رواية القاسي والقوية
الفصل السابع والثلاثون37
بقلم مريم هاني
في الصباح استيقظت اسيل من نومها وهي تشعر بوجع فظيع في رأسها فظلت تفرك بها حتي تهدأ من هذا الوجع الي ان استمعت الي صوت فهد القادم من الحمام يلف خصره بمنشفة طويلة ويجفف شعره بمنشفة اخري اصغر
فهد:صباح الخير
اسيل ببرود:صباح الزفت
فهد:شبهك يروحي
اسيل بقرف:لا وانت صادق شبهك انت زففففففت ومهبب
فهد بسماجة وهو يقترب منها:بجد؟! مع ان البنات اللي بتشوفني مبيبقاش دة رأيهم يعني بالعكس بيبقي رأيهم انه صباح قمرررررررررر
اسيل:نينينينينينينيني بنات هبل وبعدين هما بيقولوا كدة عشان مافيش واحدة فيهم عاشت معاك ولا شافت اللي انا شوفته اوعي من وشي كدة حرقت دمي على الصبح
كانت ستقوم ولكنها شعرت بدوخة وكادت ان تسقط ولكن امسكها فهد بسرعة قبل ان تقع
فهد بقلق:مالك في اي
اسيل بتعب:ماليش انا كويسة
فهد:كويسة اي انتي مش شايفة نفسك دة انتي مش قادرة تقفي علي رجلك
اسيل:قولتلك مافيش دة من الارهاق بس مش اكتر
فهد:طب اقعدي ثواني وجاي
اجلسها علي السرير وارتدي ملابسه علي عجل وخرج من الغرفة وبعد دقائق عاد وهو يحمل كوبا من العصير ف يده
فهد:خدي اشربي دي وهتبقي تمام
اسيل برفع حاجب:دة ليا انا؟! وكمان جايبه بنفسك يا ببلاوي الاه؟!!!!
فهد بضحك:اومااااااااال😂
اسيل:وه...... دة انت متابع اهو وخفيف كمان
فهد بغرور مصطنع:طبعا يبنتي.... يلا بقي اشربي العصير عشان الدوخة دي اكيد بسبب قلة الاكل فجالك هبوط
اسيل:متتنفخش علينا كدة بس.... وبعدين انا مش هشرب العصير دة انا ايش ضمني انك مش حاططلي فيه حاجة
فهد بأستغراب:هحطلك فيه اي يعني مش فاهم
اسيل:يعني سم او مثلا مخدر عشان تتغرغر بيا
فهد بضحك:اتغرغر بيكي 😂انتي هبلة يا اسيل يعني انا لو عايز اتغرغر بيكي هديكي مخدر ما انتي عارفة اني اقدر اعملها من غير مخدر ولا اي 😉
كشرت اسيل عند تذكرها لتلك الذكري فقالت ببرود:انا مش هشرب العصير مش عايزة
فهد:لا هتشربي وغصب عنك
اسيل بغضب:لا مش هشرب وريني هتشربني ازاي
فهد بهدوء:انتي لو مشربتيش العصير انا هبوسك دلوقتي وممكن البوسة تتجرأ وتبقي حاجات تانية هموت واعملها بس انتي متحبيش اني اعملها
اسيل بصدمة:انت قليل الادب علي فكرة
فهد بغمزة:وسافل كمان يروحي 😉😂ها هتشربي ولا انفذ اللي قولت عليه
اسيل بتحدي:متقدرش علي فكرة
فهد:بتتحديني يعني.... تمام يلا نجرب نشوف كدة هقدر اعملها ولا لا
ظل يقترب منها وهي ترجع للخلف الي ان وصلت الي نهاية السرير وكانت ستقع ولكنه حاوطها بزراعه فأصبحت في احضانه تقريبا
فهد:ها هتشربي ولا اكمل اللي بعمله
اسيل بتوتر وخوف:لالا خلاص هشرب بس اوعي
فهد بخبث:متأكدة عايزاني اوعي
اسيل فهمت:لا مش توعي وتخليني اقع اقصد اعدلني وبعدها اوعي عادي
فهد بضحك:ماشي......اديني عدلتك خدي اشربي يلا
اسيل بغيظ:هات يرب اللي فيا يجي فيك
فهد:بطلي رغي وبرطمة واشربي دة عصير مش لبن يعني عشان تعملي كدة
نظرت له بغيظ ولم تنطق وقامت بشرب العصير فأخذ منها الكوب وارجعه لمكانه وعاد ليجلس بجانبها
اسيل:انت مش رايح الشغل ولا اي
فهد:لا انا اجازة انهاردة هقعد معاكي عشان لو تعبتي تاني ولا حاجة
اسيل بسخرية:ومن امتي الحنية دي كلها بقي انشاء الله اي حسيت بالذنب فجأة ولا طلع عندك دم
