنا
فلبسوا زي زي بعض فستان باللون البينك ستان وعلية تربونة بيضا
وهيلز ابيض
اما جودي فكانت لابسة فستان اسود قصير
وعاملة شعرها بيبي ليس
وهيلز بيج
اما زهرة وليلا فكانوا لابسين
فساتين بيبي بلو ونبيتي
وتيتة منيرة كانت لابسة فستان نبيتي
ونورا كانت لبسة فستان روز
اما الولاد بقى
سليم كان لابس قميص اسود على بنطلون جملي وعامل شعرة على ورا ولابس ساعة سيلفر وحاطط برفن وجزمة سودا وكان قمر.
وتميم كان لابس قميص اسود على بنطلون اسود وجزمة بيج
وكان لابس ساعة سودا وعامل شعرة بطريقة جامدة
وحاطط بيرفن
اما ايمن فكان لابس جاكت بدلة رمادي على قميص اسود وبنطلون اسود وساعة سودا
وجزمة رمادي وعامل شعرة استشوار
اما عدي فلبس قميص اسود على بنطلون اسود
وعمل شعرة على ورا بطريقة جذابة
ولبس ساعة جملي
على جزمة جملي وبرفان جميل
وشادي لبس بدلة رمادي على قميص اسود
وساعة سيلفر
وجزمة سودا
وعمل شعرة بطريقة حلوة
اما عتمان فكان لابس بدلة سودا على قميص ابيض عادي
والعرسان خدوا العرايس على الفيلا لأنهم كانوا مقررين انهم يعملوا الخطوبة في جنينة الفيلا لانها كبيرة جداا
وكدة كدة هما ظبطوا الجنينة بتاعت الفيلا بكل حاجة ممكن تحتاجها حرفيا عشان الخطوبة تبقى جميلة
والرطوبة ابتدت
والناس كانوا فرحانين وفي منهم الي كانوا بيغلوا
وفجر وجوري كانت عينهم على باب الفيلا ومستنين شخص معين (الي هو كلنا عارفينوا )
وشوية وفعلا لقوا الشخص دة بيدخل ووو.....يتبع
(طبعا طبعا انا آسفة جدا اني معرفتش انزل بارت امبارح بس والله العظيم ماما امبارح كانت بتتكلم في الموبايل بتاعي قبل لما تنزل الشغل عشان مكنش معاها رصيد وانا كنت نايمة .
وهي مخدتش بالها وحطتة في شنطتها وخدت موبايلي وموبايلها معاها والله فبجد اسفة)
دخل الشخص دة وكانت سيدرا ..كانت لابسة فستان فيروزي بجليتر ضيق نازل بلفة من عند الوسط ديق لحد بعد الركبة ونازل بديل واسع (يارب تفهموا الوصف )
ولابسة طرحة ستان فيروزي مدخلاها ف الفستان
وكانت شايلة تيم
وهي مبسوطة بالخطوبة واتفأجءت لما لقت ان تميم وسمر وسليم وسارة هما كمان خطوبتهم النهاردة
راحت ناحية فجر الي كانت واقفة في جنب لوحدها بعيد عن المكان الي مخصص للعرسان(مش فاكرة اسمة🙂)
وبصت على فجر ووطت عشان تسلم عليها في نفس التوقيت الي عدي كان جاي لأيمن فية بصت عليه
هو مكنش واخد باله منها لانة كان بعيد وواقف مع ايمن
مأنكرتش بدهشتها لما شافت وسامتة في الأسود بجد كان جميل أوي علية
كانت محاوطاة هيبة كبيرة نفضت الأفكار دي من دماغها وراحت
سلمت على فجر وهي بتبوسها من خدها
فجر بحب:بجد كنت هزعل لو مكنتيش جيتي
سيدرا ببسمة ومناكشة:مقدرش طبعا
فجر وهي بتشد منها تيم:اوعي هاتي حبيب عمتو اما اسلم عليه
سيدرا اديتها تيم
وفجر قعدت تلاعب فية
وشوية واديتهولها وقالتلها :مالك
سيدرا:مفيش
فجر:عليا
سيدرا:محتاجة اسافر
فجر برفعة حاجب:والله
سيدرا:اة والله
فجر:ويهون عليكي تسافري من غير ما تحضري فرحي
سيدرا:مهو دة الي مخليني لسة ماسافرتش
فجر:طب انسي بقى يماما انك تسافري قبل ماتحضري فرحي
سيدرا:خلاص يوم فرحك هيبقى هو نفسو يوم سفري
فجر:مع اني مش موافقة بس ماشي
سيدرا وهي بتشدها:تعالي بقى اما اسلم على ايمن وسليم وسارة وسمر وتميم
هشان امشي
فجر:ايدا انتي هتمشي بدري اوي كدة؟؟
سيدرا:اةة يدوبك
فجر:على راحتك بس وربنا ياسيدرا لو عقلك هيئلك تسافري قبل ما اتجوز انتي حرة
سيدرا:لا متقلقيش
وراحت عند ايمن وسلمت علية بس مش بالايد
وعدي شافها وفضل باصص عليها شوية.
