رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ذئاب لا تعرف الحب الفصل الستون60بقلم نجمه براقه

وفاء  

من بعد ما روحتله القسم  وشاف قلقي عليه مبقتش عارفه ارجع  اعامله زي الاول  ورجع  الكلام والحوار بينا 

ولكن  مش قادره اشيل من دماغي ان هو اللي قتل حامد   وحتي لما قال انه مقتلهوش انا مقدرتش اصدقه وكنت زعلانه بسبب طريقة تفكيره دي ومش مصدقه انه بيفكر في القتل مع اي حد يغلط فيه وتبقي مصيبه لو اسلوبه ده استمر معاه علي طول  ،  وده الكلام اللي كنت عاوزه اقولهولك ولكن مش عارفه لأنه بينكر انه هو اللي قتله  ،  وبعد وقت وانا في اوضتي قاعده لوحدي جه  قعد جمبي وقال  

_ عامله ايه

_ الحمدلله 

_ مالك حابسه نفسك ليه 

_ مفيش 

_ امال ايه 

_ أبداً مليش نفس اخرج بس  

_ لا في حاجه  تانيه قولي  

بصتله وقولت 

_ اقول ايه 

_ قولي اللي مزعلك  

سكت شوية وبعدين قولت 

_ بصراحه كده يا بيجاد انا مش قادره اصدق انك مقتلتش حامد  

_ ليه 

_ كده  

_ كده ايه  ،  وانا هستفاد بأيه لما اقتله ده حتي انا كنت هكسب القضيه في اول جلسه ، معقول اضيع فرصه زي دي  علشان اقتله ما كنت قتلته بعدين 

_ القضيه دي كانت حجة علشان محدش يشك فيك  ،    معقول يا بيجاد  حل مشاكلك هيكون بالقتل  انا كده خوفت منك

_ يابنتي انتي بتغني وتردي علي نفسك  ، انا مقتلتهوش  ،  بس بصراحه  انا شايف  ان مشكله زي دي  ملهاش حلول غير القتل 

_  اديك انت اللي بتقول يعني قتلته 

_ مقتلتهوش 

_ وانا مش مصدقاك 

_ بردو؟  

_  اه بردو   ،  بس ماشي يا بيجاد  براحتك 

_ طيب سيبك من الموضوع ده وقوليلي  ،  عرفتي ان بدر في القاهرة 

قولت وانا ببعد وشي عنه 

_ عرفت 

_ قابلتيه 

_ اه مره  ، وهتكون اخر مره 

_ ليه 

بصتله وقولت 

_ ايه هو اللي ليه  ،  انت عاوزني اقابله

_ انا عاوزك تجوزيه 

_ اتجوزه!  

_ اه انا عارف انه رافض علشان موضوع الخلفه بس دي سهله ممكن يتعالج

_ وايه غير رايك بقا 

_ هو   ،  بدر انسان كويس قوي ده غير انه بجد بيحبك 

_ لا مبيحبنيش  ، انا كنت فاكره زيك كده   ،  بس طلعت غلطانه   بدر خلاص انتهي بنسبالي   ،  انا مش هفكر في حد غير نفسي 

_ ع فكره انا ممكن اكلمه 

_ تكلمه علشان يتجوز اختك  ،  لا يا بيجاد  كفاية اهانه لغيت كده  

قفلت معاه الكلام وقومت وانا بقول 

_ انا دلوقتي عاوزه ابتدي حياتي المهنيه هتساعدني؟ 

وقف قدامي وقال 

_ طبعاً  ،  والعياده اعتبريها مستنياكي  كان نفسي اقولك والزباين كمان بس للأسف انا زبايني مينفعوش لكن هعملك دعايه 

_ اتفقنا نبدء نجهز كل حاجه من دلوقتي 

_ اوووكي 

#عبيده 

عدا يومين ورسالتي متعلقه عنده مفتحهاش ولا فتح نت تقريباً  فكرت احذفها بس مكنش ينفع  ،  مكنتش هتتحذف من عنده  ف كلمت شبل اشوفه  بيعمل إيه واطقس عن بدر  ولما رد عرفت انه قاعد عنده  ف قولت 