فهد:شوفي يا اسيل انا ساكتلك من الصبح عشان عارف ان نفسيتك تعبانة وعارف ان حقك تعملي اكتر من كدة بس انا مش هقبل بأي تجاوز تاني ف الكلام معايا والا هتشوفي وشي التاني اللي انتي مبتحبهوش تمام
اسيل:اقولك علي حاجة؟! طظظظظظظظظ.... خلاص مابقاش يفرق معايا اعمل اللي تعمله انا مش هخسر اكتر من اللي خسرته اصلا انت خسرتني كل حاجة حلوة ف حياتي فاضل اي تاني بقي
فهد:يمكن لمار ومامتها
اسيل:متقدرش تعملهم حاجة لانهم يهموا سيف صاحبك وانت مستحيل تعمل حاجة زي كدة
فهد:انتي صح بس كمان اقدر اخليهم يشوفوكي وانتي بتتعذبي ومش قادرين يساعدوكي حتي سيف نفسه مالهوش انه يتكلم اي رأيك
اسيل:انت اكتر واحد زبالة شوفته ف حياتي علي فكرة عمري ماهشوف حد زيك
فهد:عارف.......قومي البسي وانزلي تحت انا مجمعهم كلهم تحت عشان في حاجة مهمة لازم كلكم تعرفوها
وتركها ورحل وظلت هي تشتمه بكل الشتائم التي تعرفها وبعدها قامت لتأخذ حماما وتنزل كما قال
•~•~•~•~•~•~•~•~•~•~•
نزل فهد للاسفل وجد الجميع ومنهم فريد يجلسون ويتناولون الافطار
فهد:صباح الخير
الجميع:صباح النور
جلس فهد ليتناول افطاره فقال فريد:فهد صافي وسوزي ف المخزن هتعمل معاهم اي
سيف:اة وكمان جبت الواد اللي انت قولتلي عليه ومحامي سوزي كمان
فهد:تمام هنخلص اكل واسيل تنزل وساعتها هقولكم هنعمل اي
لمار بهمس لسيف:هو في اي انا مش فاهمة حاجة
سيف:وانتي من امتي بتفهمي اساسا يقلبي كلي كلي
لمار بغيظ:انت بااااارد وغلس علي فكرة
في هذه الاثناء اتت اسيل والقت تحية الصباح علي الجميع وهي تجلس بجانب فهد:صباح الخير
الجميع:صباح النور
صفاء بحنان:عاملة اي دلوقتي يحببتي
اسيل بأبتسامة باهتة:احسن الحمدلله
فهد:سيف فريد تعالوا معايا يلا علي المكتب عقبال مايخلصوا فطار
وتركهم ورحل فقال سيف بحنق:مافيش مرة ابات عنده الا ويقومني جعان من علي الاكل معندوش ذوق البني ادم دة
فريد:وانت من امتي بتشبع اصلا يسيف انا اصلا مستغرب ان جسمك رياضي بقولك اي خلص وتعالي الجو مش ناقص انت عارف
وتركه ورحل فقال سيف بغيظ:يا اخي انا مش عارف اتصالحتوا لي ماكنتوا مريحين وانتوا زعلانين مع بعض......اووووف
ولحق به اما اسيل ولمار نظروا لبعض بصدمة وقالوا ف نفس واحد:اتصالحوا!!!!!!!! ازاي دة؟!
صفاء:في اي مالكوا انتوا الاتنين
لمار:ماما هو سيف قال اتصالحوا صح
صفاء:ايوة يا اخرة صبري
لمار:بااااااس تبقي القيامة هتقوم
صفاء بأستغراب:اي اللي بتقوليه دة انا مش فاهمة حاجة فهموني
اسيل:يطنط الموضوع ان فريد وفهد بينهم مشاكل كتير من زمان زي مابنقول كدة بينهم مصانع الحداد والمشاكل اللي بينهم دي مش سهل انها تتحل بين يوم وليله دول لو كانوا يطولوا يموتوا بعض كانوا عاملوها من زمان اساسا
صفاء بذهول:للدرجة دي
لمار:واكتر ولاهي يصفصف
اسيل:بس هو فهد كان قصده اي لما قال عقبال مانخلص فطار هو في حاجة ولا اي
صفاء:اة من شوية فريد كان بيسألوا بيقوله ناوي تعمل اي معاهم قاله لما اسيل تنزل ونخلص فطار
لمار:اة وكمان فريد طلع حابس صافي وواحدة تانية كدة اسمها سوزي ف المخزن وسيف كمان قاله علي واحد كدة جابه ومعاه محامي اللي اسمها سوزي دي
اسيل بأستغراب: سوزي ودي فهد هيجبها لي
لمار: هي مين سوزي دي اساسا انا معرفهاش
اسيل: يخربيت ذاكرة السمك بتاعتك يبنتي سوزي دي مرات ابوه اللي جات قبل عشان تعمل مشكلة ساعة ما جه يتقدملي
لمار:اة اة خلاص افتكرتها بس دي هيجبها لي اي علاقتها باللي حصل؟!