وراحلها وقال بحب:عاملة اي
سيدرا بجدية:تمام الحمد لله
عدي وهو مادد ايدة:ممكن تيم
سيدرا وهي بتدهولة:اة طبعا اتفضل
عدي اخدة بعيد وهو فرحان وكان بيلاعبة
وسيدرا راحت سلمت على سليم وسارة وتميم وسمر
وراحت قعدت على تربيزة بعيد شوية لحد ما عدي يجيب تيم عشان تروح
لقت شاب جاي عليها وقال بابتسامة:اهلا
سيدرا :اهلا
الشاب: انتى جايه لوحدك
سدره: اه ليه
الشاب: عادي يعني حبيت اسال
عشان شايفك لوحدك وكده
سيدرا:امم
الشاب: متجوزه؟
سيدرا بعد تفكير :لا
الشاب:امممم
سيدرا: معلش بس حضرتك بتسأل ليه
الشاب بابتسامة:بصراحة امي كل شوية تقولي مش ناوي تتجوز بقى وهي جيباني الخطوبة دي غصب اصلا
عشان اشوف وحدة اتجوزها
ولما شوفتك حسيتك ان انتي الي عايز تتتجوزها
سيدرا وهي بتحاول تفهموا :مهو بص حضرتك ....
الشاب:متتوتريش انا عارف اكيد مكسوفة وكدة بس..
في الوقت دا عدي كان قريب منهم لانة كان جاي يدي تيم لسيدرا وسمع كلام الشاب اتجنن وعفاريت الدنيا كلها بتتنطط قدام وشة لا والي زاد وغطي بقى انه مطلقها ومش لابسة الدبلة ولا شايلة تيم
راحلهم بابتسامة شر وعيونة سودا وهو بيمدلها ايدة بتيم الي كان بيعيط :خدي ياسيدرا تيم عشان بيعيط
سيدرا أخدت منة تيم ااي كان بيعيط جامد اوي كأنة فهم ابوة وحب يكمل معاه
الشاب واسمه يامن:دا اخوكي؟؟!
عدي ببرود:لا ابنها
الشاب باستفهام:هو مش انتي قولتي انك مش متجوزة
سيدرا باحراج :مهو انا كنت بحاول افهم حضرتك اني مطلقة مش متجوزة
عدي بصلها بصة شر
الشاب وهو بيهرش ف شعرة باحراج :طب استأذن انا
ومشي وهو بيلعن غبائة حرفيا
عدي بحدة:ركزي مع ابنك بعد كدة
مش كل مرة هتبقى في مناسبة تقفي تتكلمي مع واحد
خلي وقتك لابنك
سيدرا :افندم وانت مالك اصلا
عدي مردش اكتفى بانة يبصلها بصة محذرة
ومشي من قدامها
سيدرا:أعوذ بالله
وخدت شنطتها ومشيت
وروحت
وبعد ماروحت بشوية لبسوا الشبكة و
عدى اليوم عالكل بفرحة
وحددوا معاد الفرح الي هو بعد شهرين
كان معظمهم معترطين بس الجد قال إن كل حاجة جاهزة وأكد على كلامة تميم
وعدي شهرين
وكانوا شهرين جمال
زاد حبهم لبعض فية كلهم
وسراج وهنا كانوا بيتكلموا علطول وبقوا قريبين جدا من بعض
وسراج حس انة مشدود من ناحيتها
بس مقالش وكذلك هنا
اما جودي ففي الشهرين دول اتعرفت على صحبة فاسدة وكانت بتروح تسهر معاهم وتشرب
لدرجة انهم في مرة عرضوا عليها انا ت*شم
معاهم وهي كانت رافضة في الاول بس مع كذا محاوله
بدأت انها تعمل كدا ومرة على مرة بقت مدمنة
و بالنسبة لفجر كانت زعلانة عشان هي عارفة ان سيدرا هتنفذ كلمتها وان هي هتسافر يوم الفرح
.......
