![](https://blogger.googleusercontent.com/img/b/R29vZ2xl/AVvXsEiHqgZXoGgPgwQEkfHT_4YtvymOHXgixUtyj0ajIOk41Vs3jigKfWUrAol6QW4zq8Vnd8noepPEv7bbgkaCvrj5w-d8W3nh72qVAOFGSPKg365BEy_zacpZTL-Lco8rwD9oEGJEAcVyN7_H35OYz6i3MeB-icGyQCe3bqAWydY2zsT3bRBTZvPJhN_-oUfP/s320-rw/FB_IMG_1706561198234.jpg)
رواية قلوب ارهقها نبضها
الفصل الواحد والخمسون51
بقلم نرمين قدري
فارس/ هو ده بقي الأغرب ما في الموضوع نفسة يا كبير
بيجاد / ليه بقا أن شاء الله اسمها ايه مش موجود في قاموس الاسماء
فارس/ استقبل يا بيجاد باشا اسمها الآنسة مسك
رفع بيجاد عينه في فارس و برق ولكن حصل ما اخرجة من الموقف لقد رن صوت جرس الباب و دخول مسك الصغيرة بشقاوتها المعتادة
مسك الصغيرة/ يا اهل الدار لقد اتيت اين انتم انت جيت يعني الفرحة جت الضحك جه البهحة جت
اده اده انا شامة ريحة محشي جايه من المطبخ انا داخلة مين اللي في المطبخ جوا يا ميرو
مروة بضحك علي طريقتها / هتلاقي هند و ندي
مسك صغيرة/بس ممكن تشاوريلي علي المطبخ في مغاره علي بابا دي
مسك الكبيرة / وهي بتسلم علي مروة و بتحضنها
مسك / هو صيحيح يا مروة مين فيكم اللي عزل ايه البيت الجديد ده بتاع مين والغريب أنه في نفس العمارة اللي انا ساكنه فيها ازاي محدش يقولي اخر من يعلم انا ولا ايه
في نفس اللحظة خرج بيجاد و فارس من البلكونه علي صوت مسك الصغيرة
وقفت مسك الكببره مكانها وكأنها تمثال لا يتحرك جات عنيها في عنين بيجاد و شهقت و لكن مروة و ماجد نقذو الموقف بلغوشتهم علي الموضوع
مروة بصوت عالي شد الإنتباه
- بردو مافيش فايدة فيك يا ماجد نسيت تجيب بن يا بني هي القهوة بتقرصك
ماجد بنفس نبرة الصوت العالي
- يووووو يا مفعوصة عليكي ما تقولي كل طلباتك مرة واحده
كل ده ومسك لسه مكانها وعنيها رايحة و جاية بين فارس و بيجاد و سرعة ضربات قلبها تكادو تكون مسموعة لكل من حولها
كاد توازن مسك يختل لو أن فارس جري عليها و لحقها بين ذراعته
استنشقت مسك رائحة فارس وكان روحها بترجع لها
قال فارس فجاءة بدون سبب
حضرتك كويس تحبي نطلب دكتور
هزت مسك رأسها بالرفض
جرت مسك الصغيرة علي المطبخ تستمد الدعم من اي حد قابلت ندي في طريقها
اترمت في حضنها بدون اي مقدمات
ربطت ندي علي ظهرها بحنان
ندي / مالك يا قلبي فيكي ايه
مسك بعياط
مش قادرة اشوف خالتو كده هربت من موقف المواجهة سوسو قلبها هيقف يا ندوش انا خايفة عليها المفجاءة جامده المفروض كنا مهدنا لها حكاية
ندي /أخرجت مسك من حضنها وقالت لها تعالي لما نقف جمب خالتك ما ينفعش نسبها كده
دخلت ندي ومسك و فجاءة وقعت عين فارس علي مسك الصغيرة ابتسم ابتسامة خبث و قال بصوت غير مسموع اهلا بلقطة انتي واقعتي ولا هوا رماكي
جرت مسك صغيرة علي خالتها
مسك/ سوسو انتي كويسة فيكي حاجة تحبي نروح
حمزة/ بس يا اوفور ما هي قدامك زي الفل انتي عارفة خالتو مش بتفطر واكيد شربت قهوة كتير علشان كده داخت اول ما دخلت
مسك صغيرة/ اه. اه عارفة وانا كذا مرة اقولها لازم تفطر قبل شرب القهوة بس انتم كلكم طبعا عارفين سوسو و دمغها مش بتسمع كلام حد
هند/ انتي هتقوليلي عليها صاحبة عمري وحفظها صم العند ده عندها هوايا