اسيل:معرفش بس اكيد عاملة مصيبة مستحيل فهد يجبها كدة وخلاص هو مش اهبل او عبيط عشان يعمل حركة زي دي
صفاء:هنعرف دلوقتي كل حاجة متستعجلوش ويلا خلينا نخلص الفطار دة
اومأوا الاثنان لها واكملوا طعامهم وتفكيرهم منشغل فيما سيحدث بعد قليل
•~•~•~•~•~•~•~•~•~•~•~•
اما في داخل مكتب فهد جلسوا الثلاثة سويا فقال سيف:ممكن بقي تفهموني هتعملوا اي مينفعش ابقي اخر من يعلم علي طول كدة
فريد:انا شخصيا زيي زيك انا عملت زي ما طلب مني امبارح ومعرفش حاجة تاني
سيف:وه.....لا شكل الموضوع كبير بقي
فهد:ممكن تكتموا بقي
سيف:يعم انت عمال تكلم مين علي الفون
فريد:صحيح انت عمال تكلم مين
فهد:خليكوا ف حالكوا واسكتوا شوية ممكن؟؟
بالفعل صمتوا هما الاثنان علي مضض.......ظلوا علي هذا النحو لفترة الي ان اتت رسالة لفهد فرأها
فهد وهو يقوم:يلا بينا
سيف:يلا فين يجدع
فريد:واي الرسالة دي اللي خلتك تقوم كدة
فهد:هتعرفوا كل حاجة دلوقتي خلينا نطلع بقي
خرجوا ثلاثتهم الي الصالون وكانت اسيل ولمار وصفاء موجودين ولكن ما اثار استغرابهم هو وجود فوزي محامي والد فهد والمسئول عن الوصية
فريد:استاذ فوزي بتعمل اي؟!
فوزي:فهد يقولك
سيف بسخرية:دلوقتي نسأل فهد ميردش صح
فهد:بس.........نده علي الحراس........ هاتوا اللي ف المخزن بسرعة يلا
الحراس:تحت امرك يفهد بيه
ثواني ودخلت صفاء وسوزي ومحامي سوزي وايضا شاب ولكن لم يتعرفوا عليه ولكن كانت حالتهم مذرية فمن الواضح انهم تعرضوا للضرب والتعذيب
اسيل:فهد هو في اي.... اي اللي بيحصل ومين عمل فيهم كدة ها؟؟؟
فهد بحنان:ممكن تهدي شوية وانتي هتعرفي وبلاش التوتر دة
اومأت له فأبتسم لها بأطمئنان ووجه حديثه لسوزي بعد ان عادت ملامح وجه القاسية
فهد:اهلا بيكي يا سوزي هانم
سوزي بغضب:انت عايز مني اي وازاي تعمل فيا كدة اصلا انت اتجننت ولا اي يفهد
فهد بصراخ:صوتك ميعلاش انتي فاهمة وبعدين هو انا لسة عملت حاجة اصلا انا لسة هعمل وهدفعك تمن كل اللي عملتيه انتي وبنت اختك الزبالة..... تصدقي انا متصدمتش لما عرفت انها بنت اختك عارفة لي عشان انتوا الاتنين فيكوا من نفس ال*** والحقارة بالظبط
صافي بغضب:فهد مسمحلكش تتكلم عننا كدة اتكلم بأدب شوية
كان فهد سيرد ولكن قاطعه سيف:لا معلش سيبلي انا الطالعة دي عشان مغلول.... أدب اي يا امو ادب انتي ....انتي اخر واحدة تتكلم عن الادب انتي لو مؤدبة ومحترمة مكنتيش تسيبي فهد اول ما وقع ف مشكلة وبعدها تروحي تتجوزي اعز اصحابة يا زبالة
صافي:دة فريد هو اللي هددني وقالي لو متجوزتوش هيخلي فهد يقضي حياته كلها ف السجن وانا.....