_ عجبتكم القعدة عندكم ولا ايه 

_ لا بس في جلسة علاج طبيعي اخلصها وهنرجع  

_ طيب وفي تقدم ولا لسه 

_ اه الحمدلله  بس لسة مش قادر اقف حاسس اني مش متحكم في رجليه قوي 

_ يا مسهل دلوقتي تخف وتكون زين 

_ ان شاءلله  ،  انت بتعمل ايه؟ 

_ ولا حاجه 

_ ورد والعيال ازيهم 

_ بيسلموا عليك  

_ الله يسلمهم 

امال بدر بيعمل ايه 

_ ولا حاجه 

_ برن عليه تلفونه مقفول في حاجه ولا ايه 

_ لا مفيش هو بخير  ، تكلمه  

_ ماشي  ادهوني 

_ الو 

قولت بتوتر

_ ايوه   ،  ازيك 

_ الحمدلله وانت 

_ انا تمام  ،  إيه امال فينك  لا اتصلت ولا بعت رساله 

_ كنت مشغول شويه  ،  في حاجه عندك 

_ لا  ،  متصل  اطمن واشوف هتيجو ميته 

_ بعد بكره 

_  تيجو بالسلامة 

_ في حاجه معاك 

_ لا مفيش سلامتك يا خوي 

_ اه  ،  طيب 

_ اقولك 

_ قول

_ انا كنت عايز اقولك... 

_ ايوه 

_ استغفر الله العظيم  ،  مش عارف كان في حاجه علي طرف لساني نسيتها 

_ حاجه مهمه يعني 

_ له حاجه عاديه  بس نسيت  ،  خلاص لما افتكر هكلمك 

_ في ايه  مالك  ،  شكلك فيك حاجه 

_ له  مفيش  ،  يلا عم محمد بيرن عليه هشوفه 

_ ماشي لو افتكرت كلمني 

_ ماشي 

#بدر 

كان باين قوي ان في حاجه عاوز يقولها ومتردد  وانا محاولتش اضغط عليه   وبعد ما قفلت بصيت في التاريخ  ف افتكرت  ان بكره المفروض اروح اجيب التحليل اللي انا متأكد من نتيجته.

وفي وقت ما انا شارد وبتأمل ان ربنا يخلف ظني قالي شبل

_ مالك يا بدر 

_ إيه   ،  لا مفيش  سلامتك 

_ بتفكر في ايه 

_ ولا حاجه  

كملت وانا ببص علي رجليه 

_ إيه الاخبار  ،  مفيش تطور 

حرك رجله وهو بيقول 

_ احسن بكتير بس مش حاسس اني اقدر اقف لوحدي 

قولت وانا بقوم 

_  طيب ما تيجي نجرب 

_ نجرب ايه 

_ هساعدك توقف 

_ بلاش هستنا شوية يكون اتحسنت اكتر 

_ له يلا  ،  هوقفك دقيقة  

ابتسم وهو بيقول 

_ ماشي  

رفعته وساعدته يوقف بس رجليه مكنتش قادره تشيله لاقل من ثواني ف رجعته تاني وقولت 

_ زين بردو  انت كنت فين وبقيت فين  

_ الحمدلله 

_ الحمدلله 

_ طيب بقول ايه 

_ قول

_ ما يلا نخرج شوية انا اتخنقت من القعدة في الاوضه 

_ وانا كمان  ماشي  يلا 

خدته وطلعنا وفي الطريق وصلني اتصال من زاهر ف قفلت عليه ف قال شبل

_ مين بيتصل بيك 

_ ده واحد متعرفهوش 

_ طيب ومردتش ليه 

_ علشان رغاي وانا دلوكتي مفضلهوش

_ في حد بيرغي مع الكبير   جديده دي 

_ اصله ميعرفش اني كبير 

_   حد جديد تعرفه ولا ايه 

_ ايوه  كنت بقابله في اسكندريه لما بقعد عند البحر 

_ واووو  ده انتوا بقيتوا صحاب بقا  علشان ياخد رقمك 

_ خد رقمي علشان شغل 

_ شغل ايه 

_ انت ليه رغاي

_ بسأل عادي في ايه 

_ شغل يا شبل  ،  قولتله محتاج شغل ولو لقي يكلمني  

_ اهااااا فهمت بس ممكن تشتغل ايه 

_ اي حاجه ان شاءلله شيال 

_ طيب وليه شيال ما تشتغل بشهادتك 

_ هشتغل بيها ايه شهادتي 

_ كتير يا بدر  ،  ممكن مثل تكون معد برامج  

_ ما تسكت يا شبل  ،  معد برامج ايه يعني هيسيبوا كل شباب مصر وياخدوني انا اعدلهم 

_ خلاص خليك مخرج 

_ يا شبل اسكت 

_ مزيع 

_ وبعدين 

_ صحفي  ،  رئيس تحرير  

طيب اقلبك علي خلقتك دلوك

_ هههههههههه انت الخسران  ،  قولي بقا كلمت وفاء تاني 

_ له 

_ خالص 

_ خالص 

_ حاولت تتصل بيها طيب 

_ له  

_ ليييييه 

_ اسكت يا شبل 

_ علشان خاطر ربنا يابدر  اتجوزها انت بتحبها وهي عاوزاك زي مانت معقدها ليه 

_ يابووي يا وجع الراس  

_ يابني  انت ليه مش عاوز تسمع الكلام  ،  ما تجرب تكشّفت هتخسر ايه لو كشفت مره  واهو تبقي عملت اللي عليك  ،  مش يمكن ربنا يخلف ظنك 