مسك / اية يا جماعة هي الليله عليا ولا ايه انا بقيت كويسة الحمد لله قالتها وهي قلبها بيترعش وعنيها بدور علي عطر
شاور لها بيجاد بعينة نحية عطر كانت واقفة وسط بنات عمها وعنيها علي مسك مش بتنزلها
اقتربت عطر من نفسها ناحية مسك
عطر/طنط هو حضرتك والدت مسك صح
مسك/بعينين دامعتي لا يا حببتي انا خالتها مش مامتها
اقتربت منهم مسك صغيرة وقالت بمرح
- بس تقدري تقولي عليها مامتنا كلنا كل اللي هنا بيقولها قدام الناس ماما و بنا وبين بعضينا بتقولها يا سوسو
عطر/ يعني هو ينفع انا كمان اقولك يا ماما
مسك مقدرتش تقاوم دموعها اكتر من كده
شدتها لا اردي لحضنها ودموعها نزله
مسك/ اااه طبعا يا حببتي تقدري تقولي ماما انتي كمان انا امكم كلكم هنا
جرت لوجين عليها وحضنت مسك من ضهرها
لوجين / لاء بقا أنا كده هغير بقا الاول ما كنش عندك بنات غيري دلوقتي بناتك بقوا كتير يا ست سوسو
مسك شدت لوجين ابعدي دي امي انا بقا وانا اللي بيات في حضنها مش انتي
كل ده و مسك حاضنة عطر جامد اوي مش عاوزة نسبها
بيجاد غمز لمروة علشان محدش يلاحظ
مروة/ خلاص بقا يا بنات ابعدو عن سوسو سبوها تعرف تتنفس
نطق فارس لأول مرة و هو يدقق النظر لمسك
فارس/ هو حضرتك تقربي للعيله ايه
التفت الكل ينظر لفارس باستغراب وكأنه كائن هبط من الفضاء
فارس / في ايه يا خونا هتكلوني كده ليه انا بس يسأل انا شايف انها محمور اهتمام الكل وأنها واضح حد مهم في العيله و الكل بيحبها قلت اتعرف بس عليها
قامت مسك صغيرة واقتربت منه وهمست بصوت منخفض :
-هو لسانك ده مش بيعرف يخش في بقك خالص ارحمة شوية ودخله يمكن يرتاح
فارس/ هو حد جه جانبك ولا وجهلك كلام انا مش فاهم غير أن لسة بنا حساب مخلصش اوعي تكوني فاكرة إن علشان طلعتي قريتي أو معرفة هرحمك من اللي ناوي عليه لا خالص
مسك صغيرة/بغرور. هو انا مقلتلكش أن ما بخفش يا بتاع بلاد برا
فارس / امممم بلاد برا انا هوريلك بقي شغل تقفيل الخارج يا بتاعة بلاد جوا يا ام ملايه لف ماشي
شهقت مسك / هي حصلت ملايا لف لا ميغركش أن انا سكانه في زيزينيا لا خالص انا زي اجدع بنت من بنات البلد وعندك حق ملايا لف بس استحمل بقا خربشت بتوع ملايات اللف
من بعيد هند / يلا يا جماعة السفر جاهزة قام الكل علي الاكل ماعدا مسك الكبيرة و بيجاد اخر نفسة عنهم
الكل راح ماعدا بيجاد ومسك
فضلت مسك باصىه لبيجاد و دمعها سبقها
جري بيجاد عليها وبكل حنان
بيجاد/ كفابا بقا عياط يا راحة قلبي متوجعنيش اكتر من كده
مسك/ انا لو راحة قلبك بجد ما كنتش وجعت قلبي انا كده متصلتش و قلتلي ليه انكم جاين مصر يا بيجاد تسبني كده اخد المفجاءة
بيجاد/ ضمها لحضنة قوي علشان اشوف كل مشاعر دي علي وشك يا راحة قلبي من جوا علشان لما اضمك لحضني احس الاحساس اللي انا حاسة دلوقتي يا بنت قلبي وعمري
مسك / كان نفسي قوي أضم فارس لحضني واشم رحته قوي فارس ده اللي انحرمت من حضنة وهو لسة مولود ملحقتش اضمة لحضني نفسي قوي يا بيجاد احضنه جامد زي ما حضنت عطر
بيجاد/ مش أن الاوان بقا يعرفوا الحقيقة يا مسك
خرجت مسك من حضن بيجاد
مسك/ لاء يا بيجاد اوعي مش لازم يعرفوا دلوقتي لحد ما نأمن الدنيا احنا نسنا الفيديو ونسينا نتابع اخباره
بيحاد/ للاسف لما نعمل بحث بلاسم بيطلع الفيديو لسة