لم تكمل كلامها بسبب الصفعة التي تلقتها من فهد فنظرت له بصدمة وقبل ان تنطق بحرف كان ممسكا بها من شعرها
فهد بغضب جحيمي:اوعي اسمع حسك تاني كفاية كذب بقي انتي اي معجونة بمياة كذب بس هقول اي ما انتي مش هتجبيه من برا طالعة لخالتك الفاضلة علي فكرة انا عارف كل حاجة.... نظرت له بصدمة فأكمل..... ايوة ماتتفجأيش اوي كدة انا عارف كل حاجة عملتيها انتي وخالتك من زمان..... اي يا سوزي ياهانم مش عايزة تقولي حاجة
سوزي ببرود:انا مش فاهمة انت بتتكلم عن اي
فهد:حلو افهمك انا......وعشان تفهمي اسمعي دة كويس اوي بقى
قام بفهد بتشغيل تسجيل صوتي لمكالمة سوزي وصافي وهم يتفقون علي سرقة فهد وخلق مشكلة بينه وبين اسيل
Flash Back
سوزي:اسمعي يا صافي انتي هتهدي اللعب علي الاخر الفترة دي وبعدها بقي هنضرب الضربة القاضية
صافي:واللي اي هي بقي
سوزي:بصي بقي انتي هتروحي لفهد مكتبه وتتدلعي عليه شوية وتكوني متفقة مع حد ياخدلكوا كام صورة حلوة كدة وف نفس الوقت تكوني متأكدة ان ساعتها هتخش اسيل عليكوا واكيد هي مش هتستحمل وهتمشي وفهد هيجري وراها ساعتها تدوري علي ورق الوصية وانا هبعتلك ورق غيره تحطيه بداله وكمان الواد اللي هتتفقي معاه يصورك انتي وفهد يركب كام صورة حلوة كدة لاسيل بس اللي يشوفهم ميشكش انهم تركيب
صافي:طب الورق وعارفين لي انما الصور دي بقي لي
سوزي:صور اسيل تتبعت لفهد فيضربها ويهنها ويطلقها ولو محصلش يبقي ف نفس الوقت نبعت الصور بتاعتك انتي وهو لمامة اسيل وساعتها مش هتستحمل لانها مريضة قلب وهتروح فيها وساعتها الحق كله هيكون علي فهد واسيل اكيد هتطلب الطلاق منه وبكدة نكون خلصنا من اسيل وانتي تتجوزيه و نبقي اخدنا كل حاجة
صافي بأنبهار:الله عليكي ياخالتو اي الدماغ دي
سوزي بفخر:اتعلمي يا خايبة يلا نفذي اللي قولتلك عليه بس زي ماقولت نخف اللعب شوية
صافي بأبتسامة واسعة:تمام سلام
سوزي:سلام
Back
فهد:ها اي رأيك افتكرتي
سوزي:اي دة انا مقولتش كدة اكيد انت مفبركه
فهد:بذمتك انتي مصدقة نفسك.... ولا بلاش بذمتك عشان انتي معندكيش ذمة اصلا..... طب انا همشي معاكي للاخر واصدق انك مقولتيش كدة ورق الوصية اللي لاقيته ف اوضة بنت اختك وصل هناك ازاي ممكن تفهميني......لم ترد عليه سوزي فأكمل فهد.... طب بلاش دي احنا نسأل الكلب دة
امسك فهد ذلك الشاب من تلابيب قميصه:قول اللي قولته امبارح لاتزود حرف ولا تنقص حرف يا اما تتشاهد علي روحك
الشاب بخوف:ح حاضر يباشا
فهد:انطق
الشاب:الست صافي اتصلت بيا من فترة وطلبت مني اصورها هي وحضرتك وانتوا مع بعض وقالتلي انها هتسهلي دخولي الڤيلا وكمان طلبت مني اصور المدام بتاعة حضرتك نفس الصور بس مع حد تاني ولو معرفتش ابقي اركبلها كام صورة وابعتهالك وف نفس الوقت ابعت صور حضرتك لواحدة اسمها فريدة
فهد بترقب:يعني الصور اللي انت بعتهالي كانت تركيب صح
الشاب بخوف:هو صح وغلط
فهد بغضب اعمي:احنا هنلعب يلا ماتقول قصدك اي اخلص
الشاب بسرعة:اقصد يعني اني فضلت ماشي وراها بس مكنتش عارف اخدلها صور لغاية مالقتها واقفة مع شاب بس وقفتهم وكلامهم كان عادي وكمان مكملوش عشر دقايق علي بعض لغاية وهي ماشية كانت هتقع فهو مسكها عشان متقعش وبعدت هي عنه بسرعة بس كنت لحقت انا اخدلهم صورتين
نظر فهد لاسيل بنظرة ندم وحزن قابلتها هي بنظرة برود وقسوة وعتاب احرقت قلبه فأغمض عينيه بألم ثم قال: سيف خده علي المخزن روقه شوية وبعدها سلمه للبوليس يشوف شغله معاه
سيف:حاضر
بالفعل سلم سيف هذا الشاب للحراس ليفعلوا به كما قال فهد وسط صراخ هذا الشاب...... ثم نظر فهد لصافي بنظره جعلت الرعب يدب في اواصلها
فهد:ها يا استاذه صافي اي رأيك
صافي بخوف:ففهد صدقني انا ععملت كدة من حبي ليك
ضربها فهدبالقلم وقال:اخرسي وماتقوليش انك بتحبيني .....انهي حب دة اللي يخليكي تبعيني وتروحي تتجوزي صاحبي....... لا وبكل بجاحة جاية تاني عشان اسامحك ونرجع لبعض
صافي:صدقني يفهد هو اللي هددني
اسكتها بصفعة اخري:اخرسي بقي وكفاية كدب قولتلك اني عارف كا حاجة يا هانم
نظرت له صافي بصدمة:قققصدك انك عرفت بال.......
فهد:ايوة عرفت اللي حصل زمان وخلا فريد يتجوزك
صافي بصدمة:ازاي؟!
فهد:قولها انت يفريد
فريد:يوم فرح فهد واسيل .....
Flash Back
ذهب فهد لفريد وظل يطرق الي ان قام فريد بفتح الباب فقام فهد بلكمه لكمه اطاحت به ارضا وجعلت الدماء تتفجر من انفه
فريد بغضب:في اي يفهد انت اتجننت ولا اي
فهد:انا برده اللي اتجننت...... انت اللي عملته يخليك اكبر مجنون ف الدنيا وملكش حق تتكلم عن الجنون اساسا
فريد:قصدك اي مش فاهم
فهد:صافي
فريد ببرود:ااااااه انت قصدك علي اللي حصل زمان! انت جاي تحاسبني دلوقتي علي اللي عملته زمان ولا اي؟!