قولت بعد سكوت 

_ كشفت يا شبل  ،  كشفت يارب ترتاحوا 

_ ايه!  ،  بجد؟   ،  امتي 

_ يوم ما سيبتك في المركز 

بصلي وقال بتركيز

_ وبعدين  ،  الدكتور قالك ايه 

_ قالولي اعمل تحليل  وعملته 

_   طلع ايه

_ لسه بكره هجيبه بس هيطلع زي اللي قبله   من قبل ما اشوفه

قال بفرح

_ وانا متاكد انه هيطلع غيره  ،  والله هتطلع بتخلف وابقا شوف ورهان علي عشرين جنيه 

_ خليهم الف علشان محتاجهم  

_ هههههههههه ماشي  انت اللي هتدفع  ،  خليهم الفين

_ تلاته  

_ عشرررره  ،  بس اللي ميرجعش في كلامه 

_ ماشي بس جهزهم علشان هخدهم منك في القسم لو اتاخرت

_ هههههه اووكي   ،  وانت كمان جهز 

_ لو حصل هدهملك عشرين

_ يااااه خير وبركه هههههههههه  ،  ده انا هشتري لاب توب وهعيش حياتي 

_ بطل عبط  مفيش حاجه  ،  هيطلع زي اللي قبله بقولك 

_ اقسم بالله ما هيطلع زي اللي قبله وبكره تقول شبل قال 

_ ومالك متاكد اكده 

_ حاسس 

_ حاسس!  طيب ياخوي 

قال بإبتسامة 

_ طيب قولي لو طلعت النتيجة ايجابيه هتعمل ايه 

_ هعمل ايه في ايه 

_ مش هتجوز 

_ لو طلعت ايجابيه عاد  وقتها هشوف 

_ هتطلع ايجابيه   ،  والله لا يحصل وعلم علي كلامي 

#شبل 

فرحتي مسعتنيش لما عرفت انه كشف ومكنتش مستني اكلم عبيده واقوله  وبعد ما، رجعنا الاوتيل في آخر اليوم بقيت مستني فرصه علشان اكلمه بس ملقتش   بدر مسابنيش لحظه واحده واخر ما زهقت بعت رساله ل عبيده اقولك فيها اللي حصل   والكلام ده كانت الساعه واحده وشكله كان نايم ومشفهاش  ،  ف نمت ولما صحيت تاني يوم ملقتش بدر عندي ومسكت التليفون اشوف عبيده شاف الرساله ولا لا  ف لقيت عشر رنات منه مسمعتهمش لاني بعمل التليفون صامت في وقت النوم وقبل ما اتصل او افتح الرسايل رجع بدر وكان لابس وجاهز للخروج ف تراجعت وقولت اصبر يكون بقيت لوحدي  ،  وفطرنا وقعدنا شوية ف رن عبيده  ارتبكت وانا شايف رقمه ف قالي بدر

_ مالك 

_ مفيش  ،  ده عبيده  

رديت عليه وقولت 

_ الو 

قال بلهفه 

_ كنت فين كل ده 

_ كنت نايم  في حاجه 

_ ايه الرساله اللي انت بعتها دي  ،  بدر صح كشف

قولت بربكه 

_ قاعد انا وبدر  هكون قاعد انا ومين يعني 

سكت شوية وبعدين قال 

_ ايوه   ،  طيب  ،  انا بس كنت بطمن عليكم  ،  ابقي طمني لما ترجع من المركز  

_ حاضر  مع السلامه 

قفلت ف قالي بدر 

_ ايه الحب الزيادة ده  ،  مش لسة مكلمك بالليل 

_ ايوه   بس متصل يسأل روحت الجلسه ولا لا 

_ ايوه  ،  طيب نص ساعة ونروح 

_ وانت هتروح تجيب التحليل 

_ ايوه  هسيبك اهناك واروح 

_ تمام  ،  بس ابقي اتصل طمني مش صبر يكون رجعت 

_ ان شاءلله  

خلصنا فطار وعدا الوقت وروحنا الجلسه وسابني هناك ولأني كنت مشغول مقدرتش اكلم عبيده وبعد ما خلصت الجلسه رجعوني علي الكرسي  وطلعوني استنا في الانتظار  ف فتحت الرسايل اشوف عبيده لأني مكنتش هقدر اتكلم عشان كان في ناس حوليه  وهنا كانت الصدمه لما لقيته بيقولي انه بعتله رساله قاله فيها اللي حصل  وان الرساله مبقاش ينفع تتحذف ف زقيت الكرسي وبعدت عن الناس وكلمته ف رد عليه بلهفه وقال 