قبل يوم الفرح بيوم واحد
كانوا العيلة قاعدين كلهم مع بعض بفرحة
فجر قالت؛عدي عايزة اكلمك في موضوع
لو سمحت
عدي قام معاها باستغراب وطلعوا في اوضتة
فجر فضلت ساكتة
عدي :في أي يافجر هو انتي جايباني عشان تسمعيني سكاتك متتكلمي هو انا هشحت منك الكلام
فجر بعد تفكير:سيدرا هتسافر بكرة...
عدي بدهشة:ايي!!!
فجر مقررة جملتها:سيدرا هتسافر بكرة
عدي بحزن:ونتي عايزاني اعمل اي ؟؟
فجر:عدي انا عارفة انك بتحبها حاول معاها اخر مرة بكرة
يمكن ترجع عن قرارها
عدي :انا حاولت مرة واتنين وتلاتة
وخلاص..
فجر:لا مش خلاص ...مينفعش تيجي في الاخر وتقول خلاص
انا لو كنت مكانها كنت هعمل علفكرة الي هي عملتة وبزيادة
بس اكيد في فمرة من المرات الي هحس فيها ان الشخص الي قدامي عايزني فعلا وندمان
هسامح وهرجع
حاول معاها ياعدي ..
حاول اخر مرة
عدي بحزن وهو بيقول عشان يمشي:ربنا يسهل
فجر وهي ماسكة ايدة وبتبص في عيونة:توعدني
عدي بعد صمت دام لدقيقتين :اوعدك
ومشي
فجر بدعاء:يارب رجعها عن قرارها يارب
ونامت واليوم عدي
_______________
اليوم التاني(يوم الفرح)
كانوا البنات مشغولين في عمل ماسكات عشان يروحوا عند الكوافير
واستنوا لحد ما الساعة جت ٢ الضهر
ولبسوا ونزلوا راحوا عند الكوافير
_______________
عند الشباب كانوا عند الحلاق
بيحلقوا شعرهم ويعملوا في وشهم البتاع الأخضر دة (مش عارفة اسمة )
عمتا بردك كانوا بيجهزوا
والساعة ٦ المغرب كانوا الكل خلص
والعرسان راحوا عند الكوافير وخادوهم وهم مبهورين بجمالهم
في الأبيض
تعالوا اقولكوا ردة فعل العرسان
[تميم دخل وكانت سمر مدياله ضهرها بتوتر
تميم قرب عليها بفرحة ولفها لية واول لما شافها عينة دمعت من جمالها وشالها وقعد يلف بيها وهو حاضنها
وكل البنات الي في الكوافير ظغرطت وشغلوا اغاني
تميم بهمس ليها:خلاص كلها ساعة وتبقى مراتي
سمر بخجل:طب اوعى بقى لسة الساعة معدتش
تميم بحب:يخراشي عالي بيتكسف ياناس]
[سليم لما شاف سارة كانت مدياله ضهرها قرب عليها وحضنها من ضهرها وسند راسة عند كتفها وقال بتنهيدة:انا مش مصدق ان كلها ساعة وتبقى مراتي
متعرفيش انا كنت بتذلل على سمر انها تعرفني عليكي قد اي وهي مكنتش بترضي
سارة لفتلة وقالت :هو انت كنت عايز سمر تعرفني عليك ياصايع
سليم سكت من جمالها وقال :بس الله مشاء الله تبارك الرحمن اي القمر دة
سارة بصتلة بخجل
وهو حضنها ولف بيها بسعادة لا توصف
والبنات زغرطوا وشغلوا اغاني ]
[ايمن دخل عند فجر وكانت واقفة مدياله وشها
بفرحة
ايمن قرب عندها ودمع جامد
فجر بقرف:اي يابني القرف دة دا حتي انهاردة فرحنا
ايمن:طب حتي كنتي سيبيني اكمل واقول اني بقالي سنة بتحايل عليكي لحد ما نشفتي ريقى على ما وافقتي
فجر مدعية البراءة:انا !؟
ايمن:لا امي ...وقرب عليها وقال بهمس:تعرفي كل مرة بتعرفي تشديني ليكي بجمالك وكأنها اول مرة اشوفك
فجر وهي بتضربة على كتفة:بطل كدة بتكسف خلي ف بالك
ايمن بصوت عالى مضحك:اي يابنتي بقى يابنتي بقى ماتهدي على امي انا بحاول اكون رومانسي وبقولك الجملتين الي حفظتهم امبارح وانتي مفيش اي ردة فعل