لكمه فهد مرة اخري وقال:انا لو كنت عايز احاسبك كنت حاسبتك من زمان وانت عارف اني اقدر اعملها... يعني مكنتش هستني لدلوقتي
فريد بعدم فهم:اومال انت قصدك علي اي بالظبط مش فاهم
فهد:انا عرفت كل حاجة يا فريد.....نظر له فريد بصدمة فأكمل...... ايوة يا فريد عرفت كل حاجة وعرفت كمان ان صافي هي السبب ف اللي حصل هي وسوزي كمان.....ثم قال بصراخ... لي يا فريد عملت كدة
فريد بحزن:عشان مكنش ينفع يكون ف ايدي انقذك ومنقذكش يفهد انا عندي اخسر روحي ولا اشوفك ف مشكلة وف ايدي اني احلها واطلعك واسيبك حتي لو كان التمن انك تكرهني.....بس ولاهي انا مكنتش اعرف انهم هيلبوسوهالي انا
فهد:احكيلي كل حاجة
فريد:انت عارف طبعا اني مكنش ليا ف شغل الشركة دة وكنت مكتفي بشغلي وشركة بابا...... لكن اخر فترة كان بيجيلي رسايل كتير ان في حد ف الشركة بيسرب معلومات لحد منافس لينا ساعتها فكرت اقولك بس خوفت يكون دة فخ ولا حاجة فقولت اتأكد الاول وفعلا بدأت اروح الشركة كتير واكيد انت لاحظت دة طبعا..... بس لاقيت ان كل حاجة ماشية طبيعي ومافيش حاجة ساعتها اتأكدت ان دة فخ مش اكتر لغاية ما جه معاد المناقصة وحصل اللي حصل...... مكنتش عارف اعمل اي ساعتها وفجأة لاقيت سوزي وصافي جاينلي وقالولي انهم ورا كل اللي حصل وانهم مستعدين يخرجوك بس لو انا وافقت ان اتجوز صافي غير كدة كانوا هيخلوك تفضل ف الحبس وكمان كانوا هيجروا رجلك لقواضي تانية وحاجات توديك للاعدام مش بس تقضي حياتك ف السجن..... فأضطريت اني اوافق بس مكنتش اعرف انهم هيخلوك تفهم انه انا السبب ف كل اللي حصل انا عرفت الموضوع دة بعد ما اتجوزت صافي وسافرنا
فهد بحزن:ولي محكتليش لما خرجت من السجن لي تسبني كل دة اكرهك واحاول ادمرك..... انا كنت بعمل كل حاجة عشان اوبظلك شغلك وحياتك لي مجتش تحكيلي علي الاقل كنا اتصرفنا احنا طول عمرنا ايدينا ف ايد بعض يا فريد
فريد بأبتسامة:هو انت كنت طايق تسمع اسمي اصلا طب دة الواد سيف كان بمجرد ما يجيب سيرتي قصادك كان بيبات اسبوع ف المستشفي يجدع
فهد بخبث:وانت عرفت ازاي بقى؟!😏
فريد بتوتر:ماهو يعني
فهد بضحك:ههههههه انت لسة هتهته.... انا عارف ان سيف يعرف كل حاجة وكل السنين دي كنتوا علي تواصل مع بعض
فريد بحرج:الاه انت عارف؟😅
فهد:اة ياخويا عارف..... بص بقي انا قررت اني العب علي صافي واكشفها علي حقيقتها عشان خلاص انا تعبت وزهقت والحوار دة لازم يخلص بقي
فريد:وانا معاك..... اي اللعبة بقي
فهد:بص انا هروحلها دلوقتي وهفهمها اني مصدق اللي قالته وهفهمها اني عايزها تيجي تعيش معايا ف الڤيلا عشان تزل اسيل وتهنها وتعمل عليها حبتين كدة وتاني يوم هتيجي الڤيلا وتعمل معايا مشكلة بس ساعتها يا اما سيف هيكون هو اللي قالك ودة هيكون احسن يا اما انت تعمل نفسك عرفت لوحدك وجيتلي
فريد:طب وهو سيف هيعرف ازاي وهيكون احسن لي اساسا مش فاهم
فهد:هيكون احسن لان ساعتها هعمل معاه هو كمان مشكلة اما بقي هيعرف ازاي اكيد من لمار اللي هتعرف من اسيل مش محتاجة فقاقة بروح خالتك
فريد:يبني احترمني شوية مش كدة الله.......بس قولي انت هاتقول لاسيل صح
فهد باستغراب:لا طبعا هقولها لي
فريد بصدمة:نعم!!تقولها لي؟! تقولها عشان اللي هيحصلها دة..... وتبقى فاهمة ومتاخدش منك موقف وتكرهك دة احنا مصدقنا انكوا اعترفتوا لبعض يجدع انت
فهد ببرود:كدة كدة كان هيحصلها نفس اللي هيحصلها دلوقتي..... وياريت تخليك ف نفسك وخلاص مفهوم
فريد:لا مش مفهوم انت صاحبي ومن واجبي اني انصحك لما اشوفك بتغلط وبتهد حياتك بإيدك... اسمع يفهد لو اسيل دي ضاعت من ايدك مش هتلاقي زيها تاني
فهد ببرود اكبر:انا ماشي ونفذ اللي قولتلك عليه.... اه وبالمناسبة اسمها مدام اسيل مش اسيل حاف يا حليتها تمام
ورحل فهد وترك فريد ينظر في اثره بصدمة كبيرة وفاه مفتوح
Back
صافي:يعني انت عايز تقنعني ان سيف مكنش يعرف حاجة من دة كله