_ ايوه يا شبل 

_ انت عملت ايه يخربيتك  ما انا بحايل فيك بقالي شهور  

_ مكنتش اعرف انه هيكشف  ،  اعمل ايه 

_ يا نهار اسود  ..  طيب قولي بعتها امتي 

_ ليه تلات ايام علي اكده 

_ ومعقول مشفهاش بقاله تلات ايام 

_ مظهرش عندي انه فتح نت اصلا  ،  اتصرف يا شبل الحق تلفونه واحذفها 

_ طيب طيب بس قول يارب ما يشوفها يكون جه 

_ هو راح فين 

_ راح يجيب نتيجة التحليل 

_ طيب اتصرف  اوعي يشوفها 

_ ماشي لو رجع هحذفها بس يارب ما يشوفها  يارب  

قولت كده ف وصلني اتصال منه ف قولت ل عبيده 

_ اقفل بيتصل 

_ طيب طمني 

_ ماشي 

قفلت معاه ورديت علي بدر 

_ الو 

بقا ساكت شوية وبعدين جاني صوته مهزوز وهو بيقول 

_ شبل  ،  نتيجة التحليل طلعت 

_ طلع ايه طمني 

_ الدكتور قالي اني اقدر اخلف  ،  ولما سألته كيه قالي معنديش اي مشكله  ،  قولتله اني كشفت وعملت تحليل وطلع ان مستحيل اخلف قالي انه الدكتور اللي روحتله مبيفهمش  

كمل بصوت مهزوز وربكه

_ طيب اصدق مين دلوقتي  ،  انا مش مستوعب  ،  اكيد في حاجه غلط 

قولت بفرحه

_ الغلط من الدكتور اللي في الاول  ،  اكيد مبيفهمش  ،  ارجع بقا  ،  يلا علشان هنحتفل النهارده 

_ طيب  ، طيب  جايلك  

#بدر 

كنت هتجنن وفي حالة زهول وانكار من اللي عرفته  و بعد ما طلعت من عنده كلمت شبل حكيتله  وبعدها رجعت بسرعه وانا علي نفس حالة الذهول اللي مش راضيه تفارقني وبعد مسافه وانا بفكر في وفاء وفي ردها لما اقولها  وقفت وفتحت الواتساب علشان ابعتلها وقبل ما افتح الشات صادفت رساله من عبيده لكن مهتمتش مكنش فيه عقل لاي حاجه  ، و بعتلها رساله بصورة التحليل وبعد دقايق وصلني ردها وقالت 

_ لمين التحليل ده "

قولت بسعاده حسيتها ظاهره في  الكتابة

_ ليه انا  ،  اكيد عارفه تقريه 

_ ايوه عارفه  ،  بيقول انك تقدر تخلف  ،  الف مبروك فرحتلك  جداً 

_ بتتكلمي جد  ،  ده انا باعتلك وكنت متوقع الاقيكي زعلانه وهفضل اصالح فيكي شهر 

_ لا انا ازعل ليه  ،  يلا مستنيه اسمع عنك اخبار حلوه  ، اهو دلوقتي مبقاش في سبب يمنعك من الجواز

_ لا مفيش اي سبب  ،  اقدر اقابل اخوكي وابوكي امتي 

_ تشرف في اي وقت بس ليه 

بهتت ابتسامتي وانا بكتب

_ هو ايه اللي ليه  ،  علشان اطلب يدك 

_ تطلبي ايدي ليه 

_ في ايه  يا وفاء ،  ايه الكلام ده  

_ ولا حاجه  بس مش فاهمه تطلب ايدي ليه 

_ ايوووه  يعني انتي زعلانه اهو 

_ لا والله مش زعلانه  ، انت عداك العيب  ،  ومن حقك تقبل او ترفض  ،  انا زعلانه من نفسي مش منك 