ادعميني وقوليلي وانت كمان قمر حلو مز اي حاجة يخربيت كدة
كل البنات الي كانوا في الكوافير ضحكوا جامد اوي على تعبير ايمن
وفجر اتكسفت
راح ايمن حضنها وقعد يلف بيها
والبنات ظعردت وشغلوا اغاني ]
طبعا كل عروسة كانت لابسة فستان فرح حكاية
والعرسان كذلك
لكن بقيت العيلة
العرسان أصروا انهم يعملوا كلهم ماتشينج مع بعض
ويلبسوا فساتين وبدل بيبي بلو
وكلهم كانوا شكلهم جميل أوي معادا جودي الي كان باين على وشها الشحوب من غير سبب
بس قالوا عادي يمكن من هدة اليوم في الكوافير
وكدة
وشوية ودخلت سيدرا وهي لابسة.فستان بيبي بلو ستان بحبيبات لولو بيضة على تربونة بيضا
وهيلز ابيض
وكانت ملبسة تيم ترنج بيبي بلو
وكانوا شكلهم قمر
وشوية وبدأوا يكتبوا الكتاب
وبعد ما كتبوا العرسان طلعوا عالاستيدج وشالوا عروساتهم وقعدوا يلفوا بيهم في سعادة
وتميم قال لسمر بهمس قدام وشها:متعرفيش احساسي بيكي دلوقتي عامل ازاي
سمر:صدقني مش عايزة اعرفة
تميم:اووف فصيلة
سليم :علفكرا بقى بحبك
سارة:منا عارفة علفكرة
سليم:اوبا الواد الواثق
سارة بضحك؛عيب عليك
ايمن:فجري
فجر:اي
ايمن:بحبك.
فجر:شكرا
ايمن:هو اي الي شكرا المفروض تقولي انا كمان
فجر:معلش مرة جاية
ايمن:يلعن ابو تناحتك
وفي وسط ما هم كانوا بيرقصوا
عدي مسك الميكرفون وقال وهو بيبص على سيدرا:انا حابب اعمل حاجة بس يارب
أنجح بقى
وساب الميكرفون وكل الي في الفرح بيبصوا علية
مستنين يشوفوا وهو هيعمل اي
قرب من سيدرا وتيم ونزل على ركبتة وطلع علبة فيها خاتم وقال بابتسامة ساحرة :انا حابب اقولك اني بحبك وعمري ما حبيت غيرك برغم الي عملتة واني اسف
على كل حاجة عملتها ليكي وحشة واتمني تقبلي أسفي
وترجعي معايا ونكتب الكتاب من تاني وصدقيني مش هتندمي
الكل سقف وعاملين يقولوا بصوت عالى :أقبلي أقبلي
أقبلي
سيدرا بصتلهم كلهم شوية وبعدين قال بأسف:انا آسفة ياعدي انا قايلالك من المرة الي فاتت مش هقدر
لو سامحت هكون عايشة معاك اة وببينلك كل الحب
الجواية بس هيبقى جوايا مكسور ومش هقدر اقول
مش هقولهالم وش اني مش عارفة اسامحك بس نظراتي ليك كلها هتبقى عتاب
انا آسفة ياعدي انا عارفة نفسي مش هقدر لاني والله هبقى بظلمك معايا انا عاملة زي الحجر
لو نحتت علية
مش هيبين وهيفضل بقوتة بس من جواة هو منحوت علية
اعذرني ياعدي آسفة
لاني مش قادرة اسامحك يمكن انت هتشوفوا عند او تهور او حتى طيش
بس انا بجد الي عمتلة معايا اثر فيا جامد اوي آسفة
عدي ضحكتة اختفت وحل مكانها ابتسامة حزن
قام وقف ودخل الخاتم في جيب البدلة تاني
وقام وراح قعد على تربيزة قريبة بهدوء والناس كان في منهم الحزين عليهم وفي منهم
الي فرحان وفي الي شمتان
سيدرا راحت للعرسان وسلمت عليهم وهم واقفين حزينين
وجت عند فجر وجت تسلم عليها
فجر قالت بحزةخيبتي أملي ياسيدرا كان عندي امل انك ترجعي عن قرارك
بس بجد انا حزينة سيدرا عيطت وقالت:مش بأيدي والله آسفة
وحضنتها وقالت:الطيارة معادها قرب سلام
ومشيت وهي سايبة قلبها مع عدي
وكان اغبى قرار خدمة في حياتها
..........النهاية ..........