سيف:لا معلش سيبولي انا الطالعة دي انا اصلا ممبقوق من الولية دي اساسا...... اما انك ولية باردة صحيح انتي مال اهلك اعرف ولا ما اعرفش.......بس انا هرضي فضولك واقولك اعرف ولا ما اعرفش...... بعد ما رجعنا امبارح والعزا خلص دخلت لفهد المكتب بتاعه وساعتها
Flash Back
دخل سيف لمكتب فهد وجده يجلس مع فريد بكل اريحية فنظر لهم بصدمة وفاه مفتوح
فريد:اقفل الطاقة اللي انت فاتحها دي يلاااااا
سيف بصدمة:انا عايز افهم في اي بالظبط منين مش طايقين بعض ومنين قاعدين سوا كدة عادي كأنكوا صحاب اووووي..... وغير كدة كمان فهد لما يشوفك ف المستشفي ميعترضش وكمان يسمحلك انك تساعده ف ترتيبات العزا..... ثم قال بغضب...... انا عااايز افههههههم في اييييي بالظبط
فهد ببرود:فريد هو سيف صوته علي ولا انا بيتهيألي
فريد بخبث:لا علي فعلا وزعق كمان
سيف بتوتر:الله يحرقك يفريد.... لا يفهد متصدقش انا بس انفعلت سيكا.......ممكن بقي تفهموني اي اللي بيحصل بالظبط
فريد:خلاص يفهد لازم نقوله كل حاجة ويعرف اللي بيحصل عشان نخلص
فهد:ماشي......اقعد اسمع.... وقص عليه كل شئ حدث
سيف بغضب:ولاد الكلب ولاهي لاروح اطربقها فوق دماغهم دلوقتي
فهد بضيق لفريد:اهو عشان كدة مكنتش عايز اقوله مش قولتلك متسرع وهيودينا ف داهية
فريد بهدوء:اهدي يسيف واقعد وبلاش تسرعك اللي بيودي ف داهية دة
سيف:قعدت تقدروا تقولولي انتوا مستنين اي لغاية دلوقتي واي لازمة الفيلم اللي انتوا عملتوه دة ماكنا خلصنا منها علي طول وخلاص
تنهد فهد بغضب بسبب غباء صديقه فقال فريد بصبر: ويا اذكي اخواتك لما نخلص منها كدة علي طول هنعرف ازاي بقيت البلاوي اللي عملوها واللي ناوين يعملوها كمان ونمسك عليهم ادله تخلصنا منهم للابد ها تقدر تقولي هنعمل كل دة ازاي
سيف:ايوة ايوة صح ازاي راحت عن بالي دي
فهد ببرود:بسيطة...... لانك غبي طبعا..... انا اصلا مستغرب أني مكشفتكوش السنين اللي فاتت دي وازاي قدرت تخبي عليا وتقنعني انك مش طايقه
سيف بغرور مصطنع:عشان انا محدش يتوقعني طبعا
فريد:المهم دلوقتي يفهد هنعمل اي..... بعد اللي حصل انهاردة مينفعش تسكت ولازم تخلص كل حاجة
سيف:فعلا اللي حصل انهاردة اكيد ليه علاقة بالعقربيتين دول....... ثم اكمل بحزن...... واللي راح ف الرجلين هي طنط فريدة
فهد بغموض:انا متأكد ان ليهم علاقة باللي حصل وانا عايزكوا تطمنوا خالص كل حاجة هتخلص بكرة المهم فريد تخلي بالك من صافي وتخليها ف المخزن وكمان تجبلي سوزي وتحبسها معاها وانت يا سيف تجبلي محامي سوزي وهقولك علي واد كدة تجبهولي هو كمان
فريد/سيف:تمام
Back
سيف:والباقي بقي انتوا عارفينوا
فهد:اي يا سوزي هانم مش هتقولي حاجة
سوزي ببرود:اقول اي انا اصلا لغاية دلوقتي مش معترفة باي حاجة من اللي انت عمال تقول عليها دي لا انا ولا صافي عملنا حاجة
فهد:نفس الاسلوب اللي بتستخدميه بعد كل جريمة ليكي يا سوزي
سوزي:قصدك اي
فهد بغضب:قصدي على امي اللي موتيها بحسرتها بعد ما فقدتي الامل ان ابويا يطلقها ويسبها ف انتي تسكتي لا طبعا ازاي متبقيش سوزي هانم..... فضلتي تزلي فيها وتهنيها لغاية ما ماتت بحسرتها بسبب اللي حصلها علي ايدك ومكفكيش كل دة لا كمان روحتي موتي ابويا بكل دم بارد
شهق الجميع بصدمة ثم قالت سوزي بغضب كبير:انت اتجننت ولا اي يفهد....... ابوك مين اللي قتلته ما كلنا عارفين انه مات بسبب نوبة الربو اللي جاتله فجأة ولا انت ناسي انه ف اخر فترة كان بيشكي من الموضوع دة واكتر من مرة يتحجز ف المستشفي بسبب كدة واسأل فوزي المحامي كمان
فوزي:صحيح السيوفي كان تعبان اخر كام سنة بس الفترة اللي مات فيها بالذات كانت صحته تمام ومستقرة جدااااا ودة خلاني اشك ف موته بس مبينتش فقولت لفهد وهو اتصرف
سوزي بعدم فهم:يعني اي مش فاهمة
فهد بخبث:انا هقولك...... اللي حصل انه يوم ما اجتمعنا عند فوزي عشان فتح الوصية بعد ما روحت بليل لاقيت فوزي بيتصل بيا وقالي.......