_ وفاء انا قولتلك ظروفي  ،  واهو لما اتحلت كلمتك وبطلب منك نتجوز 

_ لا مش  بمزاجك  ،  انا مش موافقه 

_ لا هتوافقي  ، انا عارف اني زعلتك وجرحتك بس انا مستعد اصالحك  اطلبي اللي انتي عاوزاه وانا اعمله 

_  مش عاوزه حاجه  وبجد يا بدر مبقتش عاوزاك  مع السلامه  

قالت اكده ومبقتش ترد تاني علي رسايلي  ، رنيت عليها وبردو مفيش رد ف رجعت بعتلها فويس قولت فيه 

_  انتي ايه اللي بتعمليه ده  يعني طلبتيها مني مرتين ولما المشكله اتحلت انتي اللي مش عاوزه  ،  ما هو مش تعقيد وخلاص  ، قولتلك هعمل اللي انتي عاوزاه علشان اصالحك  

كملت بنرفزه 

_  متحسسنيش ان الفقر ملازمني منين ما اروح  ،  ردي عليه بدال ما اجيلك 

ردت بعد شويه وقالت 

_  والله ما تعمل ايه ما موافقه  ،  الموضوع انتهي لغيت هنا  ، انا هبدء حياتي من جديد  ،  اه وعلي فكره انت هتكون تبع الكلاب اللي وصفتهم في رحلتك الخياليه  ،  انت السبب في كل اللي مريت بيه  ،  في فضيحتي الاولانيه  ،  و  التانيه  ،  ضربتني عندكم  ،  وهددتني  بالديب  ،  وخدت طلقه علشان  خاطرك  ،  ومع كل ده بردو جيت وطلبتها منك علشان حبيتك وانت زودتها عليه ورفضتني مرتين  ،  ده غير سمعتي اللي حتي بعد ما الحقيقه ظهرت وحامد اتقتل  هتفضل متسؤئه وبردو بسببك انت  ،  ف لا يا بدر  ،  كفايه اهانه 

قالت اكده وعملت بلوك من كل حاجه، ضربت الارض برجلي وانا بلعن الحظ  ف خدت نفس وقولت بتحدي 

" مش هسيبك تضيعي مني وهتجوزك غصب  حتي لو هخطفك تاني وتخرب تخرب"

وبعدها طلعت من الشات وسحبت الشاشه علشان اقفل الداتا ف لاحظت رساله عبيده بيقولي فيها 

_ انا عارف كويس ان بعد الكلام ده هتقاطعني ويمكن متسامحنيش أبداً  "

حسيت بانقباض في قلبي لأني بقيت في مواجهة الحاجه اللي انا محاولتش اسأله عنها من خوفي اني اتوجع 

و سحبت الشاشه تاني اظهرت كل الرساله ف لقيت كماله بيقول فيها 

_ بس هقولك عشان ارضي ضميري وانت تكمل حياتك   ،  اللي حصل ان انا عملت غلطه زمان  وربنا يعلم اني ندمت عليها  ،  ولما جيت اصلح علاقتي بيك خوفت اقولك الغلطه دي لا نخسروا بعض   وزاد خوفي اكتر  لما لقيتك في كل مره تصدني وممصدقش اللي بعمله  ،  بس مبقاش ينفع اسكت تاني  .. 

انا كنت  السبب في انك متخلفش يا بدر  ،  لأني كنت بحطلك ادوية تقتل ال ******  ، والادويه دي كان مفعولها وقتي وبيروح ويمكن لو نسيت احطهالك فتره كبيره كان زمان مرتك حملت   ، انا كنت بحطلك منها في اي حاجه بتشربها  بمساعدة دعاء  ،  ولما انت فكرت تروح لدكتور وطلب منك تحليل دفعت لدكتور المعمل عشان يديك تحليل لواحد تاني مبيخلفش نهائي ولا عنده امل في الخلفه  "

رغرغت عيني بالدموع وصوتي اتخنق  وانا بقرا رسالته لتالت مره  وبيرجع في ذاكرتي كل اللي كان بيعمله ف اتصلت بيه كنت عايز اساله عملتله ايه علشان يعمل فيه  اكده  ولما رد وقال  الو 