مسك/ ااااااه هفضل ادفع تمن غلطة ما عملتهاش العمر كله بجد تعبت قوي يا بيجاد تعبت و خلاص ما عتش قادره استحتمل اكتر من كده
شكلي هعيش العمر كله محرومة من عيالي و أن أسمع منهم كلمة ماما
ولكن دخلت عطر فجاءة و بدون مقدمات
عطر/ماما, مش يلا بقا الاكل هيبرد
ونظرت لبيجاد من م قالت
- امممممم وانت بتعمل ايه عندك هنا يا سي بابا و قربت منه وغمزت بعنيها هي الصناره غمزة ولا ايه وجيت في وقت مش مناسب
شدها بيحاد من قفها ولا ايه يا لمضة تعالي يلا علشان الاكل ثم نمى لمسك ويلا يا م؟. يلا علشان الاكل
هزت مسك رأسها وقامت معاهم
دخل بيجاد وهو شادد عطر من هدومها و الكل ضحك علي منظرها
الكل كان بيأكل في جو أسري مليان بالحب و فارس عينه علي مسك صغيرة متابعة شقاوتها وضحكها مع بنات عمه وكأنها هي مقربه جدا ليهم والكل بيحبها ماعدا فرح كانت تنظر لها نظرات غل
لا حظ فارس نظرات كل واحد و حلل شخصية كل واحد قاعد علي سفرة ولحد مسك الكبيرة واحتار من نظراتها لهم و من شخصيتها
وقعت عينه علي فرح و هي بتبص للبنات بغل و بلذات مسك صغيرة
فارس /وانتي يا فرح بقا خريحة ايه
جوبت رحمة اختها بدون تفكير
رحمة/ احمد ربنا دي اخدت بكالوريوس تجارة بطلوع الروح لما يأسنا من أنها اكمل
فرح/ محدش عينك المحامي بتاعي عندي لسان و بعرف ارد كويس مش قالك اتكلمي عني
ماجد/فرح في ايه اختك بتهزر معاكي ايه حصل
عليا/ سيبك منها يا بابا فرح كده لو ملقتش حد تعككن عليه بتعككن علي نفسها هي كده
فرح/ هو في ايه يا عليا طايب رحمة اختي وانا حستقبل منها لكن انتي ايه دخلك بنا
عليا/ ليه أن شاء الله منا اختك أنا كمان ولا مش واخده بالك
فرح / انا اقصد أن رحمة اختي شقيقة
مسك الصغيرة/ اهدي علي نفسك شوية يا فرح هتختفي من كتر الاكل في نفسك براحة
فرح/ ااوف بت انتي انتي بالذات تقيله علي قلبي مش عرفه ليه مش بحب اكون في مكان انتي فيه بجد مش عارفه ابلعك
مسك صغيرة/ ولا تزعلي ابلعك نفسي لوجي ناولي القطة كباية ماية علشان تعرف تبلع و لا حد يخبط لها علي ظهرها يمكن اكون واقفلها في معدتها
قرب منها جاسر وحط ايده علي كتفها
جاسر/ اتصدقي بالله يا لمضة هانم اليوم اللي متصبحش بلسانك مبعرفش اعيش
فارس حاس أنه مضايق من جاسر وقربه الشديد من مسك و هزارها معاه وكأنه هو اللي اخوها مش حمزة
حمزة / اقعد بقا يا جاسر خليني اعرف اكل بقا
جاسر/طول عمرك همك علي بطنك ما بتعرفش تفرمل نفسك قدام الاكل
حمزة / اعمل ايه ما سوسو و شلتها اكلهم ما يتقاومش
فارس/ حلو قوي الاسم ده سوسو وشلتها
هند/ ما ده اسم المشروع بتعنا علي النت اسمنا سوسو وشلتها بنعمل اكلات ونوزعها اون لاين
فارس/ بجد ممتاز حلو قوي
مسك صغيرة/ بصراحة مش عارفين من غير ممتاز حلو قوي دي كنا حننجح ازاي فعلا كنا مستنين التاتش بتاعك حلو قوي ممتاز قالتها وهي يتقلد صوته ثم قالت ايه يا بني انت متحمل نفسك كده ازاي
بيجاد نظر له وغمز بعينه لفارس أن مسك علمت عليه تاني مرة
فارس بعتلة نظرة ان الصبر حلو
انتهوا من الاكل و قامت كل البنات تشيل السفرة
مسك بنشيل الأكل معاهم
عطر/ مسك انتي شكلك واخده علي بنات هنا قوي
مسك / بصي ياعطر انا بعتبرهم كلهم هنا اخواتي لوجين و وجميلةو عليا ورحمة حتي فرح بحاول اتحملها رغم رخمتها مع الكل