Flash Back
كان فهد علي وشك النوم عندما اتاه اتصال من فوزي المحامي فقطب فهد حاجبيه بأستغراب ولكنه اجاب في النهاية
فهد بأستغراب:الو يا استاذ فوزي
فوزي بأحراج:انا اسف يفهد اني بكلمك ف وقت زي دة بس الموضوع اللي عايزك فيه مهم جدا
فهد:خير في حاجة تاني بخصوص الوصية
فوزي:مش بالظبط كدة
فهد:اومال اي انا مش فاهم حاجة
فوزي:شوف يفهد ابوك اخر فترة كان بيشك ف سوزي وفضل يدور وراها لحد ما اكتشف انها خدعته وانها دخلت حياته عشان الفلوس وبس....... وبعد ما اكتشف كل دة جه وقالي انه هيواجها ويعرفها انه عرف كل حاجة وهيكتفي بطلاقها بس عشان العشرة اللي مابينهم مش اكتر وانا حظرته وقولتله انه مش لازم يعرفها انه عرف كل حاجة بس هو اصر علي كدة...... وطلب مني اكتب كل املاكه بأسمك انت ف حالة وفاته وهي متاخدش اي حاجة من ثروته
فهد بأستغراب وعدم فهم:لحظة واحدة؟! منين قالك تكتب كل حاجة بأسمي ومنين انت حضرتك انهاردة قولت اني......
قاطعه فوزي قائلا:اللي قولته انهاردة كان كذبة مش اكتر........ والدك وصاني اني اعمل كدة عشان هو كان نفسه يشوفك مستقر وعندك زوجه واولاد وتتقدم ف حياتك...... بس هو كان عارف انه لو حط الشرط دة بس ف الوصية مكنتش هتوافق برضه وكنت هتسيب الثروة تروح للاعمال الخيرية عادي..... انما لو عرفت ان سوزي هيبقي ليها نصيب من الميراث هتنفذ عند فيها مش اكتر........ والدك كان عارف انك مستحيل تخلي سوزي تاخد قرش واحد من ثروته عشان كدة طلب مني احط الشرط دة..... لكن صدقني انت لو كنت رفضت كل حاجة كانت هتبقي ليك عادي وسوزي مكنتش هتاخد حاجة برضه
فهد بشك:طب انت لي بتقولي الكلام دة دلوقتي طالاما ان هو قالك ماتقوليش حاجة غير لما انفذ الشرط
فوزي بقلق:لان بصراحة يفهد انا شاكك ف موت والدك وحاسس انه مش طبيعي واللي ورا الموضوع دة هو سوزي
فهد بصدمة:قصدك انه......
قاطعه فوزي:ايوة يا فهد انا حاسس ان ابوك اتقتل
فهد بنفس الصدمة:بس ازاي هو مش لما اتنقل المشتشفي قالوا ان هو مات بسبب نوبة الربو وكمان دي مكنتش اول مرة تحصله الفترة دي
فوزي:انا معاك انه اخر كام سنة كان بيتعب كتير بسبب الموضوع دة بس الفترة الاخيرة قبل موته بالذات بالتحديد من ساعة ما ابتدي يكشف سوزي وهو حالته كانت مستقرة ومكنش فيه اسباب تماما لنوبة الربو اللي جاتله ف اي اللي حصل فجأه سببلوا النوبه دي واشمعنا ف اليوم اللي واجه فيه سوزي وقالها انه هيطلقها ومش هيسبلها حاجة من ثروته...... صدقني يفهد والدك كان بيحبك جدا وبيحب والدتك وانا كنت شاهد علي قصة حبهم صح والدك جه يوم وغلط لما ظلم والدتك بس صدقني كان غصب عنه..... تعرف انه ليلة وفاته كان مقرر يروحلك ويصالحك ويرجع الامور بينكوا تاني...... فهد انت مش هتسيب حق ابوك يروح كدة صح؟!