وينتهي الجزء بأغنية "خليني ذكرى"
...لو عشت بعدي وبعد بعدي جيت وحبيت
ابقى افتكرني واحكي عني مهما كنت نسيت
خليني ذكرى جميلة عنك واوعى تنسى زمان ....
خليني ذكرى جميلة عنك واوعى تنسى زمااااااااان ...
متقولش حب ووقت عدي ويوم خلاص عشناه
قول ان حب الحب غالى يمثل ليا يحياة
وابقى افتكرني بكلمة حلوة تنسي قلبي الااااااة
وابقى افتكرني بكلمة حلوة تنسي قلبي الااااأااااااه
خلي الفراق أجمل فراق في دنية العاشقين
وان حد سألك عني قوله كنا اوفى اتنين
قول كان حبيبي وكان حياتي وعشرة ليها سنين
خلي الفراق أجمل فراق في دنيا العاشقين
وان حد سألك عني قوله كنا أوفى اتنين
قول كان حبيبي وكان حياتي وعشرة ليها سنين
..............
مش كل حلم حلم نشوفة سهل هيبقى حققناة دا سعات بيبقى السهل صعب لما نتمناه
والدنيا عمر محد جالها وعاشها من غير ااااة
والدنيا عمر محد جالها وعاشها من غير اةةة
سعات بنتجرح ونجرح واحنا مش حسيين وان حد فينا حب يفرح فرحو يبقى حزين ايام وبنعشها وفاكرين اننا
عايشين ايام وبنعشها وفاكرين اننا عايشين
خلي الفراق أجمل فراق في دنية العاشقين
وان حد سألك عني قولة كنا أوفى اتنين
قول كان حبيبي وكان حياتي وعشرة ليها سنين
الخاتمه
الخاتمة.
سيدرا خرجت من الفرح وراحت علي بيتها وغيرت لبست دريس كافية على طرحة بيبي بلو وخدت الشنط ونزلت ..........
سيدرا وصلت المطار
وراحت قعدت على الكرسي مستنية الطيارة
قعدت مسكت الموبايل وقعدت علية
لحد ما قالوا ام طيارة فرنسا هتطلع
راحت طلعت الطيارة وقعدت عالكرسي بتاعها وفي شخص قعد جنبها
سيدرا مهتمتش حطت تيم على رجلها وفتحت موبايلها بعد ماربطت حزام الأمان وطلعت صورة عدي وفضلت تبص علية وهي بتعيط ونفسها تنزل تقوله بحبك
الشخص دا قرب منها من غير ماتاخد بالها وقال جنب ودنها :طب مدام انتي واقعة كدا عملالي فيها المرأة الحديدة
سيدرا اتخضت وبصت جنبها بسرعة واتصدمت لما لقت الي بيكلمها عدي وكان وشة قريب من وشها بدرجة كبيرة
سيدرا بصدمة:عدي ؟؟؟؟! انت بتعمل اي هنا ؟؟
عدي مسحلها دموعها الي كانت على وشها وقال
بعد ما رجع لورا وقال:حسيت ان الدنيا محتاجة فرصة تانية وقولت ابقى كريم واديهالها
سيدرا:والله
عدي :اة والله ....بس تعرفي اتا حاسس بأجواء فرنسا من دلوقت
سيدرا بأستغراب:وأتت عرفت اني رايحة فرنسا منين
عدي بغمزة:عيب عليكي دي قدرات خاصة
وبعدين اتا ملبستش البدلة من فراغ يعني😉
سيدرا:يعني انت بردو جاي تعمل اي