سكت وصوتي مطلعش  ف قال 

_ بدر  ،  الو  ،  الو   ،  يا بدر 

بقيت سامعه ومقدرتش ارد ف قفلت وقعدت علي الرصيف تايهه ومصدوم 

#شبل 

عدا الوقت وهو مكنش رجع وبعد شوية كلمني عبيده قالي 

_ في ايه يا شبل  ،  بدر فين 

_ لسة مرجعش 

_ هو رن عليه  ولما رديت مكنش قادر يرد  ،  مش بتقول انه عرف انه بيخلف 

_ مكنش قادر يرد ازاي  

قالت بصوت مهزوز

_ بقيت اقول الو وانا مش سامع غير  حشرجة صوته وبعدين قفل ومردش  ،  شكله عرف  

_ يا انهار اسود   ،  طيب اقفل هتصل بيه 

 قفلت ورجعت اتصل ب بدر ف  لقيت تليفونه مقفول  

#وفاء 

قعدت مكاني ابكي بعد ما فشلت في اني اكون قويه ومبكيش عليه،  كنت موجوعه منه قوي وكرامتي وجعاني  بعد ما اهنتها مرتين  وهو اهانها للمره التالته بعد ما جه يطلب مني بكل بساطة اني انسي اللي عمله و اوافق عليه مجرد ما يقولها وعدا الوقت وجه الليل وجه بيجاد يقولي 

_ بتعملي اية 

_ ولا حاجه 

_ طيب فاضيه ساعه 

_ ليه 

_ عملك مفاجأة 

_ مفاجأة ايه 

_ متبقاش مفاجأة  لو قولتلك ،  يلا اجهزي علشان اخدك اوريهالك 

_ ماشي شويه وجايه 

سابني وطلع وانا جهزت وطلعتله  ف خدنا ودانا لعماره كلها عيادات  وطلع بينا لدور التالت دخلنا في عياده منهم وقالي 

_ ايه رأيك 

_ حلو قوي 

_ عيادتك

_ حلوه  متشكره يا بيجاد

_ ايه ده في ايه  ،  مالك العيادة مش عجباكي 

_ لا حلوة قوي 

_ امال مالك حاسك مش مبسوطه 

_ مفيش حاجه  ،  هتفرج عليها 

سيبته  وبقيت اتفرج علي العيادة وفي الاخر وقفت عند الشباك ابص لشارع ف جه عندي ومسكني وقفني قدامه وقال 

_ في ايه  يا وفاء ،  حد زعلك 

هزيت دماغي بنفي ف قال 

_ يكون لسه زعلانه مني 

_ لا بس مصدعه شوية 

_ متاكده 

_ اه  ،  مصدعه بس  مفيش حاجه  

_ طيب يلا نرجع وتعالي يوم تاني شوفيها 

#شبل 

بعد ساعات من الانتظار جه بشكل متلبد وخالي من اي تعابير  ،  بقيت اسأله كان فين وايه اللي حصل  وهو مبيردش بكلمه وزق الكرسي ورجع بينا علي الاوتيل  ،  وبدء يلم هدومنا في الشنط  من غير ما يرد عليه  ف قولت 

_ بدر ارجوك كلمني مالك  ،  علشان خاطري طمني في ايه قلقتني  ،  بدر!!!   ،  طيب انت زعلان مني في حاجه  

قولت بتردد 

_ قريت رسالة عبيده 

وقف اللي بيعمله وبصلي وقال بتلبد 

_ كنت عارف 

_ يعني قريتها

_ كنت عارف ولا له  

_ اه  ،  بس عرفت متأخر 

_ لما منعته يتكلم يوم مشكلته مع دعاء  كان هيتكلم في الحكاية دي 

هزيت دماغي وقولت بدموع 

_ اه 

_  تمام  

قال كده ورجع يكمل اللي بيعمله ف قولت 

_ انا مكنتش عاوزك تعرف بالطريقة دي  ومنعته عشان مكنتوش هتقدرو تتعاتبوا بهدؤء  ،  وهو ندم وكان عاوز يقولك بس كان خايف   ،  والله ده اللي حصل 

مردش عليه بكلمه وقفل الشنط وطلعهم وبعدين رجع ياخدني  وطلعنا العربيه ومشينا في طريقنا للاسكندريه ووصلنا بعد اربع ساعات  ونص تقريبا ودخلني اوضتي  ف رجعت اكلمه واترجاه يرد  ولما اتكلم اخيراً قالي 

_ كلم اخوك خليه يجيلك 

قال كده ومشي ف طلعت وراه بالكرسي واول ما فتح لقا عبيده في وشه  

#عبيده 

اصعب مواجهة حصلت في حياتي وانا واقف قدامه زليل  مش عارف اقول ايه ولا لاقي كلام يتقال عذر للي عملته. 