فهد بصرامة:اطمن يا استاذ فوزي حق ابويا اكيد هيرجع انا يستحيل اسيب حقه
فوزي بأبتسامة:انا كنت متأكد ان دة هيكون ردك
فهد بنفس الابتسامة:اطمن يا استاذ فوزي وسيب كل حاجة عليا......خليك متأكد اني هجيب حقه
فوزي بفخر:انا متأكد من كدة..... سلام
فهد:سلام
Back
فهد:وبعد كدة روحت لڤيلا بابا اللي مات فيها انا طبعا مخلتش حد يقفلها او يسيبها حتي الحرس اللي كانوا بيحرسوها مخليهم زي ماهما...... ولما وصلت وسألت الحرس عن نظام الامن عرفت ان ابويا اخر فترة ركب كاميرات ف الڤيلا كلها وخلا الموضوع سر محدش يعرفه بس الغريب اني لما راجعت كل التسجيلات ف اليوم اللي اتوفي فيه ماشوفتش تسجيلات اوضة المكتب ولما سألت الحرس قالولي ان الكاميرا باظت ف اليوم دة وهما خدوها وودوها للشركة عشان يصلحوها....... ساعتها روحت المكتب وفتشت فيه ولاحظت كاميرا صغيرة خالص محطوطة ف عين تمثال موجود ف الاوضة.... هنا شحب وجه سوزي فقال فهد بخبث..... مال وشك اصفر ولونه اتخطف ليه ولا بلاش تقولي انا هقولك اتخطف لي...... اتخطف لانك اكيد فهمتي انا شوفت اي ف تسجيل الكاميرا صح؟! شوفي كدة
قام فهد بتشغيل ڤيديو يعرض فيه السيوفي وهو واقع ارضا لا يستطيع التنفس وتدخل عليه سوزي وهي تبتسم وتنظر له بشماته
سوزي:تؤتؤتؤ منظرك يقطع القلب وانت ف الحالة دي تعرف انت ممكن تصعب علي اي حد ويساعدك لكن يستحيل تصعب عليا انا...... بقي عايز تطلقني وترميني ف الشارع من غير اي حاجة بعد كل اللي عملته عشان خاطر الفلوس...... ايوة ماتبصش كدة انا اللي عملت كل حاجة من موت مراتك لغاية سجن ابنك حتي خيانة صاحبه ليه انا السبب فيها حتي اللي انت فيه دة انا السبب فيه انا اللي حطتلك دوا ف القهوة بتاعتك يوصلك للحالة اللي انت فيها دي وبعد كل دة عايز تطلعني من المولد بلا حمص دة بعينك.... بالمناسبة ماتحاولش انك تنده حد لاني اديتهم كلهم اجازة انهاردة ومشتهم باي يبيبي
وتركته وذهبت يعاني الي ان تركت روحه جسمه وغادرت
فهد بغضب:انتي يستحيل تكوني بني ادمة انتي اكيد شيطان عشان تعملي فيه كدة انتي اي يشيخة ازاي قدرتي تعملي معاه كدة
سوزي بغضب وجنون:ايوة انا عملت فيه كدة لانه كان عايز يطلقني ويسيني كان عايز يكتبلك انت كل حاجة ويطلعني انا من المولد بلا حمص وانا يستحيل كنت اسمح بكدة مش بعد ما خططت لكل دة ونفذت اطلع كدة بلوشي مستحيل
فهد:طبعا مستحيل بعد ما شاكر المحامي بتاعك الزبالة لعب ف دماغك واستغل طمعك واقنعك انك تلعبي علي ابويا عشان فلوسه..... مستحيل تسيبي كل دة يروح من ايديك انتي وهو.... ولا اي يا متر
شاكر بخوف:اسستاذ فهد اسمعني انا مليش دعوة بكل اللي حصل دة صدقني
فهد:اكيد طبعا مش هصدقك لاني متأكد انك ورا كل اللي حصل حتي فكرة موت ابويا كانت منك انت بعد ماعرفت انه ناوي يطلق سوزي ويطلعها من المولد بلا حمص بس للاسف معنديش دليل ضدك
تنفس شاكر الصعداء فقال فهد بخبث:مترتحش اوي كدة انا برضه مش ممكن انسي اللي عملته وهدخلك السجن برضه
شاكر بخوف وعدم فهم:قصدك اي مش فاهم؟!
فوزي بأبتسامة:يعني انت اصلا يا شاكر محامي شمال وزبالة وليك بلاوي كتير احنا بلغنا عن بلاويك دي كلها وادمنا ادله كمان للنيابة وهما دلوقتي هنا عشان يقبضوا عليكوا انتوا التلاتة
وبالفعل اتت الشرطة والقت القبض علي كلا من سوزي وصافي وشاكر وانتهوا من شرهم للابد ويستطيعون ان يعيشوا بسلام وراحة الان......ولكن هل سيعيش فهد واسيل مع بعضهم بعدما حدث ام للقدر رأي اخر؟!