عدي:اكيد مش جاي اتفسح وقال بعد تفكير :....او ممكن يعني اصل هناك بنات ايي مزز
سيدرا بغيرة وحدة:والله!؟؟
عدي:اةة والله
سيدرا:طب انت عايز اي دلوقت
عدي:عايزك تسامحيني
سيدرا:انا عايزة انزل من الطيارة
عدي:اهدي يماما اهدي ياحببتي مش أتوبيس هو
سيدرا :متقوليش حببتي
عدي : طب بحبك
سيدرا:نعم
عدي:بحبك
سيدرا بعصبية:انا مطرشتش متقوليش بحبك عشان متعصبش
عدي بغتاتة واستمتاع:طب بحبك بحبك بحبك
سيدرا بغضب:متعصبنيشششش
عدي بغتتاتة ومزاج:بحبباااااك بحبك أة اة اة بحبك تيرارا بحبااك
سيدرا:انت عايز اي ياعدي بقى
عدي:قوليلي بحبك
سيدرا؛مش قايلة انا ..انا مش بحبك
عدي الكلمة وجعتة بس طنش وقال بمرح :قوليلي بحبك وانا اسيبك في حالك
سيد؟ا:لا
عدي:طب قوليلي بحبك والففك فرنا كلها
سيدرا كانت هتقولها بس مسكت لسانها عند اخر حتة وقالت: عدي متضيقش خلقي وقل عايز اي
عدي بهدوء وهو بيمسك ايدها:عايزك تسامحيني
سيدرا بدموع:مش هعرف
عدي بحب:لية ...عشان كرامتك؟؟....منا دوست على كرامتي وجيتلك رغم رفضك ليا قدام كل الناس
بس عشان انا بحبك
سيدرا:عدي صدقني الموضوع مش موضوع كرامة
بس انا ...انا مش قادرة اسامحك
او مش عارفة
عدي بحب:وليه مش عارفه
سيدرا:انا طبعي كدة مبعرفش انسي بسهوله
يعني بص ...لنفترض انك مكاني ونت جيتلي وانا عارفة انك ملكش حد تروح لية وع حاجة انت ملكش زنب فيها انا عاقبتك عليها وطردتك وانت حامل
عدي :بس لما هلاقي الشخص الي قدامي بيحاول علشاني مرة واتنين وتلاتة اكيد هسامح
سيدرا:صدقني مش عارفة
عدي :هنحاول سوا لو سامحتيني
سيدرا :مش حسة اني. هعرف
عدي:دوسي على نفسك سيكا وصدقيني مش هتندمي
سيدرا:عدي و..
عدي مقاطعة اياها بحزن وحب وصدق وهو بيمسك ايدها: سيدرا اوعدك لو نزلنا من الطيارة دي وانتي مسمحاني هنسيكي اي حاجة وحشة حصلت معاكي مني او من غيري
صدقيني مش هتندمي
سيدرا بعد صمت قالت وهو بتمد ايدها وبترفع صوبعها الخنصر:وعد
عدي بزهول :يعني ...يعني انتي موافقة ؟؟
سيدرا وهو لسة مادة ايدها؛وعدد
عدي مد صوبعة الخنصر بفرحة وشبك صوابعهم في بعض وقال بحب والفرحة هتطلع من عينة:وعد
سيدرا :علفكرة انا اديتك فرصة والفرصة مش بتيجي غير مرة بلاش تخليني اندم اني ادتلك الفرصة دي ياعدي
عدي :اوعدك انك عمرك ما هتندمي
سيدرا:حيث كدة بقى ....بحبك
عدي :ياااااه نشفتي ريقى لحد ما مقولتيها
ممكن تقوليها تاني؟..
سيدرا:تؤ
عدي :مرة واحدة بس
سيدرا:ما قولنا لا بقى
عدي:طب عشان خاطري
سيدرا:اوووف بحبك استريحت كدة
عدي:اووي
وجة يحضنها سيدرا قالت بمرح:عندك ...!!