كانت نظراته رغم خلوها من اي تعبير قادره تخزيني وتخليني مش متجرء ادافع عن نفسي  بكلمه 

وطال سكوته ونظراته موجه ليه  نظرات كانت اكبر من اي عقاب ممكن يعاقبهوني،   حاولت اتكلم واستستمحه بس مقدرتش  وبعد شوية بعدني عن طريقة وطلع وانا بقيت واقف مكاني متحركتش غير علي زعيق شبل وهو بيقولي

_ الحقه 

 طلعت وراه جري لغيت ما لحقته ومسكت فيه وقولت وانا بقف في طريقه 

_ استني يا بدر  ،  حقك عليه   ،  حقك عليه ياخوي سامحني  

مردش ف قولت وانا بمنعه مروره 

_ بدر اسمعني وحيات ابوك  ،  انا غلطت في حقك وهعمل اللي تقوله  واللي يرضيك  

بعد وشه وهو بيحاول يبعدني عن طريقة ف قولت ودموعي بتسيل 

_ طيب قول حاجه  طيب  ،  عاتبني  ،  اعمل اي حاجه   

وقف وقال  وهو مغمض عنيه 

_ ابعد عن طريقي 

_ له مش هتمشي وانت في الحاله دي  

مسكت فيه علشان ارجعه ف زقني وقال بغضب 

_ بقولك بعد عن طريقي!!!  

_ هتروح فين 

بعدني ومشي من غير رد وانا وقفت مكاني بصيت عليه وهو بيبعد وبعد دقيقة رجعت ابص للعماره لقيت شبل جاي يتسند علي دربزين السلم وبيشد في رجليه شد وفجأه رجله اتزحلقت وكان هيوقع لولا انه مسك في الدربزين  ف جريت عليه ولحقته وانا مش قادر اوقف دموعي ف قال 

_ بدر راح فين 

قولت وانا برفعه 

_ تعاله 

_ بقولك بدر راح فين 

_ مشي  ،  تعاله 

#بيجاد  

مخلتش طريقة ممكن الاقيه بيها ومعملتهاش وكأن الارض انشقت وبلعته  حتي اهله خليت فارس يروحلهم باي حجه قالوله منعرفش هو فينه وبعد وقت من التفكير جه علي بالي بدر  وقولت يمكن يعرف طريقه ف دخلت عند وفاء وطلبت منها رقمه ف قالت 

_ مش معايا حذفته 

_ حذفتيه ليه 

_ ملهوش لازمه 

_ ليه هو في حاجه حصلت 

_ لا 

_ في ايه يابنتي ما تقولي 

_ مفيش حاجه يا بيجاد  ، مالك بيه انت 

_ عاوزه في حاجه  ،  بس في ايه مالك زعلانه منه 

_ لا زعلانه منه ولا يهمني 

_ كده مش زعلانه  ،  هو كلمك تاني 

سكتت ف قولت 

_ يابنتي اتكلمي في ايه

قالت بصوت مخنوق 

_ مليش  ،  عاوزه انام  

_  فهميني في ايه وبعدين نامي

_ يوووه مفيش حاجه  ،  انا عاوزه انام  تصبح علي خير 

بقيت باصصلها وهي بتنام وبتشد الغطا علي نفسها وبعدين عيني راحت ناحية المكتب ف دورت عن الكتاب اللي فيه رقمه لغيت ما لقيته واتمليت الرقم وطلعت من البيت علشان اكلمه ولما رنيت لقيت تليفونه مقفول   وكان لازم اكلمه او اقابله ف قررت اني اسافرله اسكندريه  الصبح،  ولأني مش حافظ اي رقم لاخواته بعت ل شبل لانه صديق عندي علي الفيس بوك وسألته علي العنوان  وبقيت مستني رسالته وفي الوقت ده وصلني اتصال من فارس ف رديت  يمكن  يكون  عرف حاجه  

#ورد 

 بعد ما دخل شبل الاوضه راح في الاوضه التانيه ف روحت وراه  لقيت عينيه حمره من كتر البكا ف قولت 

_ متزعلش  بكره يهدي ويكلمك 

قال بدموع 

_ مبينش انتي مشوفتيش شكله كان عامل ايه  ،  ياريتني استنيت شويه  

_ كله خير ويمكن ده يخليه يتاكد انك بتحبه واتغيرت  ،  بس انت حاول ترضيه وصدقني هيرضا 

_ مشي ومقبلش اي كلام  ،  زعله كان كبير قوي 

_ ده في الاول بس  ، كل حاجه بتاخد وقت وتنتهي وزعله كمان هينتهي وتتصافوا 

_ له  مش هيتصافا ،  مش هينسي اني حرمته يخلف ولو نسي مش هينسي اني ياما عيرته  ،  انا لو مكانه مش هنسي  