عطر/,وهي تنظر نواحي عمتها وهند و مسك وندي من واضح بردو أن حتي كبار و اخدين علي بعض قوي كان خالتك قريتهم اختهم الكل بيحبها
مسك./ هما شركا مع بعض من زمان الاول مشروع الاكل اللي علي النت لحد ورده مسك
عطر/ الله خلو قوي الاسم ده بجد جميل وردة مسك
مسك / ده اسم المطعم اللي خالتوا سوسو فتحته والكل شريك معاها من الاخر المطعم ده الكل شريك في بحاجة بس تعرفي اهم حاجة هما شركا فيها ايه
عطر بفضول واضح ايه هي يا مسك
مسك/ الحب الغريب اللي بيربطهم ببعض وكأنهم كلهم اخوات بدم
عطر/ تعرفي يا مسك أن خالتك دي فيها حنان غريب قوي حاسيت وهي بتحضني با حساس اول مرة احسه انا ما كنتش عاوزة أخرج من حضنها خالص احساس انا مش عارفة اوصفه عارفه لما تحسي انك تايهة في مكان مش بتاعك و حاسة انك يتيمة ملكيش حد و فجاءة تيجي ايد تسحبك من ده كله و تاخدك جواها وتحسسك بالأمان و كأنها بتقول للعالم ده كله انا هو و البت دي تخصني واي حد حايجي عليها حاكله باسناني
فرح/ بتريقة والله جد كل يا حنينه اتصدقي دمعة حتفر من عيني
عطر/ لا يا فرح علشان انتي مجربتبش احساس اليتم انك تبقي يتيمة محرومة من ام تطبطب عليكي انك تبقي في مدرسة داخلي طول الاسبوع و ترجعي في الإجازة متلقيش ام فاتحة أيدها مستنياكي في حين أن كل الامهات بتبقي مستنية عيالها علي باب المدرسة علشان بقضوا معاهم الإجازة لكن انا وفارس كنا نطلع من المدرسه يا نلاقي سواق مستنينا أو بيجو لو فاضي بيستنانا بنفسة
كنا بنرجع البيت بدل ما نجري علي ام تحضنا كنا بنلاقي مريية في انتظارنا و كأنها ريبوت إنسان آلي مش بني آدم من لحم و دم اول ما تخش تبداء في إصدار الأوامر
خشوا اغسلوا ايدكم علقوا هدمكم تعالوا كلوا
تعرفي عمرها ما سالتنا تحبوا تاكلوا ايه كنا بتأكل اللي يتحط قدمنا ممنوع نعترض علي نوع الاكل
فرح/ اتصدقي صعبتي عليا خالص و كل ده اللي حاستيه ده من حضن اللي اسمها م..
مسك صغيرة/ اايه في ايه يا فرح و ماسكت ملوخية قلبتها عليها
فرح / بصوت عالي سمع الكل انتي انعبطي ولا شكلك كده يا زفته انتي
مسك /ببرود اولا اسمي مسك غير كده مش قاصدي اكعبلت في السجاده وانا بشيل الطبق و قع عليكي سوري بقا يا فوفو
ندي و ماجد و مسك وبيجاد واقفين بصوا لبعض و ماتووا ضخم افتكروا منظر فاطمة بلملوخية وكان التاريخ بيعيد نفسه من جديد
فارس/ ما ضحكونا معاكم في ايه اللي يضحك كده
ندي جلست علي الأرض من كتر الضحك وكان المشهد بيتعاد قدمها تاني و مسك شايله حله ملوخية و بتقلبها علي فاطمة
جاسر و حاتم شالو مسك الصغيرة من دراعاها والاتنين في نفس واحد أطلقوا صافرة اعجاب ويا مسك يا جااااااامد اديلوا بقااااا مترحمهوش
شعر فارس بلغيرة للمرة تانبة لا يعرف سببها ولكن وشه احمر من الغضب
فارس بطريقة هجوم / انتم بتشجعوها علي ايه علي الخيبة. انتم شايفين أنها عملت حاجة صح اللي عملته ده اسمة قلت ذوق و ربايه أنها كل ما تشوف حد تقلب عليه حاجة تبقي مش محترمة
نزلت مسك من ايدهم و الجو اتكهرب
مسك قربت من فارس وبصوت كله غضب
مسك / انا محترمة غصب عنك و هتفضل اتعامل كده بطبيعتي مع أي حد ميعجبنيش و اعلم عليه كمان ولا ايه يا بشمهندس و اخدت شنطتها و مشت من غير ما تبص وراها