عدي بأستغراب:اي ؟؟؟
سيدرا:متنساش اننا مطلقين لما نروح نبقى نكتب الكتاب تاني
عدي وهو بيخبط بايدة على راسة:صح نسيت اسف
ورجع ضهرة عالكرسي وهو مش مصدق انها
رضيت
شوية وتيم بدأ يعيط سيدرا كانت بتهزة عشان يسكت
بس هو كان بيعيط
سيدرا حاولت تجيب الشنطة بتاعتها عشان تطلع الببرونة
بس الشنطة كانت واقعة تحت وهي كانت ماسكة عدي ومكنتش عارفة توطي
عدي شافها كدة راح جاب وطى وجاب الشنطة
سيدرا:افتحها وهات منها الببرونة
عدي فتحها وطلع منها الببرونة
وقال :ممكن تجيبي تيم ااكلة انا
سيدرا ادتهولة
تيم اول لما دخل في حضن عدي من غير اكل اصلا سكت وضحك
سيدرا برفعة حاجب:لا والله. يعني انا معرفش اسكتك وهو يحضنك تسكت ؟؟
عدي بمرح:غيري مني وولعي
سيدرا:اغير منك ..انا اغير منك على اي
اكلة ياخويا اكلة
عدي بدأ يأكل تيم بحب وهو فرحان لانة اول مرة يأكلها
شوية وتيم نام
وسيدرا كانت قاعدة هي وعدي بيتكلموا
لقوا مضيفة الطيران واقفة قدامهم بالعربية الي عليها الأكل وكدة وقالت وهي بتبص لعدي بأعجاب وقال بدلع:محتاجين حاجة يافندم
سيدرا لحظت نظراتها لعدي راحت بصت بشر وغيرة لعدي لقتة لابس قميص اسود وبنطلون اسود
وفاتح اول زرارين وعضلاتة باينة راحت قربت منة وهي قاصدة توصل
رسالة للمضيفة راحت قفلتلة الزرارين وقال: عشان متبردش يحبيبي ها ياحبيبي عايز حاجة تجبهالك
عدي بخوف من نظراتها: لا ..ا اقصد اة
مضيفة الطيران بدلع :اي هي يافندم
سيدرا بغيرة وهي بتبصلها : هاتيلنا اتنين عصير منجة
واتنين باتية وعلبة لبن صغيرة عشان تيم تأكلة لو صحي
ولا اي ياحبيبي
عدي بريبة من نظراتها:اة يقلبي
مضيفة الطيران مشيت بحرج لما فهمت الرسالة الي سيدرا عايزة توصلهالها
.....
سيدرا بعد ما المضيفة مشيت سيدرا مسكت عدي من ياقة قميصة وقالت بعصبية وغيرة:انت اي الي لابسة دة
عدي:اي في اي
سيدرا:انت مش كنت لابس بدلة بيبي بلو اي الي خلاك تغير وتلبس القميص الأسود والبنطلون الأسود لا وفاتحلى اول زرارين
عدي :وفيها اي انتي محسساني ان صدري هيبان
سيدرا:فيها انك بتبقى حلو في ام الأسود
وبعدين ايدة ها عاملى شعرك على ورا
طب اها وراحت بايدها منعكشة شعرة
بس اتجننت لما لقت شكلة بقى حلو اكتر
عدي :في أي ياسيدرا ما تهدي على امي انا عملتلك اي
سيدرا:ملكش فية اقعد ساكت
عدي :أعوذ بالله من غضبك ياشيخة
هو انا عملتلك اي لكل دا
سيدرا بغيرة:يعني انت مشوفتش البت كانت بتبصلك ازاي
عدي:وانا مالي الطمم انا ماللللى .
سيدرا ونبي اهدي وارسي
شوية والمضيفة جابتلهم الحاجة وكلوا وسيدرا نامت على كتف عدي
وعدي كان فرحان
ونام هو كمان
........
وبعد مدة وصلوا فرنسا
ونزلوا اخدوا الشنط ودوروا على مأذون لحد اما لقوا وكتبوا كتابهم من جديد
وتوتة توتة خلصت الحدوتة
.......تمت......
حابة اقول حاجة بس تسريع الأحداث بالنسبة لجوري وجودي جودي اتعالجت في مصحة وسافرت عشان حست انها كانت وحشة أوي
وجوري اتخطبت
وسالي اتحبست بتهمة مخدرات بسبب انها كانت بتاخد
وتبيع والبوليس قفشها
وبس
تمت بحمد الله
بكل ما هوه جديد من اللينك الظاهر امامك
🌹🌹🌹🌹 🌹🌹🌹🌹🌹🌹🌹🌹🌹🌹🌹