_ هينسي وهتشوف  ،  بس انت متزهقش من انك تستسمحه وتطيب خاطره  

_ لو هيجي بنتيجة مش هبطل بس يجي بنتيجة  

_ هيجي بس انت متزعلش وتعاله ارتاح  

مسكت يده وقعدنا علي السرير ف اتمدد وحط راسه علي حجري وسكن خالص  ف قولت وانا بمسح علي شعره 

_ بتفكر في ايه  

سكت شوية وبعدين قال 

_ بدور علي سبب للي عملته وملقيش  ،  مش عارف لو قبل يسمعني هقوله عملت اكده ليه  ،  مش لاقي حاجه تتقال  ، اي سبب هقوله هيزود زعله مش هيرضيه 

_ قوله زلة شيطان وساعة غضب  ،  وصدقني ما هتتعب  علشان تراضيه زي مانت فاكر   ،  هو هيفوف من نوبة زعله وهيفكر في اللي عملته معاه في الاخر وهيقبل حديتك 

_ ياريت 

جه يقوم ف قولت 

_ إيه 

_ رجلك وجعتك 

رجعته تاني وقولت 

_ ياريت كل الوجع اكده  ،  خليك انا مرتاحه اكده 

مسك يدي حبها وقال 

_ تعيشي  يا ورد 

#شبل 

وصلني رساله من بيجاد بيسال عن بدر وعن العنوان بتاعنا  ف قولت 

_ في حاجه 

وصلني رده تاني يوم الصبح 

_ كنت عاوز اشوف بدر  ، انا  جايلكم  في الطريق علي كده 

_ جايلنا فين 

_ اسكندريه  

_ تمام تنور  ،  اهو  العنوان ********

_ تمام  بس  فينه بدر عاوز اقابله لما اوصل  

_ ليه في حاجه 

_  كنت عايز اساله عن حاجه  

_ للأسف بدر زعل من حاجه ومشي ولغيت دلوقتي مرجعش 

_ زعل ايه اللي يخليه يمشي  ويمشي من عندكم ليه 

_ مشكله كده  

_ طيب  انا هاجي واحاول اشوفه  

_ ماشي  

قفلت معاه وقولت ل عبيده يودينا الشقة التانيه علشان هو جاي  ف روحنا وقعدنا هناك لغيت ما وصل وفتحله عبيده اللي مكنش طايقه وقال من غير نفس 

_ اهلا 

_ ازيك يا عبيده 

_ زين

زقيت الكرسي وروحت عنده وقولت 

_ اهلا يا بيجاد اتفضل

قال بإبتسامة وهو بيحضني 

_ ازيك يا شبل  ،  ليك وحشة 

_ وانت كمان  ،  اخبارك ايه 

بعد عني وقال 

_ انا تمام  ،  ايه الاخبار  ، في تحسن 

_ اه الحمدلله 

_  ربنا يتم شفاك علي خير 

_ امين يارب،  تعاله اتفضل 

_ بدر رجع 

_ لا والله مش عارفين هو فين وتليفونه مقفول  

_  ياه ده باين عليه زعلان قوي 

قال عبيده 

_ زعلان ولا مزعلانش انت ايه دخلك 

_ عبيده  

قال 

_ سيبو  ،  اسفين يا كبير  ،  همشي دلوقتي يا شبل وهرجعلك لما بدر يظهر

_ لا والله ما ينفع انت هتبات معانا 

_ معلش ورايا مشوار مهم  ، هنتقابل تاني  . 

مشي ف قولت ل عبيده 

_ مش عيب عليك 

_ مش عيب هو ايه جابه  

_ جه يطمن علي اخوك 

_ يطمن علي مين ياخوي   ،  لا والله تشكر الظروف ياعمي 

« منزل احمد» 

كانت الساعه تلاته الفجر في وقت كان الشارع فاضي وكل الناس نايمة  الا انا  ،  كنت واقف جمب البار اللي عامله في الشقه ومجهز مقرمشات وتسالي  وفاكهه وعصير لانه اكيد مبيشربش خمره   ،  وسايب النور الهادي والشباك مفتوحين ومشغل مزيكه مريحة للاعصاب علي الشاشه والريموت جمبي وبعد شوية اترسمت ابتسامتي وانا سامع  صوت حركه عند الشباك  وبعدها خطوات بتقرب ف قولت 

_ بقالي كتير مستنيك   ،  اتفضل  تشرب عصير ولا اعملك قهوه 

           الفصل الحادي والستون من هنا 

   لقراءة باقي الفصول من هنا

تعديل المقال